Saturday 18 April 2009

يعني احنا دلوقت ح نعرف اخبارنا من الاعلام الاسرائيلي؟

طب ده الاعلام الاسرائيلي ما بيبطلش فشر ولا ابو لمعة، ح نعرف منين بقى؟
يعني اذاعة اسرائيل قالت ان مصر بتعد مذكرة لملاحقة سماحة السيد دوليا
وبعدين فيه كام حاجة اسرائيل قالتها ومصر نفتها
والاتنين اكدب من بعض والواحد بقى ح يبقى زي الكلب الحيران باناتهم
بالنوسبة لكتائب شهداء الاقصى مجموعة ايمن جودة (دول يقربوا لابو جودة؟) ههههههههه احسن، شوفوا مين ح يعبرهم ببمب العيد حتى، يعني هم اتركنوا على مصر؟ ح تديهم سلاح يعني؟ انا مش عارفة هي الناس كلها جايبة العشم فينا ده منين؟ مين ابن الكلب اللي تآمر على تحسين صورتنا بالطريقة المريبة دي؟
بيفكروني بسنية لما افتكرت عرفة الشواف دكتور عيون ويقول لها: لا
ما تقولش لا
بس
ما تقولش بس
مش
ما تقولش مش ما تقولش مش ما تقولش مششششششششش ده انت اللي ح ترجع النور لعينيا
كنت رجعته لنفسي يا ماما
حماس وحزب الله يقولوا: ما كانش والله العشم تعمل كده يا حسين، مش ده اللي متوقعينه من مصر
وكتائب شهداء الاقصى تراهن علينا على اساس ح نديهم ايه؟ شم النسيم جاي ح نديهم فسيخ ورنجا.... وبيض ملون ياااااااااللا شالله ماحد حوش
الا اذا كانوا هم اصلا ما بيعملوش حاجة خالص من الاساس، ماهو مش ممكن فصيل مقاوم بجد بيعمل اي حاجة ليها لازمة في حياته ويراهن علينا الا اذا كان اعضاءه كلهم شموا تلوث، دول باعتين جواب لمحمود عباس بيطمنوه يعني
ايه اللخبطة دي؟ محمود عباس؟ ومبارك؟ ومقاومة؟ بيقاوموا مين دول؟
على رأي طفاطيفو: ابعتي لي حد يلطم وانا اصوت او اصوت وهو يلطم بس نتعاون
ما يهدوا بقى... الموضوع كده باخ منهم قوي واتظفلط ومش عارفين يتحكموا فيه، هو حصل ايه؟ ايه الظيطة والظمبليطة في الصالون اللي هم عاملينها دي؟ عايزين ايه دلوقت حاليا؟
ماحد يشوفوهم عايزين ايه عشان يسكتوا، ايه الفركيشة اللي عاملينها دي
هو النظام المصري ماله بقاله فترة هادم اللذات ومفرق الجماعات كده؟
يفركشوا القمم العربية (ويطلعوا يقولوا لنا كده وفرحانين: هيييه هيييه)، ويفركشوا مجلس التعاون الخليجي، ودلوقت بيفركشوا فصائل المقاومة
هم مالهم بقوا فسية شيطان كده؟ عاملين زي الراجل العاطل الفاشل اللي مالوش لازمة في الحياة وكل يوم يقرف مراته وينكد على عياله عشان يحسسهم بوجوده

24 comments:

مواطن مصري said...

يعني كانت عجباكي قمة قطر الي كانت فضيحة
:)

و بعدين مصر احتمال تنضم لمجلس التعاون الخليجي

TAFATEFO said...

كما أن العلاقة التى كانت تربط الكتائب بحزب الله اللبنانى كانت على اعتبار أنه الداعم المادى الوحيد لها.

:D:D:D:D:D

عسل .. عسل عسل عسل

مين الداعم البديل بقى؟

TAFATEFO said...

يابني يا حبيبي .. يا حبيبي يا ابني

ايه العلاقة؟؟ ليه بتحسسني اني مبفهمش؟؟ أنا عملتلك ايه؟

Unknown said...

الداعم البديل مصر طبعا

الله
انت ناسي انها الشقيقة الكبرى والدولة ذات الثقل والسيادة

اما عجايب والله

باقول لك ايه

اسمع انت عشان بتحب الكلام ده

http://www.algomhuria.net.eg/algomhuria/today/fpage/

TAFATEFO said...

يعني اعربلي مجلس التعاون الخليجي في الجملة دي

Unknown said...

ههههههههههههههههههههههههه

TAFATEFO said...

طب امبارح كانت ذكرى وفاة أبو جهاد .. وكتائب شهداء الأقصى ضربت صاروخ احتفالاً

الصاروخ ده جاي منين؟

مش فاهم .. بس يمكن ده نتيجة وجود اتنين من عناصر فتح ضمن الخلية؟؟

Unknown said...

العملية بقت
تبوز
انا بجد
مضايق
قوى

لو لم اكن مصرياً
لإرتحت نفسياً

لما بلدى تبقى بتشارك فى ده

ياريت يطبقوا مصر اولاً
و يسيبوا الفلسطينين فى حالهم

خلاص انا بجد تعبت من اللى حاصل
و مش عارف مين فين

الله يحرقهم اللى خلوه بلدنا كدة
-------
بقول ممكن حضرتك
تشوفيه المقال ده
اعتقد انه مهم
بس انسى انه منشور فى الأهرام
و انسى الكلام اللى فيه عن عدم انتصار حزب الله فى يوليو 2006

و اعتقد حضرتك حتفهمى المقصد من المقال

http://ta3melboyout.blogspot.com/2009/04/blog-post_18.html

مواطن مصري said...

نوارة شوفي المقال دة من على الجمهورية حلو
http://www.algomhuria.net.eg/algomhuria/today/raay/detail00.asp
رؤية مصرية :
وتظل إسرائيل هي العدو الأول
بقلم : د.لطفي ناصف

mido said...

معروف دايما ان الجمورية شعبوية في سياستها التحريرية بس مع محمد علي بعرور بقت حالتها صعبة أوي

mido said...

هو موقع اليوم الساقع فرحان ليه في حزب الله !؟

Unknown said...

" مذكرة ملاحقة لحسن نصر الله"
؟؟؟؟؟؟؟؟؟؟؟؟؟
لا اوافق الحكومة المصرية علي هذه الخطوة العبثية..هو حسن نصر الله يجرؤ علي مغادرة مخبأه من الاساس ؟ ده لا يجرؤ علي الظهور العلني في الضاحية الجنوبية و اذا حدث يكون بدون اعلان و لدقائق معدودة قبل ان يهرع الي مخبأه سريعا

osama kanaan said...

يا جماعة الخير ..

مصدر الدعم البديل لكتائب شهداء الأقصى رح يكون أبو مازن نفسو .. هههههههههههه

لا بجد مسخرة

حـنــّا السكران said...

pink

السيد حسن نصرالله " لا يجرؤ " على الخروج من مخبأه لأنه مستهدف من كل كلاب الأرض .. السؤال :

حسني مبارك يجرؤ على الخروج من مخبأه و النزول بين الشعب المصري ؟

أكرر .. الشعب المصري الطيب .. و ليس كلاب الأرض الذي يريدون رأس كل مقاوم .

هل يجرؤ مبارك ؟

و هل يجرؤ على حضور عرض عسكري لجيشه ؟؟

الجيش المصري

TAFATEFO said...

@ بدراوي

ده مقال المفروض والأفضل (للصحة) ان بعد ما الواحد يقراه .. ينسى انه قراه كله

احمد سعيد said...

جو

............

كلا البته

لا يجرؤ طبعا

معملهاش ومش هيعملها

:)

TAFATEFO said...

@ Pink

كلامك عن حسن نصر الله منطقي جداً .. أصله الأمين العام لحركة مقاومة لإسرائيل .. والمطلوب رقم واحد .. والجو اللبناني للأسف مفتوح للطيران الإسرائيلي

Unknown said...

لا يا جماعة

مهما كان ده زعيم مقاومة

يعني المفروض يبقى شجاع

يعني يطلع على السطوح ويعمل حواليه دايرة نار ويمسك ميكروفون واول ما يشوف الطيارة الاسرائيلي طايرة فوقيه يروح مزعق بعلو حسه:

ياااااااااااا كاااااااااااابتن

كابتتتتتتتتتتتن

انا حسن نصر الله

مش كنتوا عايزين تقتلوووووووونييييييييييي؟

اناااااااا اهووووووووووووووو

TAFATEFO said...

محدش بيعمل كده غير أحمد زكي في ناصر 56

:D:D

TAFATEFO said...

وأدهم صبري (طبعاً) في روايات نبيل فاروق

مواطن مصري said...

مش عارف بس اسرائيل بتقول انها هتعلن الحرب ع ايران ممكن يكون فية مرتزقة

بس انا مهما اختلفت مع حسن نصر الله بس ضد العمليات القذرة و تتصفيات الجسدية

Anonymous said...

اعلام العدو: بعد الهجوم المصري على حزب الله.. حماس التالية

حسن حجازي - 17/04/2009م

أكدت أوساط اعلامية وسياسية اسرائيلية ان الخطوة المصرية المقبلة بعد الهجوم على حزب الله هي ضد حماس

واعتبرت أن تصريحات وزير الخارجية المصري احمد ابو الغيط عن رفض بلاده استقبال وزير الخارجية الاسرائيلي "افيغدور ليبرمان" هو شعور مصري مفتعل بالاهانة لايجاد توازن مقابل العالم العربي، لكن هذه الأوساط أكدت ان ليبرمان سيزور القاهرة قريباً جداً.

الاعترافات الاسرائيلية بتزويد الموساد للسلطات المصرية بمعلومات حول ما يسمى "خلية حزب الله" أحرجت النظام المصري ودفعت وزير الخارجية احمد ابو الغيط للإعلان عن رفض استقبال وزير الخارجية الاسرائيلي افيغدور ليبرمان، وهو ما فسرته العديد من الاوساط الاعلامية والسياسية الاسرائيلية باعتباره محاولة لإيجاد نوعٍ من التوازن في الحملة المتواصلة على حزب الله، وعدم الظهور بصورة المتواطئ مع اسرائيل أمام الرأي العام المصري والعربي، بعد التغاضي عن شتائم ليبرمان للرئيس المصري وتهديده بضرب السد العالي.

وفي هذا الاطار يقول عضو الكنيست الصهيوني داني ايالون: "المصريون مربكون ويريدون اطلاق النار في كل الاتجاهات لتغطية هجومهم على حزب الله، واريد القول ان ليبرمان وانا، نلتقي في هذه الايام مع جهات مصرية رفيعة جداً، واعتقد ان ليبرمان لن يزور مصر فقط، انما سيستضيف مسؤولين مصريين في الوقت القريب".

من جهته قال ايلي شكيد، السفير الاسرائيلي السابق في مصر: "التعهد المصري باستمرار العمل مع الحكومة الاسرائيلية يفتح ثغرة كبيرة في مسألة التسوية مع ليبرمان الذي ستدوس أقدامه الأراضي المصرية في المستقبل القريب، والمصريون يحاولون عبر التشدد مقابل ليبرمان ايجاد توازن مقابل العالم العربي وليستطيع النظام المصري مواجهة الاتهام بأنَّه عميل لاسرائيل وامريكا".

نائب رئيس معهد ابحاث الامن القومي الاسرائيلي افرايم كام اعتبر أن الموقف المصري يحتوي أهمية مزدوجة، فمن المهم ان تلجأ مصر الى خطوات جذرية ضد الجهات الارهابية التي تسعى الى ضرب اسرائيل، كما يهم اسرائيل أن يتصدى طرف عربي أساسي علناً ضد مثلث ايران وحماس وحزب الله، وإظهاره كعدو للاعتدال العربي. واعرب افرايم كام عن اعتقاده بأنَّ مصر ستكون مستعدة لتقبل مساعدة استخبارية من اسرائيل ضد هذا المحور ولكن بشكلٍ غير علني.

وفي هذا السياق يقول محلل الشؤون العربية في تلفزيون العدو ايهود يعري: "الخطوة المصرية التالية ستكون موجهة ضد حماس، وستخيّرها مصر إمَّا أن تكون معها أو تتصرف كعدو لمصر أي كحزب الله".
اما ايلي شكيد، السفير الاسرائيلي السابق في مصر فقال من جهته: "المصالح والقواسم المشتركة على المستوى الاستراتيجي بيننا وبين مصر قوية أكثر مما كانت عليه قبل عقد أو عقدين، فلدينا عدو مشترك هو ايران وحماس وحزب الله".

وبالرغم من كل التحريض الاسرائيلي فإنَّ أوساطاً اسرائيلية دعت إلى الحذر من إبداء الرضى حيال النزاع بين مصر وحزب الله لأن الحِراب ستتوجه في نهاية الامر ضد اسرائيل.

Unknown said...

@ Tafatefo
@ حنا السكران

أعرف و مقتنع تماما بما تقولانه
كلامي كان له هدف ثاني
شكرا علي التوضيح
:D

محمد فريد said...

Pink

سر يعلن لاول مرة وعلى صفحات مدونة نوارة الانتصار ذات الرداء السامي

نصرالله يجرؤ على الخروج في مهرجان النصر على ارض عراء لا يحميه فيها الا الله من القصف الجوي او البحري ويلقي كلمة لمدة تقارب الساعة وببث مباشر وبموعد تم تحديده قبل اسبوع والطيران الاسرائيلي لا يحتاج الا لدقيقتي طيران ليصل الى بيروت وبرغم همجية اسرائيل ووحشيتها الا انها تعرف معنى استهداف نصرالله المحاط بمليون مواطن لبناني جعلوا من اجسادهم درعا بشرية لمن يعتبرونه اغلى من ارواحهم
والسر الذي اريد اذاعته للمرة الاولى هي حقيقة يعرفها كل لبنان وتتلخص بحب اللبنانيين للوجاهة وتعرض السيد نتيجتها في مرحلة ماقبل حرب 2006 الى استنزاف كامل لوقته واعصابه وصحته
فهذه العشيرة في البقاع تصر على ان يرعي السيد بنفسه صلحاً عشائرياً يحقن الدماء وهذه العروس تصر على حبيبها بان يكون السيد هو من يكتب كتابه عليها وذلك المفتي يصر على ان يشرف السيد داره والا اعتبر ذلك اهانة لطائفته
ومن يعرف السيد عن كثب يعرف انه ممن ينطبق عليه القول ماقال لا الا في تشهده لولا التشهد لكانت لاءه نعم
مافعله الطاقم المكلف بالعناية بالسيد كان الاستفادة من التهديدات الاسرائيلية لشخصه ليتمكن من توفير برنامج يستطيع الحفاظ عليه بدون ان يدفع ثمنه من وقته واعصابه وصحته
وستعرف اسرائيل عاجلاً او اجلاً مدى الحماقة التى ارتكبتها في توفير الذريعة التي تمكن السيد من التفرغ لها والاعداد لزوالها المحتم ان شاء الله
وقديما قيل : الحمدلله الذي جعل اعداءنا من الحمقى

لايجروء ههههههههههههههههه جميلة جدا لا يجروء دي