Sunday 18 April 2010

ولما اقول اننا دولة نازية ماحدش يتني كلمة

NDP
الحزب الوثني النازيقراطي
لا... مش حتنزل المرة دي
مصر خلاص بقت دولة نازية وانتهينا
لما عرصات مجلس الشعب يطالبوا بضرب المواطنين بالرصاص الحي في الشارع يبقى احنا وصلنا لقمة النازية
وعشان تبقوا عارفين ان هوجة ماتش الجزائر توصل لوزير التعليم اللي بيهين الناس والتصقيف لوزير التعليم اللي بيهين الناس يوصل للدعوة لضرب المتظاهرين في الشوارع بالنار
وعشان تبقوا عارفين.. الدولة النازية لو ما صلحتش نفسها من خلال شعبها حييجي اللي يربيها من برة
كل الدول الفاشيست حصل لها كده، يا تصلح نفسك يا تترن علقة
ثم احنا يعني عالم متسولين يعني.. جايبين الالاطة والجبروت دول كلهم منين؟ 
عد معايا دلوقت لو سمحت:
1- العمال وبيتهم اتخرب
2- الزراعة وفيصت وبقينا نزرع لب ونستورد قمح من ايران اللي بنشتمها
3- الناس واخلاقها باظت من اللي هي شايفاه في حياتهم ومن فشلهم
4- العيال مش عارفين يمشوا على الكباري من غير ما يقعوا في الحفر ويموتوا
زي العيل اللي كان ماشي على كوبري راح واقع في النيل عشان الكوبري فيه خرم
5- راح اتخانق لنا مع كل محيطنا بدعوى "مصر اولا" و"مصر فوق الجميع" وانا مش لاقياها مصر اصلا هي فين؟ 
واستعدى علينا افريقيا والعالم العربي وكره فينا الحصى في الارض وثقلنا الاقليمي بقى خف الريشة لحد ما اثيوبيا اللي كانت في جيبنا اتهجت علينا وبتهدد انها تعطشنا وبتقول لنا حنبني السدود ولو مش عاجبكوا تعالوا احتلونا وورونا بقى حتعملوا ايه؟ عشان ايه؟ عشان اثيوبيا حليف استراتيجي لاسرائيل، يعني حتى لو فكرنا نحاربهم حناخد علقة ما اخدهاش حرامي في مولد ومش بعيد اثيوبيا هي اللي تحتلنا
6- حتة ماتش كورة عمل لنا منه كارثة قومية
واخرتها
واخرتها
واخرتها
عايزين يضربونا بالرصاص في الشارع.. قال ايه عشان حدفوا البوليس بالطوب
وحياة امهم؟ ومتظاهرين الجزائر اللي عوروا 35 فرد شرطة؟ كانوا حلوين دول وما يستاهلوش الضرب بالرصاص
انا مش حاشتمهم.. خلاص.. اصل حاشتمهم بايه اكتر من اللي ربنا عامله فيهم
انا حاشتمنا احنا... اتفو علينا لو خلينا الناس دي على راسنا بعد كده

29 comments:

شمس العصارى said...

لا هما مش على راسنا
احنا الى تحت رحمتهم
بس دول معرصين الجزب الوطنى فى مجلش الشعب
بس ايه رايك فى اثيوبيا مش قالتلهم
" حنبى السدود يا ولاد ... الكلب ، و الى مش عاجبه حنطلع ... امه ... يا حكومة مصرية يا كفرة يا ولاد الكلب " هههههههههه
مش معنى الى بتعملوا كده
حد يقدر يرد عليها
ـــــــــــــــــــــــــــــــــــــ
ليس هناك اسوأ من ان تتحول الدولة الى فرد واحد او مجموعة من الافراد يتصرفون فى مصير الاخرين مصادرين مبادراتهم الحرة و ارائهم و ملغين حريتهم و بالتلخيص مستعبدينهم

Unknown said...

http://www.youtube.com/watch?v=xGRB4kruVSg&feature=player_embedded

Shoukry said...

Did you know what the ministry of Agriculture said to the Africans in Sharm El Sheikh? When you know ... you will know why Ethiopia turned over us! and it is what happened with Algeria by the way. I don't blame them any more although I still think that they were exaggerated.

I don't know what is this fuckin false pride we have?!! what is our inventions?! what are the miracles we did so that we have the right to talk with this tone to the others that we helped once?!!!!!

Anyway, unfortunately, it is not their fault, we gain what we seeded. We elected those fags and it is normal to see that this is the result

lastcrazyboys said...

"هــايل "فجـــلة

Unknown said...

اخصصصصصصصصصصصص

ايه شكري ده يا شكري؟ هم شتموا الافارقة؟ شتموا الافارقة؟ ده على اساس اننا اوروبيين مثلا؟

اتفو عليهم وعلى شكلهم اوساخ

ايه الحقارة دي؟

مش باقول لكوا بلد نازي

dr.lecter said...

التفه لازقه فيينا بقالها تلاتين سنه يانواره

Solo said...

http://www.youtube.com/watch?v=1Wl-zML-k9I&feature=player_embedded


http://www.youtube.com/watch?v=f-X0XFjvmOU&playnext_from=TL&videos=DT6cck-VQXs

http://www.youtube.com/watch?v=9Kp_i0ZJg_k&playnext_from=TL&videos=yNfMTjI0J0M

منظور شامل للحياة السعيده said...

اتفو علينا لو خلينا الناس دي على راسنا بعد كده

مواطن مصري said...

متوقعة اية من واحد كان اصلة بتاع كبدة

الحزب الوطني بيصفي كروتة و اعتقد ان ابو عقرب و القصاص و باباوي و حميدة بتاع الكبدة كرتهم اتحرق و مش هيشمو البرطمان

دة تاني

مواطن مصري said...

و لسة يا نوارة دي الخوازيق الكثير هتيجي من الافارقة عشان تعرفو بس لما اقول افريقيا هي المستقبل و ان العمق الافريقي مهم جدا عشان تبقو تصدقي كلامي

مش فاهمه said...

هو اسمه ايه ده رجع ولا لسه

mohammed said...

نازيين ايه يا نوارة بس على الاقل النازيين طوروا بلدهم فى فترة من الفترات و كان عندهم احسن نظام تأمين صحى فى العالم النازيين دول على الاقل كانوا بيحبوا المانيا لدرجة الجنون لكن دول ولاد كلب ما بيحبوش حاجة غير مصالحهم الشخصية الضيقة جدا جدا و لا هما فاهمين حاجة فى الدنيا شوية بقر صحيح دول ما حصلوش حتى الهنود الحمر

Unknown said...

انا اتصدمت يا نوارة والله .. نقتلهم؟ نضربهم بالرصاص عشان بيعارضونا؟ يالهوي احنا فين؟ .. احنا مين؟ .. احنا ليه؟

Unknown said...

وقفة احتجاجية غدا 12ظ امام مجلس الشعب تحت عنوان"اضربونا بالرصاص" رد على نواب الوطني

Unknown said...

صور 2 من الثلاثة وياريت هما اللى يضربوا
http://www.facebook.com/photo_search.php?oid=111921422174321&view=all

عبده البرماوي said...

احدفوهم بقنابل الخره
مايستاهلوش غير الخرا نواب الخرا دول
انضم
http://www.facebook.com/group.php?gid=115130498511218

نواره.. والنبي اتبني الحملة.. انا اخ عزيز برضو.. وتعاطفك وحده لا يكفي.. احدفى معانا

اسلام الحضرى said...

وشعار الحزب النازى

رصاصه من اجلك انت

http://www.facebook.com/?ref=home#!/photo.php?pid=4462449&id=600600285

مش فاهمه said...

بصى الراجل ده ممكن حد يساعده ولا
http://www.almesryoon.com/news.aspx?id=28245

Unknown said...

اولا: والله العظيم انك أصيلة يا بنت نجم وبتسوي تقلك دهب .. آه والله
ثانيا: انا اول مرة اسمع او أقرأ عن نواب بيطالبوا بضرب الشعب لأن الأصل في النيابة انها تمثيل الشعب مش التمثيل بيه
ثالثا: طبعا هؤلاء النواب مش الشعب اللي عملهم نواب .. الحكومة والسلطة هيه اللي عملتهم نواب ، ولذلك بيدافعوا عن "الارباب" تبعهم
واسمعي هالقصة .. واحد رئيس جمهورية في لبنان زمان حب يبهدل احد الزعماء الشعبيين المحترمين ، فراح جاب واحد مجهول الاصل والنسب ومجهول بين الناس وخلاه يترشح ضده في الانتخابات وخلاه يفوز كمان .. وبعد مدة مات واحد من بلد الزعيم ، فعملوا صيوان واتلمت البلد وكان من بين الناس اللي قاعدين في الصيوان النائب الجديد اللي فاز بالتزوير والجلا جلا .. وفجأتنننن هب الصيوان كله والناس قامت وصارت تحمل سجاد وتحط السجاد برا الصيوان .. ليه؟؟ سمعوا ان الزعيم المحترم جاي يعزي .. وفعلا بعد شوي وصل الزعيم الشعبي والناس كلها واقفة ترحب وتسلم عليه .. وصار يسلم على الناس لما وصل الى النائب المصنوع ، فنظر اليه باحتقار وقاله : بلا زغرة انت منين ؟ ومين حضرتك ؟؟ طبعا هو عارفه بس حب يمسح فيه الارض .. وطلع صاحبنا النايب للرئيس يشكيله : يا سيدنا الزعيم الفلاني بهدلني ومرمط بكرامتي الارض وعمل كذا كذا .. فقال رئيس الجمهورية وهو يضحك : يا ابني .. نايب وعملناك ..بس قيمة منين نجيبلك ؟؟؟!!!وتسلمي

حسن على said...

كل ما حد يعمل فضيحة جامدة, الناس لازم تعرف اسمة ,ورجاء اللى يعرف اسماء النواب دول يقولهم ,انا عارف انهم "بلاك ليست" بس عاوز احطهم فى "ذا بلاكيست ليست"

منظور شامل للحياة السعيده said...

شفت 3 دقايق من برنامج نأسف للأزعاج و مقدرتش استحمل
قال 3 حاجات:
انه بينادي بحبس الصحفيين
ان مصر عشان عامله سلام من اسرائيل بقت مستهدفه من من من اخوانها العرب و لازم نعتبرهم هما الاعداء
ان احنا عندنا حريه زياده عن استحمالنا .... ليه يا مؤمن ؟!؟!؟! ليه؟!؟ عشان احنا بلد جهله!!!
و الله قال كدا بالنص
مقدرتش اكمل
نهى الحسيني دي كنت رأيي انها حماره بس دلوقتي اقتنعت انها لا مؤاخذه جاموسه

evolution ahm sab said...

مصر على عكس الناس ترجع ورا بدل ما تروح قدام ، الحزب الوطني بدأ يستنفذ سياساته ضد الناس فرجع يتعلم من الحزب النازي

Shoukry said...

Sorry I didn't mean what you got but you took it with bad intentions. Of course we are Africans but we used to be called Mediterraneans as well. That is only because of how we looks.

The word African is used to call people with dark skin and bald. Just like European which is used for those who are blonde and pale and Asian which used for people with yellow skin and small eyes. it is just a description for how they looks like! being African is not an insult.

I just missed the proper expression here. I should have used a better word like "neighbors in river Nile :)". I am sorry for this

wahat_alshohada said...

كما قال احد الاخوة الشعار الجديد للحزب الوطنى الغاصب لن يكون رصاصة لكل مواطن فقط بل سيدفع الورثة ثمن الرصاصة ومعها ضريبة المبيعات و الدمغة..نواب فجرة من اسافل القوم ولا اعتقد ستقوم لهم قائمة مرة اخرى بعد الذى قالوه فقد كتبوا بكل غباء نهايتهم فى الدنيا و ننتظر نهايتهم السوداء فى الاخرة. تضربونا بالنار او بالقنابل نحن لا نخشى الا الله.

Unknown said...

شكري

اكيد مش باقول اخص عليك انت.. انا باقول اخص على اللي قال كلام سيء في حق اثيوبيا

انا فاهمة قصدك

Shoukry said...

I know but he didn't mention Africans but I used it to describe the countries that share the river Nile with us. I thought it looked offensive to you and I wanted to clarify that I didn't mean this.

He just kept reminding them with the tremendous sacrifices we did and how ungrateful they are and this sort of bullshit they spoke with all the time

انا من ضيع في الاوهام عمراَ said...

نازية إيه يا راجل ، والله بتظلموا النازية ، وبتظلموها كمان لما تشبهوا بيها إسرائيل ، معلوماتنا عن النازية أساساً جت من اليهود بسبب كره هتلر لليهود وتعاطفه مع المسلمين،النازية دي لولاها كانت ألمانيا أصبحت 6 دول ، وأنقذت القتصاد الألماني في وقت كان رغيف العيش ثمنه- ماتتخضوش من الرقم - خمسمائةألف مارك وعملوا تطور علمي هو ساس التكنولوجيا الحديثة والله يخرب بيت الغرور اللي وداهم في داهية في الآخر لأن انتصاراتهم في أول الحرب هما نفسهم ماصدقوهاش ، ففتحوا على نفسهم 100 جبهة وده إللي دمرهم في الآخر ، مش خربوا البلد وقاعدين على تلها وماهمهمش حتى يطلبوا ولو اعتذار عن دم الأسرى بتوع 56 و67

انا من ضيع في الاوهام عمراَ said...

يا محمد ماتظلمش الهنود الحمر ، لأنهم بعد ما اتكشفوا الخوازيق اللي بيلبسهالهم الأوروبيين ، حاربوهم بقوة لغاية ما ابيدوا بشرف ، مش كل مايلبسوا خازوق يجروا بعده يقعدوا على الثاني ، واللي بعده واللي بعده لغاية ما إحنا برضه هانتباد..... بس متخزوقين

Unknown said...

انا متاكد ان الحزب الواطى حيغير جلدة ويستعد للمرحلة الجديدة
(هاتى هدوم الشغل ياتفيدة)
وحيسمى نفسة حزب الثوار _جمع ثور_ويشتم فى بتوع الحزب الوطنى اكتر مننا