Friday 1 January 2010

عاجل: اعضاء مجمع البحوث الاسلامية ينفون صلتهم بفتوى شيخ الازهر

الحمد لله يارب الحمد لله، الحمد لله، الحمد لله، الحمد لله، الحمد لله، الحمد لله، الحمد لله الحمد لله
روحي يا اميرة يا هويدي، ربنا يسترك دنيا واخرة زي ما جبتي لي اللنك ده
ده انا اول ما قريت الفتوى بتاعة وجوب بناء الجدار حسيت ان حد شد كل هدومي من عليا في وسط ميدان التحرير يوم التلات الساعة اتنين ونص بعد الضهر قدام مجمع التحرير، هو الخبر بيتكلم عن حاجات كتير وراح جاي في البرجراف الاخير وقايل كده:
من ناحية أخري أبدي عدد من أعضاء مجمع البحوث الإسلامية استياءهم من بيان شيخ الأزهر الذي يؤيد فيه بناء الجدار العازل بين مصر وقطاع غزة، ورفضهم مضمونه وقالوا إنهم لم يشاركوا في مناقشة الموضوع وأن شيخ الأزهر أصدر البيان بقرار فردي ولم يأخذ برأي أغلب أعضاء المجمع، وقال الدكتور محمد رأفت عثمان- عضو المجمع- إن البيان لم يناقش كما ينبغي لأنه بيان حساس يمكن أن يضر بمصلحة المسلمين، وأن طنطاوي لم يأخذ رأي أحد، مضيفاً أن تعليق المجمع علي البيان لن يأتي بنتيجة لأي أطراف وسوف يخلق خلافاً بين أعضاء المجمع نحاول أن نتلافاه.
-------------
خلاص، طلع طنطاوي، ما تزعلوش بقى، ده طنطاوي يعني مش حاجة تضايق


22 comments:

مواطن مصري said...

جبهة علماء الازهر ملهاش صفة رسمية

أبو أمك said...

كويس أهي جت سليمة..وطلع رأي فردي..وقضى أخف من قضى
كده تبقى هدومك اتشدت في أحد ميادين جاردن سيتي حيث الكثافة السكانية الأقل
وإذا كان طنطاوي بالدف ضارباً...فلا تظنن أن الليث يبتسم

سامي said...

انا زيك مكنتش مصدق تورط اعضاء المجمع فى بيان زى دا خاصة وان اليوم الساقع ذكر اسماء كالشيخ محمد الراوى ومصطفى الشكعة ودا مستحيل ..الحمد لله ان البيان طلع مسئولية شخة الازهر وحده هذا الكائن الهلامي العجيب زى ما بيصفه الشيخ وجدى غنيم الله يفضحه ويهتك عرضه ويخليه عبرة ومثل

Unknown said...

الحمد لله - انا اتفزعت بحد
قلت أخر الجهات الدينيه الرسميه المحترمه فى البلد ذهبت مع الريح

هو مش كفايه على الراجل ده ؟!
ده هايتعذب عذاب وحش أوى
المتاجره بالدين وبمنصب المفتى والقاضى أشد من الكفر

أنا مش من هواة تكفير الناس عمال على بطال

بس لما يكون معايا أمانة كلمه بيسمعها ملايين الناس وممكن بعضهم يصدقوها ويعملوا بيها - ده كبير أوى عند رب الخلق

مين اللى فيه عقل يغضب المعبود بالشكل ده علشان العبد ؟!!

MohmdFthy said...

السفير الاسرائيلي في مصر
http://www.aljazeera.net/NR/EXERES/EFF3778C-3104-4DB8-A787-FC4A9260A26B.htm

Unknown said...

بس الخبر منقول ان التبرء من الفتوى ونسبها للمفتى عن طريق مجمع البحوث الأسلاميه مش جبهة علماء الأزهر

بهيج الشرير said...

والنبي ياأبلتي أنا عندي سؤال بخصوص البوست اللي فات، ومعلهش أعذريني أصلي ضعيف في الإعراب، طيب لو مصر بقت دولة ممطرة حنعمل إيه في موضوع البلهارسيا والناس هاتشخ فين بعد كده؟ أنا رأيي أننا نبدأ من الآن وفورا بحملة لتدريب المصريين على الشخاخ تحت المطر

سكوت هنصوت said...

طب الحمد لله...طلع طنطاوي بس....قد ولطف

سامي said...

ميدو
ومين جاب سيرة جبهة علماء الازهر فى الموضوع؟؟

Anonymous said...

عن أبي هريرة رضي الله عنه قال قال رسول الله صلى الله عليه وسلم ( إذا ضيعت الأمانة فانتظر الساعة قال كيف إضاعتها يا رسول الله ؟ قال : إذا أسند الأمر إلى غير أهله فانتظر الساعة ) (رواه البخاري برقم 6496 ) .


وإن يريدوا خيانتك فقد خانوا الله من قبل فأمكن منهم

Unknown said...

صدر مجمع البحوث التابع للأزهر بيانا أضفى فيه الشرعية على الجدار الفولاذي الذي تقيمه مصر على حدودها مع غزة. واعتبر المجمع إقامة الجدار "حقا شرعيا" لمصر

http://www.aljazeera.net/NR/EXERES/54F01B8D-7B57-47E4-896E-
7A3264F73748.htm

القناه دى وسخه بجد

يمكن بحر said...

خبر الجزيرة : انقسام أعضاء المجمع حول الجدار
http://www.aljazeera.net/NR/exeres/BB1C695E-45BB-46CF-92C4-E8ADC74E2590.htm

Kontiki said...

احمدك يارب
اهم اعلنوا عدم مسئوليتهم
بس دة ممنعش ان القرار يطلع باسم المجمع
الفساد فى كل موقع اتخاذ قرار فى المحروسة
وبعدين متوقعه اية من شيخ الحكومة بتاع غدا هو المتممى لشهرى شعبان حتى دى بيبقى مشككوك فيها :)

dalia said...

اشاركك باضافة الحمد لله الواحد والعشرون بعد المائة على هذا التوضيح من أعضاء مجمع البحوث
تحياتي أول زيارة بس اكيد ليست الاخيرة
داليا

مي ثابت said...

Amr

ديه مش غلطة الجزيرة
إنما غلطة طنطاوى اللى سطاعلى قرار اللجنة


و إعتبر نفسه واصى عليها و صدر القرار لكثير من الصحف


على الأقل أنا قريته فى الجرايد التالية
أخبار و أهرام و اليوم السابع و المصرى اليوم

حتى فى اللينك اللى نوارة كتباه حتلاقى إن أعضاء مجمع البحوث ختموه بجملة غامضة

----------------------------
مضيفاً أن تعليق المجمع علي البيان لن يأتي بنتيجة لأي أطراف وسوف يخلق خلافاً بين أعضاء المجمع نحاول أن نتلافاه
----------------------------
بصدق أنا نفسى مش فهماه


هل معنى كلامهم إنهم سابوا طنطاوى يعلن إن البيان بالإجماع بالرغم من إختلافهم معاه
؟؟
لإن فى رأيهم ده حيخلق خلاف بيحالوا يتحنبوه
!!


مع العلم إن كلامهم بيأكد صدور بيان عن طنطاوى بإسمهم

الخلاف بس على إجماعهم عليه


و مع كل التفسيرات هنا ميبقاش الغلط على الجزيرة

(فى هذا الموضوع على الأقل )

طالما البيان حقيقى مش إختلاق

يساري فلسطيني said...

اهداء لنوارتنا اللي بتعتبر ان كلمة مناضل كتير عليها!!!! ( غير متعلق بالبوست الحالي )

علمونا

عَلِّمونا كيف نصنع

من ظلام الليل ِ شعله

علمونا كيف نجني

من جراح القلب فُلّه

علمونا كيف يغدو

قلبُنا للأرض ازهاراً

و فوق الجرح قُبله



***

علمونا كيف نصنع

من ظلام الليل شعله

علمونا كيف نجني

من جراح القلب فُله

علمونا كيف نجعل

نبضة القلب قنابل

علمونا كيف نأكل

خبزنا بالدم مغموساً لنحيا

لا لنحيا

بل لكي نبقى نقاتل


_______________


مع تحياتي

يساري فلسطيني

يساري فلسطيني said...

صاحبنا سمير راح يتظاهر ضد سفارة مصر في باريس , و لما قلت له انت مصري ... رد بأنني انسان اولا و اخيرا

حمار مين اللي بيتحكم في الاعلام عندكم!؟

تحياتي

يساري فلسطيني said...

و عاشت اوروبا حرة عربية

واحنا جات لنا الف داهية

و سلميلي على نبيل زكي اللي مش مسميه جدار, انا عايز اسميه اسم تاني بس انا واحد متربي

تحياتي

يساري فلسطيني said...

كنت اود ان امنحك الجنسية الفلسطينية
ولكنني لا املكها انا ايضا
فبلدي محتلة ... كما تعرفين

سنردد للابد اشعار والدك و اغاني امام

واذا يوم من الايام رجعت لبلدي سازرع لك زيتونة.. هذا هو عهدي لك و لرفاقك في شعب مصر اللي لم يطبع بعد ثلاثون عام من زيارة الشؤم

للاسف لا استطيع تقديم غير الكلمات

فليس لدينا غيرها في زمن العهر العربي

Unknown said...

تصدقوا وتأمنوا بالله
أنا عينى دمعت النهارده
سمعتها فى أذاعة القرأن الكريم اللى لولا انها بتحمل اسم القرأن كنت لعنت وشتمت
طول عمرى كنت بحب الأذاعه دى بحب أنام على برامجها وصوت مقرئيها

كان فيها نشرة أخبار دينيه وقال ان اللجنه كلها أصدرت فتوى بتأييد الجدار العازل وأن المجمع اللى هو أكبر مؤسسه دينيه فى مصر بيساند شيخ الأزهر

هما ليه مش عايزين يسيبولنا حاجه حلوه نستمتع بيها وسط الزباله والقرف اللى عايشين فيه ده ؟

بعد كده ياجماعه اللى يحب حاجه يحبها فى السر لحسن لو الحكومه شمت خبرها هاتخش فيها وتعكنن على ميتين أهله

Unknown said...

حماس تستهجن شرعنة الجدار من المجمع

http://www.aljazeera.net/NR/EXERES/760DCC90-73D4-4D81-BE93-1A8F562B7243.htm

مهند said...

مع مصر مش هتقدر تغمض عينيك

بعد ترزية القوانين صدر العدد الاخير من ترزية الدين والفتوى

الرجالة فى المجمع بيخمونا فى الفتوى ومطلعين فتوى باطله من غير علماء الداخل ما يوافقوا ولا علماء الخارج يحضروا
ومن شروط فتاوى المجمع حضور ربع اعضاء الخارج على الاقل لصحة الفتوى

الخبر من الجزيرة نقلا عن النائب على لبن اللى فضحهم

http://www.aljazeera.net/NR/EXERES/507393C9-A2E5-4FE3-8676-D900E6362C1C.htm

معنى كده ان اللى اصدر الفتوى بعد ما الشيخ الراوى ومصطفى الشكعة طلعوا براءة من الافتراء ده

هم اعضاء الحكومة اللى فاضلين فى المجمع

محمود زقزوق
على جمعة
سيىء بيه اوكيه الشهير بطنطاوى