Monday 6 April 2009

ها؟

انا قاعدة في البيت اهو، فيه حد غيري قعد في البيت؟
لا حول ولا قوة الا بالله
نتكلم بالليل نتكلم بالليل
المهم بس ماحدش يتقبض عليه تاني مش طالبة نكد النهاردة
ماحدش شارك في الاضراب ده غير الحكومة اصلا، شفت اضرابات كتير وقليل، عمري ما شفت ناس ما يعرفوش يخلوا الشعب يضرب انما يعرفوا يخلوا الحكومة تضرب

53 comments:

هرطقة said...

انا قاعد فى البيت برضه

Unknown said...

انا كمان قاعده في البيت اهو
بس لسه صاحيه من النوم
يارب فعلا محدش تاني يتقبض عليه

Fatma said...

:)

مش هنكر اني مستغربة موقفك
بس انا متفقة معاكي مليون الميه
ودا كان رأيي من قبل ما يحصل الاضراب بتاع السنة اللي فاتت اصلا

عموما احتراما للناس اللي ممكن تكون بذلت مجهود

نتكلم بالليل :)

mido said...

منطقه وسط البلد فاضيه والهرم وفيصل فاضيين

mido said...

عدد الغاضبين والمتظاهرين فى جامعه القاهره مهول جدا
والطلاب فرحانين جدا بنجاح اضراب الجامعه
وكليه تربيه عين شمس خااليه

mido said...

و انا قاعد فى البيت

Unknown said...

طيب يا ميدو كويس

بس احنا في حفلة غنائية جنبنا في جامعة عين شمس

Unknown said...

الملحوظة التانية

الست اللي بتساعدنا في البيت
السنة اللي فاتت قالت انا ح اعمل اضراب واكسر الكشك اللي جنبنا بتاع العيش الدنيا غلا

السنة ولا تعرف اصلا ان فيه اضراب وجات النهاردة واشتغلت

Fatma said...

تصدقي يا نوارة

انتي بجد انسانة محترمة

بجد حقيقي

حاجات بسيطة اوي بتبين البني آدم المتربي ابن الناس المحترم من اللي مش كدا
(الست اللي بتساعدنا في البيت )

:)

بجد انتي بني انسانة محترمة

بعتذر ان كلامي برا الموضوع اصلا
بس ما قدرتش ماعلقش

mido said...

عاصفة ترابية تضرب سيناء يوم 6 أبريل

عاصفة ترابية تضرب سيناء يوم 6 أبريل

mido said...

@نوارة

سبحتن الله ! طيب مقلتيش ليه للست على الاضراب قبل كده؟

Unknown said...

لا يا فنون السنة اللي فاتت كان حاجة تانية

كانت الناس فعلا واصل لها الاضراب

وكان فيه مطلب محدد ضرب على وتر يهم الناس في معيشتهم

رغيف العيش

انا قاعدة في البيت اهو
بس اللي انا شايفاه ان ستة ابريل صحيح ما كانش يعدي
بس مش يتعمل اضراب عشان ما يحصلش زي اربعة مايو
يتعمل يوم وفاء لعمال المحلة
لو حتى تطلع قوافل للمحلة وتعمل اي فاعليات هناك
انشالله تبقى فاعليات عبيطة مش مهم
المهم ان يبقى لها صوت يتسمع
انا باصة من الشباك وشايفة ان فيه زحمة في الشارع وجامعة عين شمس زحمة

السنة اللي فاتت فعلا لما بصيت من الشباك مافيش صريخ ابن يومين لا في الشارع ولا في الجامعة

ده كان اعتراضي على اضراب السنة دي
انه مش ح يبقى بنفس اللي حصل لاضراب السنة اللي فاتت
وانه مالوش مطالب محددة
"يوم الغضب"

من ايه؟

بس فعلا فيه ناس تعبت واشتغلت وانا مش شايفة انه من الحكمة ولا من الاخلاق ان ناس تشتغل وحد يهاجمهم

الناس تشور على بعض بالتصرف السليم
لكن انا مش حابة ان حد فيهم يتهاجم او يتسفه زي ما بعض الناس عملت

وعموما كون انهم بيعملوا اللي يقدروا عليه في ظل غياب قيادة ومشروع قومي ورؤية واضحة يبقى كتر خيرهم والغلط مش غلطهم

وهم ايوة صحيح بيتصرفوا من دماغهم من غير ما يشوروا حد

لكن ح يشوروا مين؟

هو حد معبرهم وللا سائل فيهم وللا مهتم بمشاكلهم؟

تاني
انا قاعدة اهو
وتاني
انا شايفة ان القرار ده مش صح وح يعرض الناس لكسفة وممكن لو الاضراب ده ما جابش نتيجته المرجوة يخلي الناس تستهين بيهم وتبقى زي صيحة الذئب
حاجة نجحت مرة لان كان لها ظروف معينة
المفروض النجاح ده يستثمر
بفاعليات يبقى ليها استمرارية
مش ده هلال رمضان وادي واحد تاني وادي واحد تاني

Unknown said...

يا ميدو ولا انا اللي كنت قلت لها عن الاضراب قبل كده عشان اقول لها عن الاضراب السنة دي

اذا كان السنة اللي فاتت الاضراب انا كنت مقتنعة بيه وفوجئت لقيتها هي عارفة لوحدها

وعرفت من واحد بيشتغل في فرن العيش انا اصلا مش عارفة عرف منين

وهي اللي قالت: انت يا ابلة ح تضربي؟ انا كمان ح اضرب واكسر كشك العيش
:)

السنة دي هي مش عارفة لا هي ولا بتاع كشك العيش

Unknown said...

فنون
ههههههههههههه
يا ستي ربنا يجبر بخاطرك
انت اللي هانم

Unknown said...

ايوة يا ميدو السنة اللي فاتت كان فيه عاصفة ترابية برضه وحتى قالوا: ربنا راضي عن الاضراب
:)
دلوقت انا باصة في السما وشايفة السما صفرا

يارب يا ميدو

يارب ما يكسرش بخاطر العيال اللي تعبت

Unknown said...

طب محدش يعرف ايه الاخبار في المحله؟
الناس دي اتبهدلت اوي السنه اللي فاتت

Fatma said...

طيب خليني اقولك بالمختصر انا رأيي كان ليه كدا السنة اللي فاتت قبل الاضراب

اني لما قريت ورقة المطالب مافهمتش ؟
الناس بتعمل اضراب عشان طلب معين والاضراب دا شكل من اشكال الاعتراض السلمي ونقول نجح لما مطلبهم يتحقق

انا كنت شايفة اصلا ان المطالب لا معقولة في ظل النظام اللي احنا عايشين فيه

يعني كانوا يطالبوا باقالة الحكومة اسهل والله

انما وركزي على انما

بالرغم من كدا بعد ما الاضراب خلص لاقيتني بقول والله مش سيئ زي مانا كنت فاكرة !

بغض النظر عن الحوارات اللي حصلت واللي مافيش مجال للكلام عنها واللي انتي وكلنا عارفينها

الا اننا ما نقدرش ننكر انه كان ليه صدى مؤثر

السنة دي بقى انا شايفةانهم اكتر تنظيما
بكتير من السنة اللي فاتت

بس البشاير مش مطمئنة
مش لامسة اي نجاح السنةدي
ودا كان شيئ متوقع لان الدولة عملت حسابها مسبقا تقريبا

فكان الحل زي مانتي قولتي
ما نبقاش بنكررنفسنا
ونستغل اللي حصل السنة اللي فاتت
ونستثمر اللي حصل بأي طريقة

غير اننا نعمل اضراب تاني ونحوله لشيئ روتيني ناقص البلد تعمله اجازة رسمية

وانتي اللي ست الهوانم والله :)

Unknown said...

وبما ان عين شمس جنبك
ان في احتكاكات بين الامن والطلاب دي اشاعه ولا ايه؟

Fatma said...

مصر الجديدة ومدينةنصر والمعادي الحياة فيهم طبيعية تماما

وجامعة عين شمس عاملة احتفال بيوم اليتيم وجايبين حماقي وهيغني الساعة 2 ونص :)

احمد سعيد said...

لو سمحتوا يا حضرات

اقروا المقاله دى للاستاذ فهمى هويدى


لان رصيدنا من ثقافة العنف وخبراته صار وفيراً والحمد لله، الذي لا يحمد على مكروه سواه، فقد آن لنا أن نعترف بفقر ثقافتنا في أساليب النضال السلمي، الذي صرنا في مصر نتلمس مظانه ونطرق أبوابه، حتى التحقنا مؤخراً بمرحلة “الحضانة” فيه. وإذ سبقنا آخرون في ذلك المضمار، فقد بات مفيداً أن نتعلم منهم بعضاً من دروس تلك الخبرة.
(1)
أرجو ألا يخطئ أحد في فهم ما أعنيه. فحديثي ينصب على إدارة الخلاف داخل الوطن، وفي مواجهة سلطة وطنية، أياً كانت المآخذ عليها، لا سلطة أجنبية محتلة، يتعين التعامل معها من خلال خيارات أوسع، يظل النضال السلمي أحدها. لكن ينبغي ألا يكون الخيار الوحيد.
ولعلك لاحظت إنني أتحدث عن فقر ثقافتنا في أساليب النضال السلمي، وليس في مبادئ وقيم التغيير. ذلك إنني ازعم بأن لدى مرجعيتنا الثقافية الإسلامية منظومة واضحة في هذا الصدد. تنطلق من تحريم الظلم، وتعتبر أن الخطاب القرآني رسالة تحذير للظالمين، بل وتعتبر مقاومة الظلم حقاً مشروعاً من حقوق الإنسان. في الوقت ذاته، فإنها تثبت مسؤولية الإنسان عن إصلاح الكون وعمارته، باعتباره مخلوق الله المختار وخليفته في الأرض. وإذ تدعوه إلى إفشاء السلام وتنهاه عن البدء بالعدوان، فإنها تدفعه بقوة إلى الأمر بالمعروف والنهي عن المنكر. حتى اعتبر الإمام الغزالي أن هذا الواجب يشكل”القطب الأعظم للدين”. ولفقهاء المسلمين كلام كثير في ضبط هذه الفكرة، بحيث تغدو سبيلاً إلى الإصلاح وليس باباً لإشاعة الفوضى. وإذ تعلي المنظومة من شأن إسداء النصح والجهر بالحق في مواجهة أهل الجور، وتحذر الساكتين على الظلم من غضب الله وعقابه، فإنها لا تدع مجالاً للتفلت من أداء واجب إنكار المنكر، إذ على كل واحد أن ينهض به قدر استطاعته، باليد أو باللسان أو حتى بالقلب. وفي كل ذلك فان على المسلم أن يتحرى الحكمة والموعظة الحسنة في أدائه. والموعظة الحسنة كلام طيب ورشيد يقال، أما الحكمة فهي وضع الشيء في موضعه، ومن ثم فخياراتها أوسع نطاقاً، بحيث تحتمل قولاً أو فعلاً، أو أي شيء آخر يصلح العوج ويحقق مراد الإصلاح.
هذا الذي استعرضته باختصار شديد فصلت فيه مراجع وكتبت بلا حصر، وأردت من ذلك الإجمال التنويه إلى أننا نملك تراثاً غنياً في باب التغيير لإحقاق الحق وإقامة العدل، لكننا لا نملك ثراء مناسباً في أساليبه، حتى صرنا كالجيش الذي يملك الذخيرة ولكنه يفتقد إلى خطة العمل الميداني. وتلك ليس منقصة في حقيقة الأمر، لأن المرجعية يفترض أن تعنى بالأسس والمبادئ وليس بالأساليب. فالأولى ملهمة وثابتة، في حين أن الثانية تكتيكية ومتغيرة بتغير الأزمنة والأمكنة والأحوال.
(2)
حين تابعت الكيفية التي عبّر بها الناشطون المصريون عن احتجاجهم وتضامنهم مع ضحايا الاشتباكات التي شهدتها شوارع القاهرة في أواخر شهر مايو الماضي، لفت انتباهي محاولات الابتكار في الأساليب التي ابتدعوها. وشجعني ذلك على استخراج مقالة لم استطع نشرها قبل ثماني سنوات (ضمنتها كتابي الذي صدر بعنوان “مقالات محظورة”). كان موضوعها خبرات ودروس النضال السلمي في دول أوروبا الشرقية. ولم اكن صاحب الكلام ولكني كنت ناقلاً له، لأن المادة الأساسية فيها كانت تقريراً نشرته صحيفة “الاندبندنت” البريطانية (في 16/1/1997) لباحثين إنجليز، درسوا تحركات الجماهير التي خرجت رافضة لأوضاع أوروبا الشرقية، من برلين إلى بلجراد (بعد سقوط الاتحاد السوفييتي في بداية التسعينات). وخلص الباحثون إلى أن تحركات الجماهير لم تكن عفوية كما قد يخطر على البال لأول وهلة. لكن الذين نظموها عرفوا كيف يجمعون الناس ويحشدون التأييد. ولتحقيق أهدافهم، فانهم اتبعوا أساليب عدة، رصدها الباحثون، واستخلصوا منها عشر نصائح، سأعرضها، بعد أن الفت الانتباه إلى أهمية إدراك اختلاف الظروف الموضوعية في مصر عن تلك الدول، النصائح جاءت على النحو التالي:
1- تحري البساطة: فلا تخدع نفسك بفكرة أن الناس مستعدون للتمرد والثورة ومن ثم للتضحية والاشتباك مع أجهزة الشرطة والأمن، فقط من أجل الديمقراطية. فالديمقراطية مفهوم مجرد وعائم، ابعد من أن يستوعب معناه في مجتمعات لا تزال خبرتها ضعيفة في هذا المجال. وثق أن أمثال تلك العناوين الكبيرة مهما بلغت أهميتها ستظل عاجزة عن دفع الجماهير إلى الشوارع أو تشجيعها على التضحية وتحدي أدوات القمع المختلفة.
لكي تنجح، عليك أن تستدر مشاعر سخط اكثر واقعية، وان تقدم وعوداً أساسية لتحسين الأوضاع. فالصرب عموماً لم يقلقهم كثيراً نظام ميلوسوفيتش المستبد والفاسد. لكن الأرجح أن الأزمة الاقتصادية أمسكت بخناقهم، حتى أحاطت بهم خيبة الأمل من كل صوب، ولم تفلح وعود الرئيس الصربي في تبديد تلك الخيبة. وعندما كان الصرب يدقون على الأواني والقدور للتشويش على أخبار التلفزيون الحكومي كل مساء، فانهم كانوا في الحقيقة يرددون صرخة “بيتر فيتش”: لقد أصابني الجنون، فلم اعد قادراً على تحمل المزيد من هذا الهراء.
2- كن مبتهجاً وطويل البال: فقد عمدت الأبواق الرسمية في أوروبا الشرقية إلى اتهام قادة المقاومة الشعبية بكل التهم التي تخطر على البال، من الجنون والانحراف إلى الخيانة والعمالة لجهات أجنبية، وهذا موقف طبيعي من جانب منابر الاستبداد وأدواته. إذ ستصمكم بكل التهم، فاحرصوا على ألا تمنحوا النظام أي مسوغ لهذه الاتهامات، حتى يبدو هو لا انتم الخادع المضلل. لا تشجعوا العنف ولا الهتافات المضادة للديمقراطية عندما تنفجر قنبلة قرب مبنى مؤسسة أو منظمة موالية لحركة الاحتجاج، كما حدث في بلجراد، فسيكون واضحاً أن ذلك مجرد استفزاز من قبل النظام. وإذا ما تحول النظام إلى العنف، فهذا يقوي موقفكم. قال مواطن تشيكي: في عام 1985 “ذهبت لكي التحق بالتظاهرات، وحين طرحت على الأرض شعرت بالحرية”.
3- اجعلها تسلية: جميع الحركات الناجحة كانت رائعة في استخدام أفكار مسلية لتشجيع الناس على الابتسام، والاستمرار على تلك الحال حتى عندما تتأزم الأمور. في براج، ابتدع المتظاهرون فكرة دق أجراس صغيرة والتلويح بسلاسل المفاتيح. وفي رومانيا، كان المتظاهرون يحدثون ثقوباً في الأعلام. وفي صربياً فعلوا أشياء كثيرة من إعاقة المرور، إلى اصطحاب الحيوانات الأليفة (الكلاب والقطط) في التظاهرات التي منعت على الناس وكان من الصعب منعها على الحيوانات، إلى دق الأواني والقدور أثناء إذاعة نشرات الأخبار الحكومية.
تخير من مؤيديك افضل المصممين، واكثر الممثلين شعبية واكثر الكتاب سخرية. ولا يفوتك أن تستخدم الشارات والملابس التي تحمل رموزاً أو توحي برسائل معينة. فهذه الأمور لها دوي شعبي هائل. في بولندا كانوا يبيعون “تي شيرت” مكتوباً عليه: أنا أعارض الاشتراكية وامقتها! - ومن المهم جداً ملاحظة أن كل انتفاضة ناجحة كان لديها نصف دستة من الشارات المبهرة، التي استخدمت لتأجيج مشاعر الناس بعدما استقرت في ذاكرتهم.
(3)
4- هوّن الأمور على نفسك: مهم جداً أن تحافظ على طاقتك. كان الطلاب الصرب أذكياء حين لم يستهلكوا أنفسهم جميعاً في السهر طوال الليل، وقسموا أنفسهم بطريقة منظمة. فالقضاة والقادة السياسيون لا يصيبهم الإجهاد عادة (الإيطالي جيوليو اندريوتي قال مرة: إن السلطة ترهق فقط من لا يملكها) وهم دائماً يقظون صابرون. ونقل عن الرئيس الفرنسي السابق فرانسوا ميتران قوله: إننا مثل القطط، ننام بعين مفتوحة!.. ولا تنس أن الوهن يردي، ولذلك لا تطالب الناس بأن يجهدوا أنفسهم بأكثر مما ينبغي. كانت افضل المظاهرات هي تلك التي حدثت في “ليبزج” بألمانيا الشرقية، حيث كان بوسع الإنسان أن يؤدي صلاة الأحد في الكنيسة، ثم يسير مع المظاهرات في الشوارع، وبعد ذلك ينصرف إلى بيته، كالذهاب إلى مراكز التدريبات البدنية ولكن اكثر تسلية.
5- اهتم بالتلفزيون: حافظ على أن تبقى في دائرة الاهتمام الإعلامي. ففي جمهورية البلطيق “استونيا” كانت اعظم اللحظات إثارة في الثورة السلمية حواراً تلفزيونياً أجراه مخرج متعاطف. إن أخبار التلفزيون حيوية جداً خصوصاً للذين يسكنون المناطق النائية. والإعلام الأجنبي اعظم أهمية. اجعل نفسك قريباً من الصحافيين الأجانب، وليكن لديك متحدثون يجيدون اللغات. والصحافيون الأجانب قد يميلون إلى الكسل، فحاول أن ترشدهم، بل قم بعملهم بنفسك ما أمكن. الشعارات المكتوبة بالإنجليزية لها تأثيرها في التلفزيون وفي الصور. فكر في الصور: كان المتظاهرون في كوريا الجنوبية يعوقون الشرطة بأوراق الصحف المحترقة بدلاً من قنابل البترول، إنها تبدو رائعة وان لم تسبب أضرارا حقيقية.
6- جمّع ولا تفرّق: أسس الحركة على نطاق واسع، وتجنب الانقسامات التي سيكون عليك أن تعالجها في المستقبل. واستوعب المتظاهرون الصرب هذه الحقيقة فأخذوا يستحثون رجال الأمن، بل أعضاء من الحزب الحاكم على تأييد حركتهم. فحاول أن تشجع أجزاء من المؤسسة الرسمية على التضامن معك. فكل الأنظمة المراوغة تعشق الزخارف التي تبعث على الاحترام من حولها، ولذلك فإنها تدلل المؤسسة، فإذا استطعت أن تحفز المؤسسة على أن تعلن عدم ولائها للسلطة فأنت في موقف جيد. وفي هذا المجال، جاءت إضرابات الممثلين والفرق الموسيقية، ورسائل الاحتجاج من اتحادات الكتاب وغيرها.. كل هذا جاء ليلعب دوراً كتحذيرات مبكرة.
7- خذ الأمور بالتدرّج: كن حاسماً في التدرج. طالب مثلاً بأشياء وافق عليها الطغاة من قبل معتقدين أنهم يمكنهم التنصل منها. ففي الاتحاد السوفييتي السابق كانت اتفاقية هلسنكي مثار كثير من السخرية، ولكن كثيراً ما كان المنشقون يستخدمونها ويصرّون على انهم ليسوا ضد سلطة الاتحاد السوفييتي الشيوعي (تلك كذبة، فقد كانوا ضدها وكانت لهم مبرراتهم) ولكنهم إنما يحتجّون على مادة معينة مثيرة للسخرية في الدستور السوفييتي أو قانون هلسنكي الأخير. ومثل هذا حدث في صربيا، حيث لم يركز المحتجون أنظارهم على ميلوسوفيتش، بل ركزوا على رفض قبول نتائج سمح هو نفسه بإجرائها.
أكد على احترامك للقانون، وقدّم الأعمال القانونية قبل اللجوء إلى أعمال نصف قانونية أو غير قانونية. وكل تنازل (من السلطة) مهما يكن صغيراً يساعدك على الفوز. والأمر يتوقف إلى أي مدى مجتمعك على استعداد للغليان، فاضغط للحصول على تنازلات جديدة بطلبك تغييراً صغيراً آخر.
(4)
8- فكر في المستقبل: جهز الأرض لما بعد الفوز. لأن التظاهرات إذا وصلت إلى نتائجها المرغوبة، فان حركة الاحتجاج قد تتحول سريعاً إلى حكومة جنينّية. وهنا تبدأ المشكلات الحقيقية كما تبين لكل من “فاسيلاف هافل” و”ليس فالسا” وغيرهما كثير خلال التسعينات. فمن دون التخطيط المناسب يمكن لحكومتك الجديدة أن تتقلص شعبيتها سريعاً. ويعود الأشرار إلى السلطة مرة أخرى.. الأمر يحتاج إلى وقت حتى تشق الديمقراطية مجراها الصحيح، واليقظة واجبة.
9- الأبطال: بطل الثورة هو “كليشيه” يحتاج إلى التفكير في أمره بعناية، ذلك أن البطل أو القائد الصوري يمكن أن يكون كسباً حقيقياً، خصوصاً إذا كان معروفاً عالمياً، مما يجعل الحركة اكثر ألفة لا مجرد مجموعة شخصيات مجهولة لا يعرفها أحد. فكّر في أشخاص مثل “أونج سان سوكاي” أو “ليس فالسا” أو “فاسيلاف هافل”؛ فالإعلام العالمي يعرف وجوههم وأسماءهم وتاريخ حياتهم. وفي إندونيسيا ظهرت “ميجاواتي سوكارنو بوتري”، كما ظهرت في الفلبين “كوري اكينو”، وهما ليستا من المفكرين الكبار ولكنهما ينتسبان إلى شخصيتين مشهورتين مما يوفر لهما قدراً من الاحترام والشرعية.
10- لا تنزلق إلى التنازلات: احذر التنازلات، ولا تسمح لنفسك بالانخداع، فعندما تبدأ في التنازلات تبدأ في الضياع. الأشرار سيحاولون التماس أي مخرج، فاثبت على مطالبك كاملة. وتذكر انهم يعتقدون أن الديمقراطيين سذّج أغرار. أما هم فقد استمرأوا الكذب الصفيق. فإذا جرت بينك وبينهم اتفاقات كن حريصاً على أن تكون مكتوبة، وافضل من هذا أن يقرأ الاتفاقية مسؤول كبير في الدولة بنفسه أمام شاشات التلفزيون. فالوعد ليس حقيقياً حتى يذاع في نشرة الأخبار الرئيسية..
في مظاهرات عام ،1991 التي شهدتها بلجراد، سمح المتظاهرون لأنفسهم بالانخداع بوعد ميلوسوفيتش لهم أن يحقق كل مطالبهم، فلما انفضت الجماهير استعادت السلطة قبضتها على الموقف وضربت بوعودها عرض الحائط.
(5)
هذه الخبرات تستقبل بمشاعر إيجابية، لأنها أولاً من دلائل عافية المجتمعات وحيويتها. ولأنها ثانياً تقدم نموذجاً حضارياً للتعبير عن الرأي، ولأنها ثالثاً تشق نهجاً ينبذ العنف، ويعلن الاحتجاج في إطار من احترام القانون والدستور. ومن جانبنا فلنا أن نعدها إضافة مهمة تثري فقه إنكار المنكر، وتطرح في هذا الصدد أساليب مستحدثة فوق الإنكار باللسان وتحت الأفكار باليد. بسبب من ذلك فقد استغربت للغاية ذلك الهجوم الشرس على حركات الاحتجاج والتغيير، الذي شنته بعض المطبوعات “القومية” في مصر، اليومية والأسبوعية.
ولعل ما نشرته مجلة “روز اليوسف” في الأسبوع الماضي (عدد 18/6) يعد نموذجاً لذلك الهجوم، ذلك أن المجلة التي دأبت على التنديد بتحركات الجماعات الوطنية المعارضة في الآونة الأخيرة، انتهزت فرصة دعوة بعض الناشطين إلى نقل مشهد الاحتجاج إلى ضريح السيدة زينب بالقاهرة، في إطار الطقس الشعبي الذي يطلق عليه “كنس السيدة”، ووصفت رمزيته بأنها من قبيل “الخرافة والشعوذة”. واستخدمت بعض الأصوات لتشويه صورة المحتجين والتحريض عليهم، فنقلت على لسان ضابط أمن سابق قوله إن ذلك الأسلوب “نوع من الإسفاف”، يجب ان تتصدى له أجهزة الأمن بعنف باعتباره جهداً يستهدف “اختراق الجبهة الداخلية وتفكيكها”. وفي الاستطلاع الذي نشرته حول الموضوع نقلت عن وكيل وزارة الأوقاف لشؤون المساجد تصريحاً آخر قال فيه إن ما فعله أولئك الناشطون “فعل مشين ينبغي أن تنبذه كل الفئات”. كما نقلت تصريحاً لأحد أعضاء مجلس الشورى قال فيه انه “من العيب والمخزي التعبير بهذه الطريقة”.. الخ.
حين يطالع المرء مثل ذلك التشهير والتحريض. فان سؤالين كبيرين يلحان عليه هما: ما هي المصلحة الوطنية التي ترتجى من قمع تلك الأصوات، التي كانت كل “جريمتها” أنها عبرت عن احتجاجها بطريقة سلمية وقانونية؟ ثم، إذا ما نجحت محاولات القمع في بلوغ مرادها، ألا يكون ذلك مبرراً لاستحضار العنف بديلاً وخياراً لإيصال صوت الاحتجاج؟


_______________


طبعا مع مراعاة بعض الاختلافات بين طبيعه الشخصيه المصريه وشخصيه مواطن من اوروبا الشرقيه

Fatma said...

اه صحيح للامانة يعني

سمعت ان كان في مظاهرة صغيرة ناحية جامع رابعة في مدينةنصر بس ماعنديش فكرة هل دا فعلا ولا لا ولا كانت عبارة عن ايه اساسا

احمد سعيد said...

انا فى المحله من الساعه حداشر الصبح

الحياة عاديه جدا

الحركه قليله فى البلد

الناس خايفه يحصل قلق زى السنه اللى فاتت

بس انا حاليا قاعد فى منطقه بعيدة عن القلق خاااالص

حته راقيه ومحصلش فيها اى مشاكل السنه اللى فاتت

فعلشان كدة مش متأكد من الوضع بالظبط

كمان ساعتين كدة هنزل الف كام لفه اشوف ايه الكلام

لان الصورة مش واضحه عندى حتى الان

احمد سعيد said...

بس تصدقوا فيه ناس كتييير لابسه اسود

وخصوصا من الشباب

احمد سعيد said...

نوارة

بما انك جنب الجامحه

ايه اللى بيحصل حالياهناك ؟؟؟

mido said...

جامعة أسيوط مولعة

mido said...

@esraa

الوضع فى المحلة عادى جد

Unknown said...

انا عند جامعة عين شمس من ناحية علوم وصيدلة وقصر الزعفران

مش شايفة اي اشتباكات

يمكن يكون ناحية اداب وحقوق

واحدة صاحبتي بتقول لي ان السكك مش زحمة بس عند معرض القاهرة زحمة
:)

بس هي بتقول انه احسن من اي يوم اتنين تاني

انتوا عارفين يوم الاتنين بيبقى زحمة

جاني خبر دلوقت من باهو: الافراج عن مصر المصري اليوم حسام فضل واستمرار اعتقال 9 طلبة بعين شمس بقسم اول مدينة نصر

mido said...

مظاهره نقابه الصحفين
فيها اكتر من 600 متظاهر بينهم نشطاء 6 ابريل

Unknown said...

فنون

بصي

اممممم انا بس مش عايزة اخد راحتي في الكلام عشان ما ابقاش بالمز المطوعين

هم ناس عملوا جهدهم
بس زي ما انت قلتي مافيش تنظيم للمطالب

هم السنة اللي فاتت حطوا عنوان غلاء الاسعار والناس تجاوبت

لو كان السنة دي عنوان واحد بس بدل ما حاطين لستة ماطلب ما كانش ناقصها غير انهم يطلبوا يدخلوا الجنة

ممكن الناس تستهين بيهم
عشان كده انا ما قدرتش ادعو للاضراب لاني حسيت اني ح ابقى باهرج بقى
وفي نفس الوقت ما اقدرش اهاجم ناس بتعمل جهدها فقلت اسكت خالص لحد ما الاضراب يخلص وانا ح اشارك بنفسي لكن مش ح اقدر ادعو ليه
لكن في النهاية وزي ما قلت

كتر خيرهم

كتر خيرهم

كتر خيرهم

البلد مافيهاش قيادة واحدة ولا مشروع واحد ولا رؤية واحدة عليها الطلا عشان يمشوا وراها وفي النهاية اهم بيحاولوا

كتر خيرهم

حتى لو حسبوا حاجة غلط مش عيب

العيب ان البلد فيها ناس كبيرة وهايفة وسايبين العيال الصغيرة تخبط راسها في الحيط

وعموما عيال عيال
لما يبقوا خايفين على البلد ونفسهم يعملوا حاجة وبيطبشوا

احسن من اللي شعرهم شاب ولسة تافهين وهمهم يلموا على قلبهم قد كده

mido said...

العديد من القنوات التليفزيونية تعلن ان يوم الغضب المصرى حقق الكثير من اهدافه وخصوصا بين -الشباب المصرى -واكد مراسل الجزيرة فى القاهرة عن نجاح الاضراب فى جتمعة القاهرة وحلون وان الامن اعتدا على الطلاب فى جامعة عين شمس وفض اعتصامهم وهناك اعتصام مازال قائم لغاية الان فى الجامعة العمالية

Empress appy said...

طيب اخطفى رجلك لغايه المدونة عندى يا حجه وانتى هتلاقى البوستين اللى ورا بعض نفس القصه اللى انتى بتتكلمى فيها
بالظبط بتاع الرفاق حائرون
وبتاع النهارده اللى لسه منزلاه
بس انا مضطره انزل على فكره القاهرة الجديده كانت زحمة حظى نسيت الكام فى البيت مقدرتش اصور بس الحياه عاديه وده اللى كنت خايفه منه علشان بجد هتبقى صعبه
انا مش بايدى انى مرحش الشغل اتفور فيها دى بس لبست اسود ومش هشترى حاجه لما نشوف

فاروق عادل said...

مفيش اى حاجة فى المعادى خالص زى السنة اللى فاتت برضة نفسى اشوف عربية امن مركزى فى المعادى
:(((
وابويا لو غاب من الشغل النهاردة هيخصموا مائتين جنية من مرتبة

mido said...

إضراب نجح قبل أن يبدأ


استجابة لمطالب المعلمين وتحديد لموعد انتخابات المحامين ووعود للأطباء بتحقيق مطالبهم
مسكنات للصيادلة والإداريين.. وانتصارات جزئية لعمال «أندروما وحلج الأقطان والعربية للألومنيوم






»

Ahmad said...

المهم النوبيون هيرجعو موطنهم و لا لاء .. هو ده الي هينجح الاضراب

Unknown said...

الناس اللي اضطرت تنزل مش مشكله
ممكن يلبسوا اسود وخلاص
يعني لو كل الناس في الشارع لابسين اسود يبقو مضربين
حد يشوفلنا الناس لابسه ألوان ايه النهارده؟

Unknown said...

طب استنوا ح ابص من الشباك واشوف الطلبة لابسين ايه


ويا ريت تقروا فعلا البوستين بتوع ابي

والله العظيم

والله العظيم

والله العظيم

احنا مش قصدنا نلمز المطوعين

تاني
وتالت
ومليون

كتر خيرهم
بس احنا لازم نواجه نفسنا

احنا ما عندناش وضوح رؤيا

احنا على راي احمد عبد الفتاح
مقموصين

وده يوم القمصة
كويس مش وحش اللي حصل النهاردة

وانتظروا احمد عبد الفتاح النهاردة بالليل اذا ما اتقبضش عليه يارب يتسر وما يتقبضش عليه

انا مش عارفة هم بيقبضوا على الناس ليه؟
هو فيه حاجة حصلت؟
وللا هو تنكيل وخلاص؟

المهم انا مش ح اسبق الاحداث

احمد ح يحكي كل حاجة بالليل ان شاء الله

وعموما كويس مش وحش

كل اللي ربنا يكتبه كويس

واللي عملوا الاضراب دول ناس كويسة
بس المهم ندرس ايه اللي حصل النهاردة ونعرف الغلط فين
ونشور بعض
يمكن نعرف نساعد بعض مدام ما حدش في ام البلد دي عايز يساعدنا
لا نخبة ولا مثقفين ولا نيلة

mado said...

مساء الخير يانوارة

انا قاعد في البيت اهو.بس للاسف فعلا ناس كتير متعرفش ان في اضراب.
وبمناسبة الست الي كانت عارفة ان في اضراب السنة الي فاتت.
حصل معايا نفس الموقف كانت ست غلبانة واقفة في الشارع وسمعتها بتقول اضراب روحت مقرب منها وقلت ليها انتي هتشتركي في الاضراب قالت اه انا وولادي هنشترك في الاضراب وجيراني كمان.
قلت ليها طيب اشترو كل حاجة النهاردة ومحدش يخرج بكرا.قلتلي ماحنا عارفين.

السنة دي ناس كتير معندهاش فكرة عن الاضراب.وناس كتير راحت شغلها.اعتقد ان الاغلبية الي شاركت في الاضراب السنة دي هما الطلبة ودا كان عن طريق التظاهر داخل الجامعات.انما المضربين فالبيوت مش مش كتير قوي.
وفي الاخر نتمني نجاح الاضراب.مع اني رأيي قريب من رايك .

Unknown said...

اليكم التقرير من الشباك


العيال لابسين احمر واخضر وفوشيا

ولد وبنت لابسين اسود في اسود

معامل علوم شغالة

واد زانق بت في الحيطة ما بين صيدلة والحديقة النباتية

خميس ابو العافية
قطاع الشباك
البيت

Unknown said...

طب اعمل ايه؟

انزل؟

انا عربيتي سودا اصلا

البس حاجة سودا وانزل ابص في الشارع ايه الاخبار؟

Unknown said...

يارب الجو يقلب

فاروق عادل said...

مفيش اى حاجة

Ahmad said...

احا بجد هو نجيب ساويرس بعد ما قعد يلم في فلوسنا السنين دي كلها باع حصته لفرانس تليكوم
و يا تري ال 10 مليار الي خدهم دول هيعمل بيهم ايه و لا هيرقدهم جنب اخواتهم برة؟؟؟
ده كان بيبيعلنا الهوافي قزايز و ياخد فلوسنا
ساعات بحس اننا نستاهل

Unknown said...

مايمكن الواد بيقول للبنت فوايد الاضراب وبيوعيها بيه
بلاش سوء النيه
(:

اتنين بحالهم لابسين اسود
اهو احسن من مفيش بردو

أمين يارب الجو يقلب
ويبقي اضراب بالعافيه بقي

وان شاء الله مايقبضوش علي حد النهارده

ماتعرفيش حاجه عن كريم؟

فاروق عادل said...

هو اصلا اية اهداف الاضراب كلة كلام مطاط من نوعية الحرية الخ الخ

Empress appy said...

على فكره فعلا انا بحترم ناس كتير منهم
ومنهم كمان نضال واول ما كتبت البوست اتصلت قولت له ادخل يا نضال اقرى ده ورد عليا ووصل الكلام ده للشباب انا مضايقه من اللى بيحصل
بجد وزعلانه
والله مش بضايقهم بالعكس دول صعبانين عليا جدا
ومضايقه ان مفيش تنظيم اللى يقرا
يشوف الكومنتات

نواره انا لابسه اسود وكمان فى القاهره الجديده البعض البعض مش الكل خالص
بس حلوه الواد زانق البنت دى انا متأكده انه مش العكس ههههههههههه

فاروق عادل said...

انا متفق مع كلامك يابى كلة

Empress appy said...

هتعيطى ليه يا نواره ما كله بيزايد على كله والاولاد برضه دول استخدموهم خط دفاع
فاعن يعنى ناس عملت شباب 6 ابريل حائط صد ليهم علشان لو حصل حاجه يبقى هما
وانتى فاهمه اكيد
ايمن نور طالع يقول هقدم طلبات تتنفذ فى سنه طيب باماره ايه
الناس اللى اعتقلوهم ده ينفع انا كتبت كلمه يا ريت يفهموها شوفتوا الظباط الاحرار كانوا بيعملوا ايه
انا اقصد فى الفكره فى الحفاظ على التنظيم
هو برضه سايبنا نلعب وهو بيشوط
لسه شويه وانا عندى امل برضه لما نشوف

Empress appy said...

ميدو
========
متنساش السنه اللى فاتت وموضوع العلاوة وبعدها عمل ايه
ما انا قولت سابنا نعمل اللى عاوزينه وبيكسب بوينت على قفانا بره
وانت فاهم يعنى وفى النهايه قال طيب انا عارف التمام بتاعكم عاوزين خدوا اهو ومفيش فى ثانيه قام سحب كل حاجه
الاطباء وعدوهم قبل كده ورجعوا فى كلامهم علشان الازمه الاقتصاديه
بتمنى المره دى يبقوا عند كلامهم يا ريت

Fatma said...

واحد زميلي كان في نقابة المحاميين النهاردة ( هو اصلا مش عارف ان في اضراب ونازل يخلص ورق لنفسه )

فوجئ بموضوع الاضراب وبيقول ان وسط البلد زحمة جدااااااا ومتظاهريين كتير ومغيرين سير المرور في شوارع كتير ونفق الازهر مقفول تقريبا

Unknown said...

@Founoon :
يعني في أمل؟

Unknown said...

الكلام ده جالي في رساله من جروب الاضراب

انباء عن اعتقال نجل الدكتور عبد المنعم ابو الفتوح اثناء مشاركته في فاعليات يوم الغضب في جامعة عين شمس

وكذلك تم الاعتداء علي الطلاب بالضرب و السحل و الاهانات علي يد البلطجيه الذي تم اعدادهم من قبل من قبل السيد الاستاذ الدكتور احمد ذكي بدر رئيس جامعة عين شمس

يذكر ان الدكتور احمد ذكي بدر رئيس جامعة عين شمس هو نجل سفاح الداخليه ذكي بدر

و كذلك تم الاعتداء علي كل الطلاب و ارهابهم بالسلاح الابيض و كذلك بالادوات الحاده و ضربهم و تفريقهم


تم نقل كل الفاعليات التي كان المقرر اقامتها في الشارع و ذلك لعتداء الامن علي المواطنين و كذلك سحلهم و اعتقالهم و تم النقل لبلاط صاحبة الجلاله نقابة الصحفيين

abderrahman said...

يوم عادي جدا
جامعة عين شمس عاملة حفلة بمناسبة يوم اليتيم، والعيال مش عارفة تخش
وعربيات المن مغرقة وسط البلد
واليوم عادي جدا، وحررررر
هو كان المفروض يحصل ايه؟

Unknown said...

بيقولو انهم قبضو علي 60 واحد في عين شمس
مفيش حد يشوفلنا الموضوع ده صح ولا لأ؟