Tuesday 28 April 2009

احلى نكتة سمعتها بخصوص انفلونزا الخنازير

تحديث: لقيت تقرير تاني اهو بيقول ان انفلوانزا الخنازير اتعملت في معمل

في العاشرة مساء اتنين ضيوف مش عارفة اساميهم واحد قال: عندنا ميتين الف خنزير في مصر وانا باقترح اننا نعدمهم فورا لاننا ما عندناش الاستعدادات اللي تخلينا نعرف نسيطر على العدوى
الضيف التاني: لا ده ممكن يعمل مشاكل طائفية
تم ترارارام تم تم
--------------
قريت تقرير اتشال بعد ما قريته بساعتين بيقول ان فيه احتمال يبقى سلاح بيولوجي او ان شركة دوا امريكية هي اللي صنعته عشان تعمل له مصل وتبيع وتكسب
سلاح بيولوجي في المكسيك؟ هم المكسيك كانوا عملوا لهم ايه؟ ما اعتقدش انه سلاح بيولوجي
سواء بقى اتصنع في شركة دوا، وللا سلاح بيولوجي، وللا ربنا نزله علينا
ادي اخرة الظلم والطمع
ربنا يستر، واسرائيل لقوا فيها حالة وبيقولوا في احتمال يكون عدا الناس اللي معاه في الطيارة والناس اللي كانوا في المستشفى
يااااااااااااااااا دي النيلة
ح يقعدوا يعطسوا لنا بقى وينشروا مصايبهم احنا كنا ناقصين
بعد كده ح يضربوا غزة كده: هااااااتشششششش هااااااااااااااااتششششششششش
----------
على فكرة، اعدام الخنازير مش ح يعمل فتنة طائفية ولا حاجة، انا ما اعرفش حد بياكل خنزير الا واحد مسيحي واتنين مسلمين عشان عاملين خواجات، معظم المسيحيين اللي اعرفهم بيقرفوا منه
واللي بياكلوه اكيد مش عايزين يموتوا، ده اكل عادي، زي الفراخ يعني، هو فيه اكل له دين؟ هو الخنزير مسيحي والفراخ مسلمة؟ طب لما اتخرب بيوت الفرارجية في انفلوانزا الطيور ما اشتكوش ليه من الاسلاموفوبيا؟
فتنة طائفية؟ لما ح يعدموا الخنازير قوم المسيحيين ح يسموا للمسلمين البهايم مثلا؟ والله ماحد بيعمل فتنة طائفية غير الامخاخ دي اللي متصورين ان المسيحيين دول كائنات فضائية قاعدين ما بيعملوش حاجة في حياتهم غير يفطروا ويتغدوا ويتعشوا خنزير حتى لو ح يموتهم تضحية في سبيل الله ويسكروا ويطوحوا ويضحكوا زي زوزو نبيل لما تمثل انها اتجننت: ممههووواااهاهاهاهاهاااااااااع هاهاهاهاهااااااااااااااع

87 comments:

Anonymous said...

عايزة تعدمى الخنازير ؟ ده إسمه قلب نظام الحكم

كاس كمان يا باولو said...

والله ساعات باحس انك عاملة دماغ وعايشة جوا ازازة مبرشمة
لوحدك فى البلد محدش معاكى

فلاشاوي said...

فتنة طائفية
!!

يخرب بيت الغباء

هم مش عارفين مدى خطور المرض ده

لو حالة واحدة ظهرت في مصر هتبقى كارثة

أحنا مش بنعرف شيء عن الوقاية
هينتشر يعني هينتشر

وهما البهوات الأغبيا فاكرين نفسهم هيبقوا بعيد

لازم الخنازير دي تتعدم فورا

المسيحيين أول ناس هيبطلوا ياكلوها

سراج said...

يجوز المقصود هو الزعامات العربية
لويش لا.. شنو لويش ماخذتهم بالعين الصغيرة:)

مهندس مصري بيحب مصر said...

طيب بصوا على شوية اللينكات دي بخصوص الموضوع و بعدها كملوا النقاش

ده اهم تحقيق فيهم من المصري اليوم

حظائر «الخنازير» و«أنفلونزا الطيور».. تحاصر القاهرة http://www.almasry-alyoum.com/article2.aspx?ArticleID=92766

ثم الموضوع ده مهم و مفيد جداً و تفاصيله حلوة

حظائر الخنازير.. مستودع الفيروسات القاتلة في بر مصر http://www.moheet.com/show_files.aspx?fid=249530

و بعدها دول بقى تشكيلة من المواقع التانية على ما قسم :)

زرائب خنازير وسط القاهرة تثير الهلع وتهدد بمصادمات بين الأقباط والمسلمين http://www.aleqt.com/2009/04/28/article_222145.html

الجبلى يؤكد خلو مصر من إنفلونزا الخنازير..ووزير الزراعة يقول انها اشد خطرا..والبيئة تطالب بنقل المزارع http://www.masrawy.com/News/Egypt/Politics/2009/april/27/swine.aspx

نحن ندق جرس الإنذار مبكرا .. بعد أنفلونزا الطيور .. احترسوا: أنفلونزا الخنازير .. الخطر القادم علي صحتنا! http://www.akhbarelyom.org.eg/akhersaa/issues/3728/0604.html

و التحقيق الأخير ده كان منشور من سنتين لكن لا حياة لمن تنادي

و اي خدمة :)

مهندس مصري بيحب مصر said...

مصر تعتقل شقيق قيادي بحركة حماس
المنطقة الحدودية بين مصر وقطاع غزة التي تكثر فيها الأنفاق السرية (الفرنسية-أرشيف)

كشفت مصادر مصرية أن مباحث أمن الدولة ألقت القبض على يوسف أبو زهري شقيق سامي أبو زهري المتحدث باسم حركة المقاومة الإسلامية (حماس) دون أن توضح الأسباب أو التهم التي تمت على أساسها عملية الاعتقال.

وأضحت المصادر أنه تم إلقاء القبض على يوسف أثناء مداهمة شقة بمدينة العريش القريبة من الحدود مع قطاع غزة، مشيرة إلى أن الموقوف كان قد دخل مصر منذ ما يقارب من شهرين عن طريق أحد الأنفاق السرية التي تربط قطاع غزة بمنطقة رفح المصرية.

وأشارت المصادر الأمنية المصرية إلى أن التحقيقات مستمرة مع أبو زهري وصاحب المنزل وسط توقعات بأن يتم ترحيله إلى جهاز أمن الدولة في القاهرة لاستكمال التحقيق معه.

سامي أبو زهري المتحدث الرسمي باسم حركة حماس (الفرنسية-أرشيف)
مراقبة أمنية
ونسبت وكالة رويترز للأنباء إلى مصدر أمني مصري لم تكشف عن هويته قوله إن يوسف أبو زهري –وهو أحد ناشطي حركة حماس- كان موجودا في العريش منذ فترة تحت أنظار مباحث أمن الدولة التي كانت ترصد تحركاته.

بيد أن المصدر المذكور لم يوضح التهمة التي تمت على أساسها عملية الاعتقال أو الاتهامات التي يمكن توجيهها له في وقت لاحق، لكنه لفت إلى أن الشرطة المصرية تقوم منذ مدة بمداهمة منازل في مدينة رفح الحدودية ومدينة الشيخ زويد القريبة بحثا عن متسللين أو مطلوبين في قضية مجموعة حزب الله اللبناني.

وأضاف المصدر أن الشرطة المصرية تستخدم سيارات مصفحة في عملية التمشيط وأنه تم حتى الآن اعتقال 24 شخصا يعتقد أنهم ضمن مجموعة يصل عدد أفرادها إلى 49 كلفهم حزب الله اللبناني بشن عمليات عدائية حسب الاتهامات المصرية، وهو الأمر الذي نفاه الحزب.

يشار إلى أن الإعلان عن اعتقال شقيق سامي أبو زهري جاء بعد يوم واحد مع بدء الجولة الرابعة من الحوار الفلسطيني الداخلي بين حماس وحركة التحرير الوطني الفلسطيني (فتح) برعاية مصرية.
المصدر: وكالات
http://www.aljazeera.net/NR/EXERES/35C89A5A-45F8-43BF-B573-69761BCE4C8C.htm

مهندس مصري بيحب مصر said...

بغداد تحترق.. مسرحية ألمانية من مدونة عراقية مجهولة
بطلة المسرحية أنا بوغر تصف الأهوال الأميركية بالعراق (الجزيرة نت)

تامر أبو العينين-برن

استوحت مجموعة فرايبورغ المسرحية الألمانية عملا عن الاحتلال الأميركي للعراق والحرب الدائرة هناك من نص نشرته إحدى المدونات العراقيات على الإنترنت، وتقوم بعرضها حاليا بسويسرا بعد نجاحها في ألمانيا.

وتقدم بطلة المسرحية الممثلة الألمانية أنا بوغر فقرات من تلك المدونة بعد معالجتها دراميا، تحكي فيها يوميات الاحتلال والحرب في الفترة بين عامي 2003 و2007.

ويعتمد العمل على رواية الوقائع في قالب قصصي ومواقف وانطباعات صاحبة المدونة من الحياة اليومية، تصاحبها مشاهد لألعاب إلكترونية عن الحرب على شاشة في خلفية المسرح تتماشى مع سياق النص.

وحسب النص فإن فقرات المسرحية تركز على سلوك الجنود الأميركيين "المتعجرف تجاه العراقيين وكيف تحولت الحرب من البحث عن أسلحة دمار شامل لا وجود لها إلى حرب على ما يوصف بالإرهاب واختلاق الولايات المتحدة أسبابا مختلفة تبرر احتلالها للعراق".

ضحايا
وينوه النص إلى أن "من يدَّعون تحرير الشعب العراقي هم في واقع الأمر إرهابيون بملابس عسكرية"، ثم تتناول "إغفال الإعلام الغربي عدد ضحايا الحرب واستخدام أبشع أنواع الأسلحة ولاسيما ضد الفلوجة، وسرقة أموال العراق في مشروعات وهمية".

وفي مشهد آخر تتناول المسرحية أوضاع المرأة العراقية "السيئة بسبب الاحتلال وكيف تحولت من عضو ناشط علميا وثقافيا وسياسيا إلى كيان مذعور تخشى الاختطاف أو القتل".

كما تنتقد المسرحية نظرة الغرب إلى الحضارة والمدنية والتي لا يرى فيها سوى "استخدام الحاسوب والهاتف المتجول والأكلات السريعة وغيرها من مظاهر الاستهلاك، بينما تغفل احترام الآخر ولاسيما ما يتعلق بمقدساته الدينية".

وتستنكر دهشة الأميركيين من تصاعد كراهية العرب والمسلمين لهم متسائلة عن "أسباب استخدام الولايات المتحدة المفرط القوة لنشر أفكارها، مطالبة برأس خمسة جنود أميركيين عن كل نخلة عراقية تضررت من الحرب".

معاناة
ويقول مخرج المسرحية أنريكو شتلوسنبورغ "تتميز تلك المدونة بدقة متناهية في وصف الأحداث والمشاعر والأجواء التي عاشتها صاحبتها، التي حرصت على إبراز المعاناة من كافة النواحي السياسية والاجتماعية والثقافية والاقتصادية".

ويشير إلى أن المدونة -على الرغم من جديتها- صاحبتها تبقى إلى اليوم مجهولة "فكل ما استنتجناه من كتاباتها هو أنها مثقفة عراقية في منتصف العقد الثاني من عمرها، تتقن الإنكليزية والحاسوب وتنتمي إلى الشريحة المتوسطة في بغداد ولها اختلاط بعائلات السنة والشيعة".

لكن شتلوسنبورغ يشير في الوقت نفسه إلى صعوبة التأكد فعلا من شخصية صاحبة المدونة، "فقد تكون رجلا مقيما في نيوزيلندا أو أجنبية مقيمة في العراق ولا تريد الكشف عن هويتها، وربما أيضا -وهذا ما نتمناه– أن تكون شخصية حقيقية".

المخرج أنريكو شتلوسنبورغ (الجزيرة نت)
حق المدون
وأثارت المسرحية تساؤلات بشأن حقوق صاحبة المدونة المالية بعد أن تحولت يومياتها إلى كتاب بالولايات المتحدة حصل على جائزة في أدب المدونات، حسب بطلة المسرحية.

وأكد المخرج أن إدارة المسرح "حاولت الاتصال بصاحبة المدونة أكثر من مرة عن طريق البريد الإلكتروني دون فائدة ومن الواضح أنها غادرت إلى سوريا وتوقفت عن الكتابة منذ ذلك الحين، حسب آخر تدوينة لها".

ويرى عدد من النقاد -استطلعت الجزيرة نت آراءهم- أن أعمال المدونيين ليست محمية بموجب قوانين الملكية الفكرية، في حين يرى آخرون أن أدب المدونات "أحد التيارات الحديثة الهامة التي يجب أن تتمتع بكافة الحقوق بدلا من السطو عليها وسرقتها".

وينصح أنصار هذا الرأي بضرورة استخدام حقوق صاحبة المدونة المالية لإنشاء صندوق لصالح المدونات العراقيات ودعمهن.
المصدر: الجزيرة

http://www.aljazeera.net/NR/EXERES/EC377144-080E-42A2-98A5-31DDCE4F0968.htm

خاطر said...

حضرتك الموضوع مش كائنات فضائية ولا حاجة دة معتقد وكل واحد حر لكن الإستثناء عند النصارى هو اللي مابياكلش لحم الخنزير ولا بيشرب الخمر وإلا نص مليون خنزير بيتربوا فى مختلف محافظات مصر مين بياكلهم

كنت منتدب حوالي ثلاث شهور في مستشفى تابعة لإحدى الأديرة ... كل العاملين والدكاترةاللي قابلتهم فى المستشفى بياكلوا لحم الخنزير بدون مبالغة وبلا إستثناء مورتاديلا أو سندوتشات لانشون أو لحم مكعبات

عادي يعني زي ما فيه ناس كتير متبحش تاكل السمك ولا بتطيق ريحته دة إستثناء مش حكم عام

مواطن مصري said...

Ana ma3 a3dam el 5nazer we 7arkha fe el sahara we low0 7ad 5aba el 5anzer yat7akem betohemt al adrar be el amn el kaome

Unknown said...

ايوة يا استاذ خاطر المسيحيين بياكلوا خنزير وحلال عندهم

لكن الاعتقاد ان المسيحيين مرتبطين بالخنزير ارتباط عاطفي يخليهم يتمسكوا بيه حتى لو ح يجيب مرض ويعملواا فتنة طائفية لو اعدمناه بصراحة اعتقاد سريالي جدا

Unknown said...

وعلى فكرة

انا اعرف مسلمين بياكلوا خنزير وبيشربوا خمرة
واعرف مسيحيين لا بياكلوا خنزير ولا بيشربوا خمرة

والله العظيم تلاتة

وحاجة مقرفة قوي اني ابقى مضطرة احلف

مهندس مصري بيحب مصر said...

طيب شوفي العريضة دي بسرعة
http://www.3areda.com/2009/03/banish_leviev/

TAFATEFO said...

بره الموضوع

هو حد قرا الحوار الحمار مع سيادة الوزير المحافظ الحمار بتاع جنوب سيناء يوم السبت في المصري اليوم؟؟

أدهم الصفتى said...

واحد صاحبي من سان فرانسيسكو ، كان معايا عالشات و قاللي انه هو و ابوه و امه و اصحابه كلهم بيقولوا انه ده فيروس اتعمل في امريكا بشكل حكومي رسمي علشان ينتشر في المكسيك علشان يلاقوا حجه قوية يقفلوا بيها الحدود الأمريكية المكسيكية و يوقفوا الهجره غير الشرعية ، و يمنعوا كمان شوية مجرمين و مليونيرات حراميه بيهربوا للمكسيك بالزوفه
و لما سألته همه ممكن يموتوا الناس بالسهوله دي و يخططوا و يعملوا فيروس و كده ؟
كان مستغرب مني جدا ، قاللي ما معناه اشحال لو ما كنتش عربي مصري ؟ ما همه ضحوا بألافات في نيويورك علشان يحتلوا العالم ، و بالنسبه لهم القتلى العراقيين و الأفغان زي القتلى الأمريكيين بالظبط ، الجنرالات القذرين .
they are nothin' but filthy Generals , adham .

بصراحه انا ممكن اصدق اللي هوه بيقولوا ده
لأنهم كلاب فعلا

أدهم الصفتي

Fatma said...

انا بردو شايفه انهم لازم يعدموهم وفورا

ولو على التعويض المادي للي بيربوا الخنازير يعملوا حملة تبرعات وانا مستعدة بشكل شخصي اني اضمنلهم اني الم المبلغ المطلوب التبرع بيه والله العظيم
بس يخلصونا من البلا دا احنا مش ناقصين بلاوي عندنا اللي مكفينا بصراحة

انا مش فاهمه هما لحد دلوقتي مستنيين ايه
احنا فعلا ماعندناش القدرة ولا الكفائة للسيطرة على وباء بالشكل دا لو ظهر في مصر

حكاية المسيحيين معترضين دي لما سمعتها في الحلقة جالي ذهول بجد

اصل الوباء لما يهل علينا هينقي مثلا
ما اظنش حد بيفكر بالعقلية دي نهائي
تصور سريالي على رأيك

وحكاية انهم بيفكروا ينقلوا مزارع الخنازير 15 مايو كأن 15 مايو دي اللي فيها مش بني ادمين فكرة عجيبة بصراحة

تضييع وقت والحكاية مش مستحملة

ياريت الحكومة تتلحلح شوية
وياريت كشف صحي في المطارات للي راجعين من امريكا والمكسيك

بيقولوا كمان في حالة في اسبانيا

لا بجد
مش اخرتها الواحد يموت بانفلونزا الخنازير !!!!!

الف سلامة عليكي يا نوارة مع انها متأخرة اوي

Fatma said...

خدي يا نوارة احرقي دمك شوية انا شايفاكي رايقة ياختي

أوباما يعين زويل مستشارا له .. والبيت الأبيض يصفه بصوت العقل في الشرق الأوسط

http://www.dailynews.com/news/ci_12237792?source=rss

TAFATEFO said...

بصوا جنابه وفخامته وعظمته بيقول ايه على انتشار الأوبئة والأمراض بين البدو المعدمين اللي مش لاقيين أي حاجه فبيضطروا ياكلوا من مخلفات الفنادق .. وبعدين يقولوا دول خاينين وتجار حشيش .. ما هو علشان دول شوية محافظين بهايم بيحمدوا ربنا ان مفيش أي ترعة للاستصلاح الزراعي .. وبيشتموا اللي مش لاقيين الأكل وبياكلوه من الزباله على انهم معدومي الكرامة .. متعرفوش يا بقر يا بهايم ان في آلاف المصريين عايشين على نبش الزبالة .. ومش مخلفات الفنادق ..لا .. الزباله اللي بنرميها في بيوتنا .... حد يقوللي ولاد ستين في سبعين دول بيعملوا مع أهاليهم حوارات ليه؟؟ هما اتعينوا وخلاص .. يعملوا حوارات مع بهايم زي دي ليه؟؟معلش المقطع متصور بالكاميرا لأن ممعاييش اسكانر بس أكيد بدراوي عنده الحوار مع الحمار

في نفس الصفحة في مقال مع شيخ قبائل سيناء .. شوفوا بيقول ايه

Anonymous said...

ماهو لازم التقرير يتشال بعد دقيقتين مش ساعتين

مفيش حاجة اسمها مصل

دي سلالة جديدة مش عارفين شكل الفيروس ايه

يبقي هتعملو مصل ازاي والنبي

والنبي يا اخوانا مفيش حاجة اسمها اتعملت في معمل

لو كانت اتعملت في معمل مش هتقدر تعيش غير في انابيب الاختبار

Anonymous said...

انفلونزا الخنازير لو دخلت مصر هتبقا كارثه
انفلونزا الطيور دخلت كل البلاد اللى حولينا وانتهت"حتى العراق وفلسطين اللى عندهم حروب تفجيرات ومصايب"....واحنا الوحيدين اللى بدأنا نحصن ضدها..وده معناه ان المرض اصبح مرض متوطن
وانا اعتقد ان ربط اكل الخنازير بالمسيحيين ربط قصير النظر
ده نوع من اللحوم غير محرم عندهم زيه زى اى نوع اخر...وفعلا موش كلهم بياكلوه...ومعظم اللى بيربوه بيصدروه او بيتاخد للفنادق الكبرى علشان بعض الاكلات اللى بتتعمل للاجانب اللى بييجوا مصر....واللى فيها استخدام للحوم الخنازير
دمى بخير....تقبلى مرورى

Anonymous said...

من إنفلونزا الطيور الى انفلونزا الخنازير ...الرعب يجتاح مصر ---------------------


وزارة الزراعة تتقدم بمشروع قانون إلي البرلمان لتحويل قرار رئيس الجمهورية بتنظيم الإتجار في الطيور

mido said...

مواطنو مركز بنها بمحافظة القليوبية يطلقون الطيور في الشوارع خوفاً من الفيروس.. :))))

------------------

رعب إنفلونزا الخنازير يجتاح العالم.. والولايات المتحدة أول الخاسرين لوقف الاستيراد

mido said...

مفاجأة: قرار نقل حظائر الخنازير علي مكتب نظيف منذ عام! اتفضلى سى نظيف نايم على نفسه

mido said...

إعدام مئات الآلاف من الطيور المصابة بمرض إنفلونزا الطيور في المحافظات

Anonymous said...

بس برده مش تقدرى تنكرى ان منهم ناس رافضة التخلص من الخنازير
لكن فية مسلمين ضد التخلص من الخنازير اشك!!

Anonymous said...

يا رب استر على مصر الناس غلابة ومش ناقصة
كفاية الحكومة علينا

Unknown said...

انا لسة ما قرتش كل التعليقات
بس قريت تعليق الاخ الانونيمس اللي بيقول: ما تنكريش ان "منهم" معارضين اعدام الخنازير
والدم ضرب في دماغي ما قدرتش امسك نفسي


يا اخ انونيمس

واقع الامر
حقيقة الامر

ان اللي رافضين اعدام الخنازير ما يتصنفوش بصفتهم الدينية
يتصنفوا بصفتهم الاجتماعية والاقتصادية

دول تجار خنازير، عندهم مزارع خنازير وبيتهم ح يتخرب

ورفضهم نابع من رفضهم لخراب بيتهم مش لان المسيحيين بيحبوا الخنازير وبياخدوهم في حضنهم لما ييجوا يناموا
او بيعتبروهم رمز ديني مثلا

يعني الفرارجية اللي كانوا بيخبوا الطيور العيانة عن وزارة الصحة ومش عايزين يعدموا الطيور المصابة ينفع واحد يصنفهم على انهم "المسلمين رافضين اعدام الفراخ"؟

انتوا بتضايقوني ليه؟ وترجعوا تقولوا لي انت عنيفة؟

Unknown said...

ادهم الصفتي
:)

ايه يا كلاوي؟ ايه يا حبيبي البراءة دي؟

ياااااااااااا
وطلع بقى ايه؟ طلع انك ممكن تصدق انهم يموتوا الناس؟ اخص عليك، ايه سوء النية ده؟

هههههههههههههه
فضحتنا قدام الاجانب حرام عليك

Anonymous said...

اعدام الخنازير فعلا هو محاولة قلب نظام حكم. ثانيا: شاهدت احدهم - الخنازير هؤلاء - واسمة للأسف نبيل شرف الدين وهو يتبجح بوقاحة نادرة على عميد المقاومين سمير القنطار ويقول ما معناة: ان من حق اسرائيل قتل الفلسطينين لأن اسرائيل دولة معترف بها ... وان على الفلسطنين ان يقتلوا من سكات ومايعملوناش دوشة عشان حماس مش معترف بها دوليا .!!!!!!!! نبيل زفت الطين هذا عميل اسرائيلى يمثل اسيادة وهو مثلهم مصاب بالانفلونزا ...... حسن على

Unknown said...

مهندس مصري

اما اغبيا
هو فيه شركة اسمها ليفييف ومش ح تبقى شركة يهودية على اقل تقدير؟


فنون

لا يا فنون، اللي معترض هم اللي عندهم مزارع خنازير

اوباما لازم يعين زويل مستشار
مش زار اسرائيل

طفاطيفو

ح اشوف حاضر اللي انت حاطه ده بس انا دلوقت باتفرج على ابن حميدو


انونيمس

نورتنا يا عالم الذرة


لا فيه


فتاة من الصعيد

الحقيقة انا شايفة ان ربط الخنازير بالمسيحيين قلة ادب

فيه مسلم يرضى حد يربطه بالجواميس مثلا؟

وللا بالخرفان؟

انا مش فاهمة ازاي الراجل المجنون ده يقول كده؟

Unknown said...

ح اشوف اللنكات يا ميدو

mido said...

قصدك ايه بزرار اسرائيل

Unknown said...

Tafatefo

ما الحوار كله على النت
لزمته ايه سكانر و حوارات

http://www.almasry-alyoum.com/article2.aspx?ArticleID=208470&IssueID=1386

الحتة اللى انت عايزها فى ثالث فقرة

TAFATEFO said...
This comment has been removed by the author.
مدونة النسر المصرى said...

الاخت الغالية
اسعد الله مساك وصباحك
لقد تحركنا نحن كاطباء فى النقابة بعمل مسح شامل على الخنازير وجدنا الاتى
ان ما بين 100 فرد مصرى يوجد خنزير
ودى حقيقة بجد
هناك فى صعيد مصر جيش من الخنازير يكفى لحرب اسرائيل
وللاسف يمتلكهم رجل اعمال قبطى مشهور بالرنات
واخر مصرى مشهور بالسياحة
بيخدموا على السياحةالمصرية للخوجات
وقد قمنا بعمل مذكرة عاجلة للوزير لان الكارثة المره دى اشد
لان الفيرس يدل فى الجسم 3 ساعات ويخلص على الجثة
المشكلة الوحيدة التى سيواجهونها كيف تدفن تلك الخنازير بعدقتلها لانه تبعث رائحة نتنه بعد القتل
اعتقد انهم لن يقتلوا تلك الخنازير
والايام بيننا

Anonymous said...

انا نفسي اعرف بتتريقي ليه؟؟؟؟؟؟؟؟يا ست انا مش عالم ذرة

مفيش حاجة اسمها مصل انفلونزا لا خنازير ولا عصافير

طب وريهولي كده شكله ايه

مواطن مصري said...

la zowel watney at3en 3ashan el 3elm mesh kol 7aga israel

مواطن مصري said...

law kol paga israel a7eb akol en ra2ys el tanfezy le google israely

Unknown said...

باتريق عشان الثقة المبالغ فيها واليقين المطلق

انا شخصيا ما اقدرش اقول يقينا مية في المية دي نظرية مؤامرة

وما اقدرش كمان اقول يقينا مية في المية زيك كده مافيش حاجة اسمها كده


عشان هو فيه حاجة اسمها كده

اللي فهمته من نشرة الاخبار انه الفيروس تطور جينيا وبقى خليط من فلفوسا الطيور على فلفلوسا البني ادمين على فلفلوسا الخنازير اللي كانت اصلا موجودة ولها علاج

احتمال انه يبقى تطور منه لربه ده وارد طبعا
ماهو ربنا موجود سبحانه وتعالى وفيه حاجات بيسببها وفيه حاجات بيعملها من غير تسبيب

واحتمال انه يبقى تم تطويره بشكل مصطنع وارد برضه

اذا كنت حضرتك متخصص في الجينات يبقى اشرح لي الموضوع ده

ازاي مافيش حاجة اسمها كده يعني؟

اذا ما كنتش متخصص في الجينات يبقى جايب الكلام ده منين؟

جايبه من عالم؟

طيب حط في اعتبارك ان مش كل الناس بتقول الحقيقة طول الوقت

تطوير الفيروسات واطلاقها كحرب بيولوجية موجود وسمعنا عنه كتير انا شخصيا ما اعرفش تفاصيله لاني مش عالمة

بس سمعت عنه في نشرة الاخبار

وان يحصل طفرة جينية في فيروس معين برضه وارد ربنا له حاجات

بس في كل الاحوال ده استقصاد بقى
يعني جلوبال وورمينج وانفلوانزا طيور وانفلوانزا خنازير وازمة اقتصادية

ايه ايه ايه؟

ده طبيعي؟

حد يقول لي

ده طبيعي

لو معمول من السما يبقى نطلع على الصحرا ونستغفر

ولو معمول من الارض يبقى نقبض على الناس اللي بتتلاعب بينا

وفي كل الاحوال

سواء ربنا عمله دايركت او عمله عن طريق انه يسلط علينا ناس مخاليل

ده نتيجة لغياب العدل في الدنيا

ونتيجة منطقية كمان


وبعدين ما تآخذنيش
ياريت يبقى معمول في المعمل اهو الواحد يرتاح شوية

انما يبقى معمول لوحده اهي دي اللي حاجة تفزع بجد

مش ناقصنا غير صيحة بقى

احنا عملنا ايه؟ لازم نشوف عملنا ايه

ومي مرة قالت كلمة عبقرية: السخرية من نظرية المؤامرة مؤامرة في حد ذاتها

ايه اللي يخلي الناس ما تتآمرش يعني؟ اذا كان القط بتاعي بيتأمر عشان ينط على الحلة اللي على البوتجاز ويفتح الغطا من ورايا بالراحة عشان ما اسمعش صوته
واول ما يسمع صوت رجليا يستخبى تحت الكاونتر وادخل الاقي الحلة مقلوبة وهو عامل عبيط
يبقى البني ادمين مش ح يتآمروا ليه؟

Anonymous said...

نوارة هو مين اللي معمول علي الصحرا ومين اللي معمول علي الارض؟

من تلات سنين كان دكتور الميكرو بيولوجي بيقولنا المفروض نعدم مزارع الخنازير لان الخنزير وسيط بين الانسان والطيور,,فيروس الانفلونزا البشرية وانفلونزا الطيور هيكون سلالة جديدة جوة الخنزير السلالة الجديدة دي ممكن تنتقل من انسان لانسان يعني وباء بمعني الكلمة

بقولك دلوقتي احنا مش عارفين السلالة الجديدة دي شكلها ايه,,منعرفش خلية الفيروس الجديدة دي عاملة ازاي هنعملها مصل ازاي؟؟

علي فكرة المصل حاجة والعلاج حاجة تانية ,,يعني انفلونزا الطيور ملهاش مصل ولا الانفلونزا العادية اصلا لكن ليهم علاج

دلوقتي انا مثلا دكتور مكسيكي هخلّق فيروس في المعمل ازاي وانا اساسا مش عارفة شاكلة!!!وبعدين ايه الهدف؟؟؟مليون واحد من بلدي يموتوا عشان ابيع انا مصل "اللي هو مفيش حاجة اصلا اسمها كده" ولو فرضا جدلا عملوا مصل مش اقل من سنة من دلوقتي علي ما يدرسوا الفيروس الجديد
علي فكرة شركات الادوية مش محتاجة تعمل الافلام الهولندي دي,,دي ممكن تنزل نفس اي دوا قديم باسم جديد والناس تقبل عليه,,
حكاية الفيروس اللي جوه المعمل دي عملها صدام دا كان فيروس فيه كل الامراض كان عايز يطلقه في الجو’’لكنه معرفش لان الفيروس اللي اتولد جوه انابيب مش هيعرف يعيش براها

mido said...

قناة الليبية اتممت مخصوص عشان يوقفوا برنامج قلم رصاص لحمدى قنديل

Anonymous said...

وبعدين معلش صيحة ايه اللي ناقصانا ؟؟ما هي السودان فيها ملاريا اي نعم دي حاجة متوطنة مش وباء عالمي

لكن عشان السودان فيها مستنقعات
فالنتيجة ان فيه ملاريا

واحد زائد واحد يساوي اتنين

مش عشان هما قوم لوط فربنا بيعاقبهم


علي فكرة المعلومات اللي بتتكتب علي النت مش اكاديمية
اسألي اي دكتور ميكروبيولوجي في جامعة عين شمس

Anonymous said...

Is there a human vaccine to protect from swine influenza?

There are no vaccines that contain the current swine influenza virus causing illness in humans. It is not known whether current human seasonal influenza vaccines can provide any protection. Influenza viruses change very quickly. It is important to develop a vaccine against the currently circulating virus strain for it to provide maximum protection to the vaccinated people. This is why WHO needs access to as many viruses as possible in order to select the most appropriate candidate vaccine virus

دا من ال
who


What drugs are available for treatment?

There are two classes of such medicines, 1) adamantanes (amantadine and remantadine), and 2) inhibitors of influenza neuraminidase (oseltamivir and zanamivir).

Most of the previously reported swine influenza cases recovered fully from the disease without requiring medical attention and without antiviral medicines.

Some influenza viruses develop resistance to the antiviral medicines, limiting the effectiveness of treatment. The viruses obtained from the recent human cases with swine influenza in the United States are sensitive to oselatmivir and zanamivir but resistant to amantadine and remantadine.
الادوية العادية بتاعة انفلونزا الطيور,,علي فكرة العلبة كانت بالف جنيه مش محتاجين نعمل فيروس جديد يعني
Information is insufficient to make recommendation on the use of the antivirals in treatment of swine influenza virus infection. Clinicians have to make decisions based on the clinical and epidemiological assessment and harms and benefit of the treatment of the patient2. For the ongoing outbreak of the swine influenza infection in the United States and Mexico, the national and the local authorities are recommending to use oseltamivir or zanamivir for treatment of the disease based on the virus’s susceptibility profile.

Anonymous said...

http://www.who.int/csr/disease/swineflu/faq/en/index.html#whatsupport

Unknown said...

يا مصطفى

ما تدخل تديهم المحاضرة اللي انت ادتهاني في ودني

محمد عادل said...

والله المشكله دي المفروض يشوفو ليها حل لازم يعدمو الخنازير وميستنوش لغاية ما المرض يوصل مصر كالعاده زي جنون البقر وانفلوانزا الطيور ونبقى بؤرة من بؤر المرض

دايما احنا يا مصريين نتحرك بعد ما تخرب مالطه

وممكن يتعمل جمعيه اهليه يلمو فيها تبرعات علشان الناس الي هتتضرر من موت خنازيرهم وكفايه عليهم الخنازير الي بيركبوها

TAFATEFO said...
This comment has been removed by the author.
TAFATEFO said...
This comment has been removed by the author.
TAFATEFO said...

حاجه كمان

معنى ان منظمة الصحة العالمية رفعت الوورلدوايد بانديميك أليرت للمستور الرابع .. ان انتقال الفيروس من إنسان لآخر بقى في المستوى اللي يعمل فيه كوميونيتي ليفل أوتبريك
community level outbreak

لكن لما يوصل للمستوى الخامس أو السادس ساعتها ممكن يتقال انه بقى وباء عالمي

وده لسه محصلش

عموماً تاني .. احنا مش في 1918 .. والـ سي دي سي بترجح انه هيتم السيطرة عليه

TAFATEFO said...

للتوضيح عن ايه المستوى الرابع وايه المستوى الخامس وايه المستوى السادس

Phase 4 is characterized by verified human-to-human transmission of an animal or human-animal influenza reassortant virus able to cause “community-level outbreaks.” The ability to cause sustained disease outbreaks in a community marks a significant upwards shift in the risk for a pandemic. Any country that suspects or has verified such an event should urgently consult with WHO so that the situation can be jointly assessed and a decision made by the affected country if implementation of a rapid pandemic containment operation is warranted. Phase 4 indicates a significant increase in risk of a pandemic but does not necessarily mean that a pandemic is a forgone conclusion.

Phase 5 is characterized by human-to-human spread of the virus into at least two countries in one WHO region. While most countries will not be affected at this stage, the declaration of Phase 5 is a strong signal that a pandemic is imminent and that the time to finalize the organization, communication, and implementation of the planned mitigation measures is short.

Phase 6, the pandemic phase, is characterized by community level outbreaks in at least one other country in a different WHO region in addition to the criteria defined in Phase 5. Designation of this phase will indicate that a global pandemic is under way.

TAFATEFO said...
This comment has been removed by the author.
TAFATEFO said...

طالما فيروس انفلونزا الخنازير أصاب الانسان فاحتمال تحوره لينتقل من إنسان لآخر وارد جداً (وممكن يكون حصل فعلاً وإن كان مفيش تأكيدات بكده).

ده حصل فعلاً طالما رفعوا للمستوى الرابع

لكن ده لسه خطوه قبل ما يبقى وايد سبريد هيومان انفكشن

mido said...

يا جماعة متخدوش كلام طفاطيفو علي محمل الجد . ده يدوبك مخلص طب أسنان و اخره حيشتغل في الحشو و مكافحة التسوس :D

Unknown said...

اتفضلوا اهي ح تلبس فينا

مراسلة من فوكس نيوز بتسأل مسئول البيت الابيض: ممكن تبقى عملية ارهابية؟

على فلفوسا الخنازير

ينفع كده يعني؟

هم فاكرينا ايه؟

لا بجد والله العظيم يعني
هم فاكرينا ايه؟

mido said...

مين اللي بيقول عليها فلفوسا ؟ :))

حلمبوحة أخت فتكات رمش العين said...

يا لاهوي

يــــا لاهوي

يــــــــــــا لاهوي

ألطم وأصرخ؟

هوة فيه خنازير بتعمل فتنة طائفية؟

ياخوفي الحمار اللي قال الكلام ده بكرة يطلع لينا بتصريح تاني يقول إن الخنازير دولت تبع خلية حزب الله وبتوع الهلال الشيعي

بصراحة انا وأوختشي فتكات مش حنقعد دقيقة وحدة بالبلد دي

آنا ححجز على أول ميكروباص يودينا برج البرلص

العمر مش بعزقة يا معلمة نوارة, وانا باقترح عليكي كمان تعملي زينا

فتك بعافية, لما اروح احضر الشنط للسفر

آل خنازير طائفية آل

ما خنزير الا عوكل

TAFATEFO said...

@mido

طب اسأل نواره كده .. قلتلها مكتبتش علشان هيطلع واحد سيس من بتوع طب اللي بيفتوا من وهما في سنه أولى وهما آخرهم ضغط وسكر ويفتح بقه زيك كده

:D:D

بس عجبتني مكافحة السوسه

TAFATEFO said...

بص يا حبيبي انت لسه هتفهم يعني ايه فلفلوسا؟؟ .. انت تحفظها زي ما هي .. منتوا متعودين على كده

ولا جديده عليك دي؟؟

أكون أو لا أكون said...

أنا اللي سمعته من زمان إن اللي بيعمل الإنفلاونزه هو "رامسفيلد" لأن عنده شركه أدويه ... وهم اللي صنعوا المرض ده وبينشروه بين الدول وكل همهم الفلوس... لأن الكود بتاع المضاد عندهم هم بس لأنهم هم اللي عملوا المرض... علشان كده هم عارفين انا الناس حتشتريه يعني حتشتريه...
وهو نفسه اللي عمل إنفلاونزه الطيور...

وكمان عنده مصنع للأطراف الإصطناعيه علشان كده عملوا قنابل بتنشر شظايها بشكل خبيث...
يعني فيه نوع من القنابل قبل ماتوصل على الأرض بـ خمسين سم يتنفجر وتنثر الشظايا بالعرض "شكل شاقولي"....
يعني بتقطع الرجلين.... ويرجعوا يشتروا رجلين من رامسفيلد...

الله يقطع نفسه...

mido said...

حلمبوحة : دايما لازم اقرا تعليقك الحلمنتيشي :D

أكون أو لا أكون said...

بعدين هم خايفين على إيه ؟ الخنازير بتتاكثر بسرعه كبيره... وتكبر بسرعه كمان... يعني خلال ست شهور حيرجعوا يربوا أضعاف الكميه...
يعني مافيش خساير... هههههه

Anonymous said...

عــــــــــــــــــــــــــــــــطس

mido said...

بمناسبة الكلام عن الميكرو بيولوجي : دكتور الميكرو اللي براجع معاه بيحفظ الطلبة شرايح الميكروسكوب بتسكيمات يحفظوها و يقولهم تجاوبوا بالشبه و تدخلوا علي العينة _بمنتهي الغباوة‎ ‎:D

TAFATEFO said...

أكون أو لا أكون

وهو اللي لوث الميه علشان مشارك في مصنع كوكاكولا

الله يمسيه بالخير صنع الله إبراهيم

TAFATEFO said...
This comment has been removed by the author.
Anonymous said...

اسفة يا اخوانا ع المحاضرة

السيس دي

حقك عليا

رامسفيلد هو اللي عامل انفلونزا الطيور دا حقيقي

اول مرة اعرف ان الانفلونزا ليها كود؟؟؟؟

نابليون ع الباب واحنا عمالين نصلي ونقول صيحة

الناس تامرت علينا وعملوا المرض وسبحان الله معهمش العلاج

القوات المسلحة هي اللي تأمرت علي السادات وقتلته

صلاح نصر هو اللي زق سعاد حسني

الله يكون في عون الفيروس

TAFATEFO said...

يعني ايه رامسفيلد هو اللي عل انفلونزا الطيور

أنا كل اللي سمعته كان عن علاقة البروباجندا اللي اتعملت خوالين سارس برامسفيلد علشان مستفيد من بيع الفاكسين حول العالم

انما انفلونزا الطيور دي جديده

يا ريت توضيح

TAFATEFO said...

كل اللي لقيته ده

From January 1997 until being sworn in as the 21st Secretary of Defense in January 2001, Rumsfeld served as Chairman of Gilead Sciences, Inc. Gilead Sciences is the developer of Tamiflu (Oseltamivir), which is used in the treatment of bird flu. As a result, Rumsfeld's holdings in the company grew significantly when avian flu became a subject of popular anxiety during his later term as Secretary of Defense. Following standard practice, Rumsfeld recused himself from any decisions involving Gilead, and he directed the Pentagon's General Counsel issue instructions outlining what he could and could not be involved in if there were an avian flu pandemic and the Pentagon had to respond.

TAFATEFO said...

بس ده مش معناه ان رامسفيلد أو الشركة دي هي اللي عملت الفيروس

TAFATEFO said...

شوفوا دي .. يالاهوييييييييي

Anonymous said...

نموارة انت ازاي ازاي عديتي التعليق بتاع ابن الاحبة مدونة النسر المصري. انت مفهمتيش قصدجة اية ولا فاهمة ومعدياها بمزاجك . وفين ان المدونة دي لا تقبل بالتعليقات الطائفية

Anonymous said...

أنا مع تانى تعليق علىالبوست ده ، فعلا أوقات بحس إنك عايشة فى دنيا تانية وبتتعاملى مع بعض المواضيع بسذاجة شديدة ، حضرتك شايفة إن قتل الخنازير مش ممكن يعمل فتنة طائفية .... كويس ، طيب نتعمق شوية بقى ونفسر معنى كلمة "فتنة " .... الكلمة معناها ببساطة وبالبلدى إسفين يتفقع بين الناس ويسبب اختلاف فى الرأى ثم احتقان ثم تشاحن وقد ينتهى بعنف أو بحرب ، واللى بيعمل فتنة مش شرط يكون سببها منطقى أو مقنع..... المهم إنها تؤدى لاختلاف بين فريقين
وإذا كنتى مش مقتنعة إن فيه ناس بتدورعلى أى فتنة تعملها شوفى مطالبة أقباط المهجر الأخيرة بإن الأزهر يستقبل مسيحيين ..... هل دى مش محاولة لعمل فتنة؟؟؟؟ حتقوليلى طبعا لأ ... إيه المانع إن المسيحيين يدخلوا الأزهر؟ حقولك المانع إن الأزهر جامعة إسلامية وبتدرس علوم دينية لطلبة الطب والهندسة وطبعا الإخوة المسيحين لو دخلوا الأزهر حيرفضوا دراسة العلوم الإسلامية وحيطالبوا بإلغاءها ..... ولو نجحوا فى كده يبقى شوية شوية حيبقى مفيش أزهر ومش بعيد يطالبوا إن عميد كلية الدراسات الإسلامية يبقى مسيحى
ياريت متعتبريش الكلام ده عنصرى ، بس للأسف فيه ناس هيا اللى عايزة تعمل أى فتنة والسلام ، يعنى ببساطة لو الإخوة أقباط المهجر مزعلهم إن فيه جامعة كلها مسلمين يطالبوا بإنشاء جامعة مسيحية زى الأزهر وأعتقد ده ميزعلش حد

يوميات شاب منوفى said...

بصوا بقى موضوع الفتنة الطائفية بقى شى شخيف وبعدين انا مش عارف اية علاقة تامسيحية بالخنازير انا شفت مزرعة خنازير فى برتامج القاهرة اليوم كنت هرجع من القذارة يعنى نموت شعب كامل علشان الحوار الفتنة الطائفية

دعاء said...

بستغرب بشدة لما الاقي حد بيستقتل على وجهة نظر وهو غالبًا مش فاهمها مع اعتذار مش قصدي اضايق حد بس كلام الاستاذ انونيمس غير منطقي علميًا

و معلش انا مش بلقي الكلام على عواهنه.. انا باحثة في البيوتكنولوجي والهندسة الوراثية وبحضر المجايستير دلوقتي في المجال يعني ده تخصصي..

ماذا يمنع كون الفيروس محور جينيًا في معمل؟

وما معنى ما قاله الأستاذ انونيمس عن كون الفيروس لو اتعمل في معمل ميقدرش يعيش إلا في انابيب الاختبار؟؟

ده على اساس ايه بالضبط قررت حضرتك مثل هذا الأمر؟؟ ما هو النظرية العلمية التي تقرر بها عدم عمل الفيروس خارج أنابيب الاختبار بالضبط؟؟ لأن طوال عشر سنوات ما بين الدراسة والعمل لم اسمع أو أرى هذه المعلومه مطلقًا؟؟

و ما نوع أستاذ الميكروبيولجي لديكم ليذكر معلومات كهذه بالضبط؟؟ حقصا اتمى ان اعرفه لانه يستحق ان تقدم به شكوى لتدريسه معلومات خاطئة لطلابه..

و ما دخل ما تقوله حضرتك الآن بما يحدث، من قال ان المكسيك هم من قاموا بتخليق الفيروس؟؟؟ لم يقل أحد ذلك(او افضل كلمة تحويره لأنه لم يخلق من عدم لو هذا حدث)

من يقولوا هذا يقولوا ان أمريكا هي من حوره، وهذا ممكن بشدة، لا احب اتباع نظرية المؤامرة ولا اعرف إن كان هذا حدث أم لا

و لكن عن إمكانية حدوثه نعم يمكن حدوثه.. يمكن تحوير فيروس من نوع قريب أو فيروس من نفس السلاله ولكنه غير خطر ألى فيروس اخر أو أكثر خطورة

مثلاً تحويل فيروسات المستوى الأول او الثاني و رفع مستواها

أو تعديلها وظيفيًا و نقل وتحوير الجينات لتؤدي وظيفة جديدة كقدرتها على الأنتقال من إنسان إلى اخر..

أو عمليات تهجين جينيًا بين نوعين متقاربين من الفيروسات وهذه تعتبر الاخطر لأن هناك احتمال وارد أن ينتج عنها صفات لم يتعمدها صانع الفيروس بجانب الصفات التي هجن من اجلها..

و ببساطة إن كان ذلك قد حدث فلا احد ينتج فيروس دون أن ينتج المصل الخاص به

سيكون هناك مصل ..بالفعل إلا إن حدث تسرب أو خروج للفيروس قبل اتمامه أو أي حادثة علمية أخرى..

هناك نظريه (إحدى نظريات المؤامرة ايَضًا) تقول أن الإيدز صنع في معامل الجيش الأميركي.. وقد أفلت الفيروس ليسبب هذه الكارثة قبل التحكم به و إيجاد مصل له.. وهذه النظريه مشهوره للغاية بالمناسبة

هل هي حقيقة أم لا لا احد يعرف ولكن لم يخرج احدهم ويقول أن الفيروس لن يعيش خارج انابيب الاختبار؟؟

اكرر لا اتبنى فكرة ان الفيروس مصنع وانها مؤامرة و لا اتبنى العكس

أنا اتكلم عن إمكانية حدوث ذلك.. هل يمكن ان يكون هذا الفيروس هو تحوير لفيروس اخر صنع معمليًا?

نعم ممكن جدًا ايضًا

أعتذر عن التطويل وتدخل يا نوارة ولكن أكثر ما يسيئني الكلام المرسل بلا اي خلفية علمية في امور علمية صرف..

mado said...

تكملة النكتة
مجلس الوزراء يبحث اعدام الخنازير .. وناشطون اقباط يهددون باللجوء لأوباماالا صحيح يانوارة هو اوباما بياكل خنازير.

Unknown said...

لا اوباما بياكل خرا
ومين العرصات دول لا مؤاخذة

ماله بقى النسر المصري

انا ما قرتش تعليقه

ح اشوف دلوقت

Unknown said...

انا مش شايفة ان تعليق النسر المصري طائفي ولا حاجة

انا شايفة انه بيقول ان الخنازير دي مملوكة لرجال اعمال وعشان كده مش عايزين يعدموها

وقال ايه

ناشطين اقباط يهددوا

هي كل الحكاية بزنس والموضوع مالوش اي علاقة بالدين

عايزين يلزقوا البزنس في الدين ويعملوها خناقة اذا كان دول وللا دول

ياللا خليهم يتخانقوا مع بعض ويولعوا بجاز وسخ خلينا نخلص منهم هم الاتنين

خاطر said...

لازم كارثة تحصل عشان الحكومة تتحرك
وأنا مع الواقع والرأي اللي بيقول الموضوع هايعمل بعد طائفي لأن بطء التنفيذ المستفز دة مش لاقي ليه سبب تاني غير الخوف من ضغوط خارجية بتتزامن مع زيارة الشهر القادم

Unknown said...

لاالحل ان الدولة تأمم مزارع الدواجن والخنازير وتاخدها من رجال الاعمال عشان ولاد الكلب يبقوا يلعبوا بالورقة الطائفية تاني لجل خاطر فلوسهم

الهي ربنا يبقى يعمل فيهم زي قارون

بصوا الجملة دي في الخبر

وقد لجأ عدد من التجار المسلمين لنواب في البرلمان للمطالبة بدعمهم فيما يعتبرونه إضطهاداً حكومياً موجهاً لهم.

Anonymous said...

@دعاء

انا مش بتكلم كلام مرسل

نوارة قالت الفيروس مخلق في معمل

عشان يستفيدوا ببيع المصل وطلع واحد يقولك رامسفيلد هو اللي عامل البيرد فلو يلا بقي


وانتي بتقولي اللي هيعمل الفيروس لازم يعمل المصل بتاعه

هو مش الفاكسين ده بروفيلاكسيس؟؟
هو انا كنت لسه عرفت شكل الفيروس الجديد ده ايه عشان اعمله فاكسين؟؟؟

والنبي يا خلق حد يقولي ؟؟؟

طب بلاش هيسيطروا عليه ازاي ازاي؟؟؟؟

اسالي كده عن الفيروس اللي كان هيعمله صدام
وانتي تعرفي حكاية انابيب الاختبار

TAFATEFO said...

هو ليه كل الموضوعات بتدور في الفلك الغبي ده؟؟

بقت حاجه مقرفه أوي كل ما واحد يفك زنقته جنب حيطه تتقلب طائفية وقرف علشان الناس بتتلقف الكلام وتخليه نقطة اهتمام

واحد أهبل قال كلمه .. لازم الكل يعلق عليها؟؟ فككوا من النيله دي

ورغم اني مش فاهم أبداً علاقة اعدام الخنازير بالقضية الهبلة بتاعة ممدوح بك نخلة اللي عايز يحضر ماجستير في شريعة وقانون وهو جايب مقبول أصلاً .. بس ما هو محدش معترض .. اتفضل اعمل ماجستير .. بس هيتطبق عليك نفس اللي بيتطبق على الطلبة .. تحفظ القرآن كامل وتيجي تسمع يا حلو .. وده اللي اشترطه رئيس اجامعة الأزهر .. قام رافع البيه قضية

امال هو عايز ايه؟؟ أما عجايب

وبعدين فصل الكليات العملية عن الشرعية في جامعة الأزهر .. ده مخطط حكومي .. ويبقوا يتفوا على قبري لو عرفوا يعملوها

عموماً مفيش حد هيعترض على اعدام الخنازير .. غير أصحاب المصلحة

زي ما حدش اعترض على إعدام الطيور غير أصحاب المصلحة

TAFATEFO said...

@أنونيمس

بصراحة حضرتك من امبارح قاعد تقول كلام عجيب

يا سيدي .. هما مقالوش غير ان هيتم عزل الفيروس وعمل المصل .. بس ده هياخد من 4 إلى 6 شهور

محدش قالك المصل في ايدهم ولا حاجه .. بس لو كان الفيروس مخلق معملياً فغالباً يبقى المصل موجود .. وإن كان ده مجرد احتمال (أهبل في رأيي) .. تطوير الفيروسات معملياً بيبقى هدفه استخدامها كأسلحة بيولوجية غالباً (في حالات البشر) أو استخدامها للإضرار بالزراعة أو الثروة الحيوانية (في الزراعة في آفات كتير بتتطور معملياً وتقضي على زراعات) وطبعاً بيبقى موجود المصل بتاعه عند اللي طوره

محدش أجزم انه مطور معملياً ولا حاجه

ومحدش قال المصل موجود ولا حاجه

خاطر said...

خلاص أهو خدوا قرار بذبح الخنازير وحفظها فى الثلاجات ...!!

يلا بقى عشان تتسرب للسوق وتتعمل لحمة مفرومة وكفتة وكباب والشعب يعوم في الفتة

ياريت يكون فيه قرار لاحق بغلق الزرايب دي بصفة تدريجية ويشوفوا لهم شغل تاني لحسن شكلها كدة هايخلوها مزارع ومصانع والحلوف المصري يبقى ليه صيت فى بلاد برة وجوة

منظور شامل للحياة السعيده said...

انونيمس بتاع دكتور الميكروبيلوجي

معلشي بقا انا دكتور وتخصصي جينات والكلام دا

و شكلك كدا لسه طالب و تعرف ربع الكلام والباقي من دماغك

ايه فيروس الاانابيب اللي اتعمل في الانابيب ميعرفشي يعيش براها

سمعت دي من اي دكتور لو سمحت؟

الكلام اللي بتقوله غلط

و ساعات شركات الادويا بتعمل اللي انتا بتقوله و ساعات بتعمل برضه حاجات تانيه

دي مؤسسات و كبرت لغاية مبقت دول

و كل شيء وارد

و فيروس الايدز بذات نفسه معمول في معمل و اتجرب من قبل حكومات في افريقيا واتنقل من القرود للبني ادمينو اتحور و بقا يتنقل من بني ادمين لبني ادمين

و شكرا

Anonymous said...

يا عالم يا خلق بدل ما قاعدين تتريقوا

انا ما قالوتش اي فيروس اتعمل في معمل

انا بقول دي سلالة جديدة

انا مش بحور فيروس من مستوي لمستوي

انا بحوله لحاجة معرفهاش

يبقي هعملها مصل ازاي

وقولت مفيش مصل عشان الفيروس شكله بيتغير وعشان الريسيتانس

ايه بقي دور شركات الادوية في الموضوع؟هو كان فيه حاجة مطروحة دلوقتي غير التاميفلو؟

يا عالم الناس عنهدها ازمة ومش عارفينن يتلموا علي بعضهم هيتأمروا عليكوا ليه
لييييييه

TAFATEFO said...

يا سيد أنونيمس

هدي أعصابك بس ومفيش حاجه مستاهله الحمقه دي .. محدش قال انه طور معملياً لكن ده احتمال زي أي احتمال

ولا تزعل نفسك .. هو حد قالك تآمروا علينا .. ما الناس ماتت في المكسيك وأمريكا أهي

ولا تزعل نفسك خالص

Anonymous said...

الموضوع سهل ، الحل ببساطة انه الحكومة تشتري لحم الخنازير و توزعها على الناس و كدا تنتهي المشكلة و محدش يزعل

Anonymous said...

في الاردنعلمت سرايا بان قرارا صدر اليوم يوجب على مالكي مزارع الخنازير بإعدام كل ما يملكوه من رؤوس داخل مزارعهم وذلك في إجراء وقائي تحسبا لانتشار مرض انفلونزا الخنازير على ارض المملكة وأشارت المعلومات المؤكدة لسرايا أن بعض مالكي مزارع الخنازير تم توقيفهم بعد رفضهم إعدام ما يملكون خصوصا وان القرار لا يحمل في طياته بندا يتحدث عن التعويضات المالية بسبب الضرر الناجم على أصحاب هذه المزارع في حال إعدامهم لما يملكون وأكد احد الذين تم إيقافهم ويدعى سليم عمارين انه لن يعدم ما يملك من خنازير في حال لم يحصل على وعود بتعويضه ماليا خصوصا وان قيمة ما يملكه في مزرعته تتجاوز المليون دولار مؤكدا أن أيا من الجهات المعنية لم يحضر لفحص ما يملك من رؤوس بغية التحقق في ما إذا كانت مصابة بالمرض أم لا .http://www.sarayanews.com/home.asp?mode=more&NewsID=13702&catID=39