Wednesday 7 April 2010

الظاهر العيال ما خرجوش

لما نزلت كان الامن عايز يودي العيال محافظات مش يفرج عنهم من القاهرة
رجعت وعرفت ان مصطفى ماهر شقيق احمد ماهر بيتعرض للضرب للضغط على اخوه في القسم!!!!
خليهم خليهم، كل شوية بيتجننوا اكتر وجنانهم حييجي على دماغهم
ده يا قلب امه عامل لروحه موقع كمان ههههههههههههههه
البيان ده وصلني بالميل ولو اني ما اعرفش مين الجهة دي بس قلت انشره برضه

بيان صحفي 7/4/2010
المؤسسة تدين الاعتداءات الأمنية على
متظاهري 6 أبريل وترحب بقرار الإفراج عنهم
تعرب المؤسسة العربية لدعم المجتمع المدني وحقوق الإنسان عن بالغ إدانتها للاعتداءات الأمنية على المتظاهرين المصريين والذي حدث امس الثلاثاء 6 ابريل ، وكان المتظاهرين وأغلبهم من الشباب المنتمين لحركة 6 أبريل وقوى سياسية وحزبية ، كانوا ينوون التظاهر أمام مجلس الشعب لتوصيل مطالبهم بعدم مد حالة الطوارئ .
وقد احاطت قوات الأمن وسط القاهرة أمس الثلاثاء ، وتواجدت بقوات كبيرة في ميدان التحرير وأمام مقار الأحزاب خاصة مقر حزبي الغد والتجمع بميدان طلعت حرب ، وامام مقار النقابات الرئيسية خاصة المحامين والصحفيين .
واعتدت قوات الأمن بدنيا على المتظاهرين من الشباب والشابات أمام مجلس الشوري حوالي الساعة الثانية عشر والنصف ظهرا ، كما اعتدت على متظاهرين اخرين وأعضاء بحزب الغد أمام مقره الرئيسي ومنهم نجل مؤسس الحزب د. ايمن نور ، ومنعتهم من الخروج من مقر الحزب.
كما منعت عشرات الصحفيين والإعلاميين من تغطية اليوم ، وقامت بسحب كاميراتهم ، ومنعت فضائية الجزيرة من التغطية منذ الصباح الباكر .
واعتقلت قوات الأمن ما يقرب من 80 متظاهرا ، عرض البعض منهم مساء الثلاثاء على نيابة قصر النيل ، بينما أفرج عن عدد محدود في ذات اليوم .
وقد أحاطت قوات أمنية كثيفة مقر نقابة المحامين ، بعدما اعتصم عشرات الشباب ، ونظموا مظاهرة داخل مقر النقابة ، رددوا فيها هتافات ضد النظام الحاكم وقوات الأمن.
وترحب المؤسسة بقرار السيد المستشار عبد المجيد محمود النائب العام الإفراج عن كل من احتجز على ذمة تظاهرات الأمس ، وتطالبه بالتحقيق في الاعتداءات التي حدثت على المتظاهرين.
وتتناقض هذه الاعتداءات مع كافة مبادئ الدستور والمواثيق الدولية لحقوق الإنسان التي تؤكد على حق التجمع السلمي . وهو الحق الذي أكد عليه الدستور المصري في المادة 54 التي نصت على (للمواطنين حق الاجتماع الخاص في هدوء وغير حاملين سلاحا دون حاجة إلى إخطار سابق ولا يجوز لرجال الأمن حضور اجتماعاتهم الخاصة ، والاجتماعات العامة والمواكب والتجمعات مباحة في حدود القانون)
وتطالب المؤسسة وزارة الداخلية باحترام حق التظاهر السلمي والمقر به دستوريا ووفقا للمواثيق الدولية لحقوق الإنسان التي وقعت عليها الحكومة المصرية. .

------------
انتهى البيان
كمان الجمعية الوطنية للتغيير قدمت بيان للنائب العام
العيال اللي انضربوا امبارح اجدع ناس وارجل ناس بنات وولاد وما يستاهلوش غير كل احترام وتقدير ويتشالوا على الراس من فوق
ومش مسموح لحد انه يهاجمهم.. كده، مافيش ديمقراطية في الموضوع ده


 

3 comments:

dr.lecter said...

اه طبعا جدعان
انا شفتهم بعيني وهم بيتضربوا وبيقولوا تحيا مصر وشفتهم وهم رافعين العلم ومش هاممهم الامن المركزي وهم نازل فيهم ضرب علشان هم ناس بتحب مصر حتي لو كنت بختلف مع 6 ابريل شخصيا وفكريا لكن بحترم جدا اللي عملوه علشان خاطروا بكل حاجه
انا معرفتش اساعدهم صحيح ووقفت اتفرج عليهم لاني معنديش الجراه الكافيه اني اعمل زيهم لغايه دلوقتي بس يكفي اني نزلت وصورتهم وتضامنت معاهم ونشرت الصور في كل حته علشان الناس دي تعرف مين دول

عادل المصري said...

اللي كان بيكلموا ع التويتر هوا العميد ميت وكان بيتناقش معاه ع نجاه ام فشل الوقفة والاخ كمال كان شامت ف الشباب والنخبة اللي مخرجتش

شمس العصارى said...

اقتباس :
وصدمهم أن أحداً من المثقفين الذين يرددون كلاماً كبيراً جداً لم يندفع وراءهم في الشارع.. وهكذا قرأت عبارات فيها شتم ولعن للنخبة.. وقرأت من ينتقد بعنف أن بائعي الشعارات يحبسون أنفسهم في غرف مغلقة.،،، انتهى
حق
يراد به باطل
والله انا امبارح لما قلت فى 60 داهيى النخبة و الله تانى ما كنت قريت شئ على التويتر ولا على غيره
بس فعلا فعلا النخبة بانت و انكشفت قوى
الحقوا غطوها بقا