Wednesday, 21 April 2010

اعتصام الحد الأدنى من الاجور يوم 2 مايو

اعتصام اتنين مايو للاستجابة للامر القضائي او الحكومة دي تقدم استقالتها
العمال واخدين حكم قضائي لالزام الحكومة بوضع حد ادنى للاجور... والحكومة كسرت كلام القضاء، والعمال ناويين يعتصموا اعتصام مفتوح بداية من اتنين مايو عشان حكومة نظيف تنفذ الحكم او تستقيل
وانا مع العمال ان شاء الله
وانتوا كمان لازم تبقوا مع العمال... شاركوا معانا عشان نبقى احنا السلطة التنفيذية للقضاء
العمال اجدع ناس.. ولازلت مصممة انهم مبروكين ومكشوف عنهم الحجاب
عشان العمال هي الفئة الوحيدة اللي بتحافظ لنا على بلدنا على ارض الواقع ما نصحاش نلاقي نفسنا بنلم بؤجتنا ورايحين لاجئين عند الجيران لان البلد اتباعت والشاري عايز يقلب البلد مول
ماحدش ماسك في البلد غيرهم، واحنا لازم نمسك معاهم... دلوقت اللي العمال بيعملوه هنا في مصر زي اللي حزب الله بيعمله على حدود لبنان بالظبط.. مافيش اي فرق

5 comments:

شخص مريع بما يكفى said...

http://www.youtube.com/watch?v=yDdJF2nIuKA&feature=player_embedded

mUsLiM said...

ربنا ييسر الحال يارب فى مصر

والناس بقى تعرف تاخد حقها وتعيش فى البلد دى

بس ياريت فعلا منربطش ما بين حركات إصلاحية وتحركات عمالية لا بحزب حسن نصر ولا حزب غيره

لأن الربط ده بيؤدي إلى إختلاف فى الرأي ثم إنشقاقات فى الصفوف

خلينا موحدين حول مطلب عادل وواضح ومستقيم دون التشبيه أو الربط بأي شئ آخر

والله المستعان

السلام عليكم

mohammed said...

يا نوارة لازم نحاول نقنع العمال و قيادتهم ان يتبنوا مطالب جبهة التغيير لأن هو ده الاساس و اعتقد ما فيش فرصة اسنح من دى

Ahmed said...

http://www.masryonline.com/index.php?option=com_content&view=article&id=209:2010-04-21-07-23-51&catid=1:2010-03-22-20-17-43&Itemid=7

كل سنة و الشعب الاسرائيلي بكل صحة و سلامة بمناسبة ذكرى قيام دولة اسرائيل.

مش عارف يجيلهم قلب يقولوها ازاي كلمة زي دي, أنا حاسس أن في حاجة غلط فيا و أنا كاتب التهنئة دي, حاسس أني مجنون,, لأ مش مجنون حاسس أني نجس. المهم أن في حاجة غلط و لازم تتصلح.

نعيب زماننا

دندنة قيثارة الوجد said...

الاعتصامات اعتصمت من كتر الظلم والقهر .. لكن فرج الله قريب