Friday 3 April 2009

The real problem is usury... why don't bring Sharia law

!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ده خبير اقتصادي امريكاني في فرنسا بيقول قدامي اهو: المشكلة هي الربا... ليه ما نجربش الشريعة الاسلامية؟
المذيع الهندي البريطاني برق عينيه قووووووييييييييييييييييييييييييييييييييييييييييييييييي وسأل خبيرة اقتصادية في امريكا: هاه؟
قالت له:
yea... I think we are searching for new models
--------------
هو اوباما ماله؟ ماما بتقول لي انها شافته النهاردة عينيه مدخمسة وشفته التحتانية مدلدلة وودانه مطرطقه وبيقول: هو احنا ما بقناش زي الاول... احنا بنحاول، بس لا، اوعوا تفتكروا اننا وقعنا، ده احنا جامدين قوي... عيب يا جدع احنا من زمان
بس احنا ح نسمع، عايزين نسمع بقى احنا اتكلمنا كتير، بس احنا ايه؟ احسن جيوش في الامم جيوشنا، وقت الشدايد تعالى شوفنا، بس الطيب احسن، علمونا كده، آه، علمونا كده واحنا صغيرين يا اخويا، آه، الاصول بتقول ايه؟ آه، احنا نحب الاصول، آه، الست مالهاش الا بيتها وجوزها، آه
---
"black people always clean the white mess"
-----
طيب ما يتصل بامام المسلمين وعميد الحكام العرب بالاقدمية وملك الملوك اذا شتم لا تسألن عن القمم يمكن يشتمه وهو بيصالحه وهو ما يفهمش انه بيتشتم وينبسط ويتصالح ورئيس المؤتمر يشكره على مبادرته الطيبة وشتيمته الموفقة للمصالحة الغبية يمكن في القمة الغبية يلاقوا له حل
ما هو قعدوا يتنططوا علينا بالعقول الالكترونية والذكاء المنظم وعمالين يحللوا لنا دي ان ايه عشان يعرفوا سر غباوتنا وسر ذكاوتهم وقرفونا في عيشتنا: يا عالم تالت يا متخلف
طب ما يجربوا الغباوة يمكن تنفعهم، ما احنا اهو، عايشين في الغباوة والحمد لله، العالم كله مخضوض من الازمة الاقتصادية واحنا زي الفل وقال لك مصر هي الوحيدة اللي ح تستفيد من الازمة الاقتصادية عشان العالم كله ح يتسخط مع القرد ونبقى كلنا قرود بدل ما يضطروا يكفروا والعياذ بالله ويجربوا الشريعة لوو ويخربوا بيوت الامراء ورجال الاعمال العرب اللي عايشين على الربا وواكلين نايمين قايمين عليه، هم ليهم بركة الا هو؟
هو احنا خلفنا الا الربا؟ ده الادب الربا، والاخلاق الربا، والجمال الربا، والحلاوة الربا، والشياكة الربا، ده احنا عيشتنا كلها ربا في ربا واتحققت نبوءة سيدنا محمد اللي قال فيها الربا ح يدخل كل البيوت والناس تسميه باسامي تانية ويحللوه كمان
قال شريعة قال، طب ده لما كندا حبت تطبق الشريعة لوو على المسلمين في كندا (انسانية ومساواة منهم ووالله اللي اقترح الاقتراح ده كان نائب كندي ابيض مسيحي والراجل انسانية منه قال يا جدعان ما يصحش المفروض زي ما بنعمل كوشر لليهود ومحاكم للهندوس المفروض نحترم المواطنين المسلمين وتجاهل الشريعة بيخل بالدستور الكندي اللي بيقول بمساواة كل المواطنين واحترام حرية العقيدة) قوووم المسلمين عملوا مظاهرة احتجاجية: تحترمونا ده ايه؟ اهو انتوا اللي محترمين انتوا واهاليكوا واللي خلفوكوا، قللللللللللللة ادببببببببببب
---
بمناسبة الغباوة
ايه ده؟ ايه اللي عمله ابو الغيط ده؟ ايه اللي بيقوله ده؟ يعني ايه احنا كنا عارفين بضرب السودان بس ما رضيناش نقول عشان ما نحرجش السودان؟!!!! هي القنبلة اللي نزلت عليهم كانت لابسة بيبي دول احمر دانتيللا وللا ايه؟ واستطرد: وعموما احنا مش ح نسكت، احنا ح نتخذ موقف حاسم وهو اننا نقول ان لازم السودان تشتكي، لو عايزة يعني،لان اللي حصل ده عيب
تربتتتو
عيب
تربتتتو
عيب
تربتتتو
عيب لولولولولولوليييييييييييي
كل الناس بتحب سعاد حسني يا عاطف، طب انا ح افرج الناس دي... ياصبر ايوب
وايوب كمان بيحبها؟

25 comments:

الكلمة نور said...

خبير رجعى
وخبيرة ظلامية
:D
بالمناسبة بلدية جنين فككت الفرقة اللى كانت فى البى بى سى وتقريبا هيسلخوا وش الست اللى كانت جيباهم للقاء(مديرة الفرقة)
بصنفرة خشنه

Anonymous said...

Hi Nawara,

The muslin women who complaint against this law because they said that they will lose all thier right here. Some of them fear the second wife issue and divorce. They love their "freedom" here. I saw it in TV (Muslim women few of them rejecting the law).

Ahmed somalian

Unknown said...

--بمناسبة الغباوةايه ده؟ ايه اللي عمله ابو الغيط ده؟ ايه اللي بيقوله ده؟ يعني ايه احنا كنا عارفين بضرب السودان بس ما رضيناش نقول عشان ما نحرجش السودان؟!!!! هي القنبلة اللي نزلت عليهم كانت لابسة بيبي دول احمر دانتيللا وللا ايه؟



انتى هتقولى


منهم لله
عالم تفرس

orangaea said...

ههههههههههههه ضحكتينى وانا نفس اضحك من الصبح يا سلام ايه ده
على فكره المسلمين اللى معترضين زى ما احمد قال خايفين انو حريتيهم تضيع وبتوع البرلمان بيعملوا كده مش عشان حباب عنينا انما عايزين الناس تصوتلهم نفس الشئ فى كل مكان لازم يعملوا كده وحيكسبوا ازاى يشوفوا الاغلبيه طبعا
يعنى لما تكون الانتخابات تعالى شوفى الجوامع مليانه وكل شويه واحد يجى
حتى لو الشريعه اتطبقت من غير مسلمين مالهايش لازمه الحمد الله الواحد ممكن يعيش بشرعته فى اى وقت وده احلا حاجه فى كندا
ارحم من بلادنا انا اقدر امارس دينى بكل مافيه مادام كل واحد فى حاله والقانوان بيدينى الحق مافيش مشكله

Unknown said...

حتي هذه اللحظة لم يعترف السودان في
بيان رسمي بالعملية الاسرائيلية و هو موقف مشابه لسوريا بعد الغارة الجوية علي موقع قيل عنه موقع نووي

Anonymous said...

انتى لية مش مهتمة بيوم 6ابريل
كلو عن فلسطين واليهود
الفلسطينين نفسهم باعو بلدهم
عمالين نقابل فتح وحماس ونصالح فيهم مفيش فايدة دول عالم كلهم ولاد ستين مرة وسخة سواء فتح او حماس
اسرائيل كلها بلد واحدة ودول بيشتمو فى بعض ويتحالفو ضد بعض
خلينا فى البلاوىىىىىىىىىى اللى عندنا

Ahmad said...

هو اصلا الفوائد برة غصب عن عينهم بقت من صفر ل 0.025 في المية يعني هو الي بيقولوه ده مش اختيار ده الشريعة الاسلامية لبست فيهم لبس

tamer.sala7 said...

لالالالالالالا


كله كوم وعاطف السكري كوم تاني


ده فوق الفظيع غبي بطريقة تكسف

--------------

سمعتي عن بطاقة التموين الالكترونية ؟؟

مواطن مصري said...

انا سمعت ان الفوائد قربت من الصفر مع اني اساسا مش مقتنع ب الاقتصاد الديني سواء اقتصاد اسلامي او مسيحي

كلو اقتصاد

77Math. said...
This comment has been removed by the author.
77Math. said...

هو في حاجة اسمها اقتصاد ديني أساسا؟

فين دا ما أخدناهوش، ما قالولناش عليه !

احمد سعيد said...

طب

كويس كويس


انا شايف ان فيه بوادر تحسن

مذهللللللللللللللللللل

على عقلك يانوارة


حلو خالص

شكلك هتلبسى المريله البيضا قريب

تربتتو

المريله البيضا

تربتتو

وتروحى

شك شك

على العباسيه

تربتتو

شك شك

Fatma said...

اقتصاد مسيحي ؟
هو في اقتصاد مسيحي يا مواطن ؟

عموما يعني النظام الاقتصادي الاسلامي حتى لو بصيناله بموضوعية بعيدا عن كونه اسلامي فهو نظام اقتصادي منطقي ومقنع

Ahmed Mohamed said...

السلام من اجل السلام

بالبلدي كده
الي عندكو اعملوه
واعلي ما في خليكم اركبوه
وهتضرب هنضرب
هنكسر هنكسر
هتحرق هنحرق
ومش بأيد امريكا
بأيدينا

ليبرمان من فيلم سلام يا صاحبي

منظور شامل للحياة السعيده said...

صحيح يا نواره انتي فين من موضوع 6 ابريل؟

الدرعمي said...

الله ينور عليكي يا نوارة وكل سنة وانتي طيبة بمناسبة عيد ميلاد 6 أبريل

مواطن مصري said...

عيّن مجلس حقوق الإنسان في الأمم المتحدة القاضي اليهودي ريتشارد غولدستون لقيادة تحقيق دولي في اتهامات بارتكاب القوات الإسرائيلية ومقاتلين فلسطينيين جرائم حرب في قطاع غزة، وفق ما أعلن الجمعة 3-4-2009.

وأقر غولدستون أنه "بوصفي يهوديا" فقد مثّل تلقي الدعوة لرئاسة المهمة "صدمة" له، وبالإضافة إلى القاضي الذي يحمل الجنسية الجنوب إفريقية، تضم اللجنة أيضا الخبيرة البريطانية في القانون الدولي كريستين شينكين والقاضية في المحكمة العليا في باكستان، والخبيرة السابقة في الأمم المتحدة لشؤون حقوق الإنسان هينا جيلاني، والكولونيل الأيرلندي المتقاعد ديزموند ترافرز.

واوضح رئيس المهمة "إني أعتقد أني قادر على أداء هذه المهمة الثقيلة بشكل متوازن وغير منحاز"، وأقر بأن اتخاذ القرار "لم يكن سهلا"، وأنه "أمضى عدة أيام بل وبضع ليال من الأرق" قبل اتخاذ قراره بقبول المهمة، وأوضح أن قبول المهمة كان في نهاية المطاف بدافع "قلقي على السلام في الشرق الأوسط، وعلى الضحايا من أية جهة كانوا.. الذين يعانون الإهمال في أغلب الأحيان"، وأضاف "أنه من مصلحة الفلسطينيين والإسرائيليين أن يتم التحقيق في المزاعم الخاصة بارتكاب جرائم حرب وانتهاكات خطيرة لحقوق الإنسان في الجانبين".

http://www.alarabiya.net/articles/2009/04/03/69841.html

مواطن مصري said...

الموضوع هو محتاج قوانين لتنظيم الاقتصاد بس مش محتاج اقتصاد ديني مع ان مش مقتنع بوجود ما يسمى بالاقتصاد الديني

Unknown said...

يا مواطن

مافيش حاجة اسمها اقتصاد ديني

الراجل لما بيتكلم عن الشريعة لوو ما كانش يقصد ان فيه اقتصاد اسلامي

اقتصاد اسلامي ازاي؟ بيروح الجامع يعني؟

هو يقصد الاقتصاد اللي بيخضع لمنظومة قيم الشريعة الاسلامية

كل نظام اقتصادي ما بيبقاش جاي من الهوا كده يا مواطن

بيبقى له ارضية فلسفية ومنظومة اخلاقية هي اللي بتحدد قيمه

يعني النظام الراسمالي نابع من الفلسفة الليبرالية وقيمها الاخلاقية
والقيمة العليا في الفلسفة الليبرالية هي الحرية

النظام الاشتراكي له منظومة قيم خاصة بيه

الشريعة لوو مش بتحط خطة اقتصادية
لكن بتحط قيم اخلاقية مبنية على مثلا: وان كان ذو عسرة فنظرة الى ميسرة، تحريم الربا لانه اخلاقيا نوع من انواع استغلال ضعف الانسان واحتياجه
ومنظومة فلسفية مبنية على الفكرة الرئيسية في الفلسفة الاسلامية وهي العدل
والعدل في الاسلام اهم من الحرية
بمعنى لو في موقف والعدل يستوجب تحديد الحرية يبقى العدل ابدى


وبناء على الكلام ده

ففيه اقتصاد مسيحي طبعا

مش المسيحية لها منظومة اخلاقية وفلسفة؟

ماهو يا مواطن الدين ده فكر زي اي فكر يعني

حتى اللي مش مصدقين ان الدين ده من عند ربنا
العدالة تقول انهم يبصوا له زي ما بيبصوا لاي فكر انساني اخر باعتبار انهم شايفين ان الانبيا هم اللي حطوا الاديان

والانبيا دول بشر يعني

اشمعنى هم المضطهدين

بالنسبة للاقتصاد المسيحي

هو ادم سميث كان قال ان المسيحية هي الاقتصاد الحر والاقتصاد الحر هو المسيحية
!!!!
انا الحقيقة مش مقتنعة بالكلام ده
وفيه مسيحيين كتير اعرفهم اعتنقوا الاشتراكية من منطلق ايمانهم المسيحي

بس حبيت ارد على النقطة دي

Fatma said...

مش فاهمه انا اقتصاد مسيحي ازاي ؟

هو في تشريع في المسيحية بيحدد المعاملات المادية والتجارية بين الناس ؟

هل في قوانين معينة بتحرم حاجات وتحلل حاجات فيما يخص المعاملات الاقتصادية في المسيحية ؟

مافيش على حد علمي ولو في ياريت حد يقولي

في الاسلام في تشريع بيحدد معاملات اقتصادية كتير

تقريبا كل المعاملات في تشريع بخصوصها
سواء لالتحليل او بالتحريم

زي الربا والخراج والزكاة وغيره

بناء على كدا في اقتصاد مستمد من الشريعة الاسلامية

بالنسبة للاقتصاد المسيحي مستمد منين ؟

Unknown said...

يا حبيبتي التشريع حاجة والنظام الاقتصادي حاجة تانية

ومع ذلك مافيش نظام اقتصادي واضح المعالم لا في اليهودية ولا في المسيحية ولا في الاسلام

لكن فيه قيم واخلاقيات وفلسفة مبني عليها الديانات دي

يعني المسيحية فلسفتها التسامح والاختيار الفردي
وعشان كده اعط ما لقيصر لقيصر وما لله لله

الاسلام فلسفته العدل

اليهودية فلسفتها التغيير البشري
يعني ربنا مش بيمد ايده ويعمل حاجة هم البني ادمين يعملوا اللي يقدروا عليه عشان ياخدوا حقهم
وده لان تفاصيل الاخرة مش واضحة قوي في اليهودية
عشان كده مافيش تأجيل زي اللي موجود في المسيحية والاسلام
مش معنى كده ان المسيحية والاسلام سلبيين
لا
بس هم بيطلبوا من البني ادم يعمل اللي يقدر عليه في حدود، اكتر من كده يسيبه لربنا ان ما كانش في الدنيا يبقى في الاخرة

دي كلها فلسفات ومنظومات قيمية

مش بتأسس لنظام اقتصادي واضح المعالم يبين تفاصيل الاقتصاد

بس يأسس للاخلاقيات اللي بتحكم الاقتصاد

زي مثلا الاخلاقيات اللي بتحكم الطب
يعني مثلا
البني ادم يتبرع باعضائه وللا لا؟
البني ادم يتجرب فيه بعض التجارب العلمية وللا لا؟
وفقا للفلسفة المسيحية الامر يرجع لاختيار الشخص لان حرية الاختيار هي الفيصل
وفقا للفلسفة الاسلامية، على حسب، لو ده ح يضره او ح يضر اهله المعتمدين عليه يبقى غير مسموح حتى لو كان ده اختياره
بس مافيش طب اسلامي وطب مسيحي
لكن فيه اخلاق بتحكم

وانا هنا والنبي مش بافاضل بين الاخلاقيات

كلها اخلاق كويسة

كل واحد لو راعى ربنا زي ما دينه بيقول له مش ح يبقى فيه مشاكل
وكل واحد يقدر يستغل المنظومات الاخلاقية دي بشكل سيء لتحقيق مصالح او مكاسب

وده في كل الاديان والافكار والمعتقدات اسمه منافق

Fatma said...

لا يا نوراة النظام الاقتصادي في الاسلام حاجةتانية

مش منظومة قيم عامة بيتم القياس والتعامل على اساسها وبس

التفاصيل كتيرة جدا

77Math. said...

فنون


في حديث في شؤون الاقتصاد"بما إننا حنقسم يعني"

بيقول:"المسلمون على شروطهم"

في حاجات آه حرام زي الربا وإن الواحد يبيع على بيع حد، وإن الواحد يبيع حاجة مش معاه أصلا لسة

وكل دي حاجات أساسها العدل وضمان عدم ضياع حقوق البشرية

إنما لو في نظام زي اللي بتعملها البنوك مش بتضيع الحقوق والناس كلها متفقة عليها ومفيهاش حاجات حرام "زي الربا" يبقى ايه اللي يمنع؟


يارب يكون قصدي وصل

احمد سعيد said...

بصوا يا جماعه

انا شايف ان فيه اختلاف فى الرؤيه بالنسبه لموضوع الاقتصاد الاسلامى دة

اولا كدة

دعنا نتفق ان مافيش حاجه اسمها الدين مالوش دعوة بدى

او لا دين فى السياسه

ولا دين فى الاقتصاد

دة كله كلام غلط

الاسلام عمل منظومه حياة كامله

طبعا الاقتصاد الاسلامى

مش شويه افكار بنراعيها وخلاص

وفى نفس الوقت مش اسطنبه كامله بتتطبق وخلاص

الاسلام مرن

وملائم لكل العصور

وكون ان فيه خطأ حصل

فدا نتيجه عيب فى التطبيق

وليس فى المنظومه نفسها

الاسلام حط مبادىء وخطوط عريضه

للنظام الاقتصادى المظبوط

المبادىء دى اشبه بعمدان الخرسانه فى اى مبنى

هى اللى بتشيل المبنى كله
ومينفعش نغيرها او نشيل واحد منها

هى هى مبتتغيرش ابدااااا

بس الحيطان والطوب
العب فيهم براحتك وشكلهم حسب احتياجاتك
لان مش معقول الاسلام هيحطلنا سيستم كامل من الف وربعميه سنه ويطبق بحذافيرة الى الان
لازم يسيب مساحه حريه لتتوافق مع الزمن
بدون الاخلال بالمنظومه الرئيسيه اللى قولنا عليها

يعنى ممكن نقيم نظام اقتصادى كامل وحديث

على الاسس الاسلاميه القديمه بدون الاخلال بيها
او حتى التنازل عن بعضها

وهيبقى نظام اقتصادى اسلامى كاااامل وواضح المعالم

والله مش مستحيله

بس البهوات اياهم هما اللى بيحاربوا الفكرة دى وبيحاولوا يثبتوا انها مستحيله التطبيق

مع ان دة كله تخاريف

ونا شايف ان المنظومه الاقتصاديه الحاليه هى اللى منظومه فاشله

وهتنهار كليه مهما ضخوا فيها مليارات
لان الاساس نفسه فاسد

فوايد ضخمه

وكل حاجه عبارة عن ورق ورق ورق وسندات وعك

بخبطه واحدة يصبح كل دة بلا قيمه

لانه وهم مبنى على وهم

دايرة مفرغه يعنى

يكفى اننا نقطعها فى مكان معين
وهتنهار المنظومه بالكااامل

وبعدين ياماث
ايه عرفك ان الحقوق بتاع الناس مش هتضيع فى البنوك

يعنى مثلا لو بكرة اكتشفنا ان الحكومه سرقت فلوس مودعين دفتر توفير البريد
وشاركت بيها فى مشاريع فاشله
وتمويل شبكه اتصالات اللى لم تأخذ منها مليم ارباح الى الان

ولتعويض العجز الهايل فى الميزانيه

وصحينا الصبح لقينا فلوس الدفتر والبنوك والمعاشات

بح

طارت

والحكومه هى كمان طارت

هتعملوا ايه

وهترجعوا فلوسكم ازاى ومن مين؟؟؟

البنوك لا تحقق اى امن للمودع

وخصوصا اليومين دول

انا شايف ان تحت البلاطه اامن بكتييير

او نشغلها فى مشاريع زى الاسلام ما قال

والكل هيستفيد

مش لازم يعنى يبقى فيه ربا علشان البنوك تمشى

ممكن البنوك تمول الشباب
وتساعدهم فى مشاريعهم ماديا واداريا كمان

مقابل المشاركه فى الارباح

وبكدة الكل استفاد

بدل النظام الوسخ اللى ماشى حاليا
اديك جنيه وترجعهولى اتنين بكرة
ولو بعدة يبقوا اربعه
وماليش دعوة بيك ولا بمشروعك

اتحرق بجاز

المهم تدفع


ايه الارف دة

ومعلش يعنى اصلى راجل جاهل

يعنى ايه سندات

ورقه معفنه مش عارف بقيمه كام

ايه يعنى

افرض البلد ولعت ولا البنك خرب

اعمل انا ايه بالورقه
يافرحتى معايا سند

ابرمه يعنى ولا ايه

ابله واشرب ميته ؟؟

الله يخرب بيوتهم اللى لغوا نظام الغطاء النقدى والدهب

وحرروا العمله

واللى ربطوها بالدولار

___________________

فنون

انتى كلامك صح

وكمان بعض الاضافات العصريه على المنظومه الاسلاميه بدون الاخلال بيها ضرورى ولازم

الاسلام مسابش حاجه

ومقالش دى انا ماليش دعوة بيها

_____________________

انا اتوقع انهيار النظام العالمى المالى بشكل كااامل

مهما ضخوا فيه

لان الاساس فاسد

ومتواليه الانهيار بدأت
ومحدش هيقدر يوقفها
لانها اشبه بمتواليه هندسيه

الحل تغيير النظام بالكااامل

وطبعا لانهم مغرورين

وهيفضلوا يكابروا ويعاندوا ويرفضوا كلام الناس الشرفا اللى نادوهم بالاخذ بالنظام الاسلامى

يبقى مبروك عليهم مقدما

وعلينا احنا كمان


_________________


الانهيار فى مصر مش هيكون بالشكل التدريجى اللى حنا شايفينه عالميا

لان حكومتنا كذابه

الانهيار هيتم بين يوم وليله

وهيكون كبير جدا

ومش بعيد نستفوجأ بين يوم وليله ان فلوسنا اللى فى البنوك ودفاتر البريد والتامينات والمعاشات

بح

طاااااارت


انا عارف انى متشائم

بس دى رؤيتى للفترة اللى جايه

Fatma said...

http://ar.wikipedia.org/wiki/%D8%A7%D9%82%D8%AA%D8%B5%D8%A7%D8%AF_%D8%A5%D8%B3%D9%84%D8%A7%D9%85%D9%8A

دا لينك فيه كلام مختصر عن اسس النظام الاقتصادي في الاسلام

المراجع كتير والكتب كتير دي بس نبذة مختصرة جدا

دي مش قيم عامة
الاسلام دين حياة
ما ينفعش نفصل لوعايزين نمشي صح

في ابواب كاملة في كتب الفقه بتتكلم عن المعاملات التجارية

بشكل مختصر الاقتصاد في الاسلام هو حالة وسط بين الاشتراكية والرأسمالية