Friday, 2 April 2010

علم اسرائيل والشمعدان موجودين على كل اجهزتنا شيلوهم

جالي الميل ده واتبعت التعليمات وفتحت الفايلات وفعلا لقيت علم اسرائيل وعليه الشمعدان واتغاظت قوييييييييييي اتغااااااااااظتتت اتغااااااظت اتغااااااااظت قوييييييييييييي ومسحته وشلته من الريسايكل بن وللاسف مافيش طريقة الواحد يولع بيها في الصورة
ازاي يعملوا كده؟ ازاي؟ احنا لازم نلاقي طريقة اننا نحط علم فلسطين على الاجهزة ما بافهمش انا في الكمبيوترات بس اتصرفوا، ولاد الكلب حاطين لنا خازوق عشان يضحكوا علينا.. احنا ليه مش بنحاول نبقى محترمين ونعمل مايكروسوفت ونعمل اي حاجة مفيدة في حياتنا وللا اي تقدم علمي يعني بدل خيبتنا دي؟ ليه يعني؟ 
انا متضايقة قوي.. تصدقوا باعيط؟
اتفضلوا نص الميل وارجو منكم جميعا انكم تشيلوا العلم ده
 

إن صورة علم اسرائيل موجودة في كل حواسيب العالم ولنسهل عليكم المهمة جربوا هذه الطريقة بانفسكم ...
كيفية العثور عليها
·قم بالذهاب إلى جهاز الكمبيوتر
· قم بإختيار القرص C
·ثم قم بفتح مجلد Program Files
·ثم قم بفتح مجلد Microsoft Office
·ثم مجلدMEDIA
·ومن ثم CAGCAT10
·الصوره إسمها J0285926.wmf
ستجد علم اسرائيل وبه شموع الإحتفال بالنصر

أتمنىمن الجميع حدفه

18 comments:

mido said...

يا ريت شير البوست على الفايسبوك

Tamer said...

الموضوع ده قديم اوي

يا استاذة نوارة
شكلك ما حضرتيش الفيس بوك ايام عزه

كل اللي بتتكلمي فيه اليومين دول قتل بحثا ايامها

جبهة التهييس الشعبية said...

انا ما وصلنيش الا دلوقت

DR.M.S.S.Najjar said...

انا من رأيي نشيل الاوفيس و نستخدم المصادر المفتوحة زي ال
open office

Mohamed said...

fe nafs el folder;

J0301050 = el kaaba
J0183290 = santa claus

mesh el mo2amra el 3alameya ya3ne

Mohamed said...
This comment has been removed by the author.
the magnificent ninja said...

لو عايزين تحطوا علم فلسطين بداله , الأول امسحوا الرمز الصهيوني ثانيا هاتوا صورة علم فلسطين و سموها نفس الاسم بتاع الصورة الصهيونية و اجعلوها نفس الاكستينشيون

سكوت هنصوت said...

نوارة....أولا ده مش علم اسرائيل

ده مجرد صورة لنجمة داوود والشمعدان الشمعدان السباعي...واصلا الشمعدان مرسوم غلط عشان المفروض يكونوا سبع شمعات مش تسعة

ده رمز يهودي مش رمز لدولة إسرائيل

وعشان تعرفي ان المسألة ملهاش علاقة اصلا بالدولة هتلاقي صورة الكعبة والحرم المكي في صورة رقم j301050 وهتلاقي صورة لبوذا

المفروض ان دي صورة لميكروسوفت بتخاطب اكبر شريحة من الناس

عشان كده في صورة لكل طائفة وفكر ودين اثروا في الأرض

انا بصراحة مش شايفة حاجة تدعو للدعوة لمسح الصورة او التنبية البالغ ده...خلي بالك انت كده داخلة عالعنصرية...

بيتهيألي انك اتشحنتي بزيادة دون تدقيق حقيقي...

اسد الجيزة said...

انا شيلتوا

محمد نجم said...

نوارة في مشكلة ::
ده بيحصل بعد تنصيب الاوفيس علي وندوز بس
يعني المشكلة خاصة بالاوفيس و بويندوز
لان نسخة الاوفيس بتتباع لحوالي 180 دوله حول العالم
اكيد حتلاقي صور لمعتقدات تانية

انا ما عنديش لاني مش باستخدم وندوز :D

LOST said...

يعنى والا هيا صورة للعلم المتنيل..والا الشمعدان سباعى...واضح جدا إنك مفتحه وكمان بتستقى معلوماتك من مصادر ممتازة وبتراجعيها كويس قبل البوست

ماجد العياطي said...

انا عن نفسي ماسحتها اصلا من على جهازي

Love-Guru said...

تم حذف الصورة من علي الكمبيوتر. اما عن شموع النصر فهذه معلومة غلط انها شموع الهانوكا او
Hanukkah Menorah
رمز احد الاعياد الدينية
Hanukkah
لمزيد من المعلومات
http://en.wikipedia.org/wiki/Hanukkah

Love-Guru said...

قالت إن الاغنية لا تحمل اساءة للعرب
مطربة كويتية تثير ضجة بعد غنائها باللغة العبرية
http://www.alarabiya.net/articles/2010/
04/02/104730.html

بحب مصر said...

مالاقيتش الفايل ولا الصورة دى عندى
الحمد لله
مش ناقصة حرقة دم

Rateb said...

الشمعدان والنجمة السداسية دى رموز دينية يهوديه مايكروسوفت حاطاهم لأن ممكن حد يحتاجهم اثناء استعمال برامج الاوفيس وحاطين كمان صورة للحرم والكعبة الشريفة ايه علاقة الرموز الدينية اليهوديه باسرائيل يعنى قاعده تهاجمى السلفيين وانتى بتفكري زيهم على فكره الشمعدان ونجمة داوود ممكن تتاكدى من انهم شعارات دينيه فى اى معبد يهودى فى مصر

شمس العصارى said...

انا لازلت عند رايى القديم القائل
ليس من حق مستخدمى التكنولوجيا دون انتاجها التحدث
احنا مستخدمين فقط للتكنولوجيا وده مفروض علينا اننا نشوف و نسمع
يبقى الحل لازم نمتلك التكنولوجيا
وعلشان نمتلك التكنولوجيا لازم نزيح من يقف ضد تصنيعها و انتاجها
يبقى ازاى نزعل و نحرق فى دمنا طالما اننا لا شئ فى معادلة التكنولوجيا
نلتقى بعد اليهود فى كل حته

Mohamed said...

أستاذة نوارة
أصلا استخدام ويندوز واوفيس وكل منتجات ميكروسوفت دليل تخلف للأسف، وهاقولك ليه:
1- البرامج دي مغلقة المصدر، يعني ما حدش يعرف يعدلها غير ميكروسوفت
2- البرامج دي المفروض يعني والحلال بتاع ربنا يدفع فيها حوالي 100 دولار على النسخة، البديل الشغال طبعا اننا نضرب سي ديهات، ودي في اعتقادي سرقة، والمشكلة اننا مش محتاجين نسرق، علشان ...
3- فيه دنيا تانية خالص اسمها البرمجيات مفتوحة المصدر، يعني برمجيات ببلاش، وكمان ممكن نعدل فيها اللي احنا عاوزينه، البرمجيات دي اتطورت جدا وبقت في مستوى الطالب الحمار كمان
الخلاصة: نصيحة من مهندس كمبيوتر: شيل ويندوز خالص ونزل الاتي
operating system: Ubuntu or Kubuntu
office tools: Open Office
browser: Mozilla Firefox

كل البرامج دي ببلاش وفيها كووووووووووول اللي انت عاوزه، سواء عاوز تشتغل أو عاوز تهلس وتقضيها يوتيوب