Tuesday 20 April 2010

احذروا من رسائل الخارجية الاسرائيلية

في شهر يوليو 2009 حاول ليبرمان انه يستخدم صورة امين الحسيني مع هتلر عشان يحطنا في موقف دفاع وكان بيوزعها على السفارات
طبعا انتوا عارفين دي محاولة للغلوشة على اللي حصل في حرب غزة واستياء العالم من اسرائيل 
المحاولة لانها كانت فجة قوي فشلت ومسلمين وعرب كتير عملوا هيصة وبوليكة فحبط كيده
وطبعا ليبرمان مش حيسكت واذا كان هو غبي مش وراه اجهزة غبية
بعدها على طول مباشرة، وبعد حوالي شهر من فشل محاولة ليبرمان انتشر على النت رسائل مكتوبة بالعربي تبدو وكأن اللي باعتها مسلم بتشكر في هتلر وبتقول عليه انه مسلم ومركبين كمان صور ان الجيش الالماني كان بيصلي ههههههههههههههههه
بس دي جامدة كيك على فكرة
وفيه فيديوهات كمان على اليوتيوب بتقول كده
!!!!!!!!!!!!
اللي حيقول لي ان دي مصادفة اديله عنوان بيتنا ييجي عشان انا مكسلة انزل، لان ليا مزاج ارميه من الشباك
الرسائل دي من الخارجية الاسرائيلية واللي عملها صهاينة، لكن اللي وزعها واللي علق عليها واللي فرح بيها واللي وقع في فخها مسلمين وعرب لان احنا بنطالب بحد ادنى للاجور وما طالبناش لسه بحد ادنى للاي كيو 
في حال ما اذا وصلتك الرسائل دي رد عليها بريبلاي اول لكل المرسل اليهم واكشف حقيقة الرسالة دي وخد اللنك ده وفهم الناس ان دي رسائل من الخارجية الاسرائيلية
وحسبي الله في اللي يسيب الناس على غماهم وما يردش على الرسائل دي ويعرف الناس الحقيقة
اه.. ونسيت اقول لكوا.. كمان خدوا اللنك ده وانشروه على اوسع نطاق وده بقى ان شاء الله اللي انا ناوية فعلا اترجمه
كتيب اسمه التعاون النازي الصهيوني بيثبت بالوثائق تعاون الصهاينة مع النازي عشان يفزعوا اليهود ويحسسوهم انهم في خطر حقيقي فيضطروهم للهجرة لفلسطين وكتير منهم ما كانوش صهاينة وكتير من اللي هاجروا اساسا ما كانوش يهود اصلا بس كانوا مضطهدين
وكمان اقروا كتاب فضائح بن جوريون وانشروا اللنك بتاعه بيكشف علاقة بن جوريون بايخمان وأيخمان يا عيني بعد ما اتبهدل بقى مذهول لانه كان صاحب بن جوريون وكان بينهم مراسلات
كمان النصب بتاع ربط النازية باضطهاد اليهود ده مش صحيح، الغجر اتحرقوا في محارق النازي والغجر معظمهم مسلمين
مدام هم لجأوا لرسائل الميل يبقى اكيد رسائل الميل مهمة، ومش اقل من انك ترد وتكشف الحقائق للناس، ده اقل واجب، كفاية ان كل دي مجهودات اليهود المعادين للصهيونية واحنا بننقل منهم ومش بنبذل مجهود غير في اننا يا نحب هتلر يا ننكر المحرقة ايه القرف ده؟

12 comments:

مواطن مصري said...

سرور: النائب الذي يطالب بإطلاق الرصاص على المتظاهرين لايستحق أن يدخل البرلمان
http://dostor.org/politics/egypt/10/april/20/13768


انا قولت اية القصاص مش هيشم البرطمان تاني

مواطن مصري said...

متوقعة اية من واحد كان اصلة بتاع كبدة

الحزب الوطني بيصفي كروتة و اعتقد ان ابو عقرب و القصاص و باباوي و حميدة بتاع الكبدة كرتهم اتحرق و مش هيشمو البرطمان

دة تاني

19 April 2010 06:54

مهند said...

ما اعتقدش ان فيه خلاف مع اى حد
على ان اى حد هاجر لاسرائيل واستوطنها علشان يساعد فى بناء الدولة دى سواء بقى كان صهيونى او يهودى او اى ديانة تانية غيره حتى لو مسلم (طبعا بتكلم على الهجرة للاستيطان وبناء الدولة ، مش عرب 48 ) او حتى جاي لنا ابن وسخة لوحده من غير دين ، فهو عدو ومن حقى الطبيعى انى اكرهه واعمل فيه اللى اقدر عليه

كذلك ما فيش خلاف على ان اى حد بيساعد الدولة السرطانية على انها تستمر فى الحياة او بيدعم وجودها من اى حتة فى العالم يهودى او غير يهودى هو برضو عدو وحلال فيه الكره وكل اللى اقدر اعمله فيه

فاضل الازمة اللى من غير لازمة بتاعة حب او كره اليهود عامة

ما اعتقدش حد يعرف فى الاسلام حكم خاص باليهود بصفة خاصة لوحدهم ، كل احكام التعامل مع اليهود الطبيعيين بمعنى غير الجائريين على حقوقنا هى احكام اهل الكتاب عامة يعنى زيهم زى المسيحيين عند الاسلام ومافيش حاجة تقول اننا نكرهم من الباب للطاق كده

اما اليهود الجائرين على حقوقنا فى فلسطين او اى مكان تانى واللى بيساعدوهم فحكمهم برضو مش حكم خاص ده لاى عدو لينا ، يهودى بقى ولا مسيحى ولا بوظى (بوذى )...الخ، وده مش مجرد المفروض اننا نكرهم ، انما نطلع ميتين اهلهم كمان لو نقدر
بس احنا بعيد عن السامعين (ماعرفش ازاى بعيد لكن مش مهم ) بقت قدرتنا على الفعل عاملة زى قدرة الواحدة فى ساعة الوضع ، صوت وصريخ وهيصة من غير حركة ، بس اكيد هتتحرك وتقدر ترفس وتنطح كمان بعد ما تنزل اللى فى بطنها حتى لو طلع عيل مشوه المرة دى، فالوليه شباب على طول وتقدر تجرب تحمل تانى وثالث لحد ما تجيب الواد اللى عليه العين

اما موضوع حب او كره عم هتلر ده فموضع اسف جدا منتهى السخافة
وولاد الوسخة اليهود دول (طبعا اقصد الفئة منهم اللى بتعمل كده ) على طول عمالين يشغلونا بمحاكمات للماضى ولو اتبعنا معاهم نفس الوضع يبقى المفروض نفشخهم من غير ما نميز بينهم ولا نطبق عليهم احكام دينا فى معاملتهم

اما العاطفة والفرحة اللى ممكن تصيب الواحد علشان هتلر كان بينفخ فى اليهود فهى مش اكثر من عاطفة عبيطة وان كانت طبيعية علشان احنا حاليا ضعاف قوى ،زى مثلا عيل عنده بلهارسيا وواحد مسكة سفخة علقة موت راح رايح جايب صورة واحد ثانى مات وشبع موت كان مسك اللى ضربه ده وسففه التراب ، ال ايه كده يعنى بيغيظه ويشفى غليل نفسه بالمرة ، كتك نيلة ما تروح تتعالج من البهارسيا الاول اللى مضعفاك كده واسترد صحتك وتعالى انفخه انت بدل شغل القرعة اللى بتتعايق بشعر بنت اختها ده
ويمكن القدر بس اللى ما جمعش بين الغبى ده وبين صاحب الصورة علشان يكون فى حكم اكيد ، يا ترى كان هيضربه هو كمان ولا هيصاحبه زى ما هو فى عز ما بيغيظ الثانى بالصورة متخيل كده ، مافيش تاكيد نهائى

وهى برضو من ناحية ومثالى تانى مش بعيدة عن العاطفة العبيطة اللى اصابت اغلبنا لما مبارك تعب المرة الاخيرة
وتفاوتت عاطفتنا من واحد للثانى
ما بين فرحة واحد ان دى تاكيد ليه بعد ما نسى انى مبارك ده بشر بيمرض ويموت زينا وبكره اكيد بقى مادام الحكاية كده هيتحاسب لو ماكنش فى الدنيا يبقى فى الاخرة ما هو طلع بشر خلاص وبيمرض
لعاطفة واحد ثانى كان فرحان ومايعرفش ليه
ويمكن تكون وصلت مع حد لدرجة الشماتة ونسى او مش هاموه ان المرض على الكل والشماتة بتكون بس فى الحاجة اللى انت محصن منها وما ينفعش تحصل لك ، بس اهى عاطفة وراحت علشان احنا برضو ضعاف والضعيف ماعندوش غير ده مجال تنفيس
لما نبقى اقويا ما اعتقدش اننا هيكون عندنا وقت اصلا للعاطفة الهبلة دى لكنها طبيعية جدا لحالتنا الحالية الضعيفة بالزيادة قوى
خلونا نتعالج من البلهارسيا اللى عمالة فى جتتنا ترعى لاننا ما ادناش من الاول ضهرنا للترعة وسيبنا محمد رضا وجيبنا عبد السلام هو اللى يحكمنا

اخيرا
منتهى اسفى على التطويل الرخم ده ،،

Unknown said...

انا متهبالى ان دي مصادفة

amr565 said...

http://www.tanseerel.com/main/articles.aspx?selected_article_no=5291
ده رابط فيديو لمظاهرة المسيحيين امام قسم الشرطة
http://www.tanseerel.com/main/articles.aspx?selected_article_no=5300
والواقعة اللي في الرابط ده عمرها ما حصلت في اي دولة في العالم... مدير امن بني سويف يسمح للقساوسة بتفتيش القسم غرفة غرفة للبحث عن الشاب اللي اسلم...
شايفين الدلع شايفين الطبطبة مين بقي اللي واخد حقه ومين مضطهد في ام البلد دي ..اصابوا ظابطين وجرحوا تلاث عساكر غلابة ورغم كده قسم الشرطة يسمح او لا يستطيع ان يمنع اصلا للقساوسة للتفتيش وهو صاغر صدقوني ولا شيخ الازهر يقدر يعمل كده و لو حلم انه يفتش قسم حيخد بالبيادة دي الدولة لا تجروء علي تفتيش اي كنيسة او دير رغم المطالب من المسلمين بالتفتيش عن بعض الذين اسلموا وينكل بهم في الاديرةولكن اللي حصل بالعكس الكنيسة هي التي تفتش القسم ..فين شراشيح المسلمون الجدد اللي كانوا بيتريقوا علي اننا فقط بنتسال والله بنتسال فقط فين اختنا وفاء او المزه علي راي الشراشيح الجدد ...جتكم القرف

the magnificent ninja said...

اللي في الجيش الألماني بيصلوا دول كانوا جنود من البوسنة
فألمانيا في هذا الوقت وقفت مع البوسنيين و الكروات ضد الصرب الموالين لروسيا

Unknown said...

Egypt and the Volcano

http://blog.amnestyusa.org/waronterror/egypt-and-the-volcano/

مواطن مصري said...

يقوم الرئيس الإيرانى محمود أحمدى نجاد الجمعة بزيارة رسمية تستغرق يومين إلى أوغندا العضو فى مجلس الأمن الدولى لبحث الملف النووى الإيرانى كما أعلنت وزارة الخارجية الأوغندية الثلاثاء.

وقال جيمس موجومى أمين عام وزارة الخارجية "سيأتى نجاد فى زيارة تستغرق يومين نبحث خلالها العلاقات الثنائية".


http://www.youm7.com/News.asp?NewsID=216815&SecID=88

هيهيهيهيهي حتى ايران بتصارع التواجد الاسرائيلي في افريقيا

يا ترى بقى بعد 5 سنين هنشوف اوغندا امارة اسلامية تابعة ل ايران

و التواجد الاسرائيلي في كلا من ايرتريا و اثيوبيا و جنوب السودان

دة احنا ليلتنا ففل

مش بقولك قربت

amr565 said...

http://www.facebook.com/photo.php?pid=212011&o=all&op=1&view=all&subj=308920693779&aid=-1&id=100000515046365
فتاة مسلمة تم اختطافهالتنصيرها من بيت مخدومها...

Anonymous said...

مواطن: ايران ليست دولة عربية يمكنها ان تسمح ل سرائيل ان تهيمن على المنطقة سياسين وفكريا وعسكريا
وتقف مكتوفة الايدي .

امين الجامعة العربية عمر موسى قال كلام في قمة سرت وهو ما يجب ان نعية
نريد شرق اوسط خالي من النووي ان تشرف الامم المتحدة على مشروع اسرائيل النووي او توقفها
مثل اي دولة اخرى في الشرق الاوسط يجب عليها ذلك
اما تفكير اسرائيل قد يتقبلة المعاقين فكريا مع احترامي الشديد لهم.

Unknown said...

http://www.shorouknews.com/ContentData.aspx?id=214384

جماعات يهودية مناهضة للصهيونية تحرق علم إسرائيل في تل أبيب

Anonymous said...

لان احنا بنطالب بحد ادنى للاجور وما طالبناش لسه بحد ادنى للاي كيو
...
تسلمي يا نوارة