ثورة تسعتاشر انطلقت من الازهر
هو ايه اللي حصل؟ نروح فين يعني؟ بوظ لهم الصلاة منه لله
بس انا فرحت بشكل الناس وهم بيغنوا بلادي بلادي،
مش مهم اي حاجة، ومش مهم البرادعي حيتقدم لنا ويطلب ايدنا وللا لا، المهم ان الناس خرجت وشمت الهوا وغنوا بلادي بلادي
انا مش فاهمة الشيخ ده عمل كده ليه؟ ما كان يتكلم عن اغراءات زليخة زي ما شيخ مرة قال: وكانت ترتدي قميصا شفافا وشعرها يصل الى الارض وتنام على اريكة وشعرها الاسود الطويل الناعم يتدلى وتقول ليوسف هيت لك
ههههههههههههه اه والله قال كده في صلاة جمعة.. نقض وضوء المصلين
ايه اللي خلاه يتكلم عن مبارك؟ هو حد حاطط مسدس على راسه؟ انا عايزة هيئة علماء المسلمين تطلع فتوى بحرمة العمل مع الامن
7 comments:
بس الحمد لله أن الشيخ المرة دي مش سلفي
هو تقريبا كان نفسه يعينه شيخ أزهر لأنه دعى لطنطاوي بالرحمة و لم يدعو للطيب بالتوفيق و الرشاد
و بعدين هم أنهي ولاة أمر اللي لهم حق الطاعة, يعني العراقيين كان لازم يطيعوا ولي أمرهم بول بريمر و يخضعوا رقابهم له
و يقولك السير على منهجهم لو سيسيرون بنا للأمان و التقدم,,, طب الراجل طلع حقاني أهه, بيقول اتبعوهم لو حيمشوا صح يبقى لا طاعة للعالم اللي ماشية بنا للهاوية و الخراب,,, و هذا حكم موظف الأوقاف اللي على المنبر نفسه, لأنه خسارة فيه لقب شيخ
بس أنا كده فهمت منهجك يا نوارة شركتي السلفين و أدي الأزهر هنا,, و الصوفية في حالهم و مالهمش لازمة, يبقى مالناش حل غير نكون شيعة,,, أنا كنت متأكد أنك رافضية من الأول. هههه
نعيب زماننا
الميزة الوحيدة في حالة البرادعي اللي ماشية في البلد أن الناس ابتدت تتعود أن صوتها يطلع و تختار قائدها بنفسها و ده كفاية.
نعيب زماننا
لأ و في نفس الجامع اللي البرادعي صلى فيه,,, يعني استنصاد استنصاد. ربنا يجمعوا و عوكل في زنزانة واحدة في جهنم. آمين,
و تقولي السلفين عملاء للنظام دول غلابة بالنسبة للي حصل ده
نعيب زماننا
Nawwaara,
Since i trust your opinion very much, your alienated attitude from ElBarad3y is confusing me. I see him as a possible hero and leader that we need to convince people to start moving...I don't udnerstand why you are not for the signing of the BAYAAN TAGHYEER and why you are not very much encouraged by him? can you tell me plz? As i said i am asking becuase i value your opinions.
Thank you.
أنا دعيتله دعوه جميييييله عندى بمناسبة عيد اﻷم
والله العظيم احنا بقينا حاجة اخر مسخرة """ دة الهيرويين لو عايز يتسطل يشم واحد مصرى """" اللى حارق دمى وواضح انى خلاص بقيت زى امنا نوارة ما بتقول معنديش دم الدور العظيم للمناضل والبطل المصرى علــى البرادعى .. لازق جنب اخوة فى كل حتة وطالع فى الفيلم بدور زكريا عزمى واحمد نظيف وفتحى سرور مع بعض .... يمكن حيطالب بتغيير الدستور من التوريث للابن للتوريث للاخ ؟؟ واهو اللى مالوش خير فى اهلة ما لوش خير فى حد
nhammoda
انا لسه مش عارفة احدد موقفي لانه لسه ما بانش منه حاجة
انا مبسوطة بالناس، شكل الناس في المنصورة كان حلو
هو ما خلقش حراك لان من قبل ما ييجي وفيه حراك
بس هو جمع عدد من الناس متفرقين، ادا الناس امل ان التغيير وارد
بس حيعمل ايه انا مش عارفة
قريت حواره في الجارديان وما عجبنيش وشفت حواره مع منى الشاذلي وعجبني
وكتير بيحصل لي معاه كده اشوفه مع المسلماني يعجبني اشوفه مع عمرو اديب ما يعجبنيش وهكذا
ومش عارفة بقى حيعرف يغير الدستور وللا الناس حتقوم وبعدين يبططوا على اخر لحظة؟
الله اعلم
هو لسه ما عملش اي حاجة خالص وما دخلش اي معارك
حيبان بعد شوية
لكن ما ينفعش احكم عليه من دلوقت
Post a Comment