Monday 13 April 2009

قائمة الاتهامات الموجهة لتنظيم الشقق المفروشة

من عند طفاطيفو




جو بيقول ان سامي مصاب في ضهره في الحرب.... لا خلاص بقى
يستعوضوا ربنا في الراجل بتاعهم، زمانه بيدعي ربنا انه يموت، او غالبا اعترف انه هو اللي حرق روما وان نيرون بريء... لالالالالالا ماحدش يقول لي ماهو متعود على التعذيب الاسرائيلي
فشششششششششششرررر
البلدي يوكل
هو برضه ماكانش اصول يعتدي اعتداء سافر على المسطحات المائية ويعتم على العولوة
سؤال بس
هم موكلين له منتصر الزيات ليه؟ ده جاب لمعظم موكليه اعدام، انا والله ما باكرهوش ولا فيه بني وبينه اي ضديات، بس انا ما سمعتش عن حد وكله الا واخد اعدام
الناس كلها عمالة تخمن: هم بيعملوا كده ليه؟ اشمعنى دلوقت؟ اسم الله عليهم يعني سحلية عدت من على رقبتهم؟ انا مش عارفة، بس بيقولوا يمكن عشان الانتخابات اللبنانية قربت.... بصراحة اللبنانيين يبقوا معاتيه قوي لو فكروا يتأثروا بحملة الشقق المفروشة اللي معمولة في مصر، هو فيه حد في الدينا بيتأثر بحملة بيعملها النظام المصري؟ دول كل ما يعملوا حملة لتحديد النسل الستات تخلف تسعة في بطن واحدة، ولو جعجع استغل ده في الانتخابات زي ما جو بيقول يبقى انا اتصدمت في مخه بقى، مش معقول يعني، الا اذا كان زميل ابو الغيط في المضدرصة، انا سامعة دلوقت في الجزيرة بشرى عبد الصمد بتقول رئيس الحكومة اللبنانية في مصر، لالالالالالا، بجد؟ معقول يعني يكونوا استنجدوا بالنظام المصري ضد حزب الله وهو حب يعمل معاهم دقة جدعنة؟ ومالقوش غير النظام المصري؟
ههههههههه
طب يستاهلوا بقى، انا ما احبش العته، خلي بقى النظام المصري يعمل لهم حملة انتخابية زي اللي بتتعمل عندنا، يجيبوا خمستاشر واحد من العشوائيات يدوهم وجبة وعشرين جنيه ويغنوا له: يا مبارك دوس دوس احنا معاك من غير فلوس
احسن
يارب يبعتوهوم، وعلى فكرة ح يقولوا نعم لمبارك حتى في لبنان ولو ما لقوش العلامة الخضرا في البطاقة ح يتلخبطوا، اديني قلت لكوا اهو

49 comments:

mido said...

سامى شهاب بيقول المعاملة جيدة

مواطن مصري said...

نوارةةةةةةة مصر مش مفتوحة على البحري عشان اي حد يقدم دعم لوجستي الدعم دة دور الدولة و ليس اشخاص


يا نوارة لازم تفهمي دة مش اي حد يجي ي دخل البلد يقولك انا بدعم مش مين
يعني نصر الله يرضىى ان ناس يروحو يدعم جنبلاط دعم لوجستي

او بلاش الكتائب او سوريا تبعت قواتها تدعم اي فريق في لبنان
؟

Unknown said...

ميدو
الله اعلم
ماحدش ياخد منه كلام دلوقت خالص
ده ممكن يشتم امه عشان خلفته ويعترف انها اخطأت خطأ كبير قوي بالعملة اللي هي عملتها


مواطن مصري

يا اخي

يااااااا اخي
ياااااااااااا اخيييييييييي بقى انت بتفهم ازاي

هي التهمة الموجهة لسامي انه كان بيعدي بشكل غير شرعي من الحدود؟

هي التهمة كده؟

التهمة كده؟

ده دي التهمة الوحيدة اللي مش موجهة ليه

مواطن مصري said...

دة انتهاك لسيادة الدولة يا نوارة لازم نعرف ان الدولة هي التي تقوم سواء اختلفنا اوا تفقنا معاها فا دي شئونا الداخلية انما هو مش واصي علينا عشان يبعت لينا ناس يدعمو و يراقبو قناة السويس


دة دور القوات المسلحة المصرية دور وزارة الدفاع دور المخابارات الحربية و العامة

مش اشخاص او مليشيات من برة


النهاردة حزب الله بكرة اسامة بن لادة بعدة ناس من فلبين
و تبقى زي العراق

ما الي بوظ العراق بجانب الاحتلال كدة بردو

Unknown said...

انا حطيت صوابعي في الشق خلاص

مواطن مصري said...

دة الموضوع الوحيد الي بختتلف معاة فيكي انما لما كان نصر الله بيدافع عن لبنان كنت معاة و متضامن معاة انما يتدخل في شئونا الداخلية فهذا مرفوضض

Egywoman said...

أنا زيك مش عارفة ايه سبب الهجمةدي علي حزب الله وال توقيتها وغير مقتنعة انها احساس مصر بتراجع دورها وزيارة أوباما لتركيا لأن دورها متراجع من زمان وعندنا ناس جلدهم تخين . السبب بالنسبة لي انها لم تأخذ ثمن موقفها في حرب عزة ووبتعمل ملحق يمــــكن !!ا

TAFATEFO said...

هو المعاملة لازم هتكون جيدة لأن القضية مسلط عليها الضوء دولياً

بس ده لو سأل أي عيل صغير هيقوله لما يتحقق معاك قول لا و معرفش .. خليك قول لا

مش عارف أنا ايه لزوم الصدق والأمانة دول ؟؟ أي اعتراف بأي حاجه هيتم تضخيمه وتحريفه

into said...

"جو بيقول ان سامي مصاب في ضهره في الحرب"
"جو بعت لي رسالة على الموبايل"
"جو بيقول ايه؟ والله ما كنت قريت البوست بتاعه"
"جو ده على فكرة خسارة في جتتنا، ده"
"جو بعت لي ينبهني، الحوار حلو قوي كان"
"جو، يا ايمان، يا باش مهندز يا ابي يا شلطف"
".جو؟)---بس؟ بس يا انسة لا مؤاخذة تسيبي؟ "
"جوا: ده فيديو جابهولي عم مينا"
"جو بعت لي رسالة على الموبايل دلوقت"
"جو كاتب بوست حلو قوي"
"جو باعت بيسألني، حد رافع عليه قضية؟"
..........................................................................
هـو مـيـــــن جــو!!!!!!!!!!

يمكن اختصار لواحد اسمه جوهر؟؟

Unknown said...

على فكرة يا مواطن

الرأي اللي انت بتقوله ده مش رأي الحكومة

مش رأي نظام مبارك

بدليل انهم مش متهمين سامي بانتهاك الحدود والسيادة والكلام الخرا ده

متهمينه بتأجير شقق مفروشة ونشر الفكر الشيعي وتكوين خلية لتفجير مصارين الحاج عبده بتاع الكبدة


ومافيش في قائمة الاتهامات خالص الكلام اللي انت بتقوله

يعني انت بتتخانق مع نفسك

Unknown said...

هههههههههههه
معاك حق

المفروض اعمل له لنك

http://www.k-ya-watan.blogspot.com/

TAFATEFO said...

لما كان نصر الله بيدافع عن لبنان كنت معاة و متضامن معاة

كذاب

وعلى الأقل ده مكنش موقف المعززين

TAFATEFO said...

مرشد الإخوان في مصر يدافع عن نصر الله ويهاجم الإعلام

رئيس جمهوريه نفسى said...

نوارة الحسبة بسيطة جدا مش حقولك نظرية المؤامرة بس لو سالنا سؤال لنفسنا هل لدة علاقة بالاتفاقية الاسرائيلة الامريكية الموقعة فى اواخر عهد بوش ربنا يفحمه مطرح ما راح ومحاولة اقناع الشعب المصري انى فى تهديد للحدود دى علشان لو حصل حاجه محدش يتكلم ويقول اديكم شفتوا النتيجة
هل هي محاولة للتغضية على خيبة الحكومة التقيلة ورفضها حضور موتمر الدوحة علشان مقموصة من قناة الجزيرة فقالت علشان الناس تنسي

هل مصر بتغسل ايديها من اى حاجه بتعد ضد حزب الله فى المستقبل القريب فبتجهز الشارع المصري للقبول عن طريق تشوية الحزب والسيد حسن نصر الله

TAFATEFO said...

استمراراً للمسلسل الهابط بعد اعتراف السيد حسن نصر الله

ده هيبقى شكل الأخبار

تمكن 12 فردا يمثلون خلية إرهابية تابعة لحزب الله فى سيناء من الهروب فجر اليوم

* من خبر لليوم السابع
** eggs

Unknown said...

ههههههههههههههه
ههههههههههههههههههههه
هههههههههههههههههههههههههه
ايه ده؟

هم مالقوش حد يقوم بالدور قاموا قالوا هربوا؟

هات اللنك

Ahmad said...

نتو غايب عنكو ربط الموضوع ده مع اتهام حزب الله في العراق و في اليمن و في البحرين و في الكويت بشكل متقارب زمنيا مع الانتخابات في لبنان مع لهجة اوباما المخففة مع ايران
لو في حوار بين ايران و امريكا اكيد يعني عوكل هيقلق
صحيح عرص
و المصيبة انهم بيسمعو كلامه
ده سامي شهاب رفض حد من السفارة البنانية يحضر معاه التحقيق
هو حد شاف كدة؟؟

مواطن مصري said...

طفاطيفو عيب اناا مش كذاب ايام حرب لنان انا كنت فعلا معاة و متضامن مع لبنان انما يتتدخل في بلد تاني دة شىء مرفوض و دة رائي

mido said...

مواطن مصرى

انت بتقول السيادة

طب اتفضل

http://egyptianchronicles.blogspot.com/2009/04/speaking-about-violating-our-borders.html

mido said...

و قلنا موقع اليوم-الساقع- السابع

ده غير مهنى و بيستعبط

احمد سعيد said...

نوارة

نسيتى دور تركيا والمد العثمانى

والخليه الفنزويليه اللى مسكوها فى صفط اللبن امبارح

ههههههههههههههه


نفسى اعرف مين العبقرى اللى قال

شر البليه ما يضحك

TAFATEFO said...

آسف يا مواطن

لنك الخبر

http://www.youm7.com/News.asp?NewsID=88669

بس المشكلة هي كلمة خلية إرهابية .. والاخوه اللي مستغربين انهم مقالوش ان كان في اشتباكات كمان

الخلية الجاية وعليكم خير .. مستعجلين على ايه ماحنا لسه مع بعض شويه

مواطن مصري said...

ميدو حبيبي بردة مش منطق ان فية ناس اخترقو الحدود يبقى نفتحها


يعني امريكا تفتح حدزدها مع المكسيكين عشان بيدخلو بطريقة غير شرعية؟

مواطن مصري said...

ميدو حبيبي بردة مش منطق ان فية ناس اخترقو الحدود يبقى نفتحها


يعني امريكا تفتح حدزدها مع المكسيكين عشان بيدخلو بطريقة غير شرعية؟

TAFATEFO said...

معلش بعيد عن الموضوع

حد يعرف تفاصيل الكلام ده؟؟

وسبق أن شاهدنا فى عهد الرئيس الراحل أنور السادات، نائب رئيس وزراء الدكتور عبد الرزاق عبد المجيد المسئول عن المجموعة الاقتصادية، يقسم برحمة أمه أمام البرلمان أيضاً أن الاقتصاد بخير

:D:D

هو فيه ايه!!! said...

اسمحولى الخص الموضوع من الاخر الاخ اعترف ان كان فيه تنظيم لدعم غزه من 4 سنين..وبيتهيئلى ان قوات الامن كانت عارفه طبعا ومطنشه
بعد الاحداث الاخيره ودعوه حسن نصر الله للانقلاب ضد الحكومه...الامن طبعا قال نلمهم علشان اللبش
ده راى متواضع ...دمتم

هو فيه ايه!!! said...

على فكره اعترف انهم كانو عايزين يعملو عمليات ضد اسرائليين فى سيناء...وده شىء يقلق اى مصرى..مصر برده ليها سياده واللى يعملوه ضد اسرائيل بكره يعملوه ضد امريكان ولا فرانسيين لو اختلفو مع حزب الله

Unknown said...

هو فيه ايه؟

لالالالالالالا معلش اسمح لي

الكلام ده ما حصلش خالص اللي بتقول عليه
امتى قالوا انهم ح يعملوا عمليات ضد اسرائيليين في سينا؟

بالعكس
ده حسن نصر اكد بوضوح ان مافيش اي حاجة من اعمال المقاومة تتعمل لا من مصر ولا من غير مصر

Anonymous said...

متى يمكن ان نخرق القانون الوطني؟
عندما يكون مخالفاً لاحكام القانون الانساني.
وعندما نكون مستعدين لدفع الثمن
هذا مافعله كل من آوي يهودياً مطارداً بحكم القانون النازي.
وهذا مافعله نصرالله امام جريمة حصار وتجويع وقتل شعب باكمله لاننا لسنا معجبين بقيادته السياسية
ومااراد نصرالله توضيحه اننا خرقنا القانون بحدود مااعترفنا به فليتم حساب شهاب عليه وليس على اي سيناريو هابط آخر.

Anonymous said...

الاخ اعترف ان كان فيه تنظيم لدعم غزه من 4 سنين
????????????????????????????


من اعترف واين ؟
ومن هو اللذي طنش 4 سنوات ثم اخذته العزة بالاثم ؟
الامة تبحث عن سبيل للدعم والتحرير لكل شبر من ارض فلسطين قبل ولادة حزب الله واكبر عضو سناً من ابطاله.
اصبح دعم الاخ جريمة والحفاظ على مصالح العدو سيادة
؟؟

يازمن العجائب بركاتك

حـنــّا السكران said...

هو مصاب في العمود الفقري بحرب تموز و عائلته ( منهم أبوه و أمه ) استشهدوا في نفس الحرب .

ـ مواطن مصري :

ما حدا عم يسأل ليش مصر قبضت عليه .. عادي انها تقبض عليه أو على أيّ حدا هم شايفين انه بيخرق القانون , متل ما قلنا مبارح بغضّ النظر عن العمل اللي بيقوم فيه , عمل مشرّف أو غير مشرّف . هيدا لو الظروف طبيعية و لو مصر بتتعامل مع الاسرائيليين بالمثل .. مش وضوعنا هيدا ..بالاساس مفروض يكون موضوع قانوني عادي و من حق مصر تاخد فيه اجراءات .. متفقين .

الغريب .. هو الهجمة الاعلامية المسعورة و هيدا السعي الدؤوب بدون كلل أو ملل و بدون اي اعتبارات اخلاقية , لتشويه صورة المقاومة سواء في لبنان او فلسطين .و تصوير حزب الله على انه الشيطان الاكبر هو و حماس و انهم العدو الأول للإنسانية .و استخدام مصطلحات حقيرة جدا بحق قادة المقاومة في الصحف و الاعلام المصري الحكومي . لمصلحة مين ؟ و ليش ؟ الكلام عن السيد نصرالله انه مجرم و ارهابي و كلام انا بخجل اكتبه هنا ليش ؟ انت مش شايف انه مصر بتتعامل و كأنه بينها و بين حزب الله ثار قديم جدا ؟ مش شايف اي شيء غريب بالموضوع ؟
ـ جعحع و غيره استنفذوا كل اتهاماتهم يا نوارة .. الاصطفاف في لبنان قائم .. بمساعدة مصرية الان او بدونها .
ـ قبل تلات سنوات جنبلاط قال .. نفس الكلام اللي قالوه الامريكان و الاسرائيليين . انه أهمّ شيء هو كسر صورة المقاومة و تشويه صورة قادتها بنظر الشعب العربي . و يومها كانت البدايات . و بقى ينقال كلام وسخ لأول مرة . و كرّت السبحة .. كذب و تلفيق و أضاليل و استخدام أشباه صحفيين لا يشبهوا سوى القوادين . و هم نفسهم لو أي صهيوني كلب طلع و بهدل كرامة بلد عربي و رئيس بلد عربي او الشعب العربي كله ..ما حدا منهم بيتجرأ و بيحكي كلمة .
ـ لما اغتيل المرحوم عماد مغنية في دمشق طلعت اشاعات انه مخابرات عربية ( مصرية و اردنية و خليجية ) كان لها دور بمد الاسرائيليين بالمعلومات و الوصول للرجل و اغتياله .. يومها طلع السيد نصرالله فورا و برّأ كلّ هالناس من الاشاعات و قال .. نحن لا نتهم سوى اسرائيل .. كان بمقدوره يبدأ حملة ضد هؤلاء لكن الرجل لم يفعل لأنه حريص على عدم أخذ الصراع الى الزواريب العربية ..هيدا غير دور هذه الحكومات في التحريض اثناء حرب تموز و تصوير المقاومة انها هي المعتدية دائما و حتى وصل الامر انهم يوعزوا لبعض أشباه رجال الدين انهم يفتوا ضد المقاومة و لصالح الصهاينة .و يبرروا لاسرائيل القتل و المجازر بحجّة انه المقاومة تعطي ( الذريعة ) لاسرائيل كي تنفذ مذابحها , حتى طلع عندنا مصطلخ جديد اسمه ( مثقفي الذريعة ) اللي لو عطست يا عربي بيقولولك انت خدشت حياء اسرائيل بعطستك و من حقها تقتل كل اهلك و تقصف كل مدنك و قراك .
هذا الطرف يبدو انه ملكي أكتر من الملك .. بوش راح و الجماعة لسه على وفائهم له و لمشروعه اللي كان عايز من خلاله يقضي على يأجوج و مأجوج اللي اتهيّأله انهم مسلمين ( الكلام قاله لجاك شيراك قبل غزو العراق عشان يقنعه بالغزو و ورد مؤخرا في كتاب فرنسي جديد )..
ـ من تاريخ 8\12 \2008
شقيق سامي وكّل الاستاذ منتصر الزيات و قال له بكل وضوح انه سامي ينتمي لحزب الله ..هيدا كلام الزيات مبارح .

من خمس شهور للاّن وين كانت القضية ؟ ليس ما سمعنا فيها ؟ و فجأة صارت قضية العصر و مستقبل مصر متوقف عليها ؟
هو فعلا ( حسب كلام سامي ) كان حزب الله طلب منه مراقبة أي اهداف اسرائيلية محتملة , سواء في الممرات المائية او غيرها , لكن بعدين صدرت له أوامر بالتوقف عن أي مراقبة او عمل قد يُفهم منه انه ضد أمن مصر و الاكتفاء بالدعم اللوجستي للمقاومة الفلسطينية .. طيب رح نقول و نتفق انه كل هيدا غلط لانه داخل الحدود المصرية .. لكن بالنهاية , الصهاينة قتلوا عماد مغنية في دمشق و ليس في الضاحية الجنوبية لبيروت . و الاسرائيليين راحوا السودان بطياراتهم و قصفوا قوافل هناك ( ما رح اتكلم عن الحرب , بس عن العمل الاستخباراتي ).. يعني هيدا صراع اسرائيل لا تضع له حدود أبدا .. ليش من حق اسرائيل تعمل اللي بدها اياه و تنتهك سيادة أي بلد عشان مصالحها .. و لما أي عربي يقوم بأي عمل لوجستي يبقى صار هو الشيطان الاكبر و صار هو الخطر الاكبر على مستقبل الدول العربية .. ما شاء الله على مستقبلنا ..الحقيقة يخزي العين ..و كأنه لنا حاضر او مستقبل ينخاف عليه و نحنا بالحالة . لا بنرحم و لا بدنا رحمة الله تنزل على الناس .

حـنــّا السكران said...

muslim human

ههههه

معليش حقك عليّا أنا

Unknown said...

أ/نوارة

انا بس جاى اقول لحضرتك
بخصوص
تدوينة

الى كل اللي بيكرهوني... ربنا بعت احمد عبد الفتاح ينتقم

http://www.tahyyes.org/2009/04/blog-post_3287.html

لينكات مقال على ابراهيم بتاع الجمهورية
اتغيرت
اصل حضرتك اللينك ده بيبقى لينك ثابت
بيتغير يومياً
فأى حد حيجى يفتح اللينك حيلاقيه يديله اخبار او مقالات يوم ثانى

فده لينك المقال لما اتحط فى الأرشيف
غيرى اللينك
و حطيه

عشان اللى يجى يشوف التدوينة يلاقى المقال
و يصاب بفقع المرارة اللى اصابتنى
و منجلكيش فى مرارة وحشة

http://www.gom.com.eg/algomhuria/2009/04/12/fpage/detail00.shtml

Ahmad said...

نوارة
منتصر الزيات طالع في كل وسائل الاعلام يقول:
كان واخدين اوامر من حسن نصرالله برصد اماكن سياح اسرائيلين و ده عشان يضربوهم انتقاما لاغتيال عماد مغنية
لكن السيد حسن بعت و نبههم يتراجعو و يوقفو الرصد عشان امن مصر خط احمر
:) طب والله بيقول كدة
لسة سامعه علي البي بي سي

Unknown said...

يخرب بيييييييييته

يخرب بيييييييييييييتتتتتتته

يخرب بيييييييييييييته

مين الحيوان اللي رشح منتصر الزيات يدافع عنهم؟

ahmed samir said...

نوارة

الاخبار بتقول ان واحد طعن سائح اسرائيلى عندنا و اما جه يهرب وقع منه باسبور ليبى.

****
جو

أنا كمان شاكك فى ان بعض اجهزة المخابرات العربية ليها دور فى تصفية مغنية و كتبت الكلام ده قبل كدة .

****
أما بالنسبة اشمعنى الزيات يمسك القضية
مصطفى حط فيديو عبقرى امبارح فى فيلم ليوسف شاهين
الاجابة فى الفيديو

****
بالنسبة لعمرو أديب كان قاعد بيولعها هو و أحمد موسى

احمد موسى هدد بأن اللى حيقرب لمواطنين مصريين فى لبنان أجهزتنا الأمنية مش حتسكت كدة بكل صراحة

و واحدة اتصلت كانت عايزة مبارك يبعت الجيش زى ما السادات بعت الجيش ليبيا ساعه ما كان مختلف مع معمر

هو فيه ايه!!! said...

ايوه استاذه نواره انا قريت الاعترافات فى المصرى اليوم وقال المتهم ان كان فيه رقابه للسياح الاسرائليين على الحدود وكان اسمهم الحركى الجيران وكان هيعملو عمليات ضدهم انتقام لمقتل مغنيه ...ده اللى قصدته
هو الكدب حرام فى لبنان ولا ايه؟؟؟؟؟

هو فيه ايه!!!!!!!!! said...

استاذه نواره
الراجل اعترف بحاجات كتير قدام النيابه...وبصراحه اعترفاته دى معناها اما انه عبيط
او انه عارف ان الانكار لن يفيد والقضيه لابساه لابساه زى ما بيقولو
بعدين بصراحه خليكى حياديه...اعترفاته ما قلقتكيش...حزب الله عايز يعمل عمليات فى مصر!!!!اشمعنى مصر
ده خطر كبير

Unknown said...

المشكله للأسف يا نوارة مش فالزيات المشكله ان الناس ديه متعلمتش تكذب لا همه و لا السيد حسن يعنى عملوا حاجة بيقولوا و بيفخروا بيها و ده اللى مخلينى مقتنع ان الشاب المقبوض عليه متعذبش و انه قال انوا من حزب الله لوحده
بس اللى مخوفنى بقى ان لو لا قدر الله حصل حكم هل هيتعامل حزب الله معاه على انه اسير
لا يارب اموت قبل اليوم ده

Unknown said...

لا
انا ما يتهياليش ان الكدب حرام

انا متهيالي ان منتصر الزيات مترشح في انتخابات النقابة

بس كده

Unknown said...

هو فيه ايه؟

ماهو انا الاعترافات دي ما تدخلش دماغي بنكلة

لانها بتناقض تصريحات حسن نصر الله

انا ماليش دعوة بموضوع كدب وصدق ده

لو سامي تبع حزب الله ما يقدرش يقول اعترافات تناقض تصريحات نصر الله

ثم ايه التغيير الاستراتيجي المفاجئ ده؟

من امتى حزب الله بيعمل عمليات في دول عربية؟

ولو هو قال بصريح العبارة في اخر خطبة احنا مش زي تنظيم القاعدة احنا لينا وجهة نظر تانية

يبقى ازاي يعني؟

اعقلها كده

اعترافات سامي لا يعتد بها لانه في ايد الامن المصري يعني احنا اكتر ناس عارفين

لو لا قدر الله حصل حاجة زي دي لحد انت عارف انه بيعترف بانه هو اللي اكل ادم التفاحة

انا بس اللي قالقني - وطول عمره قالقني وما عنديش ثقة فيه - منتصر الزيات

حـنــّا السكران said...

أخي أحمد سمير

أنا كرأي شخصي .. مقتنع أنه اغتيال مغنية كان بمساعدة مخابرات عربية و جهات لبنانية .. اقتناع تام .. مش شك .. و بكرّر .. هيدا رأي شخصي .

ـ انت لو فاكر .. قبل اغتياله بشهرين تقريبا بدأ ينذكر اسمه في معظم أحاديث جنبلاط التحريضية.. مع انه كانت الناس نسيت تقريبا بشكل تام , اسم عماد مغنية ..نادرا جدا جدا ما كان ينذكر اسمه في السنوات العشر الأخيرة أو أكتر كمان , إلا عند الإشارة لتفجير مقرّ المارينز و القوات الفرنسية في بيروت في بدايات الثمانينات ..أو الإشارة إلى قائمة أكثر المطلوبين لأمريكا .. حتى اللي كان هو بيدربهم من المقاتلين في حزب الله ما كانوا بيعرفوا أنه هذا الرجل هو نفسه عماد مغنية ..كان عماد مغنية تحوّل لما يشبه الإسطورة من الأيام الغابرة .. ناس افتكرت انه توفى من زمان و ناس تقول انه عمل عمليات تجميل كتير و هاجر لأمريكا الجنوبية و بيشتعل هناك ,,و ألف قصة و قصة ..
لكن جنبلاط بدأ كلّ يوم تقريبا يذكره قبل اغتياله ,حتى في معلومات انتشرت في بيروت إثر اغتياله عن أسماء بعينها من جهاز جنبلاط الأمني قدّمت تقارير عن الرجل و كانت بتراقبه . لكن الحقيقة انه حزب الله نأى عن كل خبر أو إشاعة أو معلومة بتشير لطرف لبناني أو عربي لأنه واضح دائما انه الهاجس الأكبر عند قيادة الحزب هو الفتنة .. لأنه الفتنة فيها خسارة للجميع و على رأسهم حزب الله .كونهم شيعة .. معليش لازم نحكي الأمور زي ما هيّ , مع الإعتذار لترديد الكلام ذو الصبغة الطائفية اللعينة . لكن هيدي مصيبتنا الأبدية نحن العرب .

حـنــّا السكران said...

نوارة

الموضوع ما فيه أي تناقض .. هو الكلام اللي بيقوله الزيات عن لسان سامي .. إنه كان بيراقب ..و في فرق بين المراقبة لجمع معلومات و بين التنفيذ , طبعا ممكن حدا يقول لي : هو ليش كان عم يراقب ؟ مش عشان ينفذ؟ ما حدا قال انه كان عايز ينفذ عمليات في مصر .و كل استخبارات الدنيا منتشرة في كل البلدان و بتراقب و كل بلد أو قوة صغيرة أو كبيرة , مقاومة أو تابعة لحكومة , لها عملائها في كل البلدان . و بيراقبوا ليل و نهار , يعني مصر مثلا ما لها عملاء في لبنان أو سوريا أو إيران أو أي بلد ؟ طبعا لها , و بيراقبوا و بيرسلوا معلومات , حتى اسرائيل اللي هي و امريكا :
two asses in one underwear
على رأي ام حسين . كل كام سنة بينقبض على جاسوس لها في أمريكا .
بعدين الرجل بيقول بالحرف :
طـُلب منه الكف عن القيام بأي عمل ممكن يـُفهم منه انه ضد أمن مصر , و القيام فقط بأعمال المساعدة للمقاومة الفلسطينية .
ـ أنا تحليلي بيقول الاّتي :

بعد اغتيال مغنية ظهر السيد نصرالله على الشاشة و قال : اسرائيل نقلت الحرب معانا ( مع الحزب ) إلى خارج الحدود اللبنانية , و أصبحت كل الخيارات مفتوحة أمامنا . انتهى كلام السيد حسن .
من هنا أعتقد انه الحزب بدأ يراقب المصالح الصهيونية في مصر و الإردن خصوصا , لأنه أقرب جغرافيا و لأنها بلدان عربية يسهل الحركة فيها و شعوبها تتعاطف بشكل كبير جدا مع المقاومة .
الحزب على ما يبدو لم يكن في باله تنفيذ أي عمل ميداني في هذه البلدان , عمليات استخباراتية لجمع أكبر قدر من المعلومات فقط .و الدليل تنبيهه للكادر أنه خلاص لا تقم بأي عمل يـُفهم منه انه ضد مصر ( يعني كانوا خايفين حتى من سوء الفهم ) فما بالك بالتنفيذ .
أما دور الكادر أو غيره في مساعدة المقاومة الفلسطينية , فليس هناك ما يخجل منه حزب الله في ذلك , و على أي أرض كان , طالما لا يقوم بأعمال تخريبية على أرض هذه الدولة .
و السؤال البديهي هو : من وين ممكن مساعدة حماس ؟ من سوريا ؟ مستحيل ما في حدود مع غزة و لا في نملة ممكن تقطع هناك لوجود أجهزة الإنذار و القوات الدولية و الأسلاك الشائكة لو فرضنا انه ممكن يوصلوا لغزة من هنا و ها مستحيل جغرافيا , من الأردن ؟ كمان مستحيل , لأنه الحدود مع الضفة و ليست مع غزة .. من جنوب لبنان ؟ كمان مستحيل .. غزة بعيدة و بينهم و بينها جيوش و مدن و قرى ( و مع ذلك حاولوا , و لا مجال للكلام هنا لعدة اعتبارات ) ما في غير الحدود المصرية . و لأنه المواطنين المصريين أنفسهم هناك , أبدعوا في أبتكار الأساليب لمساعدة المقاومة بغزة , من حفر أنفاق و غيره .. فكان طبيعي تكون الحدود المصرية هي الخيار الوحيد و الأنسب .
أنا مش شايف أي تناقض و لا أي شيء غير عادي ..
ـ ملاحظة : المخابرات المصرية و الأردنية هي أكثر مخابرات العالم نشاطاً في بيروت .. حتى أكتر من الموساد ( نشاطاً مش بقول تخريب أو عمليات ..).. و هيدا شي معروف جدا , إسألوا أي محلل عسكري أو سياسي ملمّ بالوضع اللبناني .

مواطن مصري said...

من امتى حزب الله بيعمل عمليات في دول عربية؟


لمؤخذة يا نوارة امال ايران بتلعب في العراق بردو


و ايران بتلعب في اليمن بردو تحت مسمى اخر و بردو بتحطلة موضوع دعم القضية و الخ

ahmed samir said...

@مواطن مصري

متخلطش بين حزب الله و بين ايران

ايران عندها مخابرات و جيش و حرس ثورى و قوة القدس
عندها اجهزة تكفى و تزيد
يعنى مش محتاجه حد يلعب بإسمها

حزب الله فعلاً مش بيعمل عمليات فى الدول العربية يمكن ليه نشاط مخابراتى لكن دي حاجه طبيعية

Anonymous said...

طيب قريتى خبر ان مصر احبطت عملية اغتيال ايرانية للرئيس حسنى مبارك اثناء الحرب على غزة

Anonymous said...

عشان خاطر فيروز , وام كلثوم
ارحمونا بقي لا حسن نصر الله
بلا حسن عامر فرج الله
يذهب الرجال ويبقي الوطن
وكيفك انت
وها سيبك للزمن

مواطن مصري said...

كمان مخبراتي لا تعليق

ahmed samir said...

@ مواطن مصري

اه مخابراتى يعنى جمع معلومات
خصوصاً ان احنا واقفين ضدهم طول الخط

العمل المخابراتي مش مقبول لكن تصرف منطقي و مفهموم
لكن اللى مش منطقي اطلاقاً اتهامات بعمليات تخريبية و بقية الكلام الفاضى بتاع الحكومة