Monday, 4 April 2011

حملة تطهير مصر.. لن تفلتوا

النهاردة كنت في اجتماع في مركز الهلالي لتدشين حملة تطهير مصر
ولن تفلتوا دي اقتراح سيد فتحي.. حبيت اقول بس 
المهم، حملة التوقيعات انضم اليها الائتلاف، ومركز الهلالي الحقوقي والمركز المصري الى جانب مركز هشام مبارك
التوقيعات لحد دلوقت (ورقي + الكتروني) وصلت الى 35 ألف
وعقدنا العزم على إننا حنعمل في ميدان التحرير يوم الجمعة الجاي ان شاء الله مكان مخصص لجمع التوقيعات، حتلاقونا هناك تحت يافطة مكتوب عليها: وقعوا عشان تحاكموهم.. حملة تطهير مصر
محاكمة الثلاثي المرح + ضباط امن الدولة المتورطين في التعذيب + المطالبة بالاشراف القضائي والحقوقي على جهاز الامن الوطني ده الاستفتاح وحنقدم البلاغ ده ان شاء الله يوم السبت 9 ابريل الساعة 12 ظهرا عند النائب العام ونرسل نسخة للمجلس العسكري ورئاسة الوزراء 
دي البداية 
بعد كده ان شاء الله حنتوكل على الله في الباقي
انا بس عندي نداء للإخوة الفلسطينيين والعرب اللي تعرضوا للتعذيب تحت ايد عمر سليمان وبأوامره - واحيانا كان بيعذب بنفسه - لو سمحتوا احنا محتاجين شهاداتكم لإن جرائم التعذيب لا تسقط بالتقادم 
بس المطلوب منكم دلوقت انكم تحضروا المستندات والادلة والشهادات على ما نخلص دول نبقى جاهزين نخش على عمر سليمان ان شاء الله، والمحامين المصريين متطوعين لتبني قضاياكم.. بس ابتدوا تحضير وتجميع الشهادات من دلوقت
التوقيعات اهي
<<<<<<<<<<<<<<<<<<
بعد شوية حتلاقوا الحملة على صفحة الائتلاف وعلى بقية الصفحات 
باهو حتبعت لي بقى اللنكات اضمنها هنا على المدونة

51 comments:

Ahmed . M . Abdulrahman said...

كده تمام اوى يعنى الفار وقع فى المصيده اما بالنسبه لعمر سليمان كونه الرجل الاول بالنسبه لمبارك دى جريمه لوحدها و متنسيش تبقى تشوفى حبيبنا وزير الخارجيه الى ضيع مصر لان دا المفروض يتحاكم على عمله والمياعه بتاعته

وسلام مؤقتاً
_______________________________

ادعموها تدعموا العروبه ومصر والثوره
فهى خير منبر لخير ثائر

فهى مدونه سياسيه تحلل وتفند الاراء تفتح ابوابها لمن يريد الكتابه على صفحاتها فهى مشروع قومى وطنى مصرى عربى ثورى ادعمها ولا تبخل ادعمها تدعم مصر والثوره

علشان البلد ماتضعش

اقرأ اخر ما كتب عن صحوه مبارك وعودته للحكم


على مدونه مصر .................الروح والنصر ادعمها تدعم مصر والثوره

http://misr25jan2011.blogspot.com

بساطه said...

35الف الرقم ده قليل اوي انشاءالله يزيد .. وناخد حقنا منهم .. يارب رجعلنا حقنا واهدينا لطريقه ناخده بيها
يارب قوينا

elzahraamegahed said...

رصد وخالد سعيد والاخوان المسلمين ليهم تأثير

وبالنسبه لعمر ليمان ندائك للأخوه الفلسطنيين توجيه لهم من على موقع الدستور الأصلى لأنه بيتابع كويس
وطبعا لازم من على الجزيره أو الجزيره مباشر دول كل العرب بيتابعوهم

Adb El-Hameed Riad said...

عمر سليمان ايه الى كان بيعذب بايده هو ده رئيس المخابرات مش امن الدوله وبعدين انا برضه مش عاجبنى عمر سليمان بس حاسس ان فى حمله منظمه لتشويه الراجل ده بحاجات مش فيه

محمد said...

جزاكِ الله خيرا

ماجد العياطي said...

حنتوكل على الله في الباقي


الباقي ده يبقى ايه يانواره


عشان نعرف

Tears said...

نوارة حاسة فيكى باحباط جامد و انا مش بس محبطة ده فيه كلاب سعرانه فى دماغى و مستنية حد يجاوب الاسئلة اللى هنا عشان اصدق اننا صح

http://tears-demo3.blogspot.com/2011/04/blog-post_03.html

iahmed said...

انا هاروح الجمعه الجايه و اوقع

iahmed said...

انا هاروح الجمعه الجايه عشان اوقع

Amira said...

ربنا يكرمك ويعزك ويعينك بجد بادعيلك

btkhekhaweaykalamtoz said...

ابعدي عن عمر سليمان جهاز المخابرات المصري جهاز وطني كان وسيظل ولسة فية حاجات كتيرة ستفاجئين بيها بعد فترة الصبر حلو يانوارة

hayat ank said...

مهذله وأهانه لكل شعب مصر لأن مبارك مش في مصر من أساسه ولعدم فضيحة طنطاوي أمام الملايين من المصريين
وسيسافر الوفد القضائي سرا للتصوير مع مبارك وعائلته لأيهام الناس أن مبارك لا يزال في مصر
طنطاوي هرب مبارك وملياراته ومليارات جمال لأن أولاد طنطاوي هم أكبر شركاء لجمال وعلاء مبارك
وكلاهما يستثمر في شركات وبنوك يهوديه ولن يعود جنيه واحد من أموال الشعب طالما طنطاوي موجود

hayat ank said...

اليكى يا نونو انا بحبك قوىى بجد مش هزار علشان شوفت انك مفتحه وفايقه بس عايزاكى تفتحى اكتر يا قطه اكتر من كدهمهذله وأهانه لكل شعب مصر لأن مبارك مش في مصر من أساسه ولعدم فضيحة طنطاوي أمام الملايين من المصريين
وسيسافر الوفد القضائي سرا للتصوير مع مبارك وعائلته لأيهام الناس أن مبارك لا يزال في مصر
طنطاوي هرب مبارك وملياراته ومليارات جمال لأن أولاد طنطاوي هم أكبر شركاء لجمال وعلاء مبارك
وكلاهما يستثمر في شركات وبنوك يهوديه ولن يعود جنيه واحد من أموال الشعب طالما طنطاوي موجو

hayat ank said...

نقلا عنمهذله وأهانه لكل شعب مصر لأن مبارك مش في مصر من أساسه ولعدم فضيحة طنطاوي أمام الملايين من المصريين
وسيسافر الوفد القضائي سرا للتصوير مع مبارك وعائلته لأيهام الناس أن مبارك لا يزال في مصر
طنطاوي هرب مبارك وملياراته ومليارات جمال لأن أولاد طنطاوي هم أكبر شركاء لجمال وعلاء مبارك
وكلاهما يستثمر في شركات وبنوك يهوديه ولن يعود جنيه واحد من أموال الشعب طالما طنطاوي موجو العقيد عمر عفيفى مش عنى

mohammed said...

أهم حاجه يا استاذه انك تبقي واقفه تحت اليافطه لاني نفسي اسلم علي حضرتك جدا

lastcrazyboys said...

!! لا نجـــــونا إن نـــجـــوا

http://www.youtube.com/watch?v=AHO1ThRRwZk

أرنوب said...

أنا مش عارف والله .. إنتوا هُبل ولا شكلكوا كده ؟ إنتوا فاكرين إن المشكله مشكلة توقيعات ومستندات وشهادات ؟ طب ماهي (الجهة) اللي إنتوا حتقدمولها الحاجات دي عارفه كل حاجة وعندها بدل المستند ألف مستند على كل شخصية من الشخصيات المذكورة كما تعلم وتدرك تماماً الرغبة الشعبية العارمة في محاكمتهم (مش مستنيه توقيعات) .. المشكلة إن (الجهة) دي مش عايزه تحاكمهم .. الله أعلم بالأسباب لكن من الواضح إنها مش عايزه .. مش عايزه .. أكتبها بالإنجليزي يمكن تفهموا ؟

nosseir said...

يا نوارة ..يا ريت تتبنى فكرة اقامة محكمة للثورة ...محكمة مدنية ..مش عسكرية ...فيها قضاة مدنيين ودفاع وكل شئ...دة الحل الوحيد بين المحاكمات العادية والعسكرية..ودة مش اقتراحى..دة اقتراح وزير العدل المستشار محمد عبدالعزيز الجندى فى احد الحوارات مع احد الصحفيين .. هنا http://www.almasry-alyoum.com/article2.aspx?ArticleID=292558&IssueID=2095
ويكون دة المطلب بشكل مباشر يوم الجمعة الجاية

كيوبيد said...

نواره ومبارك ده اهم واحد يدفع عنو المشير يدفع عن الخفير لازم مبارك وابنو جيمى دول هما راس الحيه لازم ياتحاسب هما سبب الخراب دول خربو كل حاجه السياسه والاقتصاد والاخلاق والثقافه مافيش حاجه فى البلد دى غير وبصمتهم عليه وعلامة الخراب واضحه حتى الاعمى يشوفه زى شمس النهار انا عندى اقترح ان الحمله تستمر على طول بتاعت تطهير مصر اى حد عندو شكوى من اى مسئول مهما كان كبير او صغير يقدمه

mutargim said...

http://al-agenda.blogspot.com/2011/04/blog-post.html

لو كنت فلولا

Mr.FOX said...
This comment has been removed by the author.
Mr.FOX said...

هو ليه مافيش حد عايز يحاكم حسني مبارك؟؟؟
ياتري علشان هو ماعملش حاجه يستاهل انه يتحاكم علشانها؟
ولا علشان انتوا فاقدين الامل في انه يتحاكم؟
ولا عفا الله عما سلف المره دي؟؟
ولا علشان هو راجل كبير؟؟

marwa said...

اشوفك يوم الجمعه الجايه ان شاء الله
بس انا ليا عندك طلب ممكن تشوفى اللى فى اللنك دة http://ahmedsaed.blogspot.com/
حاسه انى هتجنن مش فاهمه حاجه مش عارفه اصدق ولا لأ
ياريت تقوليلى رأيك انا بثق فى كلامك

tahrir said...

صح النوم يا ابلتي
انا اسف يا نوارة مش قصدي اهينك والله
بس انا اتخنقت
لما قرأت الجرايد النهاردة
النائم العام بيقول للمفوضية الاوروبية
التحقيقات لم تسفر عن اتهامات محددة لمبارك حتى الان
الكلام ده بالنص في جريدة الشروق
و بعد المدام ما شممتني بصلة و فقت
قلت اسألك
" لن تفلتوا "
؟
لن تفلتوا ؟
ده الراجل طلع فلة شمعة منورة و بكرة حايحاكمنا علشان قلبنا نظام الحكم
انا فاكر بوست لحضرتك من كام اسبوع
كان العنوان عاجبني جدا
و لو سمحتي انا حستعيره علشان اختم بيه كلامي
a7aah

usmlefrcr said...

الله ..الوطن..نوارة
ahmed87_2017@hotmail.com

samysalah7 said...

عزيزتي نوارة
بعد التحية والسلام
عايز أستعين بك وبقواك الخارقة بعد الله سبحانه وتعالى في موضوع فساد كبير واقع عليا وعلى أربعين ألف مصري بأسرهم منذ أكثر من ثلاث سنوات. هناك رجل أعمال مصري يدعى محمد متولي كامل رئيس مجلس إدارة شركة العربية للإصتثمارات والتنمية هذا الرجل وعدنا منذ أكثر من ثلاث سنوات (وكان سعر السهم حينها أقل من العشرة جنيهات مصري بقليل) أنه من يدخل معه الإكتتاب ويحتفظ بأسهمه حتى نهاية 2008 سيكون العشرة جنيهات سعراً زهيداً لسعره في نهاية 2008بس يا عزيزتي وديه كانت نهاية الحلم الجميل منذ ذلك الحين السهم لم يصل إلى سعر الجنيهين وتسعين قرشاً إلا مرات معدودة علي أصابع اليد الواحدة مش عارف هل الجنيهين والتسعين قرشاً سعر كبير جداً بالنسبة للعشرة جنيه في مصر؟ أم في كوكب آخر أم فين ؟ المهم السهم دلوقتي يزيد على الستين قرشاً بقليل.وعروض البيع الوهمية بالملايين كل يوم على السهم لمنع صعوده وهذا منذ ثلاث سنوات. تفتكري ممكن تمدي لنا يد العون وهو حسنة قليلة تمنع بلاوي كتيرة. أنا عارف إن ديه مطالب فئوية ومش وقتها دلوقتي بس والله أنتي مش عارفة قدامى صغار المستثمرين في هذا السهم حالهم وصل إلى إيه. بيتهيألي لو النتينياهو عرف حالنا ليعلن الحرب على غزة تاني يوم الصبح. بريدي الإلكتروني أهو samysalah7@yahoo.com بالله عليكي إلهي يخليهملك نظرة يا ست من طرف أخوكي اللمبي مهيساتي على قده

احلام جوليا said...

نواره قريت خبر امس بان اليوم سيتوقف التجميد للاموال على اموال عائلة مبارك ( فلوسنا الي سرقوها يعني )لانتهاء مدة التجميد ويجب اعادة تقديم الطلب اليوم والا فانه سيسمح لهم اليوم بتحويل اموالهم وده سهل طبعا من مكانهم وبالكمبيوتر يقدروا يحولوه من اوربا لاي مكان بالعالم تعرفي حاجة عن الموضوع ده والطلب اتقدم ولا لا
الموضوع الثاني فكرة سفر مبارك وترك عائلته في شرم لحين علاجة ونبي يا نواره امانة عليك قولي للعباقرة الي بيبتكروا لنا الافكار الحلوة دي مبارك مصري ويتعالج في مصر زي كل المصرييين مش على قفانا يتعالج بفلوسنا في دول اجنبية وكفاية بقى الفلوس الي اتصرفت على مرات وزير الصحة الفلوس الي كانت المفروض تعالج الحالات الصعبة في الخارج بامر وزارة الصحة ووزير الصحة سافر يعمل بها عملية تبيض اسنانه وعملية تجميل لمراته الحيزبون الله يخليك يا نواره قولي لهم يعالجوا مبارك في مستشفى الميري هو مش احسن من الجريح الي ضربوه الشرطة في المظاهرات واتعالج في الميري لحد ما جرحه جاب دود من الاهمال وقله النظافة خليه يذوق من الي ذوقه لنا واحنا مش موافقين ناخد اهله رهن لحد ما يرجع بصراحة هو ندل حيهرب ويسيبهم يتحاكموا وانا مش عاجبني الكلام ده والمبررات الخايبة الي اقعد يقولها سكرتير التحرير في جريدة اليوم السابع امبارح في التليفزيون لما نقطني وفرسني من الاخر كده مبارك ميسافرش مبارك لازمنا ولو عظم في قفه

احلام جوليا said...

نواره قولي لكل الي خايفين على نفسهم وبيحموا مبارك لو مبارك اتقدم للمحاكمة وهو جمال ساعتها وساعتها بس الشارع المصري حيهدا والمصريين حيبطلوا ينخوروا ورا غيره لان راس الحيه اتقطعت خلاص ويمكن نعتق الي تحته ومنهتمش بمحاكمتهم لكن لو مبارك متحاكمش حنتجنن ونبقى لا مؤاخذة زي الكلبة الي عضت ذيلها بنلف حوالين نفسينا زي المجانيين وساعتها حندور على كل الي كان تحت ايده ونحاكمه علشان نشفي غليلنا الي عمره ما حيشفى فالاحسن مبارك يتحاكم ويفدي الكل بدل ما نقضي بقية السنة في التنبيش تحته مين ومين هربه

samysalah7 said...

نوارة إنتو ليه بتنسوا مفيد شهاب هو مش كان في مجلس أمناء الحزب الوطني برضه لازم ينضاف للقائمة السوداء. وليه ساكتين على الوزرة الحاليين اللي كانوا تبع الحزب الوطني زي سيد مشعل الناس ديه ممكن تخدم آل مبارك والثورة المضادة من مواقعها الحالية. وبالمناسبة عايزين نرشح واحد محترم عن مصر لمنصب أمين الجامعة العربية. ربنا ينور طريقك يا نوارة ويزيدك عقل وعلم.آمين

hosseiny shatat said...

ربنا يوفقك يانواره
التوقيعات هتزيد يوم الجمعه ان شاء الله
ولو ان انا حاسس ان الجيش هيعمل حاجه قبل الجمعه

nehad_mhlba05 said...

فقط 35 ألف توقيع!
انا فعلا محبط، واضح ان الناس فقدت الحماس أو لسة خايفيين

mystery.mohamad said...

http://www.youtube.com/watch?v=5rtvv7aebvY&feature=player_embedded#at=629
أرجوكو اتفرجو على الفديو دا

mystery.mohamad said...

http://www.youtube.com/watch?v=5rtvv7aebvY&feature=player_embedded#at=629

أتفرجى على الفيديو دا يا نواره

hossam said...

ويا ريت ننتهز الفرصة ونعمل مع هذه التوقيعات ايضا توقيعات لحل الحزب الوطنى

hossam said...

واين يوسف والى صاحب المبيدات المسرطنة

hossam said...

ويا ريت ننتهز الفرصة ونعمل مع هذه التوقيعات ايضا توقيعات لحل الحزب الوطنى

hossam said...

ويا ريت ننتهز الفرصة ونعمل مع هذه التوقيعات ايضا توقيعات لحل الحزب الوطنى

محمد نبيل said...

أسرار عدم محاكمة «مباركستان»

http://www.almasry-alyoum.com/article2.aspx?ArticleID=292558&IssueID=2095

محمد نبيل said...

السجون السرية الأمريكية بمصر – بقلم: أبو عمر المصري

http://saveegyptfront.org/readers-articles/23056.html

mogofares said...

زي ما كل مدني بيلبس ملابس عسكرية بيتحاكم ...لازم كمان ان كل فرد عسكري او شرطي يلبس ملابس مدنية يتحاكم ....لان قوات النظام البائد كانت لها اليد الطولي علي الشعب بهذا الاسلوب الغير شريف...ومعظم الشهداء والجرحي وقعوا بسبب هذا الاسلوب الخسيس......يجب تجريم هذا الفعل بالقانون

محمد طنطاوي said...

كويس ده كان اقتراحى من يوم الجمعة اللى فاتت ، مش مشكلة نعمله الجمعادى ، بس لازم التنبيه على كل منصه تنبه على الناس بخصوص كده ، يعنى نبقى منظمين

hassn hamdi said...

نوارة:
هديلك اختبار بسيط تختبري بيه صدق العسكر اللي بتقعدي معاهم وتشربي ساقع وما الى ذلك من واجبات الضيافة:
اعرضي عليهم الاعلان الدستوري اللي أنا طرحته وشوفي رايهم وقولي ليهم ايه المانع نتبنى حاجة زي دي في الفترة الانتقالية وهمه برضه يتابعوا الوضع ويشرفوا على الفترة الانتقالية من منطلق حب مصر اذا كانوا صادقين..عاوزك بس تطرحي الفكرة وتبصي في الوجوه وتسمعي كويس اللي هيقولوه
وبعدين انتي ست العاقلين والواعيين

Amirat Hor Aldonya said...

انا وقعت و أسرتي بس بردوا مقولتليس يا نوارة يا جميلة ينفع التوقيع بالرقم القومي الموجود في الشهادة الالكترونية و لا لأ ،، أنا ليه صحاب لسه قدامهم سنة ع البطاقة و حيموتوا و يوقعوا فلقيت إن الشهادة الالكترونية فيها نفس الرقم القومي اللي في البطاقة أعتقد ينفع و لا أيه

hayat ank said...

شوفوا الفيديوهات الى عملنها الضباط بتاعت الجيش بلاش العقيدعفيفى الوحش دول كمان وحشين الضابط الى كان اول دفعته لمده خمس سنين وحش طب الحلو التانى الى بيقول على التفاصيل برضه نوتى طب الواد الى كان فى المظاهرات الى اتصاب عند مجلس الشورى دى رجله مخرمه وباين مش قادر ياخد نفسه شوفوا بيقول ايه طب شوفوا تصريحات المجلس العسكرى التصريحات بتاعت المزاعم طب شوفوا الموجه الى دايره فى وستئل الاعلام بتاعت الىفات مات والعفو عند المقدره والضغوط الى على الجيش والتثبيطات بتاعت الثروه مش هاترجع حد يربط اى حاجه باى حاجه شوفوا هاتوصلوا لايه لو كل دول بس صادقين بنسبه 30% جمعوا الحاجات دى كلها شوفوا توصلكوا لايه

Elnahel blogs said...

ستة ابريل بيحرضو على المجلس العسكري و جايبين فيديوهات كلها تحريض من ناس بيدعو انهم ضباط سابقين, يا ريت كلنا ندخل على صفحتهم و نحاول نوصلهم ان كده مش في مصلحة البلد

رهـــــف said...

السلام عليكم ورحمة الله وبركاته

اختي في الله سأكون في ميدان التحرير يوم الجمعه القادمه باذن الله في جمعة التطهير ولقد وقعت على بيان القبض على الثلاثي المرح :) واحب ان الاقاكي لاتعرف عليكي اكثر فكيف يمكنني ان اراكي وفي اي مكان من ميدان التحرير تكونين متواجده وساساهم في جمع التوقيعات باذن الله
في انتظار ردك اخيتي
رهف

ساعي الخير said...

يا نوارة الأنتصار يا حضرات القارئين يا كل الناس يا بشر يا عالم يا جدعان يا بني آدمين
ممكن أعرف هو مين اللي هيحاسب مين
ده الشعب أغلبه متورط في الفساد و لسه الفساد موجود و نابه أزرق لأن الفساد فساد القوانين و اللوائح و النظم يا ناس النظام متغيرش و لا جراله حاجة النظام ما اتغيرش يا نوارة النظام ما اتغيرش يا جدعان النظام ما اتغيرش يا رجالة النظام ما اتغيرش يا خلق
رحيل الأشخاص حاجة و تغير النظام حاجة الملك فاروق مشي و النظام فضل قاعد لعهد حسني مبارك
و هي هي القضية الفساد و الرشوة و راجعوا بيان ثورة يوليو ليه بقي الفساد موجود علشان النظام فاسد الفكر فاسد مش الأشخاص
و الدليل فاروق و باشاواته و مبارك و مراته
و خلايق كتير موجودة و أكتر منهم ماتوا يا حضرات ما ينفعش نتوضي بمية وسخه
و الله العظيم ما ينفع
أقل حاجة للطهارة أن المجلس العسكري و المشير و النائب العام يقدموا في الجرايد كشف حساب و ذمة مالية و يتلوهم شرف و الحكومة و كل من عايز يقاوم الفساد من صحفيين و عمال و غيره و أنا و أنتي و الفرح و مصر كلها و اللي يعرف حاجة عنهم و عنا يقول و احنا و هم إذا حد ليه عندنا أو عندهم حاجة هم يدوهاله و أحنا قبلهم نأدي اللي علينا نخلص ذمتنا و يخلصوا ذمتهم و الرمم الحرامية التانيين اللي عايز يخلص ذمته و يعترف و يرجع الحقوق و يتوب أهلا به أخوووووونا المصري و مشتاقينله يا مرحب و اللي بيكابر أهي الرجالة تبقي واضحة نضافتها ما فيهاش شك و الجرايد و شهادة الناس ما بتكدبش و بقت الأمور واضحة فتعرف تنضفه الفاسد المكابر و ده أضعف الأيمان بالنسبة للأشخاص و تفضل القضية الأساسية للمبادئ الصالحة اللي تبني نظم صالحة تدي لكل واحد حقه لكن الثورة لوحدها ما تنفعش لا تهدي حاير و لا تبني ضماير لكن اللي يبني و يعلي هي الدعوة للخير وأن كل أنسان ما يعتديش علي حق الغير و العدل و المساواة و مبادئ واضحة تحدد الواجبات و الحقوق و تدعم حرية الأنسان هو ده المطلوب و هو ده عين الحرية للأنسان

Passant said...

رغم انى كنت زعلانة منتك لنا قلتى اللى مش عاجبه الشعب المصري يدور له على شعب تانى بعد موضوع 50% عمال و فلاحين ده بس ما علينا خلاص المسامح كريم و حمضيلك و ابصملك كمان المهم النتيجة و الجمعة الجاية لازم نشوف نتيجة او حتى بوادر نتيجة

utopia said...

حلوة العمة الميرى اللى لبسوهاالك دى يا نوارة
بس والنبى ياشيخة وحياة قلبك الطيب ده ونيتك الصافية ووحياة والديكى اللى باعشقهم
فرقى بين المجلس العسكرى وبين الجيش المصرى العظيم اللى هو احنا واحنا هو
بجد مش عارفة ان فيه فرق بين الاتنين؟؟؟؟

Mahmoud said...

يا ست نوارة
سبق وكتبت هنارد فعل الناس على الورقة.. الورقة شكلها مفزع بالنسبة لكثيرين واقترحت تعديل الصياغة واختصارها ﻷنها بحسب تجربتي غير ناجحة في مخاطبة الناس
35 الف طبعًا عدد قليل جدًا على حملة بهذه المطالب بقالها أكثر من أسبوعين

ياريت حد يعيد نظر في الصياغة بحيث تختصر الورقة.. كل ما فيها ممكن يتكتب في سطرين اتنين وكتير من الناس بيكسل يقرا مانشيتات الجرايد.. أصلاً

marwa said...

نوارتى الجميله فى دلوقتى فكرة منتشرة على الفيس بتقول بما أن الفساد كان منتشر فى البلد بكل مؤسساتها فطبيعى الجيش كان فيه فساد فى عهد المخلوع
الفكرة بقى هنا اننا نعمل اتفاق عرب بينا وبين المجلس العسكرى على انه يسلمنا المخلوع هو وشلت الحرميه بتاعته فى مقابل الأعفاء عن الفساد اللى فى المؤسسه العسكريه
ايه رأيك بقى فى الفكرة دى بس ونبى من غير شتيمه