Wednesday 15 April 2009

كده بقى فيلم اللمبي

لا فشر، اللمبي كان له راس ورجلين، كده بقت مغامرات رجل المستحيل، وحرك اطرافه الاربعة، وسونيا الجاسوسة الحسناء عميلة الموساد
هههههههههههههههههههههههههههههههههه
طب والنبي ايه الاسرار الخطيرة اللي ممكن فنانة مصرية تنقلها لحزب الله، لا وايه، اسرار اجتماعية خطيرة، ايوة ايه يعني؟ ايه الاسرار اللي عندنا احنا هنا في مجتمعنا وخطيرة كمان؟ محطة المطار السري؟ اتلغت
ماهو الفنانة دي يا ست يا عيني محترمة ودوغري وكل همها تشتغل شغل محترم وعشان كده مش عارفة تشتغل، وباقول يا عيني عشان دي مش ح تبقى عارفة اي حاجة خالص، ماحدش بيرضا يقول لها حاجة عشان اعصابها ما تبوظش من القرف اللي بيحصل في الوسط 
يا اما فنانة ملعب ح تعرف ايه دي غير: المنتج الفلاني علق الفنانة الفلانية، المخرج الفلاني اتظبط في شقة مرات المطرب الفلاني وكانوا ح يموتوا بعض، المطربة الفلانية قلبت رجل الاعمال الفلاني لما خلته على الحديدة وفي الاخر خلعت منه
ايه اللي يهم حزب الله في المعلومات دي الا اذا كانوا عايزين يسلوا نفسهم شوية، مش كل حاجة حرب حرب، عايزين نفك عن نفسنا شوية
بس كده المسلسل بقى لطيف
اه والله ابتديت اتسلى بقى، انا كنت متنرفزة، بس كده بقى انا مبسوطة، ح نقضي احلى ايام
هييييييييييييييه الله يخليكي الله يخليكي... غني لي اي حاجة لمحمود المليجي الله يخليكي
بس سبحان الله يا اخي، فيه توارد خواطر غريب ما بين "القوى المعتدلة" في المنطقة، يعني النهاردة الاردن حكمت على مجموعة بتهمة التخابر لصالح حماس
ههههههههههههههه
والله انا اتسليت قوي النهاردة
كان مرة واحد متخلف كتب في الوفد ان المد الشيعي في انتشار وبيحذرنا منه وبيدلل على كلامه بان هيفاء وهبي وراغب علامة وفضل شاكر مسيطرين على الساحة الغنائية
اي والله العظيم تلاتة
اي والله العظيم تلاتة
اي والله العظيم تلاتة
وبناء على هذا الخطر اللي بيهدد المذهب السني، فواجب على كل سني اصيل انه يدعم روبي وخالد سليم واركب الحنطور واتحنطر

41 comments:

Anonymous said...

في حاجة اسمها التجسس لصالح حماس ! ده افترا

Anonymous said...

في نفس الوقت وفد برلماني انجليزي يزور خالد مشعل في سوريا !

Unknown said...

يا ترى مين الفنانة اللي بتشتغل لصالح حزب الله؟

اكيد ماما كريمة مختار: انت جيت شهقة يا رمضان؟

mido said...

لأ اسمها الحركي في التنظيم : ماما نونا :)

TAFATEFO said...

نقلن معلومات لـ"حزب الله"عن الحياة الاجتماعيه والاقتصاديه في المجتمع المصري وغيرها من المعلومات الخطيره
المعلومات الإجتمماعية الإقتصادية دي لذيذة

أما المعلومات الخطيرة فهي دوجه بتشتري حاجاتها منين

TAFATEFO said...

هو المعلومات الإجتماعية والإقتصادية اللي هتنقل لحزب الله هتنقل لحسن نصر الله .. يا أغبياء يا ولاد الكلب .. دا احنا بنكدب ميت كدبه في اليوم وانتوا مش عارفين تكدبوا عدل

ايه الخيبة دي؟؟ حسن نصر الله هيتصل يسأل الأوطة بكام يا متخلفين

أحيييييييييييييييييييه

ألطم .. يا فشلة يا ولاد التيت

وإلا المعلومات الإجتماعية اللي هتنقلها الفنانات .. هالة صدقي خلفت .. وسوشي كانت عيانة امبارح .. وليلى علوي مش مرتاحة مع الجمال .. ولا بلاش ليلى والجمال لحسن ده ليه علاقة بالعيلة المالكة

يكونش الأسرار الخطيرة هي ان في مشاكل بين ليلى علوي حماة جيمي (آآآآآآآآآخ حد يطول يبقى طنطه ليلى علوي .... يا آه يا آه) والجمال

يا ولاد التيت حرام عليكوا .. دانتوا كده بتشربوا رصاص مش بتشموه

Ahmad said...

كوميديا...
غالبا هي هالة صدقي و غالبا هي اتحولت للمذهب الشيعي عشان تتطلق و لما قالت الرئيس الراحل محمد حسني مبارك كان بتكليف من سماحة السيد حسن نصر الله
بس الغريب منتصر الزيات يستبعد اضافة حسن نصر الله لقائمة المتهمين لعدم وجود معلومات تشير الي وجود اتصالات للمتهمين معاه
امال فين القضية؟؟

TAFATEFO said...

من جانب أخر عقد اللواء عق اللواء حسين العدلي وزير الداخليه المصري
وبعدين يا ولاد ستين كلب اسمه حبيب العادلي

حسين العدلي ده أ*ك

TAFATEFO said...

مقال فهمي هويدي .. ليست هذه مصر الكبيرةمع اني اتصدمت فيه لما قال انه شاف البيت بيتك .. صحتك بالدنيا يا أستاذ فهمي .. والتليفيزيون الحكومي مش حلو علشان .. وتامر أمين بالذات ممكن يفقد الإنسان أعز ما يملك

tamer.sala7 said...

انا ارجح انها مادلين طبر او نادية الجندي لما لهما من خبرة كبيرة في عالم المخابرات

الله الوطن مارينا

Anonymous said...

طيب نقول بالمفتشر بقى
العملية دى منسوبة لجهاز المخابرات العامة، يعنى للجهة السيادية الجامدة اللى حضراتكم بتقروا اسمها فى الجرايد وراه كام حرف مرعوش، وتحت إشراف سعادة وزير المخابرات الهمام الذى يحظى بثقة هايلة من الريس، وحامل ملف العلاقات المصرية الإسرائيلية والمحترم فى تل أبيب والقدس وواشنطن، وله شنه ورنه، هل العملية دى مش دليل قطعى على اللى ممكن نسميه وصول الفساد وخفة العقل للجهاز الخطير، الاتهامات شبه شغل أمن الدولة، شغل ناس مريحه وعاوزة تلفق عشان من فاضيه تشوف شغلها بجد، بيلفقوا بالأوامر التليفونية، وبيلعبوا لصالح قوى خارجيه، وضد الأمن القومى، هو المخابرات بقت بتعمل الكلام ده من غير كسوف كده، طب مش خايفين من رد فعل الجيش بتاعكو لما يعرف إن أجهزته الكبيرة اللى بتصرف قد كده من جيب الناس بتلعب لصالح السياسة الاسرائيلية، طب الظابط اللى انتو فاكرينه خرنج وقاعد بيتفرج على وساخة البيت بيتك مش خايفين ليخش على النت ولا حد يبعتله لنك لجرنان اجنبى مترجم ولا بيخش حتى على مدونات وجرايد ومواقع بتقول كلام تانى، مش خايفين، خلاص تجبرتو يا بتوع المخابرات، هو ده الجهاز بتاع الهجان والشوان اللى اتفرجنا عليهم فى التليفزيون، طب الكلام ده مش بيفكرنا بالخلايا الارهابية الليبية اللى مبارك كان كل يوم يطلع بيها فى مواجهة القذافى أيام لما كانو بيشتمو بعض قبل ما ترجع الميه لمجاريها، راحت فين دلوقتى، فاكرين فيلم باكيزة وزغلول كان مبنى على قصة عبد الرحمن البكوش المعارض الليبى اللى قفشوا خليه عاوزه تغتاله، وكذا خليه تانيه، طب راحو فين، فين الظباط اللى لعبو اللعب ده، طب حافظو فعلا على الامن القومى، طب الأجهزة اللى دلوقتى أهم حاجه عندها ان ما حدش يهوب ناحية اسرائيل بتخدم مين يا ترى، طب نتانياهو جاى واندفعله فى عملية خلية حزب الله عربون محبه كبير، على الله بقى يطمر فيه وما يرجعش يبعبص أجهزتنا لا مؤاخذه الحساسة وحكومتنا نايمه علنى، أنا مش عارف طينتهم إيه اللى بيديروا الجهزة دى دلوقتى، طب أمن الدولة قلنا عليه بايظ من يومه ومخترق ومنيل بستني نيله وجهاز قمعى على أصوله وشغلته أساسا يحمى مبارك وصورته والفساد اللى حولينه، طب المخابرات من نفس الطينة ولا إيه

TAFATEFO said...

على فكرة بقى .. لازم تسمعوا كلامي وتصدقوه بدون مناقشة

ويا كتاب الصحف القومية والخاصة وباقي اللبو والمعرصين .. خدوا التصريح ده مني واشتغلوا عليه الأسبوع الجاي كله

تنامى إلينا أخبار استخباراتية مؤكدة أن السيد حسن نصر الله هو نفسه الشهيد ماس كهربائي .. اللي حرقلنا كل حاجه في البلد

انتهى البيان .. وطوا بقى .. ولا أقولكم .. اغسلوها الأول

:@:@:@:@:@:@:@

TAFATEFO said...

وفي معلومات إستخباراتية غير مؤكدة ان حسن نصر الله هو اللي فتح الشباك بعد ما الطيور استحمت وجابلها انفلونزا

Anonymous said...

بس راغب علامة سني المذهب وتبع تيار المستقبل . اما هيفاء وهبي فهي شيعية ومرة سالوها في مقابلة تلفزيونية مين مثلك الاعلى قالت السيد حسن نصر الله .نيهاهاهاهاهاها

TAFATEFO said...

مع ان في ناس بتقول انه فتح على الطيور الشباك وهما بيستحموا .. بس دي رواية ضعيفة .. ايه اللي هيدخل السيد حسن على الطيور وهي بتستحمى؟؟

elmonadel said...

بصراحة احنا لو قعدنا نشنع ونهبل على حزب الله اكتر من كده ممكن تطق فى دماغ حسن نصر الله يعملها معانا

المثل بيقول اتق شر الحليم اذا غضب ولو استفزيناهم اكتر من كده هيبقى زنبنا على جنبنا علشان حزب الله ايده مش فى ***** ويقدر يرد الصاع صاعين بس هما فعلا احسن مننا وبيعاملونا على قد هبلنا

هضربك ياحبيبى..... متقدرش
ده لولا صوتك مكنتش شفتك ياكلب

احمد سعيد said...

اكييييد روبى

هيا روبى انا عارف

وشكيت فيها لما راحت تصور اغنيه قدام الهرم

ايوة

اكيد كانت بتستغل شغلها علشان تصور مناطق حساسه

( الهرم يعنى )

اكيييييييد بعتت الميكروفيلم بتاع الكليب لحزب الله

تمهيدا لتفجير الهرم وابو الهول

ايون , اكيد هو كدة

الزعيم said...

انا علشان أدعم السنة في وجه المد الشيعي إرتضيت بالمطرب الكبير سعد الصغير بديلا لراغب علامة وأهدي بالمناسبة أغنية "بحبك يا حمار" للوزير أبو الغيظ

د/ ماهر said...

طبعا هيفاء وهبي لما كانت بتقول بوس الواوا كان قصدها تقدم رسالة تربوية للمقاومة والواوا هي كلمة السر ومعناها البندقية وواضح طبعا ظهور هيفاء في أي كليب جديد معناة إطلاق صواريخ علي غعتبار إن هيفاء صاروخ وسلملس علي مصر أولا

Anonymous said...

بعدما اصبحت القصة مملة وسخيفة ربما ينجح النظام في جعلها اكثر اثارة باشراك فنانة كطرف يقوم بجعل المسئلة أكثر إقناعاً وبياخة في آن واحد !0 وبكده اكون طرب عصفورين بحجر..التفكير بالقصة من زاوية معرفة هذه الفنانة وتخمين ذلك وبالتالي التفكير على قاعدة صحة الاتهام البايخ وصدقيته وتشويه سمعة الحزب باعتبار انه مستعد انه يتعاون مع الشيطان في سبيل مصالحه وتدمير مصر00بل ربما يجعل هذا التفكير الفنانة ملتزمة وبالتالي يضرب عصفور اخر وهو تحذير اي فنان من دخول الوسط الفني والملتزم معا.. وحينها تكون المسئلة اصبحت قمة في البياخه000

Empress appy said...

اكيد الموضوع فرقعه معتقدش الكلام صح يا نواره خالص
بس لو اخدناها انها تسليه يعنى
فعلشان تكمل هيقولوا انها معتزله ومحجبه نيهاهاهاهاها
اكيد الموقع ده بيخرف لان مقرتهاش فى مكان تاني بس والله الموضوع بقى مسلى جدا

Fahd said...

عفوا هو حضرتك نسيتي ان مادلين طبر كانت في الطريق الي ايلات

ولا شكلك نسيتي نادية الجندي

Fahd said...

انا عايز افهم منك كذا نقطة كده

الاول انت شايفه ان الحدث ده متكبر شوية زياده عن اللازم علشان يغطي علي حاجات تانية

ثانيا انا شايف ان امريكا بتسحب ناعم مع ايران
واللي اعرفه اننا واخدين موقف من ايران علشان منزعلش اميركا

طيب ليه مش بنركب الموجه كنظام يعني

انا مش قادر افهم


مش ملاحظة ولاول مرة مواطن وطفايفوا اتفقوا علي حاجه

في المدونة اللي قبل دي

حـنــّا السكران said...

بيذكروني بالطرق الاسرائيلية زمان .. الاسرائيليين كانوا ..كلّ فنانة مصرية محبوبة و حلوة و لها شعبية و خصوصا الفنانات اللي كانوا يشاركوا بأفلام لها هدف وطني .. كانوا يقولوا انها تعاملت مع الموساد ..و تكتب الصحافة الصهيونية قصص و روايات عن الفنانة الفلانية اللي اشتغلت مع الموساد .. مرّت فترة بعض الفنانات المصريات ما كان عندهم شغل إلا الحلفان بالجرايد انهم عمرهم ما مشوا في شارع مشي فيه واحد اسرائيلي و لو بالغلط ..و عمرهم ما شافوا و لا سمعوا صوت حدا اسرائيلي ..
ـ انا حاسس انه هالقضية رح يذلـّوا من وراها ناس كتير بمصر و تصير متل قضية مايو و قلب نظام الحكم زمان ..يلمّوا من وراها شي ألف بني ادم .. خدي بالك يا نوارة .. و لو حدا كلمك .. افتني على مواطن مصري ..:P

Unknown said...

نياهاهاهاهاهاهاهاهاهاهاهاها
أ/ نوارة

صفوت الشريف لازم ينزل بتقله فى الليلة
مش كان ماسك قسم الفنانات فى المخابرات

حنقبض عليهم متلبسين
نعملها عملية سيطرة
و نصورلها فيلم
اسفوخس عليك
يا صفوت بيه

تخابر

على فكرة التخابر مش حيطلع عن ثلاثة
حنان ترك
صابرين
سهير البابلى

اصلهم يا عينى مدفوعلهم عشان يتحجبوا

اللمبى
وصل يا رجالة

و ست الحناين يا حنانة انت

و نحن الأن فى بوتقة الحرية
فإنه حرى

يبقى الست اللى جنبه تبقى مراته
عشان قال حريم بنا

شكلك فاهم يا نص

واحد مصاحب حسن نصر و خالد مشعل
عايزينى اطلع ايه
طيااااار

و الحدق يفهم
:-))))

Unknown said...

هاهاها
الخبر فعلا غريب و فيه مبالغة و لا يقدم
اي دليل. لكن علاقة الفنانات بالشخصيات المؤثرة ده شئ له تاريخ في مصر و خارج مصر و اذكر علي سبيل المثال لا الحصر برلنتي عبد الحميد و المشير عبد الحكيم عامر , مها صبري و علي شفيق مدير مكتب عبد الحكيم عامر, مارلين مونرو و جون كنيدي, و ما اشيع و الله اعلم عن لوسي ارتين و احد اهم قيادات الجيش المصري ابو غزالة, و حديثا سوزان تميم و هشام طلعت مصطفي امبراطور الاسكان في مصر و عضو مجلس الشعب و رئيس لجنة الاسكان فيه.
استخدام المال و النساء كان و لايزال اهم وسائل اجهزة المخابرات لتجنيد عملائها او الحصول علي المعلومات. و الموساد الاسرائيلي نشط دائما في هذا المجال. أما مين الفنانة التي تصلح لهذا الدور فهيفاء وهبي تأتي في المقدمة لانها اعلنت في اكثر من مرة ولاءها الشديد لحزب الله فضلا عن تمتعها بمواصفات شكلية و شخصية تجعلها محط اعجاب كثير من الرجال فضلا عن نيتها الزواج من رجل اعمال مصري و هدا الزواج سوف يتيح لها الانخراط في طبقة رجال الاعمال و السياسة و الاهم من كل هذا انها بتعرف تبوس الواوا أح
:D

Unknown said...

يا جماعة
بوس الواوا كانت معمولة لجرحى المقاومة

مش فاهمين انتوا حاجة

والله الراجل اللي كتب المقال قال راغب علامة شيعي، وانا اللي اعرفه انه شيعي فعلا

وممكن يكون تبع تيار المستقبل كنوع من التمويه خصوصا بعد ما السنة قالوا له: ارحل يا حبيبي اهلي ما يرضون

وبعدين واضح جدا التوجه الديني الشيعي في خطاب السيد فضل شاكر خصوصا في اغنية الله اعلم

مافيش اي تحليل للخطاب كده؟
مش تركزوا في الكلام

انا احيي الاخ اللي اقترح العلامة سعد الصغير للتصدي للخطر الرافضي

بارك الله فيك يا اخي
خاصة وان العلامة الشيخ سعد الصغير حفظه الله تنبه للخطر الرافضي الفارسي المجوسي حين اطلق صرخته المحذرة:
بالعربي كده عشان بص ما ندخلش في حوارات
بالعربي كده عشان بص انا مش ناقص متاهات
ده انا قلبي في ايديا
ومافيش غالي عليا
ولسة ما اتخلقش
يابني انت ما اتخلقش
اللي ح يلعب بقلبيييي

اصحىىىىىىىى
فووووووووووق
اصحىىىىىىىىىىىىى
فوووووووووووق

مواطن مصري said...

مش ملاحظة ان ايران بدأت تدافع عن حزب الله اية الي دخل ايران بقى مش بقولك انا شام ريحة ايران و تقولك عشان انتخبات لبنان اية الي دخلها في الشأن اللبناني ؟؟؟؟؟؟؟؟؟؟؟؟؟؟؟؟؟؟؟

مواطن مصري said...

انا بقول قد تكون مادلين طبر و ذالك لائنها اشتغلت جاسوسة في الطريق الي ايلات
:)

مواطن مصري said...

تقدري توضحيلي يا نوارة اية دخل ايران في انتخبات لبنان و ربطها لية ب الي حصل في مصر و بيدافع عن حزب الله
؟؟؟؟؟؟؟؟؟



مش دة يطرح اسئلة كتيرة هي ايران عاوزة اية من لبنان

Unknown said...

هههههههههههههه
طب انا اعمل ايه في جو دلوقت؟

اخنقه؟

كاتب بوستين في منتهى الروعة ومانع التعليقات

حـنــّا السكران said...

أيوه راغب علامة شيعي أكيد .. و مش تبع تيار المستقبل .. كمان أكيد .
بيت علامة عائلة شيعية كبيرة و معروفة و على فكرة .. هيفا كان عندها أخ استشهد بأواخر الثمانينات , كان في المقاومة .. قبل ما هيفا تدخل الصراع الشيعي السني من خلال الواوا و الأحّ و الدحّ... أما إذا كنتم تبحثون عن من يقود هذه المعركة المصيرية في وجه راغب و فضل و هيفا ..فأنا أقترح شعبولا ..لأنه خاض غمار السياسة عن بإعلانه صراحة لحبه لعمرو موسى و كرهه الصريح لإسرائيل ..جاب من الاخر يعني .و صار عنده خبرة بالسياسة ..
و السي ان ان عملت معه لقاء . يعني شخصية مؤثرة .

حـنــّا السكران said...

انا عندي ممنوع الدخول إلا للعوائل

بما اني عايش بالخليج من زمان .

كلّ مكان هنا بتلاقي مكتوب عليه : للعوائل فقط ..


هي عوائل جمع عائلة؟؟؟

طيب اجيب عوائل منين انا عشان ادخل اشرب قهوة في مكان ؟؟

حبيت انتقم من خلال المدونة

TAFATEFO said...

@ مواطن

عايزة حاجات أيّا

Anonymous said...

يا جماعة في حاجة اسمها مخ وعقل ....... لكن الواحد يسخن مع اي خبر ايا كان مصدره ........ اسرائيلي , لبناني . مصري , صعيدي ...... يبقي دا واحد سخنان اصلا من غير اي حاجة
والاهبل اللي بيصدق اي حاجة

وللاسف ان احنا العرب بنصدق كل حاجة بقالنا سنين

Anonymous said...

TAFATEFO
________


هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

mido said...

حنا السكران بوست منيح يا أخا الشليتة :))

حـنــّا السكران said...

ههههه يخرب ذوقك يا ميدو

Unknown said...

هههههههههههههههه

طفاطيفو في الحالة اللي باحبها

كل ما دمه بيتحرق بيبدع


جو

ههههههههه
ميدو مش عارف معنى الكلمة

ينيلك يا ميدو
دي شتيمة
هههههههههههه

حـنــّا السكران said...

بعرف انه مش عارف

الحق عليّا انا ..ههههه

mido said...

ههههههههه حرمت استخدم اللغة دي تاني _خلاص توبة هههههه