Thursday 1 April 2010

شغل مخك



طيب، يعني هو بيقول اهو ان العلماء اللي قالوا انها تحط له اللبن في كوباية دول غلطانين، المفروض ترضعه زي العيال الصغيرة، سبور اخر حاجة، حلال ده مش حرام (وانا ما اعرفش جاب منين ان كان عنده اربعين سنة انا قلبت كل الكتب والمراجع ما لقتش اربعين سنة دي، وابو حذيفة مش فايق يغير غير بعد ما سالم بقى عنده اربعين سنة؟) وقال لواحد لا ما تسألش وبعدين مش عيب ولا حاجة
طيب طيب مش عيب


ايه العيب؟ العيب ان واحدة تروح الجامعة





يعني مش عيب ان واحدة تحط شحط على صدرها وترضعه وعيب انها تروح الجامعة وحرام عشان الاختلاط!!!!!!!!!!!


شغل مخك.. واهلا وسهلا بكل البلطجية من المؤمنين والمؤمنات الاحياء منهم والاموات

18 comments:

ehabafndy said...

مفيش فايده

الميكروباص said...

طبعا لو فضلت أشرح لك سنه الموجود في الفيديو مش هايعجبك
أصل المشكله ان فيه ناس مطبوع في عقولهم شيء ولن تستطيع أن تغيره أبدا مهما شرحنا لك الصوره
والموجود ف عقلك ولن يتغير ان المشايخ دول ناس أي كلام ومجانين
يبقى الموضوع تقريبا شبه منتهي والكلام مفيش منه فائده

وبقولك تاني
بطلي انتي بس سب دين وشتيمه على المدونه بتاعتك
أصل تقريبا معظم المواضيع عندك لا تخلي أبدا من التسميات الجباره اللي انتي بتحطيها واللي بتكون مصحوبه بسب الدين
هههههههههههههههههههههد
وجاه دلوقتي ومش عاجبك الشيخ
وطبعا لو حد كلمك هتقولي انا حره
اللي مش عاجبه يشرب من البحر

ودي الحقيقه من المعجزات الموجوده عند ناس كتير في بلدنا
تلائي هما ربنا عالم بهم، ولما ييجي الكلام عن المشايخ زي ما يكون فيه حاجه بتقرصهم، لا وكمان المشايخ مش عاجبينهم

وده اللي حاصل دلوقت

انتي بتسبي الدين في المدونه وبتشتمي وبتقولي حاجات كتير
وفي نفس الوقت الشيخ مش عاجبك
يبقى الاولى انك تصلحي نفسك الاول وبعدها اتكلمي عن المشايخ
أما موضوع انك حره وغيره من الكلام اللي بسمعه دائما من الناس اللي بيستحلوا لأنفسهم فعل الاخطاء والغلط في الناس بحكم مركزهم وبحكم معارفهم، لما تيجي امام الله يبقي قولي انك حره
طبعا الكلام مش هايعجبك وهتقولي ناس متخلفين

أقولك على حاجه
خلاص يا ستي
لو مصر فيها متخلفين وتابعين لكلام فضيلة الشيخ فبقولك مصر بردو فيها متقدمين زي سيادتك واعدادهم بالملايين، لكن بردو البلد لسه خربانه
وفي الامر ده كلام كتير جدا، لكن لأن مفيش فايده فأنا هاكتفي بالكلام اللي كتبته

Unknown said...

يا ايهاب

انا رديت عليك في البوست السابق عشان انت بس شخص محترم

Unknown said...

يا ايهاب

الرد عليك في تعليقات البوست ده

http://tahyyes.blogspot.com/2010/04/blog-post.html

ehabafndy said...

وصلنى ردك و أشكرك على المجهود إلى بذلتيه فى الرد عليا و كلامك كويس و مقنع جدا إلى حد كبير بس ممكن أسألك يا ترى الكلام ده إجتهادات شخصيه منك ولا من كتب قرأتيها و ياريت لو من كتب تقوليلى أسماء الكتب دى لإنى أحب أقرأها كلها أناأحب أستزيد فى الموضوع ده بالذات و أشكرك مره تانيه.و ده مش معناه إنى إبتديت أناصب السلفيه العداء على طريقتك بس أنا بحب أقيم الأمور بهدوء و عمرى ما هحكم على فكرهم برمته لكن يمكن أن أختلف معهم جزئيا حتى لو فى أمور متعدده بس كملى جميلك و عرفينى جبتى أفكارك منين علشان أقراها بشكل كامل مش مجتزىء و أحكم عليها من وجهة نضرى مش نظرك

Unknown said...

ايهاب

والله العظيم انا مش عايزة اناصب اي حد العداء

مش ممكن ابقى ضد التفريق والفتن وابقى عايزة اني اجتزئ مجموعة لها فكر مختلف واناصبها العداء

انا كل اللي عايزاه منهم حاجتين:

اولا ان اللي بيسمع حاجة يشغل مخه، فيه حديث عن الرسول مش فاكرة نصه لكن فاكرة معناه انه بيقول الحاجة اللي تسمعوها عني وتعافها انفسكم اعرفوا اني انا ابعد الناس عنها بمعنى ان الرسول مش ممكن يجانب الفطرة السليمة

ثانيا: انهم يبطلوا يستعدوا الناس على بعضها ويبطلوا تكبر واستعلاء وكأن هم بس المسلمين واللي يعرفوا الصح واللي اكتشفوا الذرة وغيرهم يا اما يستحقوا الشفقة او العداء

ويركزوا على اولويات الامة بدل التركيز على خلق جيتو الفرقة الناجية


بالنسبة لكلامك

انا مش عايزة اي حاجة من اي حد غير اللي انت بتقوله ده

ان الواحد ما يمشيش ورا كلام حد، هو يقرا بنفسه ويبحث ويفكر ويقرر ونختلف او نتفق المهم نتبادل الاحترام ونكون متفقين على الاولوليات على الاقل

فيه حد مختلف هنا عن ان الصهيونية هي اكبر خطر علينا كلنا كسكان للمنطقة بصرف النظر عن دينا؟

فيه حد مختلف على عدم شرعية الاحتلال الامريكي؟

فيه حد مختلف على عدم شرعية الحكام الظلمة؟ وان مافيش خدمة للصهيونية والاحتلال قد وجود الحكام الظلمة على راسنا؟

غير كده كل انسان حر يفكر زي ماهو عايز

والمختلفين معايا في التلات حاجات دول برضه هم احرار بس معلش بقى هم من سكة وانا من سكة تانية وكل واحد ربنا يسهل له

بالنسبة للكتب

انهي نقطة بالظبط اللي كنت بتسأل عليها

فيه كتب كتير عن تاريخ الصهيونية فيه كتب عربي وانجليزي

هو ده اللي بتسأل عنه؟

وللا بتسأل عن ايه؟ حدد لي بس النقطة اللي بتسأل عنها وانا تحت امرك فيه كتب كتير قوي على الفور شير اتشرف اني اجيبها لك وبرضه انت لو عندك لنكات كتب ياريت تجيبها لي

Unknown said...

ramez


احتراما لرغبتك مش حانشر تعليقك ولو اني شايفة انه ضروري يتنشر بس زي ما تحب

وحارد عليك زي ما طلبت

يا رامز المشكلة اننا لما بنتكلم في القضايا المهمة بنلاقي ناس زي لورانس العرب ده مثلا يروح طالع مرة واحدة باراء انت عارفها

وناس كتير ما بتبقاش عارفة هو بيقول كده ليه، ولا جاي منين

الانسان لازم يتبع السبب ويجيب الحاجة من جدرها

Unknown said...

اه ونسيت اقول لك يا رامز

انا ما باتهددش

وطريقتهم دي لازم يبطلوها، ولازم يفهموا ان مش كل الناس بتتهدد من بلطجتهم

وان كل ما حيزودوا في البلطجة حيزيد سماع ما يكرهوا لحد ما يتعلموا يتكلموا بالعقل

Ramez said...

معاكي جدا بس انتي عارفة انك بتلعبي ماتش شطرنج مع واحد بيلعب طاولة الاتنين ملهمش علاقة ببعض انت بتبيني فساد الكلام والاراء بتاع الشيوخ دول وهما مش بيفكرو عشان لغو عقلهم هما واخدين الموضوع انة تهجم علي الشيوخ اللي هدوهم للحق وانارو ليهم الطريق فمش هيفكروفي منطقية الكلام اللي بيتقال خالص , هيعتبرو الموضوع دة تهجم علي الشيوخ وصحيح الدين اللي بيتبعوة دلوقتي ودة هيستفزهم جامد ونلف في نفس الحلقة المفرغة واللي هيتهزم منهم هنا هيجري يبلغ اصحابة عشان يجيو يردو وهتضيعي وقتك صدقيني في صداع علي الفاضي

ehabafndy said...

دا أفضل لينك أعرفه فى مجموعة متنوعة من الكتب
http://www.facebook.com/group.php?v=info&gid=317816911984
أنا عايزك تنصحينى بالكتب إلى فيها نظرياتك عن تشابه السلفية بالصهيونية على حد تعبيرك و كل النظريات التى سردتيها فى ردك على

Unknown said...

بعد اذن صاحبة المدونة
للاخوة المتعلقين بهذه القنوات لا تشخصن الاسلام فى اشخاص معينة والاسلام ليس فرقا
انما هو واحد (ولا تكونوا كالذين فرقوا دينهم شيعا) وممكن حد يقوللى يعنى ايه داعية ؟؟ ى أيه شغلته اللى بتأكله عيش؟
و من اساتذتهم الذين صرحوا لهم بالفتوى كما حدث مع من هم اشهر واسبق منهم(ابوحنيفة والشافعى وابن حنبل )وهل بحفظى كتب اصول الدين والفقه اصبح عالما منزها

وللاخت نوارة ارجوا الهدؤ فى النقاش
انتى تبدين لهم وكأنك تهاجمين الاسلام نفسه ولن تجدى الا كل رد عنيف منهم
حاولى ان تصلى لعقولهم عن طريق الاستشهاد بمن نثق فى كلامهم من العلماء (الغزالى-القرضاوى-محمد عبده)و ابتعدى عن الاستفزاز فلن يجعلهم يقتنعون برايك
وانا اامل خيرا ان تحدثى تغييرا فى عقولهم
فهم كالمرضى يجب ان نترفق بهم حتى يطيبوا


ليس مهما نشر التعليق بقدر ماهو مهم ان تكونى اكثر تروى وحكمة لعل هذه الطريقة تفلح فى جعل العقول المغلقة تفتح وتميز.

اسد الجيزة said...

لو روحتي لكتاب سبهات حول السنة الي هو رد الشيخ محمد محمد ابو شهبة علي شبهات ابو رية حول السنة هاتلاقيه رادد علي شبهة الحديث ومفندها

amr565 said...

الاخت معتقدة انها جابت التايه ده راي الشيخ ابو اسحاق الحويني من زماااااااااااااااااااا ن وكتير خطاه في موضوع رضاهة الكبيروالالتقام من الحلمة لان في عرف المتدينين ان لا احد حجة علي الدين والكل ياخذ منه ويرد عليه واحنا بنواجه هذه الشبهات واكثر منها في حوارتنا مع النصاري ومفيش حاجة تخض ولا شي ولو الاخت راحت لصفيحة الزبالة بتاعت زكريا بطرس حتلاقي اشياء زي دي ومردود عليها عندنا لكن في الامر ده الشيخ اخطا فهل عندك وفي عرفك ان شيخ لما يخطا او يذل في مسالة او كلمة يبقي يتساوي ببنانين نتنياهو مثلا الفرق بينا وبين حضرتك اننا بنقول هنا الشيخ اخطا والرجال تعرف بالحق الي اخره الخ الخ وبرضه بنقدره ونحترمه وانا والله العظيم مش سلفي وفي اختلافات كتيرة و جوهرية مع الاخوة السلف لما نتناقش لكني لا اكرهم ابدااااااا لكن حضرتك اللي بيحركك هو الكره والغل الواضح جدا وعندك استعداد تعملي اي شي حتي ولو تتحالفي مع زكريا بطاطس ضد هولاء الشيوخ الذين يقولوا لا اله الا الله محمد رسول الله ولو بحثتي في الردود كلها حتلاقي حضرتك اللي بتقولي عليهم سلفيةاو بلطجية او المتعاطفين معهم اكثرهم متعقلين من المتداخلين كلهم بيخطاؤؤك في البوستات السابقة وان كل كلامهم نابع من العقل والود واللين ولم يشذ عن كده الا بتاع الخيار لكن انظري الي من يؤيدك حتلاقيهم كام واحد معوق فكريا ومينا بتاع الزبالة ده خارج التصنيف يعني باختصار اللي بتقولي عليهم بلطجية اكثر ناس محترما واحتراما في مدونتك وانا مثلا لا اناصب الشيعةالعداء لكن الامر سهل عندي اجبلك اخطاء شيوخ الشيعةاللي في لبنان علي اليوتيوب وكلامهم من الكافي واشرشح لهم لكن لان فاهم ان لاخطا شيخ في موضوع ولا مسالة ينزل من اعين الناس ولكن من ينكر نص قراني مثلا ويقول علي الصلاة في الاسلام طقوس وانه لا يصلي يبقي ده اللي محتاج حد يلطعلله صوت من بقه
علي فكرة الجزء الاخير من اول الشيعة الي حركة الصوت مش طريقتي ولااسلوبي ولكن احببت اقولك ان مفيش اسهل من البحث في اخطاء الناس واان التلقيح والشرشحة مفيش اسهل منها برضه لكن عمرها ما حتكون طريقة للمحترمين ابدا
اطلعي من جلباب سي ابراهيم وابحثي بدون هذا الغل اللي حيضرك ولو انا قارنت او اختارت ما بين السلف وحضرتك وانت باللهجة دي والحالة اللي انتي عليها سوف اختار السلف او حتبقوا متعادلين لان اسلوبك منفر وهم اسلوبهم يشوبه بعض الغلظة
علي فكره ابحثي في جوجل علي راي الالباني في موضوع التقام الثدي ده وحتلاقيه هو راي الشيخ الحويني والاتنين غلط ورغم كده بنترحم علي الالباني ونجل ونبجل الشيخ الحويني ربنا يشفيه وانا والله لا اوافقه في الكثير من المسائل لكن لااكرهه ..مش ده الاسلام برضه والا الحنية واللين والاحترام نلاقيها مع القساوسة والكنيسة وقداسة البابا وانزل ايدي وانا بكتب خوفا وهلعا من قداسته

عبد الله أسامه said...

سيدتي الفاضلة / ليس من العدل أن ترحبي وتدافعي عن الألحاد والملحدين في مدونتك وبالمقابل تبدئي في شن حملة ضد أحد الشيوخ بسبب آراء يجهر بها.. إذا كانت الحرية هي الأساس ، فلنترك لكل واحد منهم نفس القدر ونفس الدرجة من الاحترام .. نقدر لك الغيرة على الأسلام والأيمان ، لكن هذا لا يتناسق مع الدفاع عن الألحاد الذي يلغي فكرة الربوبية والدين من الأساس؟!! هدانا الله جميعا لما فيه الخق والصواب ووقانا شر الكبر والاعنداد بالرأي

مواطن مصري said...
This comment has been removed by the author.
Unknown said...

i wonder if we can ask him: would u accept ur wife to breastfeed ur freind? plus how come he says she cant talk wit hte worker in the house but can breastfeed him..silent breastfeeding ya3ny!!

مسلم مصري said...

اللي إنتي بتعمليه ده اسمه قص ولزق بشكل مغرض يتنافي مع الموضوعية. لو سمعتي أي محاضرة أو أي درس أو أي خطبة لأي حد في أي مجال وفي نيتك إنك تطلعيه غلطان. هاتقطعي من كلامه اللي يبينه غلطان. وده اللي إنتي عملتيه بالضبط. كل الكليبات اللي إنتي اقتطعتيهاأو اقتطعها حد وإنتي نقلتيها قطعت بشكل مغرض. مع إن كليب الشيخ محمد حسان مثلا. الراجل بيقول ببساطة ربما لم يصل الدليل للإمام أبي حنيفة لأنه في هذا الوقت لم يكن العلماء على علم بكل الأحاديث لعدم انتشار وسائل النشر مثل الآن.
مش عشان واحد سلفي شتمك تشتمي كل السلفية. مع الأسف أما بتقرري تناصبي أحدا العداء بتفقدي كل أشكال الموضوعية وبتشني حرب غير شريفة ضده وضد فكره وضد اتجاهه. دا رغم إن لي انتقادات كثيرة على السلفية ومع احترامي وتقديري الشديد لهم جميعا.

Heba said...

بعسدا عن اللى فى البوست بتاعك

هو ليه صلاة العصر 4 ركعات ؟؟