Monday 26 April 2010

الا انا ما سمعتش من الضكاطرة حاجة يعني

منظمة الصحة العالمية اديلها شهر اهو اعتذرت عن البوليكة اللي عملتها على انفلوانزا الخنازير وتطعيماتها وقالت انها اساءت التقدير وان الموضوع مش اكتر من انفلوانزا عادية بعد ما اصابت الناس بالفزع وفيه ناس اخدت التطعيمات والدول اتكلفت اموال طائلة
ما سمعناش حس بقى للضكاطرة لا مؤاخذة من غير زعل كده الدلاديل اللي كل ما ضاكطور خواجة يطبل لهم وهم يتحزموا ويرقصوا على طبلته ويتعاملوا معانا على اساس انهم اللي راحوا اتعلموا في البندر واحنا اللي خريجين الكتاب
مش الامانة تستدعي يا حضرات انكوا تعتذروا عن الاستهزاء بينا والتطبيل ورا منظمة الصحة اللي بعد ما الناس اتطعمت واتدبست في الفلوس قالوا: اخخخخخ.... الطبلة طلعت مهوية؟ مافيش حد خالص من بتوعنا اعتذروا، ومن ضمنهم خالد منتصر واحمد خالد توفيق بدون ذكر اسماء.. ولما سألت على التويتر ايه يا ضكاطرة ماحدش نطق يعني بعد ما منظمة الصحة العالمية كسفتكوا
ميدو قال لي: هو انت شفتي حد اتطعم يعني.. في مصر نسبة التطعيمات كانت قليلة قوي
ومينا قال لي: خلاص بقى ما تحرجيناش
خلاص مش حاحرجكوا.. بس تاني مرة بلاش والنبي دور شكري سرحان في فيلم قنديل ام هاشم ده عشان احنا مش سميرة احمد
الحمد لله جات سليمة عندنا ونسبة التطعيم كانت حاجة بسيطة
كويس اننا لسه بنخاف... 
هو الموضوع قديم.. بس طلبت معايا اغلس على المسا على الناس اللي عاملة بورمجية ونازلة تنظير وبتقرفنا  

16 comments:

Anonymous said...

فى الفتره العصيبه دى من تاريخ بلدنا لازم نعترف بالحقيقه المره البلد مش محتاجه لا لدكاتره ولا مهندسين ولا محاميين ....البلد عايزه برادعاويه جامدين

الخوجة said...


الدستور تكشف المستور فى علاج بطرس غالى على نفقة الدولة


جواز عتريس من فؤاده باطل فى بركة السبع | الخوجة

مواطن مصري said...

هو موضوع انفلونزا الخنازير معروف انة نصابايا كبيرة

اول مرة نظرية المؤامرة تطلع صح

الخوجة said...

كلامك صح مية المية وانبح صوتنا واحنا بنقدم ليهم الدليل اهه لاكن كما هى العادة وكما اعتادوا لايسمعوا لنا
انفلونزا الماعز - Q fever


No To Swine Flu Vaccine - لا لمصل انفلونزا الخنازير

THE POOR AND THE SICK PAY FOR THE TREATMENT OF MINISTERS - تبرعوا من اجل علاج الوزراء - LES PAUVRES ET LA REMUNERATION DE MALADIE POUR LE TRAITEMENT D

شوفوا التاريخ واحنا بنقول من امتى
وهما ودن من طين وودن من عجين
وواحدة ست وزيرة الصحة البولنديه بالدليل بتقول ليهم لألألأ
وقدمنا الدليل الف مرة
ولاحياة لمن تنادى

دا مقال الدستور

جمهورية سقطيتا

ودا كلام وزيرة الصحة البولندية وترجمتة للعربى وبالفيديو والبولنديين يدخلوا يشاهدوة واحنا فلة بطيخ
اPolish Health Ministry on swine flu jabs- فضيحة لقاح انفلونزا الخنازير

سر ال4 مليون لقاح

MedZag said...

يعني ايه ... نسيب الناس تموت من الانفلونزا

الوزير كتر خيره رفع السماعة وحجزلنا جرعات المصل .. ولعلمك كانت محجوزة لدول تانية بس هو قدر يجيبهالنا

ولا اخد عمولة ولا رشوة ولا حاجة


وبعدين الراجل راح المدارس ولقي دوا امساك وزعقلهم....

عايزين منه ايه تاني.


المصل وجه. والناس مخدتش المصل واحتسبوا اموتهم شهداء

والدكاترة كانوا بينقذوا الناس من جهلهم باهمية ان الوزير يحجز المصل


شكرا نوارة

Unknown said...

الأمر أكبر من الأطباء
لأن الناس لازم يكون ليها مرجعية
يعني الأطباءيأخذون المنظمة كمرجعية علمية لا شك فيها فكان لزاما عليهم الإيمان بما حذرت منه.
ضعي نفسك مكانهم لو أخذوا الموضوع بتهاون ثم حدث وباء حقيقي لا قدر الله ألم تكوني أول من يطالب بقطع رقابهم في ميدان عام.

KEBLAWYAT said...

أنا مش فاهم يا فندم عايزه ايه يعنى

انت هنا مفيش فى ايدك غير انك تصدقى اللى بيقالم وتقولى حاضر

بيقولولك فيه انفلونزا خنازير يبقى فيه انفلونزا خنازير .. مفيش يبقى مفيش

لان ببساطه هم عندهم بيبحثوا و بيصرفوا وبيطلعوا نتايج .. احنا كل دورنا نسمع كلامهم

لو حضرتك دكتوره .. كنتى هتتبنى نظرية المؤامرة اول ما تسمعى عن مرض ؟؟
ولو تبنيتيها اثبتى العكس .. متعرفيش يبقى تتقبلى اللى يتقالك وخلاص

مدير التحرير said...

يعني المركز الامريكي لمراقبة الامراض ال
CDC
هو الوحيد تقريباً في العالم اللي بشتغل على الفيروسيات و البكتيريا و أي واحد درس علم اليكروبات بعرف النظريات التي تتكلم عن حتمية ظهور فيروس مثل الانلفونزا سيقضي على ملاين البشر و على فكرة هذه مش المرة الاولى اللي بتم فيها التحذير و بطلع الموضوع عادي ، حصلت كثير و راح تحصل مرة ثانية، و بعد فترة حسب التحذيرات سيظهر انفلونزا الخيول (المتوقع خلال العشر سنوات القادمة) و راح تصير ازمة زي ما حدث مع الخنازير
اللي بحب القراءة عن موضوع الميكروبات في كتاب جميل لغير الاطباء اسمه
the new killer disease

Unknown said...

مين دول اللى يعترفوا ياحاجه ؟
اللى محدش فتح بقه لما الأمريكان خزقوا عينهم وقالولهم عندكوا واحد كبير حرامى كان بياخد رشاوى من مرسيدس بقاله 10 سنين

هى جت على صحة الناس يعنى !!!!!

AhmAd said...

أخي Devman ...

أثرت في تعليقك نقطة مهمة جداً ... نقطة المرجعية ... إلى ماذا نحتكم ... على أي قاعدة نحاسب ... ونجازي ... ونعاقب؟؟

العجيب ... إن في دول تتشدق بالحديث عن الديمقراطية والحريات الفجه ... نجدهم وقد صموا اذانهم عهذه الكارثة التي حدثت في منظمة يفترض أنها "المرجعية" ... ومع العلم ... أنا عيش بره مصر ... في أمريكا تحديداً ... ومحصلش بلبلة ذي إلي فضلت في مصر ده ... الموضوع هس هس من زمان ...

نظرية المؤامرة بتقول ... إن المرجعية الفاسدة ده اتعملت عشان تشتغلنا ... بينما هما عندهم مجموعات عمل تانية هي مرجعيتهم الحقيقية الصادقة ... وبالتالي لازم نرجع نفوق ونقوم ونرجع دورنا ومرجعيتنا بنفسنا

مواطن مصري said...

أعلنت المفوضية القومية للانتخابات في السودان الاثنين 26-4-2010 فوز عمر البشير بولاية رئاسية ثانية في أول انتخابات تعددية تجري في البلاد منذ حوالى ربع قرن.

وحصل البشير على أكثر من ستة ملايين صوت من مجموع الأصوات الصحيحة وبنسبة 68 بالمئة من الأصوات.

وحل في المرتبة الثانية ياسر عرمان والذي حصل على 2 مليون و193 الف صوت.

وبالنسبة لانتخابات حكومة جنوب السودان فقد فاز بها سلفا كير زعيم الحركة الشعبية والذي حصل على أكثر من 2 مليون صوتأي أكثر من 92 بالمئة من نسبة الأصوات الصحيحة، وحل ثانيا لام آكول بحصوله على 197 الف صوت فقط

http://www.alarabiya.net/articles/2010/04/26/106886.html

سلفا كير يكتسح انتخابات الجنوب
البشير يفوز بأول انتخابات رئاسية في السودان بأغلبية 68%


الي توقعتة حصل عشان بس تصدقي ان توقعاتي ممكن تتحقق

بهيج الشرير said...

هل صحيح ياأبلتي أن خديجة باراكودا خلفت فريدة في إنجلترا في نفس الوقت اللي أبو التعالب ملك الفياجرا وقاهر الهكسوس كان "أستغر الله العظيم" بيتعمل فيه العملية الوحشة بتاعة المنظرة الألماني؟ وأنها كانت في ألمانيا مع العيلة، ولما ميعاد الولادة جه، نقلوها بالطيارة على لندن علشان تولد هناك؟ وهل صحيح أن الواد إبن عرس الأقرع كان رايح جاي بين إنجلترا وألمانيا في الفترة دي؟ أنا شايف أننا لازم نعمل جمعية وأقبضها أنا لوحدي بس علشان نساعدهم في مصاريف العلاج دي

مواطن مصري said...

قولنا البشير و سلفا كير هيتقدم محدش صدقني النتيجة 2:51 PM Apr 20th via web


دة من على التويتر بتاعي

سكوت هنصوت said...

No ya Nawara we shouldn't apologize, 3ashan e7na mesh m3'aslein we damnein gannah, All Respected countries Ya Nawara have Emergency plans, and they use the science to predict the presence of a disaster, To spend millions or even billions in preparations and then find out that is false alarm is better than saying it was a scam and pharmaceutical companies wanted to gain some money, in 1918 40 million life died in the world, this is the lesson, today, we have better potential to avoid having a similar chaos via vaccines and research. the whole world made its preparatory plans and restricted access to poultry into it, monitored migratory birds coming across them, and costed millions of dollars to do so. now we live in a farm owned by an ignorant pesant, thats why what others did easily, we did with a huge fuss, particularly that we have a threatning bomb present called avian that we are still having death because of. It is not a healthy thing to spread the conspiracy theory, you research and you make an assumption, that could be true or could be false, the most important thing, is you get prepared to the worst case scenario, with this concept, people spend millions of dollars on fire drills to educate people what to do in case of a fire, if we use the concept of this is only helping fire extinguishing companies and we shouldn't waste all this money on preparations then we are giving ourselves the explanation why we are far behind others.

سكوت هنصوت said...

No ya Nawara we shouldn't apologize, 3ashan e7na mesh m3'aslein we damnein gannah, All Respected countries Ya Nawara have Emergency plans, and they use the science to predict the presence of a disaster, To spend millions or even billions in preparations and then find out that is false alarm is better than saying it was a scam and pharmaceutical companies wanted to gain some money, in 1918 40 million life died in the world, this is the lesson, today, we have better potential to avoid having a similar chaos via vaccines and research. the whole world made its preparatory plans and restricted access to poultry into it, monitored migratory birds coming across them, and costed millions of dollars to do so. now we live in a farm owned by an ignorant pesant, thats why what others did easily, we did with a huge fuss, particularly that we have a threatning bomb present called avian that we are still having death because of. It is not a healthy thing to spread the conspiracy theory, you research and you make an assumption, that could be true or could be false, the most important thing, is you get prepared to the worst case scenario, with this concept, people spend millions of dollars on fire drills to educate people what to do in case of a fire, if we use the concept of this is only helping fire extinguishing companies and we shouldn't waste all this money on preparations then we are giving ourselves the explanation why we are far behind others.

spellz said...

a7san 7aga en fatret el khanazeer kaanet aktr fatra rekebt feeha mowaslaat:D
w nos as7aaby galhom khanazeer wana shakhseyyan knt moshtabah beh
wala 7ad feena garaalo 7aga
bl 3aks kaanet 7aga to7fa 3shaan konna bnakhod agaza mn el mostashfa:D