Sunday 12 April 2009

الى كل اللي بيكرهوني... ربنا بعت احمد عبد الفتاح ينتقم

مصحيني النهاردة الصبح عشان اشوف ده:
قومي قومي... انت لسة نايمة، شوفي الجمهورية...آه، وعلى فكرة انا نشرت البوم الصور كله على المدونة
ضربة مزدوجة
على فكرة، ما ينفعش كده، ما ينفعش كده خالص
اولا: ما ينفعش ناس تقول حاجة نرد على حاجة تانية:
ما ينفعش الراجل يقول كان فيه من ضمن الناس اللي بتعدي الحدود عشان تقدم مساعدات واحد من حزب الله وبصراحة هو عتال
نقوم نرد عليه ونقول اعترف بوجود خلية ارهابية بتأجر شقق وفيلات وعمارات سكنية
عمارات سكنية؟ عماااااااارررررررررراااااااااااات سكنية؟ ما كانتش في عريضة الاتهام الاولانية دي، تم اضافتها امتى؟
ثم اجروا عمارات سكنية وللا حتى اشتروا مصانع، ما انتوا بتبيعوا اراضي وبتخصخصوا مصانع بتبيعوها لاسرائيليين ولغير اسرائيليين
ثم هم نفوا انهم بيأجروا اي نيلة عندنا، هم قالوا احنا كنا بنعدي واحد من عندنا على الحدود لغزة، اه قالوا كده، قالوا كده، رد بقى على اللي قالوه، بترد على حاجة ماقالوهاش وتقول اعترفوا ليه؟
ثانيا: ما ينفعش واحد يتريق على غباءنا نقوم نأكد له اننا اغبيا بجد
ويبقى غباء بصباع رجلنا الصغير، كده الوضع محرج فعلا، انا باتكلم بجد
يعني اللي عايز فعلا يتخانق معاه، يتخانق بدعوى: انت ليه بتعدي ناس من حدودنا؟
ساعتها بقى هو يرد ويقول اي حاجة، مثلا: يعني انتوا سبتوا دول كل اللي بيعدوا من الحدود ومسكتوا في ده؟
يعني انتوا بتدخلوا اسرائيليين من غير فيزا ولا حتى ختم وماسكين في اللي خارج من عندكوا مش في اللي داخل؟
طب احنا بنقول احنا بنودي لغزة ايه؟ انتوا عارفين الاسرائيليين اللي داخلين داخلين بايه؟
طب ما انا مضطر عشان مافيش الا الحدود دي؟ ح ابعت لهم اعانات ازاي؟
طب شوفوا ايه اللي يرضيكوا وانا اعمله... طب اولعوا بجاز وسخ واتفلقوا.... طب سيادة ايه اللي بتتكلموا عليها؟ هم كانوا يهود الفلاشا دول عدوا منين؟ طب الهجرة غير الشرعية الافريقية لاسرائيل بتعدي منين؟ ما تتنيلوا على الكاميرات الامريكاني اللي متكلفة خمسة وتلاتين مليون دولار بتصور اللي داخل واللي خارج... طب ما تتنيلوا على حدودكوا ومجالكوا الجوي اللي فضلوا يخترقوا لمدة تلات اسابيع... طب خلاص هاتوا الواد واحنا ح نخلي اسرائيليين عندهم انسانية اكتر منكوا يعدوا لنا الحاجة...طب هو مش انتوا قلتوا الحدود دي مشتركة اللي بيدخل باخطر اسرائيل واللي بيخرج باخطر اسرائيل؟ طب انتوا مالكوا بقى ماهي حدود دولية احنا مش بنعدي من حدودكوا
يقوموا مثلا يردوا عليه ويقولوا له: لا ما انت لما تعدي من حدودنا ممكن اسرائيل تضربنا واحنا خايفين
يقوم هو يرد ويقول: ماهي ضربت الحدود كده كده يعني... وانتوا خايفين على طول هي دي حاجة جديدة؟
يقوموا يردوا عليه ويقولوا له: لا ما احنا بقى عايزين نمنع اي حد يعدي عشان اسرائيل ما تضربش حدودنا تاني
يقوم يرد ويقول: والله؟ يعني انتوا كنتوا زعلانين قوي ان حدودكوا بتنضرب؟ انا ما شفتش يعني ان الموضوع فرق معاكوا ولا حاجة
كده يعني
اهم حاجة بس ان خط الحوار يبقى رايح جاي في سكة واحدة، ما يبقاش الحوار: سالخير يامّا
- طابخين بامية بامية يا حبيبي.. اقوم اغرف لك
باقول لك يا ما سالخير-
- وايه اللي خلاك تتغدى برة؟ ما انا طابخة
يوووووو تصبحي على خير ياما-
- على رأيك البامية لما بتبات بتبقى اطعم
كفاية اننا ايام حرب غزة كنا زي الولية القصيرة اللي كانت دايما تطلع في الافلام القديمة طرشا: انت ايه اللي رجعك؟
الجزمة بتوجعك؟-
- افتحوا المعبر
طب ليه ايران ما تحاربش؟
- بنقول لكوا افتحوا المعبررررر
ايوة يعني ما الجولان محتلة ليه سوريا ما تحاربش
- حد اتنيل جاب سيرة الحرب؟ بنقول افتحوا المعبر
وحزب الله كمان سايبهم وعامل عبيط
- يييييييييييييييييييييييي شوفوا الاكل فيه ايه يا جدعان دول بياكلوا لحمة حمير بجد
ماشي احنا بنعمل كده مع بعض... بلاش فضايح بقى، ما ينفعش الناس تفضل تضرب كف على كف وتضحك علينا...
لا وماهر الجندي طالع في صوت الامة يقول كان فيه تنظيم سنة خمسة وسبعين اسمه حزب الله واتقبض على صاحبه - اللي هو كان المؤسس والعضو الوحيد وجنسيته مصري واسمه السيد عبده- سنة تمانين
طب سنة خمسة وسبعين كل بتوع حزب الله اللي موجودين دلوقت كانوا بالشورت وفيه منهم كان في اللفة وفيه كان امه وابوه لسة ما شافوش بعض
على فكرة بقى
انا حقيقي مش مهتمة بخناقة النظام مع حزب الله
بجد بقى بالامانة
انا متضايقة من حالة الضحك الهيستيري اللي النظام المصري - وعلى فكرة بقى والجمهور المصري كمان - بقى يثيرها كل ما يتكلم
ابتديت اتضايق بجد
انا عارفة انهم بيعملوا كده عشان اسباب كتير، منها انه مثلا بيساعد حماس وحماس دي اخوان والاخوان دول يع يع يع يع، بديول وقرون وطراطير وعندهم عين واحدة في قفاهم
بس هم على فكرة مش بيساعدوا الاخوان بتوع مصر
ومش بيساعدوا حماس عشان اخوان بيساعدوها عشان هم محتاجين يزنقوا اسرائيل في النص، هم ح يعوزوا ايه من النظام المصري؟
بالعقل كده، اتخانقوا بس قولوا كلام يعقل، يعني مثلا اقعدوا مع جنبلاط والحريري وجعجع (يا زين ما خلفتي يا زينب) واسألوهم الناس تقول ايه، يكتبوا لكوا في ورقة كده النقط
لا بلاش النقط احسن ما تفهموهاش
السيدة في ضهرك يا حاج جعجع، تكتب لهم بالظبط يقولوا ايه، وتقرا لهم الكلام تلات مرات بصوت عالي، وتخليهم يقروا قدامك مرتين، واياك ثم اياك حد فيهم يرتجل احب على يدك... اخوكوا مزنوق والناس لبعضيها، اقول لك على خطة احسن
اتكلم انت... اه، حل كويس اهو يا جدعان، النظام المصري يقول: احنا مترفعين عن الرد على حزب الله
وانت بقى تتكلم وتقول: مصر صحيح ترفعت عن الرد بس انا احب اقول... واتكلم انت الله يخليك
وبعد كده احنا ح نخيط لهم بقهم بابرة تنجيد

52 comments:

mido said...

أنا كنت لسه حبعتلك المقال ده
:D

انت لو شفت منظره فى الصفحة الاولى عامل ازاى حتتخضى

ahmed samir said...

أنا عايز اعرف مين الواسطة الجامدة
اللى عملت محمد على ابراهيم صحفى و خليته رئيس تحرير

عشان اروحله يمكن يعينى قائد الكلية الحربية و لا حاجه

Unknown said...

لا على فكرة

لو ح نلجأ لواسطة محمد ابراهيم

يبقى بالمقارنة اكيد يا احمد ح يقدر يعينك رئيس الولايات المتحدة

يا ميدو

مافيش داعي تبذل مجهود في قتلي

احمد عبد الفتاح عامل اللي عليه وزيادة

Empress appy said...

وعلى غرار ما تقوليه يا بنت العم العريش متبهدله اعتقالات وخزعبلات وتقريبا هيطلعوا نص البلد تبع حماس ونص تبع حزب الله
ويبقى كده الحمد لله هيقولوا ان العرايشيه خونه
سبحان الله زعق ليهم نبى فجأه باكتشاف خنادق ومعابر وفتوحات وفتحات وكل حاجه بقالهم كام يوم
وزودى فولس مركبه اجنحه وبتطير
لسه الاخبار متقاله ليه حالا

Empress appy said...

خدى دى كمان ظباط امن الدوله اللى هناك مرعوبين علشان موضوع الخطف اللى بيحصل من العائلات للظباط لما بيتعرضوا لاولادهم ههههههههههه طيب والله يستهلوا وبهدلوا اللى اعتقلوهم كلهم اللهى ربنا يوقعهم فى ايد حد تكون ايده الشمال اكبر من اليمين ساعاتها بقى يبقى دكر منهم يفضل فى مكانه

ahmed samir said...

المفروض كان ممتاز القط حيكتب حاجه مشابهه
لكن رد السيد حسن نصر الله كان الجمعه بليل
و عدد اخبار اليوم كان دخل المطبعه فعلاً
فجه الدور على محمد على ابراهيم

و اذا الموضوع فضل سخن الاسبوع يبقى حنشوف مقاله مشابهة يوم السبت الجاي

Unknown said...

قد أعلنت في حديثك الخطير مساء أمس الأول أن حزبك يختلف ايدولوجيا عن "القاعدة" وأنكم لاتكررون مافعلته القاعدة في السعودية.. هذه أول مرة نعرف أن الارهاب له "ايدولوجية"

ya nhar 2eswed da gahel ya ged3an aeeeh dah howa ta2reban mesh 3aref ya3ny aeeh ideologyh :S de wasta gamda awwwy

Anonymous said...

هههههههههههههههههههههههههههههه
انا كل ما بحاول اجيب فقرة من مقاله عشان اضحك عليها شوية ألاقي الأنقح منها جاي وراها ههههههههههه

المقال مصخخخخخخرة..مصـ خخخخخخرة هههههههه
شوفتي تعليقه على أسلوب نصر الله؟هههههه
دانا أول ما سمعته كان تعليقي على أسلوبه هههههههههههههههههه
ابن الكلب..عرف يضحكني ويضيع وقتي في أحلك ظروفي!!

TAFATEFO said...

ده لسه التقيل جاي ورااااااا

لسه هتشوفوا مع المحاكمة .. لسه بدري

مكنش نفسي يقول .. أنا منوفي آه .. وده سبب كافي اني أرفض اعتراف الشيخ حسن أو أي حد بأي حاجه حتى لو كانت مدعاة لفخره .. بس كوني منوفي يخليني أفهم الخراء العام واللي هتقوله أبواق النظام علشان النظام مترفع

يصدقني بقى و وأنونيمس لما أقولهم ان حتى لو كان ده حقيقي .. مفيش عاقل مصري يتمنى ان الشيخ حسن يطلع يدي الظام حاجه يبنوا عليها برايزهم الفكريه

حسبنا الله ونعم الوكيل

وعلشان تعرفي اني قلبي طيب مسمعتكيش مثلاً حلقة عمرو أديب امبارح .. علشان والله أنا قلبي طيب بس

TAFATEFO said...

@ ahmed samir

بقى يا رجل يا طيب بعد كل اللي كتبه وهيكتبه .. محتاج واسطة؟؟!! طبعاً مش محتاج واسطة

TAFATEFO said...

لقد لاحظنا ياسيد حسن نصر الله أنك كنت تتحدث بصوت خفيض وهادئ هذه المرة.. وكما نقول في مصر "بتجر ناعم" وتتحدث بأسلوب فيه ضعف واهتزاز فهل هذا راجع إلي إنك انكشفت وتحاول تغيير صورتك لدي الجماهير الطيبة!

لاحظ بـ***** .. ازاي سخرية من لاموز قضائية- ونعم بـ النائب العام رمزاً قضائياً- .. وازاي اهتزاز

وييجي حد يسأل عن واسطة .. بقى إمتاع الجماهير بالبرايز الفكرية محتاج واسطة أكبر من كل مؤهلات رؤساء تحرير ورؤساء مجالس إدارات الصحف الـ آل ايه قومية??

ك ح ك

TAFATEFO said...

والجميع يضحكون علي المسلمين الأبرياء في كل مكان باللحية والسبحة وزبيبة الصلاة

ههههههههههه

حلوة المسلمين الأبرياء .. نحمد الله انه مقالش السذج

اسكت يابن الأهبل

مواطن مصري said...

م كانوا يهود الفلاشا دول عدوا منين؟ طب الهجرة غير الشرعية الافريقية لاسرائيل بتعدي منين؟ ما تتنيلوا على ال

امال كل شوية نسمع عن احباط محاولة دخول يناء 26 افريقي مقتل اتنين افريقي الخ


ثانيا المعبر اتفتح للمعونات الجرحى مش هيتفتح على البحري

عشان حزب الله يدخل منو اسلحة ولا يفجر في سيناء سواء حزب الله او اي تنظيم و يورط مصر

مش عاوز المعبر يتفتح ع البحري عشان نشوف عندنا مخيمات و اسرائيل تنتهز الفرصة بعد ما الفلسطينين يروحو العريش زي المرة الي فاتت و يقفلو المعبر من عندهم

مواطن مصري said...

معلش يا نوارة دة رائي و الحاجة الوحيدة الي بختلف فيها معاكي و مش عاوزك تزعلي من رائي


و بعدين مصر دولةةةةةة مش جماعة و دة امن مصر كلها الي احنا ككل المواطنين عايشين فيهاااااا

أكون أو لا أكون said...

اسلوبه هجومي غير منطقي... ولا موثق...
هجومه على السيد حسن وتلفيقه لتهم بهذه الطريقه الصبيانيه تجعله في قائمه من يطبلون ويزمرون للفتنه الطائفيه الإسرائيليله في لبنان...
بكل غشم و استغباء محمد على ابراهيم يرويج للقال والقيل الإسرائيلي في لبنان... وبلا أدله...!
وبكل الاحوال لا أظن أن أحداً ينتظر منه اثبات أو براهين...
لأن هذه أمور لبنانبه داخليه...!
ولأنه هذا ليس حديثنا الآن...!
ولكن إن أراد أن يناور... فليكن في قلب الحدث... وليس في قفاه...

mehro said...

لا أدري إذا كنت ستنشري ما سأكتبه ام لا, ولكن يكفيني انك قرأتيه, ما كتبه ذاك الكاب ماهو إلا عهر, وذكرني بما سمعته عن ردح العاهرات لبعضهن.
لاغرابة فيه و في أمثاله من حثالة كتاب الأعمدة من باعوا أقلامهم و صحفهم كأرخص عاهرة.

حـنــّا السكران said...

جعجع يتكلم عنهم ؟ لا وصلتِ

هو الظاهر كان بيقرا في السجن ..لأنه صار عم يقول شعر بخطاباته و حكم و أمثال بس عنده ( لازمة أو لازمات ) ثابتة يعني مثلاً رح يقول :

هي صحيح مصر ترفـّعت بس أنا بدّي أقول انه الرئيس مبارك معه حق مية بالمية , ميّة بالميّة , و بقول للشعب المصري : البحر أمامكم و العدو ورائكم و انتبهوا لأنه حزب الله عايز يرجـّع الأندلس . ( قالها مرّة على فكرة , مش مزح يعني ) .
إذا كنتم عايزين متحدث يليق بالحالة , خدوا جنبلاط ..بس قبل ما يتكلم لازم تاخدوه على أعتق غرزة في مصر .. و اتركوه بعدين يتكلم .. و لا تتخضوا إذا ضلّ يقول : مصر إلى أين ؟؟ مصر إلى أين ؟ و رح تكتشفوا بعدين انه النظام السوري هو اللي بيدير كلّ شاردة وواردة في مصر .
ـ بس الصراحة , هيدي أول مرة بتشارك مصر رسمياً في الحملات الإنتخابية اللبنانية .و بكرا بالخطابات الإنتخابية في لبنان رح تسمعوا صدى البكاء على مصر و سيادة مصر ,لأنه كمان في شبه كبير من ناحية تانية . لأنه اسرائيل كل ليلة و كل ساعة و كل يوم بعد ما اتطمّن عليك .. بتخترق الأجواء اللبنانية من الشمال للجنوب , و لا حدا من بتوع السيادة بيفتح باجوقه و بيحكي .. الأمر نفسه في مصر ..موضوع السيادة مع اسرائيل مش بالحسبان , بس لو مواطن سوداني نصب خيمة .. شوفي بقى السيادة و الكرامة الوطنية ..
ـ أنا بدي أقول شي : لو تكلمنا بكلّ تجرّد و بعيدا عن أي حسابات عاطفية و إنسانية .. من حق مصر إنها توقـّف حتى أي مواطن مصري بيهرّب علبة سجاير للسودان مثلاً , أو لأي مكان خارج الحدود و بطريقة غير نظامية .. هيدا المنطق و القانون ..لكن اللي حاصل .. إنه الأمور صارت كلها ( حق يراد به باطل ) .. يعني بتجرّد كمان .. سامي شهاب و كل الأخوة المواطنين المصريين اللي بيهرّبوا سلاح للمقاومة الفلسطينية .. شافوا انه هيدا واجب بكل المقاييس ,,و عليهم القيام به و لا يخجلون به لأنه ليس بالإمكان أفضل مما كان .. مفيش بدائل ..يعني النتيجة .. إذا كان سامي شهاب و مصريين اّخرين .. بيشتغلوا عـتـّالين عند المقاومة لأسباب وجيهة و مشرّفة .. الحكومة المصرية بتشتغل شرطي عند إسرائيل .. لأسباب مشينة و مخجلة و لا علاقة لها بالسيادة ..لأنه السيادة ما بتكون بوجه المظلومين و المقتولين بس .. بتكون بوجه الظلمة و المحتلين و المجرمين اللي بإسرائيل .. بعدين أنا فعلا مستغرب حاجة فظيعة .. أنا مبارح جاني خبر من الصحافة الإسرائيلية عن كتاب مازل جديد هناك .. الإستغراب نابع .. من تركيز الجميع في اسرائيل .. على عشق عوكل الأبدي و غرامه العجيب للإسرائيليين و كرهه للعرب كل ما الإسرائيليين جابوا سيرتهم قدامه ..الرجل عنده مبدأ غريب جدا .. بيتصرّف كتلمودي عريق و مؤمن .. أنا رح انشر المقطع اللي جاني متل ما هو بعد هالتعليق .

حـنــّا السكران said...

حتى في لقائه الأخير مع الصحفية الإسرائيلية اللي انت أعدت نشره هنا.. كان بيتكلم بحبّ غريب عن الإسرائيليين .. حتى عن شارون

هذا هو النص كما وصلني :

ذكر موشيه ساسون أول سفير اسرائيلى فى مصر فى مذكراته : أن شارون عندما كان وزيرا للزراعة زار مصر واستخدم طائرة حسنى مبارك الخاصة فى استكشاف الأراضى الزراعية المصرية . أما عند سفره نهائيا يتحدث السفير عن اللقاء الحميم مع مبارك وأنه عندما اشتكى له من البرامج الدينية فى الاذاعة والتلفزيون المصريين التى تتعرض بشكل سلبى لليهود ، قاطعه مبارك فورا وقال : أنت محق فى ذلك . سأصدر فورا امرا الى صفوت الشريف وزير الاعلام بألايمسوا أمور اسلامية يهودية لا فى التلفزيون ولا فى الراديو ، هذا الشىء الخطير جدا على حد قولك سيتوقف . ضغط الرئيس على الزرار الموجود على المائدة الصغيرة بجوار مقعده ودخل سكرتيره الشخصى الفقى وشرح له الرئيس المطلوب باختصار وأمره بالاتصال بوزير الاعلام وابلاغه بأن يوقف فورا تلك البرامج وسجل السكرتير أمر الرئيس وخرج . وهكذا بطلب من سفير اسرائيل ألغى مبارك قرابة ثلث القرآن وأبلغ وزير الاعلام للتنفيذ فى حضور السفير حتى يطمئن تماما . لذلك لم يكن غريبا أن يتحدث السفير عن مبارك فيصفه : أذهلنى كانسان بدأ طريقه شخصية غير معروفة وتطور وأصبح زعيما مذهلا ناضجا سياسيا يتمتع بثقة بالنفس وكفاءة زعامة ! وظل يكتب عنه أنه الشخص الوحيد الذى حمى السلام مع اسرائيل وهو يلعب دورا رائعا فى ضم العرب الى مسيرة الاستسلام ، بل وحيا فى مبارك اختياره طريق التبعية للولايات المتحدة !
ووقف مبارك بصلابة ومبدئية ضد حزب الله والمقاومة اللبنانية وضد حماس والمقاومة الفلسطينية وضد المقاومة العراقية والأفغانية وضد ايران ولم يتزحزح أبدا وهو لم يلتق بأى رمز للمقاومة ولكن أصغر يهودى صهيونى يهب لاستقباله ويفرغ له الوقت واليوم كله ، كما فعل مع السفير موشيه ساسون . وهو يكره كل الرموز التى تكرهها أمريكا . فى المرات القليلة التى ألتقيت به على طائرة الرئاسة حيث كانت هناك محاولة من جانبه لاحتوائى كما فهمت فيما بعد ، حاولت أن استدرجه فى الحديث عن دور مصر تجاه : حصار العراق والسودان وايران ولكننى لم أسمع منه الا الشتائم فى حقهم ، .

rtrcbh said...

فاكرين تنظيم الطائفة المنصورة اللى كان من حوالى سنين ؟؟

هل اختلف السيناريو كثيرا ؟؟

حـنــّا السكران said...

واضح انه هيدا مقال الأستاذ مجدي حسين طبعاً . بس أنا أرسلته متل ما وصلني .

حـنــّا السكران said...

الأستاذ منتصر الزيات على الإل بي سي بيتحدث عن الموضوع

Unknown said...

"ياسيد حسن لا تقارن نفسك بمصر.. القاهرة عندما تريد الحرب فهي قادرة عليها بشكل جدي ومؤثر يزعزع إسرائيل.."

هههههههههههههههه
هههههههههههههههههههه
هههههههههههههههههههههههههه

ده احلى مقتطف في المونولوج

TAFATEFO said...

يا جو .. طبيعي ان النظام المصري يمسك أي أجنبي يعمل عبر الحدود

طبيعي ان النظام يوقف ويسعى لإيقاف كل عمليات التهريب (مؤن أو أسلحة) للمقاومة في غزة

طبيعي انهم لو أوقفوا عنصر من عناصر حزب الله هيكيلوا له التهم ويوضبوله عريضة اتهام قد تحوي تهماً كـإثارة الفتنة بين طوائف الشعب و التعتيم على مفهوم العولمة وتفجير ماسورة شبرا.. ومش مشكله ده عادي وبيحصل كل يوم للمصريين .. ه لو افتكروهم باتهام أصلاً

وطبيعي انهم يثبتوا التهم ويهللوا ويكبروا ويرغوا ويزبدوا .. وكوكو يكتب .. وناو ناو يتحفنا .. وأسامة سرايا يتساءل .. وسائر المرتزقة يتحفوا الغلابة اللي بيشتروا الجرائد القومية علشان يفرشوها تحت الأكل (وعلى سبيل الاستخسار بيبصوا فيها) بخراهم الفكري علشان يسممولهم اللقمة .. وأهو لو الخضار مسرطنهمش والحبر مسرطنهمش أهم يمكن يموتوا بسكتة دماغية

كل ده طبيعي .. ومحدش مستغربه .. حتى اللي بيقرفوا .. بيقرفوا وهما مش مستغربين

لكن اللي مش طبيعي .. ان حسن نصر الله يطلع يقولهم أيوه بتاعنا .. طب خلاص بقى .. هيسكتوا امتى؟؟ يعني هي كانت ناقصة؟؟ ما الناس بتتعامل معاهم على قد عقلهم من زمان .. طلبت يعني الشيخ حسن نصر الله يرد عليهم؟؟ ما هم مقدامهمش حاجه يعملوها .. وهو اللي طير البتاع اللي اسمه صوابهم

يا ريته ما كان قال اللي قاله .. ما هو لما واحد أهبل يطلع يتهم واحد بشوية اتهامات .. والمتهم يفندها ويرد عليه وميبقاش ليه حجه .. هيعمل ايه؟؟ الطبيعي انه هيبتدي يشتم .. ما هو هيقول ايه؟؟

حـنــّا السكران said...

أنا أستمع إلى عبدالله كمال و مصدوم جدا ..يبدو أن حزب الله و حماس هما العدوّين الوحيدَين و الأبديين لمصر ..بل هما أعداء للإنسانية جمعاء !!!!!!
يبدو أنه لم يعد هناك داعٍ لأن يقوم أي إسرائيلي أو أمريكي متصهين بقول كلمة واحدة لتشويه سمعة المقاومة العربية .. لدينا من يقوم بالواجب و بطريقة لم يكن الصهاينة يتخيلوها .

حـنــّا السكران said...

و سامي شهاب استشهدت عائلته بحرب تموز .. و هو انصاب بعموده الفقري .. الله يستره من الضرب و التعذيب .

TAFATEFO said...

شبهة تأييد المقاومة - فهمي هويدي

حـنــّا السكران said...

هل كان عبدالله كمال متحمّساً لهذه الدرجة ضد الجواسيس الصهاينة الذين ألقي و لا زال يلقى القبض عليهم في مصر ؟ أم أنه كان من المطالبين بالإفراج عن عزام عزام باسم الإنسانية ..لم أسمع له كلمة واحدة بخصوص الجاسوس الذي ألقي القبض عليه قبل عامين , أو ذاك الذي مات في السجن مؤخرا بعد إلقاء القبض عليه بفترة .. لكن أظن أنه سيشارك في حملة الإطلاق عن الجاسوس الإسرائيلي البدوي المسجون في مصر و الذي يقوم أحد نواب الكنيست العرب بتحضير حملة لإطلاق سراحه ..

ـ لماذ كلّ هذا التوظيف السياسي و الإعلامي الرهيب , و ترديد كلّ هذه الأكاذيب على طريقة الإعلاميين السوقيين المأجورين الذي ظهروا في لبنان في السنوات الأربع الأخيرة .. ظهروا من العدم و أصبحوا إعلاميين كبار بعد أن كانوا يعملوا مخبرين .. كان معروف انهم بيعملوا مخبرين .. مش كلام و اتهامات يعني .. لمصلحة من كل هذا التوظيف و بهذه الطريقة ؟

مواطن مصري said...
This comment has been removed by the author.
حـنــّا السكران said...

اّه والله يا للهول .. فعلاً يا للهول على رأي الأستاذ فهمي هويدي

ـ شكرا على لينك المقال يا مصطفى

Anonymous said...

واضح ان موضوع الحدود دا مضايقكم قوي ومش معترفين بيها وعملين تصقفوا لحزب الله .
وبحركة بسيطة لو عايزين تعرفوا ياعني ايه حدود ....... اي واحد فيكم يحاول ينام في الشارع , او يسيب باب شقته مفتوح علي طول
ويبقي يسقف برضه لما يصحي من النوم يلاقي نفسه علي الحديده ...... ويبقي يطلع يغني برضه ويقولك هذا شرف لنا لا ننكره

خيرالدين said...

نواره
عنوان مقال محمد على ابراهيم فى الرد على السيد حسن نصر الله
اسمه مصر المستقبل
طيب ده الواحد يقول له ايه

http://www.algomhuria.net.eg/algomhuria/today/editor/detail00.asp

ahmed samir said...
This comment has been removed by the author.
TAFATEFO said...

في مثل آخره "تدهيك واللي فيها تجيبه فيك"

Unknown said...

هواحمد سمير شال تعليقه ليه؟
كان حلو

mido said...

حملة تعبئة عامة ضد حزب الله فى جميع وسائل الاعلام الحكومية و شبه المستقلة

لوشفت الملفات اللى اتكتبت عن حزب الله اليوم فى جرايد الحكومة حتموتى بالسكتة

mido said...

شفتى البيت بيتك ؟

يا نهار أسود على السفالة !

أنور الهوارى بيقول :

هذا الشيخ الكاذب

هذا الشيخ المنحط

هذا الشيخ السافل

راح تامر أمين قايله

بس مينفعش تقول شيخ و جمبها التوصيفات دى

!!

و انور قال برده

ان حزب الله حليف لاسرائيل

و كلام حشاشين على الاخر

TAFATEFO said...

رغم بعد العلاقة .. ورغم ان كتير مبيحبوش يوسف شاهين .. ورغم ان فيلم اسكندرية ليه تحديداً عليه ما عليه

لكن يفضل مشهد "وعايزني أكسبها!!" بين الأستاذ جداً محمود المليجي وأحمد زكي يلف في دماغي كلما تراءت حالة من حالات الخراء الدولي العام

المشهد ده رائع .. يمكن أجمل مشاهد محمود المليجي

TAFATEFO said...

طارق حمدي امبارح يقول قرأت مقال أحمد موسى .. وميدو يقول شفتوا البيت بيتك ؟؟!!

انتوا بتهزروا يا جدعان؟؟

هو في حد بيقرا مقالات أحمد موسى أو بيتفرج على تامر أمين

احترموا نفسكم شوية وبلاش غلط بقى

مبقاش فاضل غير تشوفوا حالة حوار بتاع عمرو عبدالسميع راخر

:@

ahmed samir said...

معلش يا نوارة
شيلت التعليق غلط
لو عندك نزليه تانى او اكتبه انا تانى

****
بتفرج دلوقتى على حلقة عمرو اديب بتاعه امبارح

واضح كدة انهم حطوا حزب الله فى دماغهم

مواطن مصري said...

طفاطيفو انا بتفرج على حالة حوار عشان اخرج الكلام القبيح الي جوايا

ابو حميد ممكن لينك الحلقة؟

ahmed samir said...

@ مواطن مصرى

http://www.mediakora.com/home/monawat/149.html

بس خلي بالك الحلقة فيها متفجرات

Unknown said...

يا مصطفى انا مش بس قريت احمد موسى امبارح انا شوفت البيت بيتك النهاردة و الله العظيم انا مكنتش مصدق و دانى الراجل ابن الجزمة اللى اسمه خلف ده احههههههههه بيقولك هنطالب بانعقاد مجلس الأمن فى جلسة طارئة عشان يعتقلو السيد حسن ياخى اعتقلوا امك فى قضية دعارة

فعلا النظام سعرراااااااااااااان

TAFATEFO said...

أحمد سمير

دي حلقة **** .. والمكالمات التليفونية تخليك هتلطم وخاصة اخ من كاليفورنيا اللي اتصل يشيد بعبقرية وقومية وعروبة مبارك والأخ اللي بيقول مش قلتلكم وقت غزة ان النظام المصري نظرته صح وجوز البهايم يقولوا فعلاً .. والأكبر اللي اتصل يشيد بثقافة أحمد موسى

ومش محتاجه الحكاية وصف للحيوانين عمرو أديب و***ان الديناصور المتعفن أحمد موسى

TAFATEFO said...

bella : أعلنت الجزيرة منذ قليل عن حملة أمنية لتمشيط وسط سيناء لمطاردة مجموعة من اللبنانيين يبلغ عددهم 10 اشخاص تقول انهم تابعين لخلية حزب الله

كان لازم تقول أيوه يا نصر الله؟؟!!

TAFATEFO said...

مواطن

الحمد لله .. عرفت في ايه

TAFATEFO said...

مواطن

على فكره تعليقاً برضه على ان حضرتك بتشوف عمرو عبدالسميع أستعير قول عبدربه

يا بيه اللي بتعمله ده عيب وحرام وتتهزله سبع سموات

TAFATEFO said...

الأمن المصري يحاصر منطقة صحراوية في وسط سيناء نخل للقبض على ١٠ لبنانيين يقال بأنهم إختفوا هناك فيما عرف بتنظيم حزب الله

TAFATEFO said...

http://www.aljazeera.net/NR/exeres/946EEDA2-14A2-4266-8266-EDE673240366.htm

Unknown said...

يعني ايه يا شباب الكلام ده؟

مصر ح تحارب حزب الله وللا ايه؟

مجلس امن ايه؟

مجلس امن ايه ولاد الوسخة ده احنا اللي مفروض نتحال لمجلس الامن بسبب مخالفتنا لاتفاقية جينيف في اثناء حرب غزة

Anonymous said...

طيب..اذا كان الشعب المصري الشريف سيصدق حجة النظام المصري في خطأ استخدام ارض عربية بطريقة مخابراتية لقتال اسرائيل كونها المعبر الوحيد لغزة /فلسطين..اذا لابد للشعب المصري الشريف ان يلغي من ذاكرته فلم العبور الى ايلات ونقد عبور منفذي العملية لتنفيذ العملية ارض لبنان والاردن لفلسطين ..!!!0
هذه الحركة تريد تأسيس فكرة جديدة في ذهن المصريين وهي تأكيد التطبيع في اللاوعي العربي من خلال الدفاع عن فكرة تدخل حزب الله تحت قاعدة في الذهن اساسها عدم قانونية استخدام اي ارض عربية مخابراتية (ولو كانت المنفذ الوحيد لدعم فلسطين)؟ الحرب حرب قواعد وافكار في خلفياتها وليس قصة هبله كالتي يروج لها النظام المصري وحلفاءه من الكتاب الفاشلين!00

Unknown said...

انا بصراحة مستعرب جدااا من موقف حضرتك من هذا الأمر بالذات
1- هل إرسال حزب الله لأفراد للعمل علي أرض مصر عمل عدائي أم لا .
2-الإختلاف الآن ليس علي قائمة الإتهامات الموجههة ولكن علي مبدأ إستباحة الأرض من الأساس
3-اللي بيقول ماهو كل الدول مستبيحة أرضنا إسرائل وأمريكا و و و أقوله ده واجب علينا نرفضة وبشدة ولكن كمان لازم نرفض اللي عمله حزب الله
4-أنا مش هتكلم عن أجندة والحاجات دي اللي كل يوم بتوضح عن التاني
أرجو ان الإعجاب بشخصية السيد حسن نصر الله لا يغلق أعيننا عما يفعله من أخطاء فهذا الأمر بالذات هو الذي صنع الحكام انصاف الآلهة في كل زمان ومكان

Anonymous said...

يا حبيبي!!
كمان استباحة الأرض؟
سبحان الله كل حاجة اتقالت بلاقي نفسي رديت عليها من يوم الخطاب!!
هو الشاب سامي ده دخل مصر متسلل ولا اخد اذن السلطات؟
ولا هو كلام بيترص وخلاص؟!!