Thursday 23 April 2009

من لغاليغه ان ما كانش ده شغل عبد الله

لا مؤاخذت أنا اصلي عيانة وعندي برد شديد بس باصحى افتح التلفزيون على الجزيرة
الواد اوباما كان عنده استعداد يتحاور مع حماس ويقبل باختيار الشعب الفلسطيني بلا بلا بلا
وقابل الملك عبد الله ما تعرفش قال له ( هو كان قال احنا محتاجين نسمع اكتر) وفجأة لقينا هيلاري كلينتون طالعة في الكونجرس تقول كلام ولا كوندوليزا ايام جورج بوش
هررررررررررررر
يا لهوييييي هو قال له ايه؟ لا ولسة لما يقابل عوكل وبسبس
وعمر سليمان رايح اسرائيل عشان يبقى كلامهم واحد قدام اوباما
طب احلق لكوا شنب صفوت الاحمر الدوجلاس ان ما كان عوكل وبسبس ح يقعدوا قعدتين تانيين مع اوباما ويحولوه لهتلر
ما داهية يكون بوش مظلوم واللي كان بيبخ في ودانه هم البلاوي اللي ربنا رزانا بيهم.. ماهو.. ماهو راجل اتقلب بين ليلة وضحاها

10 comments:

TAFATEFO said...

ألف سلامة

بس هيلاري ده كلامها من أول يوم .. وشنب صفوت الأحمر ده عدة الشغل .. هتحلقيه ويعيش منين؟؟

ده وراه كوم ولايا يا شيخه .. خافي ربنا

ألف سلامه يا فندم

Anonymous said...

رب ارزقنا الكرامة

TAFATEFO said...

ده فيلم الصمت والصدى بصورة حلوة بس أصغر علشان تجميله يبقى سريع مع المشاهدةوده بصوة أكبر بس حجم أكبرالأول أفضل

وده للتحميل حجمه 775 م ب

TigerEye said...

التعليق ده يمكن مالوش علاقة مباشرة بالتدوينة

لكن انا اول ما قريته لازم تقريه

بقلم: عماد الدين السيد

الرسايل دي وصلتني من الصديق العزيز محمد سليمان بعد أن ارسل لي مجموعة من الفيديوهات الخطيرة جدا واللي بتحكي عن القوى الخفية اللي بتسيطر على العالم حالياً... الرسايل مهمة جداً فلن أتحدث عنها وحاسيب التعليق في النهاية لكم ..
وده لنك الفيديوهات للي عاوز يعرف القصة

http://www.youtube.com/profile?user=noreagaaa&view=videos&start=80



الرسالة الأولى


لما العالم يا عمدة يبقى قرية واحدة متألفة (أليفة يعنى) بحكومة واحدة و جيش واحد وبنك واحد و عمله واحدة ..
موش معنى كده إن الدنيا كلها ح تبقى بتشتغل عند ناس معينة .. اللى هم أصحاب الشركات الكبيرة اللى ح تحل مكان الدول الرأسية بشكل أفقى ..
موش معنى كده إن اللى بيشغلوهم هم اللى بيقبضوهم وهم اللى بيبيعولهم اللى بيصرفوا عليه المرتب ؟
موش دى الشيوعية الشريرة اللى بتلغى حرية الفرد وبتخضعه للحكومة .. واللى قعدوا يخوفونا منها ؟
طب سؤال شبهة من حته تانية .. موش هى دى بالظبط الشمولية؟ .. ولا ح يتعبوا التعب ده كله ويصرفوا دم قلبهم لإقامة النظام العالمي ده و بعد كده النظام ده يحتمل التغيير عادى كدة ؟ أو حيمشى على ناس و ناس لأ ؟
ولا بطبيعتهم ح يبقوا شايفين إن المصاريف دى تهون فى سبيل الاستثمار الكبير قوى ده .. و اللى لازم يتحمى قيامة بالحديد و النار علشان بيزينس إز بيزنس ؟
طب و إيه اللى ح يضمنلهم إن الناس ح تشتغل فعلا عندهم ؟
انهم لازم يشتغلوا علشان ياخدوا الكوبونات اللى اسمها فلوس ..
و الكوبونات دى ليها قيمة ؟؟ ليها قيمة حقيقية ولا ورق بس ؟
ليها طبعا .. زمان كانت بتساوى دهب .. و بعدين بقت تساوى منتجات ..
حلو.. المنتجات دى بقى بتاعة الناس ولا بتاعة أصحاب الشركات دى ؟
لأ طبعا بتاعة أصحاب الشركات اللى هما فى نفس الوقت أصحاب البنوك اللى بتطبع الكوبونات اللى ح تشترى بيها على قد احتياجك بس لأن محدش بيقدر يستخدم أكتر من احتياجه و كده كده هم موش ح يدوك كتير قوى يعنى ..
يعنى نعتبر إنك بتشتغل عن ابراهيم جيتس صاحب مصنع البونبونى .. ح تتهرك طول النهار شغل .. وإنت مروح حيديك ورقة مكتوب عليها عدد واحد كوبون .. وحياخد منك تلتها ضريبة .. حتروح المحل اللى هو يا إما أحد فروع سلسلة ابن عمه عابرة القارات يا إما بتاعه برضه .. يا بالكتير بتاع واحد صاحبه .. تروح تتفرج على إعلانات البونبونى المحققة قطعا للسعادة .. بدليل المزز اللى فى غاية الابتسام فى الإعلان واللى البونبونى رجعلهم ثقتهم بنفسهم وحبهم للحياة وخفض الكوليسترول زى ما الدكاترة فى معاملنا بيأكدوا .. حتى شايف الممثل اللى عامل دور الدكتور بيأكد قوى ازاى ؟
و تنام .. وتصحى تعمل 12 ألف بونبوناية و بقية اللووب إنت عارفه ..
فالمكيال مخروم حضرتك .. حضرتك مربوط فى ساقية البونبونى علشان سيادته يرتاح ..
و بتعمل 12 ألف بونبوناية يوميا علشان تاكل واحدة بس .. و تبقى سعيد ..
بعد كده ح يقولك الكوبونات بتنقل أمراض .. إحنا حنلغيها و ابقى خد بونبوناية كل يوم و انت مروح ..
و هو اللى يملك الكوبونات و الدهب و البونبونى و البيت اللى انت مقسطه على 40 سنة و غالبا ح تعزل قبل ما تكمل اقساطة يعنى عمرك ما حتملك حاجة ..

*****

بذمتك القصة الخيالية دى موش فيها شبه كبير من الواقع ؟ و شبه أكبر بالمستقبل القريب ؟
القصة دى مصيبة لو إحنا ملحدين ..
فما بالك و احنا مسلمين .. عارفين إننا متخلقناش لعبادة البونبونى ..
وإن حوار البونبونى ده مخطط شيطانى قديم قوى ..
ولا ده كلام جرايد و الحقيقة إن فتافيت البونبونى أكبر همنا و مبلغ علمنا ؟
إزاى مسلمين و مبنهدش مصنع البونبونى ؟
المصنع اللى حيتحول لمعبد فى المستقبل القريب .. لما المساجد تتحول لمتاحف بتحكى التاريخ الهمجى للبشرية .. أيام ما كان فيه الفكره الهبلة اللى بتقول إن الدنيا وما فيها من بونبونى أوهام و الدار الأخرة لهى الحيوان لو كانوا يعلمون ..



الرسالة الثانية


قريت رواية عالم شجاع جديد؟ .. بتقول شبه اللى قلته ده ..
بس فيه حاجات كتير قوى
الهيبيز مثلا كانوا اعتراض على الاتجاه ده بس يقال إن المخابرات الأمريكية حلت الموضوع بإغراقهم فى المخدرات ..
و على الأفلام فحدث ولا حرج ..
matrix
the island
equilibrium
و أفلام كتير
ومقريتش لجلال أمين بس شكلى ح اقراله مادام معانا ع الخط .. أصل أنا بقالى فترة كبيرة بقرا لعلماء مسلمين قدامى .. بعوض الجهل بالتراث اللى احنا فيه ..
مصطفى محمود على فكرة هارش النظام .. أكيد قريتله و إنت صغير .. فاكر أيها السادة إخلعوا الأقنعة ..
هم فعلا عندهم اجتماعات و احتفالات بتتم بالأقنعة.. شفت فيلم أيز وايد شات ؟ بتاع توم كروز و نيكول كيدمان اللى بيتكلم عن الخيانة ..المكان اللى كان عايز يدخله خلسة ده .. ده كان طقوس من بتاعتهم
و فيلم ناينث جيت برضه .. بتاع جونى ديب .. بيتكلم عنهم ..

أما بقى عن الحل .. فانت بتقول كلام كبير قوى علينا ..
إنت بتتكلم فى حل جماعى ..
وإحنا موش مدركين حجم المصيبة الفردية ..

وصلوا للنخاع يا عمدة
متغلغلين جدا فى دماغ الناس .. فيروس وانتشر .. اسمه حب الدنيا و كراهية الموت ..
علشان كده تلاقى واحد زى محمد حسان دقنه واصله لبطنه بس خايف على عربيته المركونة لتتكسر فى المظاهرات ..
عربيات إيه يا جدعان و محلات إيه اللى خايفين عليها ؟؟
إحنا عبيد .. فوقوا ..
و مركب إيه اللى ح تغرق بالجميع ؟؟ حضرتك موش شايف إن المركب دى متجهة بينا ع النار؟ متغرق ولا تتحرق .. بس النار لأ
المركب رايحة النار كلها .. لو موش مصدقنى ارجع للأيات بتاعة الذين استضعفوا ..
علشان كده كنت بقول إن الحل مش سياسى إنه ثقافى ..
لأن طول ما هو ده هم الناس .. مهما غيروا الأنظمة السياسية الظلم ح يفضل ..
لأن الظلم بيقتات على حاجة مهمة .. إن انت بدل متبقى عايز ترفعه .. تبقى عايز ينوبك م الحب جانب وتبقى شريك فيه ..
فالأسياد بيستخدموا طموح بعض العبيد فى ضرب العبيد بعضهم ببعض و استهلاك طاقتهم ..

شفت فيلم البداية بتاع صلاح ابو سيف ؟
لما كانوا ح يثوروا علي جميل راتب فقام واخد أتخنهم على جنب و خلاه القائم على "أمن " الجزيرة .. وبقى يقبضه أكتر منهم .. زى مثقفى السلطة دلوقتى
المشكلة إن الناس مهما ادعوا .. أغلبهم فى أعماق نفسه يتمنى ينوبه من الحب جانب ..
هى دى القضية الحقيقية ..
الحسين زمان أول ما وصل حدود الكوفة واحد قابله و قاله ارجع يابن بنت رسول الله
قاله ليه مالهم أنصارى .. قالوا قلوبهم معك و سيوفهم عليك

الناس بتدعى إن قلوبهم مع العدل .. بس فى الحقيقة كل عملهم بيصب فى ناحية ترسيخ الظلم.



الرسالة الثالثة


الموضوع معركة روحية يا عمدة ..
الشيطان لكم عدو فاتخذوه عدوا .. فاتخذوه دى مهمة جدا .. يعنى مش كفاية نبقى عارفين لازم نتصرف على أساس المعرفة دى ..
الكلام اللى بنقوله ده بيلقى ضوء مهم جدا على آيات الشيطان ..

زى.. واجلب عليهم بخيلك و رجلك و شاركهم ..
زى.. الذى يوسوس فى صدور الناس من الجنة و الناس ..

فيه معركة قائمة طول الوقت ..
سلاحه واللى معاه فيها الدنيا .. و احنا سلاحنا الاستمساك بحبل الله .. القبض بقوة على فكرة التوحيد .. إقامة الوجه للدين حنيفا .. تحرير العقل زى فى فيلم ماتريكس .. لما كان بيقوله
free ur mind
علشان مايخافش ينط من فوق العمارة ..
اليقين يعنى من الأخر .. فاكر موسى و قومه .. لما قالوا إنا لمدركون .. قال إن معى ربى سيهدين ..

وسيبك م الكلام الأهبل بتاع إنت صلح نفسك وربى عيالك وخلاص ..
السلفية بيتعاملوا إن فيه شوية محرمات وأوامر ونواهى لو التزمت بيها تبقى تمام .. يعنى مامدام انشطتك كلها حلال (نسبى) و عمال تلم حسنات يبقى ح تشرب شربة من يده الشريفة لا تظمأ بعدها أبدا ..

نعم يا بابا ؟ لم حسنات إيه إحنا بنلعب سوبر ماريو؟؟
و الظلم طيب؟ أمال يعنى إيه خليفة ؟ الخلافة بتاعة إنى جاعل فى الأرض خليفة ..

الموضوع موش حلال و حرام .. بص الآية التقيلة جدا دى مفهاش نهى عن أى محرمة .. النهى هنا عن حلال بلال ..

قُلْ إِن كَانَ آبَاؤُكُمْ وَأَبْنَآؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللّهُ بِأَمْرِهِ وَاللّهُ لاَ يَهْدِي الْقَوْمَ الْفَاسِقِينَ

يعنى ح نبقى فاسقين .. وربنا موش ح يهدينا .. طب لومهاداناش يعنى حيحصل إيه ؟ حنبقى ضالين صح ؟ و الضالين دول موش نهايتهم سودة برضه ولا قشطة بقى شفاعة و أوكازيون أخروى ؟

لو كده يبقى ربنا بيتكلم ع الفاضى فى القرآن .. تعالى الله عما يصفون ...
ربنا وعده الحق ..
لو ح يقول ح اعذب على دى و اكافىء على دى و ح اهدى اللى ح يعمل كده و ح اضل اللى ح يعمل كده .. يبقى وعده الحق .. وإلا يبقى ظالم و هو ما لا يليق بالله .. لا عقلا ولا نقلا ..
و ما ربك بظلام للعبيد
وما ظلمناهم و لكن كانوا أنفسهم يظلمون



الرسالة الرابعة


المعركة قائمة يا عمدة .. سلاح العدو فيها ضعفنا احنا .. حبنا للدنيا و كراهية الموت ..

فاكر قصة طالوت و الجنود ..

فَلَمَّا فَصَلَ طَالُوتُ بِالْجُنُودِ قَالَ إِنَّ اللّهَ مُبْتَلِيكُم بِنَهَرٍ فَمَن شَرِبَ مِنْهُ فَلَيْسَ مِنِّي وَمَن لَّمْ يَطْعَمْهُ فَإِنَّهُ مِنِّي إِلاَّ مَنِ اغْتَرَفَ غُرْفَةً بِيَدِهِ فَشَرِبُواْ مِنْهُ إِلاَّ قَلِيلاً مِّنْهُمْ فَلَمَّا جَاوَزَهُ هُوَ وَالَّذِينَ آمَنُواْ مَعَهُ قَالُواْ لاَ طَاقَةَ لَنَا الْيَوْمَ بِجَالُوتَ وَجُنودِهِ قَالَ الَّذِينَ يَظُنُّونَ أَنَّهُم مُّلاَقُو اللّهِ كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللّهِ وَاللّهُ مَعَ الصَّابِرِينَ {249} وَلَمَّا بَرَزُواْ لِجَالُوتَ وَجُنُودِهِ قَالُواْ رَبَّنَا أَفْرِغْ عَلَيْنَا صَبْراً وَثَبِّتْ أَقْدَامَنَا وَانصُرْنَا عَلَى الْقَوْمِ الْكَافِرِينَ {250} فَهَزَمُوهُم بِإِذْنِ اللّهِ وَقَتَلَ دَاوُودُ جَالُوتَ وَآتَاهُ اللّهُ الْمُلْكَ وَالْحِكْمَةَ وَعَلَّمَهُ مِمَّا يَشَاءُ وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ وَلَـكِنَّ اللّهَ ذُو فَضْلٍ عَلَى الْعَالَمِينَ


النهر ده موش ممكن باستيطان صوفى أو بقياس فقهى نقول عليه الدنيا ؟
حب الدنيا .. الثقافة الاستهلاكية ..
لو حتشرب موش ح ينفع تحارب معانا
لو ماشربتش ح تبقى مننا ..
ولو لازم قوى يبقى يدوب بل ريقك ..
خد يا دوب على قد أدنى احتياجك .. لأن فى الأخر الاحتياج ده وهمى ..
يعنى لو شربت تبقى مصدق الوهم و مالكش فى اليقين ..
موش ح تعرف تحارب ..

الناس مش بتشرب بس يا عمده .. دول رايحين ع النهر بقزايز فاضية و جراكن
يحرروا إزاى الإرادة السياسية وهما أصلا بيعشقوا جلاديهم ..
و هما شاربين من النهر لغاية ما طلعلهم كرش ..
زائد إن أصلا مشايخهم بيقولولهم إنت كده زى الفل بس واظبوا على الأذكار و صوموا اتنين و خميس علشان تكبروا حجم قصركم فى الجنة ..
بس إنت معاك حق .. فى حكاية تحرير الإرادة السياسية دى ..
كل اللى أنا بقوله كيفية الوصول لتحرر حقيقى .. شامل .. يبقى تحرر الإرادة السياسية انعكاس ليه ..
ما طبعا أى مجموعة مسلمة أو دولة مسلمة لا يصح لها متى توفرت لها شروط الاستقلال عن النظم الظالمة (زى النظام العالمى الجديد، والصحيح فى الترجمة إنه الدنيوى موش العالمى ) الدنيا كمقابل للأخرة موش العالم كمقابل للمريخ مثلا ..secular يعنى دنيوى موش عالمى .. لا بصح لها إنها متستقلش عن النظام ده

الرسول ودى صحابته الحبشة و بعد كده كلهم هاجروا أصلا .. علشان العدل لا يجزأ ولا بد من نفاذ الإرادة الإسلامية (بالمعنى الأصلى للكلمة موش الاصطلاح السياسى) فى المجتمع اللى بيضم مسلمين .. علشان يعرفوا يقيموا عمد الدين ..
يعرفوا يجوزوا الناس قبل ما يتكلموا فى حد الزنا .. و يأكلوا الناس قبل ما يتكلموا فى حد السرقة ..
موش واخد بالك إن الشريعة مانزلتش غير بعد الهجرة و استقلال القرار المسلم ..

ليه إبراهيم قال أمة مسلمة لك ؟
ليه قال أمة ؟
علشان فهم إن المسلمين مالهمش عيشة فى وسط المجتمعات الظالمة الوثنية .. زى مجتع النمرود اللى هو هرب منه . أو مجتمع فرعون اللى هرب منه موسى ..
لازم يبتدوا مع نفسهم على نضافة



الرسالة الخامسة


الفكرة يا عمدة إن تحرير الإرادة السياسية تمنه كبير ..

يعنى لازم الناس كلها أو أغلبها يبقى دى رغبتهم .. لأن معناه إن احنا ح نتطحن و ح نجوع و ح نفضل فى حالة صراع و حرب تجويوعية .. و أحيانا حرب ع الأرض .. احتلال يعنى .. كل أشكال كسر الإرادة ..
زى غزة كده
لازم نبقى على استعداد إن المليار و نص مسلم يعيشوا فى الوضع الغزاوى إلى أن يفصل الله بيننا و بين قومنا بالحق ..

لازم نرجع مسلمين .. موش فارق معانا لا كهربا ولا سينمات ولا مرتبات و لا شقق ولا مفروشات ولا يحزنون .. ولا الأنفس نفسها

إن الله اشترى من المؤمنين أنفسهم .. بأن لهم الجنة ..
بس احنا موش عايزين نبيع ..
و المشكلة الأكبر إن المشايخ بيكلموا الناس فى مواضيع تانية خالص .. زى دم الحيض و فضل العشرة الأواخر .. و حكم الجماع فى الحمام ..
يعنى الناس مش دريانة أصلا إن فيه عرض من ربنا هم حالقينله ..
وبيتاجروا فى حاجات تانية ..

Anonymous said...

استاذه نواره...الف سلامه
معقول اوباما يطلع ودنى كده
وبعدين بيقولو امريكا بلد لها سياسه لا يحيد اى رئيس عنها... هما كلهم واحد بس احنا اللى تفاءلنا زياده بالاخ حسين اوباما
بلاش نظريه المؤامره دى
دمتى بخير وصحه دائمه...تقبلى مرورى

Anonymous said...

رأى قوى جدا


فالولايات المتحدة الأمريكية واستراليا وكندا ونيوزيلاندا دول عنصرية بالأساس، لا تختلف كثيرا عن الدولة الصهيونية في نشأتها. فكل تلك دول العالم الجديد قامت علي أكتاف مغامرين وقطاع طرق ومساجين أوروبيين ألقي بهم في تلك المناطق الجديدة فأبادوا سكانها الأصليين في حروب إبادة جماعية وتطهير عرقي ليكونوا تجمعات استيطانية أنجلوساكسونية أصبحت دولا كبيرة ومؤثرة.

Anonymous said...

موسكو، روسيا - يشكل القاذف "الهاشم" أحد أهم مهددات الأمن القومي للولايات المتحدة، بالطبع إلى جانب الصواريخ البلاستية، ذلك أنه يستطيع تدمير كافة أنواع الدبابات الحالية والمستقبلية.

وقادف "الهاشم" هو نسخة روسية - أردنية محدثة من القاذفات المضادة للدبابات RBG، تنتجه مؤسسة "بازالت" الروسية، ويعرف أيضاً باسم "آر بي جي 32."

كذلك، فإن قاذف "الهاشم"، الذي لا يزيد وزنه على 3 كيلوغرامات، هو ثمرة تعاون بين مهندسين روس وأردنيين، ويمكنه تدمير أي دبابة أو منشأة محصنة على بعد يصل إلى 700 متر، بواسطة قذيفة من عيار 72 ملم أو 105 ملم.

ويفترض أن يجيد كل جندي استخدام قاذف القنابل المضادة للدبابات، إلا أن تدريب المقاتلين على قواذف "آر بي جي" يعد أمراً باهظ التكلفة في حال استخدام الذخيرة الحية، علماً بأن استخدام ما يحاكي الذخيرة الحية لا يجدي نفعاً في المناورات العسكرية.

وأشاد الجنرال فلاديمير ليشيشين، وهو أحد قادة القوات المسلحة الروسية الذين زاروا معرضاً لمنتجات "بازالت"، أقيم مؤخرا في أحد معسكرات القوات الروسية قرب موسكو، بقدرات قاذف "الهاشم"، واصفاً إياه بأنه ممتاز، بحسب وكالة أنباء نوفوستي الروسية.

وأشار الجنرال الروسي إلى أن القاذف "الهاشم" المضاد للدبابات، قادر على تدمير المدرعات والمنشآت المحصنة التي يمكن أن تتواجد فيها القوات المعادية، على نحو سواء.


وكان الأمير فيصل بن الحسين، شقيق العاهل الأردني "جلالة الملك عبد الله الثاني" ، قد قال خلال زيارته لمعرض آيدكس 2009 للصناعات الدفاعية في أبوظبي، إن الأردن نجح في بناء قاعدة صناعية دفاعية متطورة بالتعاون مع روسيا ودول أخرى.

وذكر أن هناك تطوراً نوعياً في الصناعات الدفاعية الأردنية في الوقت الحاضر، وأنها باتت تلبي احتياجات القوات المسلحة الأردنية، انطلاقاً من تحقيق مبدأ الاعتماد على الذات.-(CNN)- http://arabic.cnn.com/2009/middle_east/4/23/rbg32.us_security/index.html

Anonymous said...

صحيح انك انسانة منتاقضة ، مش انتي اللي قولتي انه اوبما عبارة عن شخص ابيض بجلد اسود ، دلوقتي اوباما كان له في الحوار -- تناقض غريب

Anonymous said...

عين النمر
حديث عن رسول الله (ص) يقول فيما معناه
{إذا رضى الله عن أمة جعل علمائها أمرائها
وإن غضب عن أمة جعل فساقها أمرائها}
تفتكر بعد الحديث ده إيه ظروفنا مع ربنا
الكلام اللي انت كاتبة دة انا مش عارف
زود لي حالة الهسس
يا ناس ايه الحل
يارب انجدنا
يارب الكرامة

Anonymous said...

طالبت الإدارة الأمريكية من الكونغرس إجراء تعديلات طفيفة على القانون الأمريكي بحيث يصبح من الممكن استمرار إرسال المساعدات لحكومة ائتلاف فلسطينية حتى لو ضمت بين وزرائها بعضا من قادة حركة حماس التي تقع ضمن قائمة المنظمات "الإرهابية" حسب التصنيف الأمريكي.

وقد نقلت هذا النبأ صحيفة "لوس أنجلوس تايمز" الأمريكية على موقعها الإلكتروني اليوم الاثنين، وأوضحت خلاله أن هذه الخطوة من قبل إدارة الرئيس الامريكي باراك أوباما أثارت مخاوفا لدى أعضاء الكونغرس الأمريكي المناصرين لإسرائيل الذين يبحثون عن مؤشرات على أن الإدارة الأمريكية الجديدة قد تظهر تعاطفا مع الشعب الفلسطيني أكثر من إدارة الرئيس الأسبق جورج بوش الابن.

واضافت الصحيفة أن هذه الخطوة تأتي تأكيدا على المأزق الذي تواجهه حكومة أوباما في سعيها لعقد اتفاقية سلام في الشرق الأوسط، فقد دعا الرئيس أوباما مرارا إلى ضرورة إقامة دولة فلسطينية مستقلة، لكن مفاوضات السلام التي ينتظر أن تفضي إلى تلك الدولة، وحتى إيصال المساعدات إلى الفلسطينيين تواجه صعوبة دون التعامل مع حماس التي فازت في الانتخابات عام 2006.

وقد طالبت الإدارة الأمريكية أن يتم تعديل القانون في غضون الشهر الحالي كي تتمكن من إرسال مبلغ 840 مليون دولار أمريكي للسلطة الفلسطينية من أجل المساهمة في إعادة إعمار قطاع غزة بعد