انا بقى مش حابتدي الحملة دي.. عشان لو انا ابتديت الحملة دي كل الناس اللي بتنفسن عليا مش حترضى تخشها، وانا واحدة بتاعة مصلحة واكتشفت اني برجماتية
انا دلوقت حاشتغل مبلغاتية ويبقى حد غيري يبتدي الحملة.. وحد غيري يكلم اللي حيبتدي الحملة، واول ما تبتدي انا حاخش فيها، وحافضل طول ما انا فيها اقول ان فلان هو اللي ابتداها
بس التبليغة دلوقت هي الآتي:
اي حد من سيناء، او فلسطين، او اي دولة عربية عنده قضية تعذيب، او احتجاز بدون وجه حق، او مداهمة بيت، او اي انتهاك من انتهاكات حقوق انسان في رقبة عمر سليمان، اي حد عنده معلومات يمكن الاستناد اليها كأدلة او قرائن يتصل على
المحامي مالك عدلي
0101044264
او المحامي خالد علي (اتكلمت معاه من فترة وهو مستني اي حد يكلمه)
0121519598
لو حد متصل من خارج مصر يحط قبل الارقام دي الكود ده
002
او يبعت اي حاجة على الميل ده
fegypt20@yahoo.com
اهالي سيناء واهالي غزة اكتر ناس ممكن تيجي منهم قضايا
fegypt20@yahoo.com
اهالي سيناء واهالي غزة اكتر ناس ممكن تيجي منهم قضايا
وانا حاسكت اهو لحد ما حد غيري يتكلم
54 comments:
واللة كلام كويس ولسة يحيى الجمل مش عايزين ننساه
قشدة و شفيق يا راااااااااجل هنسيبه ولا إيه ؟؟؟
ازاى الراجل ده كان رئيس مخابرات معنى كده ان اسرائيل مخترقه مخابراتنا و بعدين ازاى هنثق فى المخابرات بعد كده و هو يعنى لواحده ماهو وراه ظباط بردو كتير لازم يبادو و الا نبقى عريانين سياسيا و زمانها زرعت جواسيس ياما هنلمهم ازاى دول؟
نوارة كملى اللى انت ابتديته مع الثلاثى الغير المرح والحمد لله ربنا كلل جهدنا بالنجاح وشرفوا بورتو طرة ارجو منك عدم الالتفاف لاى منفسين كملى يا نوارة ارجوكى
لااا يا نوارة, محدش فاضي يعمل الحاجات اللي مفروض تتعمل, او مفروض كانت اتعملت من زمان, كلهم بيتخانقو مع بعض او مع الجيش او بيحلمو بالمجلس الرئاسي :((, انجزي انت يا حاجة الله يكرمك و يرزقك الشهادة اللي نفسك فيها و يرزقني انا كمان :).
أنا قلتلك قبل كده الجخخخخخخخخخ صدقيني ده هتجيبو منو بلاوي أوصلولو بس .. أنا صوتي اتنبح من المهاتية ... الجخ عارفاه .. الشاعر اللي من سيناء جابته منى الشاذلي صدقيني ده هتجيبو منه بلاوي بس اوصلوله هيرسيكو عالليلة كلها الجخخخخخخخخخ
نوارة كملى شغلك اللى ابتديته مع الثلاثى الغير مرح والحمد لله ربنا كلل جهدنا بالنجاح ومشرفين فى بورتو طرة كملى يا نوارة دة اولى واحد نشتغل عليه ماشى يا نوارة سيبك من اللى منفسنيين وغيرهم من الناس اللى عاوزنا نتفرج زيها
كملى با نوارة ارجوكى
اترررررررررررررجااااااااااكى يا نواااااااااااااررررة يا بنت الحاج فؤاد غيرى اسم المدونة بتاعتك من التهييس الى اى كلمة تانية ولتكن التجيييييش اهو معناها يبقا فى الصميم
غيرى اسم المدونة وخليها اسم التجييييش بدلا من التهييييس بدال ما حد يقول علينا بنحشش
غيرى اسم المدونة وخليها اسم التجييييش بدلا من التهييييس بدال ما حد يقول علينا بنحشش
محموق محي الدين منسي ليه من البرتيتة بتاعة طرة ولا علشان راح البنك الدولي
توكلى على الله وكملى انتى يا نوارة ..
ربنا يعينك
لا يعنى خروج البعض عن حدود النقاش المحترم أن تخشى من أن تبادرى بمشروع وطنى, سيرى فى ما ترينه حق, و إن إختلف معك أحدهم, فسينقدك بإحترام, أما إن وجه إليك أحدهم سبابا أو تجريح فإعلمى أنك أنتى الأعلى
اسالى مسعد ابو فجر هو هايقلك تعملىايه وهايضبطك
سؤال بعيد عن الوضوع يا اختى
يعنى ليه برجماتيه
:PPPPPPP
ماردتيش على اخر موضوع بعته استنيت الايميل فتره طويله:)))
سؤال بعيد عن الوضوع يا اختى
يعنى ليه برجماتيه
:PPPPPPP
ماردتيش على اخر موضوع بعته استنيت الايميل فتره طويله:)))
شوفى ازاى اسرائيل قدره تدخل على شركات الاتصالات واخر قضيه تجسس اتمسكت
بلاش الله يخليكي النغمة دي ما احنا اهو وناس كتير معاكي وراضيين عن ادائك وانت فلة شمعة منورة .. يعني مفيش حد عليه اجماع .. اعملي اللي يرضي ضميرك ويرضي ربنا.. وبس ...يعني كفاية تبليغة زي دي كل فترة
الاسماء اللي تشكل خطر على الثورة هي الان
عمر سليمان، عشان كان مسئول كبير في الدولة لما حصل اللي حصل في موقعة الجمل، و بسبب ماضيه المهبب في التعذيب و علاقته باسرائيل و تعامله مع غزة
أحمد شفيق، لانه برضه مسئول ايامها، و له شعبية و ناس بترشحه رئيس
محمود وجدي، لانه وزير الداخلية يوم موقعة الجمل، و مش بس كدة، قال على التلفزيون ان في قناصة اجانب هي اللي ضربت المتظاهرين
كل دول لازم يتجابوا و يتحبسوا بعيد عن بعض و عن التانيين
الباقيين فساد مالي و بتاع حييجي الدور عليهم واحد واحد مش مستعجلين
كملى إنتى يا نواره وسيبك من أى حد منفسن ، إنتى ماشيه كويس أوى كده وربنا يحميكى
نوارة انا مستعدة اتطوع انسق اعمل اي حاجة الراجل ده مش طايقاه من ساعة ما قال نطلب منهم ان يذهبوا للبيت بطريقة خلتني احس انه هيخنق الشعب المصري كله
هوصل المعلومات دي لقبيله الحويطات وان شاء الله يتعاونو لو عندهم معلومات
لااا يا نوارة, محدش فاضي يعمل الحاجات اللي مفروض تتعمل, او مفروض كانت اتعملت من زمان, كلهم بيتخانقو مع بعض او مع الجيش او بيحلمو بالمجلس الرئاسي :((, انجزي انت يا حاجة الله يكرمك و يرزقك الشهادة اللي نفسك فيها و يرزقني انا كمان :).
زي ماقالت ...
olfat said.
ياريت مع عمر سليمان..يكون عمر الشريف
و عمر الحريري و عمر عفيفي
و عــــــــمر أفندي
الاخير ده أشك يرجع زي زمان
......................................................................
طالما الثورة كلها حملات..حملات..حملات
ومافيش عملات..عملات..عملات..
هوبا يا شباب
يا نواره ارجوكى ابدئى الحمله واحنا وراكى بدل مايخدها حد من المشعوزين السياسين الى مش فاهمين اى حاجه فى اى حاجه احنا وراكى وحنعد نصيح ونصوت فى الموضوع ده لحد ما نجيب رقابته الارض دا راجل ثعلبى و مش سهل دا غير انه وصولى و دا بشهاده احد ظباط المخابرات السابقين
بلاش يأس
يد الله مع الجماعه و احنا وراكى
____________________________
الى عاوزنى يجينى
http://misr25jan2011.blogspot.com
كل مانقول حنبتدي صفحة جديدة وعفاالله عما سلف يطسنا المجلس العسكري قرار يقولنا فيه ان الخطة اعادة العصر الماضي والظاهر ان فيه قرار من قوي الشر في الداخل والخارج ان مصر ماتتقدمش ومن غير تتطويل القرار هو اولا ترشيح الفقي للجامعة العربية وثانيا مجلس حقوق انسان متستف عشان يداري البلاوي اللي حتتعمل في المصريين في المستقبل وبعدين لو المجلس غير قراره اطمنلهم ازاي ياريت بقي يحددوا موقفهم مع مصر جديدة قوية متقدمة حرة ولا لا والحزب الوطني ده لو فيه شرفاء يسيبوه ويمارسوا العمل السياسي في كيانات اخري محترمة ايه وجه الاصرار علي ممارسة السياسة من خلال الكيان ده بالذات مابقي فيه انفتاح والاحزاب حتبقي كتير لييه التجمع في الكيان ده بالذات ونبيل لوقا قال لو المحكمة حلت الحزب حنعمل واحد تاني بنفس الاشخاص والمباديء ده اصرار بقي وبجاحة ياريت الجيش يحدد وقفه من المهزلة دي عشان نعرف من يشارك ويصر علي استنزاف واذلال المصريين اما الرمم اللي مصرين يستعبدونا مش حتعيشوا بعرقنا وضرايبنا يارمم ومش حنشتغل ونعيش الا في بلد ملكنا او حنندفن فيها وان شاء الله ربنا حينصرنا
كده إنتي ماشية صح وعلى طريق الإستشهاد الذي ترغبين فيه وتحلمين به .. إتكلي على الله
:):):):):):):):):):):):):):):):):):)
بالحق يا نوارة.. جت لي فكرة هايلة..
مش انتي بتقولي ان مبارك أمر المشير طنطاوي وسامي عنان بسحق المتظاهرين وضربهم بالطيارات وهمه رفضوا؟
خلاص..
نطلب من قاضي التحقيقات إنه يستدعيهم للشهادة ضد مبارك في التحقيق معاه ولو رفضوا يبقوا بيقولوا أي كلام ولو شهدوا ضده هيبينوا للمصريين كلهم قد إيه همه وطنيين ويكسبوا أرضيه هايلة ضد كل اللي بيعارض المجلس العسكري زي حالاتي مثلا
يا نواره متفكريش فى الحاجات دى ، أهم حاجه مصلحة بلدنا ، مهما قالت علينا الناس ، إحنا مش عايزين حد يقول علينا حاجه حلوة لكن عايزين بلدنا تبقى حلوة
تجمعهم يسهل التآمر,وتسحب منهم وسائل الاتصال,فهذا لا يوجد فى سجون الدول المتقدمة يعنى أوروبا وأمريكا. د. شريف عبد الحكم-باريس
إسمحي لي أن أحي الأخ : حسان حمدي على تعليقه الذكي والخبيث أيضاً .. وأرجو أن يتبناه الجميع (كطلب) موجه للمجلس العسكري
معلش يانواره ؟؟؟
استفسار مالوش دعوه بالكلام ده دلوقتى
من كام سنه كتبتى عن ظابط فى حرب أكتوبر عمل كتاب جميل قوى بيحكى فيه عن بطولات الجندى المصرى فى الحرب وعن اللى شافه بنفسه
أنا حاولت أوصل للتدوينات اللى إنتى كتبتيها عن الكاتب والكتاب لكن ماعرفتش للأسف فياريت لو بس تقوليلى اسم الكتاب وأقدر أشتريه منين
لأنى هاموت وأجيب الكتاب ده وعلى استعداد أنزل القاهره مخصوص علشان أجيبه
منقول من تعليق فى الاهرام
المستشار السيد عبدالعزيز عمر رئيس محكمة استئناف القاهرة لمن لايعلم إبن خالة مبارك
هلا بالقضاء..وسوزان.. برأءة يا نوارة... وقفلى على كل المواضيع قفل قفل قفل
هل المحاكمات العسكريه اللى بيعملها الجيش للمدنيين ممكن تأثر على نظرة المنظمات الدوليه للمحاكمات المدنيه لعصابة الفاسد وعلى رأسها مبارك.. اعتقد اى حكم عسكرى للمدنيين لايحظى باحترام دولى..وبما ان المجلس العسكرى بيقول انه مش عايز يحاكم الفاسدين عسكرى علشان ميضيعش حقنا فى الفلوس المنهوبه.. فاعتقد عليه يفكر كويس علشان خاطر مصر انه ينهى فترة الحكم العسكر ى الحاليه باى طريقه لان اى محاكمات خلال فترة الحكم العسكرى ح يكون عليها علامات استفهام فى المجتمع الدولى... ولا ايه يا جدعان
فكرتك هايله يا حسن حمدى.. والله جول عالمى
كانت فترة جميلة بعد الثورة لما الناس كانت مركزه في افكار للنظام الجديد و ازاي نصلح البلد, للاسف بقى كل تركيزنا مع النظام القديم, يا ريت نسيب القضاء ياخد مجراه و نعمل حملات بنا و نسيب الهدم شويه خلاص هدمنا كتير من الظام القديم نبني بقى, يعني حملة عشان المحافظين يبقو بالانتخاب, شيخ الازهر يبقى منتخب, ازالة التعديات من على النيل... الافكار الايجابية كتير و ده وقتها ياهنفضل محلك سر
يا ســـلام بقى
الراجل الغامض بسلامته هيتحقق معاه
كلنا مع فكرة حسن حمدي الخبيييييييييييييييييييييثه
:)
أمس في مصر الحبيبة عقدت قمة جامعة الدول العربية والاتحاد الاوروبي والافريقي وممثل الامم المتحدة من اجل توحيد القرارات من اجل ازمة ليبيا وللاسف كان طرح عمرو موسى مخيب جدا للأمال الشعب الليبي حيث قال نحن مع مبادرة الاتحاد الافريقي ونحن ضدها جميعا كشعب يريد الحرية وخلق الطاغية حيث أن المبادرة من تفصيل الطاغية لأنها تدعوا لوقف إطلاق النار ولكنها لا تنص على ترك الطاغية وابنائه للسلطة نريد من ثوار 25 يناير الابطال أن يتولوا الضغط على المرتزق عمرو موسى حتى يغير من هذا القرار الظالم وأن يتبنى قرارات الامم المتحدة والاتحاد الاوروبي فقط وهو تنحي الطاغية وترك الشعب الليبي لوضع دستوره وعم تقرير مصيره بحرية وكرامة وأن ينسق شباب ثورة يناير مع الليبيين في مصر الحبيبة في المظاهرات امام جامعة الدول العربية ويساندوا اخوانهم هناك ضد المرتزقة الليبيين هناك ويجب تغيير عمرو موسى لقراراته المشينة
وجزاك الله خيرا
There are some names that shouldn't be forgotten
1. Ahmed Shafik (Leader of counter revolution)
2. Ahmed Abo El Gheet (Assistant in counter revolution - refused to make any calls to retrieve stolen fortune)
3. Atef Ebied (Mubarak's authorized reseller of Egypt institutions)
4. Youssef Botros Ghali (The Publican)
5. Youssef Wali (King of Carcinogen seeds)
6. Sameh Fahmi (Mubarak's authorized reseller of Egypt fortunes)
7. Mohammed Mansour (Almost all transportation disasters occurred during his ministry)
ابتدي ولا يهمك و سيبك منهم و ياريت تاخدي شفيق معاكي بالمرة والي مش عاجبه يخبط دماغه في الحيط
يلا يا نورا توقيعات وانا اول من يوقع
يا ريت الجزيره تعمل تقرير عن الموضوع ده
وأنا أعرف واحد من عرب 48 بيدرس هنا فى فرنسا كلمته ينشر الموضوع بين معارفه
معلش يا ست نوارة ان حأغرد خارج السرب قليلا احنا عمالين نهدم فى اركان النظام القديم وقربنا نخلص من الاعمدة الاساسية لكن لازم علينا الان نبتدى بنا ولا البيت حايقع على دماغنا
يعنى المشاريع القومية التى سوف تبدا محتاجة دعم تعبوى علشان تبتدى بدفعة كويسة ولازم التنبيه على اهميتها مثال مشروع كان بدا فيه ممدوح حمزة من شهر فى الصحراء الغربية ومثال تانى اهم. مشروع ممر التنمية للعالم فاروق الباز وممكن نبتدى حملة لاقناع وزارة الزراعة توزع الااراضى المصادرة من الحرامية على المزارعين الصغار وشكرا
عبد القوى خليفه محافظ القاهره ده افسد المفسدين و اسالوا ابراهيم سليمان فمكانه فى طره مش مكتب المحافظ وغيره كثير د شرف يجب ان تعلن من الذى يختار المتنفذين فى الدوله لتتم محاسبته
@Nawara:
Check this out. Very important
http://www.ahram.org.eg/Al-Ahram-Files/News/72815.aspx
يا نوراة
اضغطوا عشان صدور احكام
سريعة
واطلبوا حكم مدنى بسرعة
وبعدين حاكموا اللى تحاكموه
الرد علي حملتك جيه اسرع مما توقعت
اقري الخبر ده يا نوارة وشوفي اللي بين السطور
http://youm7.com/News.asp?NewsID=391559
اما بقي ده رابط خطير وبجد لازم تشوفيه يمكن ينفع
http://www.facebook.com/topic.php?uid=162973688948&topic=12093
اصل الخبر منشور في جريدة الفجر بتاريخ شهر 8 عام 2010
الرد علي حملتك جيه بسرعه اوي
اقري الخبر ده لكن اللي بين السطور
http://youm7.com/News.asp?NewsID=391559
اما ده بقي رابط مهم واكيد ممكن ينفع في الحمله
http://www.facebook.com/topic.php?uid=162973688948&topic=12093
اصل الخبر اتنشر بجريدة الفجر شهر اغسطس 2010
عمر سليمان دة بالذات خطير جدا
ممكن يعجبك المقال ده :
http://elbadil.net/%D9%85%D8%AD%D9%85%D8%AF-%D8%AD%D8%B3%D9%8A%D9%86-%D8%B9%D9%88%D8%AF%D8%A9-%D8%B9%D9%85%D8%B1-%D8%B3%D9%84%D9%8A%D9%85%D8%A7%D9%86/
محمد حسين : عودة عمر سليمان
فى البديل
ابدا كلامي بالتنويه التالي ان المثل الذي سأقوله هو للمثل و التدليل القوي و العبرة و ليس للتشبيه عشان بس عارف بعض الناس ماتفهمش اني بساوي حد بالله جل و تعالى و الذي له المثل الاعلى طبعا وفيه ناس من خبرتي اول ما تقول قصة او حكاية عن نبي او تجيب سيرة ربنا للتدليل على شئ بيتجننوا و يهيجوا و يقوله ايه ده ما تخلطش الامور ببعضها و اللي طبعا اعتقد كتير منكم عارفه و اقصد بعض الناس و مش كلهم... سيدنا ابراهيم عليه السلام من القرأن ذات مرة سأل ربنا الله جل و على بأنه يريه كيف يحي الموتى... تاني مين اللي بيسأل سيدنا ابراهيم اللي عرف ربنا بعقله قبل الوحي و ابو الانبياء سأل ربنا ان يريه كيف يحي الموتى فقال الله تعالى اولم تؤمن!!!! قال بلى و لكن ليطمئن قلبي... يعني هو اساسا ايمانه بينا كلنا و سأل يشوف علامة او معجزة او شئ من اختصاصات الله تعالى وحده اللي هو اساسا مؤمن بيه لدرجة انه رضي يترمي في النار و لم يخاف من النار لشدة ايمانه بالله و لكن سأل و ليس سؤاله يعني انه شاكك او غير مؤمن او ايمانه ضعيف و انما سأل و لذلك اجابه الله تعالى بالقصة المعروفة بتاعت خذ اربعة من الطير و صرهن اليك و اجعل على كل جبل منهن جزءا ثم ادعوهن يأتينك سعيا... و كلنا طبعا عارفين.. و من هنا ياتي سؤالي و لكن قبل سؤالي اوضح حاجتين الاولى ان المثل اللي اوردته ليس لمساواة احد بالله جل و على و انما لإيضاح انه اذا كان الله تعالى رب الكون رضي من عبده البشر سيدنا ابراهيم عليه السلام ان يسأله السؤال ده و رضي و اجابه و هو الله جل في علاه فما بالكم ان السؤال قد يكون صعب و لكن من بشر لبشر فما الحال... ثانيا ان الاسئلة الصعبة التي قد يكون احيانا لها طابع اختباري ليست دائما معناها الشك او التخوين و الدليل ان سيدنا ابراهيم خليل الله سأل ربنا عن حاجة اساسا هو مؤمن بيها و احنا طبعا كلنا و السؤال ليه شكل او طابع و ليس مضمون اختباري و تقبل الله جل و على السؤال و اجابه طبعا لسيدنا ابراهيم فقط و لكن ذلك لا ينفي ان السائل للسؤال ذو الشكل الاختباري و بقول الشكل و ليس المضمون هو بشر عبد لله مهما علت قيمته و اجابه رب الكون مالك الملك... المهم يجي السؤال ... لاي حد ممكن يلاقيله اجابة مقنعة او للمجلس العسكري نفسه دون تخوين و لا تشكيك ليه لحد دلوقتي مافيش فيديو واحد واضح و جلي لمبارك و افراد اسرته اثناء القبض عليهم او احتجازهم او نقلهم او التحقيق معهم... و التامين لا يمنع عمل الفيديو و التصوير الاخباري و محدش يتذرع بده لأن ده يبقى كلام مش مظبوط... ممكن حد من التوجيه المعنوي نفسه يصور للأخبار او من المصوريين الاخباريين الموثوق فيهم... ليه مافيش فيديو يطمن قلبنا تماما و بالذات ان فيه خبر اتنشر على الدستور ان التحقيقات معاهم هتاخد 6 اشهر و ده غريب شوية و مش زي الفاسدين الاخرين و قد يقلق ان هيتم اطلاق سراحهم على ذمة التحقيق و مش عارف ممكن الرجوع لحد بيفهم في القانون ان ممكن ده يحصل و لا لأ؟؟؟ و ليه كمان اتميزوا عن باقي اللي اتقبض عليهم زي عزمي و صفوت و العادلي و عز و غيرهم و ما ظهرتش ليهم صور ؟؟؟؟؟ هما مش رؤساء و لا معاهم حصانة و لا احسن من اي مصري في مصر و التأمين لا يمنع التصوير الاخباري... بس خطير جدا ان العملية تتم كده غميضي في غميضي و طبعا اذا تمت محاكمات هتكون سرية بحجة التأمين يعني كله عمياني في عمياني... ده مش مريح يا مصريين... و سؤالي ليس من باب التخوين و لا عدم الثقة حتى الان و افتكروا المثل اللي بدات بيه كلامي... حد عاقل يرد عليا يمكن لن من كتر ما احنا كمصريين اتظلمنا و اتغدر بينا ماعدناش بنصدق غير عنينا و نفسنا و ده احنا معذورين فيه برضه يا مجلسنا...
عمر سليمان تصنفه منظمات حقوق الإنسان الدولية بأنه من كبار المتورطين في جرائم التعذيب بالوكالة . حيث كانت أمريكا ترسل إليه المعتقلين لتعذيبهم وانتزاع المعلومات منهم وفعل مالا يسمح القانون الأمريكي بفعله
وهناك كتب أجنبية حول جرائمه تلك
بصي انا هنشر و لو اني بنفسن عليكي الا اني بشجع اللعبه الحلوه و يا ما نفسي أشوف عمر سليمان ده في منتجع طره ولو للاستجمام
لو عاوزين توقعوا عمر سليمان بجد يبقى توقعوه من قلب الجهاز اللي كان بيحكمه.. جهاز المخابرات العامة نفسه لأن كل حاجة كان بيعملها كانت متسجلة فيه ولازم ترفقوا باتهامات الللي عذبهم وبلاغاتهم طلب شهادة ضباط الجهاز نفسه وخصوصا مسئولي الاتصال الخارجي مع الأجهزة الأجنبية
منها مش من براها
بس مين هيسمع كلامكم؟
وكمان المخابرات العسكرية عندها حاجات كتير وماعتقدش انها ممكن تقولها
Post a Comment