Thursday, 15 April 2010

حد يقول للبرادعي ما يسافرش

يسافر يعني ايه؟ احنا ما صدقنا سخنا والعجلة دارت
مسافر يعمل ايه؟ قال ايه مسافر عشان الجالية المصرية في امريكا
ومالها الجالية المصرية في مصر؟ احنا محتاجينه هنااااااا، ما ينفعش يمشي ويسيبنا وكل ما نسخن يختفي من الصورة ونرجع نتبط تاني
انا كل املي ان مدام العجلة دارت يبقى ما حدش يستناه موجود او مش موجود
بس انا عارفة ان ده احتمال وارد لكن مش اكيد... ده عامل زي اللي سايب مراته بتولد ورايح يقدم لابنه في المدرسة، مش يستنى يشوفها حتولد وللا حتموت في الولادة؟ مش يشوف حتولد واد وللا بت وللا قرد؟ مش يبقى جنبها؟ 
خلاص
عموما.. احنا نركز وما نهمدش ولا نتبط
ولو حد عرف يقنعه انه مش كل شوية يخلع مننا ويروح يريح اعصابه بعيد عننا يبقى كتر خيره والله
ده لحد دلوقت ما نزلش ولا اعتصام عمال واحد يا ناس

48 comments:

هراء لا داعى له ..... said...

بالعكس يبقى شيء كويس لو مرتبطش التحرك الحالى و حركة الغليان الموجودة بوجود أو عدم وجود البرادعى

إحنا مش عايزين نطلب منه يكون سوبر هيرو

لو مكانتش الرغبة فى التغيير نابعة منا إحنا نبقى إحنا أساسا منستاهلش التغيير


لازم الأغلبية تبقى عايزة التغيير و حتى لو جبنت عن التعبير عن ذلك بس على الأقل يبقى العامة فى الشوارع و البيوت عارفين أهمية التغيير و بيتمنوه بقلبهم حتى و هذا أضعف الإيمان
و يسيبوا الشباب بقى يتظاهروا و يتسحلوا و ينضربوا كجزء من قدرهم بكونهم شباب فى دولة متحللة ...بس على الأقل ننضرب و نتسجن و إحنا عارفين إن إللى قاعدين فى البيوت أغلبية تريد التغيير بس مكسوفين يقولوا ووشهم بيحمر

لكن لو ربطنا التغيير بشخص البرادعى أو غيره .....سواء بشكل عملى أو حتى لو وصل لذهن العامة إن التغيير هيبقى مرتبط بوجود البرادعى و إن بدونه مفيش حركة

دا يبقى شيء مش كويس


طيب إفرضوا تم إغتياله ــ قضاء و قدر طبعا ــ ...ولا بلاش إفرضوا تم تقييده ، و لا بلاش إفرضوا مات لإنتهاء أجله الطبيعى

هنصنع برضه حد تانى نلتف حواليه

لأ

لازم يكون كل واحد فينا قوة مغيرة فردية ....بتتلاقى جهودنا بشكل جماعى لصنع كينونة كبيييييرة متراصة و متجانسة مفيهاش راس و مفيهاش رجلين .....هى عبارة عن حيطة كبيرة سد ...هتسد قدامهم عين الشمس و يجوا يوجهوا ضرباتهم ليها ميعرفوش يضربوا فين ولا فين لإن كله عبارة عن نسيج واحد غير متمايز الأجزاء

إنما الكيانات ذات الرؤوس سهل ضرب أعناقها و ذات الأرجل سهل تقطيع أرجلها



فوجه نظرى الشخصة هى إن البرادعى يكون جزء من النسيج و ليس رأسه ....لإن لو حطينا راس و إنضربت أو إتصدمنا فيها ....هتفكك كل الخيوط
و هنقعد سنين تانية علشان نجمعها

و الراجل المحترم إللى كان فى غنى عن وجع الدماغ إللى جابه لنفسه بنفسه ....كان بيقول بما معناه إنه عايز يبقى أداة تغيير و إنه واحد بينضم لصفوف المحترمين الراغبين فى التغيير

wahat_alshohada said...

برادعى ايه بقى ما بانت الفولة
دة الراجل على كدة لو يعنى
لو
بقى رئيس بعد الشر
كل شهر هيروح يقضى 3 اسابيع برة

http://www.aljazeera.net/NR/exeres/66F566B0-62E1-492D-AB70-0558E464E64E.htm

mido said...

واحة الشهدا

البرادعى : اذا قفلنا الانفاق فلنفتح المعابر

http://www.youtube.com/watch?v=W3r6JqXH_es

الجزيرة مغرضة فى صياغة العنوان قارنى

بين صياغة الجزيرة للنفى و صياغة الشروق

1-
http://bit.ly/cuug6r

2-
http://bit.ly/d6h2tE

المهدى said...

مش انت كتبتى فى الدستور أنك فى إنتظار أن يحدد البرادعى موقفه من التدخل الأمريكى .... أهو رد عليكى .. بس خلاص
البرادعى مرشح أمريكا وجماعات المصالح المحلية والدولية بعد ما باعوا الواد وأبوه والكلام ده قلتهولك من شهر أكتوبر اللى فات

اللى طلع البغل النخلة هوة اللى يعرف ينزله
شوفى مين اللى طلع البغل الحالى وأنت تعرفى مين اللى حينزله
بلاش مين اللى مانع التوريث فعليا طوال 8 سنوات

مواطن مصري said...

واحة قول ان انت حزب وطني مستخبي احسن


البرادعي رايح المحلة مش

«البرادعى» يلتقى وفداً من العمال.. ويؤكد: سأزور المحلة قريباً وأدعو الأحزاب لمقاطعة الانتخابات


أبدى الدكتور محمد البرادعى استعداده لزيارة مدينة المحلة، ضمن جولاته الميدانية لدعوة المواطنين إلى دعم مطالب التغيير. وقال خلال اللقاء، الذى جمعه أمس مع بعض القيادات العمالية من المحلة والسويس وطنطا وشبين الكوم ونشطاء مهتمين بحقوق العمال، إنه يدعو الأحزاب السياسية إلى مقاطعة الانتخابات.

وطلب العمال من البرادعى زيارة مدينتى المحلة والسويس،

http://www.almasry-alyoum.com/article2.aspx?ArticleID=251169

مواطن مصري said...

يا ريت تصحيي الخبر عشان عبالله كاملب مياخدش من كلامنا

جبهة التهييس الشعبية said...

هي حزب وطني ليه؟
عشان مش عاجبها البرادعي تبقى حزب وطني؟

انا مش قلت حالة الهلاهوطة دي مقرفة فعلا

سلفية بردعاوية دي وللا ايه؟

جبهة التهييس الشعبية said...

وبعدين يا مواطن هو ما نفاش انه مسافر يوم ستاشر

حد يقول له ما يروحش يوم ستاشر في اي حتة لازم يقعد هنا بقى هو كل شوية يعط لنا في حتة؟

مواطن مصري said...

المهدي قول عندك مين غير البرادعي احنا عاوزين نتحد مش نشتت بعد

قول انت مع التغير ولا مش مع التغير خليك صريح

mido said...

المهدى

الجزيرة كاتبة عنوان وسخ و مغرض

الراجل مقلش كده


على عكس عنوان الشروق

و ياريت تشوف الفيديو و بلاش نظام التصيد ده

مواطن مصري said...

الجمعية الوطنية للتغيير_chunk_1.wmv


http://www.youtube.com/watch?v=2ZuW0hrcVYQ

اتفرجي على دة و النبي

المنافقين الجدد

مواطن مصري said...

الجمعية الوطنية للتغيير_chunk_1.wmv


http://www.youtube.com/watch?v=2ZuW0hrcVYQ

اتفرجي على دة و النبي

المنافقين الجدد

مواطن مصري said...

http://www.youtube.com/watch?v=UeMNtufwmeY

البرادعى وحملة التعديلات الدستوريه فى الميزان 2/3


هههههه

جبهة التهييس الشعبية said...

يا مواطن
بطل تعمل الارهاب الفكري اللي بتعمله للناس اللي بتعلق عندي ده

انت محقق: قول قول قول

هو يقول اللي هو عايزه زي ما انت تقول اللي انت عايزه من غير ما تتهم الناس هو حد كان اتهمك انك بتشتغل مع اسرائيل لما كنت بتشتم حماس؟

SpoiledEgy said...

First comment, I totally agree with you and to you Nawara and the other comments, with all due respect, I think it is important that he travels the World telling our story. He's invited to speak at Harvard and Tuft, i.e. his words will be heard not only by students but also by academics and distinguished American figures. He is also planning to meet American Egyptians and Egyptians in the US, those Egyptians might be very well the ones able to put more pressure and draw more international attention to the cause, since Egyptian expats in Arab Countries have been affected by the Kuwait incident. Each category needs to know the reality of what is happening and while we all agree that change must come from within I think to be realistic we need outside support or at least pressure on the US not to meddle.

مش فاهمه said...

أقسم بالله كنت لسه داخله اقول الكلمتين دول يعنى ايه يسافر فى ذات نفس اليوم اللى مبارك راجع يمارس مهامه الرئاسيه شئ غريب فعلا و مقلق هما متفقين ولا ايه

محمد نجم said...

نوارة ::
هو بس سؤال واحد غريب
البرادعي عندة كام سنة؟
يعني سبعيناتي
انا عاذرة لو مش حيقدر يقف في المظاهرات

المهدى said...

يا جماعة التغيير قادم شاء البرادعى أم أبى ..شاء النظام أم أبى .. شئنا نحن أم أبينا ولكن ياريت نفتح عيونا و نفوق ونراجع مقالات نوارة نجم فى الدستور ( من أول الفستان فى الدراى كلين )والتى رصدت بحساسية شديدة مخاوفها من البرادعى وأنصاره و أعداءه على السواء راجعوا تحركات الرجل وحواراته بحيادية وبعيدا عن أحلام التغيير الآتى لا محالة ليس لأن البرادعى والقوى اللامؤاخذة وطنية تريده ولكن لأن دورة الجمود إكتملت ولم يعد ممكنا المراهنة على رئيس فى الرابعة والثمانين لا نعلم حقيقة حالته الصحية و هو ما يعنى ترك بلد فى حجم مصر التى لو تعلمون عظيم فريسة للزهايمر وأمراض الخرف على أقل تقدير كما لم يعد ممكنا الرهان على الإبن معدوم الشرعية والقبول والكفاءة وترك مصر فريسة لإنقلاب عسكرى أو فوضى شعبية لحد هنا دى وجهة نظر كل من له مصلحة فى مصر عدو أم حبيب وطنى أم خائن كل العالم مجمع على ده ما عدا السلفى والصهيونى وهنا ظهر البرادعى وهنا خطر البرادعى وهنا حلم البرادعى منطقة رمادية تتجمع فيها لأول مرة أحلام الوطنيين وأطماع العملاء وسنة الله فى خلقه

ابراهيم said...

انا رأيي ان الرجل منذ عودته الى مصر لم يقدم أي مبادرة تستاهل ان الواحد يتكلم عنها .. واعتقد ان الرجل يريد ان يصبح رئيسا على اكتاف الغلابة .. ولسان حاله يقول للشعب اذهب وقاتل وحدك وبعد ما تنتهي العركة وتصير الطريق امامي سالكة انا حاصير رئيس عليكم

المهدى said...

أعيد عليكم ما طرحته فى أكتوبر الماضى ولم يكن وقتها أكثر من خيالات تعتمد على توقعات وليس على حقائق ومعلومات ففى الإسبوع الأخير من شهر أكتوبر 2009 شاهدنا جميعا حراك مريب يتحدث فيه الجميع عن مقعد الرئاسة و أهم مافيه الآتى
1- البرادعى ( الموظف الدولى وقتها ) يفكر فى الترشح للرئاسة
2- عمرو موسى ( من داخل المؤسسة ) يلمح هو الأخر لإحتمال ترشحه للرئاسة
3- رؤية كاملة لهيكل ( الصحفى الذى لا يتحرك إلا فى وجود خبر حقيقى ) يطرح فيها تكوين مجلس للرئاسة يعدل الدستور بإشراف الرئيس والجيش ويكون بمثابة مرحلة إنتقالية تملأ الحمام بالمياه قبل السباق نحو مقعد الرئاسة الذى سيخلوا حتما بعد العامين ووزارة تسير أعمال تجمع المسلم والمسيحى خلال الفترة الإنتقالية ( دولة كاملة ) تتشكل والأخطر أن صاحب الطرح ليس فاروق جويدة الشاعر الحالم ولكن هيكل المعجون بمؤامرات نقل السلطة
4- رسالة رجال الأعمال وأصحاب المصالح الدولية والمحلية التى حملها عماد أديب القريب لبيت الرئيس لتعديل المواد 76 77 وأختيار رئيس له شرعية يفوز فى إنتخابات نزيهة ولو بفارق 2 % عن أقرب منافسيه ( مش يمكن البرادعى ) ولم ينسى الوغد تدبير مخرج آمن للرئيس
5- يبدو أن الجميع كان يعرف أن النهاية قادمة ويحاول إيجاد البديل
التفسير : إختفى شبح التوريث إلى الأبد والقادم هو صراع بين مجموعة المصالح التى سيكون لها مرشحها وهدفها تعديل الدستور فورا وإستغلال أحلام التغيير لشراء دولة بشكل شرعى لا يمنح العسكريين فرصة الإعتراض وإلا سيكون عمل غير شرعى يناقض الإرادة الشعبية ( يعنى عايزيين يلبسونا العمة ) ومجموعة العسكريين وهى التى حمت مصر من خطر توريث السلطة ومنعته طوال 8 سنوات ماضية وهدفها مرحلة إنتقالية يتم فيها بناء دولة أوشكت على السقوط دون اللجؤ لعمل عنيف يحدث استنكار دولى وزلزال إقتصادى
و السؤال أين نحن من كل هذا

مواطن مصري said...

انقلاب دول منابع النيل فى «شرم الشيخ» يهدد بحرمان «مصر والسودان»من حصة المياه التاريخية
بعد مفاوضات ماراثونية استمرت نحو ٢٠ ساعة، فشل اجتماع شرم الشيخ أمس، الذى ضم مصر والسودان مع دول حوض النيل، فى التوقيع على الاتفاقية الإطارية للتعاون فيما بينها. وبينما أعلنت دول المنابع السبع عن نيتها توقيع اتفاقية منفردة عن دولتى المصب، والتأكيد على أن جولة شرم الشيخ هى نهاية جولات التفاوض المشتركة بين دول الحوض، خرجت التصريحات المصرية دبلوماسية وهادئة، وركزت على أن ما حدث فى شرم الشيخ ليس «نهاية المطاف».

http://www.almasry-alyoum.com/article2.aspx?ArticleID=251287#

قعدنا نقول افريقيا مهمة قعدنا نقول نعمل الوحدة الافريقية و الناس تتريق علينا

قعدنا نقول نركز مجهودنا في افريقيا

اهي اسرائيل لعب في دماغ دول حوض النيل

و هتمنع علينا حصة المياة

حرب المياة قادمة قادمة

احنا لازم نهددهم بضربة جوية

Eldebug said...

" من ناحية أخرى، قررت مجموعة من شباب «الحملة المستقلة لدعم وترشيح البرادعى» الانسحاب منها، اعتراضاً على تعسف عبدالرحمن يوسف، مقرر الحملة، ضد الشباب المشارك فيها، وأكدوا أنه يستأثر بإدارة الحملة، وقال أحد الشباب ـ طلب عدم نشر اسمه: «عبدالرحمن يوسف وضع حاجزاً بين الشباب والدكتور البرادعى، وأصبح هو المحتكر لشخص الرجل والمتحدث باسمه وباسم الشباب». "

ايه القرف ده .. ياريت ناخد بالنا من المواضيع الصغيرة دى .. ومش بالساهل كده الشباب ياخدوا بعضهم ويروحوا .. انتوا مش بعد ما تطلعوا بيه السما ييجى شوية من عواجيز الدار يعملولنا حاشية تانى .. احنا عاوزين تغيير للنظام اللى البلد ماشية بيه .. مش تغيير للناس المستفيدة من السلطة .. لازم نبص لبعد بكره .. ده على امل ان بكره هييجى يعنى

طنطـــا واى said...

ابوس ايدك ارحمينا وخليكى انت العاقلة وسيبك من البرادعى وافلامة

المصريين همة اللى بيعملوا
المصريين همة اللى بيطلع ميتين ابوهم
المصريين همة اللى على النت
المصريين همة اللى فى 6 ابريل وفى 6 اكتوبر
المصريين همة اللى بيدوروا على التغيير
المصريين همة اللى فى دار القضاء والصحفيين والمحاميين
المصريين همة اللى بينضربوا بالجزم
المصريين همة اللى فى الاقسام والمعتقلات



حرام عليكو بقى ؟؟ ملعون ابو ام اليوم الاسود اللى نط علينا فية واحد بارد ضعيف متعجرف زى البرادعى دة وعشان المثقفين عاملينة خيال ماتة مصدق نفسة انة نبى هذا الزمان

اقسم براس ابو امى ان البرادعى دة هوة اكبر عملية نصب يتعرض لها الشعب المصرى منذ عصر الفراعنة حتى الان سواء من امريكا او من اسرائيل او من مبارك ورجالتة نفسهم

هراء لا داعى له ..... said...

بلاش نمارس الداء المصرى ــ عربى الأصل ــ المعتداد


تشتيت الصفوف الداخلية و التشكيك فى نوايا الأخرين و الحمية الجاهلية بين النزارية و اليمنية و العدنانيةو القحطانيةو السنة و الشيعة و المسلمين و المسيحين بينما الأعداء على الباب

ياريت نطرد الأعداء من على باب الحصن و نفك الحصار إللى حوالينا بعد كدا فلنتفرغ بكل سعادة و حبور لتعليق المشانق لنفسنا و لنصنع الإنقسامات الداخلية وقتها بدماغ رايقة و بمزاج



المفروض دلوقتى تبقى أولوياتنا أن ننقسم شقين و كل منا فى جانب

الراغبون فى التغيير يجوا يمين يا حماعة
و الراغبون فى الإستمرار يجوا شمال يا جماعة

دول معسكر و دول معسكر

هناك فقط جهتان متضادتان هم هاتان الجهتان

وبلاش بقى إنقسامات داخل المعسكر من قبيل دا ضربنى بالمسطرة و دا خد منى المصاصة

نتحمل بعض و نترفع عن الصغائر

**********



بالنسبة لسفر البرادعى ....ما هو هيرجع تانى

و لو مرجعش تانى

عادى خلاص مش عنعيط ولا هنتيتم

إحنا إللى يهمنا التغيير

إحنا إللى مطحونين من الوضع الحالى

المفروض يبقى التغيير و الإصلاح أولوية فى حياتنا أكتر منه

و الله الراجل قرر إنه يكمل فى الطريق المزروع شوك إللى إختاره لنفسه ــ رغم إنه كان فى غنى عنه ــ ...ماشى كان بها و أهو واحد مهم معانا

فلنفترض جدلا جدلا يعنى إنه راجع نفسه كدا فى يوم من الأيام ساعة العصارى و إكتشف إنه مش عايز يقضى باقى سنين حياته فى وجع قلب ممكن يقلب عليه بنتايج مش كويسة و قرر إنه ميكملش

و دا جدلا بس على فكرة


هنعيط ساعتها ؟
هنقعد فى بيوتنا نتفرج على ميلودى تتحدى العقل ؟



عادى يعنى المفروض العجلة لما تدور متقفش

طنطـــا واى said...

نفسى ربنا يطول عمرى لحد بداية عام 2011

واموت بعدها عشان اشوف الدين الجديد بتاع نوارتنا منتشر بين ال80 مليون مصرى

الدين الجديد اللى اسمة ( الهلاهوطة ) وحيتقسم مذاهب وشيع

هلاهوطة البرادعى
وهلاهوطة عمرو موسى
وهلاهوطة عمر سليمان
دة طبعا غير

هلاهوطة مبارك
وهلاهوطة ايمن نور

وقريبا

هلاهوطة تامر حسنى
وهلاهوطة ابو تريكة


اللهم اكرمنا واجعلنا من الهلاهوطيين

عشان نرتاح ونريح دماغنا

طنطـــا واى said...

المهدى كلامك محترم وواعى وفاهم

لكن مواطن مصرى اصبح من الهلاهوطيين الجدد


يا عم ارحمنا بقى وطنى اية وخاين اية وعميل اية
نوارة لطمت فى الدستور على التخريف دة


الحكاية كلنا طلعان دين ابونا

بس فية ناس /انتخة ومستنية اى خيال ماتة زى محمد نجيب او محمد البرادعى يغير لهم الكون


وفية ناس تانية عايزة تحسبها وتعقلها ؟؟
مش اى خروف يتعمل لة جروب على الفيس بوك من ولاد خالة يبقى هو الزعيم والمهدى المنتظر

دة حتى البرادعى دة لو نبى أحنا بحالة الهلاهوطة دى حنفسد الراجل ونبوظ لة مخة

mido said...

ابراهيم

البرادعى مقلش انه عايز يبقى رئيس اصلا

ركزوا يا جماعة و راجعوا التصريحات

حسن على said...

يا محمد يا برادعى ماتسافرش برة كتير,...ادينى قلت لة اهوة وعلى اللة ما يسمعش الكلام!!!بس خلاص

طنطـــا واى said...

يا نهار ابسود ومليان مخبرين ؟؟

حتى الراجل المتعلم المتنور بتاع بلاد برة اللى عامل التعليق انجليزى بيقول :

he travels the World telling our story.


يا سنة كلها هلاهوطة

دة حيعملوا البرادعى سعد زغلول ومصطفى كامل ؟؟

يا عم المثقف زمان مكانش فية نت ولا تلافون ولا فيس بؤ
عشان كدة كانوا
travels the World telling our story.
يا ناس الراجل رايح ياخد ايجار الميكروباس بتاعة اللى فى امريكا عشان هوة سايب مصالحة هناك متعطلة ؟؟ متكبروش الموضزع وتعملوا لة وتعملوا لنفسكم منظر بدون داع ؟؟؟

انا بقول يمكن بغير المادة 230 من الدستور ويخلى اللغة الرسمية هى الانجليزية عشان يعرف يفهم هوة واصحابة اللى واضح انهم بيتكلموا فى حاجة احنا مش فاهمينها ؟؟

هندسة وصفية said...

مصر جالها نزيف

طنطـــا واى said...

يا هندسة وصفية مصر عاقر ومبتخلفش عشان يجيلها نزيف ؟؟
يمكن يكون من كتر الضرب

مش فاهمه said...

استاذ المهدى نسيت كمان موضوع الخروج الأمن
عايزه اذكر ان كل حدث مصيرى لازم له من قائد و الا الموضوع يبقى فوضى و بصراحه ايمن نور ما يملاش عين اى عيل صغير و البرادعى اهو رتمه بطئ و مش حاسس باللى ايده فى النار و حمدين صباحى مش مالى مركزه قوى عايزين قائد يا جماعه والا الفوضى قادمه

ola said...

في 2011 جمال مبارك سينزل الإنتخابات و سيفوز
أعتقد جميعنا بداخله يدرك هذه الحقيقة المرة
أنا من الناس اللي نزلت مظاهرة 6 إبريل و كانت أول مرة في حياتي أشارك في مظاهرة
رغم إني عارفة الحقيقة المرة السابقة
بس برادعي غيره يروح ييجي مش دي بقت القضية
القضية دلوقت إننا نصحي البلد النايمة دي
دلوقت البداية
إمتى النتائج بقى
لا لأظن أن جيلنا سيراها
بس على الأقل الأجيال الجاية تلاقي حاجة تترحم بيها علينا

SpoiledEgy said...

@Tantawi: why is it that some Egyptians think that writing in English must make that person any less of an Egyptian?! Do I have to make a disclaimer every time I post a comment that the only reason I write in English is bec my operating system does not support Arabic and unlike what you and others who instead of discussing ideas resort to personal attacks think, I speak and write Arabic fluently and Im proud of my mother language?!!!

If you want to live in your conspiracy theories so be it but the truth is that the media in the US and the West does not really reflect true images of what is really happening in our part of the World, sometimes they do but in general their coverage tends to be superficial, especially in the US. Be sure, and ask around if you want that the majority of Americans receive very limited news about our part of the World. So, why is so bad to have a respected person speak up and explain and defend what we want? why is it so bad when the one person who stood up wants to meet with Egyptian Americans and rally them up to join the rest of Egyptians in this cause?!!

Any one who thinks El Baraide is friends with the US is with all due respect ignorant about so many facts regarding the type of relationship the man shares with the US. Im not defending the man, I do not even see him as a saviour, change must come bec a good % of Egyptians decided it is about time, regardless of whether El Baradie is around or not but Im shocked at how some just go around twisting info and ignoring facts to fit their own theories.

Believe it or not, we do not live a lone and Egypt is very crucial for the West so, it is important to also promote what we want among intellectuals in the West bec they could put pressure on their governments to at least not support one side over the other. I see this as very important especially since there is a growing anger in the West (at least among non-politicians) towards Israel and Israel is the one who stands to benefit from the continuation of current policies in Egypt.

So, since you do not even believe El Baradie is faithful to the ppl, why are you even bothered with his visit to the US? and since you seem to know facts we all do not know, what other ideas and options to bring change do you have? Im not mocking you btw Im really interested to know what others who have the same mind set have to offer as far as ideas are concerned.

طنطـــا واى said...

مش فاهمة واضح انها الوحيدة اللى فاهمة ودماغها ودتها لاخر الطريق ؟؟

هة دى اللى ماما امريكا حالة الفوضى الخلاقة

مي ثابت said...

أتفق تماماً مع وجهة نظر طنطاوى و المهدى و واحة الشهداء

و عبارة طنطاوى الأخيرة لخصت كتير
----------------
اقسم ان البرادعى دة هوة اكبر عملية نصب يتعرض لها الشعب المصرى منذ عصر الفراعنة حتى الان سواء من امريكا او من اسرائيل او من مبارك ورجالتة نفسهم
-----------------
و إن كان لى تحفظ واحد فهو على ما ذكره المهدى من إن المؤسسة العسكرية هى اللى منعت التوريث أو أوقفت عجلته

فالمؤسسة المذكورة للأسف أصابها ما أصاب الوطن من ضعف و وهن و إفساد مُتعمَد

ola said...

إنتوا بتتكلموا عن عملية نصب و كأن الشعب المصري في حسابات مؤسسة الرئاسة المصرية أو الأمريكية
للأسف إنتوا بتعطونا أهمية أكبر بكثير مما نساويها في نظرهم
و ما سيحدث هو التوريث و ستباركه أمريكاو الجيش
و الشعب أصلا 90% منه مغيب إن لم تكن النسبة أكثر من هذا
سيبكوا من المدونين و المعلقين على مواقع النت
أنا بتكلم من اللي شايفاه حولي
وكل واحد كدة في مكان شغله و بين جيرانه يبص و يقولي شعب مين ده اللي يتعمل حسابه
دا حتى اللي عاملين نفسهم مثقفين في البلد اتضح هوسهم بنظرية المؤامرة
وأنا لست ضدها بالمناسبة
المشكلة إننا حتى مانساهلش في نظرهم اللفة دي
جمال مبارك سيفرض و الشعب المصري سيرضخ و سترون
البرادعي ليس عملية نصب ولا يريد الرئاسة على أكتاف الغلابة كما أظن
ولكن يعيبه إنه شايل إيده بزيادة
واقف على البر لسة
ومنقدرش نلومه
لأنه أصلا مش مرشح رئاسة
الراجل بيتكلم زيه زينا
و بردو مش بيحب يتبهدل في مظاهرات زينا
وهو مش لازم ينزل المظاهرات ولا يتضرب علشان يثبت حسن نيته لشعب شكاك
الراجل قال أنا فكرة
ماشي
إيه المشكلة بقى؟!! نعدل الدستور و نضمن نزاهة الإنتخابات و بعدين اتخانقوا
علشان خاطر النبي ركزوا في التعديلات الدستورية و بعدين اتعنطزوا

طنطـــا واى said...

اجمل تعليق سمعتة من صديق : " ان الراجل رايح يخلص احراءات المعاش بتاعة " ؟؟؟

المهدى said...

متشكرين يا طنطاوى ... ده من ذوقك
ومتشكرين ياللى عاملة مش فاهمة بس راجعى تعليقى أنا ذكرت نقطة الخروج الآمن ويمكن دى أكبر دليل على وجود سيناريو مدبر بليل
ومتشكرين يا مى وإن كان المؤسسة العسكرية مش هى اللى مانعة التوريث قوليلى بالله عليكى مين اللى مانعه أنا وإنت والا الأحزاب والا أمريكا والا رجال الأعمال والا يمكن مبارك بيكره الواد من يوم ماشافه
نراجع كلنا كيف أصبح مبارك رئيسا للجمهورية ( ده رغم شرعيته كنائب للرئيس ) السيد فؤاد محى الدين يذهب إلى المشير أبو غزالة ويستطلع رأيه ويحصل على موافقته ثم يبدأ العرض المسرحى بدعوة الجماهير إلى إستفتاء صورى لا يقدم ولا يؤخر وفقا لنصوص الدستور المرة دى عملوا كل ما يستطيعون من تخريب وهلهلة فى الدستور البالى لجعل الننوس مرشح أوحد ثم أمتنعوا عن تقديمه خطوة طوال ثمانى سنوات ( إن شالله حتى محافظ أو قتاتة ) وبعديناالجيش دائما كتلة مصمتة لا يعرف أحد ما بداخلها ولا معادلات القوى فيها مثلا كل مصر قبل 52 كانت تعرف حيدر باشا ولكن شعبية محمد نجيب لم تظهر إلا مع إنتخابات نادى الظباط وقوة وتأثير رشاد مهنا لم يعرفها ويخشاها إلا الظباط الأحرار
أخيرا بيه من غيره التغيير قادم الكارثة فى رأى أو العمة اللى حيلبسهالنا البرادعى هى أن يخير القومى والإسلامى واليسارى( ودول الأغلبية فكريا ) بين جمال مبارك أو أى مرشح عن الحزب الوطنى فى حالة هروب الوريث وبين البرادعى فيلبسوا عمة البرادعى بمزاجهم

مش فاهمه said...

مش موافقه اننا مش مهمين احنا مهمين قوى و الدليل لما اتقبض على المصريين بالكويت لو المصريين استعادوا دورهم من تانى دور القياده العالم العربى كله حا تتغير خريطته اللى اتعمل فينا بفعل فاعل من بدايات القرن الماضى مقصود و اللى بيتعمل فينا دلوقتى مقصود تغييب المصريين بدعاوى السلفيه و ابعادهم عن الوسطيه دليل اننا مهمين افساد التعليم بالعنيه و بالمؤتمرات دليل اننا مهمين و حانبقى قوة لو اتعلمنا كويس و انتجنا و عملنا حاجه مهمه ماتنسوش التتار و الصليبيين لم يهزموا فى العالم كله الا بالجنود المصريين صدقونى احنا مهمين و لو ماكاناش مهمين ماكانش اللى بيحصل لنا ده كله

المهدى said...

أما نوارة العزيزة وكلامها عن أنه على أسوأ الظروف زى ما حنجيبه حنعرف نغيره وده عين العقل لكن أعتقد أن هذا المنطق سينطبق على الجميع بعد تجربة مبارك وداعا للرئيس المزمن بلدنا وتاريخنا بيقولوا كدة دائما ما نخرج بدرس واحد يمثل عقدة لا يمكن تجاوزها
مثلا
1- تهافت أحزاب ما قبل ثورة يوليو وفسادها وخدماتها المباشرة والغير مباشرة للمستعمر والقصر هم أسباب إلغاء الأحزاب وليس تسلط جمال عبد الناصر حيث إتفق من قبله على ذلك اليمين واليسار الإخوان والشيوعيين وظهرت أفكار المستبد العادل والشرعية الدستورية ليس من داخل مجموعة الظباط ولكن من خارجهم ( سيد قطب وطه حسين والسنهورى ) الأمر الذىكان يستحيل فى ظله إيجادمناخ صالح للتعددية
2-بعد النكسة ووفاة الزعيم ظهرت عقدة من نوع جديد هى رفض الحزب الواحد والرأى الواحد وكانت شرعية الأبعد هو التعددية الشكلية التى نعيشها إلى الأن
3- بعد ما ربنا خده كانت العقدة هى التغيرات العنيفة التى أحدثها والصدامات المدوية التى لجأ إليها وأفقدت الوطن والشعب إتزانه فركننا إلى التهدئة وإلتقاط الأنفاس والتصالح مع النفس والآخر مفيش خائن مفيش عميل مفيش معارض حقيقى ومفيش فايدة إحنا فى ثلاجة الركود حيث القبح نفسه وجهة نظر
4- العقدة الأن هى ذات الركود هى الرئيس المزمن ولن يستطيع أحد أن يحكم مصر إلا بعد تغيير المادة 77 حتى لو كان نيرون ... مش البرادعى

شمس العصارى said...

ليه كل الى بيتكلم مش بيبص للواقع وحقايقه
قبل ما اتكلم و اقول رايى احب اقول انى اصف الواقع و كلامى ليس من منظور اسود ولا انى بيأس الناس فى آمالهم ولا مش عاوز تغيير ... بالعكس
قلنا قبل كده و حذرنا بلاش نرفع سقف الطموحات لاعلاه علشان منفقدش الامل بسرعة و الناس تحس باحاسيس تخليها تقول التعليقات دى
يا سادة التغيير فى حياة الامم عمره طويل و يحتاج لعقود و ليس بضعة شهور و كلام اعلامى هو من سيغير .... علينا ان ننظر الى الواقع و نغوص فى ثناياه
اولا : لا تعديلات دستورية حتى 2011
http://shamsal3sary.blogspot.com/2010/03/blog-post.html
ثانيا : النخبة اثببت فشلها الزريع فى التوافق و التوحد ولا يعول عليها اطلاقا
رابعا : نحن نعانى فعلا ازمة بديل فلا يوجد على الساحة من يستطيع ان يشغل الكرسى الرئاسى منفردا لكن الحل موجود فى لجنة من 5 او 6 افراد – توافقية – تدير البلد و تضع دستور جديد فى صالح المصريين ثم تجرى انتخابات حرة .
خامسا: البرادعى مش مرشح فى انتخابات 2011 و على راى اسمها ايه دى – مش فاكر – مرشح مش مترشح
وفيما يخص البرادعى :
حسنا فعل الرجل بتاسيس تيار مستقل و يقبل كل من ينضم اليه ورفضه الانضمام للاحزاب و الترشح باسم احدها .
الرجل لم يلاقى دعم من النخبة – اللهم الا بعض المثقفين المستقلين فكريا – فالاحزاب سرعان ما تنكروا له .
الرجل يعلم – و كما قلنا – ان الرئيس القادم لابد ان يكون معتمدا اسرائيليا و ا مريكيا لذا – اعتقد – انه يريد ان يخاطبهم ويحثهم على تاييده فالقبول الدولى شئ و الموافقة على الرئيس شئ اخر – رغم رفضى لادارته للعملية من الخارج - ...
ثم اكيد الرجل بتجيله رسائل تحذيرية من النظام
و اعتقد و ازعم انه لو نزل البرادعى الى الشارع لعجل بمواجهة النظام – الباطش – وفى نزوله تسارع للعنف المنظم و الغاشم للنظام و حينها لا هو ولا غيره سيتحمل
و اعتقد ايضا انه ينوى الانتظار الى انتخابات 2017 – ليست مزحة - ...
وبعدين انتوا ليه سبتوا البحيرة و مسكتوا فى الحجر
البرادعى حجر احدث حراكا فى البحيرة فعلينا الاهتمام اكثر بالبحيرة
ليه كل الناس بتقول على الشعب ناس نايمة لالالالالالالالالالالالا ابدا ملايين صاحيين و عارفين بس خايفين – و لهم الحق – من بطش القوة .. شرطة و جيش
المفروض يا جماعة ان اى خطوة و اى حدث نعتبره خطوة على الطريق
و نقنع انفسنا بان الطريق طويل و يحتاج الى مزيد من التضحيات وحسبنا نحن ان نقف خلف دعاة الاصلاح الحقيقيين و ندفعهم للامام
ـــــــــــــــــــــــــــــــــــــــــــــــــــــــــــــــــــــــــ
على الهامش :
احنا ليه بنروح بعيد
هو مين الاكثر تنظيما و الاكثر تشابكا مع الناس و الاكثر تواجدا فى النقابات و الجامعات و تواجد قوى فى مجلس الشعب
والاكثر تحملا و الاكثر بذلا فى سبيل تخليص مصر
والاكثر فاعلية
والاكثر عددا
كل ده انتوا عاوزين تانى ايه
على فكرة الى حيجاوب ليه جايزة – حينزل بوست باسمه منفردا – هههههههه
ولو جاوبتوا كلكم يبقى اسمائكم كلها حتنزل
نلتقى مجتمعين بالبرادعى او بغيره

اسد الجيزة said...

انتوا عاوزين البرادعي ميسافرشي بسيطة جدا نحطله طربة حشيش في شنطة السفر تقوم الحكومة منعاه من السسفر شفتوا سهلة ازاي

wahat_alshohada said...

مواطن مصري said...

واحة قول ان انت حزب وطني مستخبي احسن
=========


انت حزب وطني مستخبي احسن
:)
والله انا سعيدة جداااا بكل تعليقاتكم يا شباب
بقولكم ايه
ماتيجوا نرشح نوارة للرئاسة
انا ابصم لها بالعشرة
ايه رأيك يا قطة؟

هراء لا داعى له ..... said...

يعنى أنا بصراحة مش فاهم إللى بيحلفوا بأخر ما فيهم دول إن البرادعى عبارة عن تمثيلة و نصب

هسألك سؤال .... هل إنت فعلا عارف إللى بتقوله دا و عندك دليل عليه ؟؟؟؟


ولا إنت بترمى الراجل بالباطل وخلاص

و بتلقى الكلام على عواهنه و خلاص معتمد على رؤيتك و إفتراضاتك


حراااام كدا


ربنا هيحاسب أى واحد بيكتب أى كلام و خلاص

يا سيدى لو عندك دليل على كلامك قولهولنا و نورنا بيه

لو معندكش دليل يبقى ياريت تتكلم بحيادية و عقلانية و متكدبش

أو تحلف على حاجة هى مجرد شك أو إفتراض عندك

فعلا من أكبر المشاكل فى مصر إن الكويس الناس مش بتصدق إنه كويس و دا لإنهم أصلا ناس مش كويسين فيعينى مش متخيلين إن ممكن يبقى فى حد فى الحياة كويس و نضيف فيقوموا يهاجموه لإنهم مش قادرين يبقوا زيه و فى نفس الوقت وجوده بيئذى مشاعرهم و صورتهم قدام نفسهم

أسهل حاجة فى الدنيا عندنا إننا نتهم بعض و نجرح فى بعض و نمزق صفوفنا

إنما العمل الجماعى فيه وجع قلب و شغل بال

فبلاشه أحسن

و ممكن نتخلص منه بسهولة بإدعاء إن الأخرين كلهم شوية أوغاد و عملاء و أجزاء من تمثيلية كبيرة لخداع الملائكة الأبرار من أمثالنا و إن مفيش فى الدنيا دى كلها حد كويس إذن فلتنامى يا عينى قريرة مرتاحة البال

إللى يتكلم يا جماعة يراقب ربنا فى كلامه الله يكرمكم و يجنبكم حماقات الألسنة

Ahmed said...

واحة الشهداء

نرشحها عشان يكون أول قرار جمهوري لها: اعدام الشيخ أبو اسحاق الحويني شنقا و حرقا و غرقا و جواً.

نعيب زماننا

مي ثابت said...

المهدى

فى رأيي إن سيناريو التوريث لم يتوقف

كل ما فى الأمر هو تشبث عوكل بأهداب الحكم حتى آآآآآآآآخر نفس له

و ده مش كراهية فى إبنه .. لكنها شهوة السلطة حين تتحكم بمن تصلبت شريين أدمغتهم

أما القياس على حال الجيش فيما قبل عوكل .. فظروف القياس غير صحيحة الأركان بعد أن جعل رأس السلطة السلام و فقط و مهما حدث .. خياره الإستراتيجى
!!

مي ثابت said...

هراء لا داعى له

فى إعتقادى أن أكبر عيب فى البرادعى هو الرمادية و الضبابية

و إليك أمثلة

نشر المركز الفلسطيني للإعلام حواراً زعم فيه أن البرادعى صرح بالآتى :

إن قضية الجدار الفولاذي أصبحت تمثل إساءة لسمعة مصر، خاصة أنه بات أشبه بالمشاركة في حصار غزة التي تحولت إلى أكبر سجن في العالم نتيجة الحصار المفروض عليها

نحن نتحدث عن عملية السلام منذ 20 عامًا، وكل ما نراه لا يحقِّق
التقدُّم في القضية الفلسطينية

الاحتلال الإسرائيلي لا يفهم إلا لغة القوة، وإذا تبنَّى العرب خيار التفاوض يجب أن تكون هناك قوة وأساليب ردع


و هى تصريحات كما ترى محقة و منصفة

إلا أننا فوجئنا بالمقرر العام لحملة دعم البرادعي عبد الرحمن يوسف يسارع بنفى تلك التصريحات .. أو أن يكون البرادعى قد أجرى الحوار

أتفهم طبعاً بل و أؤيده فى نفى إجراء الحوار

لكن الذى لا أتفهمه و لا أستوعبه بل و يقف كالغصة فى الحلق هو لماذا نفى و فقط

فى حين كان و لابد أن يوضح البرادعى وجهة نظره و موقفه من تلك القضية المحورية .. لا أن يتركها فى الضباب


الموقف الثانى هو موقفه من المادة الثانية من الدستور

الثالث : هو موقفه و جبهته مما حدث مع شباب 6 إبريل


و علينا أن نقارن مثلاً بين د. البرادعى و بين مرشح محتمل آخر كالأستاذ "حمدين صباحى" .. فى رأيي أن كفة حمدين فى الوضوح و الإيجابية ترجح بعدة مرات كفة البرادعى