Saturday 2 April 2011

الجواب الرابع: ده انا قلب وروح، ده انا انسانة.. زعلانة زعلانة

تحديث:


عزيزي الجيش... ده الجواب الرابع
من بعد الاشواق والمحبة.. اليكم ما هو آت
أنا واخدة بالي إن فيه شوية فوء تساهم، والخيوط اتكعبلت على بعضها... ولابد من كل بد نفك الخيوط من بعضيها
أولا: 
فيه فرق بين إني أتعامل مع عدو زي مبارك اللي كان عامل خطة لهدم مصر وكسر نفس الشعب المصري، وأمن الدولة اللي كان بيتجسس على الجيش لصالح السي آي إيه، وبين إني أتعامل مع حبيب زي المجلس العسكري ووزارة عصام شرف، منكن اللي احنا نختلف، وصوتنا يعلا بس يبقى زي نرفزة الملاعب.. انا وينج شمال وعمالة اباصي لك الكورة وانت كل شوية تجيبها في العارضة، بس في النهاية انت فرود الفريق، مش حالعب من غير فرود، لكن ينفع اقولك: ايه يا اخي؟ ده انا مديها لك لوزة مقشرة.. ببطن رجلك في الجون على طول، بتشوط عالي ليه؟ انت نايم؟ 
فأرجو إن ده يكون واضح بالنوسبة للمشير والمجلس العسكري وحكومة عصام شرف... مدام بقى حطيتوا نفسكم فراودة يبقى تتقبلوا نرفزة الملاعب وما تزعلوش
وأرجو إن ده كمان يكون واضح لبعض النشطاء اللي عاملين زي المعزة اللي انطلقت على غيط برسيم... كلي على قد بطنك عشان ما ترجعيش، هو مش استخسار.. البرسيم موجود حيروح فين؟ لما تجوعي تاكلي تاني
ثانيا:
انا شخصيا واخدة بالي من الملف الخارجي اللي فيه ناس كتير مش شايفاه.. ومبسوطة منه جدا، وشاكرة جدا جدا جدا، ومنتشية جدا جدا جدا ان المشير بنفسه عامل لنا كرامة في العلاقات الدولية اخيرا بعد ما كنا ملطشة الكون
بس لزمن ولابد كل واحد يحط نفسه مكان التاني عشان يفهم هو بيعمل كده ليه؟ لإن فيه فوء تساهم آخر حاجة
لما المعزة تحط نفسها مكان الفرود حتشوف الآتي:
أنا بقالي تلاتين سنة مهمش، ملف الأمن القومي مسحوب مني وعوكل وأطاطا وكركر وكتكوت نازلين عك لحد ما قسموا لنا السودان، وبوظوا لنا علاقتنا مع دول منابع النيل، وخربوا لنا الدنيا مع المغرب العربي، وخلونا دلاديل امريكا واسرائيل، ودخلونا في خناقات مع قوى اقليمية من غير مبرر واضح وخلونا عبرة لكل من يعتبر.. وبقالي تلاتين سنة قاعد الطم على وشي من المصايب اللي بتتحصل أو عشان نكون واضحين من سنة 86 وانا بالطم على وشي من العك اللي بيحصل، وليا معاركي اللي عمال اخوضها، والضغوط اللي عمال اقاومها، وعمال اسايس حصاني عشان على الاقل احافظ على كيان القوات المسلحة ككيان وطني مهمته حماية الوطن والشعب وما اورطش نفسي في مصايب سودا تخلي مؤسستي تخترق واتحول لمرتزق زي ما حصل مع جيوش عربية حواليا كتير ولولا إني عمال اريح ده في الكلام، واخد ده على قد عقله، واصهين على ده، وافوت لده كان زماني دلوقت اتفكيت من بعضي وتحولت لميليشيات او على احسن تقدير كنت بقيت فيلق في جيش امريكا تقول لي ادبح يا زكي قدرة يدبح زكي قدرة.. جات الحمد لله الثورة قامت وانا في دماغي كلام وخطط وحاجات ومحتاجات، وما صدقت بقى احقق كل احلامي، ايوة بقى يا جدع، خلاص بقى، اخدت وضعي تاني بقى وحاعمل اللي في بالي وارجع لمصر كرامتها الخارجية واظبط اموري واشم نفسي وكدهون بقى، واول رسالة ابعتها اني اعدي سفينتين ايرانيتين عشان اقول لامريكا: خلاص بقى.. الثورة قامت يا قطة. واركن دبابتها واركب الدبابة الروسي، وتيجي تزورني احرق لها دمها وتخرج تسب وتلعن، وما اشاركهاش غير في الحاجات اللي تخدم مصالحي وبس زي مساعدة الثوار الليبيين، والحق ملف النيل ده اللي حيخرب الدنيا على دماغنا، واقابل الرئيس التركي، واعمل كرامة بقى لبلدي 
من وجهة نظر المعزة:
والله كتر خيرك، وعلى عيني وراسي، بس حضرتك عمال تدهن العمارة من برة وتحط قصاري زرع وتصلح مواسير المية وكابلات الكهربا والبيت من جوة لسه حاوي تعابين وعقارب وسحالي وصراصير.. طب بالنسبة لي انا كمعزة يعني قاعدة مقيمة مع تعابين هنا، مافيش مجال للتأجيل يعني، طب على الاقل اجل التعامل مع التعابين الصغيرة واضرب لي التعابين الكوبرا الاساسية يا حترجع تلاقيني اتقتلت وانت مشغول تصلح السباكة والكهربا وتبيض العمارة من برة.. والله انا موافقة جدا ان السباكة والكهربا مهمين، والتعابين اساسا كبرت وسمنت في بيئة المجاري الطافحة والنور المقطوع.. بس حافضل عايشة مع تعابين؟ ده انا معزة غلبانة يعني، فأنا مش باقولك ما تصلحش السباكة، انما الموضوع مش محتاج كل التأجيل ده، شاكوش وتخش بيه على التعابين الكبار الاساسية ودب دب دب على دماغهم، ويا سيدي التعابين الصغيرة انا ابقى اخد بالي منهم... عداني العيب؟ 
جيت بقى انا لما لقيت المعزة خايفة من التعابين رحت حابسها في الاودة: بصي، بما ان البيت مليان تعابين، فخلاص بقى، خليكي انت هنا وما تنزليش مظاهرات تاني بقى احسن التعابين تسرح عليكي تعضك
يوه... 
بالذمة ده كلام يا ناس؟ 
يا جدعان هي كيميا، صفوت الشريف وفتحي سرور وزكريا عزمي يلبسوا البدلة الزرقا، وعمر سليمان مش عايزين تلبسوه البدلة الزرقا - لأنه الشهادة لله ملفه لو اتفتح حيلبس البدلة الحمرا مش الزرقا - يبقى على الاقل هو اللي يتحبس في الاودة مش المعزة، المعزة عملت ايه بس؟ دي غلبانة، وبتحبك، وزعلانة وواخدة على خاطرها من العشم. 
فيه ناس بتقول انها مش فاهمة تصرفات المجلس العسكري وانا مش فاهمة هم مش فاهمين ليه؟ مافيش اوضح من تصرفاتهم 
المجلس العسكري زي اي عسكري في الدنيا بيتعامل مع مصر كخريطة وحدود وموارد 
اولولياته الأمن القومي، والاستقرار الاقتصادي. ليه؟ عشان هو كده، اي بلد في الدنيا قايمة على كده، أمن قومي يعني ايه؟ يعني لازم يغير كل سياسات مبارك اللي فاتت تماما، ما ينفعش يبقى ولاية امريكية، ولا ينفع يتخانق مع امريكا، لأن لنا مصالح، ومش من مصالحنا اننا تابعين لها، ولا من مصالحنا اننا ندب معاها خناقة، ما هي بتساعدنا في ملف الحدود الغربية اهي، ما ينفعش يسيب منابع النيل، ما ينفعش يسيب القذافي يبرطع، جنبي وحش كاسر على الشرق مش عايز احاربه ومش عايز اسيبه يخترق البلد كمان، وده عدو. 
كمان الاجهزة فرطت من بعض، فلول النظام البائد، ومراكز القوى اللي هو كان معتمد عليها، وبعض الاجهزة زي امن الدولة، متعاملين مع اجهزة استخبارات اجنبية، ودلوقت مصر دخل فيها كل الناس من كل ناحية، مش ناقص غير اندونسيا تبعت لنا جواسيس وتجند ناس
فطبيعي هو مش عايز مظاهرات فئوية عشان عايز البلد تشتغل يقوم يلاقي ركيزة اقتصادية يرتكن عليها والدولة ما تتهدش، وطبيعي مش عايز ياخد خطوات واسعة في المحاكمات، بمعنى إنه مش عايز يهجم على الكوبرا مرة واحدة، عايز يتسلل لها ويجي لها من اليمين والشمال عشان يعرف يمسكها المسكة الصح لإنه لو خضها وهجم عليها حتهيج وتموت كل اللي في البيت
ده مفهوم
يمكن انا شخصيا مش موافقة على التكتيك ده، ويمكن ناس كتير مش موافقة على التكتيك ده، أغلبية الناس مش موافقين الحقيقة، والا ما كانتش حتبقى مليونية امبارح، لإن احنا وينج شمال ويمين عمالين نباصي نباصي نباصي ومش شايفين اي سبب ان الفرود يقعد يرقص... ما تشوط يا اخي، وبعدين كوبرا كوبرا، ما جنبك اسد اهو، وادي نمر، وادي فيل، وادي فهد... واحنا واخدين بالنا من القرود بس طنشهم دلوقت، اساسا تنطيطهم مش حيبقى له معنى لو نفذت الخطة اللي احنا طالبينها
الشعب اهو اسد ونمر وفيل وفهد وماموث كمان، واي حاجة الكوبرا تهدد بيها احنا رقبينا سدادة، بس نخلص والنبي
فمن ناحية ان تصرفات المجلس العسكري وتأخره مفهومين، فهم مفهومين، لكن مش لازم نكون موافقين على إن ترقيص الكورة كده صح، احنا نقدر نشوط ببطن رجلنا ونجيب الجون الاولاني على الاقل وربنا يحلها في الاربع اجوان الجايين طيب
من ناحية ان الجيش كل لما يشوف مجموعة صغيرة معتصمة ياخدها يحقق معاها لإن عنده معلومات مؤكدة إن استخبارات اجنبية تسللت لداخل مصر وبتجند عناصر صغيرة.. مفهوم ده
ومفهوم إنه بما إنه جيش فدي طريقة تعامله مع البشريات
مفهوم آه.. بس مش مقبول
غلط اللعبة دي.. اللعبة دي حتتسب في إن الفريق التاني ياخد بلم على حسابنا، ما تكعبلش حد وتاخد انذار عشان موقفك ما يضعفش في الملعب
مش مقبول ابدا ان اي مصري يتعذب.. حتى لو جاسوس اسرائيلي ومش حاقول بلطجي. يا سيدي ابسط حاجة، عشان لو هو وحش فعلا ما يطلعش يعمل بطل على قفانا كلنا، ومش حاتكلم عن حقوق الإنسان ولا حاتكلم على اننا عملنا ثورة وقدمنا الف شهيد عشان ماحدش يمد ايده على المصري تاني حتى لو كان مصري وحش
بس بالتعذيب كده انت مش حتاخد اي اعترافات ولا حتوصل لأي معلومات، كان عمر سليمان فلح اللي كان بيعذب بايده
ثم إن كده انت بتدي له فرصة انه يغير الموضوع، يا سيدي افرض هو بلطجي، ولا هو جاسوس، ولا هو من فلول النظام، ولا هو بيشتغل لصالح مخابرات اندونيسيا، حيطلع متعذب وضهره متشرح ومكشوف على عذريته وده كل اللي حيهم الناس، ومش حيبقى فيه مجال من اساسه انك تفتح موضوع إن فيه مندسين ولا فيه بلطجية ولا فيه جواسيس وهم شايفين قدامهم بني ادم متشرح، يبقى كده لا وصلت لمعلومات حقيقية ولا اخدت دعم من ناس ممكن تساعدك وانت بتدور على المندسين. وبعدين ينفع تفضل تشرح في بني ادم لحد ما تكتشف انه بريء زي رامي عصام وعلي صبحي اللي عرفت امبارح انه لما كتب شهادته عن التعذيب فيه حاجات كتير ما رضيش يقولها لإنه وطني ومش عايز يعمل مشاكل بين الجيش والشعب هو بس كل هدفه إنه يوصل شكواه للمجلس العسكري عشان يتحقق مع الناس اللي عذبته؟ ينفع كده يعني؟ طب وليه انا اخلق مرارة جوة ناس بتحبني وحتى بعد ما عذبتها لسه باقية على الود؟ فيه شعب كده يا ناس؟ والله ده الشعب المصري ده لقطة
والجيش المصري لقطة والله العظيم احنا عارفين، وفعلا بيغير على مصر ونفسه يرجع لها كرامتها ووزنها في المنطقة وينورها ويزهزها، بس مصر دي بيت، زي ما لازم السباكة تتصلح، لازم كمان البيت يتنضف
ومش لازم الوينج الشمال والفرود يمسكوا في بعض لإن الفريق التاني كده حيجيب جون فينا، ويمكن لو ضربنا بعض الحكم يطردنا احنا الاتنين ونلعب بتسع لاعبين وتبقى ليلة سودا
ثالثا:
زي ما بتبص على خريطة مصر وعايز ترجع لها حدود الامن القومي بتاعها اللي مبارك ضيعه
لازم تبص على الخريطة الداخلية وتتعامل بقى
دلوقت انت عندك المجموعات الآتية:
1- الشعب.. ده عسل ده، احنا متفقين على الموضوع ده، وهو اللي عمل الثورة وله مطالب 
2- الروس الكبيرة الفاسدة في النظام، زي ما قلنا سرور والشريف وعزمي وعمر سليمان، ودول حتحاكمهم يعني حتحاكمهم، الناس كده روحها في مناخيرها وهم بيشكلوا عليها خطر مباشر.. وطبعا الحزب الوطني اللي حيحتحل ويتجمد كل اعضائه ويتمنعوا من الممارسة السياسية والا يبقى كده بتسلم الشعب تسليم اهالي
محاكمة مبارك ومراته اطاطا وجوز المتخلفين عياله كركر وكتكوت واجبة.. بس هم من غير الاربعة اللي فوق دول ما يسووش حاجة، شيل الناب المسموم الاول وبعدين هات لي جوز المتخلفين، وبعدين اطاطا، وبعدين يا سيدي خلي عوكل للآخر بس على الاقل هات لي فلوسه طاه بدل ما عمال تقول لي تبرعوا لأخيكم البورصة يا اهل البر والاحسان
لما الناب المسموم رباعي الابعاد يتشال مش حنشوف المناوي ولا يحيى الجمل... ولا حتى مجموعة المسخناتية اللي مضايقكم
وهو ما ينقلنا للمجموعة التالتة
3- مجموعة الساسة، وهم قسمين، قسم الاخوان، واديكم ظبطوهم، ودول تظبيطهم سهل يا عيني، مجرد ما تجيبهم تقولهم: ما تبس بقى عشان الحر.. حيسكتوا يا عيني لإن طبيعتهم اصلاحية مش ثورية
والقسم الآخر اللي انتوا عارفينهم ومضايقينكم.. آه هم وحشين فعلا، ومسخناتية، وهم اللي هزوا ثقة الناس في الجيش فعلا، وهم اللي جرأوا الناس على المجلس العسكري، وهم اللي لعبوا الفار في عب الناس، وهم اللي تعمدوا انهم ينشروا قراءات تدليسية عشان حاسين ان نايبهم في التورتة مش بيرضي طموحاتهم، كل ده صحيح، وهم دول القرد اللي كنت باتكلم عنه فوق، بس مالكمش حق تقولوا هم اللي بيحركوا الناس 
الناس بتحكم بالأفعال، ولما الافعال ما بتبقاش قد كده بيميلوا للتشكك 
طيب حل المشكلة دي على صعيدين، انزع فتيل التشكك بإنك تعمل للناس اللي يريحها، ونفذ طلباتهم وانت عندك ثقة فيهم انهم واقفين وراك يسندوك
الصعيد التاني، ما انت حضرتك عارف ان كل واحد فيهم عليه ذلة لا مؤاخذة، ماهو بدل ما تتنرفزوا، وتتعصبوا، وتخشوا المستشفيات، ما تجيبوا س وص وع وتقولوا لهم: بقى هالله هالله ع الجد والجد هالله هالله عليه.. آدي محاضر جلساتكم في السفارة الامريكاني، وادي الكلام اللي قلتوه هناك، وآدي كلامكم عن الجيش المصري اللي يقدمكم لمحكمة عسكرية بتهمة الخيانة العظمى، وادي حسابات الفلوس اللي اخدتوها... ولا هاه؟ احنا عارفين وساكتين، وسكوتنا مش عشان حاجة غير انكم اصلا بتدوا السفارة معلومات غلط، مش لأنكم وطنيين، بس لأنكم فتايين وارزقية، زي ما بتسترزقوا على الشعب وتفتوا له غلط كده، ورايحين السفارة تاخدوا حسنتكم، وبتقولوا لهم الكلام اللي يريحهم، وانتوا عارفين كويس قوي انكم اتكلمتوا عن الجيش المصري، وادعيتوا انكم بتقدموا معلومات، وربنا ما يجعلنا من قطاعين الارزاق، احنا سيبناكم تهوبصوا وتضحكوا على الناس لأننا اصلا عندنا عقيدة "اسرائيل هي العدو.. وامريكا اللي ييجي منها احسن من عينها"، طب بس ايه لزوم بقى الشغل اللي مش تمام ده؟ كل الحنجلة دي عشان عايزينا نضمن لكم مقاعد في البرلمان؟ طب هو احنا كنا ضمنا للاخوان حاجة؟ احنا ضمنا لهم انهم يترشحوا، ونفس الضمانة لكم وورونا شطارتكم، واحنا نحلي لكم بقكم بدل ما تتنططوا على كتافنا وتعملوا مناضلين وخبراء على قفانا واحنا ساكتين لكم من بدري، لايموها احسن ويمين الله نسرب الحاجات دي ونقطعكم من شوية العيال الهبل اللي ماشيين وراكم ونكشفكم قدام السفارة انكم كنتوا بتضحكوا عليهم وابقوا قابلونا بقى لو لقيتوا حد يتف عليكم.. خليكم حلوين كده وبلاش تدليس على الناس، احنا مش طالبين منكم تعملوا دعاية للمجلس العسكري، بس قولوا الحق، والحق ما بينا وما بينكم
اظن سهلة دي... ما تقولوليش ان الفكرة دي ما جاتش في بالكم.. آه، هي ممكن تبقى ما جاتش في بالكم، أنا لاحظت انها ما جاتش في بالكم من حاجة كده حابقى اقولها بعدين.. طب اديني جبتها في بالكم.. عداني العيب؟ 
4- المجموعة الرابعة اللي هي النشطاء
وانتوا زعلتوهم قوي.. ليه كده؟ هو جزاتهم إنهم بيحبوا بلدهم ومستعدين يموتوا عشانها يقوم يتعمل فيهم كده؟ افرض حتى لو حمقى، حتى لو مجانين، هو وحش ان الانسان يتجنن من كتر ما بيحب بلده وخايف عليها؟ افرض مخدوعين في ناس، معلش، ماهم غلابة، وياما شافوا بهدلة، وبقوا كل ما يشوفوا واحد ببدلة يجيلهم استبحس ويقولوا راجل محترم اهو راجل محترم اهو.. عريس يا بووووويييييي حلو جوي جوي جوي يا بوووووييي
بس ده عشان سنين نفسهم اتكسرت، وزهقوا من البهدلة والمرمطة، ليه تزعلوهم ليه؟ اه مظبوطين على لأ لأ لأ... اتحرموا كتير من قولة لأ.. ومظبوطين على محطة اعتصام اعتصام اعتصام.. ما تسيبهم يفرحوا، دول قاعدين مش شاغلين نفسهم غير ازاي يلبسوا مصر ويخلوها عروسة، وقاعدين يفكروا لها ويفكروا لبكرة حيلبسوها فستان شكله ايه؟ ودايرين على المحلات يدوروا لها على اكسيسوار يليق بيها، ومش كسبانين حاجة من ورا البهدلة دي غير انهم بيحبوا مصر، بدل ما تاخدهم في حضنك وتفرح إن وراك مجندين من الشعب يوم ما تقوم حرب تبقى ضامن ان هم دول اللي حيمشوا على الالغام، تشك فيهم وتضربهم؟ هو كل واد عامل ديل حصان تفتكره جاسوس؟ لا فيه كتير عيال عاملة ديل حصان ورجالة وجدعان ومستعدين يموتوا عشان البلد دي، مش انتوا بس اللي كافحتم طول السنين اللي فاتت عشان تحافظوا على المؤسسة العسكرية من الاختراق ومن الانكسار، هم كمان تعبوا في حياتهم كتير، وكتير عليهم قوي انهم يتعاملوا على انهم عملا.. لو عملا ما كانش بقى ده حالهم
اه بيسخنوا بسرعة، وبيشكوا بسرعة، وساعات كتير يعملوا تصرفات هيستيرية مالهاش لازمة، ويمكن فيه حاجات كتير مش عارفينها، ويمكن شوية جهلة، بس بيحاولوا يحسنوا من نفسهم، وبيحاولوا يعرفوا ويتعلموا وينموا نفسهم، وسخونتهم وشكهم والهيستيريا دي كلها بسبب انهم بيحبوا بلدهم وخايفين عليها وخايفين على الثورة ومش عايزين يرجعوا للي كانوا فيه تاني... دي معاملة يتعاملوها؟ 
لأ
لأ
تحايلوهم.. وتريحوهم، واللي هم مش عارفينه تعرفوهولهم، هم مش عيال.. هم رجالة، بنات وشباب.. كلهم رجالة، وقد المسئولية، ومستعدين لأي تضحية، وما هماش صيع وغاويين نوم في الشارع، وماهماش دعارة، والبنات اللي نايمة في الشارع دول مش مالهمش اهل.. دي ناس شرفا، وحافظوا على شرفهم الوطني تحت حكم مبارك زي ما انتوا حافظتم على شرفكم العسكري تحت حكم مبارك برضه
اول حاجة تتعمل ان المجلس العسكري بنفسه يطلب من كل اللي اتعرض للتعذيب انه يقابلهم كلهم، ويسمع شكواهم، كلهم كلهم كلهم، ما يناموش مقهورين كده وقلبهم واجعهم وحاسين انهم اتهانوا عشان بيحبوا بلدهم، المفروض يتكافئوا، وهم مش عايزين مكافأة، هم عايزين يشوفوا مصر عروسة وبكرة عريس، واللي مد ايده عليهم تتقطع ايده، وده يحصل بشكل عاجل.. حرام.. حرام.. حرام. ليه كده؟ 
ثم خلاص، انتوا مش كركبتوا بطن الناس وحكمتوا عليهم عسكري في خمستلاف قضية؟ 
خلاص بقى.. مش حيعملوا كده تاني، اعملوا عفو عام.. عن الخمستلاف واحد.. آه، عفو عام حتى لو كانوا بلطجية
معلش... معلش... ما البلطجي ده يا بلطج عشان جعان يا بلطج عشان مزقوق
لو مزقوق يبقى مش ذنبه، ذنب اللي زقه، هات اللي زقه وحطه في سجن عسكري ولا في ماسورة مجاري حتى
والجعان تصدق عليه، انشالله تشغله في الجيش عندك يخدم مجند سنة، مش هم خمستلاف واحد؟ شيل الحكم العسكري من عليه وخليه يخدم في الجيش انشالله عسكري مراسلة
وكفاية الرعب اللي شافوه وهم بيتحاكموا عسكري، مش حيعملوا كده تاني ابدا
الناس غلابة.. الناس غلابة.. 
والنشطاء اللي اتعذبوا يطيب خاطرهم، من المجلس العسكري نفسه، او حتى من المشير ذاته، يقابلهم، ويسمعهم واحد واحد، ويعاقب اللي عمل فيهم كده، وكانت خطوة حلوة جدا من الجيش انه امبارح سحب الدبابات والرسالة وصلت، واحنا شاكرين على الرسالة العاطفية دي، بس انا شخصيا مش حانام مرتاحة الا كل واحد اتعرض لتعذيب يتقال له حقك علينا على الاقل، وكل واحد مد ايده على مصري يتدور مكتب على الاقل
وفين عمرو البحيري؟
عمل ايه عمرو البحيري؟ اشمعنى ده اللي ماحدش بيسأل فيه مهما قلنا؟ هو عمل ايه لده كله؟


مع خالص حبي واحترامي
قلبين وسهم
شكرا لساعي البريد
-----------------------
بالنوسبة بقى للنشطاء
ربنا يهديكم.. بلاش حماقة
على رأي احمد رجب امبارح قال لي: كل واحد يجيب ورقة يقسمها نصين ويكتب على اليمين مميزات المجلس العسكري وعلى الشمال عيوبه ولو هو منصف المميزات حتطلع اكتر من العيوب بكتير.. هو انتوا اتظبطوا على محطة اي حد كبير تقلوا ادبكم عليه؟
نقد المجلس وقيادته كحاكم سياسي حاجة، واحترام الشرف العسكري لناس جميلها على راسنا من فوق انهم حافظوا لنا على جيش وطني ومحترم دي حاجة تانية
ايه قلة الاصل دي؟ انتوا حكم 41 سنة منايفة علمكم تقلوا اصلكم مع الناس كده؟ الجيش المصري ده المفروض انه كان يبقى اول جيش عربي ينهار لأن مصر اول الموقعين على اتفاقية مع اسرائيل، ولولا ربنا سترها معانا، ولولا القيادات عرفت تسايس مبارك وعملت معاه مقايضات كتير في مقابل انه يسيبها جيش مصر الوطني كان زمانا متبهدلين دلوقت
طلبات الثورة لازم تتحقق
واللي عايزه الشعب هو اللي يتعمل
ومافيش انسان يمد ايده على مصري تحت اي ظرف
والتظاهر حق من حقوق الانسان
واحنا مدنيين مش عسكريين عشان نتعامل المعاملة دي
واحنا ناس شرفا ومخلصين لبلدنا ما يصحش حد يحسسنا اننا عملا
كل ده على راسي على راسي على راسي.. وحقكم وانتوا دافعين تمنه من قبل الثورة 
بس دي قيادات الجيش اللي مبارك وعمر سليمان وامريكا واسرائيل كانوا عايزين يغيروا عقيدتهم والعسار قال لهم خدوا معونتكم وبالسلامة، دي قيادات الجيش اللي طلب منها انها تحارب ايران والمشير قال لهم احنا مش مرتزقة، دي قيادات الجيش اللي قعدوا يعملوا البدع وينيموا في مبارك، وياخدوا الامريكان على قد عقلهم عشان يحتفظوا بمؤسسة عسكرية تضمن لنا ان لما القائد الاعلى يقول اضربوا الشعب يقولوا له: حننتحر انتحار جماعي كلنا من اكبر قيادة لأصغر عسكري
ده المشير اللي لما كلموه من ميدان التحرير وقالوا له القائد الاعلى بيقول لنا نسوي الميدان بالأرض قالهم: طب انا نازل التحرير انسفوه وانا فيه.. واسألوا اي ظابط جيش كان حاضر الواقعة، وافراد الجيش اول ما شافوه قعدوا يعيطوا من التأثر
ده المشير اللي عفا عن تلات ظباط ورجعهم شغلهم وهم عاملين حاجة اي جيش في الدنيا ما كانش فوتها لهم
وما تستعبطش وتقول ده واجبه، لأن ده واجبه صحيح، بس ده معناه انه الوحيد اللي كان بيعمل واجبه في البلد دي، وفي الحالة دي يبقى الوحيد اللي يستاهل الشكر
انتوا مش اطفال عشان يبقى ماما حلوة.. يأ يأ يأ.. ماما وحثة وحثة وحثة
وبعدين بلاش غباوة وتخسر نفسك قضيتك، ماهو زي لما الشرطة العسكرية تعذب عاطل في باطل فكده هي مش حتعرف فعلا تمسك اللي بيشتغل مع مخابرات اجنبية ويخسروا نفسهم قضيتهم لأن طبيعي الناس تدي الاولوية للتعذيب لأن مافيش انسان يستاهل التعذيب ولو كان جاسوس
انت كمان بتخسر نفسك قضيتك بأنك تقل ادبك وتتصرف بحماقة، ماهو انت لما تتعامل مع الجيش والمجلس العسكري والمشير طنطاوي على انه زيه زي مبارك، حتكون النتيجة انك تدي فرصة لحد يقول: طب على كده مبارك ممكن يكون كان مظلوم، اذا ناس دي مش عاجبها الجيش اللي بيحميها، ومش عاجبها ناس وطنية مستعدة تسمع لها، وبتعمل لهم اللي هم عايزينه، قالوا شيلوا الرئيس شالوهولهم، قالوا شيلوا رئيس الوزرا شالوهولهم، قالوا عايزين استفتاء عملوه، طلعت النتيجة مش عاجباهم راحوا عاملين لهم اعلان دستوري زي ما هم عايزين، راحوا قالوا الاعلان الدستوري وحش، لا بقى.. دول كانوا بيفتروا على مبارك بقى مدام هم كده.. 
والنتيجة مش حتكون ان مبارك يرجع، ممكن جدا ناس كتير تنتخب شفيق لأن انتم بتصوروا نفسكم على انكم ناس عوجين ومش عاجبكم حاجة فتخلوا الناس تتعاطف مع اي حد انتوا ضده، ويبقى "شفيق كان مظلوم على كده.. ادي اخرة الدلع، فضلوا يسمعوا كلامهم لحد ما نسيوا نفسهم وبقوا يتكلموا عن المشير"
الجملة دي انا سمعتها نصا من اكتر من حد 
وعمالين الفجوة تزيد بينكم وبين الشارع.. والناس رايها فيكم ان اللي يوضيكم زي اللي ينجسكم ومش عارفين العدو من الحبيب وبس عندكم عقدة من نموذج الاب واي راجل كبير في السن عايزين تهزأوه
وورطتوا الشارع في مشكلة اخلاقية لما خليتوهم ابتدوا يبرروا التعذيب
دي طريقة تعامل غلط.. برضه حييجي بلم فيكم كده 
وآخرتها واحد امبارح يقول لي على التويتر انت عميلة الجيش المصري؟ لا كده كيميا المخ حصل فيها حاجة بجد، وانا مقدرة والله الصدمات اللي مريتوا بيها، والمعاناة اللي عانيتوها، والتضحيات اللي قدمتوها، وما كانش عشمكم ابدا ان يتعمل فيكم كده، مقدرة والله، بس لما توصل اللخبطة في كيميا المخ لأن حد يقول لي انت عميلة للجيش المصري
آه.. وجاسوسة للشعب المصري، وباقف لما باسمع النشيد الوطني، وظبطوني اكتر من مرة في وضع مخل وانا بابوس العلم المصري وباكحل بيه عيني، وللأسف تم تجنيدي عبر كتاب التربية الوطنية اللي كنت باخده في اعدادي... مهزلة ... مهزلة 
لأ... نعقل بقى عشان ما نفقدش مصداقيتنا، ونضر بلدنا، ونجهض ثورتنا
انتوا عارفين انتوا بتعملوا ايه؟
انتوا اي حد بيخدمكم لوجه الله بتشتموه، شتمتوا طارق البشري عشان قبل يعمل لكم تعديلات الدستور، وكان يقدر يتعذر ويقعد ينتقد وينفسن على اللجنة زي ما اللي القضاة اللي ما تمش اختيارهم قعدوا ينفسنوا على اللجنة، ولو كانت القوات المسلحة اختارتهم ما كانوش قالوا كل القرف اللي قالوه ده
شتمتوا المجلس العسكري والمشير طنطاوي اللي مبارك قال له انت غدرت بيا وانا اللي عملتك قال له: مصر اللي عملتني وعملتك.. وساند ثورتكم
شتمتوا عصام شرف اللي انتوا نفسكم مختارينه 
عارفين اخرتها ايه؟ اخرتها واحد زي عمرو موسى ياخدكم على عقلكم، ويقول لكم كلام يريحكم، وفي الاخر يعمل اللي يخدم مصالحه هو مش مصالحكم
النقد حاجة وقلة الادب حاجة تانية والتخوين حاجة تالتة، اذا كنتوا زعلانين ان المجلس بيشك فيكم، انتوا كمان بتشكوا فيه.. عيب كده، هو كان عليه من ده بإيه؟
كل المطالب صح... وكل الاسلوب غلط.. ليه بقى الغباوة دي؟ يعني اقعد اعمل صينية بطاطس باللحمة واتعب نفسي وقبل ما احطها على السفرة اتف فيها؟ 
وبرضه المجلس العسكري مفروض يريحهم ويقول لهم اللي يطمنهم بدل الغموض ده، بالنسبة لي الامور مش غامضة انا قادرة اشوفها كويس لأني باحط نفسي مكان كل واحد، بس فيه ناس محتاجة الكلام يتقال لها بوضوح، مش عشان اغبيا، عشان قلقانة... هو غلطهم انهم قلقانين على بلدهم؟ يعني لو قعدوا على الكورنيش يحبوا في بعض ويسمعوا تامر حسني كده بقوا كويسين؟

102 comments:

Unknown said...

ادخلى على صفحة ضباط الجيش المصرى على الفيس بوك وبعدها شغلى عقلك شويتين فيما بين السطور يمكن تفهمى واقع ماوضعنا فيه الجيش

Unknown said...

الصفحة اللي عاملها عمر عفيفي؟ ههههههههههه

اه يانا يا ربي

الفت سلطان said...

هم ليه الناس مش شايفين المسئولية الضخمة اللي علي دماغ الجيش, مبارك نيل الدنيا علي الاخر و احنا مخترقين من كل حته, الغبي بس هو اللي ميفهمش حجم المصيبة اللي احنا فيها خارجيا و داخليا, احنا ليه مبنديش للجيش شوية وقت يلم فيه المسائل, اللي هو لا يمكن يتكلم فيها علشان الناس ميجلهاش هلع او يكون مش من المصلحة انه يكشفها, احنا شفنا ايه وحش من الجيش غير التعذيب اللي انا شايفة انه محدود و جايز جدا يكون مقصود من فئة مخترقة جوة الجيش و هو بيعافر معاها, قبل ما حد يشتمني, يا ريت يقدر يرد علي سؤال واحد: تفتكرو امريكا و اسرائيل ممكن يكونو قاعدين يتفرجو علينا و منتظرين التحول الديموقراطي في مصر؟

Anonymous said...

يا نوارة انتى مريضة بالايدلوجيا وعموما زى ماقلتلك امبارح اللى كانوا فى الميدان كلهم ماكانوش ناشطين الاغلبية كانت الشعب وانتى بتقولى ان الشعب لازم نسمع كلامه طب الشعب فقس المشير والمجلس العسكرى على فكره الجيش مش المشير والمجلس العسكرى وبعدين اقول ايه ادى اخرة اللى يقعدوا مع اللواءات يبيعوا اى حد خليكى انتى وحبايبك بتوع الصفقات انتى على فكرة متناقضة الشعب مش عايز المجلس العسكرى على فكرة ده امر انتى والمجلس تتلهوا وتركنوا على جنب كده احسن وبعدين الا هى فين الفلوس ها الاتحاد الاوروبى بيقول انه مش هيقدر يرجعها عشان الوقت فات ها من اللى فوت الوقت غير المجلس العسكرى ؟ بلا قرف جاتكم نيله كلكم

eman said...

تسلمى يا نواره لمصر وادعى لها ان ربنا يعديها على خير

Nicholas Urfe said...

الهي يعمر بيتك ويخليلك الغاليين ، على الاقل لسه في انسان واحد في مصر بيفكر في اللي بفكر فيه ، رجاء يا نوارة اسحبي نفسك واطلعي عالمجلس العسكري او الجهة اللي هوه مخصصها لمقابلة المواطنين وسلمي نفس الكلام ده بنصه وحرفه للناس واتأكدي ان طنطاوي بنفسه هيقراه ، احنا محتاجين ثورة اخلاقية موازية يا نوارة وانا مصدوم في قطاع من الشباب اللي عمال اتفشخر بيهم على جنسيات العالم كلهم واقولهم شعبنا واعي..

بالمناسبة الشعب اثبت انه عنده وعي اكثر من كل الناشطين...

اللي بيقول الشعب جهال وعمال وفلاحين ده ماعرفش يفرق بين الوعي وبين العلم ...الفلاح والعامل ورجل الشارع البسيط اثبت لي انا قبل اي حد وصحح لي انا قبل اي حد انه عنده وعي حتى لو مش عنده نظريات وعلم ومصطلحات وانجليييششش وكلام مستف ومزوق

Nicholas Urfe said...

انوه لحاجة بسيطة للأخوة اللي بيقولوا الجيش مقصر في محاكمة مبارك وشلته واسرته:

1- عايزين محاكم تفتيش للناس دي ولا اعلاء القانون واحترامه كمبدأ حتى لو على مبارك نفسه ؟
2- عايزين شغل غبي ولا خطط قانونية
لاحكام الادانة على مبارك وغيره؟
3- ليه اللي شاكك في حاجة ما يروحش يقابل النائب العام ويسمع ؟
4- ليه فاكرين انكم وطنييين والنائب العام والمجلس العسكري وعصام شرف اقل وطنية؟ ده ايه الثقة العالية في النفس دي؟

Nicholas Urfe said...

فيه ناس مالهاش الا مبارك بجد ! خصوصا اللي بيشتموا في الشمير ، وعلى فكرة انا متفائل من اول الثورة ، دلوقت بدأت احط احتمال ولو صغير انها ممكن تفشل بسبب اللي بيحصل من اللي بيشتموا المجلس العسكري واللي معترضين على اي حاجة واللي مش قابلين راي الشعب في الاستفتاء

عموما انتوا مبارك بس على شكل ثوار ، ولو حد فيكم حصل على اي سلطة هيبقى ديكتاتور جديد، كل الزعماء العرب الديكتاتوريين كانوا شباب ثائر زيكم في يوم من الايام،،حتى القذافي !!

Medhat Nabawi said...

بجد المقال ده جامد جدا
شكرا ليكي يانواره على اللي بتعمليه عشان توضحي الأمور للي مش شايف الأمور ماشيه ازاي

Unknown said...

امبارح وأنا في التحرير على المنصة اللي كان شباب الإئتلاف بيهتف فوقها الشباب شدوا مع بعض ماأعرفش كل واحد عايز يمسك الميكروفون
ماأعرفش ليه حب الظهور العجيب ده
وبعدين كذا واحد طلع يلبخ شوية .. حسيتهم عيال بصراحة
وساعات طبعا كان في هتافات ضد المشير ودي هنا شاورت للشباب فوق المنصة معترضة على الهجص ده قاموا هزوا اكتافهم ايه اللي هو معلهش معلهش

الخلاصة امبارح ماكانش حلو وكانوا حبة عيال ماسكين المظاهرة
وتنظيم الإخوان كان أفضل من كده بكتير أقلها ناس عاقلة وكبيرة مش عيال

Unknown said...

عمر عفيفى ايه انتى بتضحكى على نفسك يا اما فى سر تانى ورا كتابانك دى لان كل اللى انتى بتكتبيه تهيييس فى تهييس ولو عندك شجاعة تنشرى كل تعليق بيتكتبلك ه

e said...

ﺍﻧﺎ ﻣﻘﺘﻨﻊ ﺑﺤﺎﺟﺎﺕ ﻛﺘﻴﺮﺓ ﺍﻧﺘﻲ ﻗﻠﺘﻴﻬﺎ ﺑﺲ ﻋﺎﺭﻓﺔ ﺍﻳﻪ ﺍﻟﻠﻲ ﺟﺎﻳﺒﻠﻲ ﺍﻟﻀﻐﻂ ﺍﻥ ﺍﻟﻤﺠﻠﺲ ﺍﻟﻌﺴﻜﺮﻱ ﻟﺴﻪ ﺑﻴﻠﻌﺐ ﺑﻄﺮﻳﻘﻪ ﺍﻟﺤﻜﻢ ﺍﻟﺍﺟﻨﺒﻲ ﺍﻟﻤﺤﺎﻳﺪ ﻣﺶ ﻋﺎﻳﺰ ﻳﺰﻋﻞ ﺩﻩ ﻋﻠﻲ ﺣﺴﺎﺏ ﺩﻩ ﻟﻴﻪ ﻣﻴﻔﻠﻮﻟﻮﺵ ﺍﻥ ﺍﻟﺜﻮﺭﺓ ﻫﻲ ﺍﻟﺠﻴﺶ ﻭﺍﻟﺠﻴﺶ ﻫﻮ ﺍﻟﺜﻮﺭﺓ ﻭﻳﻮﺭﻭﺍ ﺍﻟﻌﻴﻦ ﺍﻟﺤﻤﺮﺍ ﻟﻠﺜﻮﺭﺓ ﺍﻟﻤﻀﺎﺩﺓ ﻟﻴﻪ ﻋﺎﻳﺸﻴﻦ ﻓﻲ ﺩﻭﺭ ﺍﻻﻟﻬﺔ ﺍﻧﺰﻟﻮﺍ ﻭﺗﻮﺍﺻﻠﻮﺍ ﻣﻊ ﺍﻟﺸﻌﺐ ﺧﻠﻲ ﺍﻟﻨﺎﺱ ﺗﺤﺒﻮﻛﻮﺍ ﻣﺶ ﺗﺨﺎﻑ ﻣﻨﻜﻢ

elzahraamegahed said...

والله يا نواره أنا بتلكك علشان ألتمس أى عذر للجيش ، وأنا بعيط من تأثرى بجوابك للجيس ولسيادة المشير

ونفسى فعلا يبقى جيشنا أحسن جيش ف الدنيا ، واللى أنتى بتقوليه ده لازم يعلن للناس لأن المشير فعلا كده بطل قومى . ربنا يعينه على الخير يا رب

بس بيحز ف نفسى إنى ألاقى الشعب
بيتحاكم عسكرى ومبارك وشلته قاعدين نلف حوالين نفسنا عشان ندور على أدله عشان يتحاكموا مدنى، بأه والنبى واحد عميل واستورد لنا مسرطنات من اسرائيل وباع لهم غازنا بأقل من تكلفته وأمر بقتل شعبه وتستر على الفساد ودمر أمننا القومى ، بالذمه واحد زى ده بندور على أدله عشان ندينه بالسرقه ولا بالتربح

يبقى عميل وبندور على دليل عشان نحاكمه أنه حرامى

wisdomtooth1977 said...

Loved your post Nawarrah, Sorry for typing in English , please read the article by Dr.Mo3tz bellah 3abdelfata7 in Al-shorook newspaper today , brilliant rational analysis of the military council actions that pretty much supports the same opinion as yours.

Unknown said...

يسلم قلمك يا نوارة، و الله أنا مشيت امبارح من المظاهرة بتاعة اسكندرية بعد 1/2 ساعة لان الحال معجبنيش، و بعض الهتافات و اللافتات كانت ضد المشير، و بقيت مش عارف اذا كنت انا متخاذل ولا بعمل الصح.

Unknown said...

عمر عفيفى ايه انتى بتضحكى على نفسك يا اما فى سر تانى ورا كتابانك دى لان كل اللى انتى بتكتبيه تهيييس فى تهييس ولو عندك شجاعة تنشرى كل تعليق بيتكتبلك ه

Unknown said...

فيه حاجات ورا كتاباتي

ما اعترفت اهو اني عميلة للجيش المصري وجاسوسة للجيش المصري وتم تجنيدي عبر كتاب التربية الوطنية اللي اخدته في اعدادي

للاسف... مشيت في طريق الضلال وبعت نفسي للمصريين ومش قادرة ارجع

اذا كنت يا اهبل يا ابن الهابلة فاكرة ان فيه ظابط جيش واحد بينزل مظاهرة او بيعمل صفحة معارضة على الفيس بوك وهو لسه في الخدمة يبقى حط البافيتة عشان الريالة

لو فيه اختراع اسمه ضباط جيش مع الثورة كانوا عملوا انقلاب من اول يوم - الله لا يقدر لان اي انقلاب دلوقت حتبقى اللي عاملاه امريكا وش، امريكا بتكره المشير - ولو هم فعلا موجودين بس مستنيين اللحظة المناسبة يقوموا يفضحوا نفسهم ويعملوا قلق عشان كل ظابط جيش يتفتش تفتيش ذاتي ويبرروا محاكمات عسكرية جزافية داخل الجيش؟

انت اهبل يالا؟

اهبل؟

تاني، قبل ما تحكم على حاجة صح ولا غلط حط نفسك مكان الشخص، حط نفسك مكان ظابط جيش او مجموعة ظباط جيش عايزين ينقلبوا على القيادات، وقول لي ايه مصلحتهم في انهم يعلنوا عن نفسهم بالطريقة الصبيانية دي؟

ما هو يا اما ده عمر عفيفي وعايز يعمل مشكلة من غير مبرر

يا اما دي استخبارات اجنبية عايزة تخلق توتر داخل الجيش فتخليه يتصرف بعنف مع الشعب فتحصل لا قدر الله مواجهة

يا اما الجيش نفسه شاكك ان فيه مندسين وبينفذ نظرية المغنطيس انه يحط في البيئة حاجة شبه العدو عشان يجذب الاعداء يقوم يميزهم من وسط بقية الناس

يا اما انت نفسك فيك حاجة مش مظبوطة

اللَّـهُمَّ صَلِّ عَلَى مُحَمَّد‎ said...

بئا لي 10 دقايق باعيط ... عارفة لما يبا ابوكي واخوكي ومثلك الاعلي وفتي احلامك وكل حاجة حلوة بجد وييجي حد يشوه صورته عندك انه كذاب ولص وخاين وقاسي اه والله فعلا ...كمية الضغط والشحن والهجوم ضد الجيش في كل حتة اللي قاموا بيها الاسبوع اللي فات بالتحديد خليتني في كرب شديد والله العظيم حتي الاخوان اللي باثق فيهم وفي وطنيتهم جدا جدا طلعوا لهم من يقول انهم خونة وبايعوا عمر سليمان وانا جوايا مش مصدقة ومش عايزة اصدق وطول النهار مستنية كلامك لأني عارفة وطنيتك واستقلالك وقولك للحق وجه كلامك بئا ونور الدنيا تاني اللي كانت مضلمة عندي خالص ورجعلي الثقة في عقلي وجيشنا ورجاله جزاهم الله الف خير .... اشهد ان لا اله الا الله يا نوارة ... بس ماينفعش ابدا بدا ابدا تتكلمي انتي لوحدك بالصراحة والمعلومات والحقائق المهمة جدا دي امام كام الف من قراء المدونة واصدقاء تويتر والفايس بوك في الوقت اللي بيخاطب فيه هم الملايين لكثرتهم وانتشارهم .... لازم تظهري في التليفزيون لازم الحقيقة توصل للناس الملايين اللي اتغسل دماغها واتشحنت ضد الجيش والمجلس العسكري وطنطاوي بالذات ... مش عارفة ازاي والكلام ده ينفع يتقال كله في الاعلام ولا لاء بس علي الاقل اللي حصل بين المشير ومبارك واللي قاله اللوا العصار ومرتادي السفارة لو اتقال للناس هاتكون ضربة جامدة جدا ... ربنا يكرمك مرة تانية وجزاكي الله الف خير وهداكي ونور لك طريقك .. اسفة عالاطالة , احبك في الله.

Unknown said...

الجيش غير المجلس العسكرى اسألى اى احد بيفهم او جوة الجيش المشير ابو عقيدة مرتبة كام ولى بيهلبة هو ومجلسة كام دول عندهم قصور فى التجمع الخامس ويا ريت تحكمى عقلك ولو محسلش بكرة الايام تثبت وانا يقينى باللة يقينى ان يحق الحق وبكرة اكتبلك بس افتكرينى

محمد نور الدين said...

ست الكل مساء الخير
حدثني على من احبك ولو بالكذب
عندنا مثل شعبي يقول : حدثني على من أحب ولو بالكذب. يعني من يحب معندوش استعداد يسمع إلا الكلام اللي يدخل السعادة و الفرحة و البهجة للقلب . وأي حديث غير ذلك يصبح غير مقبول، وربما معه كلمة، من فظلك وبكل لطف ، ما تجيش المدونة ثاني . ولأنني لا أريد أن أسمع تلك الكلمة لأنني أنا أيضا عاشق للمدونة ،ولأنك تعيشين حالة حب قصوى ودرجة عشق عالية وغارقة حد شوشتك يتعذر معه كل حديث عقلاني، أفضل السكوت هذه المرة . لكن أتمنى ألا تصل درجة العشق أن تعتبري الجيش يختزل الأمة و المشير يختزل الجيش و الأمة .
تحياتي الخالصة

Unknown said...
This comment has been removed by the author.
Early bird said...

كلام سليم جدا وانا متفقه معاكى فى كل حرف
وعلى فكره كل اللى باعرفهم بيعملوا كده كل ما يفتكروا ان سرور والشريف وعزمى لسه مطلوققين والجيش سايبهم يفتكروا برضه الحركه بتاعه زياره السودان وقيمتنا اللى بقت فى السماوكل شتيمه الامريكان فى الجيش وهيلارى اللى رحعت بلدهم قفاها يامر عيش والراجل الكولونيل ده برضه بعد ما قابل المشير رجع بلدهم يشتم
التركه تقيله والمخلوع كان رافت الهجان بس الاسرائيلى ماسبش حته الا وخربها وعين حوله كل اللى معنهومش دمه ولا ضمير وصراحه خربها طول وعرض خقيقه مش مجازا انا لما كنت باسافر بالقطر واشوف الترع والمياه اللى فيها والزرع اتحسر واقول بقى الميه الزرقاء دى اللى بتروى زرعنا والزرع الاصفر ده هو اللى بناكل منه احنا مصر اللى اسمها الارض السمراء اللى لو رشيتى شويه ميه على اى رصيف فيها تلاقى فيه زرع طلع وده طبعا غير الصناعه بقى والبيع اللى تم لدواعى السفر لاى منشاه ممكن انها تجيب ايراد والغاز اللى بنتبرع بيه لاسرائيل والاثار والدهب الصراحه افتكرلك ايه يا بصله
كل ما افتكر ده اعزر الجيش جدا
اللى فالقنى بقى ومقروحه منه ما يسمى النخبه اللى اعلنوا الحرب على شعب مصر ومافيش تلفزيون افتحه والا جريده اشوفها الا لما الاقى واحد منهم بيتحسر على ان زمانه رماه فى طريق هدا الشعب الجاهل الامى اللى لامؤخده ظفر اى عيل صغير من الشعب ده برقبه خمسين من عينه بتوع النخبه اللى عمل الثوره دى شعب مصر بتوفيق وحمايه رب العالميين شاء من شاء وابى من ابى

Unknown said...

انتى انسانة سوقية ولغتك لغة الستات البيئة اكيد ومش غريب على واحدة تفكيرها زى تفكيرك تكون الفاظها بهذة الوقاحة انا ممكن اكتب لك قواميس شتائم ردا على شتائمك بس ده مش اسلب متحضر بس لو تعليقى اتحذف هيبقى ليا ردود تانية وعلى العموم يا عبقرية ياللى بتعرفى تحللى امور الجيش مع انك عمرك ماكنتى واحد من افراده اسئلى اى مجند يكون خلص فترة تجنييده قبل ثورة يناير يمكن يفهمك اللى مش عايز تفهميه

lastcrazyboys said...

حبيييبك باعتلك جواب

رسالة رقم "31" من المجلس الأعلى للقوات المسلحة

من اجل مصر حره بجمهوريه برلمانيه said...

طيب عبد اللطيف المناوي مستشااااااااااااااااااااار للتليفزيون يعني اروح اولع في نفسي قدام ماسبيرو عشان اخلص اعمل ايه تانييييييييييييييييي انا قرفت

qqq said...

الله ينور يا نوارة، النهاردة مية المية، خصوصا إنك بعدتي عن نقد السلفيين، على فكرة معظم السلفيين و الإخوان وطنيين بجد و عندهم إستعداد فطري للديمقراطية اللي بيسموها الشورى و هم بطبعهم متعودين على الحوار والمناظرات، بس مع الأسف فيه بعضهم كان عميل لأمن الدولة (مرشد يعني) و بعضهم طيب و على نياته و سهل يتضحك علية و يتسخن، بس عموما دول قلة و الغالبية العظمى عاقلين و واعيين قوي ، المهم زي ما قلنا قبل كدة المظاهرت المليونية تستمر بس بمعدل أقل ممكن 3 أسابيع عشان الدعم السياسي للجيش يستمر، بالمناسبة نفسنا في قناة حرة لمصر شعارها الوصول للحقيقة و تكون بتاعة كل المصريين عشان إخواتنا إياهم بتوع الصوت العالي يتهدوا شوية (منك لله يا ضيا إنت و عمرو)، إيه رأيك نعمل إكتتاب عام، تخيلي معايا الفاصل بين البرامج و هو بيقول (قناة المصريين صوت من لا قناة له) واو.........يالا يابطلة ورينا الهمة

salwa ibrahim said...

I agree with everything you said mosheer tantawey is national hero history will always remember him

Unknown said...

أنا من المعجبين ب"جواباتك" للجيش وبأعمل شير لكثير منها. بس سؤال بريء، هو انتي شايفة يحى الجمل وحش ليه؟

kandil86 said...

ربنا معاكى كملى فى طريقك واللى يقول عليكى عميلة ماشى لاننى شفت امبارح فى الميدان ناس بتحاول تعمل تسخين على المجلس العسكرى زى ما لقيت خمسة ستة واخدين جنب وعمالين يقولوا الشعب يريد اسقاط المشير وقفت اتكلم معاة وبقولة لية لقيتة بيقولى عشان متواطئين وبيغطوا وبيتغاضوا عن محاكمة مبارك وساعتها قولت له كل دة ومتواطئين بس الصراحة الناس عندها حق فى بطء ردود الافعال تجاة استرجاع الاموال ومحاكمة الثلاثى المرح وعمر سليمان والعائلة عشان الناس تحس ان صوتها وصل ولو التاخير زاد ممكن الجمعة القادمة ميبقوش مجرد قلة دة ممكن يبقى هتاف وانت غعارفة ان الميدان معدى

محمد نبيل said...

أنا مش مقتنع ان الجيش عايز يتسلل للكوبرا ولا يحزنون، وبعدين منبى هما كانوا بيكشفوا على عذرية البنات عشان فاكرينهم جواسيس ؟! وبيعروا الشباب عشان فاكرينهم جواسيس برضه ؟! طب وافرضى البنات اللى ااتكشف عليهم ماطلعوش عذراوات ؟ يبقوا كدة جواسيس ولا ايه ؟!

ملكش دعوة said...

جواناتك للجيش بتفكرني بجوابات حراجي القط لمرته فاطمه بس انا خايفه الجيش يخلي بفاطمه وتندهه النداهه ويقولها انا السد يا فاطمه ربي انتي العيلين عزيزه وعيد وملكيش صالح بيه
انا بثق في الجبش وشايفه ان الحمل تقيل والطريق واعر جوي والمطاريد بياجو من كل ناحيه بس همه لو يلموا شويه المطاريد دولهمه نرتاح ونهدي ونشوف صالح البلد وكل اللي مالوش في السد يتسد

يوميات شاب منوفى said...

نوارة بلاش تخبيط فى المنافية مش ذنبنا ان ابن الكلب ده كان من عندنا

Early bird said...

على فكره نسيت اقولك باحبك قوى كده وانتى محضر خير وتصالحى ده على ده وتنقلى وجهات نظر ده لده والكلام ده انا عارفه انه بينفع لما يكون الناس نوياها طيبه بيقتنعوا بسهوله والمصريين طول عمرهم نيتهم سليمه وقلبهم على بلدهم سواء كانوا جيش بقى او نشطاء اوناس عاديه

negmat lail said...

ربنا يكرمك يا وارة يا رب ... بس سؤال مين اللي بيروحوا السفارة ويقبضوا دول بجد مين ؟؟ هه هه مين مين ؟؟

Ahmed-Badr said...

كالعادة بتجيبى من الأخر . امبارح فى الأسكندرية كان فى حبة هتافات ضد المشير و الموضوغ ده فتح جدال عقيم كان مقالك دا حيفيدنى كتير فيه المهم ان الناس كان معظمهم ضد ان اى حد يخبط فى المشير(الحمد لله) بس الى لاحظته ان الناس تعبت يعنى الى كان زمان ممكن يقول" لأ دا دا دهرنا و الى حامينا" بقى يقول "بص هو فيه حاجة مش تمام بس يمكن الناس الى حواليه و العشرة الى بينه و بين الحرس القديم و يمكن عندهم ملفات عنه" و كلام عبيط كده برده بس الناس كانت سخنة(لميت حوالى 89 توفيع و سلمتهم :] و ناس تانية خدت نسخ علشان تلم - أجمل حاجة فلم التوقيعات أن التاس تسمع أسمك تتحمس و تمضى أو يقولو مش دا البيان بتاع نوارة هات أمضى ) و خايفين كله يروح يا رب الجيش يقرا جوباتك جى

موضوع الجيش الثورى الى على النت دا معاق اعاقه لأبعد الحدود و ميستهلش تردى عليه أساسا

Radwa Esmaeel said...

عندك حق يانوراة فى كل كلمة قلتهيا بالنسبة للمشير لان فى ناس كتير اوى من شباب الثورة كنت بسمعهم بيقولوا احنا عايزين نغير المشيرده خاين ةفى كلاب كتير من بتوع الحزب الوطنى عاميلن يسخنوا الناس علىالجيش وواحد كان بعد صلاه العشا عندنا فى البحيرة هوعضو م جلس محلى كان عامل يقول للناس ان الجيش ضحك عليكوا ده مبارك بس عشان يهدى الناس ساب الجيش يحكم وبعد كدة ف الانتخابات الجاية هتشوفوا ان مبارك او حد من شلتةهما اللى هينجحوا وهيج الناس على الجيش وفى ناس بدات تشك فى الجيش

Unknown said...

والله العظيم عندك حق يا نواره عمر عفيفى ده عايشلى فدور ادهم صبرى فروايات راجل المستحيل وعمال يحط خطط ويدى تعليمات ويقول نصايح وهو اساسا هربان فامريكا والناس عماله تقوله انزل مصر خلاص مبارك مشى وكل اللى كانوا هربانين من حكمه رجعوا يلا تعالى بقا يرد ويقولك لا اصل مش عارف فيه عفاريت مستنيانى فالمطار هيقبضوا عليا اول لما انزل ... المصيبهه ان فيه ناس كتيير لاعب فدماغهم و مصدقين الهبل بتاعه وان كلامه ده اوامر واجبة التنفيذ

Ahmed-Badr said...

بمناسبة سيرة عمر عفيفي أنتى شفتى أخر هلوسة مريضة المخبول ده كاتبها !!!! و الكارثة ان فى ناس بتتصرف كأنه صاحب المصادر و الرؤية الثافبة ! مفيش حل للكائن ده !!

الجزء التالى من التعليق غير مناسب للأطفال أو لأى حد ربنا حرمه من نعمةالعقل


اللهم فأشهد"
طنطاوي ينتهج نفس أسلوب العادلي تماما
أحذروا الفتنه الطائفية التي ستندلع خلال ساعات بتدبير من طنطاوي وعملاء أمن الدولة وبأوامر من تل أبيب وجمال مبارك
أحذروا الفتنه القادمه
ستدخل أطار التنفيذ خلال ساعات من الآن
أحذروا الفتنه لأنها أقذر الوسائل لشق الصف بين شقي الأمه
لن يرحمك التاريخ ياطنطاوي ولن تفلت من العقاب ولن يحميك أولاد عمك من محاسبة المصريين
المخطط في أطار التنفيذ
وأفضل أن أكون كاذب علي أن أري دماء أهلي تسيل في مصر من المسلمين والأقباط
أحذرك يا طنطاوي فالشعب لن يرحمك "ونهايتك 8 ابريل أن شاء الله
عمر عفيفي


-----------------------------------
يا خرابى !!! انهى بلاعة ضربت و خرجت علينا ال******* ده لازم يكون فى حل لواحد زى ده أنا مع الحرية و كل حاجة بس مش كده مش كده خالص

Rasha Ahmed said...

السلام عليكم ورحمه الله وبركاته
المشكله ان الناس محتاجه تفهم وتصدق!!الشعب المصري بقاله اكتر من 30 سنه بيضحك عليه فطبيعي جدا انه دلوقتي يشك!!دي ثوره فلازم كل مطالبها تتحقق طب فسريلي ليه كل السكوت ده علي الثلاثي المرح؟تفتكري انهم ما عملوش حسابهم وفرموا الاوراق اللي تدينهم وخابوا اموالهم لغايه دلوقتي؟ليه كانوا بيلعبوا الفتره اللي فاتت دي؟؟للاسف يانواره كل رموز الفساد هايطلعوا منها بس بعد فتره لما الشعب المصري يهدي شويه!!علي فكره انا مش بشك في الجيش انا حتي والدي لواء جيش بس بحب اوصلك معظم الشعب المصري بيفكر وبيسأل في حاجات من دي زي مثلا في ناس سألوني ليه المشير قاعد كل الفتره دي في منصبه مع مبارك؟اكيد الرئيس الخلوع كان راضي عنه الا كلن شالو زي ما شال ابو غزاله؟؟انا عن نفسي رديت وقولت مش لازم الفتره اللي فاتت كلها يكون الكل وحش!!بس ماحدش اقتنع!!علي فكره الناس فعلا محتاجه تفهم وتصدق ودا دور المجلس العسكري والمثقفين والوطنيين اللي فعلا بيحبوا البلد دي!!

nevine said...

و الله يا جماعة انا شايفة ان الناس اللي بتشكك في الجيش بحجة ان دي الثورة المضادة هما نفسهم الثورة المضادة .. و الكلام اللي سمعناه و الدنيا الي هتتقلب و محصلش منها حاجة و على فكرة سبب تأخر محاكمة الثلاثي المرح واضح جدا الجيش قلقان يبدأ فيه ليه و لو اني شايفة ان ده مش سبب عشان كلنا هنوقف وراه الجيش و احنا اول ناس هنحمي البلد لو حاولوا يقلبوها فوضى و اظن احنا شوفنا الفوضى بحق و احنا اللي حمينا البلد فبجد ياللا بقى مصر كلها وراكم و كفاية بقى تشكيك في كل حاجة و نقلب عالناس كلها و احنا اللي مش بنثبت على كلمة ... و واضح قوي ان الجيش هدفه يحمي البلد و مش عايز يتحمل احداث اي تغيير جذري في مصر و ده بقى بالذات هو اكبر دليل ان الحكم لازم ينتقل في اسرع وقت

lavender said...

يسلم قلمك و عقلك يا نواره

أحمد البستاوي said...

الله يخرب بيت حشيشك

utopia said...

نحياتى لصدقك يا نوارة
كلامك جميل خصوصا بعد هبل الاحزاب اللى شفته امبارح وكانوا مافورين فعلا
بس بتوع الاحزاب والمعارضة القديمة عاوزين حتة من التورتة معاكى فيها
والاخوان استكفوا ده برضه شايفه شباب الاخوان قبل الكل

بس انتى مش شايفة ان فيه ان فى الموضوع
مين لسة ساكت على مبارك واللى معاه
هما لسة جامدين قوى كده
والكلام اللى انتى بتقوليه ده مش تبرير
معلش يعنى المجلس الاعلى الشعب وكله فى مهمة...مش قادر عليها يقول مش قادر
انتى ما شوفتيش امبارح امهات وزوجات الشهدا محروقين ازاى
بجد حرام احنا مش بقر وايه التغييرات الملفوفة فى التلفزيون دى؟؟
مين بيحمى المناوى واللى معاه؟؟؟هه؟
هو صعب يشيلوه كده؟؟
وبتوع امن الدولة صعب يستغنوا عنهم للدرجة دى؟؟
ياريت يبفقى عندك تفشسير واضح
عاحنا عاوزين نفهم
حكاية الكوبرا و على سهوة وبتاع دى مش داخلة دماغ حد بصراحة
وانا معارض كلام الناس اللى بنهاجم المشير دلوقتى زى ما بردوا بعارض تضرفات المجلس
حد يفهمنا يا جدعان
هى مش بلدنا
ولا نروح نقيض على الحرامية بنفسنا
زى ما حصل مع امن الدولة كده؟؟؟
هه؟هه؟

Ahmed-Badr said...

http://dostor.org/politics/egypt/11/april/2/39333

فريق ضباط أمن الدولة"السابق"يعود
لمتابعة الجامعات تحت مسمى "جهاز الأمن الوطنى"

الفريق طلب "تقارير إحصائية" عن أسماء أعضاء الاتحاد الطلابية الجدد ونسبة الإخوان والحركات السياسية فيهم

علم "الدستور الأصلى" أن ضباط مكتب أمن الدولة المسئول عن متابعة شئون طلاب الجامعات بدأوا فى ممارسة مهام عملهم اعتبارا من الخميس الماضى بنفس مواقعهم داخل الجامعات تحت مسمى جهاز الأمن الوطنى الجديد

-----------------------------------

أنا حتجنن !! فى اييه !!!!! ماهو يالحكومة كدابة يالدستور فلتت منه!!! بس أنا بثق فى ابراهيم عيسى عن ما بثق فى الحكومة - مبصدقش الدستور لو الخبر فيه سلفى-- أنا حتجنن لو سمحتى بكل حاجة مقدسة!! بمصر الى كلنا بنحبها!! قولى ان الخبر دا غلط و خلى الدستور يكدبه لان كده كتير على أعصابى كتير كثير كتييييييير

Um Moa's said...

كلامك جميل يا نوارة ومن القلب فعلا
بس كتير قوى اختصرى شوية وبطلى رغى اتعلمى انك تنجزى علشان الى بيقرأ لا يمل(مع انى عن نفسى بحب اسلوبك جدا)
ويا ريت تبطلى تدعى على الناس
والواد الى انت شتمتيه هو وامه ينفع كده حتى لو اختلف معاكى فى الرأى ده برده فى بيتك قصدى مدونتك يعنى ما ينفعش يتهزأ اعتذر ليه وخليك حلوة وشاطرة
اما بالنسبة لموضوع الجيش انا شايفة انه زى ما يكون واحد ماشى فى حقل الغام لازم كل حركة يعملها تكون محسوبة لانه مش عارف اللغم مستخبى فين
لا تنسى انه كان برة لعبة السياسة خالص

romancy said...

الاولة هههههههههه

والتانية خخخخخخخخ

والتالتة احو

ايه يا نوارة الحلاوة دى دانتى ناقص تقولى كلو يروح على المجلس العسكرى ويوطى يبوس رجل المشير انتى بتشتغلى مين يا نوارة بتشتغلينا ولا بتشتغلى نفسك انتى عايزة تقنعينا ان المشير ال بقالو 23 سنة بيخدم مبارك قلبو على مصر هههههههههه لا قلبك ابيض ياختى مسالتيش نفسك ف مرة ايه سر احتفاظ مبارك بطنطاوى للفترة الكبيرة دى كلها رغم انه معروف عنه انه مبيحطش اى حد ف القيادات ف المراكز الحساسة الا اذا كان ضامن الولاء التام ليه 100% مسئلتيش نفسك ايه السر الخطير ال خلا المجلس (قدس الله سره) يتنفخ ف صورته مرة واحدة كدا ويعمل البيان الحليوة ابو دم خفيف دا الا بعد مليونية امبارح مسئلتيش نفسك ليه خلع عبد اللطيف المناوى اصعب من خلع مبارك نفسه يشيلوه من هنا يحطوه هنا مسئلتيش نفسك ايه السبب ال خلا طنطاوى ينزل بشكل عشوائى واهبل يسلم ع ال رايح وال جاى ف الفيديو ال انتى حطاه دا بعد ما شفناه كلنا وهو منور الشاشة وبيشرح لمبارك ع خريطة ميدان التحرير ف غرفة العمليات وظهر بعد ميجيش دقايق من ظهور الطيارة ال f 16 ف ميدان التحرير طب مسئلتيش نفسك ايه ال يخلى اللوا ممدوح شاهين يطلع بكل بجاحة ويقولنا انتم عبيد احساناتنا واحمدو ربنا اننا معملناش فيكو زى ليبيا رغم انه عارف ومتاكد انهم حاولو يعملو معانا زى ليبيا والجيش نفسو هو ال مدلوش فرصة الجيش حاجة يا ابلة والمجلس العسكرى ال كله منتفعين ولوائات عدو سن المعاش بس قاعدين عشان كل وظيفتهم ف الحياة انهم يخلو الجيش يديها جير تقديلو تقدير وان طنطاوى رافض بشكل قاطع ادخال خطط هجومية فى تدريبات القوات المسلحة والاكتفاء بالخطط الدفاعية فقط فالجيش والشعب ايد واحدة على وش المجلس العسكرى لانك لو بتختذلى الجيش كله ف المجلس العسكرى يبئا الجيش والشعب ايد واحدة عشان نلطم بيها لان الايد الواحدة يا امورة متنفعش غير ف اللطم فبلاش تقديس وتاليه للناس اكتر من كدا لانك كدا باختصار ماشية ف سكة اسفين ياريس ومبارك امان لمصر بس مع اختلاف الاسامى والشعب المصرى لا هو بريالة ولا هو شوية معيز زى مانتى كاتبة الشعب المصرى جمل صابر بس صبره قرب ينفد وباذن الله معادنا يوم 8 ابريل وبكرة افكرك لحد المعاد دا لما تشوفى حبيب القلب عملك ايه ولسة هيعمل ف مصر ايه وادى اول القصيدة

http://www.newsdbd.com/2011/04/blog-post_5355.html#axzz1IJZQtHvy

وطبعا تحت رعاية المجلس الاعلى وبتنفيذ من الكلاب ال هو سايبهم يبرطعو ف البلد ادى العلاقات المصرية التونسية انضربت وباذن الله العلاقات مع الجزائر هتنضرب تانى وليفى يا نوارة ف المجلس العسكرى براحتك

Um Moa's said...

بالنسبة للى بيقول ان الجيش يوجدبه فساد وهو ايه فى البلدماكنش فية فساد حتى احنا كأفراد كنا فاسدين يعنى ماكوناش بنستخدم تليفونات الشركة وانترنت الشركة وعربيات الشركة وعم سعيد الساعى بتاع الشركة علشان ننجز مصالح خاصة وكلة على حساب الشركة ايا كان اسمها او موقعها
لكن الى يفرق انهم جاتهم فرصة يكفروا عن سيئاتهم وربنا يهديهم للاصلح ويسدد خطاهم هو مدبر الامر اليه يرجع الامر كله سبحانه ملك الملوك العزيز الحكيم

ITHat said...

الحمد لله رجعت اتفق معاكي في كتاباتك يا نوراه

زينبو said...

يسلم فمك يا نوارة يا قمر انتي ، والله ولا اجدعها محلل سياسيي. طبعا مش قصدي على مقاطيع التليفزيون اللي عاملين نفسهم مدافعين عن الثورة وهاتك يا فتن وتخوين وشتيمة ،شوية على الاخوان و شوية على الجيش وآل ايه خايفين يا عيني على شباب الثورة .فاكرينا دق عصافير،والله نفس اللي في عقلي بتقوليه تقوليش بينا اتصال روحي. سيبك من دعاة التخوين ناس فاضية فالحة بس في الهدم ،و ربنا يحفظنا من امثالهم.ربنا يعين الجيش على الخير والصالح لهذا البلد ويوحد صفوفنا ويؤلف بين قلوبنا.

Alok Ray said...

مش هنسى لما الاخوان طلعوا خبر ان فى ناس بتتعاون مع السفاره الامريكيه .. اعدوا يشتموهوم يوميين بعد كده وحتى اعتذار الاخوان مكفاش رغم انهم قاله الحقيقه وعلى فكره النشطاء الى انت بتقولى عاليهم مش عارفيين حاجه لا هما عارفيين كل حاجه زيك بس هما اختاروا طاريقهم .. اما لاقتراحك للمجلس العسكرى انه يحيد الناس بتاعت امريكا فده مش هيحصل لان هما سايبنهم علشان يستخدموهم بعد كده انا زيك حاسس ان فى ناس محترمه جوه المجلس بس فى ناس لسه بتحسبها باسلوب مبارك ولسه مش عايزه تسلم الشعب امور نفسه وعايزه تستمر فى الحكم من ورا الستاره زى معملت فى الكام سنا الى فاتوا

Unknown said...

أخيرا: إقالة المناوي وتعيين الصياد بدلا منه..ونهال كمال للتلفزيون والششتاوي للإذاعة

http://dostor.org/politics/egypt/11/april/2/39337

rahrom said...

مش عارفة اقولك ايه الله يعمر بيتك ياشيخة كلامك نزل على قلبى برده وريحه يارب يسمعوا ويعملوا كده يااااااااااااااارب

مش فاهمه said...

طيب كسبنا ايه احنا بقه غير صلاة النبى احسن يعنى المعزة تعمل ايه دلوقتى
انا مش موافقه على تشبيهك للثوار و النشطاء بالمعيز علشان هم اللى مكنوا الجيش من انهم يمسكوا الحكم و مكنت الجيش انه يشيل القائد الأعلى بتاعه اللى كان على قولك حايخليهم ملطشه بين الجيوش يعنى المفروض الجيش يحطنا فى عيينيه من جوه و يشيل لنا هباب البرك اللى اسمه يحيى الجمل اللى بيضحك علينا بالحوار الوطنى قال و اللى حايشربنا عمرو موسى يا ابله نوارة و اهو بيلمع فى البسطويسى عن طريق المناوى و الأعلام الطين علشان يفتتوا الأصوات و فى الأخر حانلبس عمرو موسى و انتى بطلى حب شويه للجيش و ياريت تحبيه بعقلك لأنك زى ما انتى عارفه يا نوارة الحب اعمى يا اوختى و انا خايفه عليكى لا يكون حب من طرف واحد و نتبهدل كلنا معاكى بعد كده

Unknown said...

انا لما كتبت عن صفحة ضباط الجيش المصرى قلت شغلى عقلك شويتين فيما بين السطور لكن معلش انا كنت فاكر انك بتفهمى مش جاموسة بنت جاموسة وتقريبا اتكشف عليكى زى البنات اللى انكتب عنهم فى الجرايد علشان كده
علشان كده مبتعرفيش غير طول اللسان اللى هو اكبر دليل على الجهل والغباء اما الكلام عن الجيش الثورى اللى انتى بتقوليه انتى وغيرك من المعاقين ذهنيا ف لازم تعرفوا ان انتو لا تعلموا ان مبارك الذى شاهد الجيش وهويقضى على السادات عمل طوال فترة حكمه على تحييد الجيش تماما تأمين نفسه ضد اى تهديد او مجرد تفكير فى تهديد يخرج من الجيش اما الكلام عن تغيير عقيدة الجيش اوعلاقة المشير السيئة او الطيبة بامريكا اوماهية وطنية المجلس الاعلى اونواياهم تجاه مبارك ورموز حكمه فكل هذا اكبر واخطر من ان اناقشه مع السفهاء امثالك علما بأننى اسف لقراءة تهييسك

كيوبيد said...

هههههههههههههههههههههههههههههههه نواره صدقت انا لما قولت عليكى سوسه بس المقال رائع واكتر من رائع بس فيه شوية ملاحظة انا زى ما سبق وقولت لك مش شيفه سوده ولا من اصحاب نظرية ان مبارك راجع والمجلس العسكرى ده ابناء مبارك ولا كل ها الكلام الغير معقول بالمره ولكن خالينانفكر تفكير بعيد عن العاطفه لانى شايف كل تفكيرك عاطفى نابع من القلب من حب الجيش المصرى وانا كمان بحبو وعشاقو بس السياسه لعبه خالى من العواطف وفيه الف الف مليون عدو ان كان فى الدخل عايز يركب الكراسى والسلطه والى فى الخارج عايز مصر مكانه من غير خطوه لامام اولا واظن انك معى البطى ليه البطى ده زى ما يكون القرار راكب سلحفه الناس دى طوغية يعنى الشعب عندهم على الجزمه ولا يسوى ممكن يعملو اى حاجه علشان ينجى بجلدو وعيب قوى بعد ثوره العالم كلو شهد له نسيب الناس دى تلعب وتبيع وتشترى فينا ثانيا الصراحه المجلس مش عندو شفافيه وعلشان الفهم الخطا ومحدش يقول انى بتهمه بالخيانه والى حاجه انا شايف ان عدم المصراحه والشفافيه دى بسبب انهم ناس عسكرين حياتهم وتصرفتهم كله تدخل فى دائرى السرى والسرى جدا ده مبدا عسكرى لكن مش مبداء سياسى لازم يغيرو ها المبداءده راى لكن انا مع الجيش ومع المجلس العسكرى وقبل ده وده مع الشعب ومع مصر وعندى ثقه فوق حدود السماء ان خلاص الطوق انكسر والشعب خارج والى عارف طريق الميدان مش يتخاف عليه تانى ابدا لا تقولى عمر سليمان وعمرو موسى مش عارف ايه والجماعه ايه والسلفين الشعب ده مش هايضحك عليه تانى اى نعم ممكن تستغل طيبة وبراءة لكن يضحك عليه مستحيل ويريت اشوف لك رد على ها الكلام ؟؟ وربنا يحمى مصر وشعب مصر وجيش مصر من غدر كل غدار وكيد كل حاسد

marwa said...

تسلمى يانوارة مصر على الكلام الجامد دة
بس ليا استفسار هو مين القرود اللى بيتنططوا دول اللى هما قسم من مجموعه الساسه, انا حاولت اخمن هما مين بس موصلتش ممكن توضحيلى شويه هما مين؟
بليييييييييييييييييييييييز

muhammed said...

طيب هو الجيش ليه مش بيحاكم العادلي والاربعه الاوساخ محاكمه عسكريه؟

safy said...

7elwa awyyyyyyyyyyy, i like your writing ya nouara..begad ana akbar menek fe el sen bas bat3alem menek .. eslobek baseeeeeeeet we damek 7'afeeeef w enti betshra7y kalam aslan damoh te'eeeeel .. ana 7abet el syasah besababek :)

Nahla Hussein said...

الله يفتح عليكى يا نوارة

الفراغ said...

بصى يانوارة احنا كبرنا ونقدر نتحمل الصدمات
اذا كان فى اتفاق رجالة مابين المشير والمخلوع ان دا يتخلى عن الحكم قصاد مالمشير يطنش عليه
قوليلنا واحنا بقا نشكر المشير لغاية كدا ونبدأ ندور على بلدنا وفلوس بلدنا وحسبى الله ونعم الوكيل فى اللى ضاع والهى مايتهنوا بيه....واكيد هايصرفوه على مرضهم ووالعذاب اللى فى الدنيا قبل الاخرة
وبعدين انا نفسى افهم : هو ليه يحى الجمل مفروض على عصام شرف ؟؟؟؟؟؟؟؟؟
وليه عصام شرف يرضى بما هو مفروض عليه ؟؟؟؟؟؟؟؟؟؟؟؟؟
وليه عصام شرف مابيطلعش يرد على اسئلتنا عن تأخير التحقيق مع مبارك وزبانيته ؟؟؟؟؟؟؟؟؟؟؟اسئلة كتيرة
بس يارب تعبرى امنا وتردى يا ام العريف
وشكرا

happyhh70 said...

مقالة رائعة يا نوارة..المشكلة إن الجيش عامل زى ما يكون ماشى على سطر و بيسيب سطر. و فى ناس كتير بتتكلم عن مسؤوليات الجيش و حيعمل إيه و لا إيه؟ لكن أسوأ حاجة من أول إستفتاء الطلاسم إللى كلفنا 9 مليار جنيه لغاية النهارده هو غياب الشفافية! لو الجيش له وجهة نظر إن فتحى سرور وشلته ميتحاكموش لغاية النهارده يا ريت يشجينا يمكن نقدر نعذره!! لكن مع سياسة "هو كده" و "الصمت الرهيب" و "قرطسنى شكرا" مش ممكن حد عاقل يطلب مننا حتى منسألش ليه! أنا بسأل بعلو صوتى لييييييييه؟ و على فكرة حتى إللى معترضين على إننا معترضين أول ما بتناقشيهم بموضوعية مبيلاقوش اى حاجة يقولوها.
طيب إسمعى حوار الفيس بوك الشيق ده و إحكمى بنفسك:
واحد إبتدا المناقشة قائلا: الصوت العالي للاقلية يهزم الاغلبية الصامتة الان بأمتياز
فرد واحد متحزلق و قال: مين اللى قال ان الاقلية التافة دى على حق؟
فرديت عليه و قلت: مين إللى على حق من وجهة نظر حضرتك و يا ريت تبرر موقفك؟
فكان رده العبقرى: احنا الاغلبية مش الاقلية طبعا صوت العقل على حق وليس اصحاب الصوت العالى المرتعش المهتز الخبيث الذى يبث السم فى العسل تحت شعار دم الشهداء!
فسالته السؤال بطريقة أخرى: أنا لسه يا استاذ فلان مش فاهمة إنت مع و لا ضد مطالب حمعة حفظ الثورة و على رأسها سرعة محاكمة رموز الفساد؟
سبحان الله !!! لا أسكت الله له حسا! إختفى من ساعتها مع إن الماقشة دى دارت الصبح!
واضح إن سياسة "الصمت الرهيب" هعدية لدعاة الإستقرار! و كلمة "إستقرار" بصراحة هى اسخف كلمة سمعتها من أول الثورة! عمركوا شفتوا إستقرار بيحصل بعد ثورة بيوم؟!! من حقنا نعترض مع كامل إحترامنا للجيش و إعترافنا بإنجازاته. و على فكرة يا نوارة انا طالبت بترشيح "شعبولا" للرئاسة لإنه مش بيعرف يكتب فمعندوش اى اجندات و عجبى!!
أختك
هبة حسنى

Nahla Hussein said...

الله يفتح عليكى يا نوارة

أرنوب said...

تهييس في تهييس فعلاً .. لقد أجدت إختيار إسم مدونتك

محمد طنطاوي said...

البيان ممتاز بس أهم حاجة العمل شفنا البيان وفى انظار العمل ، واللى نتمناه إن العمل فعلا يطابق البيان

لكن يا نواره أنا ملاحظ إمك خيالية شوية ، طب هو إذا كان سايب الناس دى علشان هما كوبرا ذى مبتقولى طيب حاكم الناس الشرف وحبسهم وعذبهم ليه مع إنى يمكن سمعت أكتر من تصريح بيأكد إنه بحترمهم ، يمكن هو دا الحترام عنده

تامر احمد HiTmAn47 said...

مشكلتك يا نوارة انك مش عارفة تفصلى بين المشير و الجيش و بتعتبريهم حاجة واحدة

طيب ايه رأيك ان احمد شومان اللى هو ابن الجيش و اول واحد من الجيش انضم للثورة كان ضد المشير

http://www.youtube.com/watch?v=lr6Y51a2AsU

ولا هتقولى احمد شومان كمان خاين و عميل و معزة ؟؟؟

طيب بلاش دى ....تفسرلى بايه ان المانيا و بريطانيا قالولنا معلش فلوسكم اللى عندنا مش هترجع عشان بطء فى الاجراءات .... هل البطء ده سببه احنا و لا برضه كان بيحوطوا على الفلوس قبل ما يمسكوها ؟؟

طيب بلاش دى .... تفسرلى بايه ان زكريا عزمى يطلع و يقول انا شغال فى ديوان الرئاسة زى ما انا ... و لما يتسأل ممدوح شاهين عن الموضوع ده ...يقول ده مظفو متعين من الدولة و عشان نشيله محتاج اجراءات و قوانين .... و فضل موجود فى مكانه لحد ما اتشال من يومين ...طبعا بعد ما فرم اللى فرمه و اخد اللى اخده

و تفسرلى بايه فتحى سرور اللى كل بينط فى البرامج يعلق عليها و يتعمل معاه احاديث صحفية و ينزل فى الاستفتاء يدلى بصوته و بلطجيته يعملوله هيصة و زمبريطة كأنه بطل ... و فى نفس الوقت البرادعى ينضرب بالطوب

و تفسرلى بأيه ان جمال مبارك و عاطف عبيد و عزمى يروحوا نادى رجال الاعمال بكل حرية كدة و يطلعونا لسانهم

و تفسرلى بايه ان عمر سليمان يجتمع مع الاخوان

و تفسرلى بايه وجود يحيى الجمل و المناوى لحد دلوقتى

كل الحاجات دى و اكتر منها يا نوارة دليل قاطع ان فيه ناس فى المجلس العسكرى و على رأسهم المشير مش على هواهم انهم يجوا جنب مبارك و رجالته

يكفى ان المشير بقاله مع مبارك 21 سنة (( و من اللى شفناه مفيش حد فضل مع مبارك المدة دى كلها الا و كان وراه مصايب ... و الا مكنش خلاه معاه ))

المشير طول ما هو موجود عمر ما حد هيقرب لمبارك و لا لرجالته ..... و انتى لو مش شايفة الموضوع ده ...يبقى محتاجة نضارة يا نوارة


انا مش هطلب زيك ان الاربعة دول يلبسوا البدل الزرقا لانى متأكد ان المشير عمرعه ما هيعمل كدة فى اصحابه .... لا هسهلها خالص

يتحطوا تحت الاقامة الجبرية هما و الناس اللى عايزة تقعد معاهم من اهلهم ... و يتمنه عنهم اى اتصالات ارضية او لاسلكية لحد ما يتعين رئيس جديد .....

صعب دة او كتير ؟؟؟

محمد نبيل said...

أنا لغاية دلوقتى مش عارف ايه نظام عمر عفيفى دة بس هو كتب الكلام دة وفى نفس اليوم حصلت فوضى ماتش الزمالك

----------------

وصلنا حالا من مصدر موثوق منه ولكن تظل معلومات غير مؤكده لأنها لا تزال من مصدر واحد فقط

أنه أستقر الأمر علي ما يلي كخطه قادمه

اولا اصدار بعض البيانات المهدئه للرأي العام قبل يوم الجمعه القادم ويبدو ان منها القبض علي رموز الفساد أو أحدهم فقط

ثانيا اشعال الفتنه الطائفيه بشكل أو بأخر في مناطق متفرقة بالصعيد والقاهرة لأشغال الرأي العام في تلك الأحداث

ثالثا أحداث أمر يثير رعب وخوف المواطنيين لعدم المشاركه وربما يكون حادث تفجير أو أغتيال أو تعدي علي شخصية عامه أو آثارة فوضي في تجمعات أو مصالح او الجامعات

رابعا- أحكام السيطرة علي ضباط القوات المسلحه ومحاولة أعادتهم للوحدات في أقرب وقت ممكن خشية حدوث أنقلاب

خامسا- يوجد أنقسام حاد في الرؤي وطريقة معالجة الأمور داخل المجلس العسكري وبسبب عبد اللطيف المناوي ورضخ فريق طنطاوي وعتمان مؤخرا مقابل عدم ملاحقة المناوي قضائيا بأي صوره من الصور وحدثت مشاده حاده بسبب رفض جهة الأعتدال أن يتم أملاء أوامر علي المجلس من حسني مبارك وزكريا عزمي وصفوت الشريف

وسوف يتم التأكد من المعلومات ونشرها عندما تكون معلومات مؤكده

عمر عفيفي
-------------------

بساطه said...

ماشاءالله .. عاجبني اوي اسلوبك في طلب الحاجات من الجيش .. ياعاااالم الجيش مابيخدش اوامر هيه لازم تكلم الجيش كده .. واللي بيقول عليكي بيئه ..بيقرالك ليه .. اجري ياكتكوت عند ممتك لحسن تتعلم الكلام النوتي من نواره الوحشه .. معلش يانواره اتفقت معاكي او اختلفت احنا نحترم بعض انما الناس تعد تخون بعض دي هستريا .. الله يعينا على الي جاي



بصراااحه ان هتجنن من المصيبه الي حصلت في الاستاد .. ده التونسه عاملونا احسن معامله في تونس نقطعلهم هدومهم هنا .. والله حاجه تكسف المنظر الي حصل قدام العالم كله وشكلنا الي بقا همجي قدام العالم .. ده غير ان كده شكل الشرطه وحش .. تفتكري الي حصل مدبر؟؟؟؟؟

بساطه said...

انا مش فاهم الناس زعلانه ليه مع انك المره دي موجهه نقد للجيش .. بس بطريقه مهذبه تليق بالجيش .. ولا يعني لازم تكوني قليلة الادب وشرشوحه عشان الناس تنبسط .. لامؤاخذه يانواره .. الحريه مش انك تشتم عمال على بطال .. دي مش جدعنه ..

Unknown said...

السلام عليكم ورحمة الله وبركاته:-...............وبعد:-أولاً أنا -وأعوذ بالله من كلمة أنا- أتفق معك فيما قلتيه يا نوارة .ثانياً:-بالأمس لما كنت في ميدان التحرير رأيت منظراً استأت منه كثيراً؛وهو كثرة المنابر ،والخطباء،والمطالب والتي لم أرها منذ كنت أقف في ميدان التحرير من 25 يناير حيث كانت كلمتنا واحدة ومطالبنا محددة ومنبرنا واحد. أما ما يحدث الآن فهو شيء جديد؛-مع تحفظي الشديد في عدم توجيه التهام لأحد . ثالثاً:- لِمَ لاتضاف هذه المطالب التي سأعرضها عليك وعلى ساحة الحوارللتعليق عليها والإضافة لها وهي:- 1-أن تجرى انتخابات فورية في جميع مؤسسات مصر وعلى مستوى الجمهورية من:- تعليم وطب ومهندسين وبيطريين وسائقين وتجاريين وقضاه ومحامين وصحافيين............ إلخ. يكون قوام المتقدم إلي الترشح لشغل منصب في نقابة ما:عدم انتمائه لأي حزب من الأحزاب . وألا يكون ممن سبق وترشح لأحد المجالس النقابيةمن قبل وكان بها. وألا يكون ممن صدر ضده حكم قضائي-عدا الشرعي- أو كان منقطعاً عن العمل بعد تعينه فترة ما. وأن يكون من مسددي الاشتراك الشهري للنقابة التابع لها. أرجو التصويت لهذه الفكرة ومحاولةإسداء الرأي والتعليق عليها.ولكم مني وافر التقدير والاحترام

إيمان said...

بجد يسلم فمك
من اول يوم الجيش نزل الشارع وقال الجيش المصري يؤيد مطالب الشعب العادلة عرفت ان الجيش معانا وما صدق لأنه مستناش يشوف الرايجه مع مين من يوم 28 يناير والجيش قال انا مع الشعب ..يمكن مضغوط عليه يمكن متحاصر يمكن مبارك سيبهالهم مهلهله زي القماشه الدايبه كل ما يمسكوها من ناحيه تتقطع منه يمكن مش عارف يتعامل مع مدنيين يمكن اي حاجه غير انه يبقى خاين .. ودليلي انه مستناش يشوف الرايجه مع مين هو من اول يوم قال الجيش يؤيد مطالب الشعب مستناش بعد ما مبارك وقع وجه يلم زبالته وعلشان نبقى واضحين الجيش اكيد علشان يخرج مبارك بالهداوه اكيد اكيد عمل معاه صفقه لأن مبارك لو كان عارف انه هيتحاكم محاكمه عادله مكنش خرج ولا بكتائب القذافي .. نهدي بقى على بعض ونساعد بعض وعيب لما يبقى يوم اليتيم احنا فى التحرير واليتيم لوحده

Unknown said...

الله يفتح عليكي
اسمحيلي أضيف للمشككين نبص كل يوم كنا فين مقارنة باليوم اللي قبله إذا لم يكن هناك تقدم نبقي نستدعي نظرية المؤامرة ...وآخر التطورات هو البيان الأخير .كمان صار من المصرح به وجود ضغوط عربية "السعودية والكويت" ضد محاكمة الراس الكبيرة في ظل ظروفنا الإقتصادية دي أليس من الوارد أن المجلس معتمد عليهم؟

Unknown said...

الله يفتح عليكي
اسمحيلي أضيف للمشككين نبص كل يوم كنا فين مقارنة باليوم اللي قبله إذا لم يكن هناك تقدم نبقي نستدعي نظرية المؤامرة ...وآخر التطورات هو البيان الأخير .كمان صار من المصرح به وجود ضغوط عربية "السعودية والكويت" ضد محاكمة الراس الكبيرة في ظل ظروفنا الإقتصادية دي أليس من الوارد أن المجلس معتمد عليهم؟

ahmed said...

ياريت تقريها لآخرها

اولا انا كنت متابعك من زمان وفجأة اتقفلت مدونتك حسيت انك اتاخدى امن دولة وانتهيتى لكن بعد الثورة اكتشفتك حية تانى وفرحت بصراحة


ثانيا انا بطلب منك طلب بما انك ضوة فى الائتلاف اطلب منك انكم كائتلافات تتجمعوا مع بعض عشان تقضوا على الخلافات اللى بينكم لان فى الاتحاد قوة وتتفقوا على آراء موحده

ثاالثا انا مش عارف الثقة اللى انتى فيها دى جايباها منين ان المجلس العسكرى حلو جدا انا حاسس انه بطئ التنين ما فيش اجراءات اتخذها ضد ثلاثى الرعب ان خايف ليكون صفوت فريق المخابرات ماسك عليه حاجة-ولو علوزة تعرفى مدى قوته ادخلى على بوابة الشباب هتلاقى مقال عنه-

المهم دلوقتى اخبار التوقيعات وصلت لايه وانتى ليه مش تخلى بلال فضل وامثاله يعا عنها عشان نجمع توقيعات فى اسرع وقت
كمان عاوز اتواصل مع الائتلاف وعاوزك تنشرى الرسالة دى ياريت

فى ضوء احداث اليوم اطالب المجلس العسكرى بسرعةالقبض على صفوت الشريف وفتحى سرور وزكريا عزمى ومنعهم من الحركة او الاتصال باى شخص مع اجبارهم على الاعتراف بمن يتعاونوا معهم وذلك حتى نحمى البلد من الثور المضادة والا ستتعرض البلاد للمزيد من الكوارث على ايدى امثال هؤلاء وارجوالسرعة فى التنفيذ ارجو نشرها فى كل مكان وعلى ايميل مجلس الوزراء

hassn hamdi said...

ياللي دايبين في هوا المشير والمجلس احسبوها بعقولكم:
المشير طنطاوي بقاله عشرين سنة وزير دفاع حسني مبارك..
في العشرين سنة دول:
كان صفقة سلاح تم عقدها وبكام والعمولات كانت كام؟
كام صفقة تدريب تم عقدها وبكام والعمولات بكام؟
كام مناورة اتعملت وميزانية اتصرفت والعمولات كانت كام؟
حضرتك مش عارفة ان اللي بيحكم أمريكا تجار السلاح.. شركات تصنيع السلاح وليها مصالح في كل دولة مع قادتها ومستحيل يخسروا زبون للأبد وعلشان كده بيكرموا الرؤساء وقادة الجيوش كويس علشان يكسروا عينهم..
كلامي تخاريف أكيد في وجهة نظرك..
عارف..بس أنا قعدت تلات سنين في الجيش وكنت ضابط وشفت اللي عمرك ما تتخيليه..
الجيش تسعين في الميه منه ناس شرفا ويعرفوا ربنا...
العشرة في المية دي منهم طنطاوي لأنه كان وزير دفاع وأنا في الجيش ومرة شاف ضابط ماشي على رجليه اداله تلات سنين سجن وكلنا كان هاين علينا نولع فيه..
تقدري تقوليلي عندك كام فرقة تقدر تحارب؟
عشرين سنة جيشنا بقى بتاع بسكوت والحسابات اتضخمت.. يعني اللي كان ماسك الميزانية الهائلة اللي محدش من حقه يجيب سيرتها/ مش هينوبه من الحب جانب؟
ومعقول اللي عينه وزير دفاع مش هيعرف عمولاته كام؟
المسألة مسألة ان حسني وطنطاوي في نفس المركب ولو واحد غرق التاني هيغرق..
انتي حرة تصدقي او ما تصدقيش
بس لو بتحبي مصر فعلا -وأنا أعتقد انك فعلا بتحبيبها- يبقى تحرصي ولا تخوني
طالما الجيش لغى الدستور ولغا الاستفتاء ونتيجته وطلع الاعلان الاخير اللي كله عك في عك ومؤامرات رخيصة يبقى لازم الجيش ينقل سلطاته لمجلس رئاسة مدني وحكومة انتقالية وطنية بجد مش حكومة حزب وطني لابسة قناع عصام شرف المسكين..
واللي بيحب مصر مش هيمه منصب ومش هتفرق معاه الالقاب ولكن هيجهز نفسه ويعمر سلاحه ويستعد للدفاع عنها
ويا خبر النهارده بفلوس بكره يبقى ببلاش..
وأنا باكتب ليكي بعد ماتش الزمالك واللي حصل فيه..يا ريت تبصي كويس

arabian_faithful said...

السلام عليكم

تصدقى و تأمنى بالله
والله العظيم أنتى أكتر حد بيكتب بأحس أنه مننا
أنا ماأقدرشى أقول غير جزاكى الله خير و شكراً على قلمك الصادق الحر

ملحوظة بس صغيرة ياريت و النبى تفضحى القرود أحسن هارينا على الأخر والله
أنتى فى القاهرة و تأثيرهم عندك محدود والنبى أسألى عاملين إيه فى الأقاليم و الله مطهقنا فى عيشتنا و كل يوم ندوة و مؤتمر و صابون ثقافى لما حيخلونا نسيبلهم البلد و كل يوم نفس الكلام الأخوان ولاد كلب و عصام شرف بطىء و محققشى حاجة و المجلش العسكرى أنقض على الثورة
و الله سمعتها بودانى الجيش أنقض على الثورة طيب أنا عاوز أفهم هوا لو الجيش أنقلب على الثورة حد حيقدر يقوله تلت التلاته كام
حاجة أخر غباوة والله
أمانة عليكى تهاجميهم فى كل حته علشان الحكاية بقت خل على الأخر و كمان بالمرة ياريت تقولى للرجالة بتوع إئتلاف شباب التكية ييتكلموا عدل ييتلهوا على عينهم و مايلبسوناش أسود ماهو لو حطو الجيش فى كفةو هما فى كفة والله لنعلقهم ملط على كوبرى أكتوبر
إحنا لينا مطالب و هما بيقولوها كتر خيرهم بس قلة الأدب زادت عن الحد و لو حد تجرأ و كلمهم يبقى عميل أو جاهل أو عبيط بقت حاجة تطهق

أخيراً ألف شكر ليكى و أسف على الردح ههههههههههه

Unknown said...

بصى يا نوارة انا مصدق كل كلمة قولتيها او بمعنى اصح حابب انى اصدقها وبتلكك بس فى حاجه لسه منغصه عليا ده وهى ان لما الجيش قبض على طلبه اعلام فى طالب قالهم انتوا جيش مبارك ؟!!!!؟ رد عليه بتاع الجيش وقاله مبارك ده سيدك يا ابن كذا وكذا والنبى والنبى والنبى كمان مرة تفسرى لي ده معناه ايه؟؟ وليه يقولو كده انا نفسى اصدق كل اللى قولتيه وهو منطقى بس الواقعه دى منغصه عليا بالله عليك تردى عليا ابوس رجلك تردى عليا انا اسف انا عارف انى رخم وحلفتك كتير بس الشك هيموتنى والله

Man U FOREVER said...

الكلام ده في تناقض طب مين اللي كان مسيطر على التليفزيون أيام الثورة مش الجيش؟ أنا مع أغلب كلامك و مينفعش يبقى في مقارنة أساسا بين المجلس العسكري و مبارك بس أحد أهم أسباب الشك في دوره هو التلفزيون المصري؟؟؟؟؟؟؟؟؟؟

arabian_faithful said...

معلشى أخر حاجة
فى حدود للحرية و مش الحرية أنك تنشرى السفالة و قلة الأدب و كفاية أنتى قريتى الزبالة دى مش لازم توريهالنا و تنكدى علينا و ياريت نلتزم ولو شوية بأدب الحوار أنا حاسس إن بقى فى بلطجية فى كل حته والله المفروض يبقى فى عقاب للكلام ده

و برده أنتى والله العظيم حالياً أحسن حد بقراله بس خايف للمقاطيع يقعدوا يهاجموكوا ويخلوكى تغيرى كلامك

بهيج الشرير said...

والنبي ياأبلتي أنا عندي سؤال! هل صحيح أن خولات الشرطة ومنايك أمن الدولة راحوا يجيبوا ورق بوسطة وزمانهم جايين

ماجد العياطي said...

انا عن نفسي بثق في الجيش لكن

نفسي فعلا يفسروا اللي بيعملوه

ليه اسلوب الكتمان العسكري ده

احنا مش عساكر احنا مدنين

لازم يفسروا ويتكلموا معانا بثقه ووضوح

وتدوينه ممتازه ومحترمه

تحياتي

احلام جوليا said...

ربنا يريح قلبك يا نواره زي ماريحتي قلبي انا كنت زعلانة قوي ومتشككة وموسوسة كمان ومتضايقة وحساها ظلمة بس بعد مقالك هديت الحمد لله تسلمي يارب بس انا عاوزاك تقولي حاجة للمجلس العسكري خليهم يعملوا محاكمة للثلاثي المرح وعائلة مبارك على افساد الحياة السياسية في مصر يعني عن مسؤليتهم السياسية دي اسهل واسرع يلموهم كلهم مرة واحده انما الاعتماد على الاخطاء الادارية والمالية بحورها غويطة وحتاخد وقت طويل وحتديهم فرصة يهربوا الاموال والمستندات يا نواره وعاوزين محكمة للثورة تتخصص بس في قضايا الفساد ومواعيدها تبقى اسرع العدل البطئ ظلم يا نواره قولي لهم ونبي يا نواره خلينا نخلص لو خلصنا من الثلاثي المرح وعائلة مبارك الغير مبارك صدقيني وكل اللعب وفلول النظام والمناوشات الي من جوا مصر علشان تعطيل المحاكمات وعلشان اثارة الفوضى في داخل مصر حتنتهي وكمان كل الضغط من دول الخليج لعدم محاكمة مبارك برضه حتنتهي لانهم في العلن بيقولوا متدخلناش وملناش دعوة وبينهم وبين المجلس العسكري عمالين يبعتوا مراسيل فالحل نخلص وننجز علشان الكل يلاقي مفيش فايدة ويسكتوا وصدقيني تهديداتهم متسواش والفلوس لو رجعت حتحل مشاكل الكل واشكري لنا المجلس العسكري على صبره وقوليلهم الكبير لازم دايما يتحمل وميزعلش الام كده والاب كده

Zeyad Al-Qirsh said...

http://masribarra.blogspot.com/

liliy pink said...

نواره من فضلك عايزين بسرعة حملة اعتذار للاشقاء فى تونس عن المهزله اللى حصلت فى مباراة الزمالك
الموضوع ده لا يقل اهمية عن باقى الموضوعات الاخرى
الاشقاء فى تونس كانوا رجاله معانا فى وقت الثوره ونصائحهم كانت مفيده
مش غارفه امتى حانبطل الهطل ده

hosseiny shatat said...

انا معجب بكلامك جدا
وانتي هتتعرضي لهجوم شرس منهم في الفتره الجايه لكن مش مشكله دي ضريبة مواقف اصحاب الضمير الحي
سهل جدا تنافقي الشباب وناخدهم على قد عقلهم والاعلام يفضل ينفخ فينا ويمجد فينا
يانواره زي مافيه حاجه اسمها نفاق السلطه فيه حاجه اسمها نفاق النخبه بس انتي شاطره ماوقعتيش فيه
يانواره انا حاسس ان نبرتك بدأت تشد عليهم وده مش حلو انا شايف انك تكلميهم بهدوء لان فيه شباب مخدوع عايزك تكلميهم بالراحه
اما اصحاب الاغراض فمش هنسلك معاهم ابدا ابدا
ولعلمك رجالة مرتضى منصور في الانتخابات معتصمين حاليا في ميدان التحرير وانتي عارفه مين مرتضى ودول انا عارفهم كويس جدا وعاملين فيها ثوار
وعلى فكره كلامك عن المشير مش فارق معايه لان ال مايشوفش من الغربال يبقه اعمي
والعيال دي عايزين يمشونا عمي ومكسحين كمان

PRIEST said...

نواره المفروض تحركنا وردنا يكون قوى على اللى حصل ، وانا عاتب عليكى من امبارح على موضوع الهاشتاج اللى كان على تويتر بتاع الراجل ابو جلابيه وقاعدين تتريقوا وتهرجوا بدل ما نعتذر للتونسيين على اللى حصل مننا واننا قابلنا استضافتهم للمصريين اللى راحوا من ليبيا بالوساخه اللى حصلت امبارح سواء بقه سلفيين او امن دوله او كائنات فضائية المفروض ان هما فى ضيافتنا وفى حمايتنا والمفروض ان مفيش حد يتعرضلهم ولو انا غلطان قوليلى

ولاء علي said...

انا دايما متفقة معاك في المنهج انه افهم منطق و دوافع الشخص او الجهة اللي بتعامل معاها فيما هو ظاهر قدامي و احاول استنتج ما هو غير ظاهر بالخبرة و قرائة الصورة الكلية و التقاط الاشارات اللي ممكن يديهالي بقصد او بدون قصد...دة لو انا فاهمة صح...و دة اللي دايما بيخليني احترم رؤيتك جدا حتى لو مش مقتنعة بيها مية في المية

mohamed serag said...

انا عايز اسألك هو كلامك عن المشير مبنى على معلومات ولا استنتاجات لو معلومات ف انا مصدقك وبالى ارتاح ولو استنتاجات يبقى انت اجتهادك يحتمل الصواب او الخطأ

Dr.issamo said...

احسنت يا نوارة
انا سمعت واخد تونسي على احد القنوات بيشتكي من قلة انجازات الثورة التونسية وبيقول ان المصريين سبقونا بخطوات مظبوطة متدرجة
شالوا الرئيس
شالوا الحكومة وفي الاخر حطوا حكومة مؤيدة من الشعب
شالوا امن الدولة وغيرواقيادات الامن
شالوا الدستور القديم وعملوا اعلان
بدأوا في المحاكمات وشكلهم بيعملوا تكتيك معين لباقي القيادات
فتحوا الباب للاحزاب
مش عارف ليه احنا مصرين ان نستفزهم

lastcrazyboys said...

فيديو يبين مصدر توجيه جمهور الزمالك

!!..ممــكن

أرنوب said...

ماردتيش ليه على التعليق الوجيه (المفحم) بتاع الأخ اللي مسمي نفسه
HiTmAn47
ولا أنتي عندك خيار وفقوس ؟ تردي على اللي تحسي إنك تقدري تقاوحي معاه ويصيبك الخرس حينما يُفحمك أحدهم ؟

haroon said...

http://www.almasryalyoum.com/node/383645
أتفق مع الاستاذة نوارة في كثير معظم ما كتبت في هذا المقال لكني أختلف معها في مطالبتها بالعفو عن البلطجية ممن هددوا وروعوا المصريين ..لا يجب ان نضع الجميع في سلة واحدة ( البلطجية مع السياسيين المحاكمين عسكريا .. لا يستوون اطلاقا ...واتفق مع مقال الاستاذ عمرو الشوبكي في المصري اليوم بخصوص جيشنا المصري ...وحتي لو سلمنا جدلا ان المشير رجل فاسد ويستدل البعض علي ذلك انه كان مواليا للنظام طيلة السنين الماضية ..لكن في أختبار حقيقي للولاء والوطنية أنحاز الجيش المصري بقيادة المشير طنطاوي للشعب المصري والذي هو أصلاً أحد أفراد هذا الشعب ...ونجح بجدارة في اختبار الوطنية ( مش غريب ان مادة التربية الوطنية لا تُضاف للمجموع ..يعني احنا بنقول لاطفالنا طيلة السنين اللي فاتت ان الوطنية لا تُقدم ولا تؤخر ..مش عيب كدة برضه ..والله عيب

haroon said...

اختر من بين الأقواس :-
أيهما تختار
1- انا ونظامي
2- الشعب

راح الجيش وعلي رأسه المشير اختار رقم اتنين وقال ..الشعب

أليس هذا تكفيراً عن ذنوب وفساد يتهم به الكثيرون المشير طنطاوي والجيش المصري وحجتهم في ذلك هو أحتفاظ الريس بيه طيلة الفترة الماضية ؟؟؟؟؟؟؟؟؟؟؟؟؟؟

Radwa Esmaeel said...

ياجماعة فى فرق بين اننا ننقد الجيش فى شىءمعين واننا نتهمة بالخيانة هووالمشير فى ناس بتنقد الناس فى حكاية التباطىء لكن فى ناس بتتهم الجيش بالتواطىء

dalyanassar_15 said...

الله يفتح عليكى
صح جدا الكلام ده, و ياريت اللى مش مقتنع بيه يقعد يفكر مع نفسه شوية قبل ما يتكلم, و لو لسه معترض يقول معترض ليه

Unknown said...

هذه محاضرة وليست جواب ، تحليل ممتاز و قراءة رائعة فيما يحدث في مصر الآن ، وتوجيهات هادئة و عاقلة يا ليت من كتبت له يقرأها ، أحسنت . لي فقط سؤال : هل صحيح ما قاله أحد القانونيين من أن الأموال المهربة لا يمكن ارجاعها لمصر الا عن طريق حكم محكمة مدنية و ليست عسكرية ، تثبت انها ليست من حق هؤلاء المسؤولين ، لو صح هذا إذن فالقوات المسلحة على حق في ترك القضاء يتولى هذه المحاكمات و بمنتهى الروية ليتمكن من إيقاعهم الواحد تلو الآخر حتى لا تضيع المليارات المهربة للخارج بسبب التعجل .

نور said...

نوارة

kbahey said...

نوارة

برجاء الالتفات الى تحليل HiTmAn47
لانه جيد جدا و وجيه قوي

انا شخصيا مش باشك في الجيش ككل، و مش مقرر ان كان طنطاوي بطئ بس او متواطئ

المهم ان الجيش بطئ في ردود فعلع بس ابتدوا يتغيروا من يوم المليونية بتاعة الجمعو و كذبوا الجزيرة في اقل من ساعة واحدة لما قالوا مبارك كت على المانيا

ربنا معاهم


انا مش باكتب عشان كدة، انا باكتب عشان مجموعة الساسة اللي اتهمتيهم بالعمالة لامريكا

هل كدة يصح؟ يعني كل اللي في الساحة غير الاخوان و شباب الثورة خونة و مزقوقين من برة؟

ايوة، الاحزاب القديمة زفت و قطران، و كانت قابلة انهم يبقوا ديكور في مسرحية، بس مش معنةة كدة انهم عملاء

و هل يعقل اننا نضم القديم مع الجديد زي حمزاوي و البرادعي و غيرهم كثير؟
هل يستوون؟

هل عشان فيديو عصام سلطان؟ ما شفتيش فيه ثناؤه على معظم الحاضرين سواء زملاء في شغل او مظاهرات او معتقل؟
دة استنتاد منه مبني ان اللي دفع القاعة مش عارف غرفة ايه التجارية
و موقع الاخوان نشر حاجة بعذا المعنى و بعدين المصري اليوم فضحهم و شالوا المقال و المرشد اعتذر عنه
يبقى ليه نكرر الاتهامات دي؟

و هو مين اللي بيمول الاخوان؟ ماحدش يعرف لانها مش جمعية رسمية و الجهاز المركزي يكشف عن حساباتها
و مين اتليي بيمول السلفيين و الجاكيتات الفوسفورية بتاعتهم في الاستفتاء؟
نفس الكلام، ما نعرفش
مش معنى كدة ان السعودية و الخليج ممولينهم زي ما بيتقال بس الى ان يكون هناك شفافية لن نعلم باليقين

مش حنبطل بقى داء التخوين دة؟
و مش حنبطل ندي امريكا اكبر من حجمها؟
و مش حنبطل نحشرها في كل حاجة؟

ربنا يهدينا

منظور شامل للحياة السعيده said...

@ أبو هاجر
2 April 2011 17:36

أصبت كبد الحقيقه... أنا معك
نواره لابسه نظاره وردي... أتمنى انها تكون هيا اللي شايفه صح .... بس الامور مش ابيض و اسود كدا.... فيه درجات كبيره للرمادي ممكن تودينا في داهيه و تدخلنا في دوامات

Hisham Ibrahim said...

الولا اللى اسمه سمسم اللى خاتم كلامه بجملة جاتكم نيلة كلكم .. انت جحش يابنى ؟؟ .. معلش يعنى أنا مضطر أتكلم معاك بنفس اسلوبك الوضيع ده .. يعنى هى حتى لو جانبها الصواب - ده بفرض إن كلام فخامتك صحيح - فهى قالت حاجة محترمة جدا فى نهاية الكلام !.. قالت المطالب كلها صح , والإسلوب كله غلط ... انت متخيل بكلامك اللى انت قولته ده انت عملت ايه, غير انك أثبت إنها بتتكلم صح و عين العقل !!! وان مطالبك سليمة و اسلوب طلبك زبالة ... اللى عاوز تقوله قوله !.. بس اختار ألفاظك .. مش عاوزين نخسر واحد مصرى !! واااحد بس بيشغل دماغه .. مش عاوزين نخسره ... و خسارة أوى أما نخسره عشان اسلوب كلامه منحط .. يبقى عيب الشوم يعنى بجد

yasser said...

يسلم فمك يا نواره يا بنت نجم خلى بالك أنا سلفى بس على قديمه كنت أحب نجم والشيخ أمام وعندى معظم الأعمال
أنت جدعه وربنا يوفقك

عماد said...

لو كنت تذكرين: قابلتك مرة وحيدة في ميدان التحرير أثناء الثورة في اليوم الذي طارت في الطائرة المقاتلة بصوت مرتفع جدا قريبا من المعتصمين، ووقتها كنت تزغردين وتضحكين، واقتربت منك لأسمعك صوتي في ظل ارتفاع صوت الطائرة وقلت لك ربنا يبارك فيك. وأنا الآن أسمعك صوتي: أنا أحبك في الله تعالى
عماد عفت

Unknown said...

والله انا مش عارفة الناس دى بتحب البلد ولا عاوزة تخربها .. مالهم هايموتوا على كراسى وسلطة ليه كده ومستعدين يودوا البلد فى داهية مقابل انهم ياخدوا حتة كبيرة من التورتة .. الاخوان قالوا لهم مش هانخد التورتة كلها ولا نصها واحنا وعدنا وهانفذ وعدنا .. ولا هما جالهم الحسحس ده من ساعة ماعرفوا ان الدكتور عبد المنعم ابو الفتوح بيفكر يرشح نفسه
بصراحة انا تفكيرى اخدنى لابعد من كده ان الناس دى بتتحرك من بره مش من جوه ولا بدافع حتة التورتة بس واكبر دليل على كده عمر عفيفى والظباط اللى بره دول .. ما فيش عذر لاى حد عاوز يفكك لنا المؤسسة العسكرية ما فيش عذر خالص ولا ده عنده اى ذرة وطنية