Saturday 3 April 2010

القبض على احمد مهنى


 تحديث 
تحديث: اخر اخبار جات لي ان فيه وقفة الساعة حداشر عند النائب العام بكرة ان شاء الله
مهنى في قسم الاميرية، والقسم بينكر وجوده، والشباب واقفين قدام القسم
-------------
انا عارفة الخبر من الصبح بس كنت طول النهار برة البيت وقلبت بخناقة في نهاية اليوم... المهم احمد مهنى مدير دار نشر دون
عشان اصدر كتاب: البرادعي وحلم الثورة الخضراء
هجموا عليه في الفجر، واخدوا جهازه وتقريبا جهاز باباه حاجة كده، المهم قلبوا لهم البيت، وبقينا مش عارفين هو فين لحد ما خالد علي ومركز هشام مبارك عرفوا انه في مديرية امن الدولة وهم متابعين واي تحديثات ح ابلغكوا بيها

7 comments:

كلاكيت تانى وتانى said...

نوارة الموعد اتغير بقى الساعه 11 قدام دار القضاء العالى
جمعى اكبر عدد واحنا بنجمع ربنا معاه يارب يفك اسره

Anonymous said...

النظام المصري يواجه مازق حقيقي ومنافس من الطراز الثقيل البرادعي د/ في علم الذره ومدير الوكالة الدولية للطاقة الذرية السابق.عنده خبرة حقيقية عن الازمات ..التقاء في اكثر زعماء ورئسساء العالم

..

حرية المعرفة والتعبير حق شرعي للكل وليست حكراً على أحد.

mostafa said...

علي الفكره البرادعي يا استاذ معرفته عن الذره زي حضرتك بالظبط دا رجل قانون
حبيت انبه اصلهم طالعين بنغمه جديده بتقول عالم ايش هيفهمه في سياسة البلد

Moataz Medhat said...

طيب محدش عنده نسخة من الكتاب ده؟
شكله كده يستاهل القراءة!

ما تدبريلنا نسخة إلكترونية يا نوارة؟

Unknown said...

ايوة يا مصطفى

ايه حكاية الناس كلها فاكراه عالم ذرة؟ ههههههههههههههههههههههههه

انا مت من الضحك لما حد من الكنيسة قال كده

ده ناس كتير فاكرينه عالم ذرة هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بـــــــــــــــــــــــــــــــــــــــــــــــوها said...

ربنا يفك اسره ...اضغطو يا شباب بأكبر قدر ممكن

مش هنفضل في المهزلة المخزية دي علي طول

اي حد يفتح بؤه يعتقل

بقت حاجة تقرف

Anonymous said...

عفوا اه هو دكتور وخبير في القانون الدولي ورجل صاحب علاقات دولية لا ينافسه فيها أي دبلوماسي مصري مهما ارتفع شأنه)