Sunday, 10 April 2011

النائب العام يصدر قرارا باستدعاء مبارك للتحقيق معه

تحديث:
النائب العام اصدر قرار فوري باستدعائه هو وعياله، يبقى هو كان عارف ان محاكمته قربت وقال عليا وعلى اعدائي... ابن الرخمة دايما يحب يحرق دمنا حتى وهو بيطلع في الروح.
------------------------
النائب العام اصدر قرار باستدعاء مبارك والتحقيق معاه هو ونجليه وطلب من وزارة الداخلية اتخاذ الاجراءات اللازمة
حيستدعيه عشان ايه؟ عشان الفلوس اللي هو هربها وبيقول انا مستعد وفتشوني مافيش حاجة لا انا ولا مراتي ولا عيالي؟ احنا فلة شمعة منورة؟ 
طيب والجرايم اللي عملها؟ 
احنا كنا عايزين نلحق الفلوس عشان الشعرة من دقن الخنزير مكسب
بس الاراضي اللي باعها؟ النفس اللي كسرها؟ الخيانات اللي خانها للبلد؟ المصايب اللي عملها؟ ابسط حاجة مخالفته للنظام الجمهوري، تزويره للانتخابات، مدبحة كربلاء المصرية يوم 28 يناير
كربلاء المصرية
احنا عندنا كربلاءات مصرية
اللي عمله في عمال المحلة
اللي عمله في القضاة 
التعذيب الممنهج
المحكامات العسكرية للمدنيين
الحكم بقانون الطوارئ
الاعتقالات
امن الدولة
الذل اللي شربناه تلاتين سنة، الفضايح اللي اتفضحناها تلاتين سنة، طب مدبحة غزة اللي هو شارك فيها وجاب لنا العار
طب فضيحة ماتش الجزائر وتضحيته بالامن القومي
طب اوامره للجيش المصري انه ينسف ميدان التحرير
هم مش المجلس قالوا احنا اتدخلنا كتير عشان نمنعه يبيع اراضي ونمنعه يبيع بنك القاهرة، وبالمناسبة الجيش تدخل بنفسه لصالح اهالي القرصاية لو تفتكروا لما مبارك نزله القرصاية عشان يموت الناس قام لقى الناس حفرت قبورها وقعدوا ظباط الجيش يعيطوا وراح الجيش وقف الصفقة
طب الصفقات اللي مشيت.. طب بقى الجيش ملزوم قدامنا حقنا ما يضيعش.. مش بعد الذل ده كله.. مش بعد الاهانة دي كلها
يا اما نروح نجيبه من قفاه من شرم الشيخ واحنا نحاكمه بمعرفتنا 
وبعدين ده تحت اقامة جبرية، ايه التسجيل الصوتي ده؟ في التليفون ولا بعته بالميل ولا ايه؟ طب اقطعوا عنه التليفون والنت
وقال عايز يقاضينا كمان.. عايز يقاضي الشعب، ويقول لنا انا اللي تخليت عن الرئاسة.. ده بيستفزنا
بيستفزنا

40 comments:

hayat ank said...

المقيمين بجمهوريه مصر العربيه فى كل مكان يا تلبسوا طرح حلوه كده وتبقوا بس مقيمين يا تبقوا مواطنين وتنزلوا فى كل ربوع مصر المحروسه وتقولوا لا مش هانلبس طرح تااااااااااااااااااااااااااااااااااااااااااااااااااانى

mahmoud elsaid said...

التعليق علي التسجيل بقه :

* بيقولك كذب وإفتراء الكلام علي ثروتي دي يعني قالوا للحرامي إحلف أنتوا عارفين الباقي بقه .
* بيقولك أنا علي إستعداد علي أي مكاتبات لمخاطبه الجهات الخارجيه علشان الإطلاع علي ثروتي .
* الإخوه المواطنون هو مفكر نفسه لسه الرئيس ولا ايــــــــــــــــــــــــــــــــــه؟
* جيمي ولول براء من تضخم ثروتهم من السلطه ؟؟؟؟؟؟؟ دول عيال كسيبه لأ يا شيـــــــــخ .........
* تقليب الورق في الصوت زي البيانات ؟؟؟ هو الراجل ده أما تنحي أخد رجالته معاه لسه ولا ده كلام جيمي ....
* السلاموا عليكم أول مره يقولها في خطابته بجد عايز أترمي في حضنه وأعيط ...............

إحنــــــــــــــــــــــــــــــــــــــــا إسفين يا رئيس بجد العيال التيت دول إزاي بيظلموك كده انت ما عندكش فلوس خالص كلهم كذابين وانت اللي صح سويسرا كذابه والإتحاد الأوربي اللي جمد أرصدتك كذاب واللجنه اللي مسافره كذابه وكله كذاب يا كبيرنا ....

1. عايز يوقعنا مع الجيش وده في المشمش و من هنا يحرج المجلس الأعلي للقوات المسلحه .
2. يعمل حرب أهليه بين متعاطفين معاه وناس كشفاه ونرجع بقه نشوف مواقع زي الجمل .

أنا بقوووووووووووول نروحح علي ميدان مصطفي محمود بقه ونقوله إرجع يا ريس إنفخنا وكمل سرقه فينا بس ما حدش سأل نفسه سؤال إشمعنه في التوقيت ده يعني اما يومه قرب بقه
خلااااص انا بقول نروح نستقبله عند النيابه بالطبل والزمر ونقوله إسفين يا كبيرنا




بجد أحا علي المجلس العسكري عيب قوي كده أما نشوف بقه البيان علي الفيس بوك بتاعكم هيقول ايه

وياريت وأنا بعلنها من هنا وأقسم بالله هوافق
أنا عايز إقامه جبريه زيه يكون فيها قصر جامد وحرس وفلوس ومزز والله والله والله ما هتكلم ولا أطلع بيانات زيه وأحرجكم بقه
شوفته إني أحسن منه فكروا وردوا عليه

hayat ank said...

الى الملط بتاع المركزى للمحاسبات انت الى لازم تمشى بتتكلم على ملايين ايه انت سهلتلوا يهرب ثروته ويفرم المستندات موظفينك بيقولوا من يوم ما مسكت وانت محرج عليهم يحاسبوا لا محافظ ولا وزيريعنى من محافظ لفوق لا وزير ولا رئيس ومقيدهم ما يعملوش حاجه ولا يبقى دورهم فعال ملايين ايه الى بتتكلم عليها دى ترليونات يا حبه عينى ترليونات انت الى لازم ما تعيشى ليوم التلات ولا الاربع انتوا هاتعملوها علينا خلاص كل شئ انكشفن وبان فوقوا اصحوا والعصافير طيرناها من زمااا

hayat ank said...

الى النايم العام انت الى لازم يتحقق معاك علشان بتدلس على سيدك الى عينك علشان زورت له الانتخابات وهربت له ثروته ومستنداته انت الى مش لازم تعيش ليوم التلات ولا الاربع انت الى متجوز من قريبه اباظه انت والملط مش لازم تعيشوا ليوم التلات مهندسوا الفساد لازم يمشواالترزيه لازم يمشوا الى فى الوش مرايه وفى الافا سلايه لازم يمشوا الى سهلوا تهريب الثروات وفرم وحرق المستندات لازم يمشوا الى سجدونا واكلونا البالوظه وخدعونا لازم لالالالالالالالالازم

hayat ank said...

انتى ياستى ابن الكلب ده هو اول واحد لالالالالالالالالالالالالالازم يتحاكم والملط ما قلتلك هاتبقى كسكسى على حمصى ماستقدتنيش غلبت اقول نفزوا كلام ناصر امين بتاع الانتقال الامن للسلطه القضاء والشرطه والاعلام

cherif.hakam said...

إسرائيل حاكمت وسجنت رئيسها..,فهل فى بيتنا مصر,من هم فوق العدالة ؟ د. شريف عبد الحكم

aaaaa said...

ايوه يا بت يا نواره فوقى كده و فرحى ابوكى و الناس اللى بيحبوكى بجد و بلاش ياس الصبح:))))
و البسى و اول ماتجهزى رنيلى علشان بجد انا رايح معاكى شرم
و نسيب العيال الحلوه المؤدبه الغبيه اللى فى تحرير دلوقتى زى ماهما ولادنا برده و نفسهم يعيشوا الدور
يا نواره مصر:)))

cherif.hakam said...

أبو لهب,من السعودية,هو من أكبر قوى الثورة المضادة..,فالحذر الحذر يامصر. د. شريف عبد الحكم

cherif.hakam said...

من صاحب المصلحة,فى أن ينشغل الشعب بالحديث عن المجلس العسكرى,وأن يترك أهداف جمعة المحاكمة..؟ وقع الناس فى فخ الثورة المضادة.فلا حديث إلا عن مصادمات المعتصمين والجيش..,وضباط الجيش المتظاهرين كذا,والمجلس العسكرى كذا.ثورتنا مدنية,ثورتنا مدنية.لننظر للنتيجة المباشرة,جمال مبارك,لم يأت لاستجوابه,والأسبوع الماضى,مبارك,رفض التوقيع على إخطار محكمة جنوب سيناء. د. شريف عبد الحكم

ساعي الخير said...

الحمد لله رب العالمين

أبو هاجر said...

يا نجمة الصبح البهيّة ، يا النوارة

اللعبة واضحة وضوح الشمس كما يقال. لما مبارك يظهر على شاشة العربية، ويسمح له بنفي كل التهم هذا يعني أن آل سعود تدخلوا وبقوة ، هذا يعني أن الصفقة قد تمت مع جهات داخل مصر أكيد ليس اتحاد عمال المحلة مثلا أو نقابة المعلمين
لكن الصفقة تحتاج إلى تخريجات معينة ومصر لا ينفصها فلاسفة الفهلوة

Soliman said...

النائب العام بعد سماع خطاب الرئيس المخلوع يجهش بالبكاء ويقرر التحفظ على أموال خالد سعيد وسيد بلال والثوار كلهم نفر نفر
حديث الرئيس المخلوع السابق:
الاخوة والأخوات ..
انسوا المليارات ..
والدم اللي مات ..
والتعلب فات فات ..
...وفي ديله سبع لفات

Sherif said...

الخبر منشور من يومين وزيادة: (أعلنت جماعة الإخوان المسلمين عن انتهائها "تماما" من وضع قوائم مرشحيها فى الانتخابات التشريعية القادمة). إن حد يحس على دمه؟ إن حد يتحرك؟ أبدا. لما انتى عارفة إن المحاكمة واسترداد الفلوس لازم يكون قانونى ومدنى وبمنتهى البطء ونبعتله إعلان ميستلموش وإعلان تانى وميستلموش والفيلم دة, مستعجلة على إيه دلوقتى؟ وليه تضييع الوقت فى موضوع مهواش ـ بصراحة ـ أساسى بالنسبة لمستقبل البلد حاليا؟

ساعي الخير said...

للعلم و شكراً
الفلول بتوع الحزب الوطني و المنتفعين واخدين قرار من أسبوع انهم هيروحوا شرم الشيخ معرفش ليه كدروع بشرية و لا علشان يحرروها زنقة زنقة من هناك و هم جايين كده ... عموما الفلول هتسافر ابتداءا من بكرة علي حساب الشباب و الرياضة بدعم مادي عالي قال ايه رحلات سياحة يعني رحلة ايه دي مش فاهم جايز شم النسيم و هينزلوا في فنادق و أكل و شرب و زيطة مش هيقعدوا في الشوارع زيكم يا متشردين و أكيد أكيد هيستنوكم هناك أو يدخلوه القاهرة بزفة ده علي أسوأ الأحوال .... عموما أنتم السبب علشان محددتوش طلب محاكمته من الأول أنتوا قلتوا يرحل و ما طلبتوش انه يتقبض عليه و يتحاكم و محددتوش عريضة اتهامات قانونية و ما طلبتوش جمع معلومات بلجان فيه شهود من اللجان و الهيئات السيس اللي عملتوها كنتوا فاكرينه هيخاف و يسافر زي بن علي فهو ما هربش جدع بصراحة و كمان مطلبتوش التحفظ علي كل القيادات و توجيه اتهامات انتوا فرحتوا انه تخلي ههههههههههه و كمان انتوا كل همكم الفلوس و بس جماعة ماديين قوي بصراحة و محدش اتكلم ع الجرائم اللي اتعلمت و سم الزرع و العبارة و القوانين الفاسدة و ضرب النار و بعدين أنتوا ما طالبتوش النائب العام و المجلس العسكري أنه يطهر نفسه و يظهر أملاكه و عقاراته و يظهر آراؤه نتعرف يعني علشان الشفافية و كمان حكومة اسمه ايه ده عصام شرف بما فيهم عصام شرف فطبعا مينفعش نتوضي بميه وسخة
و الله العظيم ما ينفع
لأنه أنا يطهر الطاهر
فيا أم المطاهر رشي الملح سبع مرات
و صغرتي يا اللي أنتي مش غرمانة
و بعدين أنتم جماعة معندكوش مبادئ أنتم كلكم بما فيكم الخوان عندكم شعارات فضفاضة كل واحد فيكم بيفسرها علي مزاجة فأنتوا لو كان عندكم مبادئ و المجلس وافقكم عليها كان يمشي حسني ما يمشيش مش ده المهم لكن أنتوا بقت فكرتكم زي بتوع ثورة يوليو هو الملك اللي وحش طب أهو الملك مشي و أديكم عاملين زفت ثورة و موتوا العيال الشباب و في الآخر قال ايه علشان الكنز بتاع حسني يا ختي كانت فلوس المللك و الأقطاعيين اللي صادروها نفعت بصراحة بقي انتم جماعة أغبيا و لامؤاخذة أستغفر الله العظيم سامحني يارب

Ahmed . M . Abdulrahman said...

حصبله حبيبنا هرب الفلوس خلاص يا ولاد شكرا يامجلس الغبره على تاعاونكم مع جيمى و العائله المبجله

والشكر كل الشكر للسيد المشير التشطاوى على حسن تفاهمه و
كل التحيه والاعزاز للسيد الفريق الشفشق على حسن حرقه لملفات ادانتهم بمباحث امن الدوله

و السلام العريض للسيد النائم العام بمذاجه على حسن استهباله وطواطئه مع المجلس المحقر و العيله الواطيه و جهوده ومساعيه الشاقه المبذوله لتهريب الاموال وتضيع حقوق الشعب

________________________

خلاص انا حغير شعار مدونتى

من مصر الروح والنصر

الى

لو اتبقى حاجه فى مصر

الى عايزنى يجينى

http://misr25jan2011.blogspot.com

Ayman said...

aw ne7amoh betohmet takdeer el amn el 3aam

Ayman said...

aw ne7akmoh betohmet takdeer el amn el 3aam

ساعي الخير said...

فلول الحزب اللي رايحين شرم هيتجمعوا في اتوبيسات مش عارف قدام مراكز الشباب و لا قدام مباني المحافظات و هذا للعلم يا فلول الثورة مش علشان تروحوا تتخانقوا يا أغبياء لكن علشان تغيروا الحوار من مين يبقي الريس و عايزين الفلوس لأزاي نبني البلد و نعمل حرية في العمل و التعليم و نشيل تراخيص مزاولة المهن و نبسطها نغيير قوانينها و نلغي تراخيص العمل _ هو العمل حرام علشان يبقي برخصة يا ظلمة _ و نحترم التعليم الحر و ما نفرضش عليه مناهج و سنين دراسة و علشان كل مولود ع الفرض من حقة قطعة من الأرض و علشان يبقي فيه حد أقصي لمدة التقاضي تلات أشهر مش أكتر علشان كل واحد يعرف ياخد حقه و علشان حاجات تانية كتيرة للناس اللي عايز تفكر في اي حاجة غير الأنتقام و الفلوس اللس تيجي ع الجاهز من غير شغل أه يا بشر ربنا يرحمني و يرحمكم و يوفقنا للخير قول آمين انت و هو و انتي يا نوارة مش قولتي هتذاكري لمي الدور يا ختي و خشي جوااا آمنت بيك يارب

سميربس said...

رسالة من بن مبارك من تورا بورا---
انا خبيت فلوسى ولو جدعان لاقوها-وبطلعلوكو لسانى أهه.
كداب ياخيشه.

الجبرتوته said...

هو مش بيستفز الشعب وبس ده بيطلع لنا للجيش لسانه خصوصا لو ربطنا مؤامرة امبارح وخطابه يبقي كل شئ انكشف وبان لااااااااااااازززززززززممممممممممممم يتحاكم

السلام عليكم said...

التعليق على التسجيل اللى مقدرتش اسمعه وسمعت عنه وحاعلق بس لان فيه ناس صعب عليهم :-

اقولك على حاجه مش افتكر كتير للسيد الرئيس نظيف اليد طاهر الجيب اللى لما الثوره قامت كل دول العالم قالت ان ليه ارصده عندها واحنا اصلا لا ننسى كلمته الشهيره اجيبلكم منين انتم كتير ومبتشتغلوش لن اتدكر كل هدا ولن اتدكر الا مرضى السرطان من رجال ونساء واطفال امتلاءت بيهم المستشفيات وضاقت عليهم ده حتى الاتحاد السوفيتى اللى انفجر فيه مفاعل نووى وهو تشيرنوبيل مكانش فيه سرطان قد اللى عندنا يا بتاع المبيدات المسرطنه والاكل المسرطن والقمح لفاسديا بتاع لعباره يا بتاع اللى بيموتوا فى اليحر يابتاع تصدير الغاز لاسرائيل يا للى بعت البلد لدواعى السفر يا كنز اسرائيل الاسترانيجى كما صرح المسؤلين الاسرائيليين اقولك ايه بس ان اضحك علينا كمان وكمان واضح انك مصمم ان تشيل كل وزرك معاك لتحاسب بيه فى الاخره
سياده الرئيس المخلوع ربنا ينتقم منك

tifa said...

ان شاء الله يا نواره كلهم هيتشدو وهيلبسو اسود

tifa said...

ان شاء الله يا نواره هيتشدو كلهم وهيلبسو اسود

ahmed said...

انا احترم شخص حضرتك يا استاذة نوارة

nour1971 said...

اولا اشمعني العربيه اللي بعت الشريط ليها مش التليفزيون المصري . ثانيا هو النائب العام كان سايبه لغايه دلوقتي ليه و بعد الخطاب راح مطلعلنا بيان . ثالثا هو يعني ايه الي اسمه جمال مجاش النهارده علشان يتحقق معاه في الكسب غير المشروع .رابعا و هو ده الاهم هو بعد ما سرب فلوسه و ظبط اموره و زكازيكوا فرملوا كل الورق و زكازيكوا فضل في الوظيفه بتاعته وكل ما نسأل المجلس العسكري يقول لك ده موظف في الدوله مقدرش امشيه و اذ فجأتا مشاه و قبض عليه بعد ما ظبطوا امورهم جي يحاسب مين النائب العام اللي المخلوع موظفه بعد شهريييييييييييييييين بعد ماعملوا حسابهم علي كل حاجه هوفيه ايه.

الخوجة said...

#JAN25 #TAHRIR #EGYPT استفزاز مبارك للشعب المصرى | الخوجة

romancy said...

ههههههه هاهاهاهاهاهاااااااى

مبارك م الاخر بخطابه دا طلع لسانه للشعب المصرى وقالهم كدا بمنتهى البجاحة

انا خلا ص هربت فلوسى ومش هتعرفو تمسكو عليا مليم وهرجع ارفع عليكو كلكو قضايا تشهير وعشان تعرفو بس يا شعب كلاب ان ال ساعدنى على تهريب فلوسى هو طنطاوى واهو طنطاوى عندكو ولعو فيه بئا انا ابيض ومحدش هيعرف يمسك عليا حاجة هههههههههههه شفت اخرة خدمة الغز يا طنطاوى يا كلب سيدك اهو رماك زى الكلب والشعب لا هيرحمك ولا هيرحمه وسلميلى بئا يا نوارة ع السهم والقلبين وتسبيحك بحمد مجلس العرصات

حبيبة said...

عرفتى بقى انه عامل زى الفرخة المدبوحة اللى بتفرفر وبتطلع فىى الروح وعمالة نخبط يمين وشمال محروق من الشعب ومن الجيش وعايز يخبطهم فى بعض لكن سبحان الله ربك كريم وافعاله دى بتوقعه فى شر اعماله وقريب هنشوفه منور جنب حبيبه نظيف وطوييييييييل اللى اتحبس النهاردة لوووول انا عايزة اتابعك على تويتر يا نوارة قوليلى الاكونت بتاعك

AlAA ELDIN said...

ما قلتلناش قدمنتم البلاغ للنائب العام بالتوقعات ولا لسة عايزين نخلص من البشر دول

arabian_faithful said...

السلام عليكم

أنا عندى سؤال بصراحة للجميع هنا و طبعاً حضرتك أولهم إحنا ليه مش فرحانين مين اللى سرق مننا فرحة الثورة ليه مش حاسين بأننا عملنا إنجاز يفوق أحلامنا طبعاً الشكر لله من قبل و من بعد
بس يعنى أنا فعلاً يا أستاذة مش فاهم إحنا ليه مستخصرين فى نفسنا الفرحة
و بعدين ليه التفكير التأمرى الرهيب ده و كل واحد بيخون فى أى حد و إلقاء التهم بقى أسهل حاجة طيب ما أنا ممكن من باب أولى بدل ما أشك فى الجيش اللى هما خير جنود الأرض أشك فى كل واحد قاعد فى بيتهم و عمال يرمى الناس بالباطل و بدون أى بينة
يعنى أنا بصراحة حاسس أننا محتاجين لحظة لإلتقاط الأنفاس و التفكير فيما يجرى حولنا بصراحة أنا حاسس إننا بقينا زى واحد ضرير فى متاهة
أنا عندى طلب واحد لوجه الله عز و جل

هـــــــــــــــــــدنة
لمدة أسبوعين
هـــــــــــــــــــــدنة
بلا تحليل بلا تفسير بلا إستنتاج بلا فتى
الرحمة شوية

هــدنة لإلتقاط الأنفاس و راحة الأعصاب
دا إحنا لو كانت الثورة فشلت و أتقتلنا كلنا ماكنتش الناس حتبقى أعصابها مشدودة زى الأيام دى
أرجوكى تردى على سؤالى
إحنا ليه مش سعدا أمال إحنا كنا بنعمل الثورة دى ليه؟؟؟؟

arabian_faithful said...

كلمة أخيرة ياريت نفتكر حاجة إحنا لما قمنا بالثورة ما كنشى من مطالبنا حتى محاكمة الرئيس
يعنى الثورة نجحت بغض النظر عن محاكمته

إحنا بقى عاوزين نحاكمه على قتله لأهلنا سواء فى مصر سواء فى غزة سواء حتى فى العراق

الفلوس ملعون أبو الفلوس خليهاله يتشوى بيها فى نار جهنم بمشيئة الله عز و جل حنخلى بلدنا من أغنى دول العالم و كأن الفلوس دى كانت من ضمن تكاليف الثورة و لو إن إحنا فى الحقيقة ماكناش طايلين منها حاجة بس وماله عدننا خسرناها ماإحنا دفعنا دم حنبكى على الفلوس أكتر من الدم !!!!!!!!!!
أنا بأقول لأى حد أنا شايف إن ربنا أكرمنا بفضله تعالى و نصرنا و بمشيئة الله عز و جل حنشتغل أحسن من الأول ميت مرة لأنها بقت بلدنا و إحنا إن شاء الله حنبنيها و إن شاء برده حننتخب رئيس و مجلس شعب محترمين يتولى قيادة بلدنا إلى حيث نصبو و نطمح

خلاص أنا قلت اللى عندى و أنا فرحان بنصر الله و طز فى العالم المأجورين و العالم الأغبيا و العالم النكدية
هههههههههههه:)

dina said...

http://www.youtube.com/watch?v=3gzNgDVGuzs&feature=player_embedded ماذا حدث للشعب المصرى بعد الخطاب

Karim Ibrahim said...

سؤال فنى
انا دلوقتى هظبط عربيتى و طالع معاكم على شرم الشيخ
و كنت سالت ندا القصاص اذا كنا نجيب المايوهات معانا و لا اية النظام ؟؟؟
ارجو الرد على الاستفسار للاهمية
كريم ابراهيم

safy said...

homa kano mestaneen mowaf'eto w emda'ato?!?! mesh da eli hwa bey'olo? ya3ni kol el eli fat da men tasweef kan 3ashan mestaneyn emdeto?!?..ana mesh fahma 7aaaaga

Mohamed hany said...

الراجل ده جبلته ايه

amanysakr said...

أمانى
أنا هأقول حاجه خارج سياق الموضوع بس أكيد هتاثر فيكم زيىبالضبط صديقتى بتشتغل فى الطب الشرعى وقالت ان لسه فى جثث شهداء مجهوله وفى أهالى ليهم مفقودين بيجوا علشان يعملوا اختبارات الحمض النووى ومن يومين طلبت عينه وكانت الأنسجه أحمر وردى ويسيل منها دم سائل ورائحتها طيبه فاستغربت أن تكون من شخص مات من شهرين فطلبت واحده ثانيه لربما استبدلت بالخطأ فكانت كالأولى فنزلت بنفسها للمشرحه لتتاكد أنها من قتلى يوم28يناير فاستغربت فقال لها طبيب المشرحه ده شهيد يظل لحمه وردى ورائحته طيبه فبكت وأكدت لى ان العينه تأتى لها بعد 24 ساعه لونها بنى محمر ورائحتها فظيعه .ليت من يستطع ان لأهالى الشهداء أن يطمئنهم بأنهم أحياء عند ربهم يرزقون .ترى كيف سيكون لون ورائحه أنسجه من قتلهم؟ القصد لتبرد ناركم قليلا فهم فى حال افضل منا جميعا أقصد الشهداء.

صمت الحملان said...

خلينا قاعدين نستني ونقول علشان وشنا وشكلنا قدام المجتمع الدولي وماحدش يقول علينا حاجة والا يتهمنا بالباطل يانوارة ياحبيبتي من عرف الحق فليلزمه ولا يخشي فيه لومة لائم وانتي اول واحدة اتبهدلت من المجلس العسكري نسيتي مكالمتك للجزيرة لما الجيش هجم عليكوا بالليل بعد الثورة وقولتي انك مصدومة كان اسوأ شئ تسليم الحكم للمجلس العسكري بس كل خطا ممكن يتصلح واهي فرصة جاتلنا من عند ربنا نمسك بيها ذلة للمجلس ونلوي دراعه قبل ما ياكلنا ويقول ماشفتهمش الحقونا بقي حرام عليكوا الشعب سمع كلامكم وقام ماسيبوش الناس وتخلعوا لانهم هيبقوا مثيري شغب من غيركم الحقوا الفرصة دي وحاكموا المجلس علي خيانته في تحفظه علي مبارك وماتيدوش للمجلس فرصة يفكر ارجعوا وفوقوا زي ايام الثورة ربنا يبارك فيكوا

hassn hamdi said...

يا ريت تكونوا عرفتم دلوقتي ليه مجلس البدل العسكري ساب زكريا عزمي في القصر شهرين بحالهم..
أؤكد لكم من الآن أنكم لن تجدوا مستندا واحدا يدين حسني مبارك وأولاده
زكريا قام بالمهمة على أكمل وجه وطنطاوي حرص على حمايته حتى يكمل مهمته..
طنطاوي هوه اللي وصل مبارك لشرم الشيخ بالذات علشان عارف ان محدش هيقدر يهوب ناحيته هناك وبكره طنطاوي هيحصله

Mode Masry said...

مع البومه ده سيبكو من الفلوس لازم يتحاكم على البلاوي التانيه (الفلوس مادام حلال هترجع يابا هههههههه) مش عايزين ليه حجه الفلوس هوه وعياله بلاويهم كتير

lola said...

ياحنيييييييييييين