Saturday 17 April 2010

اقروا الكتاب ده ضروري

اتصرف.. الكتاب ده تحمله وتقراه، هو بالانجليزي، ما بتعرفش انجليزي شوف اي طريقة تترجم بيها الكتاب وتقراه
لازم لازم لازم، لما اخلصه ولو ربنا قدرني اترجمهولكوا
ده كتاب اسمه اختراع الامة اليهودية، اللي كاتبه عالم تاريخ اسرائيلي، يعني حلال تحمل كتابه ببلاش هع هع هع 
لا والله، راجل لطيف يعني، هو مش صهيوني، هو اتولد في اسرائيل ولقى نفسه اتدبس التدبيسة دي، شيوعي هو، وصاحب محمود درويش وكان قعد برة اسرائيل فترة لانه لما كان لسه شاب ورور شارك في حرب سبعة وستين وحصل له تأنيب ضمير من قتل الناس وفضل يسكر ويعيط وبعدين طفش من اسرائيل ورجع تاني عشان الدور اللي هو بيعمله ده
محمود درويش كان قاله قبل ما يسافر كده، قاله خليك وقاوم الصهيونية اللي زيك يساعدنا اكتر، المهم رجع
هو بس فيه نقطة، الكتاب ده ضد العنصرية، فاي حد عنصري يا عيني حيتضايق منه اخر حاجة وبتوع القومية المصرية دماغهم حتولع وكده يعني، بس هو بيبين ان القوميات دي اكذوبة واوهام، وان مافيش حاجة اسمها امة يهودية، وان الفلسطينيين هم اللي جدودهم يهود واليهود اللي دلوقت مالهمش اي صلة بفلسطين، وبيثبت ده بالبحث العلمي، وطبعا بيتطرق لكل القوميات بشكل عابر
بس احسن.. العنصريين وبتوع القومية المصرية بقى يقروا الكتاب ده عشان يشوفوا قد ايه هم بيساعدوا الصهيونية
المهم، الكتاب تقروه، ما تستنوش لاني ممكن اكسل وما اترجموش، انشالله تترجموا الترجمة المعفنة دي بتاعة جوجل، زي بعضه احسن من مافيش

9 comments:

soreal said...

ربنا يديكي على أد نيتك !!
أول لما الكتاب طلع... دورت عليه لما عيني كانت حتطلع ... و بعدين نسيتو لحد دلوقت :)


بس بدك الصراحه... كل الدول، و الأمم ، و القوميات، و الحدود ، اختراعات بشريه ما إلها أساس... و أذا بتفكري بيها شوي.... سبب ٩٩.٩٩% من صراعات العصر الحديث...

كلنا بشر من أصل واحد... و ما في فضل لحدا على حدا إلا بالتقوى و العمل الصالح...

عبقرينو said...

http://www.youtube.com/watch?v=PVUbXdMgqJ8

شوفى الفيلم ده هو مكون من 50 جزء هاتلاقيهم مع بعض للأسف معايا على اسطوتانة بس هاتلاقيهم على نفس الموقع

بيتكلم عن علاقة الماسونية بالصهيونية والنظام العالمى الجديد
شوفيه وقلليلى رأيك

evolution ahm sab said...

العيب مو في انك تفتختر بأصلك و هويتك العيب في انك تنكر على الآخرين الفخر بهويتهم و تتعصب ضدهم على هالأساس.

Unknown said...

http://www.youtube.com/watch?v=e6fEytoHycc&feature=player_embedded

Shoukry said...

أنا مش قريت الكتاب لسة. بس هو في حاجة مش فهمها. إنتي بتقولي بتوع القومية المصرية و أمة اليهودية دول عنصريين. طب أنا بأسأل - و صدقيني مجرد سؤال مش وراه غرض أو حاجة - إنتي مش طول عمرك بتدافعي عن القومية العربية؟!! و كمسلمة بتطالبي - أو بتتمني - بدولة اسلامية كدولة الرسول؟!! هل هناك فرق بين الإتنين؟
ده مجرد سؤال و ياريت متخديش الموضوع كهجوم أو انتقاد. و مش عايز ألاقي نفسي عنصري و متعصب.

على فكرة أنا متفق في وجهة نظري مع "evolution ahm sab"

Unknown said...

طب ما يا شكري تقرا الكتاب عشان تعرف تعريف القوميات وبعدين نبقى نتكلم

شمس العصارى said...

نعم يا اختى
الكتاب 342 صفحة
ولسه عاوز يترجم
انا اقرا اليومين دول .....معتقدش
المهم انا نزلت الكتاب و خليه مع اخواته الى عاوز اقراهم
بس ده على مدار العمر طبعا هههههههه اصلى بحاول اعمل مكتبة صغيرة اليكترونية بس لسه بجمع
ـــــــــــــــــــــــــــــــ
على الهامش
إن القومية التى تقوم على اساس معايير عرقية ودينية عادة تؤدى الى صراع و بؤس .... روى كالن

أسامة لطفي said...

حولت الكتاب لنص ocr
word
للي عاوز يترجم على جوجل
وسوف ارسله لك على الميل

أسامة لطفي said...

لقد حولت الكتاب لنص وسوف ارسله على الميل لمن يريد ترجمته على جوجل