جالي الميل ده واتبعت التعليمات وفتحت الفايلات وفعلا لقيت علم اسرائيل وعليه الشمعدان واتغاظت قوييييييييييي اتغااااااااااظتتت اتغااااااظت اتغااااااااظت قوييييييييييييي ومسحته وشلته من الريسايكل بن وللاسف مافيش طريقة الواحد يولع بيها في الصورة
ازاي يعملوا كده؟ ازاي؟ احنا لازم نلاقي طريقة اننا نحط علم فلسطين على الاجهزة ما بافهمش انا في الكمبيوترات بس اتصرفوا، ولاد الكلب حاطين لنا خازوق عشان يضحكوا علينا.. احنا ليه مش بنحاول نبقى محترمين ونعمل مايكروسوفت ونعمل اي حاجة مفيدة في حياتنا وللا اي تقدم علمي يعني بدل خيبتنا دي؟ ليه يعني؟
انا متضايقة قوي.. تصدقوا باعيط؟
اتفضلوا نص الميل وارجو منكم جميعا انكم تشيلوا العلم ده
إن صورة علم اسرائيل موجودة في كل حواسيب العالم ولنسهل عليكم المهمة جربوا هذه الطريقة بانفسكم ...كيفية العثور عليها·قم بالذهاب إلى جهاز الكمبيوتر
· قم بإختيار القرص C
·ثم قم بفتح مجلد Program Files
·ثم قم بفتح مجلد Microsoft Office
·ثم مجلدMEDIA
·ومن ثم CAGCAT10
·الصوره إسمها J0285926.wmfستجد علم اسرائيل وبه شموع الإحتفال بالنصر
أتمنىمن الجميع حدفه
17 comments:
يا ريت شير البوست على الفايسبوك
الموضوع ده قديم اوي
يا استاذة نوارة
شكلك ما حضرتيش الفيس بوك ايام عزه
كل اللي بتتكلمي فيه اليومين دول قتل بحثا ايامها
انا ما وصلنيش الا دلوقت
انا من رأيي نشيل الاوفيس و نستخدم المصادر المفتوحة زي ال
open office
fe nafs el folder;
J0301050 = el kaaba
J0183290 = santa claus
mesh el mo2amra el 3alameya ya3ne
لو عايزين تحطوا علم فلسطين بداله , الأول امسحوا الرمز الصهيوني ثانيا هاتوا صورة علم فلسطين و سموها نفس الاسم بتاع الصورة الصهيونية و اجعلوها نفس الاكستينشيون
نوارة....أولا ده مش علم اسرائيل
ده مجرد صورة لنجمة داوود والشمعدان الشمعدان السباعي...واصلا الشمعدان مرسوم غلط عشان المفروض يكونوا سبع شمعات مش تسعة
ده رمز يهودي مش رمز لدولة إسرائيل
وعشان تعرفي ان المسألة ملهاش علاقة اصلا بالدولة هتلاقي صورة الكعبة والحرم المكي في صورة رقم j301050 وهتلاقي صورة لبوذا
المفروض ان دي صورة لميكروسوفت بتخاطب اكبر شريحة من الناس
عشان كده في صورة لكل طائفة وفكر ودين اثروا في الأرض
انا بصراحة مش شايفة حاجة تدعو للدعوة لمسح الصورة او التنبية البالغ ده...خلي بالك انت كده داخلة عالعنصرية...
بيتهيألي انك اتشحنتي بزيادة دون تدقيق حقيقي...
انا شيلتوا
نوارة في مشكلة ::
ده بيحصل بعد تنصيب الاوفيس علي وندوز بس
يعني المشكلة خاصة بالاوفيس و بويندوز
لان نسخة الاوفيس بتتباع لحوالي 180 دوله حول العالم
اكيد حتلاقي صور لمعتقدات تانية
انا ما عنديش لاني مش باستخدم وندوز :D
يعنى والا هيا صورة للعلم المتنيل..والا الشمعدان سباعى...واضح جدا إنك مفتحه وكمان بتستقى معلوماتك من مصادر ممتازة وبتراجعيها كويس قبل البوست
انا عن نفسي ماسحتها اصلا من على جهازي
تم حذف الصورة من علي الكمبيوتر. اما عن شموع النصر فهذه معلومة غلط انها شموع الهانوكا او
Hanukkah Menorah
رمز احد الاعياد الدينية
Hanukkah
لمزيد من المعلومات
http://en.wikipedia.org/wiki/Hanukkah
قالت إن الاغنية لا تحمل اساءة للعرب
مطربة كويتية تثير ضجة بعد غنائها باللغة العبرية
http://www.alarabiya.net/articles/2010/
04/02/104730.html
مالاقيتش الفايل ولا الصورة دى عندى
الحمد لله
مش ناقصة حرقة دم
الشمعدان والنجمة السداسية دى رموز دينية يهوديه مايكروسوفت حاطاهم لأن ممكن حد يحتاجهم اثناء استعمال برامج الاوفيس وحاطين كمان صورة للحرم والكعبة الشريفة ايه علاقة الرموز الدينية اليهوديه باسرائيل يعنى قاعده تهاجمى السلفيين وانتى بتفكري زيهم على فكره الشمعدان ونجمة داوود ممكن تتاكدى من انهم شعارات دينيه فى اى معبد يهودى فى مصر
انا لازلت عند رايى القديم القائل
ليس من حق مستخدمى التكنولوجيا دون انتاجها التحدث
احنا مستخدمين فقط للتكنولوجيا وده مفروض علينا اننا نشوف و نسمع
يبقى الحل لازم نمتلك التكنولوجيا
وعلشان نمتلك التكنولوجيا لازم نزيح من يقف ضد تصنيعها و انتاجها
يبقى ازاى نزعل و نحرق فى دمنا طالما اننا لا شئ فى معادلة التكنولوجيا
نلتقى بعد اليهود فى كل حته
Post a Comment