Tuesday 12 April 2011

استعنا ع الشقا بالله... حنئذي مين النهاردة؟


بسم الله الرحمن الرحيم الاجابة عمر سليمان
بصوا بقى
البهروزين الكبار اتحبسوا، وان شاء الله فتحي سرور حيحصلهم بكرة
واحنا في حملة تطهير مصر بقى قررنا ندخل على المستوى التاني، بعد ما ربنا كلل مجهوداتنا بالنجاح وعرفنا نئذيهم بتوفيق من ربنا 
أول حاجة، احنا عايزين عمر سليمان المختفي ده
الناس كلها مركزة على السبارس - بما فيهم مبارك وجمال اللي لولا عمر سليمان ما كانوش يعرفوا يعملوا حاجة - وناسيين اخطر رجل في العالم مستر اكس
طيب
احنا محتاجين مساعدة الاخوة الفلسطينيين، ولو تفتكروا كنت طلبت من الاخوة في فلسطين انهم يحضروا ملفات التعذيب، واللي ابنه او اخوه او اي حد قريبه مات في التعذيب ياريت برضه يساعدنا ويحضر كل ما يلزم 
ويتصل بالمحامي مالك عدلي
0101044264
وتراسلونا على الميل ده
fegypt20@yahoo.com
لإنهم حيوكلوه في تقديم بلاغات في حوادث التعذيب والقتل ضد عمر سليمان، ولو ينفع يوكلوه في انه بيجيلهم في الاحلام يخوفهم كنت قلت لهم يوكلوه والله... حسبي الله ونعم الوكيل فيه على اللي عمله فيهم
وبقى الجدار الفولاذي، وهدم الانفاق على دماغ الناس، والغاز المسمم اللي ضخه في الانفاق، وكل الحاجات الجميلة دي
امبارح كنت باتكلم مع واحدة فلسطينية على التويتر وقالت لي اصل احنا بنخاف من عمر سليمان
لالالالا ما تخافوش ما تخافوش.. خلاص.. كتفناهولكوا، ما بقاش يعض دلوقت، خايفين منه ليه؟ ثم احنا زمان كنا بنخاف منه قبل ما يتكلم، لما اتكلم كسر حاجز الخوف.. بس لكم ان تتخيلوا بقى الفلسطينيين اللي ما بيخافوش من اسرائيل بيخافوا من عمر سليمان، حتى بعد ما مبارك مشي، شوفوا بقى ده عمل ايه؟ ده خلا واحد ليبي ينتحر من كتر التعذيب 
وبعدين موضوع كنيسة القديسين ده مش حيبان كل جوانبه الا اذا اتحقق مع عمر سليمان، هو العادلي المتخلف ده يعرف يعمل حاجة لوحده؟ ده كان مجرد دراع داخلي لعمر سليمان هو النمساوي ملك الليل والعادلي ميمو ياااه، وحاجات كتير فيما يخص الفتنة الطائفية مش حتبان الا اذا اتحقق مع سليمان
لا ده راجل جامد جامد يعني... وكانوا عايزين يلبسوهولنا رئيس.. ده كان حيخلي الشعب كله ينتحر من التعذيب ويقعد هو لوحده في البلد يعذب في قطط وكلاب الشوارع لحد ما يعترفوا
احنا حنشتغل في موضوع الجدار والانفاق على ما الفلسطينيين يكلمونا يساعدونا في موضوع التعذيب والقتل والغاز المسمم وهد الانفاق على دماغهم 
بصوا بقى.. ده اللنك اللي فيه وثائق ويكيليكس اللي ترجمناها على موقع الدستور الاصلي، حتلاقوا الوثائق اللي فيها عمر سليمان واسمه في الترجمة اللي ترجمناها "مسئول امني كبير" أو "مسئول امني رفيع المستوى" المهم يعني اي مسئول اسمه مش مكتوب تعرفوا انه عمر سليمان على طول لإن ده الوحيد اللي ما نزلناش اسمه في الترجمة.... لاااااااااااا.. احنا ما بنخافش من حد.. احنا بس مش ميالين للمشاكل 
:))
عمو اللي كان مرعب... الوثائق دي ممكن نستأنس بيها في القضايا، تبقى قرينة مش دليل، لو معانا قضايا تعذيب 
المهم بقى، انا لسه قافلة مع خالد عبد الحميد وقال لي حملة تطهير مصر دي شكلها حيكبر وحنحاول نستدعي عدد اكبر من المحامين لإن الاجتماع اللي فات اللي حضره بس طبعا مالك عدلي، وسيد فتحي، وخالد عبد الحميد، وباهو، والفقيرة الى الله.. مش واحدة اسمها الفقيرة، دي انا، (معلش الناس مؤخرا بقى عندها مشكلة في الفهم فبقى الواحد لازم يوضح كل حاجة) وصحفية من الدستور. بس عمر سليمان محتاج تعاون دولي.. أو على الاقل عربي
اقصد احب اوضح - ليكون اللي صابنا هنا صاب العرب في مخهم - لو انت مش فلسطيني وعندك مشكلة تعذيب او اي انتهاكات مع عمر سليمان حضرتك برضه تقدر تكلمنا
كمان اهالي سيناء ودانهم وقعت ولوزهم نزلت في رجليهم من اللي عمر سليمان عمله فيهم وحنحاول نتصل بيهم
اي حد عنده قضية عند عمر سليمان يتصل بالنمرة اللي انا حاطاها
يالا... توكلنا على الله

57 comments:

Mohammed Gamal said...

حد يعرف يتواصل مع الراجل دة:
http://en.wikipedia.org/wiki/Mamdouh_Habib

و دي حكايته مع مستر اكس:
http://dissidentvoice.org/2011/01/the-torture-career-of-egypts-new-vice-president-omar-suleiman-and-the-rendition-to-torture-program/

Islam Kotb Diary said...

أنا مهندس مش محامى بس نفسى أشارك ممكن؟

الفت سلطان said...

ممكن تعملي حملة لحبس الناس دي في سجون الامن الوطني شديدة الحراسة, و مينفعش كلهم كده في سجن واحد, كده تهريبهم كله ممكن يتم بخبطة واحدة, و بعدين القاضي اللي ماسك قضية العادلي مش هو ده راجلهم اللي حكم في قضية ايمن نور و انقذ هشام طلعت مصطفي من الاعدام؟

pepo said...

يا نوارة بدأت احس انك بتقولى اى كلام وخلاص
لما يكون اصلا مافيش نية لمحاكمة مبارك ولا حد من عياله
وكل اللى احنا فيه ده مسلسل
انا مش بتكلم من فراغ, حوار يسرى مع اعضاء المجلس الأعلى هو اللى اكد الكلام ده امبارح. الناس دى بيستخفوا بينا ومش هايعملوا حاجة ضد مصلحة مبارك.

يبقة تفتكرى هايحاسبوا واحد زى عمر سليمان او احمد شفيق او اى راجل من اللى فى نيتهم انه يمسك البلد بعد مبارك؟

مش متخيل ان ده هايحصل ابدا وحاسس انه مجرد كلام فى اى بتنجان

Mohamed omar Zaian said...

شكلك يا نوارة مخدتيش بالك اعضاء المجلس العسكري كانو فرحانين ازاي بعمر سليمان وهم بيتكلموا عليه في حلقة امبارح

Mogahed Salem said...

الاستاذة الفاضلة نوارة نجم،
يسرنى دعوتك لالقاء كلمة من خلال ندوة فى اطار حملة توعية سياسية - مصر محتاجالك (حركة مصر محتاجالك - عضو اللجنة التنسيقية لجماهير الثورة) والتى سوف تنعقد فى احد نوادى مصر الكبرى، وتم اخذ موافقة ادارة النادى.
وللاتصال: 0107777646 - مجاهد سالم

Mogahed Salem said...

الاستاذة الفاضلة نوارة نجم،
يسرنى دعوتك لالقاء كلمة من خلال ندوة فى اطار حملة توعية سياسية - مصر محتاجالك (حركة مصر محتاجالك - عضو اللجنة التنسيقية لجماهير الثورة) والتى سوف تنعقد فى احد نوادى مصر الكبرى، وتم اخذ موافقة ادارة النادى.
وللاتصال: 0107777646 - مجاهد سالم

Hana said...

وانا عاوزة اشارك معاكو بأي جهد تكلفوني بيه. عميلة وش يعني :)

أمــانــى said...

اكيد اكيد ماحدش هيفلت ان شاء الله و هيعملوا وزارة جديدة داخل المزرعة

Alok Ray said...

احسن يستاهل علشان يبقى يعد ويحط صوره مبارك فى ضهره . ولو انى واثق انه هيطلع من كل الى قولتيه ده بس اهو الرصاصه الى متصبشى تدوش

abooood said...

يانوارة دانتي اللي معلمانا اننا لازم نتقبل آاراء الاخرين ، بلوك مرة وحده ف التويتر ع الاكونت بتاعي؟ ليه بس لو كنت قلت كلام غلط عرفيهولي لو سمحتي وعموما انا باعتذر عن اي شيئ دايقك لو سمحتي تقبلي اعتذاري وتشيلي البلوك عني انا عبود تحياتي :(

negmat lail said...

يحميك ربنا ...هاتي راسك ابوسها

احلام جوليا said...
This comment has been removed by the author.
احلام جوليا said...

بقولك ايه يا نواره انا مبحبش شغل القطاعي ده انا احب اجيب خزين الشهر كله حته واحدة واقسم على مهلي ماشي عمر سليمان لوحده لا عاوزين معاه احمد شفيق لحسن ده كانن وناوي يترشح للرئاسة ومش معقول بقى نستنى لما نلاقيه على راسنا وحزب الكنبة كله عاوز يرشحه ده انا بكلم حماتي قالت لي حرشحة راجل كويس والعيال دي مشوه ليه قلت لها يا لهوي وغلاوتك كده الله يخليك ده لا
فاسخني شويه ونعملها اتنين اتنين ولا ثلاثة ثلاثة شفيق وعمر سليمان مع بعض حتى يسلوا بعض في الحجز الاحتياطي برضه ميهونوش علينا يقعدوا لوحدهم

Passant said...

يا خسارة معنديش حاجة ضده بس ربنا يوفقكم و يولع فى مستر اكس و النبى يا نوارة مش حينفع نظام بورتو طرة ده الموبايلات و اللابتوبات انا خلاص لسانى حيفلت بس بحاول الم نفسي و بضم صوتى للى بيقول مستر اكس و شفيق يا راجل فى نفس الطلعة

mahmoud said...

نوارة انا عارف انك مابتخافيش غير من ربنا بس ده مايمنعش اني احذرك عمر سليمان ده مخابرات يعني ممكن يحاول يقتلك انا عارف انك نفسك تكوني شهيدة وفرحان ان فيه قلوب مؤمنة مابتخافش من عمر سليمان وبتديله حجمه الطبيعي انا جات لي خاطرة ايام لما مسك نائب ووقتها معلوماتي عنه كانت انه شخصية مهيبة ومحبوبة لانه في المؤتمرات بيبقي اقل واحد عليه حراسة ومكنتش اعرف ان ده عشان هو اصلا بعبع المهم وانا معلوماتي عنه ايجابية جات لي خاطرة ايم لما مسك نائب غريبة جدا شوفته في شارع ماسك سطور مولع من السخونية وحطه فوق دماغ وكتف فتاة تقريبا 14 سنة والبنت قعدت تتنطط من الالم والدخان طالع من لحمها ان مش متطرف ولا مريض ولا بحب التعذيب بس مش عارف ليه وقتها جات لي الخاطرة الغريبة دي هو اصلا شكله جزار بيسلخ لحم البشر البنت دي انا كنت ظلمتها واحنا في ابتدائي وخليت مدرسة تضربها كذا مرة وهي مظلومة انتقاما عشان هانتني مرة بس صالحتها واحنا في اخر سنة وعزايا الوحيد لما كبرت وافتكرت الموضوع وندمت عليه اني كنت قبل سن البلوغ وماينفعش اتحاسب وانا اصلا اخلاقي غير كده يمكن كنت شرير وانا صغير والحمد لله انا غير كده وربنا يديم عليا نعمة الرحمة والانسانية وحب الناس والعدل انا مش عارف قلت الكلام ده ليه بس عمر سليمان ده سره باتع فعلا ومرعب بطريقة غريبة بس الحمد لله ان سحره ده مش بياثر في القلوب المؤمنة ودي عظمة الايمان وربنا حينصرنا عليه وعلي امثاله باذن الله

أمــانــى said...

انا عارفه انك هتقريها حتى تنشريها فأعتبريها رسالة شخصية يعنى تمسحيها
اتمنى نجمع توقيعات عشان محاكمة والى اللى جابلنا المرض عشان هو اتحقق معاه وخرج وعبيد اللى باع مصر وبطرص اللى كان شحتنا بحق ربنا ربنا وكمان كان عامل نفسه بيدفع من لحمه الحى وهو دلوقتى هرب بر البلد

Unknown said...

bossy yanowarra ellela kollaha marra wa7da ya2ema mosh yenfa3 , kolohom 2assemo elka3ka yeb2a kolohom yetfa7oha marra wa7da mosh hanlamlim e7na ba2a

Ahmad Alabassy said...

بصي يا نوارة انا اقترح تنكشي و تكلمي الجخ هو ده اللي يقدر يساعدك ... الشاعر اللي بيقول قصائد هو من سيناء و لو عرفتي توصليلو هتلاقي مااسورة مصايب اتفتحتلك من اللي كان بيعملها عمر سليمان أو حتى أمن الدولة في البدو و أهل سيناء ... حاولي بجد توصليله ده هيظبط موضوع البدو عالآخرررررر و ربنا يسهل

samysalah7 said...

عقبال ما ربنا يكلل مجهوداتك بالنجاح يا نوارة في رفع الظلم عن أربعين ألف مستثمر مقهورين تحت حكم محمد متولي رئيس مجلس إدارة الشركة العربية للإصتثمارات والتنمية بعد ما نصب عليهم في إكتتابين لهف منهم حوالي نصف مليار جنيه وفي الآخر خدوا على قفاهم وقاعدين قفاهم يقمر عيش دلوقتي ومش لاقيين يأكلوا ولادهم

محمد طنطاوي said...

أنا بعرف واحد فلسطينى بيشتغل فى الأنفاق هتصل بيه وربنا يسهل

Anonymous said...

الواجب ده عندي .. إطمني يا نوارة .. استنوا اتصالات من فلسطين قريبا جدا جدا جدا.

ربنا يحفظك ويبارك فيكي .. هو ده الشغل.

Unknown said...

مش عايزين شاهد زور؟ .. ههههههههه

Omar El-Sewefy said...

يا شباب يجب أن نبني مع التطهير فالناس بدأت تكره الثورة لانها لم تغير شيء بالنسبة للانسان البسيط , فمع التطهير (بالمناسبة بلاش ننسى عاطف عبيد :) ) يجب أن نبني ولا ايه رايكم :)

مقال جامد يا نوارة ":D

Omar El-Sewefy said...

مقال جامد يا نوارة :D
يا شباب يجب أن نبني مع التطهير فالناس بدأت تكره الثورة لانها لم تغير شيء بالنسبة للانسان البسيط , فمع التطهير (بالمناسبة بلاش ننسى عاطف عبيد :) ) يجب أن نبني ولا ايه رايكم :)

Omar El-Sewefy said...

مقال جامد يا نوارة
يا شباب يجب أن نبني مع التطهير فالناس بدأت تكره الثورة لانها لم تغير شيء بالنسبة للانسان البسيط , فمع التطهير (بالمناسبة بلاش ننسى عاطف عبيد :) ) يجب أن نبني ولا ايه رايكم :)

medhat ali said...

بحبك والله يانوارة انتى بنت بمية راجل

أرنوب said...

أنا مش عارف سلامة النية (أحاول أن أكون مهذباً) دي كلها جايباها منين ؟
قبل ما تهللي كده وترشي الملح سبع مرات زي أم المطاهر مش تستني شوية لما تشوفي المحاكمات الحالية فشوش ولا لأه ؟

Early bird said...

انا بىق عايزه افهم ايه نوع الزله اللى اسرائيل مسكاها علينا علشان نبيع ااحتياطى الغاز بتاعنا كله ليها بسعر اقل من السعر اللى الحكومه بتاعتنا بتدعم شعبها بيه تبقى لنا ايه علشان نهديها بالغاز بتاعنا بنت مين فى مصر انا عايزه راس او زؤوس اللى باع الغاز بتاعنا والاسم مش لاقيين نوكلكم
ده اللى سمعته فى الجزيره مباشر امبارح وكان حيشلنى
اقولك اانا على حاجه انا حظى الاسود وقعنى فى طريق مرضى معهد الاورام وشفت تاثير العلاج الكيماوى على ناس منهم وازاى هم متبهدليين وفكرت فى ان العلاج اللى بيبهدل الكبار دول امال بقى عامل ايه فى العيال وعرفت ان فيه بحوث علشان يحاولوا يدوا اقل جرعات باقل تاثير جانبى واعلى فاعليه بس مافيش تمويل للبحوث دى واخد محموعه من الناس على عاتقه توفير بعض الفلوس دى بس للاسف بنجمع حاجات تافهه
الفلوس الى بنهادى بيها اسرائيل مش اولى بيها بحثونا العلميه ومش حانسى طبعا ادعى على الى سرطنا من الاول وخلى فيه بقى معهد اورام ومستشفى سرطان اطفال وكمان اللى بيقولوا اسفين ياريس
الى المجلس العسكرى لو بتقرى مدونه نواره وجوابات نواره والتعليقات اللى عند نواره ارجوكم عايزيين الغاز بتاعنا وعايزيين فلوسنا وعايزين نجيب اللى باع الغاز وكمان اللى سرطنا فى نفس دات الوقت
مش حاقولكم انتم مسؤلين امام الشعب وان كان ده حق ولا مسؤليين امام التاريخ وان كان ده حق بس حافكركم انكم من يوم ما قبلتم المسؤليه انتم مسؤليين امام الله وكل واحد فيكم ربنا حيساله لوحده عرفت الشئ ده وكنت قادر على تعديله عملت ايه

د.داليا السباعي said...

و سرايا ( ممكن بالصورة اللي زورها) و ابراهيم نافع بهدايا الهانم و نستفتح سجن النسا بالهانم

Asmaa mahaba said...

ازيك يا نواره
والدتى بتسال على والدتك ليه مبتجيش فى الاعلام كانت ايام النار زمان بتطلع فى التلفزيون فى عز الناس ما كانت ساكته هى فين دلوقتى من الاعلام نرجو تكون صحتها كوويسه ان شاء الله
وربنا معاكم فى حملة التطهير

Asmaa mahaba said...

بالله عليكى يا نواره متنسوش البقره الحلوب الله يرحمه كمال الشازلى لان اللى عمله مش شويه واللى كسبه ونهبه وسرقه مش شويه واللى كان عامله فى المنوفيه مش شويه

Asmaa mahaba said...

بالمناسبه سجن طره جنبنا متقلقوش لو حد حاول يطلع بينطخ الخوف كله من اهالى المساجين اللى كانوا محبوسين فى قضايا اجراميه هم اللى بحاولوا يعملوا شغب بس الجيش بيضرب فى المليان...انا كان عندى طموح اننا مكناش نلغى امن الدوله كان نفسى الحلوين يشرفوا فى السجون اللى تحت الارض ويتعذببوا شويه بالخازوق زى ما عذبوا الناس وبعدها نبقى نموتهم ونلغى امن الدوله

Dr.issamo said...

عمر سليمان هو أخطر رجل في مصر وهو من كان يحكم البلد فعليا خارجيا وداخليا
والقضاء عليه هو أهم شيء للسيطرة على الثورة المضادة

على فكرة من كلام امبارح اللي ما اتقلش من المجلس العسكري اكتر بكتير من اللي اتقال وشكلهم بيجيبوا رجل مبارك بحكاية الفلوس الاول وبعدين باقي الاتهامات جاهزة وهتطلع في وقتها ومش هايسيبوه

طبعا واضح انهم مش بيتكلموا على راحتهم وعليهم ضغوط وبيحاولوا يعملوا الصح من وجهة نظرهم

لكن برضه الكلام عن قوى خارجية و الطعن في شخصيات العسكريين اللي نزلوا
هو طبعا أكيد منهم سفلة وأغراضهم دنيئة بس برضه أكيد في منهم فاهم غلط أو عبيط ومتحمس لازم ما نساويش الكل رغم ان ان ضد هذا التصرف الغبي


واقول لهؤلء اللي نيتهم سليمة بس بيتصرفوا غلط كما قلت قبل كدة

انتوا بتراهنوا على مين لما تقفوا قدام الجيش
مفيش جيش تاني هيطلع ويقول احنا معاكم
اللي هيحصل اذن ان ينقسم الجيش وتكون مجزرة في نهايتها حكم عسكري طبعا
متفرد متفرد متفرد

ومش هيكون للشعب كلمة
وكل اللي كان مع الطرف التاني هيترمي في السجون أو يعدم لانه مقاومته كانت مسلحة ومكانتش سلمية
اظن دي نهاية ما حدش كويس ابدا يتمناها


يبقى ايه الحل
اذا كنا شاكين في المشير او بعض اعوانه
بالتفكير البراجماتي اللي قلتلكم عليه قبل كدة

اذن

ننافق الجيش ونقوله انت بابا وانت ماما وانت انور وجدي

ونضغط في باقي المطالب الى ان
نتسلم السلطة
ويأتي رئيس منتخب من اختيارنا

وساعتها بصفته القائد الاعلى للقوات المسلحة هيقدر يصلح في الجيش ويقضي على الفساد وساعتها نقدر نعزل المشير او حتى نولع فيه

لأهم شيء الان هو
اننا نبص لقدام كل اللي لازمنا من المرحلة السابقة والرموز البائدة ان نمنع الثورة المضادة
ورايي ان نترك حتى ملف المحاكمات يخلص على مهله على يد المتخصصين حتى لو كان هيضيع بعض الاموال او كلها لان امامنا ما هو اهم جدا وهو البناء

ان نبدأ في حملات التوعية السياسية علشان الانتخابات
ويتعمل ائتلافات وأحزاب وقوائم

لن خايف نفضل غرقانين في النبش في الماضي
ثم نفاجأ ان الانتخابات جت بدون ما نكون مستعدين ويكسب عمرو موسى والفلول اللي مركزين وعارفين ايه اللي بيعملوه واحنا غرقانين في الماضي وعمالين نشتم ونخون في بعض

سلام يا نوارة مصر يا عسل

واحد من الناس said...

هو دا ينفع يتحقق معاه
عادى كدا زى الناس الطبيعية
بجد ينفع يعنى؟؟

واحد من الناس said...

هو دا ينفع يحقق معاه عادى كدا
زى الناس الطبيعين
ويتقاله : ( س ) ..ويقول : ( ج ) وكدا
عادى يعنى؟؟

mohamed said...

احنا مبنئذيش حد احنا بنرد الاذية للمؤذيين تصيح واجب

Unknown said...

يا نواره باشا هو التوقيعات دى قد ايه بالظبط
اصل شكلهم قليل اوى
مش معقول الكام ظرف دول هما اللى اتجمعو بس
لو فرضنا ان كل ظرف فيه متين ورقه حتى
يا ريت تقوليلى

hayat ank said...

يا شيخه ابوس ايدك تشوفى ناصر امين اعدى معاه شويه ولا شوفى الحلقه بتاعت صالون عيسى على الجزيره مباشر تعرفى ان كل ده كسكسى على حمصى انتى ارتاحتى امبارح لما شوفتى المجلس انا شفت الحزب الوطنى واحمد عز قاعدين يسوقولنا الظلموالباطل على انه حق وبيكدبوا كدب وااااااااااااااضح وبين ومهمهمش الناس الى ماتت فى العراق شوفتى تعبيرات وش الراجل وهو بيتكلم عن العمال المصريين زى ما كان يسرى فوده بيقول ان المخلوع كان برضه كده احنا مانسواش عند الناس دى بصله بقى همه دول الى هايدفعوا عن مصر ضد اسرائيل ولا هايحركوا ساكن لو ليبيا او السودان هاجمونا دول بايعين القضيه وقابضين من زماااااااااااااااااان شوفتى نظره القمع الى فى عنيهم والالتفاف على الحقائق ياشيخه اسالى ابراهيم عيسى انتى بتشتغلى معاه فى القناه الجديده هاتفوقى تانى امته انا حبيتك علشان مفتحه وما بينضحكشى عليكى طب اسالى الراجل المفكر العربى الى بيجى على الجزيره عزمى بشاره

hayat ank said...

بعتلك الحل

صالون ابراهيم عيسى
www.youtube.com
صالون ابراهيم عيسى تاريخ البث 10 أبريل 2011
8 minutes ago · Like · · Shareقه السيده فى ضهرك يا شيخه زكريها كويس

hayat ank said...

صالون ابراهيم عيسى
www.youtube.com
صالون ابراهيم عيسى تاريخ البث 10 أبريل 2011
8 minutes ago · Like · · Share

Unknown said...

نوارة حبيبتى...... ربنا يحفظك و يحميكى. لو سمحتى كل يوم تقولى: "بسم الله الذى لا يضر مع إسمه شىء فى الأرض و لا فى السماء و هو السميع العليم" (3 مرات صباحاً و مساءً يعنى بعد صلاة الفجر و العصر) و تقولى كمان: "أعوذ بكلمات الله التامات من شر ما خلق" (برضه 3 مرات صباحاً و مساءً) و معلش آخر حاجة علشان أكون مطمئنة عليكى: "حصنت نفسى (و أهلى و المصريين و العرب الشرفاء و بلدنا و البلاد العربية) من كل شيطان و هامة و من كل عين لامة و من شر حاسد إذا حسد و من شر و ضُر المفسدين الظالمين و الفاسدين المأجورين و أعداء الوطن فى الداخل و الخارج. اللهم اكفينا الضُر كله بما شئت و كيف شئت إنك على كل شىء قدير. اللهم اكفينيهم بما شئت و كيف شئت إنك على ما تشاء قدير. و لا حول و لا قوة إلا بالله العلى العظيم و حسبنا الله و نعم الوكيل". (مرة واحدة كل يوم, أصل ده من تأليف بنت خالى و أنا زودت عليه حاجات). أنا عارفة إنك مابتخافيش ولكن لا تنسى إن فيه ناس كتير بتحبك و بتخاف عليكى فلو سمحتى اسمعى الكلام و ربنا يحفظك و يحميكى و يزيدك علماً و يُعلمك ما ينفعك و ينفعك بما علمك و تظلى دائماً منارة للعلم و المعرفة و الثقافة يا نوارة يا منورة يا جميلة. و السلام عليكم و رحمة الله و بركاته و استودعك الله الذى لا تضيع ودائعه

hayat ank said...

بزمتك يا شيخه انتى ارتاحتى لما شفتى البرنامج ولا لما شفتيهم بيتكلموا ده انا عيط من كتر ما لاقيتهم بيستهزئوا بالمصريين الى كانوا فى العراق وماتو ردفعلهم زى رد المخلوع بالضبط

من اجل مصر حره بجمهوريه برلمانيه said...

هيه هيه توقيعي اهه توقيعي اهه انا وقعت الكتروني وعليا النعمه ازعل لو ماخدتيش البلاغ بتاعي من النت وطبعتيه هتجنن يا ناس عاوز انزل مصر ربنا يعينك علي اذيه المؤذي يا نوارتنا (يعطيكي العافيه يا ريا )هههههههه

Aalaa Elshamy said...

محدش هيفلت من العقاب ده احنا كنا محكومين من عصااااابة والله مش عارفة احنا كنا ساكتين ازاى سبحان من صبرنا والله...المهم ربنا يقدرنا لان لسة كتير اوى ولازم نفضل مفتحين عنينا اد كده لان لو غفلت لحظة ممكن نتكفى على وشنا ف لازم كلنا نفتح عنينا ربنا معانا يارب

hassn hamdi said...

أعتقد -بدون تشاؤم- أن كل جهودنا ستضيع هدرا سواء كنا مع المجلس العسكري أو ضده وأن رئيس مصر القادم واحد من هؤلاء:
-عمر سليمان
- أحمد شفيق
- مجدي حتاتة
- سامي عنان
وكل المرشحين الآخرين سيكونون لزوم الديكور الديمقراطي
أعتقد أن الطبخة مجهزة بالفعل في دهاليز السي آي إيه وكل ما يجري في مصر تمثيلية محبوكة للوصول الى هذه النتيجة
ربنا يخيب ظني عموما لأني تعبت بجد

hassn hamdi said...

الصراحة أنا كل يوم بحاول اقنع نفسي ان المجلس العسكري مؤمن فعلا بالديمقراطية وممكن فعلا يجيب رئيس يحاكم أعضاء المجلس في يوم من الأيام بتهمة الاضرار بأمن مصر القومي والتربح واستغلال النفوذ
بس غصبا عني مش قادر

ساندى said...

يا ريت حد ينخرب ورا يوسف بطرس غالي
حبيب الشعب الغالى علينا غالى
حد يطلع لينا مصايب تحدفه فى سجن طره عشان الشعب يستريح والنبى
نخربى وراه يا نوارة يمكن تلاقى له بلاوى ويحصل اخواته فى بورتو طرة
اللهم أمييييييييييييييييين

ساندى said...

يا ريت تدورى لنا يا نوراه على بلاوى للحبيب الغالى الغالى الغالى
يوسف بطرس غالى
اللى حرق دم الشعب بقراراته
ومن وتفضل علينا بعطاياه اللى من جيب أهله وأهل حكومته وكان الشعب مالوش حق فى بلده
يا ريت يحصل أخواته فى بورتو طره وهو طويل واهبل ذى احمد نظيف ويتعذبوا بقصر السرير اللى ها يناموا عليه

Mohammed Gamal said...

دة مستر اكس طلع كان هيقطع دراع محمد الظواهري! جد مش هزار!
http://www.shorouknews.com/Columns/column.aspx?id=431046

Unknown said...

و انتي بقا يا بنت الحشاش و عاهرة الافكار تعرفي تحاكميه بإيه ؟
كتاب جان ماير اللي كل ناشريها و داعميها صهاينة زي سورس و نيوهاوس و هيلمان ؟ و لا شوية شهادات من موقع مشكوك في اغراضه ترجمتي منه شهادات عجبتك لإثبات وجهة نظرك ؟و ياريت بحجة محترمة .. ده انتي من عبطك بتقولي عمر سليمان لم يذكر اسمه صراحة و لا مرة ! طيب ياتري ليه لم تترجمي عرض طنطاوي و عمر سليمان " معا " احتلال محور فلاديلفيا ؟ و الوثيقة مذكور فيها للاسف اسمه صراحة !
ثم يعني " مصدر رفيع المستوي " يبقي عمر سليمان !؟ هو كل اللي بيقرالك زيك كده و لا انتي اللي كده بس ؟
و لا يمكن عشان عقدتك النفسية الرخيصة ؟ عادة و لا حتشتريها
امك اللي صدام حسين لمها من الشوارع و باست ايده في لقاء جماهيري و كتبت في نص جرايد العراق عن فضله عليها و عليكي ... شمتت فيه بعد اعدامه و طلعت تعمل فيها مناضلة عشان آل صباح يعطفوا عليها بعضمة
اما بالنسبة للوالد فالغريب قبل القريب يعلم تماما من هو نجم .. نجم و اراجوز سهرات الباشوات
العبي بعيد يا عبيطة
و اتنيلي العبي الدور اللي مرسوم لك بمزاجك او غصب عنك
سلام

mohamedfarid said...

إحذروا الخطر القادم نفس سيناريو توشكى يريد الدكتور أسامة الباز ضياع مياه النيل بنقود المصريين ، يريدون قتلنا بنقودنا ووافقت الحكومة على مشروع هذا الرجل ، أرجوا أن نلفت الإنتباه أننا نحارب وسيحارب العالم أجمع للبحث عن المياه ، الحروب القادمة كلها ستكون بحثا ً عن المياه ، ونحن ندفع بنقودنا ومياهنا إلى الصحراء والحكومة توافق على هذا !؟ أرجوا أن ننشر هذا إن الزراعة لابد أن تكون فى الأراضى الزراعية فى حوض النيل والبناء فى الصحراء أما نقل المياه للشرب وللزراعة التجميلية بالصحراء فيمكن نقلها بشبكات للمياه ، أرجوا من مهندسينا البيولوجيين أن يتداركوا هذا فلندرس تكلفة إنشاء مدن سكنية بشبكات المرافق المختلفة مياه وصرف وكهرباء وغاز وغيرها من الطرق والسكك الحديدية ، وتكلفة إستصلاح الأراضى الزراعية وإسترجاع أراضى النيل الزراعية المغتصبة بالبناء ولنقارن النتائج ، وفى النهاية لا ولن يصح إلا الصحيح الأراضى الزراعية للزراعة والأراضى الصحراء للبناء .

mohamedfarid said...

إحذروا الخطر القادم نفس سيناريو توشكى يريد الدكتور أسامة الباز ضياع مياه النيل بنقود المصريين ، يريدون قتلنا بنقودنا ووافقت الحكومة على مشروع هذا الرجل ، أرجوا أن نلفت الإنتباه أننا نحارب وسيحارب العالم أجمع للبحث عن المياه ، الحروب القادمة كلها ستكون بحثا ً عن المياه ، ونحن ندفع بنقودنا ومياهنا إلى الصحراء والحكومة توافق على هذا !؟ أرجوا أن ننشر هذا إن الزراعة لابد أن تكون فى الأراضى الزراعية فى حوض النيل والبناء فى الصحراء أما نقل المياه للشرب وللزراعة التجميلية بالصحراء فيمكن نقلها بشبكات للمياه ، أرجوا من مهندسينا البيولوجيين أن يتداركوا هذا فلندرس تكلفة إنشاء مدن سكنية بشبكات المرافق المختلفة مياه وصرف وكهرباء وغاز وغيرها من الطرق والسكك الحديدية ، وتكلفة إستصلاح الأراضى الزراعية وإسترجاع أراضى النيل الزراعية المغتصبة بالبناء ولنقارن النتائج ، وفى النهاية لا ولن يصح إلا الصحيح الأراضى الزراعية للزراعة والأراضى الصحراء للبناء .

Unknown said...

لأختنا النوارة نوارة كل الإحترام و التقدير

أختي الكريمة توجد قضية مهمة تضاف لقضية الحصار
و إن كانت تتميز عن قضية الحصار بأن الاتهام فيها مباشر لعمر سليمان
و توثيقها ليس صعبا
و هي مثبتة بأكثر من دليل
و التهمة هي شراكة عمر سليمان شخصيا بالحرب على غزة
و توجد في الصحف الإسرائيلية و الإعلام بشكل عام قبل الحرب على غزة ما يثبت ذلك
حيث قال الإعلام الصهيوني بأن عمر سليمان ( بالإسم ) طالب بضرب غزة
و الإثبات الآخر أن هذا الإتهام لم ينفيه حتى الآن عمر سليمان أو غيره


لذا أختي الكريمة أرى التالي
أن يقوم المحامي بالإتصال بجهة أو مكتب للقانون في غزة لتجهيز ما لا يقل عن 100 توكيل لمحامي الإدعاء من :
أهالي مئات الشهداء الذين سمت أرواح ذويهم خلال الحرب يتهمون المذكور بالشراكة في قتل ذويهم
الآف المصابين و المتضررين و أصحاب البيوت المهدومة يطالبون بمحاكمته على الشراكة في مصائبهم

و نسأل الله لكم التوفيق ..... و للظالمين و المجرمين العذاب الشديد ...
و نسأل الله أن يشف صدور المؤمنين المكلومين

Unknown said...

لأختنا النوارة نوارة كل الإحترام و التقدير

أختي الكريمة توجد قضية مهمة تضاف لقضية الحصار
و إن كانت تتميز عن قضية الحصار بأن الاتهام فيها مباشر لعمر سليمان
و توثيقها ليس صعبا
و هي مثبتة بأكثر من دليل
و التهمة هي شراكة عمر سليمان شخصيا بالحرب على غزة
و توجد في الصحف الإسرائيلية و الإعلام بشكل عام قبل الحرب على غزة ما يثبت ذلك
حيث قال الإعلام الصهيوني بأن عمر سليمان ( بالإسم ) طالب بضرب غزة
و الإثبات الآخر أن هذا الإتهام لم ينفيه حتى الآن عمر سليمان أو غيره


لذا أختي الكريمة أرى التالي
أن يقوم المحامي بالإتصال بجهة أو مكتب للقانون في غزة لتجهيز ما لا يقل عن 100 توكيل لمحامي الإدعاء من :
أهالي مئات الشهداء الذين سمت أرواح ذويهم خلال الحرب يتهمون المذكور بالشراكة في قتل ذويهم
الآف المصابين و المتضررين و أصحاب البيوت المهدومة يطالبون بمحاكمته على الشراكة في مصائبهم

و نسأل الله لكم التوفيق ..... و للظالمين و المجرمين العذاب الشديد ...
و نسأل الله أن يشف صدور المؤمنين المكلومين

Unknown said...

لأختنا النوارة نوارة كل الإحترام و التقدير

أختي الكريمة توجد قضية مهمة تضاف لقضية الحصار
و إن كانت تتميز عن قضية الحصار بأن الاتهام فيها مباشر لعمر سليمان
و توثيقها ليس صعبا
و هي مثبتة بأكثر من دليل
و التهمة هي شراكة عمر سليمان شخصيا بالحرب على غزة
و توجد في الصحف الإسرائيلية و الإعلام بشكل عام قبل الحرب على غزة ما يثبت ذلك
حيث قال الإعلام الصهيوني بأن عمر سليمان ( بالإسم ) طالب بضرب غزة
و الإثبات الآخر أن هذا الإتهام لم ينفيه حتى الآن عمر سليمان أو غيره


لذا أختي الكريمة أرى التالي
أن يقوم المحامي بالإتصال بجهة أو مكتب للقانون في غزة لتجهيز ما لا يقل عن 100 توكيل لمحامي الإدعاء من :
أهالي مئات الشهداء الذين سمت أرواح ذويهم خلال الحرب يتهمون المذكور بالشراكة في قتل ذويهم
الآف المصابين و المتضررين و أصحاب البيوت المهدومة يطالبون بمحاكمته على الشراكة في مصائبهم

و نسأل الله لكم التوفيق ..... و للظالمين و المجرمين العذاب الشديد ...
و نسأل الله أن يشف صدور المؤمنين المكلومين

نيوز فلسطين said...

جزاكم الله كل خير اختى نواره على هالجهد وان شاء الله نحن نعمل على تفعيل الموضوع فى غزة وفلسطين لنرى كل من تضر يرسل وثائقهم عن ذلك