Friday, 2 April 2010

ومن اولويات الامة

اللحية فرض زي الصلاة، بس الصلاة فرض كبير واللحية فرض صغير



ياترى فيه فرض وسطاني؟


ده كمية الفيديوهات اللي على اللحية خرافية، جيت ادور بقى على فيديوهات عن الحاكم الظالم مثلا
ما لقتش اي فيديوهات لمحمد حسان ولا الحويني ولا محمد حسين يعقوب خالص بخصوص الحاكم، لا ظالم ولا عادل
بس لقيت الفيديو ده



ونبذ بيعتهم والعياذ بالله.. حد من المحيط للخليج يقول لي امتى بايع اي حاكم عشان ينبذها


طب بقى لو الحاكم قال لهم يحلقوا دقنهم حيعملوا ايه؟ لا يجوز نبذ بيعة الحاكم والعياذ بالله


جيت بقى ادور على امريكا لقيت: نوارد الشيخ محمد حسان في امريكا
لا ناس بتبذل مجهود مجهود الحقيقة.. مش عارفة الناس حتعمل من غيرهم ايه فعلا، وحقيقي كلامهم ونوادرهم واهتماماتهم تستاهل اننا نحرق النصارى ونكفر الروافض ونبدع الصوفية واوعى رجلك ومولد النبي



ومش عارفة جاب منين ان كلمة بدعة على طول غلط مع ان سيدنا عمر قال على اقامة التراويح في الجامع نعم البدعة

ونشتم البرادعي كمان اخر الاغبار البرادعي طلع حبشتكنات.. انا مش مغرمة بالبرادعي ولا حاجة، ده انا حتى غيرت فستان الفرح، بس هم عملوا ايه قبل ما يشتموا الناس ويقولوا عليهم ملحدين وكفار وعملاء؟ وكتاب الله ما فهمت بيقولوا ايه؟ افتكرت خطبة اللمبي في السجن قدام لجنة حقوق الانسان

مع ان البرادعي ماهوبش ناحية المادة التانية.. سبحان الله، وخالد عبد الله بيقول الناس بتقول الشيوخ جبنا.. ههههههههههه يعني عارف احنا بنقول عليهم ايه؟ طب ايه؟ ساكتين ليه؟ ده افضل الجهاد كلمة حق عند سلطان جائر، وبعدين البرادعي وحش وبيهدد الاسلام
ومبارك هو اللي بيحمي الاسلام؟ ما سمعناش صوتهم يعني
اااااااااااه ده انا نسيت، ما ينفعش ننقض بيعتنا - والعياذ بالله - مع مبارك اللي عمرها ما حصلت
وقال لك بقى المعارضة كلها بتاخد فلوس من امريكا وعشان كده احنا مش بنعرف نعارض.. طب ما امريكا كده تشجعهم باي حاجة
يعني انا دلوقت اعمل ايه يعني عشان ابقى مسلمة لما الاسلام كله تربية لحية.. ما عنديش انا لحية دلوقت اعمل ايه؟
ومازلنا في انتظار البلطجية وسأستمر في تنسيل الشبشب على دماغهم لحد ما يتأدبوا ويعرفوا يكلموا الناس ازاي، ومش حيقطعوا لساني عن فضحهم الا اذا قتلوني بقى

34 comments:

عم مينا said...

الناس دي مش بس بتعمل أكبر خدمة للصهيونية زي ما انتي ذكرتي في البوست اللي فات.. بس بيخدموا علي النظام ايههههههه

انتي واخدة بالك من جمل الراجل.. "احنا كلنا عاوزين التغيير بس المهم يبقي تغيير للأحسن.. مش يمكن اللي ييجي ده يبقي أسوأ من الحكمومة"

الكلام ده بيفكرك بمين؟؟ مش هو ده نفس كلام قيادات الحزب الوطني؟؟

ده غير طبعاً انهم كلامهم بيدعم فكرة الفزاعة اللي بيحاول النظام يقنع بيها الشعب
يعني مثلاً أما اخينا يقولك "و كل من يقرر أن ينتخبه في يوم من الأيام يبقي بيحارب الله و رسوله"

و ده طبعاً بيبين الحياة الديمقراطية الجميلة اللي هنبقي عايشين فيها لو الإخوة دول مسكوا الحكم.. هتبقي الإنتخابات أبرعن منافسة ما بين الأخ اللي بينصر الله و رسوله و الأخ اللي بيحارب الله و رسوله..

مش فاهمه said...

ما تستبعديش كده يانوارة مش هم اللى ممكن يعملوا كده لأنهم لللأسف اجبن من كده لكن لأن من يستغلهم للأسف زى ما استغلوا اسامه بن لادن كده لتنفي اهداف استعماريه فى افغانستان و العراق
صدقينى هم اضعف و اهيف من ان يمسكوا سلاح لكن المشكله فى من يستغلهم
عموما انا شايفه اللى بيحاول يشغل دماغه فيه الرجا شويه لكن المشكله فى اللى مش عايز و دول صدقونى كتير
الشيخ القرضاوى بيقول احنا كلنا عارفين كيفية الموت فى سبيل الله لكننا مش عارفين كيفية الحياة فى سبيل الله الناس دى بتعقد عيشه الناس و بتخليهم عايشين زى الميتين مافيش دمج للأسلام فى مناحى الحياه المختلفه بيعزلوا الأسلام فى شكل اللحيه و النقاب و ان الست تقعد فى البيت و التداوى بالقرأن
المشكله انهم بيساعدوا الغرب فى فصل الأسلام عن الحياة
صدقينى الموضوع عايز صبر شويه و تمسكى اعصابك شويه الموضوع طويل و محتاج نقرأ اكتر علشن نعرف ندافع اكتر عن المنهج الوسطى

العميرى said...

السلام عليكم ورحمة الله وبركاته
المتدينين لا يريدون الفتنة فعندما خرج أحمد عرابى الى حرب الخديوى جاء الانجليز الى مصر 70 عاما من الاحتلال
لكن اذا كان من الممكن مقاومة الطغيان والفساد وذلك مع أمن العواقب فلابد من المقاومة كما فى حماس
وأما موضوع اللحية فبرره رسول الله بعدم التشبه بالمشركين

العميرى said...

السلام عليكم
انك تستطيعين السؤال على بداية الإيمان بالله فإذا أمنت بالله فلا تسألى ما فائدة الصوم مثلا..فإنك ستصومين بعد ذلك لفوائد الصوم مثل أى فرد ليس على ملة الاسلام ولكن اذا صمتى بدون السؤال فقط لله فذلك ما يرجى له جزاءا ولكن من حقك ان تسأل عن الحكمة لازدياد الايمان ولكن اذا امتنعتى عن الطاعة حتى تعرفى الحكمة فهذا نتيجة عدم الايمان بالخالق الحكيم وانه مدبر لكل امور الحياة بحكمة بالغة

لورنس العرب said...

وهناك أيضا شيء موجود عند هؤلاء البشر، أن اتباع الملل الأخرى يعجبون بهم من أجل كلامهم هذا ومن أجل هجومهم المستمر على علماء المسلمين
فتجد النصراني والشيعي وغيرهم معجب بهم بشكل دائم ويتخذون كلامهم دليلا على أن مشايخ أهل السنه ضعفاء ولا يفقهون شيئا في الدين ويثنون عليهم بشكل مستمر ويقولون ليس كل المسلمون مثلكم!
ولو كان الامر كذلك ما الذي لا يدفعك يا نصراني او يا شيعي أن تكون مسلم على طريقه هذا الذي أنت معجب به بشكل دائم ويهاجم المشايخ بشكل مستمر؟
لكنه لا يرضى بكل تأكيد ان يصبح مسلما، هو في الاساس يعجب بهذا النموذج من المسلمين لأنه حقق له ما يتمناه من مهاجمة المشايخ والسخريه منهم
أما غير هذا فهو لا يبغي شيئا
فتجد باستمرار أي مهاجم للمشايخ يأتي في صفه النصراني والشيعي على طول الخط ويقولون له أنت مثال للمسلم المحترم في الدنيا ولكن مع الأسف أنت حقك مهضوم ومن يهاجمك من الناس هم المتطرفون ومن لا يفقهون شيئا في أمور دينهم
ولو حدث العكس وفكرت مجرد تفكير في انتقاد أي رجل دين من عند هؤلاء لأنقلبت الآيه تماما-وما أكثر الفضائح عندهم- عليك وفعلوا ما كانوا ينتقدونك على فعله عندما تم مهاجمة علماء المسلمين

لورنس العرب said...

هم مجموعه من البشر، لا يقولوا على أنفسهم علمانيين ولا رافضين للإسلام ولكن كل حجتهم هي البحث عن الاسلام الصحيح وتوصيله للناس، ولكن هذا الاسلام الصحيح -من وجهة نظرهم- لا يكون إلا عن طريق تفصيل إسلام يتوافق مع الاهواء لا اسلام كما أمرنا الله والرسول أن نتبعه، هذه هي المشكله بإختصار شديد
ولما كان هؤلا يريدون اسلام تفصيل، كان يجب عليهم انتقاد العلماء بشكل مستمر
وانتقاد العلماء يجب أن يصاحبة أمور عديده، منها الهجوم المستمر عليهم وعلى كلامهم، على الرغم من أن هذا العالم ظل يدرس الدين لمدة 50 سنه ولكن من يقوم بإنتقاده من لا يفقه في الدين شيئا ومعلوماته لا تتعدى معلومات الكتب الدي درسها في المدرسه عندما كان الدين لا يضاف إلى المجموع الكلي
ويوجد أيضا من يهاجم العلماء وينتقدهم وهو في الاساس لا يصلي ولا يذهب إلى المسجد
وعندما تقول له صلي أولا قبل ان تتحدث في أمور مثل هذه يقول لك واحده من اثنان
إما أن يقول لك ان هذا ليس شأنك وأن الله عز وجل هو الذي سوف يحاسبه وإما قال لك أن قلبه أبيض وهذا هو المهم في هذه الدنيا
ما علينا
ولما كان في هذه الأيام يوجد تقدم مستمر لغير المسلمين في شتى المجالات وهم ينتقدوننا بصفه مستمره، فكان الحل عند هؤلا البشر أن نرى ماذا ينتقدنا عليه غير المسلمين ونقوم بتعديله حتى نكون حلوين في نظرهم
وهذا ما يحدث الآن

Tamer said...

السلام عليكم و رحمة الله و بركاته

تعليق صغير
ولااااااااازم قبلها اقول اني مش سلفي و اني على اختلاف في بعض النقط مع السلفية و ياما اتناقشنا انا و معارفي السلفيين على الانترنت في نقط كتيرة انا معترض عليها فيهم , و ياما اتناقشنا في نقطة وجوب طاعة الحاكم مهما كان دي , و حتى في نقطة ان حرب تموز كانت شو اعلامي عملوه اسرائيل و حزب الله مع بعض , و دي مش عارف تعرفيها ولا لأ
:))))

نكمل

مش هانختلف في ال3 نقط اللي اوردتيها , لكن بعد اذنك , هل معنى ال3 نقط دول ان مرجعية الواحد الرسمية هي الوطن و الأرض و الناس ؟
و ليس الدين ؟
و على فكرة الدين هو اللي قال نتعامل مع كل واحد من برة الدين ده ازاي و كل واحد من جوة الدين ازاي ... فأكيد مش هانختلف في دي

المهم
حضرتك افترضتي ان السلفية هدفها تفريق الأمة و نشر الفتن فيها
و مسكتي افكارهم و بتفنديها واحدة واحدة
خلينا نقول ان ده منهج مسكتيه

بس عشان تمشي بالمنهج ده , يبقى لازم تمشي بيه مع كل التيارات
ما ينفعش تقولي ده سلفي حيوان عميل لأمريكا و اسرائيل و الناحية التانية تقولي ده ملحد ولا علماني ولا ليبرالي صاحب فكر و لازم احترمه
ّ(و يا ريت ما تقوليليش دي غير دي غير دي لأني عارف انما قياسا على منظورك فالتلاتة فكر , غلط , و يفسد اجماع الأمة , و عميل لأمريكا اسرائيل )

ما هو الواحد طالما ساوى بين كل دول , يبقى اسلوب التعامل مع التيارات واحد , يا اما دول غلط في غلط فما اعرفهمش , و بالتالي لا اعرف سلفي ولا ملحد و لا علماني ولا ولا ولا

يا اما الواحد يفكر بطريقة ان خطأ اهون من خطأ
هاتقولي السلفيين بيشوهوا الاسلام , هاقول لك و العلمانيين و الملحدين اكتر
هاتقولي عملا , هاقول لك و العلمانيين و الملحدين اكتر و عيني عينك

انا ما شفتش لحد النهارده علماني ولا ملحد بيعترف بمشروع امريكا للسيطرة على المنطقة رغم انه اوضح من الشمس , لأ امريكا حبيبتهم و مثال التقدم و التطور في العالم

ثم هاقول لك حاجة
دول فكرهم غلط كله ( على حد قولك ) او فيه حاجات غلط ( من وجهة نظري ) , افترضي فيهم انهم رجالة و بيقولوا اللي في قلبهم زي ما افترضتي في بتوع قضية الجعارة اللي زيهم
و اهو دول على خطأ و دول على خطأ , ولا بتوع الجعارة كانوا على حق ؟؟؟

للحديث بقية ان شاء الله

جبهة التهييس الشعبية said...

هم فين العلماء دول
هو فيه عالم بيقول فريضة الصغيرة والفريضة الكبيرة والفريضة التقيلة والفريضة الخفيفة؟

Tamer said...

@ لورانس العرب
رغم اختلافي الدائم مع ارائك , الا انك المرة دي صح للأسف

Founoon said...

عندي سؤال للي مصرين يعلموكي الادب وبيقولولك ماتشتميش العلماء ولحومهم مسمومة والى اخره ..هما العلماء اللي بيقولوا على نفسهم سلفيين بس هما اللي لحومهم مسمومة؟ وباقي علماء المسلمين السنة ومش هنقول الشيعة كمان لحومهم مش مسمومة ويجوز شتمهم عادي؟ هما بينقوا العلماء اللي لازم الواحد يتأدب معاهم؟ مش هما اللي بيقولوا على نفسهم سلفيين دول بيشتموا الجفري وبيقولوا عليه القبوري الاشعري الصوفي الضال المضل الى اخره من الاوصاف المصحوبة بالشتائم؟ دا غير انتقادهم للشعرواي ولسيد قطب اللي اصلا كان ليه ميول سلفية جهادية بس عشان كلامه في العقيدة اقرب للاشاعرة والصوفيين ايه علمهم هما عشان يتكلموا في ناس في حجم الشعرواي وسيد قطب؟ عشان يجوا يقولولك ماتتكلميش في العلماء وانتي علمك اقل منهم هما علملهم ايه بقى جنب دول اصلا
مش ممكن ازدواجية المعايير

( أتأمرون الناس بالبر وتنسون أنفسكم وأنتم تتلون الكتاب أفلا تعقلون)

( يأيها الذين أمنوا لما تقولون ما لا تفعلون كبر مقتاً عن الله أن تقولوا ما لا تفعلون)

الله يهدينا ويهديهم وينور قلوبهم بالحب بدل الكره الاسود المرعب اللي مالي قلوبهم والمصحوب بغل عجيب وكبر واستعلاء وغرور وضيق افق لامحدود دا غير اللف والدوران والاستغباء

(قل هل ننبئكم بالأخسرين أعمالا الذين ضل سعيهم في الحياة الدنيا وهم يحسبون أنهم يحسنون صنعا)

المشخصاتي said...

الناس ده بتفكرني بقتلة هيباتيا .. نفس العقلية والله .. ربنا يهديهم او يخلص مصر منهم لانهم اكبر هادم للعلم والحرية

اسد الجيزة said...

انا ممكن اعمل نفسي اني معارض وبتاع لكني في الحقيقة ممكن اكون في السرير مع النظامزي ما بيعمل الناصرجية كدة واليساريين والاحزاب واديهم انكشفوا لما جه البرادعي

جبهة التهييس الشعبية said...

ايه الجملة الخزعبلية دي يا اسد الجزيرة؟

لا بجد.. لفتت نظري جدا

انت عامل زي اللي بتقول: ما ممكن ابقى محجبة وماشية مشي بطال ومصاحبة طوب الارض

اسد الجيزة said...

استاذ تامر عاوزينك علي التويتر

جبهة التهييس الشعبية said...

تامر

اولا انا ماليش دعوة باتجاه واعتقاد الشخص طالما مش بيشتت الناس عن اولوياتها وهدفه العدل والانسانية ايا كان توجهه

وطبعا معظم التيارات متفقة على الاولويات التلاتة اللي قلتها ما عدا اتنين

السلفيين والليبراليين

الليبراليين ناس سيس ومالهمش تأثر

معاهم فلوس بس فلوس كتير

وماحدش بيثق فيهم خالص

لكن السلفيين داخلين على الناس بقال الله وقال الرسول وبيفسدوا عليهم اعز مايملكوا

وانا عارفة بما لا يدع مجال للشك بسبب خبرة شخصية ان الامن نزلهم العشوائيات عن عمد عشان يقول للناس الثورة على الحاكم الظالم حرام

وجابوا نتيجة مبهرة

ولو كانوا نزلوا لهم الليبراليين كان الليبراليين انضربوا

لكن دول نزلوا لهم شيوخ بدق بيقولوا لهم قال الله وقال الرسول

ودي حاجة مؤثرة وفعلا هدت الناس

وبعدين ترجعوا تشتموا في الشعب وتقولوا الشعب نايم على ودانه

لا مش نايم

احد اسباب خوفه - غير قانون الطوارئ - لبعدين يروح النار اذا انشق على الحاكم

سكوت هنصوت said...

طب والنبي الأخ الكتكوت بتاع نقف مع تطبيق الإسلام ده...هيعمل ايه لو قالوله معلش هنقيم عليك حد التعزير عشان مش مربي ليحتك...ده عامل لحيته كحواصل الطير بالظبط زي ما جه في الحديث بتاع الرسول يأتي قوم في اخر الزمان لحاهم كحواصل الطير...

انا هولع من خالد عبد الله ده...والله ما مسامحاه ابدا...بيرتزقوا من دين الله وبيتاجروا بكلمة الله وعاملين روحهم علما..وبيتكلموا على انهم شيوخ

جبهة التهييس الشعبية said...

يا ستي ما يسترزقوا بس ما يشخوش في دماغ ناس

عند واحد زي لورانس االعرب ده

يدخل يتكلم عن هؤلاء القوم، اللي هم انا يعني

وبقيت كافرة ومنافقة ومدعية اسلام لمجرد اني مش عاجبني المشايخ اللي بيشتغلوا مع الامن وبيلحسوا جزمة النظام وكل همهم مصبوب على تفتيت المجتمع

ويا توافقي على الخراب اللي بيعملوه يا تبقى كافرة منافقة ومدعية اسلام

والاخ تامر بيحييه

حسبي الله

sendbad said...

قال صلى الله عليه و سلم ( جزوا الشوارب وأرخوا اللحى خالفوا المجوس . ) وفى روايه اخرى خالفوا المشركين .. وكفايه تعرفى ان سيدنا محمد خير خلق الله كان يطلق لحيته وهو الذى امرنا بهذا .. ربنا سبحانه وتعالى قال {وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا} .. يعنى ربنا بيأمرنا ان الكلام اللى الرسول يقوله نأخذ به وننفذه .. دلوقتى بقا انا عاوز افهم انتى مش عاجبك ايه فى موضوع اللحيه انها فرض .. هل مش عاجبك كلام سيدنا محمد وأمره لينا باطلاق اللحيه

بعدين انتى بتقولى ان مش عندك لحيه يبقى تعملى ايه .. اقولك تروحى تستغفرى ربنا وتتوبى اليه على استهزائك بعلماء الدين وانك تنسرى الشبشب عليهم .. شبشبك هتنسريه عليهم علشان بيأمروا الناس ينفذوا كلام ربنا وكلام خير المرسلين سيدنا محمد ، فى حين ناس تانيه بتتكلم عن صدر روبى ولا مؤاخذه مؤخره روبى فى التليفزيون وانتى فرحانه بيهم وبتبوسيهم وبتفتخرى بيهم ...

شفتى بقا ازاى انك واخده سكه تانيه خالص .. ربنا يهديكى ويرحمك

ملاحظه : يا ريت تخلى عندك ادب فى الحوار واختارى اساليبك وانتى بتتكلمى عن علماء المسلمين لان انتى المفروض منهم ..

وخلى عباد الصليب برا الحوار واللى عاوز يتكلم يتكلم عن نفسه ودينه ... ويا ريت تحددى موقفك انتى مع العلمانيه ولا مع عباد الصليب ولا مع الاسلام .. حددى موقفك علشان لو مش مع الاسلام يبقى الكلام خساره فيكى

Tamer said...

@ اسد الجيزة
تامر اللي تقصده ده انا ؟


@ استاذة نوارة
يا فندم و مين قال لك ان العلماني و الليبرالي و الملحد مش بيعملوا كده ؟

انا قلت في اول البوست اني مختلف مع معارفي السلفيين في حاجات كتير اهمهما نقط الخروج على الحاكم و ان الشيعة اسوأ من الاسرائيليين ( بمنطق ان الشيعة عدو في صورة مسلم و ان الاسرائيلي عدو مباشر )

منطقهم من الشيعة بتستخدميه دلوقت معاهم , من زاوية انهم متآمرين في ثوب الاسلام , مش هاندخل في نقطة يستحقوه ولا لأ , لكن انا شايف ان المنطق ده غلط

انا شايف ان الشيعة على خطأ عقائدي في نقط كبيرة اوي , و مختلف مع السلفية في بعض النقط

و لو اعتبرتهم اعداء , يبقى انا باتصرف بنفس المنطق اللي هما فكروا بيه بخصوص الشيعة (اللي انا مغلطه اصلا ) , و عليه فانا مش صح اني اعتبرهم اعداء و انما اني مختلف معاهم في حاجات شايفهم فيها غلط , او على العكس اوحد المنطق الغلط بقى , ولازم اعتبر الشيعة اعداء هما كمان ( مش الشيعة بس , ده العلمانيين و الليبراليين قبلهم )

بالنسبة لي انا رأيي ايه ؟ انا شايف لحد دلوقت ان الشيعة مش اعداء , الى ان يثبت العكس , مش هاتشيع لأني مختلف معاهم و شايفهم غلط في حاجات كتير و هاقول هما غلط في كذا و كذا و كذا , لكنهم مش هاعتبرهم اعداء و الاسرائيليين ارحم منهم لكن ممكن يبقى اللي مش بيحاربني فيهم صديقي و متفقين في نقط كتير

كذلك السلفيين , انا متفق معاهم في نقط كتير , و مختلف معاهم في نقط تانية , برده هاقول انهم غلط في كذا و كذا و كذا , لكن مش هاقول عليهم زبالة لأني شايف انهم ناس بيحاولوا يوصلوا للحق (ماعدا اللي منهم بتوع الأمن دول) و أخطأوا في بعض النقط خلال بحثهم ده , يعني الفرق بيننا مش فرق أساس لكنه فرق فرع , و ده الفيصل بالنسبة لي

انا مثلا كمان ليا مآخذ على الاخوان , لكن رأيي ان هدفهم نبيل , حتى لو فيه اخطاء في النص

موضوع ان الأمن بينزلهم عشان ينشروا عدم جواز الثورة على الحاكم فده انا عارفه , بس مش كلهم على فكرة بيعملوا كده , على حد علمي هما فيهم تيارات داخلية

في الناحية التانية , العلمانيين ( و خليني اخصص المسلمين منهم لأن كلامي هايبقى في ضوء الاسلام ) , من احتكاكي الكتير بيهم هدفهم الأساسي ايه ؟
اقصاء الشريعة , انا أسف , ده ما ينفعش اقول انا متفق معاه في حاجة لأن القاعدة الأساسية له انا شايفها كارثة , ولازم اناصب فكر زي ده العداء , و برده هاقول كذا غلط و كذا غلط , لأن برده عن تجربة شخصية , فتن الناس عن دينهم كارثة

اما بخصوص مسألة البلطجة , البعض هنا للأسف بيناصبوكي العداء بسبب خلفية عندهم كما هو واضح , بس خليني افكرك , ان ده برده نفس منطقك في التعامل مع السلفيين
اللي كلموكي بطريقة وحشة هنا شايفين ان غرضك الأصلي محاربة الاسلام و شيوخه و عشان كده ردهم عليكي كده ( و انا مش معاهم في ده ) , زي ما حضرتك بتهاجميهم و فاهمة ان هدفهم الاصلي افساد قواعد الاسلام , و برده انا مش شايف انك كده

نقطة كمان بخصوص البلطجة
لو عايزة تشوفي بلطجة , كنتي شوفي كلام الشلة بتاعة الهلالي اللي قلتي انهم بيقولوا اللي في قلبهم و ما اظنكيش كنتي متابعاهم على الفيس بوك

و أشكرك على سعة صدرك

جبهة التهييس الشعبية said...

اخ سندباد

انا رافعة ايديا الاتنين اهو يا بيه

انا مع عباد الصليب وللا مع العلمانية وللا مع الاسلام؟

همممممم

ممكن استعين بصديق؟

كابتشن

النصيحة لله وللرسول

انتوا لو فضلتوا على اسلوبكوا اللي بيضحك عليكوا الناس ده مش كويس عليكوا بجد

يعني الردود دلوقت تراوحت ما بين

1- 80 في المية شتائم وخوض في اعراض

2- 15 في المية تكفير واتهام بالنفاق زي الاخ لورنس العرب

(وملحوظة، انا باسامح في الشتايم على فكرة ما بيهمنيش.. بس مش باسامح في التكفير ولا الطعن في العقيدة خالص.. واوعى وشك بقى على اللي انا مش باسامحه.. اي والله.. عقربة عقربة يعني زي ما المعوق اللي دخل لي قال)

3- 4 في المية ردود تضحك زي ردود حضرتك كده

4- 1 في المية واحد بيرد على حاجة تانية خااااااالص غير كل اللي مكتوب زي الاخ تامر كده

ايه بقى؟
ها؟

ايه؟

يعني حتعيشوا في الحالة دي على طول؟ لو سنكوا كلكوا صغير يبقى فيه امل انكوا لما تكبروا تعرفوا غلطكوا

انما اللي كبر على كده حله ايه؟

Tamer said...

هي وصلت للحسبنة ؟
:))))))))

يا فندم هو كلامه صحيح في البوست ده فقط , هو ما ذكرش انك منهم , و انا مش هادعي انك منهم , و لو شايفك منهم ما كنتش هاعلق في المدونة ولا هادخلها اصلا

انما الفئة اللي هو بيقول عليها موجودة فعلا , للأسف

و هاقولها تاني , انا باختلف معاه في 95% تقريبا من اقواله , و اهو هايشوف اني باقول كده
فلما اتفقت معاه قلت للأسف
:)

اسد الجيزة said...

ايوة انت ياتامر

nagwa said...

شكرا شكرا شكرا يا نوارة
أرجوك استمري في ملاحقة و التعليق علي هولاء المرضي النفسين محدودي الذكاء أو بمعني أدق معدومي الذكاء.....بجد حرام عليهم لي بيعملوا في عقول المسلمين...
دول خطر علينا أكتر من أسرائيل..اسرائيل احتلت أرضنا بيموتوا فينا...بس دول بيشوهوا ديننا و عقولنا ودا شئ أخطر أخطر كتير
برافوا عيكي يا نوارة ربنا معاكي

جبهة التهييس الشعبية said...

والله يا تامر انت فعلا بترد على حد تاني

بتقرا بوست في مدونة تانية وتيجي ترد عليا

انا مش باعادي حد

وكتبت في البوست اللي قبل كده وباكتب تاني

هم احرار في رأيهم وانا ما اخدش بيه واحرار في فتواهم وانا ما اعملش بيها

بس انا مسلمة غصب عين ابوهم وسنة غصب عن عين اللي خلفوهم وهم ما احتكروش الاسلام ولا المذهب عشان يكفروا كل اللي يخالفهم

وماليش طلب عندهم، وانا ما اقصدش شيوخ السلفية انا اقصد اللي ماشيين وراهم

ماليش طلب عندهم غير:

1- يبطلوا استعلاء بجهل ويحاولوا يشغلوا مخهم لان خلق جيتو الفرقة الناجية ده لا حينفعهم ولا حينفع الاسلام بحاجة

2- يهتموا بقضايا الامة الحقيقية ولو مش عايزين يهتموا عشان خايفين يسيبوا الناس اللي بتهتم بالقضايا الحقيقية في حالهم ما يقعدوش يكفرواويبدعوا فيهم يحلوا عن الناس
بمعنى ادق، يحلوا عن الصوفية والشيعة والاخوان اللي واكلين دماغهم دول دول مسلمين زيهم ومن وجهة نظري ولا ازكي على الله احد مسلمين احسن منهم كمان ودي وجهة نظري وماليش دعوة بحساب ربنا انا باقول من حيث نفعهم للمسلمين

ويبطلوا يعملوا فتن طائفية ويعلموا الناس العنصرية والتكبر

ده لا يدخل الجنة من كان في قلبه مثقال ذرة من كبر يا اخي ايه التكبر اللي هم فيه ده؟

وانا ماليش دعوة بسرائرهم، انا ليا دعوة بافعالهم وتأثيرهم مافيش حتة دخلوا فيها اللي وعاملين زي عفريتة هانم فجأة بعد دخولهم نلاقي الناس كلها ماسكة في بعضها

نفسي افهم بيعملوا كده ازاي؟ ازاي كل ما يعتبوا حتة الناس كلها بتمسك في بعض؟

اذا كانوا خايفين من الامن ومن الحكومة خليهم في اللحية والنقاب.. مالهم ومال غيرهم بيكفروهم ويبدعوهم ليه؟

ليه يقعدوا، في عز ما الاخوان بيتقبض عليهم، ينزلوا فيديوهات يقولوا ان دعوة الاخوان باطلة؟ ليه يقعدوا في عز ما لبنان بتنضرب ينزلوا فيديوهات يشتموا في الشيعة
ثم مالهم ومال المتصوفة؟ هم المتصوفة دول بيعملوا لحد حاجة؟ الناس قاعدة في حالها تذكر وتصلي وتحب ربنا وخلاص ماسكين في شواشيهم ليه؟

انا ما باستظرفش عمرو خالد، بس عمل ايه عمرو خالد عشان يتبهدل كل البهدلة دي؟ بجد يعني ده انا اللي ما باحبوش صعب عليا

هم ليه كده حتى لما بيختلفوا ما بيراعوش ربنا؟ ليه اذا خاصم فجر؟ ليه؟

وليه بيكدبوا كتير؟ وبيكدبوا بطريقة طفولية ويحكوا قصص باينة قوي انها تأليف زي حواديت محمود المصري بتاعة قبل النوم دي

الكدب حرام

يعني لا بيعملوا حاجة مفيدة، ولا بيدوا علم مفيد، وبيشعللوا الناس على بعض، ولما حد يحاول يعمل حاجة مفيدة يطلعوا له زي الخازوق ويقوموا الناس عليه ويكفروه

ليه؟ ليه؟ ليه؟

ليه الاذية دي؟ ما يكفوا اذاهم عن الناس؟ من كان منكم يؤمن بالله واليوم الاخر فليقل خيرا او ليصمت.. ايه الخير في تعبية الناس بالكره والتكبر كده؟

والناس سايباهم ماحدش داس لهم على طرف، عمالين يخرفوا ويقولوا كلام مالوش اصل ولا له اول ولا اخر وماحدش بييجي ناحيتهم هم اللي نازلين تكفير في الناس عمال على بطال واخرتها بقى البرادعي كمان كافر

انا برضه مش مغرمة بالبرادعي

بس لو سمحت تتبع كده الناس اللي هم بيهاجموهم وبينزلوا فيهم شتيمة

الا عمري ما سمعتهم بيشتموا حتى شارون

على طول ما بيشتموش غير اللي بيحاول يعمل اي حاجة مفيدة في اليمين وللا في الشمال

اللي بيجاهد ضد اسرائيل بيتشتم
اللي بيحاول يعمل تغيير سياسي سوا بيتشتم
اللي بيحاول حتى يعمل اصلاح اجتماعي زي الاخوان او زي عمرو خالد برضه بيتشتم
حتى اللي كافي خيره شره زي المتصوفة بيتشتم

وبيتشتم بفجر وقلة ادب ويمسك الواحد من دول يدقوا راسه وابسط حاجة كافر وعلى بدعة

وكل الناس خايفة منهم عشان لسانهم وقلة ادبهم واستهانتهم بالطعن في العقيدة والخوض في الاعراض

ايه ايه ايه؟ هم فاكرين نفسهم ايه عشان ينزلوا شتيمة في الناس واثارة فتن عليهم والناس تسكت لهم؟
لا وحياة خالتهم
انا لها
واذا كانوا فاكرين انهم لما يبقوا زي اللي رسول قال عليه اشر الناس انك تجامله عشان خايف من لسانه
فانا بقى لساني يتلف على الكرة الارضية
واما نشوف مين اقل ادب من التاني
ماليش عندهم غير يحترموا غيرهم ويبطلوا يثيروا النعرات والعصبيات والفتن بين الناس وغير كده هم احرار في نفسهم وفي ارائهم ويتأدبوا
يا اما بقى انا افضحهم واكشفهم للناس

Sosso said...

يا نوارة في كتاب لابي الفرج الزوجي اسمه كتاب الموضوعات جمع فيه كمية من الاحاديث الموضوعة بصي فيه حتلاقي كثير مما يقال عنه سنة عند الجماعة اياهم موجودة فيه

اسد الجيزة said...

لالا لا لابقي لابقي انتي نسيتي حاجة مهمةهما السبب في الازمة المالية الموجودة في امريكا وكلام في سرك جاتلي تقارير بتقول انهم قاعدين بيخرموا في الاوزن ولغاية ما بكتب الكلام دا نازلين فيه خرم

اسد الجيزة said...

تصدقي بالله انا متفق ع تلات تربع كلامك بس انا مترض علي تلا اشياء انك تخوني تيار كانل وتقولي عليهعميل واو تسفيه وتقولي علي سفهاء لا الي بيلتزم بالكتاب والسنة مش سفيه احنا اهتدينابهدي الله ثم بقناعتنا احنا لاحد ضغط علينا ولا سقونا حاجة اصفرا ولا السلفيين معاتيه تاني شئ عييلب جدا انك تقول علي كلام مشايخ كلام خرا او فكر مراحييض لانهم في النهاية شئنا ام ابينا اسمهم دعلة مبيتكلموش غير بقال الله وقال الرسول ماينفعش نقول الي بيقول قال وقال الرسول ان كلامه خرا وفيه مسئلة احنا مش عنصريين نحن نلتزم بمنهج الكتاب والسنة تعصبنا للكتاب والسنة مش لفصيل ولا لجنس البشري لاحنا بنقول ننا شعب الله المختار او الجنس الراقي وبردك من اولويات المسلمين دعوة اهل الكفر للاسلام ومن مترتبا ت تلك الدعوة انه يصطدم باهل الكفر ومن اهل لويات اهل السنة دعوة اهل البدعة الي الاعتصام بالكتاب والسنة نحن نصطدم بالبدعة سواء كان من يحمل تلك البدعة شيعي او جبري اوصوفي لانصطدم بفيصل معين اوفئة بشرية نحن نبحث عن البدعة وفي النهاية نحن دعاة هدي نقول اللهم اهدي ولا نقول اللهم العن او اللهم دمر علينا لكن داعي الحق بيفرض عليه الاصطدام باهل البدع دائما نحن لانريد التمذهب نحن نريد الاستمساك بالعروة الوثقي اما هم يردون التفرق بالدين شيعا واحزابا (ان الذين فرقوا دينهم وكانوا شيعا لست منهم في شئ)

مي said...

أنا عشت أغلب حياتي في السعودية... هذه هي طريقتهم .. أن يختصروا الدين في اللحية وتقصير الثوب وبس.
والمرض ده معدي والظاهر إن مصر اتعدت منه وخايفة إنه يوصل لمرحلة الوباء.
مرة في شيخ عراقي كبير في السن اسمه الكبيسي قال أنه ومن زمن بعيد كانت هناك كتيبات فاخرة ويتم توزيعها بالمجان وكل محتواها هو التدين الظاهري .
هذه الكتيبات تنشر بشكل دائم وقد عاصرها الشيخ في جميع مراحل حياته.
الخلاصة أن هناك جهة مجهولة لها أهداف مريبة لتحويل المسلم إلى منافق.

مي said...

على فكرة أنا مش مي أنا مريم بس مش عارفة أغير الاسم، بس أنا حبيت أنقل شهادة الشيخ الكبيسي.

Tamer said...

@ اسد الجيزة
عايزينني على التويتر فين و ازاي ؟


@ استاذة نوارة
طب البوست الأخراني ده حلو جدا لأن فيه توضيح مش ليا بس لكن لكل اللي معترض على كلامك و في نفس الوقت بيديني فرصة اوضح كلامي

ممكن نتفق يا فندم من الأول ان انا مجرد شخص , مش سلفي و ليا عليهم نفس المآخذ اللي ذكرتيها بالحرف , وان كنت مش عدوهم

بصي يا فندم
مبدئيا , كونك تتكلمي على حد بطريقة وحشة - سواء الحد ده اسماعيل هنية او ارييل شارون - تبقي كده بتعاديه , فسواء تقصدي او ما تقصديش , الكنيف و كل ما شابهه من كلام دي معاداة للسلفيين كلهم سواء تقصدي تعاديهم او لأ , و عايز افكرك ان الرفق لم يدخل في أمر الا زانه و لم يخل منه امر الا شانه , و في الآخر المشكلة في رأيي ان انا شايف ان منهم فئة تحت رجل الأمن و فئة مع نفسها بتتحرى الصواب فعلا - سواء شفناهم صح او خطأ - و بافرق بين دي و دي , و اللي تحت رجل الأمن دول بالنسبة لي ينطبق عليهم كلامك كله , و الفئة التانية بالنسبة لي تيار يسعى للصواب لكن بيخطأ زي ما اي حد بيخطأ , و حضرتك شايفاهم كلهم واحد , و ده في رأيي انا مش صح

قلتي في كلامك , انهم احرار في رأيهم , و بعدها بشوية طلبتي منهم يبطلوا مهاجمة التيار الفلاني و التيار الفلاني , ان كان قصدك انهم حرين في رأيهم الفقهي لكن ما يهاجموش حد , فالاتنين مش في كل الحالات هاينفعوا مع بعض لأن رأيهم في فلان انه غلط ببساطة هايقولوا انه غلط او مبتدع او او او , لو الفلان ده اعتبر ان دي شتيمة , فكده يبقى كلامك خلاصته انهم مش حرين في رأيهم , اللهم الا لو تقصدي انهم يقولوا رأيهم بس من غير شتيمة و اهانات , مش عارف دي اللي تقصديها ولا لأ , و منتظر من حضرتك التوضيح في النقطة دي

موضوع مسلمة غصب عنهم فدي انا ما اعرفش خلفيتها و مش عارف اتقالت امتى و تحت بند ايه , و كذلك موضوع الناس اللي بيمسكوا في بعض في كل حتة يدخلوها

بخصوص وقعة عمرو خالد , الموضوع ده انا حضرت مناقشة عادية بخصوصه قبل كده , انا شايف ان رأيهم في كون عمرو خالد أخطأ صحيح , و غضبهم صحيح , لكن طريقة رد الفعل على عمرو خالد هي اللي كانت خاطئة , و ان كنت عذرته لأن خطأه مش مقصود , و عذرت وجدي غنيم لأن غضبته لرسول الله , لكن ده لا يمنع انه أخطأ

موضوع بيكدبوا كتير ده انا ما اعرفش عنه حاجة لأني مش متابعهم اوي كده , بس يا ريت حد من متعقليهم يتكلم في النقطة دي عشان عايز افهم اكتر

يتبع

Tamer said...

المتصوفة اللي بيحصل لهم انتقاد في اجتهاداتهم الشرعية اللي طبقا للسلفيين فيها منها حاجات لا تجوز شرعا , و انا مقتنع بدي و بالتأكيد الاختراع في الدين ( القبور و الموالد الغريبة و ما شابه ) ده أذى في الدين

عمرو خالد مش بس السلفيين انتقدوه لبعض أخطاؤه الشرعية , لأ و العلمانيين كمان و وصفوه بالداعية المتربح و بهدلوه اخر بهدلة

طبعا الآخوان يا عيني مش عارفين هايلاقوها من العلمانيين اللي بيقولوا عليهم ظلاميين و رجعيين و بيطالبوا بحرقهم احياء ولا النظام اللي بيعدمهم احياء فعلا ولا السلفيين ولا مين بالظبط , حتى انا ليا عليهم شوية مآخذ
ههههههههههههههههه
ده طبعا مش معناه اني شايف انهم على خطأ , القاعدة صحيحة

البرادعي انا ما تابعتش , بس اكيد هما زيي و زي حضرتك مش مغرمين بيه , بالنسبة لي انا لأنه ليبرالي , و اظن بالنسبة لهم نفس الكلام , و اظن الاخوان كمان مش مغرمين بيه , الفرق الوحيد هنا في اسلوب التعبير عن ده , الاخوان عبروا عن ده بدبلوماسية , و السلفيين انا مش عارف عبروا ازاي بس متوقع :)))

الخلاصة ان كل تيار اكيد بيعترض على غيره في ال

في النهاية , حضرتك قلتي مطالبك منهم
انا مثلا كمان باطالب الملحدين بالتوقف عن انتقاد الشريعة الاسلامية و محاولة فتن الناس في دينهم , و باطالب العلمانيين بالتوقف عن محاولة اقصاء الشريعة الاسلامية من الحياة لأن ده مش من حقهم , و بعض الناس اللي بيحاولوا يخترعوا اجتهادات في الدين و يدعوا انها اصح من اللي اتفق عليه جمهور العلماء يبطلوا يعملوا العك ده في الدين , و منهم السلفيين طبعا في بعض النقط , و نفسي اللي اشتغل عالم سلطان و بيستسهل انه يحلل حاجة حرام , او يحرم حاجة حلال يتقي الله

لحظة واحدة , كل الكلام ده عام قبل ما اي حد يفتكرني بارمي عليه كلام

و نصيحة لوجه الله لأخت كبرى , مسألة ان كان لسانهم طويل فانا لساني اطول , دي مش حاجة حضرتك تتكلمي فيها وانا عارف انك بتقوليها بدافع الانفعال و الغضب , و هاقول لك حاجة عن تجربة , جربي تقولي الملحدين غلط (مش باقول لك اشتميهم حتى ) , لو بصيتي بدون احكام مسبقة , هاتلاقي اللي هايطلع منهم يبلطج و يشتم , و هاتلاقي اللي بيناقش بعقل , نفس الكلام بالنسبة للعلمانيين , و بالمناسبة نسب اللي بيغلطوا للي بيتكلموا بعقل بتفرق من تيار للتاني , ده عن تجارب كتييييييييييييييييير
:)))
و جربي تعيدي نفس التجربة بس بالشتيمة فيهم بقى , و اتفرجي , و برده عن تجارب كتير شفتها بعيني

انا على فكرة عايز اشكر حضرتك على المناقشة دي لأني حقيقي استفدت منها جدا
:)

عماد حرب said...

اسد الجيزة


الدعوة للاسلام لا تتطلب الاصطدام بالاديان الاخرى على الاطلاق
تدعو الى الله من يرغب في معرفته على الطريقة الاسلامية وتدافع عن نفسك وعن من تدعوه اذا بادرك معتدي بالعنف لارهابك او ارهابه
ومايفعله البعض للدعوة هو الارهاب بعينه

ارهاب نفسي
ارهاب اجتماعي
ارهاب عنفي
ارهاب مالي


واذا كانت الدعوة الى الله بهذه الطريقة مقبولة، فليبارك الله في امريكا على محاولتها تميريك العالم واعادة خلقه على صورتها بالقوة الجبرية

خذ عندك مثال رسائل انشرها ولك الاجر وامتنع وستصيبك مصيبة
ستجد انها انتقلت من امريكا الينا بتعديل في المضمون بدون المس في الارهاب النفسي الموجود فيها
في امريكا تقول الرسائل انشرها وستغنم مالاً وامتنع وسيصيبك الحظ السيء لسنوات
ومقاومة البدع لا تتطلب الاصطدام بالمذاهب الاخرى
لانك
انت مبتدع من وجهة نظرها
وهي على الحق
الحنفي لو اعتقد بالمذهب الحنبلي لما بقي حنفياً
وهكذا دواليك
وخذ عندك الخلاف في الاصول ووجهات النظر والرؤى في كافة مجالات الحياة
الامر لا يتطلب منك اسالة الدماء وترهيب الناس
لقمع البدع
يكفي ان تقدم لهم ماتعتقده صواباً كنموذج
وبالاحتكاك والمعاشرة
سيذوب الضعيف فقهياً وعقائدياً وبشكل ودي في جسد القوي عقائدياً وفقهياً
الدعوة الى الله لا تكون بشقشقة الالسن بل بالاستقامة التي تبهر الناس وتدفعهم لاحترام العقيدة والمذهب
الذي خلق استقامة هؤلاء
وخذ عندك
استعان بنا اليهود لتحريرهم من جور الكنيسة في القرون الوسطى
واغرونا بجمال وثراء الاندلس
فدخلناها بالقوة العسكرية
وخرجنا منها ومن غيرها بالقوة العسكرية
وفي مثال اندونيسيا التي تفوق الاندلس حجماً ومساحة وعدد سكان
دخلها عشرة تجار من المسلمين
وتمكنوا بفضل الله واستقامتهم من ضرب المثل
الذي حول هذه الامة الى الاسلام
وثبتها عليه برغم كل المحاولات الارهابية والترغيبية على مدى قرون
هؤلاء التجار العشرة المباركون
يطلق عليهم في اندونيسيا اسم الاولياء العشرة
ولو دخلتها السلفية
لتعبدت الى الله بتفجير القبور العشرة
وهذا هو منهجها في الدعوة عندما تصبح مقتدرة
ولعلك تابعت مساعي الشيخ القرضاوي مع طالبان
واصرارها على استفزاز ملياري بوذي في العالم
بتفجير تمثال مر قربه
من ادخل افغانستان في الاسلام
ولم يرى وجوب بذل الجهد في تدمير صنم مادي
تمكن من تدميره بشكل معنوي

يا اسد الجيزة
بعد كل المصائب التي مررنا بها بسببهم
حان الوقت لاعادة التفكير
وبهدوء وتجرد ونزاهة

Tamer said...

يا ريت كمان تقري خبر زي ده
http://www.soufia.org/vb/showthread.php?t=4882

هاتلاقي فيه اشارات لحاجات ذكرتها لك , و خدي بالك من التعليق اللي في آخر الخبر

مش في حالهم اوي , او على الأقل , فيهم اللي مش في حالهم

samehrocks said...

lama elle7ya fard, 7al2ty d2nek laih ya Nawara?