Sunday 11 April 2010

حد يسكت الانبا بشوووووووييييييييييييي

منين البرادعي كويس عشان الدول "المسيحية" وثقت فيه هههههههههههه ومنين ما ينفعش تقولوا على مصر دولة اسلامية عشان الدولة مش فرد بيعتنق دين؟
منين مبارك حامي حمى الاقباط ونقل الاقباط نقلة نوعية بعد الاجرام اللي عمله السادات ومنين رضيتوا بالهم والهم مش راضي بيكوا
ده اللي هو احنا الهم؟ هههههههههههههههههههه
ثم الكتاب المقدس قال لكوا تطيعوا مبارك؟ وقال لكوا ما تتدخلوش في السياسة؟ الكتاب المقدس قال كده؟ هو قال كده؟
طاااااااااااااااااب يا ابونا... ماشي، ياريت بقى ما تشاركوش في الانتخابات وتوجعوا دماغنا بمطالب سياسية مدام هو ربنا اللي قال لكوا تسمعوا كلام مبارك.. كلام مبارك كلام مش مبارك انت فسرت اعط ما لقيصر لقيصر بطريقتك ان المسيحي حرام يحاول يغير النظام او يعدل فيه
خلاص بقى، يبقى ليه بتاخدوا مواقف مساندة لمبارك وجمال مبارك؟ ماهو السياسة حرام بقى، لا تاخدوا صفه ولا تقفوا ضده، ولا اي حاجة، ومالكوش دعوة، اللي المسلمين يجيبوه ما لكوش دعوة بيه، الاكل اللي يتحط قدامكوا تاكلوه ما عندناش حاجة اسمها ما باحبوش
كده... جنب الحيطة كده يابونا
مش ده معنى كلامك وللا انا ما بافهمش الكلام؟ وترجع تقول مواطنة ومساواة؟
منين بتقول مالناش في السياسة ومنين بتقول مساواة ومواطنة؟
ومنين بتقول ياريت الدولة هي اللي تعامل المواطنين بمبدأ المساواة بدل ما احنا اللي بناخد بالنا من المسيحيين عشان احنا عايزين نتفرغ للعبادة ومنين بتقول عايزين نعمل مجلس من الحكماء مسلمين ومسيحيين عشان يعينوا شيخ الازهر والبابا
ثم ازاي مجلس حكما مسلمين ومسيحيين يعينوا شيخ الازهر والبابا وانت قبلها قايل ما ينفعش رئيس الدولة يتدخل في تعيين البابا عشان هو مسلم؟ 
ابوس ايدك.. انا عايزة جملة مفيدة
ثم ايه يوسف زيدان كافر ده؟ ههههههههههههههههههههههههههه وش كده يا ابونا
وش كده؟ تكفر الراجل على طول كده وتقول: بيشتم في المسيحية عشان يخدر المسلمين وبعدين هو اصلا كافر؟
ههههههههههههههههههههههه
قلبي حيقف من الضحك.. هو الراجل شتم في المسيحية؟ وكمان طلعته كافر؟ 
بص يا ابونا.. انت قلتها كلمة حكمة.. الكنيسة مالهاش دعوة بالسياسة.. ايييييييوةةةةةة خليك على كده بقى
ايه رأيك في مبارك؟ ماليش دعوة بالسياسة
ايه رأيك في جمال مبارك؟ ماليش دعوة بالسياسة
ايه رايك في البرادعي؟ ماليش دعوة بالسياسة
الاقباط حينتخبوا مين؟ وانا مالي؟ انا ماليش دعوة بالسياسة
اكتر من كده ما تقولش الله يسعدك

26 comments:

Shoukry said...

What is this? ... ridiculous
He should keep his opinions for himself and not talk as if he was all the Christians
STOP TALKING POLITICS PLEASE.

Unknown said...

وائل عبد الفتاح:

لماذا يحرك النظام جناحه الديني بكل قوته.مشايخ و قساوسة.ازهر و كنيسة .سلفية و رسمية.؟

رد مينا ذكري عليه:

لأنه حرفيا بيفرفر

النظام بيسن سنانه ومتوقع انه يستغل كل اوراقه

مواطن مصري said...

سيبك من المقال كلة انا ماسك في نقطة يوسف زيدان

يعني اية كافر و بيخدر المسلمين و بدأ ب المسيحية و ععاوز ينكر وجود الله

ههههههههههه دي لوحدها كفاية

الانبأ بيشوي هو يهوذا العصر

بس تفتكري ان ممكن يكون الحويني قريب الانبأ بيوشي؟

lastcrazyboys said...

أنـــا كان عنــدي كـلاااام كتير ارد بيه
بس بعد كلامه ده

انا اللي ماليش دعـــوة بالسيــاسة

عم مينا said...

كله كوم و الكتاب المقدس اللي بيؤمرنا بطاعة الرئيس مبارك كوم تاني
هو احنا نخلص من السلفيين بتوع طاعة أولي الأمر يطلعلنا الأنبا بشوي

ما ينفعش ابراهيم عيسي يكتبلنا مقالة زي دي
http://dostor.org/%D8%A7%D9%84%D9%85%D9%82%D8%A7%D9%84-%D8%A7%D9%84%D8%A3%D8%B3%D8%A8%D9%88%D8%B9%D9%8A/10/april/6/12154
بس يسميها الكتاب المقدس لا يأمرنا بطاعة الرئيس مبارك

karakib said...

المرة دي بقي مش رأي شخصي ...ده بيقول الكتاب المقدس بيقول كده
انا زهقت من الراجل ده

Ramez said...

سيبك منة دة راجل عبيط اساسا وبيخبط في الحلل كل شوية, و بس كدة بانت قوي فعلا النظام بيفرفر وبيطلع في الروح ومش عارفين يعلو اية والامور بقيت صعبة عليهم

شمس العصارى said...

سؤال مش برئ
هو ايه موقع الكنيسة - المسيطرة على اغلب المسيحيين - من معادلة مصر القادمة
ايا كان نوع المعادلة
ملحوظة : انا قلت مسيطرة لان مسيحيين كتير مش راضيين عنها لكن مش قادرين يخالفوها
ـــــــــــــــــــــــــــــ
على الهامش
الله
طول عمرنا نعرف ان النظام لا سلطان له على الكنيسة وده الى كانت الكنيسة نفسها بتعلنه
دلوقتى بقا النظام بيحرك الكنيسة كيفما شاء
اما غريبة
نلتقى بعد العوم فى مية البطيخ

طنطـــا واى said...

يا استاذة مع احترامى الشديد للاخوة الاقباط ولكنهم ناس بؤ فى السياسة
تصييح وعدم مشاركة

من تجربتى الشخصية اسالى لية منير فخرى عبد النور بيسقط فى دائرة الوايلى التى كان هو نفسة يظن انها معقل الاقباط ومقر الكاتدرائية بالعباسية

روحى القهوة اللى قدام قسم الوايلى واسالى

حتعرفى ان الاقباط رافضيين اى مشاركة
سياسية رياضية اجتماعية ؟

amr565 said...

ابونا والانبا بيشوي حتي في الاختلاف مع رموز الكنيسة بتختلفوا وانتم رافعين صباعكم وابله ابله ممكن اروح الحمام اسمه بيشوي بدون ابونا ولا انبا مش الشيخ الحويني كنتم اسود امامه ولا ايه يا مينا قول معايا كده بيشوي ب ي ش و ي
قل بيشوي ولا تقل انبا بيشوي
وبعدين انا كنت متوقع الهجوم الحنوين ده مش سي ابراهيم تقدم خطوه في هذا الاتجاه .
انا فهمت دلوقتي ليه الاخت السويسرية كانت بتقول عليا انا بهيج الشرير
لانه بيضع نصوص من العهد الجديد مثلي

عم مينا said...

شمس الأعصاري

موقع الكنيسة من معادلة مصر القادمة واضح وضوح الشمس.. الكنيسة تؤيد استمرار الوضع الراهن علي ما هو عليه لأنها خايفة من اللي أسوأ منه

Amr565

انت يا عم انت واقفلنا علي الواحدة.. انت مالك انت أقول أنبا بيشوي و لا أقول بيشوي.. انت تسميه زي ما انت عاوز.. شايف حد اعترض علي التسمية بتاعتك؟ اللي عاوز يقول بيشوي يقول و اللي عاوز يقول أنبا يقول.. أما حاجة غريبة صحيح

amr565 said...

يا عم مينا بطلوا بقي تطلعوا الكنيسة انها مغلوبة علي امرها وانها يا عيني خايفة من القادم الاسواء وخايفة من السلفيين وخايفة من الاخوان وخايفة من الشيعة لو كانوا موجودين كل دي حجج فارغة للتغطية علي مكتسبات الكنيسة في هذا العصر الذهبي لها عاوز تقول انها خايفة قول انها خايفة من ان تاتي قيادة لاتسمح بوجود دولتين دولة تحكم شعب مصر ودولة الكنيسة باختصار الكنيسة خايفة علي مكتسابتها وتغولها وتوحشها وايضا الفساد الذي انتشر في قيادتها.
اما من ناحية تقول بيشوي او تقول الانبا بيشوي فده لايعنيني في شي فقط احببت ان اوضح ان عندكم اذواجية رهيبة فالسلفيين عندكم هم محتكرين الايمان والحقيقة وانهم متشددين وانهم لا يقبلون الاخر الخ الخ طب ما نفس الشي ينطبق علي الكنيسة الارثوذكسية وبيشوي وشنودة اعضاء جماعة الامة القبطية فهم ينفوا الاخر اي اخر ولا يقبلوا الكاثوليك ولا البروتستانت وبالتالي لا اليهود ولا المسلمين وهم ايضا مثل السلفيين في طاعة الحاكم علي الاقل ظاهريا واعلاميا ومع ذلك انتم والمسلمون الجدد تلاقيكوا في كامل الاحترام والتوقير لهم ولا تقلوا ادبكم علي اي قس وتنادوهم بالقابهم وان انتقدوهم فانتقادكم بيكون من النوع الدولسي زي بالضبط ابراهيم عيسي لما ينتقد المسيحيين والكنييسة لا لتوحشها ولا للاستفزات التي يعملوها ويجر شكل المسلمين لا بينتقد سلبية المسيحيين والكنيسة ولعدم التظاهر واخذ ما يقولون انه حقهم بايجابية فهل ده تسميه انتقاد ولا مدح وكذلك الاخت السويسرية لما تنتقد قس زي كيرولس برضه تطلعه كانه يا عيني مغلوب علي امرة من النظام وان النظام ضغط عليه كي يغير اقواله ..شفتم نوعية انتقادكم للكنيسة برضه بطلعوهم مظلومين ومطوحنين وانتم بتنتقدوهم ...كتكم القرف مليتوا البلد

Unknown said...

ملحوظة

اي حد حيبعت تريقة على ايات الانجيل حاجيب لكوا لنكات بتتريق على ايات القرآن ومافيش حد احسن من حد

استبينا؟

Unknown said...

فكرنى بشيخ كبير أوى كان عندنا فى المسجد من جمعتين كده قعد يتكلم عن الفساد المستشرى فى البلد والحكومات و .....و..........

وبعد ماخلص الخطبه قعد يقول فى الدرس ياجماعه طاعة أولى الأمر واجبه والخروج عليه حرام شرعا" والمظاهرات حرام بسبب أختلاط الشباب بالبنات

أرحموا أبوووووووووووووووونا نبوس الأيادى

amr565 said...

وانا لا اسمح ان يسخر اي شخص من معتقدات الاخر الا لو كان في نقاش علمي او مناظرة لكن لا المدونة دي مكانها ولا تصلح اصلا للنقاش في مثل تلك المواضيع فياريت لا احد يضع عدد من الانجيل يكون قاصد الاستهزاء الا لو كان استشهاد بادب ولا يكون المقصود به اي سخرية بل لتدعيم الحوار لو استلزم الامر ولو شخص وضع اي شي ماس بالانجيل فعلي صاحبة المدونة المسلمة منعه وليس وضع لنكات للسخرية من القران الكريم كتابها الكريم الذي انزله رب العالمين...مسلمون جدد بحق..ملعون ابو الحياد المزعوم الذي باسمه يهين الشخص معتقده ودينه وكتابه بحجة الحياد وهل وضع لنكات سخرية من القران اسهل من منع تعليق شخص بييسخر من نصوص الانجيل..تذكري يا اختنا ان اليد التي سوف تضع لنكات للسخرية من القران سوف تنطق في يوم يجعل الولدان شيبه وتشهد علي صاحبتها...والله والله والله لساني ويدي لا تطاوعني ان اكتب ان لو فلان عمل كده انا حضع لنكات للسخرية من القران...واضح ان صاحبة المدونة قلبها ميت وده مش تكفير لاسمح الله بل وصف للشي المقزز اللي قلتيها

شمس العصارى said...

الاخوة المعلقين .. السلام عليكم
ازيك يا عم مينا
انا مسلم و انت مسيحى بس تعال نترك انتمائنا الدينى و نتمشى شوية
انا لما تساءلت بخبث عن موقع الكنيسة فى معادلة مصر القادمة ايا كان نوعها
لم اتحامل او اتجنى عليها فى شئ ولم احملها ما لم تقله
الكلام المنشور على لسان الرجل الثانى فى الكنيسة و الوريث المحتمل للكرسى البابوى يؤخذ على انه راى الكنيسة الرسمى من غير شك - والا لطفا بعقولنا - اذن انا تحدثت عن موقف رسمى للكنيسة
وبالرجوع لمحتوى الكلام لا نفهم منه سوى معارضة التغيير و مبايعة جمال مبارك من بعد ابيه
و عليه فالكنيسة تعارض رغبة المصريين الاملين فى التغيير و بل و تقف ضدها - على اعتبار ان مسيحيين كثيرين يرغبون فى التغيير - وهل يصح مثل هذا الكلام
وباستقراء العقلية المسيحية نجد تبرير لخوفهم من وصول الاخوان للحكم-رغم ان الخوف مبالغ فيه -
لكن لما الخوف من التغيير العلمانى الليبرالى
و بعد كلام بشوى وكلامك نجد الكنيسة تقف فى صف مبارك و ابنه مهما فعلا
و تقف ضد كل ما هو آت حتى لو كان علمانى مطلق
اذن الكنيسة تريد - و تريدنا معها - ان ترضخ للاستبداد مهما طال
يا سيد مينا قلت انا سابقا و اكرر هنا ان الخاسر الاكبر - وربما الوحيد - من تحالف الكنيسة و النظام هم المسيحيين البسطاء الذين لا يجدون الا الالتجاء الى الكنيسة و لكن ماذا تفعل الكنيسة لهم ؟؟؟؟؟
ولنا فى احداث نجع حمادى السابقة العبرة
بقلك ايه انا تعبت من المشى ده احنا يمكن مشينا لشارع مكرم عبيد - كعادتى يوميا - انا بحترم الراجل ده
الا تعرفه و تعرف سيرته يا مينا
ـــــــــــــــــــــــــــــــــــــ
amr565 said...
اتفق معك فى نقطتين
الاولى المتعلقة بمكتسبات الكنيسة
و الثانية شكل النقد الحنين
ـــــــــــــــــــــــــــــــــــ
نوارة
ليه كده
عرفناكى محايدة فى اى نقاش حتى لو اشتد
ولكى الحق فى حجب التعليقات المسيئة للانجيل و لكى الحق فى التنبيه بعدم جواز ذالك
لكن كيف وصل بك التفكير للقول بانك سوف تاتى بلينكات تتريق على القرآن
..... للدرجة دى
نعرف خلق المسلم جيدا بانه يحترم معتنقى الديانات السماوية
لكن اى خلق هذا الذى يفعله مسلم بان ياتى بلينكات تتريق على القرآن
انا فى قمة الدهشة فعلا من تعليقك
كان اهون انك تسبى و تشتمى كل الناس ولا تقولى كده
نلتقى و القرآن معزز مكرم فى صدور الناس قبل بيوتهم و مساجدهم

amr565 said...

الاخت انتقلت من مرحلة الحياد اليساري الكاذب الي مرحلة الاندماج والتقمص وانا كنت متوقع ده لكن علي المدي البعيد وليس الان لان من يستخدم الفاظ شوارعية بحجة الكتابة الجديدة اللي بدعها الله يرخب بيته ابراهيم عيسي ووضع ايات القران في ثنايا الكتابة وجعلها عناوين براقة للشد مثلما يفعل بلال فضل وانا احبه في الله علي فكره رغم الاختلاف بيني وبين فكره لكن اصله وتنشئته يجعله لاينحرف كثيرا. فسوف ياتي عليه يوم يقسوي قلبه ويكون للممات اقرب منه للحياة وساعتها لن تشفع له تشجعيه للمقاومة او للحقوق العربية فالاخت انتقلت من مرحلة نوارة نجم يعني حشيش وعدم صلاة وعدم الاعتراف بالصلاة او بالطقوس دي مثلما قال الي مرحلة نوارة بطرس ووضع لينكات سخرية وتريقة من القران.... علي فكرة جملة الله يخرب بيته علي ابراهيم عيسي والا كلامي عن العم نجم اقل اجرام ووحشية من لينكات توضع للسب في كلام الله والتريقة عليه والحمد لله ان في مصر مفيش بوذيين لان لو اتباع بوذا موجودين بينا ومسلم شتم بوذا كانت نوارة بطرس حتهددنا بشتم الرسول محمد صلي الله عليه وسلم حتي تكتمل الحيادية الكاذبة بتاعتها...حسبي الله ونعم الوكيل حسبي الله ونعم الوكيل واالله سقطتي من نظري من بعد بقايا الاحترام اللي كنت وما زالت بحمله لوالدتك العزيزية الكريمة والتي الي الان اكن لها كل الاحترام لان اعرف رايها في كل الزبالة اللي بتكتبيها من اول دفاعك عن كريم عامر سباب الرسول الي وضع لنكات بسب وسخرية القران

عم مينا said...

شمس الأعصاري

أنا متفق معاك في كل اللي قلته
و الكنيسة فعلاً اللي بتعمله ضد مصلحة البلد في رأيي و في رأي أي بني أدم شايف ان لا يمكن السكوت علي حال البلد و لا بد من تغيير

و رداً علي الأخ عمرو رغم اني قلت قبل ان كده اني غير مطالب كل مرة اني أشرح كل كلمة بقولها علشان أثبت اني مش طائفي و لكن معلش هشرحلك وجهة نظري بردو يمكن تفهم
سيدي الفاضل أما بقول أنبا ده مش لأنه قسيس و أنا مسيحي فلازم أقول الأنبا فولان.. لو كان القسيس ده مش محترم بذكره باسمه من غير ألقاب زي زكريا بطرس.. و أما الشيخ بيبقي محترم بقول لقبه الأول
هتقولي ازاي ان بتحترم واحد زي الأنبا بشوي و لا زي البابا شنودة و هو أعدين بينافقوا النظام..
الموضوع بسيط جداً و هو اني مؤمن ان الكنيسة القبطية كنيسة وطنية بالدرجة الأولي.. و لكن ظروف سياسية في ال٥٠ سنة اللي فاتت خلت الكنيسة تبتدي تلعب دور دولة داخل الدولة.. و بدأت تتعامل علي انها مسئولة عن الأقباط.. و بحكم المسئولية دي فقيادات الكنيسة بتاخد قرارات و تطلع تصريحات اللي هما شايفين انها في مصلحة الأقباط.. أنا مختلف تماماً مع اسلوبهم و شايف ان ده مش في مصلحة الأقباط و لا يحزنون.. لكن مقدرش أتهم القيادات في بالعمالة.. لأني مؤمن انهم بيعملوا ده بنية انهم شايفين ان هي دي مصلحة الشعب بتاعهم

أما اخر اللي كان ذكرها الأخ شمس بالنسبة ان الكنيسة تقف أمام رغبة الكثير من المسيحيين في التغيير.. فده غير صحيح.. للأسف المسيحيين المتحمسين للتغيير قليلين جداً و أغلبية المسيحيين رأيهم من رأي البابا و الأنبا بيشوي.. مش لأنهم بيطيعوهم من دون تفكير.. و لكن لأنهم خايفين فعلاً من المجهول..

Kontiki said...

نوارة ازيك
صباح الخير
بقالى مدة مقاطعة المدونة بشوف الاخبار عندك مش بعلق عشان حسيت فجاة انك بقيتى اخوانية :) وانا مش بطيقهم لو تفتكرى تعليقاتى القديمة
المهم كلام اى حد عاوز يدمج الدين مع السياسة باى صورة هو مرفوض تماما ياريت المشايخ و القساوسة يقفلوا عليهم ابواب جوامعهم و كنائسهم
طالما تدخلهم من عينة وجوب الطاعه او احنا مع مبارك و ابنة و كدة و يسيبونا فى لا مؤاخذة الخرة اللى احنا فية ومش لاقيين امل ولا طريقة تنفع تصلح المجتمع اللى مليان فساد على كل المستويات
amr565
بص انا لما حسيت ان نوارة شوية واخدة طابع اخوانى توقفت من نفسى عن التعليق
لان احساسى بيحتمل الصواب او الخطأ وهى فى الاول و الاخر حرة و مفيش حد هنا متعين لاصدار الاحكام على الناس الكلام الجارح فى شخصها انها تعنى حشيش و عدم صلاة و كل الانحطاط اللى انت كاتبة جالك منين ؟؟؟؟؟؟؟؟؟؟ يعنى كنت قاعد معاها فى بيتها وشايفها بتصلى ولا لا ؟؟ بتشرب مخدرات ولا لا
وبعدين و ليكن انت مالك اللى مش عاجبة مدونتها ميدخلش عندها
ومرحلة نوارة بطرس اعتقد ان موقفها واضح زى ما هى مسلمة و بتسمح بتعليقات فيها تريقة ع الانجيل فهى كمان بتهدد انه مبدا المعاملة بالمثل عشان الطرفين يتلموا حتحط هى بنفسها لنكات للتريقة ع القران عشان الطرفين يحترموا اى كتاب مقدس و يعقلوا لان الخبر و تعليقاتة مش محتملة شغل هطل و تريقة ع القران و الانجيل او التوارة
اما الفاظها الموصوفة بانها شوارعية برضة حقولك هى مدونتها لها طابع معين اللى مش عاجبة ميدخلش و يعين نفسة قاضى عليها
وبعدين كل واحد من حقة حرية تعبيرة عن حرق دمة و قرفة بالاسلوب اللى يعجبة واللى مش عاجبة برضة ميعينش نفسة قاضى و حكم يروح يشوف المدونات اللى فيها كلام المؤدبين الكويسين ولاد الناس النضيفة الفافى اللى بيتحرق دمهم باسلوب رقيق و يعلق هناك مش يجيى يشتمها هناو يحاسبها على مواقفها باسلوب اصدار احكام نرجسى متعفن .

amr565 said...

لاول مرة اتفق مع الاستاذ مينا فالرجل واضح وهو كمسيحي من حقه ان يحترم قيادات الكنيسة حتي لو طراء لنا انهم غير ما بيقول لكن دول قيادات كنيسته وهم بالفعل بيعملوا لمصلحة الكنيسة في عصرها الذهبي وان شابت الامور بعض الفساد في الذمم والاخلاق فهو متغاضي عنه في سبيل هدف اسمي وهو اقتناص تلك الفرصة التي لن تعوض الا في هذا العصر وفرض امور نراها نحن انها طائفية والمسيحين نفسهم حيخسروا كتير بعدها..لكني اركز بشكل اساسي علي المسلمون الجدد اللي فاكرين ان نقد عالم وسبه مهما كان راينا فيه وجرجرته من شعره والسخرية منه واهانته واعامله كاني بعامل شعبولا هم ليسوا مقدسين والاسلام مفهوش كهنوت لكن في نفس الوقت نطالب المسلمون الجدد بمعاملة تلك المشايخ كما يعامل المسيحي المختلف مع رجال الكنيسة قياداتها من تبجيل واحترام حتي في الاختلاف وطالما نفس التهم هي هي اللي عند المشايخ وكذلك عنك الكنيسة من موالاة النظام واحكتار الحقيقة يبقي ما نتمنه ان يعامل المسلمون الجدد المشايخ مثلما حضرتك بتعامل قيادات الكنيسة وان يبحثوا لهم عن عذر ومبررات كما تفعل انت مع قيادات شعبك اقصد شعب الكنيسة..والتفصيل في مرة قادمة ان شاء الله
اما الاستاذ كونتاكي

رغم اني لا اعرفه لاني كما قلت قبل كده جديد في تلك المدونة لكن اهلا به ومرحبا وحمد لله علي السلامة
ولو كنا نعرف ان سب القران والسخرية منه والتريقة عليه حيطلع سيادتك من الدرة اللي كنت فيه كنا طالبنا المسلمة الجديدة ان تفعلها من زمان حتي نري طلعتك البهية ...والحمد لله استاذ كنتاكي انك عشت حتي تري براءة المسلمة الجديدة من تهمة الانتماء للاخوان بسخريتها من القران..
اما الكلام عن الصلاة والحشيش قتقريبا انت الوحيد في هذه المدونة اللي مش فاهم حاجة حتي المسلمة الجدية عارفة انا بقول عن مين وبجد مينا طلع اذكي منك وتجاهل تلك النقطة تماما لكن واضح ان قعدتك الكثيرة في الدرة خلتك مش في الفورمة ومحتاج تستحمي..
امثال هولاء هم من يشجعوكي ياجديدة ويهتفوا لكي طالما بتتريقي علي القران ..احذري من هوي النفس وشعور كاذب انك اصبحت حاجة فانتي عندما تسخري من قرانك ودينك مجاملة للغير تصبحي ولا حاجة في الدنيا قل الاخرة

عم مينا said...

amr565

انت امتي حتبطل العادة المنيلة بنيلة دي و هي تحريف الكلام اللي بقوله

أنا مقولتش اني مش بشتمهم علشان دول القيادات الكنيسة و لازم احترمها..
أنا بقول ان فيه نوعين من المنافقين نوع زي رؤساء تحرير الصحف القومية.. ناس بتنافق علشان تقبض و بيقولوا كلام هما مش عارفين انه كله حجص و كذب بس مصلحتهم في كده فهيعدوا يرددوه علشان يستفيدوا و دول ناس تستاهل الشتيمة

و فيه ناس تانية زي البابا شنودة و الأنبا بشوي هما مش بينافقوا علشان يقبضوا و لكن هم مقتنعين فعلاً ان مصلحة الأقباط في وجود نظام مبارك.. أختلف معاهم و بشدة.. بس مش هشتمهم لسبب بسيط انهم مقتنعين.. يعني أما بيقولوا ان عصر مبارك هو العصر الذهبي للأقباط.. هما مش بينافقوا.. هما فعلاً مقتنعين رغم كل المشاكل اللي فيها المسيحيين.. ان هذا العصر أفضل من غيره.. و ان مبارك أرحم كتير من اللي هييجي بعده..
طبعاً نظرتهم للأمور ضيقة جداً و فيها كثير من السذاجة و الخوف لكن هما فعلاً مقتنعين بكده..

Kontiki said...

565
احتمال اكون مش فاهمة المقصود من الصلاة و الحشيش بس كلامك و تجريحك فى نوارة كان بجمل واضحة
كلامك انت بقى صراحة اللى كلة تريقة ماسخة و تحوير .. الاخوان بغض النظر عن رايى فيهم فكلامك معناه انه يا اما نكون اخوان يا اما نكون بنتريق على القران !!! مفيش حلول وسط عند سعاتك
اما قعدتى بعيد احسن من انى اشوف امثالك من هواة فرض تفسيرهم بالعافية
واخيرا دفاعى عن نوارة من منطلق دفاعى عن الحرية انت دخلت مدونتها يبقى تتفق او تختلف معاها بالادب مش بنوارة الحشيش و نوارة مرقص والفاظها الشوارعية و تحسبن عليها عشان موقفها لما قالت احط لينكات تريقة واضح المقصود بها اية مش محتاج تحويرك ولا مفهوميتك الزيادة عن اللزوم .

amr565 said...

الي الاستاذ مينا واضح ان حضرتك جاي من بلد سمعها تقــــــــــــيل
ده نص كلامي الخاص بك في الرد السابق اقراه وقولي يفرق ايه عن اللي انت كتبه وفاكره تصحيح التحريف اللي انا كتبه اهو نص كلامي الخاص بك

لاول مرة اتفق مع الاستاذ مينا فالرجل واضح وهو كمسيحي من حقه ان يحترم قيادات الكنيسة حتي لو طراء لنا انهم غير ما بيقول لكن دول قيادات كنيسته وهم بالفعل بيعملوا لمصلحة الكنيسة في عصرها الذهبي وان شابت الامور بعض الفساد في الذمم والاخلاق فهو متغاضي عنه في سبيل هدف اسمي وهو اقتناص تلك الفرصة..
اه انت زعلان اني قلت انك بتحترم قيادات الكنيسة متخفش استاذ مينا المسلمون الجدد لن يغيروا ولن يقلدوك لانك لست قدوة فالقدوة لهم هو سي ابراهيم ومن علي شاكلته فلو قلب سي ابراهيم غدا وسب الكنيسة والقسس حتي سوف يقلدوهم في تاني يوم فاطمئن ومتخفش وبعدين انت حضرتك وضعت احترام مشروط لقيادات الكنيسة وهو انهم ليسوا كالمنافقين التانين بل بينافقوا لمصلحة شعب الكنيسة يعني بحسن نيه يعني منافقين تقليد وليس اصلي وده اللي انا قلت عليه في جملة ..حتي لو طراء لنا انهم غير ما بيقول

الي الاستاذة صاحبة المدونة
دخلت علي موقع الدستور ولقيت المقال بتاعك ونظرة علي تعليقات القراء وقعدت اضحك فهم كانوا مثلي مخومين فيكي ومن يقول بارك الله فيكي ومن يقول الله يا استاذة عليكي حسسوني اني امام مجاهدة من مجاهدات الاسلام او حتي مجاهدات فلسطين الشرفاء الذين يفجروا نفسهم في العدو لكن بعد ان يقروا القران اللي الاخت المجاهدة الالكترونية سوف تضع لنكات للسخرية منه...تذكري يا اخت حتي لا تتغري بتعلقات قراء مش عارفينك كويس انك ولا حاجة طالما تطاولتي علي القران او حتي جه في خاطرك انك تتطاولي عليه..ملعونة الشهرة والاطراء الكاذب اللي يخلي واحدة تتطاول علي كتاب الله

amr565 said...

الي كنتاكي
انت تقول ايه يا بني روح اقعد تحت الشجرة اللي جاي منها ومتكلوش الموز كله

amr565 said...

لو كونتاكي طلعت بنت سوف اعتذر لها عن كلامي السابق اما لو كان رجل فكلامي هو هو..فالرسول وصانا بالنساء خيرا ما عدا طبعا سبابين القران

طنطـــا واى said...

كل كلمة عايز ااقولها ... راييى اللى مش عارف اعبر عنة او اكتبة ؟؟ لقيتة مكتوب بكل كلمة وكل حرف نفسى ااقولة والناس تفهمة

مكتوب هنا

http://dostor.org/authors/11/910/10/april/11/12692

ربنا يكرمك يا نوارتنا