Sunday 19 April 2009

امي فضحتني النهاردة

في الجزيرة مباشر، عمالة تتكلم بادب تتكلم بادب، المذيعة تستفزها، ابدا، المتصلين يضايقوها، برضه مؤدبة
الناس تقول عليا ايه؟ ح تبوظ لي سمعتي اللي بقالي سنتين بابني فيها
انا ما رضيتش اقول لحد قبل البرنامج غير لقلة مندسة تبعي كده، بس دلوقت اقدر اقول لكوا انه ح يتعاد بكرة الساعة تسعة صباحا ان شاء الله واتناشر بعد نص الليل
وانا من موقعي هذا باعلن عدم مسئوليتي عن ادبها اللي مالوش مبرر وعدم مشاركتي في الجريمة دي
انا بس باقول لكوا عشان هي اتكلمت عن السيد حسن حبيب حياتي وردت على الناس اللي بيشتموه بمنتهى الادب وقالت: انا جاية اهدي النفوس
ههههههههههه
امي معلش..

15 comments:

Empress appy said...

انا موتتنى من الضحك طيب والله سكر يا بنتى ما انا قولت لكي علشان بس مفيش حد غبى يزايد عليها وكل ردودها تجنن بجد

Empress appy said...

وادي التعليق اللى سبته لكي فى البوست اللى فات كمان بجد وعلى فكره يا نواره ده ادب وعقل جدا وانا معجبه بيه بجد لانها مفقدتش اعصابها خالص وبرافو عليها انها مش هتدي فرصه لحد على فكره انا مررت الخبر لكام واحد من القله المندسه اللى تبعك نيهاهاهاها شريره انا
لا بجد لانهم زي بيحبوها ومن زمان وعلى فكره من قبل ما يعرفوا انها مامتك كمان

التعليق اهو
ماما كانت جميله وشويه كانت هتقتل الست علشان بتقاطعها بس اقولك قولى لها تدينى عنوان المذيعه وانا اقتلها لان فعلا اكتر حاجه تغيظ المقاطعه فى الكلام والتشتشيت اللى بتلغب عليه الجزيره كتيرهههههههههههههه
بجد عجبتنى علشان محدش يزايد عليها ابدا بجد
كلامها كله معقول وقالت كلمه حق وعجبتنى موووت وهى بتقول انا مش هتجر للفخ ده عجبتنى صراحتها اللى كتير بيفتقدوها وذكائها علشان فخ معين بجد كانت سكر وطبيعيه جدا وردها على الناس اللى زايدت واللى هاجمت وانها فصلت تماما ما بين الشعب وبعضه فى التفكير العجيبه اننا مش لوحدنا او الناس المريضه اللى عندنا واقعه فيه وهو مصر وموضوع امنها دي العدوي اتنقلت يا بنتى والله احنا شعب عظيم بجد بينقل العدوي فى ثوانى
وكله كوم وتعريفها وتحليلها للمثقفين وانها وضحت وجهه نظرها فى اللى بيحصل على انها واحده عاديه او من الشعب مش من المثقفين وبس
قولى لها انا فخوره بيها كتير اوي اوي بجد

Fatma said...

قلةمندسة :)

ماشي يا نوارة

:)

انتي موتيني من الضحك بجد
انا انبسطت بالحلقةعلى فكرة وكلام مدام صافي واسلوبها كانوا اكتر من رائعين بجد

كويس انك قولتي معاد الاعادة هتفرج عليها تاني على روقان

أكون أو لا أكون said...

ليه يانواره مافلتيش من الأول إن الست الوالده على الجزيره...
حتزعليني منك... اليوم عندي إجازه وبكره أنا عندي دوام... شفتي إزاي روحتي عليّه اللقاء...
: (

Unknown said...

بكرة الساعة اتناشر بالليل ح يتعاد يا اكون او لا اكون

حـنــّا السكران said...

الكلام اللي قالته في أول الحلقة ( المكتوب ) لوحده بيكفي ..لأنه بمثابة بيان عن لسان كل إنسان شريف مؤمن بقضية محقـّة و عادلة .

ـ " الأقلية المنبوذة " عجبتني جدا .. يستاهلوا ..

ـ ما في داعي أوصف الحلقة .. وجود الكاتبة الكبيرة صافي ناز كاظم في أي منتدى حواري أو حلقة تلفزيونية أو وجود اسمها على مقال .. كفيل بضمان الفائدة و القيمة .

تحياتي لها و ربنا يحفظها .

احمد سعيد said...

شوفتوا اللى حصل

بيقولك نيابه يهود خيبر بتطالب باعدام المتهمين

مقيفالهم مواد اتهام عقوبتها الاعدام

اسمعى يانوارة

الانضمام إلى جماعة سرية أسست على خلاف أحكام القانون بهدف( قلب نظام الحكم) وتهديد (السلام الاجتماعي) والاعتداء على القانون وكان الإرهاب وسيلة تلك الجماعة لتحقيق أهدافها، والتخابر مع منظمة أجنبية هي حزب الله اللبناني وإمدادها بمعلومات محظورة من دون الحصول على إذن من السلطات المختصة، وتلقي مساعدات عسكرية ومادية من جهة أجنبية على خلاف أحكام القانون، وحيازة أسلحة ومتفجرات بهدف (ترويع المواطنين )وارتكاب جرائم منصوص عليها
في القانون".


ها

ايه رأيك ؟؟؟؟

________________

وبعدين صحيح

حد يعرف ايه حكايه الرسومات اللى لقيوها فى وسط البلد دى ؟؟؟؟؟؟؟؟

Unknown said...

احمد سعيد
ههههههههه
دي عاملة زي الواد محروس بتاع الوزير

mido said...

الرسومات دي تبعي :) ليه عايز حاجة ؟

mido said...

بيقولك اعلانات لمؤمن و الرسومات علي الارض رمز ليوم النضافة المصري :)

mido said...

ليه مقلتيش للكل علي معاد الحلقة؟

ايمان بدوى said...

ههههههههههه
والله كنت عايزة ابعتلك اقولك ماما عسل
وهادية و لسانها بينقط سكر امال انتى طالعة لمين؟
ما شاء الله ربنا يحفظها و يخليها انا استمتعت بالبرنامج جدااا و نفسى فعلا بيطلوا موضوع مقاطعة الضيوف الغلس دة
سلامى و تحياتى لماما العسل

احمد سعيد said...

ميدو
.......

ايون

نظافه من مين يعنى بالظبط ؟؟؟

:)

mido said...

يوم النضافة زي يوم الأرض :)

احمد سعيد said...

ايون يعنى مين اللى هيتكنس ؟؟؟

:)