اول فيديو للمظاهرة وان شاء الله الباقي جاي
ان شاء الله يوم 2 مايو فيه وقفة بس مش عارفة الساعة كام ولا فين حاعرف واقول لكوا
تحديث 16:10
المركز المصري للحقوق الاقتصادية والاجتماعية,يطالب المحامين بالتوجه الى نيابة شمال القاهرة في العباسية,لحضور التحقيق في الاعتداء ع المتظاهرين
تحديث 15:56العربية اللي اخدت بهاء صابر تاكسي م ط ر 379
تحديث الساعة 15:19
بهاء صابر اتقبض عليه وانا سامعة صوت سرينة من عندي هنا في لطفي السيد
تحديث الساعة 15:10
الناس العادية اشتركت في المظاهرة خلاص
تحديث: الساعة 15:08
ياااااا رب
قولوا يااااااااا رب
تحديث الساعة 15:01
الامن اغلق محطة مترو جمال عبد الناصر
ادعوا معايا: على رأي جدتي، ربنا لما يغضب على انسان يسلط عليه مخه
تحديث الساعة 14:56
الناس العادية اللي في الشارع ابتدت تضرب الامن
تحديث الساعة 14:42
قوات الكراتيه تضرب المتظاهرين الان
-----------
للاسف ما نزلتش لاني المفروض كان عندي شغل الصبح وبعدين نازلة دلوقت
لكن الاخبار لحد دلوقت قبل ما انزل: المظاهر تخطت الالف والحمد لله
الامن ضرب المظاهرة وقبض على اربعة وحطهم في تاكسي رقمه
379 القاهرة
والاعتداء على د.محمد البلتاجي نائب مجلس الشعب اخوان
وضرب جانيت عبد العليم
وتحيا الوحدة الوطنية
الاخبار من مالك مصطفى اللي ما بيحبش حد يجيب اسمه ههههههههههههه
على التويتر
وتفاصيل الضرب هنا
معلش.. الطلق حمي نستحمل شوية، وان شاء الله بعد كده مش حافوت اي حاجة، شغل ما شغل يولع الشغل
مصر بتولد
4 comments:
نوارة دى فيديوهات المظاهرة على الفيس بوك
http://www.facebook.com/semsem1234?!/semsem1234%3Fv=app_2392950137&ref=mf#!/semsem1234?v=wall&ref=mf
طيب ليه ميكنش فى تنسيق اكبر من كده
و يكون يوم 2 مايو اضراب عام و اعتصامات مفتوحة
اعتقد ان ده حيكون مردوده اعلى
ربنا يوفق
الله
هى الوقفة دى اعلنوا عنها قبل كده
انا اول مرة اسمع
وقيادات كفاية الكبار كانو حاضرين ولا لأ
و كده بان اسلوب الامن القذر
جايب ظباط بلبس مدنى علشان يقولوا ان الامن ملوش علاقة ودول مدنيين و بيتخانقوا مع بعض
سفالة
بلطجة
ارهاب منظم
ـــــــــــــــــــــــ
على الهامش
لا احنا لسه بدرى على مرحلة الطلق
بس خلى بالك الطلق دائما مي يتبعه مخاض
و المخاض دائما به دماء
فمن يستطيع تحمل هذا المخاض
" لا مفر على ما يبدوا من تعميد الحاكم بالدموع .......... و الدم معا " ... انا بحب اكرر الجملة دى
نلتقى ودماء المصريين مصانة
لم استطع حضور المظاهرة - طمنينا نوارة عليكى و ندى و باقى الناس كلها
انا شفت الامن بيطحن شباب فى الجزيرة- بس هحكيلكم عن حاجة غريبة جدااا و انا راجعة من شارع السودان مرورا بتقاطع جامعة الدول الى ش التحرير الشوارع كانت مقفولة تماما بشكل لم اراه ابدا من قبل لدرجة ان كل الناس وبتكلم عن الاف نزلوا من وسائل النقل و مشيوا على رجليهم وكان منظر الشوارع بالالاف دى كانها مظاهرة طبيعية
شئ غريب جدا طيب المظاهرة كانت فى الاسعاف ايه اللى زحم الدقى و المهندسين؟
الكلام دة كان 5 - 5 ونص العصر
حد يعرف السبب؟ انا ندمت انى ماصورتش المنظر
Post a Comment