Saturday 3 April 2010

بيان نقابة المهن السينمائية بخصوص مهرجان لقاء الصورة السادس الذى ينظمه المركز الفرنسى للثقافة والتعاون بالقاهرة

تابعت النقابة بترقب شديد الأحداث التى وقعت فى الاسبوع الاخيرمن شهر مارس وحتى الاول من شهر ابريل والتى خصت مجموعة من السينمائيين أعضاء النقابة الذين انسحبوا واحدا تلو الاخر من مهرجان لقاء الصورة السادس بسبب عرض فيلم لمخرجة اسرائيلية تعمل بالجيش الاسرائيلى.
هؤلاء السينمائيين أبدوا انزعاجهم الشديد من اختيار الفيلم وفرضه عليهم بدون الرجوع اليهم و سحب الفيلم بدون الاعتذارعن اختياره و قرار وزارة الخارجية الفرنسية باعادة عرض الفيلم للبرنامج رغم ارادة السينمائيين المصريين الرافضين لعرض الفيلم. ثم ما قامت به بعض الجهات الفرنسية بمحاولة تشويه سمعة السينمائيين الذين انسحبواواتهامهم بالعنصرية ومعاداة السامية.
وحيث أن أتحاد النقابات الفنية التابعة له نقابة المهن السينمائية قد اتخذ قرارا برفض كل أنواع التطبيع الثقافى والتعامل مع فنانين اسرائيليين ورفض عرض أعمال فنية لاسرائيليين بمصر,وذللك للممارسات العنصرية والانتهاكات الوحشية التى يمارسها الكيان الصهيونى تجاه الفلسطينيين وتجاه الانسانية.
وعليه فنقابة المهن السينمائية تعبر عن استيائها البالغ لما قام به المركز الفرنسى من اختيار فيلم المخرجة الاسرائيلية ولما قامت به وزارة الخارجية الفرنسية باعادة عرض الفيلم جبرا بعد أن تم سحبه اعترافا بالخطأ.
وتتضامن نقابة المهن السينمائية مع المؤسسات الثقافية والفنية المصرية التى سحبت أفلامها المشاركة بالمهرجان كالمركز القومى للسينما والمعهد العالى للسينما.
وتتوجه النقابة بالتحية والتقدير لأعضاءها أصحاب الوطنية والضمائر المخلصة الذين انسحبوا من أنشطة المهرجان واتخذوا وقفا مشرفا يليق بهم وبمصريتهم وبنقابتهم.
وتهيب النقابة بالجهات الأجنبية العاملة بمصر ضرورة مراعاة ثوابت الشعب المصرى وضرورة احترام ثقافته ومواقفة الأساسية الثابتة.
وتطالب النقابة الجهات الرسمية المصرية وعلى رأسها وزارة الخارجية المصرية بضرورة التصدى لمحاولات اختراق الثوابت الوطنية والاساءة للسينمائيين المصريين.
وتدعو النقابة السينمائيين من أعضاءها الى مقاطعة أنشطة مهرجان لقاء الصورة السادس الذى سيقام فى الفترة من 8 الى 15 ابريل تماشيا مع القرار الذى يقضى برفض التطبيع مع الكيان الصهيونى.

نقيب السينمائيين
مسعد فودة

بيان المعهد العالى للسينما
يستنكر المعهد العالى للسينما مابدر من المركز الفرنسى – والذى يعتبره المعهد غير مبرر على الاطلاق-  بان يقوم المركز المذكور بسحب أفلام المعهد حتى يعرض فيلم أيا كانت جنسيته مما يشكل اهانة ترفضها أسرة المعهد التى تذكر المركز بأنه مقام على أرض مصرية وان الت ملكيته الرسمية والقانونية الى جهات أخرى.وأن الالتواء والتعالى مرفوض تماما ولا يشكل تصرفا يليق بمركز يعلن أنه ثقافى أيا كانت جنسيته.
ونحن بالتالى نعلن من جانبنا وقف التعامل نهائيا وتماما مع هذا المركز
  أسرة المعهد العالي للسينما
-----------
تحديث: 
احمد ناجي بلغني ان عزة شعبان سحبت فيلمها .. الحمد لله، ربنا يهدي الباقي
بقى ستة لسه ما انسحبوش من المهرجان
فيه تلاتة بيحاولوا يقنعوهم هههههههههههههههههه هي بقت كده؟
وتلاتة تانيين عايزين نعمل لهم فضيحة ابراهيم زغلول
نيفين شلبي: مخرجة، والفيلم بتاعها بتدور احداثه في برلين عن مجموعة عرب واسرائيليين بيتقابلوا وبيبقوا حلوين وسمنة على عسل
واحمد رحال
وعزة شعبان، فيلمها اسمه يحدث الان في غزة وغالبا حيبقى حاجة خرا زي عجمي كده
دول التلاتة اللي مصممين انهم يفضلوا يعرضوا افلامهم في المهرجان ده
اولا المهرجان ده كسر مناخير، فرنسا بتتعامل معانا على اننا خدامين ابوها وجايبة لنا اسرائيلية خدمت في الجيش الاسرائيلي وحرقت عيال صغيرة غصب عن بوزنا ومطرح ما نحط راسنا نحط رجلينا
والتلات عيال دول بقى مدام بيحبوا اسرائيل كده وبيشتموا اي حد يحاول ينصحهم ونيفين شلبي طالعة تقول دول بيستعرضوا - وانا مش عارفة والله مين اللي بيستعرض ما عندهاش مانع تعمل اي حاجة عشان تعرض فيلمها وعايزة تعمل ضجة عشان الناس تقول اسمها؟ خلاص يعني، للدرجة دي هي مخرجة فاشلة ومش موهوبة هي وجوز العصافير التانيين لدرجة انهم عارفين ان ماحدش حيرضى يبص في افلامهم ولا يرضى يعرضها الا لما يقلعوا مالط؟ 
 وللدرجة دي راغبين في الشهرة وعارفين انهم مش مستحقينها وبيعملوا اي حاجة؟
طب ما يهاجروا اسرائيل وخليها تنتج لهم افلام وتبسطهم وتظبطهم.. وللا اسرائيل مش حترضى بيهم
والله ما ترضى بيهم
اللنك ده فيه حوار مع نيفين شلبي وفيه صورتها عشان تعرفوها
وان شاء الله نجيب صورة عزة شعبان واحمد رحال ونكتب عليهم 
wanted
جندية اسرائيلية قتلت عيال ما تجيش مصر بوصفها مخرجة وتعرض خراها هنا
واذا كانت السفارة الفرنسية ارض فرنسية، طب هو مافيش ارض فرنسية غير اللي في مصر؟ طب فرصة بقى يطلع تلاتين فرنسا العنصرية
طب احنا كمان نعرض في السفارة المصرية فيلم من اخراج واحد في تنظيم القاعدة من امتى الحرية دي واحترام البني ادمين؟ وللا البني ادم لازم يبقى جندي اسرائيلي حرق اطفال رضع عشان يبقى محترم؟ لكن المنقبات يقف رئيس الدولة يشتمهم على الملأ وهم مواطنات عنده وبيخدمهم، دول مش بني ادمين ومش محترمين، صحفي يعمل حوار مع بن لادن يتقبض عليه لمجرد انه عربي عمل حوار مع بن لادن ويتحط في السجن، صحفي يغطي الحرب في العراق يا يموت يا ياخدوه كعب داير على كل الدول الاوروبية ومن ضمنهم فرنسا عشان يتعذب وبعدين يرموه في جوانتانمو ست سنين ويخرج مذهول ومش عارف يتكلم من كتر اللي حصل له
وما تتكسفش فرنسا انها عذبت اللي اتقبض عليهم في افغانستان، انما تتكسف تعتذر للجزائر عن اللي عملته فيها، وش****ة تقتل عيال صغيرة تيجي مصر ورجلنا فوق رقبتنا، وعيال فشلة عايزين يقبوا على وش الفتة يروحوا يتسولوا ويتمسحوا زي القطة عشان عارفين ان لو اخدوا فرصة عادلة ماحدش حيعبرهم
طيب يابني ادمين... خلي حد ينتج لهم في مصر تاني هنا

12 comments:

mido said...

ممكن تضيفى تحديث انسحاب عزة

312asdf said...

إن المجتمع المصري في مرحلة الانتقال والتطور السريع، وكانت نتيجته الطبيعية أن وجدت جماعة من أفراد هم مسلمون ولكنهم متجردون عن العقيدة الإسلامية والخصائص الإسلامية، وإن كانوا غربيين فإنهم لا يحملون القوة المعنوية، والثقة بأنفسهم, وإن المصري الذي خضع للتأثير الغربي، فإنه وإن كان يحمل الاسم الإسلامي لكنه في الحقيقة ملحد وارتيابي، والفجوة بينه وبين عالم أزهري لا تقل عن الفجوة بين عالم أزهري وبين أوروبي

الله يجحمك يا كرومر, صدقت و أنت كذوب.
من نتمسح بهم لا يكنون لمن يرجو رضاهم و يقبل أعتاب أبوابهم إلا كل احتقار.

نعيب زماننا

سمسم said...

http://www.facebook.com/group.php?v=wall&ref=mf&gid=111118815573297
دعوة عامة إلى شعب مصر الحر لمقاطعة كل ماهو فرنسي

bent abdelwahab said...

أن الهروب من المواجهة والانسحاب أمام المشاركات الإسرائيلية فى المهرجانات المختلفة يسىء إلى المبدعين لأن العالم لا يرى أعمالهم، فى الوقت الذى تحقق فيه السينما الإسرائيلية نجاحا تلو الآخر فى المهرجانات العالمية، وتساءلت عن جدوى الانسحاب وماذا سيستفيد المبدع المصرى؟ الذى يترك الفرصة للإسرائيليين فى ترويج فيما لا نخاطب نحن إلا أنفسنا.

كلام منطقي جداً

bent abdelwahab said...

أن الهروب من المواجهة والانسحاب أمام المشاركات الإسرائيلية فى المهرجانات المختلفة يسىء إلى المبدعين لأن العالم لا يرى أعمالهم، فى الوقت الذى تحقق فيه السينما الإسرائيلية نجاحا تلو الآخر فى المهرجانات العالمية، وتساءلت عن جدوى الانسحاب وماذا سيستفيد المبدع المصرى؟ الذى يترك الفرصة للإسرائيليين فى ترويج فيما لا نخاطب نحن إلا أنفسنا.

كلام منطقي جداً

MedZag said...

والله ما عارفين نودي جمايلك فين يااستاذة

بس اللي عايز اوضحه - حكايه الجيش دي
تقريبا كل الاسرائيلين بيبقوا تحت خدمة الجيش في اوقات
ولازم يخدموا في الجيش اوقات تانية
وتحت خدمة دي ممكن تبدأ من الاستدعاء لحد استخبارات حيث يعملون سواء بالداخل او الخارج

انا اقصد ان الجنسية و الانتماء للجيش صنوان
واي شخص معاه جنسية اسرائيل بيبفي منتمي للجيش بشكل او بأخر الا فئات معينة

Ahmed Al-Sabbagh said...

أحمد مهنى اعتقلوه
وهو الان فى قسم الاميرية

Unknown said...

ياريت تشوفى الخبرده

http://youm7.com/News.asp?NewsID=209415&SecID=94&IssueID=0

كلاكيت تانى وتانى said...

م الخير
ازيك يانوارة يارب تكونى بخير أحمد مهنى أعتقلوة الفجر بسبب كتاب البرادعى والثوة الخضراء ياريت لو تقدرى تساعدى بأى شئ هوة من امبارح فقسم الأميريه انا عرفت انهم هيسيبوة عندهم يومين وبعدين قالوا هيطلعوة الفجر محدش متأكد انا سألت وعملت أـصالات وعرفت أنهم هيسيبوة يومين لو تقدرى تساعدى ياريت كل اللى يقدر يعمل حاجة يعملها لو استمر احتجازة لازم نعمل وقفه
ايميلى
e_m_s51@yahoo.com
تحياتى

كلاكيت تانى وتانى said...

بكره الساعه 11 قدام دار القضاء العالى م قداااااام القسم مجموعة الميثاق وكل محبى مهنى ننتظركم

مدير التحرير said...

ذكرتني بالمهرجان اللي صار بكندا وانسحب اروبين و كندين من المهرجان لمشاركة اسرائيل فيه ورفض العرب الانسحاب

مدير التحرير said...

http://www.al-akhbar.com/ar/node/155394

http://www.aljazeera.net/NR/exeres/A652CEA1-C79D-4109-82E7-F56C719012BF.htm