Wednesday 21 April 2010

ليه فيه ناس بتحب الكاميرات اكتر من البني ادمين؟


يوم 2 مايو هو يوم مطالبتنا كلنا كمواطنين عاملين بحقنا في تنفيذ حكم قضائي لصالحنا بوضع حد ادنى للاجور
وحيبقى قدام مجلس الوزرا
اعتصام
مش مسيرة
اعتصام
مش مسيرة
اعتصام
مش مسيرة
والمطلب: تنفيذ الحكم القضائي بوضع حد ادنى للاجور او المطالبة باستقالة حكومة نظيف
وعايزين كلنا نروح الوقفة دي لان ده اكل عيشنا واللي عايز ينزل يتضامن معانا من الناس اللي ما عندهاش معاناة في اكل العيش يتشال على العين والراس، في المطلب ده
عشان احنا ناس غلابة، والناس الغلابة فاتحة بيوت ونازلة عشان اكل عيشها
ليه؟
ليه؟ 
ليه؟ 
ليه فيه ناس عشان مش عارفين يحشدوا الناس ويكسبوهم لصفهم بيركبوا على كتاف شغل ناس تانية في قضية تانية؟
تعديل دستوري ايه؟ الوقفة دي مش عشان التعديل الدستوري دي عشان الحد الادنى للاجور، دي عشان اكل العيال وكسوة الصيف والشتا ومصاريف المدارس والمواصلات
احنا مطلبنا مشروع، وواخدين بيه حكم قضائي، ومش عايزين اي حاجة وحشة تحصل، وماحدش يقدر يمسك علينا حاجة، لان دي وقفة سلمية وفي ايدنا ورقة مختومة بختم النسر
ليه الناس يدوا فرصة للامن انه يدبح الناس في الشارع عشان يطلعوا هم في الجزيرة يمسحوا دموعهم يا امال؟
وليه يشتتوا الناس؟ الوقفة قدام مجلس الوزرا
مكرم عبيد ايه اللي حيعملوا منه مسيرة لحد مجلس الشعب؟ هم بيصيعوا وللا بيهرجوا وللا بيستعرضوا وللا متعمدين يضربوا اليوم؟ 
وعلى راي ابراهيم الابيض: بعتني بكام يا عشري؟

49 comments:

عم مينا said...

أحا أحا كس أم دي معارضة
خلاص التجمع ما افتكرش التعديلات الدستورية غير يوم ٢ مايو؟؟ كانوا فين يوم ٦ ابريل اما العيال اتسحلوا؟؟؟
و الإخوان خلاص حبكت المعتقلين في نفس اليوم.. ما بقالهم بيعتقلوا من سنة ١٩٢٨؟؟؟

Anonymous said...

أصلك مش واخدة بالك، التجمع عند سيتي ستارز وتموين المسيرة من سبينيز ولو في أجهزة للتصوير أو للتدوين ح يجيبوها من فيرجن

وبعدين يتجمعوا في مكرم عبيد

wahat_alshohada said...

ايه قلة الادب دى يا مينا
صعب عليك قوى تعترض بادب؟ مش فيه ناس بتقرأ المدونة
وازاى يا نوارة توافقى تنشرى القباحة دى؟
انا كنت ناوية انزل 2 مايو بس بعد قلة الادب دى غيرت رأيى
حرقتم دمى بصراحة
اذا كنت انت والا نوارة
مش معقول كل تعليق تعطية اوك يا نوارة
لازم يبقى يبقى فيه شوية ضوابط واحترام لباقى الناس
احنا ايه ذنبنا نقرأ قلة الادب دى

Unknown said...

كنت ناوية تنزلي يوم اتنين مايو ولما مينا قال احا قررت ما تنزليش؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

amr565 said...

المعلق اللي بيعترض علي كلام الاستاذ مينا لازم تعرف ان دي مدرسة ابراهيم عيسي والمسلمون الجدد ومتطرفي الاقباط ماشين وراه وكلام من عينة عزيزي المواطن هل انت قرني والاخت صاحبة المدونة مغرمة جدا بتلك الاشياء حتي انها قلدت العنوان ده سابقا بالمسطره مع بعض التصرف وبتعتبر ان المسلم الجديد لازم يقول اح واف وكس وعادي كل ده مش مهم طالما هي بتنصر بالكدب المقاومة ووووو فده الاهم لكن اخلاق وعيب وحياء زي ما قال رسولنا الكريم بيعتبر عندهم مش روشانة ومش كاتب جديد حداثيhttp://www.almesryoon.com/news.aspx?id=28474

عم مينا said...

wahat alshohada

أنا أسف اني خدشت حيائك
ممكن تنزلي يوم ٢ مايو علشان الناس اللي بتقبض ١٥٠ جنيه في الشهر مالهومش ذنب في ان أهلي ما عرفوش يربوني؟

mido said...

amr656

طب و انت بتعيد الشتيمة و بتزود عليه من عندك
؟

:))

و كمان بتقول الرسول الكريم جمب الشتايم دى فى نفس التعليق؟

ههههههه

اللهم لا اعتراض

dr.lecter said...

هو احنا هنقعد نتخانق علي الشتايم والاخلاق ونسيب الموضوع الاساسي؟
هو ليه دايما بنخرج عن الخط اللي احنا ماشيين فيه فضوا نزاعاتكم ولو مؤقتا

حسن مدني said...

نسيب الموضوع، ونمسك في كلمة مش عاجبانا

واحة الشهداء، برغم أنني أتفق معك في الاعتراض على اللفظ. وأن (لازم يبقى يبقى فيه شوية ضوابط واحترام لباقى الناس).
ولكن الاعتصام ليس من أجل تنقية الإعلام أو المدونات من الألفاظ القبيحة، وإنما للدفاع عن حقوق المساكين، وللدفاع عن تنفيذ أحكام القضاء.
والأمرين في غاية الأهمية.

تحياتي

مهندسة كريمة said...

معاكى تمام يا إيمان بدوى فى إنكار الشتيمة و إنها فعلاً حاجة ترفع الضغط , خاصة إنها من ناس المفترض فيهم حث الآخرين على الصح

لكن ده ميمنعش إن اللى عنده إمكانية ينزل و يشارك ينزل , لإن ده يوم مناصرة لعودة بعض الحقوق المسلوبة
يعنى يومنا كلنا

رامز عباس said...

نوارتنا انا فعلا قرأت الروابط قبل مشوفها عندك وبعدين نشرتها عالفيس اتحاد الشباب التقدمى ردوا عليا وقالوا انهم رايحين الاعتصام استغربت طبعا طب ولزمتها ايه المسيرة فى اليوم ده


متفق تماما معاكى



للاخوة اللى مش عاجبهم مناخ الحرية هنا يروحوا يتحرقوا داخل بركان ايسلندا احنا هنا نقول اللى عاوزينة


وبعدين احا احا كلمة اعتراضية وعلى رأىء الرفيق جابريزم العظيم
احا احا يا مبارك اتنحى


ام ك،،،،،، دى معارضة فعنده حق اصل المعارضة هي اللى فاتحه دلوقت


معلينا اللى هيعمل متدين عنده الجامع جنب بيته


اما هنا فملتقى الافكار


وبعدين الاخت اللى كانت نازلة يعنى مبتسمعيش الكلمة فى الشارع

رامز عباس said...

نوارة لأمتة هتنسى الأميل خشى على اخر صفحةورق لمجلة أوراق اشتراكية اللى كانت معاكى بالشنطة وابعتيلى الاميل




،،،،،،،،،،،

خبر عاجل يعلن تنظيم (((أحا))) المصرى عن مشاركته وقفة المطالبة بالحد الأدنى للأجور

ويهيب بالمواطنين وكل من بأستطاعته التفوه باالأحا الانضمام لنا



عاش كفاح العمال ضد حكومة رأس المال

mUsLiM said...

عند الحق فى كل حرف قولتيه

ياريت بجد وأتمنى كل الناس تفهم الكلام اللى قلتيه بجد

ربنا يكرمك ويجزيكى عنه خير يارب

السلام عليكم

mUsLiM said...

انا اسف بجد ان فى شتيمة بالشكل ده ولو كنت قريتها فى المدونة قبل ما اكتب ردى الأول فمكنتش هاكتبه أصلا

بس حبيت أسجل إعتراضي على الأسلوب البذئ ده وأرجو من الجميع الإلتزام بمبادئ حسن الحديث مهما كان الوضع

السلام عليكم

طنطـــا واى said...

ممكن ارد على بتاعة الشهدا بدالك لانك باين عليك مؤدبة

أحتين يا ست مش احة واحدة ؟؟


ما هوة واضح من العلم والاسم انك فلسطينية من بتوع المعونة والتبرعات ؟؟

وملعون ابو الشعب الجعان ؟؟

طنطـــا واى said...

يا عم مينا احنا معاك وملعون ابو ام كل السياسيين اللى فى مصر حكومة ومعارصة ( بالصاد ) ومستغلين ( بالغين ) ؟؟

اهم حاجة تعديل الدستور ؟؟ فاكرين نفسهم سعد زغلول ؟؟؟

وتلاقى كل المواد اللى بيتكلموا عنها خاصة برئيس الجمهورية وترشيحة وانتخابة وفترة رئاستة ؟؟

الطوارىء واللحمة والاجور وكسوة العيال والدروس الخصوصى والايجار المؤقت ؟؟
كل دة مالهوش لزمة ؟؟ المهم كل طرطور طنبور عايز يبقى رئيس جمهورية

Unknown said...

كلللللللللللل ده عشان مينا شتم ؟
ههههههههههههههههههه
ده على اساس انكوا داخلين جامع؟ طب ما انا باشتم

ايه يا مينا ده يا مينا؟

اين الحياء يا انسة

Unknown said...

انا باقول نسيبها من الموضوع الهامشي بتاع حمدي حسين والتجمع وركوب بتوع السياسة على كتاف الغلابة

ونتفرغ للقضية الاساسية بتاعتنا اللي هي شتايم مينا لانها بتهدد الامن القومي وفيها خطر كبير على الصحة الجنسية للبالغين والقدرة على الانجاب وممكن تنشر الشذوذ في المجتمع واظنها جزء من المخطط الصهيوني العالمي

-_- said...

انا صيدلي كنت الاول في فصلي طول سنوات عمري
في خامسة ابتدائي كنت الخامس على الجمهورية
في ثالثة اعدادي كنت السابع على المحافظة
في ثالثة ثانوي كنت الرابع على المحافظة
دخلت صيدلة و اتخرجت بتقدير

اتعينت بمرتب اساسي 185 و بالحوافز و البدلات 345,20 بالظبط و بيخصموا 20 جنيه تأمينات

مش المشكلة اني بقبض 345جنيه و 20 قرش لكن المشكلة اني مقبضتش راتبي من شهر 12 لان المديرية مفيهاش فلوس و مينفعش اتغيب عن العمل و الا هتفصل

انا بجد مقبضتش راتب شهر 12 و 1 و 2 و 3 ولا 4 طبعا لانه لسة مخلصش

تفتكروا بعد الاعتصام هيعملولي ايه ؟

هيقبضوني ؟
هيزودوني ؟
كام ؟
100% من مرتبي
بلاش 100% خليها 200% تفتكروا الرقم ده هيبقى كافي لفتح بيت ؟

يا ريت لو ما جتش تفتكروني لاني مش هيبقى معايا فلوس اقدر اسافر و اجيلكم

صيدلي مصري

مواطن مصري said...

شهاب:الوطنى يرحب برقابةالمجتمع المدنى للانتخابات

أكد الدكتور مفيد شهاب، وزير الشئون القانونية والمجالس النيابية، الأمين العام المساعد للشئون البرلمانية بالحزب الوطنى الديمقراطى ومسئول المتابعة عن محافظة الإسكندرية، تمسك الحزب بإجراء انتخابات حرة ونزيهة ومحايدة، ويرحب برقابة مؤسسات المجتمع المدنى للعملية الانتخابية طبقا للضوابط التى تحددها اللجنة العليا للانتخابات، بحيث تكون المنافسة بين المرشحين شريفة وبعيدة عن العنف أو الرشوة.

http://www.youm7.com/News.asp?NewsID=218065

مش بقولك قربت

مواطن مصري said...

طبعا الي معترضين على شتيمة مينا عشان شتم الاخوانجية


اصل خلاص كل واحد فاكر نفسة نبي و مش بيعمل اي خطأ


الاخوان اكثر ناس منافقيننن

مهندسة كريمة said...

أنا مش شايفة إنها مشكلة أصلاً إن كل الفئات تطالب مطالبها فى يوم واحد , ده حتى فى أصول التفاوض إنك تعرض أكبر عدد من المطالب علشان تحصل على أقصى ما يمكن الحصول عليه
كمان تجمع الناس و من كل الفئات و المطالبات ده بيدى للموضوع قوة و زخم

الأمر التانى : مش معنى إن حد يستنكر إستخدام أسلوب مش مهذب فى الكلام , إنه بكده يبقى مش مدى أهمية للمطالب
بالعكس خالص , إحنا مطالبنا شريفة و عادلة , و أسلوبنا برضة لازم يبقى مهذب, يعنى إيه الضرورة فى إستخدام السب و الشتيمة
و برضو مش علشان إنتى بتشتمى تبقى الشتيمة صح و مفيش مشكلة فيها

الأمر التالت : إن مش علشان الإخوان بيعتقلوا منذ نشئتهم ده يخلينا منطالبش و نتعاطف مع معتقليهم , كأن بقى الطبيعى إنهم يبقوا فى المعتقلات , و إذا قالوا نطالب بالإفراج عن المعتقلين , نقولهم مش وقته , ما أنتوا واخدين على كده

Unknown said...

جبهة علماء الازهر:أن من يسعى للتظاهر من أجل رفع الظلم سواء عن الأشقاء الفلسطينيين أو عن فقراء المصريين ضد السلطة الغاشمة لايعد بأي حال من الأحوال ممن ارتكبوا المخالفة ولكنه يأمر بالمعروف وينهي عن المنكر


http://www.masrawy.com/News/Egypt/Politics/2010/april/22/parlaman.aspx

Unknown said...
This comment has been removed by the author.
amr565 said...

بعض المعلقين بيفكروني بالكتاب والصحافيين الحكومييين لما نيجي نطالب باي موقف تجاة اسرائيل لاجل نصرة القضية الفلسطنية يقولونا انتم عاوزنا نحارب نفس الاستهبال ده تلاقيه بوفرة مع بعض المعلقين اللي بتنحاه حرفوا نقدنا للاسلوب الشوارعي وقالونا انتم سبتوا الهم الوطني المتعلق بموضوع البوست وماسكتوا في شتيمة مينا كان الكلام السافل والوقح مكمل من مكملات الهم الوطني وانا تحديدا لم انتقد مينا ابدا بل ركزت علي صاحبة المدونة
والبعض الاخر من المعلقين بيعتبر ان الادب والسلوك القويم في الجامع فقط وهو بعتبر المدونة دي صفيحة زبالة او ماخور يقدر يطلع فيها عقده وكبته واللي مبيقدرش يقوله في بيته من كلام وسخ وحقير يقوله فيها اما لو هو بيته كده يبقي بصراحة من بيئة واطية وده لااعتقده بصراحة لكن بوصلة الاخلاق انحرفت فقط .. لكن للاسف لغةالشتائم اصبحت نوع من الحداثة الجديدة بداها هيما وبعض الكتاب لكن من النوع الخفيف وكملها ناس من نوعية وائل عباس واحا ياوائل يا ابراشي مثلما قال المحروس ومن هنا بدا بعض فاقدي الشخصية وهما في الحقيقة من بيت ادب مثل الاخت صاحبة المدونة يقلدوهم .
فهمي هويدي مهتم بالشان الداخلي والخارجي ولكنه قمة في الادب والرقي
سلامة احمد سلامة منتهي الشياكة والتحضر ومحدش قال ان الاهتمام بالشان الداخلي قرين بقلة الادب والبعد عن اخلاقيات الاسلام وللمسيحي يسوع الادب يسوع الاخلاق
اما اسلوب الردح فالكل يقدر عليه وانا لو ناديت من البلكونة علي سهام المر ودي رداحة باجرة وجعلتها تكتب في المدونة فصدقوني لن اجد فرق كبير بينها وبين بعض المعلقين.
عندي اقتراح ياريت البعض يبطل المراهقة المتاخرةلان اللي بيبنه وبنية حسنة بتهده قلة الادب والاخلاق...ونركزبقي في الاهم وهي قضايا الوطن

عم مينا said...

سماء الحرية

محدش قال ما اننا مش لازم نتعاطف مع الإخوان.. كلنا مع الإخوان المعتقلين حتي ان اختلفنا مع افكارهم

الموضوع مش بس حكاية ناس عاوزة تركب علي شغل ناس تانية.. لو كانت علي قد كده معلش.. اللي عاوز يركب يركب..

الموضوع ان الحركة دي ممكن تبوظ اليوم نفسه
علي مدي الكام سنة اللي فاتوا كان فيه نوعين من المظاهرات أو وقفات.. فيه المظاهرات أو الوقفات اللي بتبقي علشان أكل العيش.. و دي تم التعامل معاه بضبط النفس و كان بيتساب اللي عاوز يتظاهر يتظاهر.. و فيه المظاهرات السياسية.. اللي كانت الناس بتتسحل فيها.. و يطلعوهم في الأخر قلة مندسة خارجة عن القانون و بتضرب رجال الشرطة..
خطورة بقي ان الإتنين يدخلوا علي بعض.. ان محدش هيبقي عارف مين جاي علشان الحد الأدني و مين جاي علشان المعتقلين.. و الأمن يخش يبوظ الوقفات كلها و ٩٠٪ من الناس مش متابعة اللي بيحصل.. و مش هيعرفوا ايه اللي حصل بالظبط

ده المرشد بذات نفسه قال لمني الشاذلي احنا ما شاركناش في ٦ أبريل خوفاً عليهم من بطش الأمن أما يعرفوا ان الإخوان مشاركين.. فين العقل و الحكمة دي
دلوقتي؟

و أنا بعتذر مرة تانية لأصحاب القلوب الهريفة اللي عايشين في المدينة الفاضلة.. اللي مفيهاش شتايم

مواطن مصري said...

متابعة: أيمن شعبان- أعلن المهندس موسى مصطفى موسى رئيس حزب الغد أنه تقدم بأوراقه رسميا إلى لجنة تلقى الطلبات للمرشحين عن الانتخابات الرئاسية داخل الحزب استعدادا لعرضه الطلبات على الهيئة العليا للتصويت على المرشحين.

http://www.masrawy.com/News/Egypt/Politics/2010/april/23/mosa.aspx

هههههههههههههههههههههههههه


ههههههههههههههههههههههههههه

هههههههههههههههههههههههههههه

ahmedyosry21 said...

نوارة حبيبتي ..اخيرا بقي لي اكونت في الجوجل :)

ahmedyosry21 said...

اه و بمناسبة الشتيمة..انا عايز اقول ان انا ايراني الهوي مليون في المية و اللغة الفارسية لغة مافيهاش كلام قبيح خالص!!ده لأن الايرانيين هم اكثر شعوب الأرض تهذيبا او لأنهم اكثر شعوب الأرض قلة حيا!
من المعروف ان ما يزيد عن ثلثي اللغة الفارسية مفردات عربية..و لكن يجهل الكثيرون ان ما يزيد عن ثلثي المفردات "القبيحة" المتداولة بين العرب و المصريين علي وجه الخصوص هي مفردات فارسية!
و لكن الغريب ان تلك المفردات ليست قبيحة في ايران نفسها علي الاطلاق !
فقد قالت احدي الصحفيات للرئيس نجاد في مؤتمر صحفي خلال الاضطرابات التي اعقبت فوزه بالانتخابات :اذا كنت مصرا علي ان الانتخابات لم يجر تزويرها لصالحك..و ان نسبة ال 63% التي حصلت عليها هي نسبة حقيقية ..لما لا تعيد الانتخابات بالضوابط التي تطلبها المعارضة و تحصل علي 63% تاني؟!
فأجاب الرئيس نجاد بكلمة واحدة: آخة!!! كلمة آخة هي كلمة استوردها المصريين من ايران و لكن لطول المسافة فقد سقطت النون من فوق الخاء! و لكنها في ايران ليست كلمة قبيحة ..هي مجرد كلمة تقال للاعتراض.."ربما تكون القباحة عند العرب هي في الاعتراض ذاته!"

محمد الشوادفي said...

أنا من المعجبين بكتاباتك جدا
ممكن تزوري مدونتي وتقولي رأيك بصراحه
وسلامي لعمنا الكبير عم أحمد نجم
www.adpsakher.blogspot.com

مواطن مصري said...

موريس صادق يهنئ إسرائيل بذكرى تأسيسها.. ويعتبرها قدوة للشعوب المقهورة.. ويدعو لإعادة بناء الهيكل.. ويفتح النار على ثورة يوليو وحماس.. ويتمنى احتلال كامل الأراضى الفلسطينية


http://youm7.com/News.asp?NewsID=218293&SecID=12

ابو امك يا موريس

مواطن مصري said...

هههههه شفتي انتي حكاية الرئيس الساجد مرشح لرئاسة مصر 2011 مصطفى عبد العزيز رئيس حزب المحافظين
http://www.elmohafzen.org/index.php?subjectid=58

عم مينا said...

هاهاها طب ممكن أشتم موريس صادق؟؟
و لا فيه حد هيزعل؟؟

عم مينا said...

علي فكرة يا مواطن
موضوع موسي مصطفي موسي ده كده قلب كل الموازين..
هاهاهاها

مهندسة كريمة said...

مينا

هذا هو رأيك الذى أحترمه بأدب و لكنى لا أقر بصحته

فليس هناك مقياس لردة فعل الأمن يمكن القياس عليها , فأحداث ستة إبريل 2008 و هى الأكثر عنفاً أمنياً كانت بالأساس موجهة لعمال شركة مصر للغزل والنسيج بالمدينة
فالأمن عندما يريد أن يبطش مش حيسأل عمال و لا غير عمال
و عندما يريد ان يهادن حيطلع الريس قبل 2 مايو و يقول إحنا حنرفع الحد الأدنى للأجور , و يمكن كمان يديى العاملين علاوة تلاتين و لا أربعين حتى فى المية و يتكرر سيناريو مايو ألفين و تسعة
و هوه ده اللى حيجهض و بحق وقفة 2 مايو
لكن إنضمام التجمع و الإخوان و أى فئات أخرى بمطالب سياسية حيقوى اليوم و حيحبط مخططات الأمن لإفشاله

أخيراً : صحيح إحنا مش عايشين فى المدينة الفاضلة , لكن من الأفضل أن يفكر من يستخدم السباب عن الفائدة التى سوف يجنيها من إستخدامه

Unknown said...

ههههههههههههههههههههه

احمدي نجاد قال آخة؟ وكمان طلعت مش عيب عندهم؟

امال ايه؟

ما بيشتموش خالص ازاي يعني؟ اكيد بيشتموا ما بيتغاظوش ابدا في حياتهم؟

هو عموما بوصفي متابعة للمسلسلات الكوري فانا لقيت عندهم شتيمة جامدة جامدة وبيقولها لما يتعصبوا قوي:
لن اسامحك ابدا

حـنــّا السكران said...

شي غريب .. يعني قامت الدنيا على مينا لأنه قال كلمة , و ما حدا من اللي اعترضوا على مينا ( و الإعتراض حق لكل إنسان ) انتبه على تعليق طنطاوي اللي أساء فيه للشعب الفلسطيني وشتمه و سخر منه بطريقة فجّة و غير أخلاقية و نازية كمان ؟؟؟
شو يعني بتاعة الشهدا ؟ و الشعب بتوع المعونات و التبرعات و ملعون أبو الشعب الجيعان ؟
بدل ما تشتم و تنتقد حكومتك ليش مشاركة في تجويعهم و قهرهم و حصارهم , جايي تتمسخر عليهم كمان ؟
هو في حدّ عاقل في الدنيا كلها يقول : بتوع الشهدا و بتوع المعونات عن شعب مذبوح من أكثر من نصف قرن ؟ .
يا عيب الشوم .

طنطـــا واى said...

أنا من أكثر الناس سعادة بوصول سيادتك لدرجة العالمية فى التهييس

مش عارف لية لما قريت لن اسامحك ابدا الكورى افتكرت واحد صاحبى كان غاوى افلام فيديو ايام ترجمة انيس عبيد

وكان كل مايشوف حد يقولة

Fuck you , Fuck you

ولما قلنا لة كدة عيب

عرفنا انة كان فاكرمعناها (( تبا لك )) زى انيس عبيد ما كان مفهم الشعب المصرى

مهندسة كريمة said...

حنا
الإعتراض كان على السباب بصورة عامة سوء كان من مينا و لا طنطاوى و لا حتى كوهين
و طبيعى سب شعب مُحتل مُعذب و مُحاصر من الشقيقق قبل العدو أشد إيلاماً على النفس و أقسي

312asdf said...

بعيدا عن الشتيمة و الموضوع كله
طنطاوي:
تقول ايه على طفل بريء قالها لأخوه الصغير أدام أبوه و أمه.
لسة فاكر تعابير وشهم لحد دلوقتي, و ازاي ضحكوا عليا و فهموني معناها حاجة تانية خالص عشان مقولهاش
هههههههههههه

نعيب زماننا

بهيج الشرير said...

إيه ده يا عم مينا! وكمان بتعرف فارسي بنقطة ومن غيرنقطة! عموما لو عايز تطلع ميتين أي خول بيقل أدبه عليك من غير سبب، غير إسمك وخليه عم مينا الشرير، أو تعالى عندنا وناسب الشريرين من عائلات الشرايرة

mohammed said...

يا نوارة كان عندى اقتراح
يا ريت الناس الى هتكون مسئولة عن التصوير تحاول تنسق مع قناة الجزيرة انها تبعتلها الفيديوهات اول بأول لأن فى الغالب طبعا البهوات هيمنعوا الجزيرة انها تصور يا ريت لو تقدرى توصلى الاقتراح ده عشان مهم اوى ان الى هيحصل يوم 2 مايو العالم كله يعرف بيه مش احنا بس

شمس العصارى said...

ـــــــــــــــــــــــــــــــــــ
على الهامش
واحة الشهداء او الاخت ايمان
عذرا ... مع من تتحدثين
ثم يا ليتنا نسب مثلك بهوانا الفلسطينى
شكر الله مجهوداتك و افعالك التى لا يعلمها احد الا الله
ولو بقى هؤلاء القوم عقودا ما اقتنعوا بنصفها
ـــــــــــــــــــ
الاخ حنا السكرا او جون
اتفق معك جدا
و من قال ان تلك الاساءة للشعب الفلسطينى لم تسؤنا
على العكس يا حنا نسمع كل يوم هذا الكلام و نرد عليه مرار و تكرارا
السئ هنا ان هذا راى كثيرين من المصريين
ولكن الحسن هنا ان اغلب المصريين لا يطيقون مجرد سماع هذه الخرافات
امد الله فى عمر العالم الجليل نصر فريد واصل الذى كان من ضمن فتاويه التى سببت له الاقالة فتواه الشهيرة بان " من يبيت من الشعب الفلسطينى جائعا يتحكل وزره المسلمين جميعا من الاطلنطى الى الهادى "
ابشرك يا جون ان الشعب المصرى لن ينسى الشعب الفلسطينى و معاناته
و فى طلية المصريين فى هذا المجال " الاخوان المسلمين " المفترى عليهم هنا
الاخوان اول من اعد قافلة اغاثة لغزم من اكثر من سنتين و الامن منعها ورفعوا قضية و كسبوها لكن برضه الامن منع القافلة
الاخوان يسمع صوتهم عاليا دخل مجلس الشعب من خلال الاستجوابات و البيانات سواء لرفع الحصار او لفتح معبر رفع او لمناهضة الجدار
لا تقلق يا جون اغلب المصريين تتصدر همومهم القضية الفلسطينية
و اعتقد لا يخفى على كاتبة المقال من هم المجاهدين العرب اثناء حرب 1948
ـــــــــــــــــــــــ
مينا
الكلمة التى تخرج لا يمكن السيطرة على آثارها
كلمتك كانت قوية لدرجة ان اعتزارك و تراجعك عنها لم يسطتع ان يمحو أثرها
لكن على الاسوا " حسنا اعتزارك " .....
ــــــــــــــــــــــــ
نوارة
بيت القصيد
اى انتى لا البوست
اعتدنا احترام افكارك
لكن اخيرا عودتينا على سوء عرض تلك الافكار
ليه الشكل ده فى عرض موضوع مهم
و ليه كل هذا التجنى و الافتراء على الاخوان
قبل كده قلتى عليهم " اخوان الوليا " و دلوقتى بتقولى عليهم الاسوء
اينا كان اتجاهك العقلة و اينا كان انتمائك الفكرى
لا يستطيع عاقل على ارض مصر ان ينكر جهود و جهاد و صبر و احتمال الاخوان
والا حينها لا يكون عاقلا
ولا يستطيع اى كاتب مهما علا شأنه ان يجلس على كرسى جلد فى غرفة مكيفة و يكتب على لاب توب اتهامات و ادعائات بهذا الشكل على الاخوان
ان من يعترض على الاخوان عليه ان يقدم - سلفا- شئ يسير جدا مما قدم الاخوان لمصر
الاخوان ليسوا هكذا كما وصفتى انتى
الاخوان يستطيعون حشد اعضائهم فى الشارع بالملايين
لكن لهم كل الحق فى عدم فعل هذا حفاظا على اعضائهم
الاخوان هم الوحيدين الذين يقفون فى مواجهة سلمية مفتوحة مع الامن و النظام
الاخوان احرص الناس على اعضائهم و تاريخهم و ادبياتهم ولو كان فيهم عشر ما قلتى لسعوا الى صفقات مع النظام من سنوات و لنالوا حينها اعظم من الشو الاعلامى او المتاجرة بالغلابة
و لكنهم ابعد ما يكونوا من ذلك و سيظلوا فى مواجهاتهم المفتوحة متحملين عناء تلك المواجهات وحدهم فى سبيل البسطاء فى سبيل العمالفى سبيل الغلابة فى سبيل مصر
اخيرا ليه انتى بتدافعى بشدة عنمن تعرفينهم سواء على المدونة او فى التويتر
بتحسسينى انك و من تعرفينهم محتكرى الحقيقة و الرأى السديد
حتى عند الخطأ تدافعين عنهم
نظام شلة يعنى و الى يخالف ياخد على دماغه
على فكرة كده انتى بتكيلى بعدة معايير
ارسيلك على معيار واحد - حتى لو غلط - علشان نعرف نناقشك

شمس العصارى said...

البينة على من إدعى
قاعدة ثابتة لا مراء فيها
اولا:
الرأى الرسمى للاخوان يؤخذ من مكتب الارشاد او على لسان المرشد او على لسان رئيس الكتلة البرلمانية داخل مجلس الشعب
مع الاعتبار ان الاخوان من حقهم ان يمرروا ما يودوا معرفة مردوده بين الناس و هذا حقهم و هذا لا غبار عليه
دعوة حمدى حسن لكل القوى لا يمكن ان يكون المقصود منها التاثير على قضية الاجور و لكن من حق العضو حمدى حسن ان يقول برايه و من حق الاخوان ان يعتمدو هذا الراى او لا يعتمدونه فعليا .
ثانيا :
فى ظل تجاهل الحكومة للاحكام القضائية و اطلاق يد الامن يعبث فى الشعب فى ظل هذا
ما مدى نجاح الاعتصام المأمول - وانا هنا لست ضد الاعتصام مطلقا بل معه و اايده - ولكن هذا سؤال منطقى مطلوب
ثم لماذ لا ننظر من الجهة الاخرى و هى فى حالة وجود الاخوان و غيرهم من التيارات هذا سيعطى زخم للموضوع
وهل لو ذهب العمال بمفردهم الى الاعتصام سيحميهم هذا من بطش الامن
لنا فى احداث المحلة و اعتصام طنطا للكتان و غيرهما كثيرا لنا فى مثل هذه الاحداث العبرة
ــــ.............ــــــــــ
ليس دفاعا عن الاخوان ولكن اقرار للواقع الذى يتعمد البعض غض الطرف عنه
منذ متى و الاخوان يتاجرون بالبسطاء
و من اجل من يتحمل الاخوان كل هذا العناء
و من راى ان الاخوان يركبون على اكتاف الغلابة فليقدم الدليل و يثبت بالاحداث
أكل جهود الاخوان تلك الموجهة للغلابة لا تتسع لها اعينكم
ماذا يقال عن هذا واى افتراءات تسوقونها
منذ متى والاخوان يسجلون مواقف على قفا غيرهم
الاخوان ابعد الناس عن تلك الافعال و ان شئتم أسألوا الناس المتعاطفين مع الاخوان فى الانتخابات السابقة و اقول المتعاطفين و ليس المنتمين للاخوان اسألوهم مدى حرص الاخوان عليهم اثناء العملية الانتخابية
اسألوهم و سيكذبون ادعائاتكم
منذ مت و الاخوان يريدون الظهور الاعلامى سواء تليفزيونيا او فى الجرائد
على العكس الاخوان يبعدون عن الاعلام و حينما يريدون يعلنون فى مؤتمرات صحفية و يدعون اليها الكل
وغير ذلك تتسابق القنوات خلفهم لاجراء احاديث معهم .
ثم من هم " هم بيصيعوا وللا بيهرجوا وللا بيستعرضوا وللا متعمدين يضربوا اليوم" أمثل هذه الصفات تطلق على الاخوان
الاخوان بيصيعوا .... امال باقى التيارت بتعمل ايه
الاخوان بيستعبطوا ... امال اصحاب الافكار البالية و الادعاءات الباطلة بيعموا ايه
الاخوان متعمدين يضربوا اليوم ..... طيب لمصلحة من تعمدهم هذا
الخبر بيقول حديقة مسجد عمر مكرم مش شارع عمر مكرم

شمس العصارى said...

http://www.ikhwanonline.com//Article.asp?ArtID=64063&SecID=250
خايفين على الناس اهه
سلميا
وطالب تأمين المسيرة

طنطـــا واى said...

الى شمس العصارى

الاخوان كالعادة بيشتغلوا لنفسهم
وملعون ابو ميتين ابونا على اساس اننا من الكفار

زى ما اعلنوا تنكرهم لاضراب 6 ابريل الاصلى يوم السبت ويوم الاحد 7 ابريل كانوا بيطالبوا الشعب المصرى بالوقوف بجانبهم فى انتخابات المحليات

الناس تقول عايزين نشتغل وناكل وهمة يقولوا محليات

ودلوقتى الناس تقول مرتبات يوم 2 همة يقولوا طوارىء وانتخابات يوم 3

فعلا ( اينما كانت المصلحة والسبوبة ... كان أمر الله ) شعار الاخوان

شمس العصارى said...

الرجوع للحق فضيلة
واصلاح الخطا ليس انتقاصا لاحد
http://www.aljazeera.net/NR/exeres/DF5F1108-34B8-4D16-8596-E8BCA4C729C3.htm
http://www.almasry-alyoum.com/article2.aspx?ArticleID=253391

كل الاخبار بتقول – و من الاول – انه يوم 3 مايو
يعنى بعد يوم اعتصام الاجور بيوم
الان وجب عليكى الاعتذار عما بدر منك فى بوست سابق بحق الاخوان و عليكى بنفى التهم التى وجهتيها لهم و عليكى بالتراجع عن الكلام الغير لائق فى حقهم
الامانة الادبية و الصحفية تلزمك بكده
مش تشوفى خبر تقومى تسارعى بكتابة بوست كله تهم و كله تريقة و يتبعك المعليقين فى ذلك
ووجب عليكى ايضا ان تعتذرى عما بدر من المعلقين – لانهم ساروا خلفك فى كلامك فى البوست – و عليهم ايضا هم ان يعتذروا و يتراجعوا عن تعليقاتهم و خصوصا الخارجة منها
ده حتى الى رفضت الكلام الخارج مسلمتش منكم
نوارة ببوستك و بالتعليقات عليه اثبتى و اثبتوا الكثير و انتم اولى ان تعلنوا و تقولوا عما اثبته كلامكم..... يا من تدعون العقلانية .
يعنى الراجل قايل من الاول انه يوم 3 مايو نقوم احنا نضرب 3 مايو فى 2 مايو و النتيجة بوستك و تعليقاتهم عليه ده ايه العلم و المفهومية و الرؤية الواعية للواقع و مناقشة احداثه .
يبقى مش قليل لما تنزلى بوست تانى تصححى فيه الخطأ الاول .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الخلاصة المفيدة
إذا أردت أن تعرف جماعة: فانصحك أن تقرأ في فكرها مما كتب أهلها… قبل أن تقرأ ما كتب عنها من غير أهلها.

شمس العصارى said...

* بس كلللللل ده حاجة، والطعن في الشرف الوطني حاجة تانية خالص الافترا حرام وحسبي الله ونعم الوكيل في اللي يفتري على الناس
* وحسبي الله ونعم الوكيل في اللي مش متأكد من الكلام ده وبينشره على شكل رط نسوان من غير توثيق
اللي يعرف حاجة واجب عليه قدام ربنا انه يقولها
*لو ما عندهمش مصدر يسكتوا والا اللي ما يجيبش دليل على كلامه يبقى هو موضع الشك مش الناس اللي هو بيتهمهم
*مش قعدة شلت هي.. يا يجيبوا دليل يا يقولوا لنا مين اللي وراهم بيخليهم يقولوا الكلام ده ويفتروا على الناس من غير دليل
ـــــــــــــــــــــــــ
الى فات ده مش كلامى
بس عجبنى برضه
انا ناقله بالحرف من البوست ده
http://tahyyes.blogspot.com/2010/05/blog-post_9022.html

شمس العصارى said...

* بس كلللللل ده حاجة، والطعن في الشرف الوطني حاجة تانية خالص الافترا حرام وحسبي الله ونعم الوكيل في اللي يفتري على الناس
* وحسبي الله ونعم الوكيل في اللي مش متأكد من الكلام ده وبينشره على شكل رط نسوان من غير توثيق
اللي يعرف حاجة واجب عليه قدام ربنا انه يقولها
*لو ما عندهمش مصدر يسكتوا والا اللي ما يجيبش دليل على كلامه يبقى هو موضع الشك مش الناس اللي هو بيتهمهم
*مش قعدة شلت هي.. يا يجيبوا دليل يا يقولوا لنا مين اللي وراهم بيخليهم يقولوا الكلام ده ويفتروا على الناس من غير دليل
ـــــــــــــــــــــــــ
الى فات ده مش كلامى
بس عجبنى برضه
انا ناقله بالحرف من البوست ده
http://tahyyes.blogspot.com/2010/05/blog-post_9022.html