Thursday, 8 April 2010

هههههههههههههههههههههههه اه يا قلبي حموووووووووووووووووووووووووووووووووت



6 comments:

mido said...

قرر إعطاء مكافأة شهراً لكل العاملين بالمدرسة علي اعتبار أن الزيارة مفاجئة رغم أن التلاميذ أكدوا لـ«الدستور» أنه تم إبلاغهم في طابور الصباح منذ يوم الأحد الماضي بميعاد الزيارة

---- اداهم مكافأة
:))

تقريبا من الضغط الاعلامى عليه

بالاضافة لتخفيف الجزاءات عن المدرسة التانية

AhMeD RaDy said...

هههههههههههههههههههه حركة بجد بجد بجد جامدة جدا جدا جدا

الخوجة said...

زيارة وزير التربية والتعليم لمدارس القاهرة - Visit of the Minister of Education to schools in Cairo

Ahmed said...

مناظر و مظاهر,,, هو ده المطلوب في البلد دي, مفيش أكتر من كدة.
هو ذنب ابراهيم أنه طالب في مدرسة حكومة, فلازم يترفد,, و دول في مدرسة خاصة يبقى لازم يتشالوا على كفوف الراحة و لازم يتبلغوا بزيارة الوزير.

الله يخرب بيت البرجوازية على الاقطاع على الامبرياليه على أحمد قمر اللي منور التعليم

نعيب زماننا

جبهة التهييس الشعبية said...

ايه يا احمد يا عسل الكلام الجميل ده؟
:)

Ahmed said...

اوعي تفتكري اني حولت اشتراكي و لا حاجة,,, بس الظلم حرام تحت أي نظام.
مش العدل يفترض أن المدارس اللي اتبلغت بميعاد الزيارة تتعامل مثل المدرسة الأولى و تكون الزيارة مفاجئة. هو كل اللي عايزنه من اللي حصل أنهم يقولوا أن المدارس اتظبطت و اتعدلت بعد بسلامته ما شد عليهم و تابعهم و اداهم توجيهاته النبوية. على أساس نبوية دي اللي بتنفض مكتب الوزير قمر 14
العكس المفروض يتم المدرسة اللي مسمينها دولية أم سبورة بالكهربة و لابتوب هي اللي كان يتفتش عليها بدون اشعار و هي اللي الجزاءات فيها تتم بحزم لأن مدرسة زي دي مصاريفها على الأقل في السنة 10 بواكي. فالغلطة فيها لا تغتفر من باب أولى, أمال بياخدوا الفلوس دي ليه. و بعدين الشهر اللي حيديهلهم ده شهر من بتوع مدارس الحكومة و لا شهر مدرسة خاصة, طب مش الفلوس دي أولى تروح للمدارس المبهدلة يجيبلهم شوية ديتول للحمامات مش تتصرف لمدرسة خاصة بتلم فلوس و معمولة أصلا عشان تكسب.
و بعدين ايه حكاية السبورة الالكترونية دي, هي منظرة و خلاص و جوهر صفر.
أدي ال MIT الجامعة التانية على العالم شغالين بالطباشير أهو و محدش يقدر ينطق عليهم كلمة وحشة
http://ocw.mit.edu/OcwWeb/Mathematics/18-03Spring-2006/VideoLectures/detail/embed01.htm
و الحاجة التانية مدرسة دولية, يعني ايه طيب بيلعبوا في المنتخب!!! و لا على رأي أحمد حلمي في الناظر: مطبقين نظام الاحتراف و شاريين طلبة من برة.
الواحد ليتحسر على المدارس الحكومة اللي ممكن يكون فيها طلبة أمثال وائل محمود كثير و محدش حاسس بيهم, و مدارس تانية العيال ولا في الدماغ و بينجحوا عشان دافعيين مصاريف. على رأي واحد صاحبي كان مدرس في مدرسة من بتوع الدبلومة الأمريكية و يقولي أهم حاجة تصاحب العيال و يحبوك لأن التقييم اللي حيسلموا عليك هو اللي حيحدد إذا كان عقدك حيتجدد و لا لأ.
أخر حاجة, قريت في أحد المنتديات عن الزيارة الأولى للوزير
http://forum.3rbdream.net/dream35/caaeoin-iyoa-cencaia-ouaaea-coeaeuiae-322621/
"و برغم كل الكاميرات و التصوير و الجرفتتات بدا ابراهيم واثق من نفسه رابط الجأش لا يهاب, هذه عينه ممن ابتلنا بها الله...و لسه في اعدادي"
يعني المشكلة بالنسبة لابراهيم أنه وقف بقوة أمام الوزير عشان كدة اترفد, و أصبح القوي الواثق من نفسه في هذا الزمان بلوة. بدل ما طفل زي ده يتقوم و تتوجه ثقته بنفسه في الاتجاه الصحيح, عشان تطلع البلد دي فيها قيادات متخافش من أي شخص أي كان في الحق. أمال درسوا لنا في الدين زمان قصة عبد الله بن الزبير لما كان واقف مع أصحابه و مر عليهم سيدنا عمر بن الخطاب فكلهم جروا سأله لماذا لم تفر مثل أقرانك, رد عليه: الشارع مش ضيق عشان أوسعلك, و أنا لم أخطأ كي أفر منك. درسوهلنا ليه!!!, ولا ده كان زمان و الحاجات دي لغوها خلاص. و الله حرام اللي بيحصل ده, و مش عايزة الواحد يسمي نفسه بعد كدة نعيب زماننا.

يا ساتر,,, كان شوية كبت و طلعته هنا الحمد لله. ربنا يخليلنا المدونة دي يا شيخة. روحي ربنا يكرمك و يهديكي, يا قادر يا كريم

نعيب زماننا