Thursday 7 April 2011

يا فتاح يا عليم يا رزاق يا كريم.. احنا حنعمل ايه في عمر عفيفي ده؟

تحديث:
القوات المسلحة تحذر من ارتداء المدنيين لزي عسكري وانها ستتعامل مع ذلك بكل حزم
وانا حابلغ عنهم.. اول مرة في حياتي اشتغل مرشدة، ده انا ايام مبارك ما رضتش ابلغ عن واحد كان بيوزع مخدرات، بس دي ثورة بقى والبلد بقت بلدي خلاص
تحديث:
بلال فضل معاه بيانات الاتنين اللي بينزلوا الفيديوهات
الاول اللي سجل فيديو كهوة المصريين ده رفدوه عشان اتجوز نرويجية وهو عايش في النرويج دلوقت
التاني اللي عامل زي عاطف السكري ده ارسلوه في بعثة للدراسة وتورط في انحرافات اخلاقية فطلبوا منه الرجوع فرفض الرجوع ففصلوه
وقال لي ان بقية المعلومات حتنزل وبيقول انه هو كمان لو ما نزلوهاش حينشرها في عموده يوم السبت
تحديث:
البنات تسد ودانها.. 
اي ظابط جيش خـ** حينزل يتدارى وسط الحريم والعيال بكرة في ميدان التحرير انا حابلغ عنه الشرطة العسكرية
الخـ** اللي بياخد مني مرتب عشان يحميني وعايز يعملني درع بشري عشان هو جبان وخايف يتظاهر في ثكناته وخايف يواجه قياداته وبيقف لهم انتباه وهو مرعوش منهم ده يبقى خان الشعب والوطن وحاسلمه للشرطة العسكرية
انا مستعدة استقبل الرصاص عشان بلدي، ووقفت في وش الرصاص كتير وللأسف للأسف للأسف ربنا كتب لي عمر وانا مش عارفة ربنا كتب لي عمر ليه؟ استغفر الله العظيم
انا واحدة ست ومدنية ومش معايا سلاح ولا لابسة خوذة وقفت قدام رصاص الشرطة وما خفتش وظابط جيش معاه سلاح وتدريب خايف يقف قصاد قياداته وبيتدارى فيا؟ 
طب ده ولا ينفع بتلاتة نكلة، مش بس ما ينفعش ظابط جيش، ده ما ينفعش راجل
العيال اللي بنطلوناتهم ساقطة لما كانت القنابل بتيجي عليهم كانوا بيتقدموا ناحيتها ما هربوش واستخبوا فينا، العيال بتوع الالتراس والدويقة قالوا لي: الحريم ورا لو ما رجعتيش حنسفخك بالكف على وشك، وظابط جيش عايز ينزل زي الصرصار يستخبى وسط المدنيين
على الله اشوف واحد منهم بكرة، انا حاعرفه المرجلة والعسكرية تبقى ازاي؟ انا واحدة ست ومش معايا سلاح وحاعرفه ازاي البني ادم يبقى راجل بجد، ولو شفت منهم حد بكرة يبقى الجيش باظ فعلا، ويبقى المشير ما عرفش يربي رجالة، ويبقى مطلوب منه توضيح ليه عياله مش رجالة؟ وازاي المدنيين اللي تحت حكم مبارك ومطولين شعرهم وبنطلوناتهم ساقطة والبنات المسرسعة يطلعوا ارجل من عياله اللي احنا بندفع لهم فلوس عشان يعرف يربيهم كويس في الصحرا؟ 
ودي نمر استغاثات القوات المسلحة عشان لو ما لقتش شرطة عسكرية بكرة وسحبوا الدبابات زي المرة اللي فاتت حاتصل بيهم واقولهم تعالوا لموا عيالكم اللي ما عرفتوش تربوهم
19488
16137
16138
24010717
تحديث:
لم تقم دير شبيغل باجراء اي حوار مع المشير طنطاوي
تحديث:
ده مقال بلال فضل ضروري للقراءة
---------
انا عايزة اشتغل بقى.. عندي شغل كتير متعطل من تحت راس ثورتكم دي، عمتو نفسي اخلص شغلي.. احنا منهارين... مافيش كله قافل
لسه صاحية الصبح، وباشرب القهوة وقلت النهاردة مافيش ثورة، انا الثورة، حاقعد ابتدي في شغلي المتعطل، بس عشان انا ديلي عوج دخلت على التويتر ابص على آخر الاخبار لقيت واحد بيقول لي: يا نوارة عمر عفيفي كاتب انك حتقودي مظاهرة ضد المشير طنطاوي
وبعدين بقى في الجنان ده؟ 
وبعدين؟
وبعدين؟
وبعدييييييييييييييييييييين؟ 
ماحد يشوف لنا صرفة في الراجل ده وفيديوهات الظباط "السابقين" اللي هو عمال ينشرها!
دي خيانة عظمى يا حضرات، الدعوة لانقلاب عسكري وتفكيك مؤسسة الجيش دي خيانة عظمى، وواضح يا عيني ان الناس مش فاهمة هي بتقول ايه
لما واحد يطلع يطلب من ظباط الجيش انهم يتظاهروا دي اسمها دعوة لانقلاب عسكري
لما واحد يقول المشير حاجة، والمجلس العسكري حاجة، وبقية الجيش حاجة، دي دعوة لتفكيك المؤسسة العسكرية، بعد شوية حتبقى والشرطة العسكرية مختلفة، والحرس الجمهوري حطه على جنب، والمظلات ما اعرف ايه
انا لو مش حادافع عن جيش بلدي امال ادافع عن مين؟ البلد دي انا تعبت عليها قوي وطلع عيني فيها، ومش حاسيب حد يفكها لي من بعضها ويخربها لي.. ماحدش بيعمل له حاجة ليه عمر عفيفي ده؟ مش بيتحكم عليه غيابي ليه؟ ماحدش بيكشف هو بيشتغل مع مين ليه؟ يعني دلوقت ماهو حاجة من الاتنين، يا بيشتغل مع اجهزة، اكيد يعني المخابرات العسكرية عارفة هو بيشتغل مع مين وتكشف لنا الموضوع ده عشان نخلص من الوش ده، يا هو فيه حاجة مش مظبوطة في مخه برضه يطلعونا على الموضوع ده
واحد قاعد بيدير انقلاب عسكري في امريكا؟ ده ينفع ده؟ طب الجيش لو معتبر انه راجل اهبل والفيديوهات دي عبط يا ريت ياخد باله ان في اطفال رضع هبل برضه بيخشوا صفحته وبيصدقوه، وممكن عيل تطق في دماغه يفتكر انه بيخدم بلده يروح يلبس بدلة العيد ويعمل ظابط، وممكن لو هو بيشتغل مع اجهزة، الاجهزة دي فعلا تكون بتعمل على انها تخرب لنا الدنيا هنا
ولو هو زي القذافي كده كنا سكتنا، انما فيه ناس ماشية وراه، وناس عبيطة والله مش خونة ولا حاجة
ومنزل صور للواد بتاع كهوة المصريين وهو لابس ظابط، طيب يا ريت بقى الجيش يقول لنا ليه دول اترفدوا من شغلهم وسافروا امريكا، وليه بيروجوا اشاعات كاذبة - اشاعات عن احمد شومان على سبيل المثال لا الحصر - وبعدين المشير بيكلم دير شبيجل ومش بيكلمنا؟ 
طيب الكلام ده كويس يا سيادة المشير، كويس قوي، ويريح قلب ناس كتير، يا ريت تطلع تقوله للناس، احنا اولى بالكلام والاخد والعطا، بدل ما العيال متسابة كده وهي فاتحة مخها كنيف لأي حد يعمل فيها زي الناس، احنا دورنا على الكلام ده على صفحة دير شبيجل ومش لاقيينه، مش عارفة بقى حينزل امتى على الصفحة لإنه اتكلم للتلفزيون بيقولوا، وانا عارفة انه مش عايز يتكلم في التلفزيون عشان حريص انه ما يبانش بيدور على زعامة.. بس يعني ده كل الناس بتتكلم في التلفزيون المصري، مش لازم المبالغة في التواري عن الاضواء كده، اذا كنت انا الفسلة باطلع في التلفزيون، وبعدين ماحدش عايز يتكلم في السياسة، الناس عايزة تسمع منك ايه اللي حصل بالظبط - بدل ما الجيش والوزارة ياخدوا مراسلين القنوات على جنب ويقولهم بكرة الحقيقة تبان والناس تعرف طنطاوي عمل ايه عشان الثورة وحيعملوا له تمثال - بكرة امتى؟ انتوا مكسوفين تتكلموا؟ انتوا مش شايفين المستوى الفكري والعمر العقلي اللي لا يزيد عن 5 سنين؟ وكمان عايزين يعرفوا انت عايز منهم ايه؟ ناوي تعمل ايه؟ ايه اللي معطلك، مدام قلت بصراحة ان فيه ضغط  خارجي لدير شبيجل، ومدام باعت لنا وزير العدل يقول لنا: اتظاهروا يا عيال عشان نتحجج بيكم، ما تكلم الناس يا سيادة المشير دوغري كده، او حد من المجلس العسكري حتى يقول لهم الكلام ده، كاتمين في قلبكم وساكتين ليه؟ زمن اللللل... خلاص انتهى، ايوة اييييوووووةةةة، زمن حظر النشر عن مصانع بوتاجازات الانتاج الحربي، وتغيير المانشيتات بتاعة "الاهلي يهزم الجيش" الى "الاهلي يفوز على الطلائع" عشان ما يصحش نجيب سيرة الجيش، الزمن ده خلص، معلش، انا عارفة انكم مذهولين وحاسين انه ايه ده ايه ده ايه ده؟ الكلام ده ممنوع... ممنوووووووعععععع.... ممنوووووووووعععععععععععععع انتوا اتجننتوا ده جيييييششششش واحنا ظباااااط جيييييييشششششش - زي ما احمد شومان يا عيني كان متضايق من الكلام وقعد يشد لي في شعره في التليفون - وماشيين ورا واحد دجال وعمالين يألفوا ويلحنوا على الشعب وحالة الساسبنس اللي هو عاملها مسلية عيال كتير وقلنا العمر العقلي خمس سنين، هم طيبين بس عبط يعني، وعاملين فولو لواحد على التويتر مسمي نفسه ضابط جيش، وبيتعاملوا مع تويتاته على انها معلومات من مصادر موثوقة
امبارح كنت قاعدة مع دكتور بشير نافع وباحكي له على التوتر اللي حاصل وبعدين وريته الصفحات اللي على الفيس بوك قال لي:  ايه الهبل ده؟ هو شغل العيال ده اللي عامل التوتر؟ قلت له ماهي ثورة "شباب" بقى.. حناكل من ده كتير، واساسا بيتكلموا كلام يجيب لهم اعدام وهم مش واعيين لخطورة الكلام، والجيش بيتعامل معاهم على ان دي ناس مش مظبوطة في مخها وما ينفعش حد يحاسبهم على كلامهم
-----------
يوم 31 مارس عمر عفيفي بعت لي رسالة على الموبايل من رقم:
00962797054236
ونص الرسالة مكتوب فيها:
يا نوارا انا عمر عفيفي وتليفوني 
0018318093994
لكن لا يظهر عندك كلميني ضروري
فكتبت على التويتر الكلام ده، وما اتصلتش.. بعدها يوم 4 ابريل الساعة 11 بالليل اتصل بيا وقعد يقول الكلام اللطيف اللي قاعد يقوله على الصفحة بتاعته
وقال لي: انا مش لاقي اكل، وعيالي في مصر مش لاقيين ياكلوا، وانا رجالتي في كل حتة، ولما باكلمك دلوقت انا عارف عنك كل حاجة انا مش باكلمك من امريكا، انا كأني باكلمك وانا قاعد جنبك لإن رجالتي في كل حتة
وانا ما اعرفش الانسان مش لاقي ياكل ازاي ويتكلم من امريكا ساعة في التليفون وبعدين يستلم دماغ بلال فضل بعد ما يقفل معايا، وما اعرفش ازاي رجالته في كل حتة وهو عارف عني كل حاجة، ومش عارف عني اللي باكتبه على مدونتي؟ مع ان رأيي في المشير والمجلس والجيش مكتوب على المدونة ومش محتاج رجالته يراقبوني عشان يعرفوا انه لما يكلمني ويقول لي التخريف والتخريب بتاعه ده اني حاغسله واشطفه واعصره وانشره واكويه
وقلت له: الصفحة اللي انت عاملها باسم ضباط جيش من اجل الثورة دي اذت ناس كتير هنا في مصر واذت ظباط جيش
طبعا انا ما اعرفش اذت ضباط جيش ولا لا.. انا تعمدت ارمي الكلمة دي عشان اشوف رد فعله، بس هو ما ردش خالص على الجملة دي، سكت.. فقلت له واللواء العيسوي كلمك وقالك تعالى مصر واحنا نعين عليك حراسة خاصة وانت رفضت، فقال لي مين قال كده؟ اللواء العيسوي قالك كده؟ هههههههههههههههه الراجل فاكرني واصلة
قلت له لا: بلال اللي قال لي كده خد نمرة بلال كلمه 
هههههههههههههههههههههههههه وبلال قعد يدعي عليا تاني يوم من اعماق قلبه اني رميته عليه وبرضه اداله اللي فيه النصيب 
لولا اني انسانة اخلاق كنت سجلت المكالمة والله... يا رب يكون تليفوني لسه متراقب وارجو من الجهة اللي مراقبة التليفون انها تطلع التسجيل ده عشان الناس اللي ماشية تهلل وراه هو والعيال اللي فقسوا منه دول ومقيمين في امريكا معاه يسمعوا بودنهم هو بيتكلم ازاي ولما بيتواجه بالحقايق بيبقى رد فعله ايه
معقول ده يا ناس؟ يوم الجمعة مؤثر للدرجة دي؟ لدرجة ان كل المجهود ده يبذل عشان يوم الجمعة بتاع بكرة يفشل والناس ما تقولش مطالبها
انا عايزة افكركم بالمطالب بس بدل فيلم انقلاب الكتاكيت اللي انتوا عايشين فيه ده:
1- الاسراع في محاكمة حسني مبارك واسرته واسترداد اموالهم
2- التحفظ الفوري على الثلاثي المرح ووضع عمر سليمان تحت الاقامة الجبرية 
3- حل الحزب الوطني وتجميد نشاط اعضائه السياسي لمدة لا تقل عن 5 سنوات
4- الاشراف القضائي والحقوقي على جهاز الامن الوطني
وزاد عليهم مطلب خامس بقى من عندي انا: انتوا واجبكم تحمونا من البلبلة دي... ولا ده مقصود؟ 
ماهو انا كده ابتديت اشك في صوابع رجليا، وقاعدة اقول يا بت.. ليكون كل ده بيحصل عشان يطبقوا نظرية المغنطيس ويرصدوا الناس اللي حتستجيب للخطاب ده عشان يعرفوا مين المندس... ولا يكونوا بيرصدوا اتجاهات الشارع.. ولا يكون عمر عفيفي ده بيشتغل معاهم اصلا
ماهو لو تفتكروا يعني عمر عفيفي في اول نجاح الثورة كان بيحب المشير وبيحب المجلس وفجأتن كده غير رأيه وقلب 180، وبعدين الترويج له بالطريقة دي مش تمام، يعني فيه حاجة مش مظبوطة، مش مجرد واحد مخه لاسع، فيه حد وراه، ولو طلع ان الجيش هو اللي وراه عشان يقيس الاتجاهات حازعل قوي.. حرام عليكم، ما تطبقوش علينا اللي ذاكرتوه في الكلية لو سمحتوا
------------
لو سمحتوا سيبوني اكلم الاولاد...
يا اولاد.. فيه فرق اننا ننتقد المجلس العسكري بوصفه الحاكم السياسي المؤقت، ونعلق على قراراته ونعلق على سياساته فيما يخصنا احنا كمدنيين، وده حقنا واللي يقول غير كده نبج بطنه بجيج
وفرق ان تاخدنا الجلالة ونردد خطاب بيهدف الى تفكيك المؤسسة العسكرية الوطنية واحداث انقلاب عسكري داخل الجيش.. دي اسمها خيانة عظمى، دي اسمها خيانة عظمى، دي اسمها خيانة عظمى
ولما الانسان يردد الخطاب ده بناء على اكاونت على التويتر وفيديوهات على اليوتيوب ومدونة لشخص عمرنا ما شفناه ولا نعرف هو راجل ولا ست اساسا وصفحة على الفيس بوك، دي تبقى خيانة عظمى وهبل.. فيبقى في الحالة دي الناس مش حتعرف تتعامل معانا احنا هبل يحطونا في مصحة، ولا احنا خونة يعدمونا؟ 
انا عارفة طبعا ان الساسبنس ده لذيذ، بس كخ كخ
وتاني مرة لما "واحد صاحبي ظابط جيش ثقة" يقولك احنا بنكره قيادات الجيش وعايزين نغيرها قول له:
يا راااااجل.. ولما انتوا من زمان متضايقين من قيادات الجيش وبتقولوا عليها فاسدة وجزء من نظام مبارك، وبتقولوا على نفسكم انكم كتير قوي، ما اتحركتوش من زمان ليه ووفرتوا علينا البيات في الشارع 18 يوم و1000 شهيد قابلين للزيادة؟ هو فيه كده يا اخواتي؟ لما انتوا جبنا لدرجة انكم مش قادرين تواجهوا قيادتكم اللي قارفاكم طول السنين دي ومستنيين مدنيين عزل يموتوا في الشارع عشان تتكلموا امال حتحموا البلد ازاي؟ طب بلاش، ما اتحركتوش ليه واحنا بايتين في الشارع 18 يوم ليه؟ طب بلاش، ما اتحركتوش اول ما تنحى المخلوع ليه وقلتوا لهم: وانتوا كمان معاه؟ طب بلاش، كنتوا نايمين وصحيتوا بعد شهرين افتكرتوا ان قيادات الجيش وحشة وانتوا كتير زي ما بتقول، ما اتحركتوش فورا ليه؟ مالكم ومالنا احنا؟ احنا ناس مدنيين، وعزل، وما نعرفش حاجة عن الجيش، ولا نعرف مين فيكم الكويس ومين الوحش؟ قاعدين مستنينا لما احنا اللي ندعي لمليونية في التحرير عشان تتمهمزوا وتنزلوا تتحاموا فينا احنا؟ واحنا برضه اللي حننضرب بالرصاص برضه بدالكم؟ عاملينا دروع بشرية؟ يا وكستي يانا.. ده انتوا كده جيش؟ امال ابطال البلي مسافات طويلة يعملوا ايه؟ والمفروض اننا نثق في ظباط بالجبن ده؟ فيه يا اخواتي ظباط جيش سلميين؟ يعني لما تقوم حرب ما اسرائيل حتعملوا لهم وقفة سلمية على شط الكنال؟ طيب المجلس العسكري ده هو اللي رفّع مبارك وقال له حتتنحى يعني حتتنحى ووقف الراجل اللي واقف ورا عمر سليمان عشان يرفّعه وهو بيقول الخطاب، وانتوا يا قلبي قاعدين زي الكتاكيت خايفين تورونا حتى وشكم.. يبقى المفروض نثق في مين فيكم؟ واشمعنى التحركات الانقلابية دي ما حصلتش الا لما جيتس وكلينتون قالوا احنا مختلفين مع القيادة المصرية ورجعوا امريكا وبعدها على طول اشتغلت الحملة على الجيش المصري؟ واشمعنى التحركات الانقلابية دي ما حصلتش الا لما جيتس قال للمشير ما تقعدوا شوية وهو قالهم لا مش قاعدين احنا ماشيين؟ واشمعنى التحركات الانقلابية دي جاية كلها من فيديوهات متسجلة في امريكا؟ ثم احنا مالنا احنا؟ بترموا بلاكم علينا ليه؟ 
عموما الفيديوهات المعاتيهي دي كويسة.. اقصد مبشرة، لإن امريكا لو عارفة تخترق الجيش كانت خلصت من بدري، لإنها من زمان عايزة تشيل قيادات الجيش، لكن معنى ان الفيديوهات دي تنزل انها مش عارفة تعمل حاجة.. ده مجرد تخمين، لإني الحقيقة مش عارفة اخمن هل الهبل ده نابع من رغبة امريكا في انها تعمل بلبلة تقوم تضطر الجيش يقعد المدة الاطول اللي هي عايزاها - وموضوع انهم عايزين الجيش يقعد مدة اطول دي اتنشرت في الجرايد مش تأليفي انا - ولا الهبل ده نابع من رغبة الجيش نفسه في انه يدور على المندسين بإنه يعمل خطة المغنطيس اللي هم مذاكرينها وكل ما يشوفوا وشنا يطبقوا علينا اللي ذاكروه، ولا دي المخابرات المصرية المتصارعة مع الجيش وعايزة تعمل بلبلة عشان تحمي عناصرها اللي الجيش اكتشف انها متورطة في خيانة عظمى؟
وبالمناسبة بقى.. هو الجيش مش بيقول لنا انه لقى ناس في قيادات المؤسسات متورطين في خيانة عظمى ليه؟ ليه برضه كل شوية ياخد حد على جنب ويقول له؟
ما قلنا زمن اللللل.... خلاص انتهى... كلموا الشعب دوغري، احنا ناس طيبين.. اوكيه فيه شوية هبل وعدم نضح، بس طيبين وجدعان والله ويقفوا وقفة رجالة.. بس عدم المصارحة والشفافية دي بتخلي الناس تتشتت عن مطالبها الاساسية وتلتفت لفيلم الساسبنس.. وهو المطلوب اثباته 
----
انا ما اقدرش اقول الثورة بطيئة، يوم 12 فبراير لما اصريت افضل معتصمة واتلم عليا بتاع تلاتين واحد شالوني هيلا بيلا عشان امشي من الميدان بالعافية، ولما الناس ما رضتيش تبات عند مجلس الوزرا وروحوا وسابوا بتاع 150 واحد ينضربوا ولما الناس ما نزلتش باعداد كويسة عند وزارة الداخلية ولما الناس راحت فضت الميدان بنفسها وقالت على المعتصمين دعارة ولما الناس نامت على روحها وفجأتن صحيت قالت: ايه ده؟ الثلاثي ومبارك لسه ما اتحاكموش؟ وما فاقوش غير الجمعة اللي فاتت، ما اقدرش اقول عليهم شعب بطيء.. لإن هم الاغلبية واكيد هم اللي صح، وبعدين مش عاجبني الشعب ومش عاجبني الجيش والله اشوف لي بلد تانية، البلد بلدهم، وانا مجرد واحدة تنتمي لرأي الاقلية، والاغلبية هي اللي لها تقرر، فأنا سكت ما قلتش حاجة، وطبيعي ادلع الشعب وادلع الجيش لإنهم كويسين وعاملين حاجة كويسة، واي بطء في ادائهم هم احرار على فكرة، واقدر على قياس قوتهم
لكن انا ادافع عن كيان الدولة وجيش بلدي واجز لسان اي حد يتكلم عن الجيش وعايز يفككه وعايز يعمل فيه انقلاب وعايز يهد كيان الدولة ويخلينا عريانين قدام اسرائيل، تماسك المؤسسة العسكرية من تماسك الدولة، مافيش مؤسسة عسكرية يبقى مافيش دولة، واي حد عايز يفكك الدولة ارميه من الشباك انا... انا اتهريت بهدلة في البلد دي وعشانها من ايام ما كنت في بطن امي، بعد التعب ده كله عايزين يفكوها لي؟ لا دي بلدي بقى.. واللي قاعد في امريكا خليه قاعد مبسوط ربنا يهنيه بالعز اللي هو فيه، ويسيبنا احنا في حالنا، اخره يتضامن معانا، مش يعمل لنا انقلاب في ام البلد دي، احنا اخر انقلاب عسكري حصل من ستين سنة اضعف لنا الجيش واتسبب لنا في هزيمة 67.. هو كده، لما الجيش بيعمل شغلانة غير شغلانته بيتهزم

113 comments:

حاجات جوايا said...

كويس انك عرفتى يا نوارة انا كنت جاية اقولك
وخلى بالك كاتب من 9 ساعات فى صفحته


تحية الي المناضله المصرية الأصيلة نوار نجم التي كشفت تواطؤ طنطاوي والمجلس العسكري وضربه لبنات مصر بكل خسه بكعوب البنادق بما لا يتفق مع الشرف العسكري
والتي ستكون شهادتها أهم ادلة طنطاوي أمام المحافل القضائية الدولية ، والتي سنذيعها غدا أمام 4 طالب بجامعة جورج تاون علي شاشه عملاقه مصحوبه بالترجمه ليعلم العالم من هو طنطاوي
وننقدر بكل فخر... قيادتها للمظاهرات الجمعه القادمه ضد طنطاوي ومجلسه العسكريSee More

وحاطط الفيديو بتاعك على قناة الجزيرة ده
http://www.facebook.com/l.php?u=http%3A%2F%2Fwww.youtube.com%2Fwatch%3Fv%3DMcdAIeHSQhg&h=0b7e8

حاولى تعملى حاجة عشان الراجل ده مش هيجيبها لبر و هيودى مصر فى داهية

والله انا كنت بثق فيه وكلام كتير من كلامه حقيقى بس بجد الهبل ده ميتسكتش عليه

مالهم طلاب جورج تاون بينا

اطلعى عالجزيرة وانفى الكلام ده يا نوارة متسكتيش

ربنا يسترررررر

mido said...

روحى كملى مذاكرة احسن من الفوضى الفكرية اللى انت عملاها دى
وياريت تنزلى من على ودان بلال فضل

Helicopter said...

ينصر دينيك يا شيخة !!

Software Development and Management said...

محاكمة مبارك ممكن تاخد سنة في تحقيقات و جلسات و خطوات كتير, الناس هتعد تشقلب كده سنة؟ و بعدين مينفعش نقعد ست شهور كده في فراغ ده ممكن يؤدي لانقلاب و حكم عسكري مع التسخين ده كله, لازم الجيش يلهي الناس في انتخابات محليات او يتبنى مشروع ممر التنمية و يطلب مشاركة الناس و التطوع في المشروع و يعد يهلل بقى في الاعلام و كده لحد ما يسلم السلطة, لكن كده مينفعش

Unknown said...

نوارة
......

أحمد سعيد ضرب رسمى وعمل تدوينة جديدة كلها شتيمة فى بلال فضل العبيط الأهبل المتأمر

http://ahmedsaed.blogspot.com/2011/04/blog-post_07.html

Ahmed Mohamed said...

تسلم ايديك يا نواره
انا مبحبش المدح وبخاف يكون نفاق

Ahmed Mohamed said...

ههههههههههه

عمرو عفيفي بيقول تحيه للمناضله نواره نجم

دا تقريبا فعلا
عارفك وكأنه عايش جمبك
دا واضح انه عبيط كيك يعني

لااااااا
انا هنزل اشوف الي ورايا وارجع اكمل التهييس ده

هههههههههههههه

Anonymous said...

نوارة بليييييييييز يا ريت حد يتأكد من حكاية المعتقل ب 140 تهمة ده http://www.shorouknews.com/Columns/Column.aspx?id=425202 عشان لو طلع فعلا مظلوم و منسي في السجن من يوم 25 كلنا هنتحاسب عند ربنا اننا نسينا واحد مننا...الشاي ده يا ريت حد يشوفلنا اراره أو حتى يبعتولوا محامي أحسن ماعندهوش زي ما المقال بيقول ... لو طلع مظلوم يبقى مطلب الافراج عنه لازم يكون أول مطلب في مليونية بكرة ..آه عشان ربنا يباركلنا فيها
و شكرا

Unknown said...

ينصر دينك يا نوارة...
طاب ايه..حنعمل ايه بكرة عشان الناس اللس رايحة متسخنة على الجيش دي تهدى؟؟

مهندس مصري بيحب مصر said...

البديل » مدير مكتب”دير شبيجل” بالقاهرة:لم نجر أي حوارات صحفية مع المشير طنطاوي.. والأخبار المنشورة “مفبركة”
http://elbadil.net/%D9%85%D8%AF%D9%8A%D8%B1-%D9%85%D9%83%D8%AA%D8%A8-%D8%AF%D9%8A%D8%B1-%D8%B4%D8%A8%D9%8A%D8%AC%D9%84-%D8%A8%D8%A7%D9%84%D9%82%D8%A7%D9%87%D8%B1%D8%A9-%D9%84%D9%85-%D9%86%D8%AC%D8%B1-%D8%A3%D9%8A/

ربنا ييسر ما فيه الخير و سواء فيه إنقلاب أو مفيش دي مش شغلتنا المهم نركز مع مطالبنا في المليونية و نكون على الحياد في موضوع الجيش ده و هما يصطفوا مع بعض
ضباط في بعض و هما أحرار

Nemo said...

1- طبقاً لمنطقك فالإنقلاب على القائد الاعلى للقوات المسلحة هو خيانة عظمى ... يبقى اللى حصل مع مبارك ناس كتير تستاهل عليه ضرب الناروانتى اولهم

2 - انتى تعرفى ايه عن ضباط الجيش يا نوارة ... ولا حاجة طبعا ... وانتى بتقولى ان أحمد شومان كلمك .. طيب تمام .. انا عن نفسى آخر حاجة اعرفها انه مش فى الوحدة بتاعته .. هو فين بقى انا ما اعرفش .. واللى بيتعمل له جلسات كهربا هو المقدم أيمن سالم من المخابرات الحربية اللى تقريبا الجيش كله عارف حكايته .. تعرفى ايه عن الجيش وعن اللى جواه ... برضه ولا حاجة ... ممكن تقعدى مع ضباط متقاعدين بلاش ضباط عاملين وانتى تعرفى منهم ضباط الجيش زعلانين ليه وشكلهم "سنكرية " ليه ... وضابط الجيش مش جبان يا نوارة واحترمى نفسك وانتى بتتكلمى عنه ... واحد زى المقدم أيمن سالم بيتعمل منه عبرة عشان غيره ... زى دكتورة سهير بتاعة قضية هايدلينا اللى دفعت تمن غالى قوى .. زى بنات الصحافة الشريفات اللى الأمن كان بينتهك اعراضهم قدام مصر كلها ومكنش حد بيتكلم .. كان بيتقال عنهم انهم آداب وشوية مش عارف ايه وكل اللى حواليهم ما كانوش يقدروا انهم يعملوا حاجة غير الهوهوة ولم توقيعات .. الجيش كان جزء من كيان مصر ... وكيان مصر كان مسرطن .. والسرطان ده انتشر حتى فى الجيش

3- الزواج باجنبية يؤدى للتسريح من الجيش ... ببلاش ومن غير دفع غرامات ومن غير وجع دماغ وخصوصا لو حد قدم استقالة مسببة واترفضت وبقى معروف انه حياته حتبقى زى روتانا سينما ... مش حتقدر تغمض عنيك

4-دور إيه التاريخى لطنطاوى فى الثورة معلش عشان ابقى فاهم ... الكلام ده ممكن تقوليه لعلى صبحى وهو حيوريكى النياشين اللى اخدها على جسمه .. وقوليه للناس اللى كانت حتتدبح جوا التحرير والجيش واقف بيتفرج

5- انتى بتسألى ليه فى ضباط سكتت .. نفس اللى سكت مصر كلها على الأقل 10 سنين وهم شايفين البلد بتغتصب قدامهم .. الجواب هو القبضة الأمنية الصارمة اللى كانت بتحمى الفساد

6- اذا كنتى شايفة ان طنطاوى والمجلس العسكرى والجيش ايد واحدة .. فيبقى ليهم حق بتوع ميدان مصطفى محمود فان مصر هى مبارك .. ويبقى اسامة سرايا ماكدبش فى صورة التعبيرية ... وانتى دلوقتى بقيتى عاملة زى ممتاز القط .. هو قال طشة ملوخية وانتى بتقولى دول شكلهم سنكرية

7- إذا كنتى شايفة ان الشغل هو انك تلمى توقيعات وشغل الباز افندى ده .. يبقى عليه العوض ومنه العوض ... لان لو على المستندات والورق والتوقيعات ففى مستندات ياما قدام عبد الميد محمود من زمان ... ما اتحركوش وابتدوا يتمطعوا ويتكلموا فيها الا لما سمعوا هدير الملايين فى الشارع .. لكن شغل الباز افندى ده يبقى يا فرحة الثلاثى المرح ومبروك عليهم البراءة من دلوقتى

8- " التباطؤ " الواضح فى تصرفات المجلس الأعلى مالهاش تفسير تانى يا أستاذة .. وبلاش الحجج الهابلة بتاعة شكلنا حيبقى وحش قدام الناس اللى فى بلاد بره والاستقرار والأمن ... الإستقرار الحقيقى والأمن حييجى من ضرب الفساد من جذوره .. مش شوية عضم يترموا

9- هو لما المجلس العسكرى وطنى قوى ... ما قبضش علىمبارك ليه بتهمة الخيانة العظمى ولا بتهمة سوء استغلال السلطة ولا حتى الإهمال فى أداء الواجبات الوظيفية

amr_mt said...

الشروق بتفتي و لا جايبة الحوار دة منين؟ شبيجل مافهاش حاجة خالص http://www.spiegel.de

Muhammed El Rayes said...

عموما احنا دلوقتى فى وقت فتنة واى كلمة بتتفال بتنتشر زى الصاروخ عمر عفيفى عايش المؤامرة بس بردة فى حاجات مش بيعملها المجلس العسكرى واهمها التواصل مع الناس و يقولهم حقيقة اللى بيحصل وميتكسفش من الشعب لانه وقت الحرب مفيش غير الشعب ووقت السلام مش حيكون من غير الشعب ويشوف من بيحاول يلف على عقولنا ويبرهن الصح وانا مش شايف ان اى حد ليه انتماء غير للبلد اللى مستعد يموت علشنها ولا اية

الجبرتوته said...

بكره في التحرير لازم يكون معني الهتاف ان الشعب مع المشير وان الشعب والجيش ايد واحده ..يا مشير يا مشير احنا معاك من التحرير .. الشعب والجيش ايد واحده.. الخطه الشيطانيه للوقيعه بين الجيش والشعب ةالجيش والمشير لازم الشعب يفسدها بكره اذا كنا بنحب مصر وعايزين نخرج من عنق الزجاجه علي خير

Unknown said...

اه طبعا الانقلاب على مبارك خيانة عظمى

بس مبارك ما حصلش عليه انقلاب

مبارك خلع بثورة شعبية، الثورة الشعبية مش انقلاب.. الانقلاب اسمه انقلاب عقوبته الاعدام، الثورة لازم تعدم الشعب كله لو اعتبرته خاين

هراء لا داعى له ..... said...

الجيش مش هو المجلس العسكرى
و بعدين يعنى لو فعلا المجلس العسكرى سعيد بالثورة و عايز ديموقراطية زى ما بيقولوا يبقوا يفتحوا صدرهم لأى كلام يتقال

المجلس العسكرى واضح جدا من تلكؤه إنه ولائه ما زال لمبارك و للى مشغلين مبارك

و الشارع بدأ فعلا يتململ منه

و مش هنصدقه تانى غير لما مبارك و الشلة الحاكمة ـ كلها ـ تتلم فى السجون و بسرعة

Unknown said...

ايه نيمو ده؟

انت غبي قوي حضرتك.. لا بجد غبي قوي يعني

طب اقرا البوست تاني لو ربنا مديلك مخ عشان تفهم

ثم ما تبقاش ترقم تاني، 1 زي 3 زي 5

Unknown said...

الظابط او اللي لابس ظابط اللي حيقرفنا في مظاهرتنا حابلغ عنه الشرطة العسكرية وهم يتصرفوا معاه

انا مش عايزة شوية عرصات جبنا ييجوا يعملوا المدنيين دروع بشرية

هراء لا داعى له ..... said...

كل إللى المجلس العسكرى عمله هو إن كان فى موجه ثورية كبيييرة و كاسرة

راحوا هما موطيين ليها علشان متكسرهومش
لحد ما هى تتفتت لوحدها على شاطيء الواقع

و يتم تجزئة إجماع الأمة إللى كان موجود فى الثورة لأحزاب و فرق و شع يسهل التعامل مع كل منها على حده

كيوبيد said...

نواره فكك من عمر عفيفى وشلة المجنين دى وكلامهم التافه والغريب والغير مناطقى ده دول شوية مجنين وفاكرين نفسهم راجل سياسه وفاهمين واحنا 85 مليون خروف او جهل سهل جدا واحد يقودنا زى القطيع بعد 25 يناير وده كلام لايسوى الورق الى كتب عليه خاليهم عايشين فى عصر الظلمه الى هما عايشين فيه مش ده موضوعنا المهم انا شايف انك مسنوده قوى على حايط الاخوان المسلمين هو مافيش قوى واطنى غيرهم؟؟ والى هى الثوره دى ثورة اخوان وانا مش عارف؟؟ احنا ثوره شعبى كل القوى الوطنى مشتركه الاخوان دول جزاء منه هما وجماعة لا اسلاميه ولاسلفيه علشان كلامك انتى ده وانتى مثقفه هما بياخدو وبيعملو نشره احنا عملنا وكان محدش عمل شى غيرهم انتى لو كنتى عضو فى الجماعه والى منتى لفكره السياسى على راسى بس بلاش اسلوب نسب الفضل ده لان لا يمدح فى نفسو الا كل شيطان اعطى كل صاحب حق حقه ياريت فى كلامك الشباب فى التحرير كلو كان جنب بعضو شيوعى وافدى اخوانى عاطل كلو اشترك وكلو عمل اما بخصوص انهم منظمين فا ده لانهم جماعه وليس حزب وليهم تشكيل عسكرى وده مش كلام نظام سابق لا ده كلام معروف عنهم من اكتر 80 سنه ولسه ها التنظيم موجود هما احرار والقانون قدار على حماية نفسو وكيان الدوله الى انا ارجو منك انك تنسبى الفضل الى اصحابه بلاش تحدادى الفضل لجماعه او حزب بعينو

طيف بدر said...

http://www.facebook.com/note.php?note_id=326787974989

طيف بدر said...

(1)

بحمد الله و فضله انتصرت الثورة المصرية . و مكروا و عند الله مكرهم و إن كان مكرهم لتزول منه الجبال . و رأينا آيات الأخذ على يد الظالم حتى لا يمهله الله . و كان من أسباب انتصار الثورة و استشراف الأمل لمصرنا التي كانت مختطفة بين براثن الفساد و الطغيان و السُلطة القبلية الأبوية و الصهيونية أن سخر الله جيش مصر البطل للوقوف في صف الشعب و حمل على عاتقه مهمة تاريخية عظيمة ينوء بها العصبة من الرجال ... مهمة ثقيلة و خطرة و مسألة حياة أو موت للانتقال بالبلاد إلى بر الأمان على أعتاب عهد جديد و روح جديدة .

أما من لم يدرك - عن قصد أو غير قصد – أن المجلس الأعلى للقوات المسلحة المصرية بقيادة المشير محمد حسين طنطاوي يحرص على إعادة إحياء تلك الدولة بعد حالة الموت الإكلنيكي التي أصابتها طوال ثلاثين عامًا فعليه أن ينظر إلى ليبيا أو اليمن حيث انشق الجيوش على نفسها فدخلت في دوامة من الحروب التي يمكن تصنيفها إلى درجة " الحروب الأهلية " نسأل الله أن يعفيها عاجلًا مما هي فيها و أن يجعل بلادنا و سائر بلاد المسلمين آمنة مطمئنة رشيدة .

و لكن جيشنا عزم منذ البداية على وضع خارطة طريق واضحة المعالم للفترة القبلة بل و اتبع منهجًا ديمقراطيًا شوريًا مع شعبه ، صانعًا لنموذج ندر أو عدم أن قدم التاريخ مثله . و صدق المصطفى (صلى الله عليه و آله و سلم) حين أنبأ عن أهل مصر بأنهم في رباط إلى رباط إلى يوم الدين .

(2)

و لكن يبدو أن المشهد المصري كما أنه لا يروق لذيول الفرعونية و اللصوصية و الاستبداد فإنه لا يروق لأوليائهم في واشنطن و تل أبيب ليأمروا غربانهم لتنعق بالخراب و تنعر بالفتن على أرض مصر ، و قد صدق مصطفى الفقي تلك المرة حين قال : " إن الرئيس القادم لمصر يجب أن يحظى بموافقة أمريكا و إسرائيل " . و نظرًا لأن الإرادة الصهيوأمريكية لن تتفق يومًا مع الإرادة الشعبية المصرية فإن الأسلوب المُفضَل حين يكون الوقت عاملًا مؤثرًا و لاعبًا مُرعبًا هو أن يقوم المصارع الأمريكي بلي الأذرع و تثبيت الأكتاف ثُم يقوم الحكم بالعَد من (واحد) و حتى (ما لا نهاية) !!! و لو نظروا إلى حليفهم المخلوع في مصر و سلفه الهارب في تونس لعلموا أنه حتمًا لابُد مِن نهاية .

أحد غربان واشنطن المفضوحين و الذي أُسميه " بالنسخة المصرية من أحمد الجلبي " هو عقيد أمن دولة سابق مُقيم بالولايات المُتحدة اسمه (عُمَر عَفيفي) و صفحته على الفيسبوك يشهد قسم الصور فيها على لقائه بمسئولين في وزارة الخارجية الأمريكية

طيف بدر said...

(3)

" المرحلة التالية من الثورة ستشهد مُشاركة قوات الصَاعقة المصرية لاستئصال بقايا النظام "

هذه الجُملة ذكرها عمر عفيفي في فيديو مصور له بتاريخ ----- بعد خلع مبارك مباشرة .

http://www.facebook.com/video/video.php?v=10150101184654837

و رغم استغرابي لهذه العبارة و غيرها من محتوى الفيديو إلا أنني لم أُعِر الموضوع اهتمامًا حتى وجدت هذا الرجُل بدأ على صفحته على الفيسبوك يُحرض على المشير طنطاوي و أنه رأس من رءؤس الفساد و أنه متواطئ ضد الثورة ، و يحرض ضد أعضاء المجلس الأعلى للقوات المسلحة باستثناء رئيس الأركان الفريق سامي عنان الذي يراه العقيد عفيفي و كأنه شيخ مشايخ الطُرق العسكرية ، و يناديه دومًا بأن يقوم بدوره و واجبه و يطيح بطنطاوي و باقي أعضاء المجلس العسكري و يعتقلهم و يضع في أياديهم الأغلال . و رغم أوصاف النُبل و الشَرَف و الطهارة و العظمة التي يسبغها عفيفي على عنان إلا أنه يقر بأنه لم يلتق به و لم يراه و لم يقابله و لكن " سُمعة عنان النظيفة قد لامست عنان السماء " !!! رغم أن معرفتي المتواضعة تنبئني بأن شعبية الفريق سامي عنان بين صفوف الجيش متدنية للغاية . ما يثير الريبة و الشك أن الفترة الأخيرة و بالتزامن مع خطاب عفيفي المتصاعد ضد المشير طنطاوي و المجلس الأعلى ظهور مجموعات على الفيسبوك تزعم أنها لضباط من شباب الجيش تدعو إلى مشاركة ضباط الجيش في التظاهرات للمطالبة بالإطاحة بالمجلس العسكري و تعلن عن خططٍ لمواجهة قوات الشرطة العسكرية و تنصيب سامي عنان ، و في نفس الوقت تظهر تعليقات تصب في نفس المجرى لأعضاء يتضح أن حساباتها على الفيسبوك حديث جدًا !!!

طالع هذا الحساب مثلا باسم (ahmed Osman)

http://www.facebook.com/profile.php?id=100002262035647#!/profile.php?id=100002262035647&sk=info

كان الفيديو الذي بثه عُمر عفيفي قُبيل ما سُمي بجمعة إنقاذ الثورة مُرعبًا إلى أقصى حد ، حيث دعا المتظاهرين إلى محاصرة مقر المجلس الأعلى تمهيدًا للفريق سامي عنان لإكمال دوره في " إنقاذ الثورة " ...

http://www.youtube.com/watch?v=YJtfwhR3oNw&feature=autofb

بالطبع هذا المُخطط يحتاج إلى تواجد أعداد مليونية كالتي كانت متواجدة في الثمانية عشر يومًا الزاهية من ثورة 25 يناير ... و بذلك تضيع فرصتنا في تشكيل دولة مدنية ديمقراطية تحترم مقام الإنسان المصري و ندشن بأيدينا حُكمًا عسكريًا جبريًا على شاكِلة حُكم صدام حسين

طيف بدر said...

(4)

كانت المرة الأولى التي أسمع فيها اسم الفريق (سامي عنان) رئيس أركان القوات المسلحة المصرية يوم جمعة الغضب 28 يناير 2011 – يوم انهيار جهاز داخلية حبيب العادلي و سقوط نظام مبارك عمليًا – و قد تناقلت وكالات الأنباء و منابر الإعلام المحلية و الإقليمية و الدولية نبأ مغادرة عنان لواشنطن و عودته للقاهرة .

التقارير الإعلامية الأمريكية عن الرجل لا تريحني شخصيًا ...

فمثلًا على صفحات جريدة نيويورك تايمز و بعنوان (أمريكا تدفع بفرس رهانها في مصر)

http://www.nytimes.com/2011/03/11/world/middleeast/11enan.html?_r=3&partner=rss&emc=rss

فإن المحللين الأمريكيين يأملون بأن يكون عنان هو " رجل البنتاجون " في مصر If he is not yet the Pentagon’s man in Egypt, many hope he will be.

كما أنه لا يتحرج من احتساء الخمر في المُناسبات و هو ما يحسبه الأمريكان نقطة في رصيد عنان لديهم .

أما التقرير الموجود على شبكة فولتير فهو يصف عنان بــ (الحارس الجديد) !!! و يروي التقارير سعي عنان على توطيد ارتباط الجيش المصري و اعتماده على التسليح و التدريب الأمريكي .

http://www.voltairenet.org/article168848.html



واضح أن واشنطن لا تطيق أن يفلت "كنزها الاستراتيجي" من بين يديها !!! خاصة إذا علمنا ما تسرب عن ويكيليكس قبل أشهر قليلة عن احتقان بين الإدارة الأمريكية و المشير طنطاوي فإننا نخلص إلى طبيعة دور الفريق عنان في المشهد المصري .

http://www.bbc.co.uk/arabic/middleeast/2010/12/101231_egypt_army_us.shtml

تسريبات ويكيليكس تؤصل الاحتقان إلى أن المشير طنطاوي يرفض المُطالبات الأمريكية بتغيير عقيدة و منهج الجيش المصري التي تعتبر أن عدوها هو جيش نظامي و جميع الخطط التي يدرسها و يتدرب عليها أفراد الجيش المصري تفترض وجود عدو نظامي على الجبهة الشرقية بينما تبغى واشنطن أن تكون عقيدة الجيش المصري هي مواجهة الجماعات المسلحة ... بمعنى آخر : المطلوب أمريكيًا من الجيش المصري أن يشن الغارات على قطاع غزة و جنوب لبنان و ينفذ عمليات نوعية ضد جماعات المقاومة في العراق ... بينما طبقًا لتقرير آخر من نيويورك تايمز فإن الفريق عنان يدعم التوجه الأمريكي و إنا لله و إنا إليه راجعون

http://www.nytimes.com/2011/02/12/world/middleeast/12military.html

باختصار : تصدى طنطاوي طوال السنوات الماضية للمحاولات الأمريكية لتحويل جيش مصر إلى جيش مرتزقة !!! فبالتأكيد فإن وجود المشير طنطاوي في صدارة المشهد السياسي المصري حاليًا ليس مُرحبًا به أمريكيًا و المصيبة الأكبر التي تخشاها أمريكا أن يتم الانتقال السلمي للسلطة بطريقة معبرة عن إرادة الأمة المصرية

طيف بدر said...

(5)

بالطبع لا يمكن أن يكون المشير طنطاوي نبيًا مُرسلًا أو ملاكًا مُنزلًا . هو بشر ، و من المراهقة أن يتصور أحد أن بعضًا من الريح الخبيثة المُباركية لم تصبه بأذى كما أصابتنا جميعًا بشكلٍ أو بآخر . و لكن عندما آلت إليه مقاليد السُلطة و الأُمُور في مصر فقد تصرف بواقع المسئولية و الحفاظ على البلاد ، و لا أظنه يساوم على عقيدته الوطنية ... بأي حال من الأحوال فإنه يُحسب للمشير تقديسه للدم المصري و الإنسان المصري و رغبته على رأس تلك المؤسسة العسكرية العظيمة سعيهم لتسليم السُلطة في أَسرع وقت ممكن و إطلاقهم للحريات التي لم نكن نتخيل يومًا أن نحيا عُشرها !!! لذا ليس من الأدب و الحكمة أن يتطاول البعض و يهتف في المظاهرات " ديكتاتور ديكتاتور ... طنطاوي عليه الدور " كما حدث في "جمعة إنقاذ الثورة" أو كما طالب بعض الفوضويون في الجمعة ذاتها بتشكيل مجلس رئاسي و صياغة دستور جديد و كأن مولد التعديلات الدستورية لم ينفض بعد !!!ليس من الفطنة أن نجعل من تظاهراتنا المليونية جسرًا يمر عليه من لهم أجندتهم و خططهم لتنفيذ انقلاب عسكري غير مأمون .

من حقنا المطالبة في كل يوم و كل ساعة بملاحقة و محاكمة بطانة السوء الثلاثية صفوت و فتحي و زكريا و لكن دون طعن و استفزاز و ضغط بوجه المجلس العسكري ، و كُل فتح رباني على شاكلة الثورة المباركة يقتضي من القائمين عليها العفو عن (أبي سفيان)ــهــا و استعماله في مرحلة ما بعد الفتح و قد ظهرت نيته للإصلاح و إعادة البناء و عبُور تِلك المرحلة الحرجة من تاريخ مصر حتى يتم تنصيب برلمان و رئيس منتخبين لا علاقة لهما بخرابة النظام البائد ، و من ثَم يمكن الاستمرار في تطهير البلاد من أذيال الثعابين

Unknown said...

يا نوارة أنا متفهم انحيازك للمجلس الأعلى للقوات المسلحة و احساسك بالخطر مما يقوله عمر عفيفي
انما بالعقل و المنطق كده أرجوكي فهميني ليه التسويف و المماطلة و المراوغة اللي بنواجهها من المجلس الأعلى دي؟؟؟
دي حاجة مش مفهومة أبدا

Nemo said...

يعنى مبارك اتخلع بثورة شعبية .. طيب تمام .. يعنى المجلس العسكرى ما اجبروش على التنحى ولا حاجة بقى ... وبعدين من غير ترقيم يا ست الحلوين يا مفتحة ..انتى تعرفى ايه عن الجيش واللى جواه .. ولا انتى عارفة وعاجبك ... وتسليم للشرطة العسكرية .. تمام .. وبعديها يروحوا المتحف المصرى ويبقوا زى على صبحى .. لا كده تمام قوى يا نوارة .. واضح قوى ان انا اللى غبى .. وعلى فكرة .. العرصات هم اللى بيشوفوا الغلط ويبرروه لأصحابه

هراء لا داعى له ..... said...

فى حاجة فى سيكولوجية الشعب المصرى و هى إحساس الست المنكسرة إللى محتاجة راجل تتسند عليه

أو الراجل الغلبان إللى محتاج راجل يحميه

و دا إللى مخلى بعض الناس لحد دلوقتى مش راضية تحكم بمنطقية على الأحداث إللى بتحصل قدام عينيها و على تصرفات المجلس العسكرى إللى أكيد مش متطابقة مع تصرفات و قرارات مجلس إنضم للثورة و ـ تبناها ـ على رأى إللى بيقول

أرنوب said...

تحقيق صحفي نشرته (المصري اليوم) بعنوان دال .. إقرأي ما بين السطور

http://www.almasry-alyoum.com/article2.aspx?ArticleID=292690

omima said...

نوارة احب اعرفك بنفس انا ام لثلاثة من الشباب الرائعين ادعى واللةواعلم انى احسنت تربيتهم وتعلمهم وبحكم عملى مع الشباب ايضا فانى قلبا وقالبا مع الشباب ومؤمنة بيهم من فترة والشكلة انى بتابع كتاباتك فى جبهة التهيس مع العلم انى من االجيل الاكبر والتعامل مع الفيس بك بدائى لكن اولادى فتحوا دماغى وعملولى اكونت وانا عايزة اتكلم معاكى فى برنامج خاص بالشباب ومش عارفة اتواصل معاكى الاميل الخاص بى omimahatem@hotmail.com

Egyptian said...

ابتديت احس انك ضد الثورة مش معاها وخليفة مبارك والطنطاوى فى الملااعب

Tears said...

تصدقى ان النقطة اللى قولتيها و ماحدش التفت ليها فى التعليقات خالص بتاعه ان عفيفي ممكن يطلع بيشتغل مع الجيش ممكنه جدا و الدليل ان هو فعلا كتب حاجات كتير قبل ما تحصل او قبل ما يعلن عنها

M Fakhry Al Gabry said...

أعتقد أنك نسيت مطلبامهما وغالياوهو محاسبة جميع من شارك وساهم بأى دور صغر أو كبر فى قتل الشهداء وجرح الآلاف من أشرف مواطنى مصر وأطهرهم سواء فى الثورة أو فى السجون. الأسماء معلومة لدى الكثير والتسجيلات على اليوتيوب والوجوه سهل الاهتداء لأصحابها. لقد شنت اسرائيل حربا بشعة على غزة من أجل جنديا واحدا أسيرا ونحن ادمنا النسيان والتفريط فى الدم الغالى. لا لن ننسى دم الشهداءوعلاج الجرحى وصناديق الداخلية تفيض بأمال الشعب المبتلى ليتقاسمها كبار الفاسدين والقتلة.

Ahmed Mohamed said...

اوووووووف
عايز اشتم وبمسح الشتيمه

بقي العليل عمرو عفيفي جايب فيديو لنوارة كلنا سمعناه ودي كانت شهاده لحادثه حصلت
والجيش اعتذر وكان هيعيط ويقولنا رصيدنا عندكم يسمح

عشان يستخدمها في الوقت المناسب

وبعدين شكله شافك كتبتي عنه ايه فقام مغير كلامه
من تحيه الي شهاده
طب كويس ان المدونه"حاجات جوايا"كانت عامله نسخ لكلامه


احمد سعيد بتاع عنبر العقلاء مدام بتدخل هنا وبتروح ترد عندك يبقي شغل التعليقات متبقاش بضين

ما هوه مش كل واحد بيهرش في دماغه يبقي بيفكر

وكل واحد يتزنق يخلط ما بين الانقلاب والثوره
ويتزنق اكتر يقولك
انت تعرفو ايه عن الجيش
يتزنقو اكتر يقولولك
دا الي معينه مبارك
يعني نجيب امك الي تعين في الجيش
وترقي

omima said...

نوارة احب اعرفك بنفسى انا ام لثلاثة من الشباب الرائع يعلم اللة انى احسنت تربيتهم وانهم اجمل حاجة فى حياتى ووايضا عملى يتيح لى التعامل مع الشباب ولذلك انا مع الشباب قلبا وقالبا من البداية وانا بتابع كتاباتك وبتاثربيها مع العلم انى من جيل اكبر وبعانى فى استخدام الانترنت لكن اولادى فتحوا دماغى وعملولى اكونت على الفيس بك اتابع منة اهتمامات الشباب ويسعدنى جدا انى اتواصل معاكى فى برنامج خاص بالشباب الاميل الخاص بى omimahatem@hotmail.com هايسعدنى اهتمامك

الفتي العايش said...

bbb

hayat ank said...

بصى يا نونو من غير غلط لانك باقيتى بتغلطى كتيير بالكلام دلوقتى ابعدى عن عفيفى لاننا مش بندافع عنه خالص احنا بنفكر فى المعلومات الى عندهوالى فى ناس تانيه بتاكدها والى باينه من تصرفات المجلس الموقر لماذا تطبق الاحكام العرفيه على الناس الى تتظاهر مش على النظام واعوانه من اول لحظه يعنى التحفظ على الاشخاص وموال بما فيهم المخلوع اول الدروس التى تدرس فى الجيش هو التفكير السريع والحسم فى اتخاذ القرارت للافراد فما بالك بالقاده ليه ما قرارت حاسمه للمجلس فى اهم الاشياء كالمحاكمات السريعه وسرعه القبض على الاشخاص الذين يمثلون خطوره مع انهم بيسرعوا فى عمل كده مع الى عايزين يعملوامعاهم كده ليه لو الناس دى بتاعت الجيش انضمت ليكوا فى الايام الاولى كان ده هايبقى رد فعلك طب لما هما معانا ليه بشهادتك بيعاملونا نعامله الجواسيس وبيطبقوا علينا نظرياتهم اوالى اتعلموه فى الكليه طيب ليهبتلغى عقلك ومش عايزه تفكرى فى الثفقات والمعونات بتاعت امريكا والعلاقات المشبوهه باسرائيل عنان كان فى امريكا ساعه الثوره ومامشيش الا لما قالوله شكلك هايبقى وحش امشى ليه عايزه تعزلى الناس دى عن المنظومه كلهادول جذء كم مصر ولا كواللمبور طب ليه مش عايزين يخدوا بنصيحه المتخصصين ويطهروا الشرطه والقضاء والاعلام علشان تبقى محاكمات صح ومش كسكسى على حمصى زى الى حاصله دلوقتى بسبب النائب الغام والملطواجهزتحايخلوا القضايا زى بتاعت ممدوح اسماعيل ه مالهاش لازمه اخرها امبارح الملط طلع مبارك مظلوم ورجع من ميزانيه الرئاسه فلوس

hayat ank said...

بصى يا نونو من غير غلط لانك باقيتى بتغلطى كتيير بالكلام دلوقتى ابعدى عن عفيفى لاننا مش بندافع عنه خالص احنا بنفكر فى المعلومات الى عندهوالى فى ناس تانيه بتاكدها والى باينه من تصرفات المجلس الموقر لماذا تطبق الاحكام العرفيه على الناس الى تتظاهر مش على النظام واعوانه من اول لحظه يعنى التحفظ على الاشخاص وموال بما فيهم المخلوع اول الدروس التى تدرس فى الجيش هو التفكير السريع والحسم فى اتخاذ القرارت للافراد فما بالك بالقاده ليه ما قرارت حاسمه للمجلس فى اهم الاشياء كالمحاكمات السريعه وسرعه القبض على الاشخاص الذين يمثلون خطوره مع انهم بيسرعوا فى عمل كده مع الى عايزين يعملوامعاهم كده ليه لو الناس دى بتاعت الجيش انضمت ليكوا فى الايام الاولى كان ده هايبقى رد فعلك طب لما هما معانا ليه بشهادتك بيعاملونا نعامله الجواسيس وبيطبقوا علينا نظرياتهم اوالى اتعلموه فى الكليه طيب ليهبتلغى عقلك ومش عايزه تفكرى فى الثفقات والمعونات بتاعت امريكا والعلاقات المشبوهه باسرائيل عنان كان فى امريكا ساعه الثوره ومامشيش الا لما قالوله شكلك هايبقى وحش امشى ليه عايزه تعزلى الناس دى عن المنظومه كلهادول جذء كم مصر ولا كواللمبور طب ليه مش عايزين يخدوا بنصيحه المتخصصين ويطهروا الشرطه والقضاء والاعلام علشان تبقى محاكمات صح ومش كسكسى على حمصى زى الى حاصله دلوقتى بسبب النائب الغام والملطواجهزتحايخلوا القضايا زى بتاعت ممدوح اسماعيل ه مالهاش لازمه اخرها امبارح الملط طلع مبارك مظلوم ورجع من ميزانيه الرئاسه فلوس

محمد نبيل said...

ضباط الجيش من حقهم يتظاهروا خصوصا لما يكونوا عايزين يتظاهروا سلميا ومش عايزين يعملوا انقلاب عسكرى، وكلامك عنهم عامل زى اللى كانوا بيقولوا "اللى بيتظاهروا فى ميدان التحرير شوية عيال أهاليهم ماعرفوش يربوهم"

Unknown said...

أنا فى حياتي مشفتش حد ديكتاتوري زيك يا نوارة، يعني اية تسلميهم للشرطة العسكرية ، هما الظباط دول مش من الشعب و من حقهم يتظاهروا زي حضرتك ولا حق التظاهر مكفول لجنابك بس؟؟

salem elkotamy said...

حتى الكلابmhamad atef المسعورة هتهوهو وتعض اللى علموها النباح !سالم القطامي

salem elkotamy said...

حتى الكلابmhamad atef المسعورة هتهوهو وتعض اللى علموها النباح !سالم القطامي

romancy said...

هههههههههههههههه والله انا قلت انك م الاخر كنتى مناضلة فعلا وبعد كدا عملتى محللة سياسية منفعش جيتى تعملى مناضلة تانى محدش قبلك اتحولتى لمسخ اخره يهلل ويليف لطنطاوى بنفس منطق وعشان كدا اجنا اخترناه ظباط جيش مين يا حلوة ال انتى عايزة تسلميهم للمجلس العسكرى هو ظباط الجيش دول مش بنى ادمين بردو ولا مش مصريين وليهم حق يتظاهرو ضد الفساد ال ف المؤسسة بتاعتهم وابتديتى تمدحى فى طنطاوى وف مجلس طنطاوى وتذكرى تاريخهم ف الحرب رغم ان طنطاوى هو بطل مذبحة الثغرة ال الكتيبة بتاعته ابيدت وهرب هو وطلع بعد كدا يتفاخر انه هرب ههههههههههههه دانتى ناقص تقولى ان طنطاوى هو المهدى المنتظر وواضح فعلا انك شغالة على بلال فضل الله ينور ال اتحول هو كمان فعلا لسويتش للمجلس العسكرى احب اقولك حاجة مهمة لو انتى فاكرة انكلامك ع النت بياثر تبقى غلطانة هههههههههه عشان الشارع المصرى اوعى وانصح وفاهم ال بيحصل بالظبط ومياكلش معاه التخلف العقلى ال انتى كتباه دا وبعدين انتىمحسسانة كدا انك عالمة ببواطن امور الجيش وانك لبستى ميرى قبل كدا بس واضح اوى من تحولك 180 درجة انك يا اما نزلتى ضيفة على المتحف المصرى يا اما حاجة تانية باختصار شديد واضح انك مكسورة عينك ع الاخر بدليل انك بتعملى نفس ال كان بيتعمل قبل كدا وفعلا بئيتى نوارة القط مش نوارة نجم هههههههههههه وبعدين هو عمر عفيفى خلاص بئا هو الفزاعة اليومين دول الاخوان خلاص بئو موضة قديمة فلازم نعمل فزاعة جديدة عشان طبعا تطلعى بحكتمك تختالى علينا وتفهمينا اننا مش فاهمين حاجة وان المجلس العسكرى هو انور وجدى وهو حامى الحما وهو الفارس ال المنقذ وان هو من قمة البجاحة الجيش الجيش يا ابلة مش شوية لوائات معديين سن المعاش ولا اجهزة امنية كل هدفها تعيش عساكر وظباط الجيش الصغيرين ف رعب الجيش باذن الله هتشوفيه بكرة وسطينا بس اقسملك بالله لو فكرتى حتى انك تعتدى على واحد فيهم وان كان حتى بالكلام لتشوفى يوم عمرك ما شفتيه ف حياتك قبل كدا يا نوارة ومش من الظباط ولا حاجة من الناس الفاهمة ال كل هدفها تحقق مطالب ثورتها مش ال زيك بيقضو ع الثورة وصدقى او لا تصدقى هتلاقى الناس ال هتتصدرلك دول من البسطاء ال انتى بتتشنجى وتتكهربى عشانهم كدا ومحسسانا انك جان دارك وانك بتاعة الناس الغلابة ارحمى الناس الغلاببة ومتعملهمش شماعة تبررى بيها مواقفك ال مبئتش مفهومة او مفهومة بس خلاث انتى مبئتيش تفرقى مع حد لان كل ذى ابل مسلوب يا نوارة وفعلا العرصات بس هما ال يمسحو جوخ لواحد فاسد ويجيبولو الف مبرر ومبرر ودا الحضرتك بتعمليه دلوئتى وانتقلتى من مرحلة التلييف للمجلس الى مرحلة التدليك للمجلس بجد يا خسارة

Unknown said...

مفهمتش من الاخر كده هما معانا ولا ضدنا ... قالى انت هبلة بعد كل ده وتقولى ضدنا لأ طبعن معانا ومعانا ونص لكن لازم تحطى فى اعتبارك ان معانا دى مش ضرورى ان تكون اولوياتهم هى نفس اولوياتك ولازم تتعمل بنفس السرعة اللى انت طالباها ولكن الهدف الكبير هما متفقين معاه زيك بالضبط.
واللهى انا لقيت الكلام فيه شئ من العقلانية ... بس انا ما اقدرش انكر ان فيه شئ غلط يعنى ان مش باقصد هنا التواطئ لمبارك او الحكم او غيره ولكن اقصد ان فيه زي ما قلت كده شوية لخبطة ما اعرفش ليه مسكوت عنها وحساباتها ايه بالضبط .

Unknown said...

ومن هنا توصلت اخيراً الى ثانياً اللى كنت عاوزه اقولها لكم وهى ان احنا فجأة لقينا نفسنا حاطين العربة قدام الحمار .... اسفة الحصان بدل العكس . يوم ما خرجنا فى 25 يناير لكان معانا جيش ولا شرطة ولا وزارة و لاحتى مؤيدين كثير ده غير الشتيمة وشغل الاعلام اللى كلنا عارفينه واللى تعمل فينا وقتها ... بس كان معانا حاجة مهمة جداً وهى الـ Focus يعنى الهدف والتركيز عليه احنا عايزين نعمل حاجة معينة يبقى حنعملها وحنضحى علشان نعملها بالروح والدم وبكل حاجة كون ان احنا لقينا نفسنا فى السكة بقى معانا متعاطفين ... وسواء طلع المتعاطفين دول الجيش او عمر عفيفى او حتى الجن الازرق حتى ده مش معناه ان احنا كسبنا المعركة او ان تركيهم لنا حتى حيضعفنا لأن اللى احنى بنراهن عليه هو الشعب المصرى وتأكدنا من مؤازرته لنا سواء على البعد القصير او حتى الطويل ... وليه؟؟؟ لأن احنا بنتكلم عن همومه عن مشاكله فى لغة حوار مشترك بينا وبينه بنتكلم عن الكرامة عن الحرية عن العدالة الاجتماعية مش عن شركات رجال الاعمال ولا عن مكاسبهم وخسائرهم واللى بيحولوا يوضحوا دلوقت ان لو الثورة حققت خسائر ليهم تبقى ثورة غلط او ثورة هدامة والعكس صحيح.
يعنى من الاخر اهدافنا دى هى منبرنا ومركزنا وهدفنا اللى لازم نشتغل عليه علشان يتحقق وطالما ما تحققش يبقى احنا فى ثورة وفى تجمعات ولازم ننزل ونقول ونأكد ونضحى علشان نحققها ... ويبقى بقى اللى يتخانق يتخانق عمر عفيفى يضرب فى المشير او المشير يضرب فيه كل واحد يحافظ على كيانه وعليه يثبت مين اللى صح ومين اللى على حق. ومن ثم فاحنا ماشيين وبنتحرك وحننزل يوم الجمعة مش علشان مجلس الوزارة قالنا كده ولا الجيش مش عايز كده فاحنا بنعند معاه ولا علشان برضه ده رأى عمر عفيفى ... لأ فى حاجة اكثر خطورة احنا لسه مخلصناش احنا ثورنا علشان ننهى النظام والنظام لسه مانتهاش يبقى حنخليه ينتهى جه ده فى مصلحة الجيش والوزارة يبقى خير وبركة ويبقى احنا بنساندهم وبندعمهم زى ما قالوا ... جه ده فى غير مصلحتهم يبقى احنا اللى صح وهما اللى عليهم يوفقوا اوضاعهم ومن ثم تبقى فرصة حلوة علشان يطهروا نفسهم ويصلحوا منها علشان يبقوا متوافقين حقيقة مع الثورة. اللى نفسه اطول واكثر صموداً هو اللى حيكسب ... اللى مش حيسمح لنفسه انه يتشتت هو اللى حيكسب . ويوم الجمعة مش حنقل ادبنا ولا حنشتم فى حد ولكن حنقول طلباتنا وحننقض اللى مش عاجبنا وعلى اللى مش عاجبه انه يرد وبكل ادب واخلاق ... وهنا حيبان المسروق.
انا نازلة الجمعة الجاية حتى لو رسيت انها بقت زى يوم جمعة الغضب اللى كان الضرب فيها للركب واللى مات فيها شهداء كثير ... انا نازلة يوم الجمعة لأنها حتقولى احنا لسه ماشيين فى الثورة وبنصلح ويبقى ده معناه دفعة كبيرة لثورتنا ولا حاضرب واتسحل ويبقى ده معناه ان فيه حاجة غلط يبقى بالتالى حاعتصم علشان فيه ثورة جديدة افضل واكبر من اللى فات لأن الاقنعه فيها حتكون اتشالت.
انا نازلة يوم الجمعة علشان ربنا معانا ودى ثورته هو سبحانه وتعالى ثورته سبحانه على اللى بيهدم ويشوه ويفسد الدنيا اللى خلقها سبحانه للأنسان ليعمرها مش علشان يفسدها وبالتالى طالما فيه فساد يبقى فيه ثورة ومادام فيه ثورة على الفساد يبقى انا موجودة لأنى ان شاء الله حابقى فى حضن ربنا يوم الجمعة
تحياتى ليكى يا عزيزتى واجمل التمنيات لك بدوام الصحة والقلب المنور

محمد طنطاوي said...

اللى أنا عايز حد يوضحهولى كيف يعنى الدول العربية اللى بيضغط عليها من كل الدنيا تضغط علينا احنا ، وبعدين ايه يعنى ضغطها ده اللى يعمله المشير حساب يعنى ، وإيه موقف السياسة الخارجية لمصر لما تتأثر بضغط بسيط ذى ضغط الدول العربية ، وهو معقول مصر ضعيفة كده حد يفهمنى

utopia said...

نوارة ايه الكلام ده؟؟
يا ست الكل بطلوا عاطفية انتى وبلال وخليكم عمليين شوية
ركزى شوية انا وغيرى كتير ما يهمناش المجلس العسكرى ده حلو ولا وحش ده ما يخصناش مادام بينفذ مطالب الثورة ويحاكم الحرامية ودلوقتى حالا يبقوا فى السجن امبارح قبل النهاردة
غير كده ارحمينا بقا كلام وتوقعات الحاج عمر عفيفى كلها مضروبة
ياريت تركزى معانا من غير تكهناتك فى القبض على مبارك وزبالته
دلوقتى مش بعدين ....اما كده او تفسير فورى وعلنى من حبيبك المجلس الاعلى
ركزى وحياة ابوكى...انتى كده هاتخللى الناس تمسك فى بعض بكرة
والجيش لو مش عاجبهم كلام عفيفى وغيره يطلع يكدبه مش دورنا احنا نرد...الرحمة بقا بطلوا تعتبرونا لسة تحت الوصاية
الشعب المصرى بلغ والله العظيم

Anonymous said...

السلام عليكم يا نوارة,

طيب انا هكدب إن مصر اتحكمت بالعسكر 60 سنة و اغمض عيني واسمعك!

نفسي افهم شيئ .. على اي اساس حكمتي ان فلان وطني وعلان مش وطني؟ سيبك من موضوع عمر عفيفي و الضباط .. السؤال دلوقت نفسي افهم ايه اللي معطل محاكمة الكلب مبارك؟ وليه شكله الموضوع ان فيه حد حاميه؟ عايزين نفهم ليه فيه ضرب من الشرطة العسكرية لينا كل ما يلاقوا العدد قليل!!

يا نوارة انا ضد تقديس أي جهة .. وأي حد من حقنا نسأله .. وانا بسأل المجلس العسكري : انتم بتحموا مبارك و عصابته ليه؟؟؟؟ هنقول الجيش اجبر مبارك .. بصراحة ده كلام مش معقول .. انا شايف كل اتباع مبارك زي الفل .. عمر سليمان وزكريا عزمي و صفوت و جمال و الست هانم .. لا وسرور بيعمل لقاءات صحفية كمان .. وكل الأمور عسل .. يبقى مين ادى الناس دي الجراءة !!!!!تتحرك

مع احترامي الكامل لرأيك يا نوارة .. احنا برضه زيك نزلنا وانضربنا واتسحلنا و ربنا وحده اللي أراد ان يتكتب لينا عمر جديد .. ومن حقي كثائر اني افهم .. هو المجلس العسكري معانا ولا ضدنا.. لأنه لو ضدنا يا نوارة يبقى مش هنسكت عليه ولازم نرفع صوتنا .. مش هنقف بالثورة علشان حضرتك مش راضية تفتحي عنيكي ومصرة تحتفظي بصورة جميلة مالهاش وجود في أرض الواقع!!!

محمد عبد القادر said...

"احنا اخر انقلاب عسكري حصل من ستين سنة اضعف لنا الجيش واتسبب لنا في هزيمة 67.. هو كده، لما الجيش بيعمل شغلانة غير شغلانته بيتهزم"..عظيم انا كمان بقول انك متعمليش شغلانة غير شغلانتك وتسيبي التحليل لناسه مش تشطبي علي تاريخنا بجرة هبل!!

ارض الله الواسعة said...

http://www.youtube.com/watch?v=OV_5XmJiYFM&feature=player_embedded

محمد كمال said...

ولا فاهمين انت مع مين ولا ضد مين
انتى هبلة يا بنتى
الثورة لا تعنى البطئ فين شرعية الثورة
هما مستنيين لما كل الحرامية يهربوا فلوسهم
يعنى فى خلال شهرين ونص مش لاقيين تهمة يحطوا مبارك بيها فى القفص
امال هو اتشال ليه
مش بعيد يرفعوا علينا قضية رد شرف بعد كدة

Ahmad Sadek said...

الجيش المصري الآن مؤسسة عريقة تاريخيا، ويمتلك وسائل الحفاظ على وحدته ونظامه وفاعليته في أوقات الحرب وأوقات السلم. تلك احدى المسئوليات الأساسية لقادة الجيش ولكل فرد فيه. انه مازال آلة منضبطة، الأكثر انضباطا في هذا المجتمع، الذي أدى به تفريط الديكتاتورية وفسادها الى حالة أشبه بالانهيار في جميع مؤسساته الأخرى. الجيش كفيل بما يقوله أو يفعله من يسمى عفيفي أو تلك المخلوقات الهمجية التي تشبه همج الحزب الوطني وهمج أمن الدولة، ممن يهددون بارتداء زي عسكري والانضمام الى الشعب في ميدان التحرير. لن يحضر أحد. انهم فقاعات. نحن يجب أن نهتم دوما بأمورنا الثورية، نهتم بمسئولياتنا في تنظيف بلدنا من كل هذه القاذورات وركام القرون. ونهتم بتأسيس جمهورية برلمانية ديمقراطية حقا، ذات دستور محترم، واعادة تأسيس العلم والتعليم، الزراعة والصناعة، العقول والقلوب لكي يمكن الآنطلاق بمصر نحو القمر. نريد مجتمعا حرا محترما، يستطيع أن يضع رائد فضاء مصري بسفينة فضاء مصرية وصاروخ مصري على القمر مع ذكرى 25 يناير 2020.

Anonymous said...

تسلم ايدك .. ربنا يباركلك يا رب

Anonymous said...

يا نوارة .. انا عايز افهم .. غزة بدأ ضربها دلوقت .. و قبلها بساعات كان فيه وفد صهيوني في مصر .. ممكن تشرحيلي ايه اللي يجرأ الصهاينة على الضرب بعدها بساعات كده؟ هما اخدوا تطمينات ولا ايه بالضبط؟؟؟؟

=========

الشروق :
وصل إلى العاصمة المصرية القاهرة، ظهر اليوم الخميس، مبعوث إسرائيلي قادمًا على متن طائرة خاصة من تل أبيب في زيارة لمصر تستغرق عدة ساعات يجري خلالها مباحثات مع عدد من المسؤولين المصريين.

يرافق المبعوث الإسرائيلي، الذي لم تكشف مصادر بمطار القاهرة الدولي عن اسمه، وفد يضم أربعة أعضاء. ومن المقرر أن تتناول مباحثاته في مصر آخر تطورات الوضع في الأراضي الفلسطينية خاصة في قطاع غزة وسبل تحريك عملية السلام.

وتجدر الإشارة إلى أن هذه الزيارة تتواكب مع وجود الرئيس الفلسطيني محمود عباس في مصر، كما تأتي بعد عودة يتسحاق ليفانون، سفير إسرائيل للقاهرة، مساء أمس الأربعاء، بعد زيارة لتل أبيب استغرقت أسبوعا.

==============

يا نوارة .. اقسم بالله فيه ريحة مش كويسة !! واستحالة نقبل بان يحصل في غزة زي الحرب الأخيرة.. الدم مش مية يا نوارة.

Ahmad Sadek said...

كيف تصبح الثورة فعلا يوميا في حياة الشعب. لهذا نتناقض مع المجلس العسكري. فالمجلس لم يجرب حالة الحرية والابداع التي أصبح عليها شعب مصر. أفكاره مقيدة، وروحه مقيدة، فماذا تلد القيود؟ الثورة ودفق الحرية الذي مس الشعب عميقا، جعله يدرك الواقع ادراكا مختلفا، ويضع حلولا مختلفة لمشكلات مصر المزمنة. المجلس العسكري مازال عاجزا عن مواكبة هذا الشعور والادراك والارادة الشعبية التي تبغي استننقاذ مصر من حطامها، وانطلاقها الى القمر.

Anonymous said...

ايه يانوارة ما انا اقلتلك شبه الكلام ده الاسبوع اللى فات يوم البت المضروبة است اسماء محفوظ ما كانت بتلف باللينك بتاعها وتقول فساد ومش فساد وبعدين فى ناس كتير ياحلوة مش عمر خمس سنين لا دول محتاجين تربيه فكرية اصلاً ولا خمس سنين الخمس سنين بيفهم ويعرف ان بالطريقة دى زى ما ماما امريكا وازواجها الخمسة ما هما فى الاوضة اللى جنبنا هايبقوا فى الصالة عندنا والحكاية مش محتاجة لاقرأ لبلال ولا لغيره مع احترامى له بس هى واضحة ومكشوفة وكله على عينك ياتاجر الا ما فى بلد مش وسخة الا ما بتلعب علينا دلوقت وشغالة بقى شوية على الخونة وشوية على التنمية الفكرية وشوية المتخلفين وسلميلى على بابا حسنى واونكل زكريا واونكل صفوت واونكل فتحتح وكل الانكلات شغالين مع اى حد يهد البلد دى اذا كانوا عايزين يهدوها وهما كانوا عايشين مستريحين ما بالك وهما عاملين حسابهم ان فى كلابوش ايه بقى الوضع دلوقت يبقى لازم يهدوها يعنى لازم يهدوها بقى ياحلوة وكمان حطى عليهم الحزب الواطى وجهاز كهربة امن الدولة والعملية بقت هيصه هيصه وبعدين ما عندك كمان الاخ طلعت اللى طلع علينا امبارح يضرب من تحت لتحت فى المحور ويدى تلميحات ويضرب ويلاقى ده يطلع ايه ده كمان وبعدين ايه السبب ان الزفتة اللى طلعت علينا فى القناة المشبوهه اللى صاحبها واخد على الصفقات تطلع وتقول الكلام ده دلوقت مرات الزفت اللى شغال يبث سمومه ليل ونها فى كل حتة وبعدين مش عمر عفيفى بس اللى بيعمل كده فى زى الزفت ده كتير شوية الخونة على الافاقين اذا كان ثلاثى اضواء المسرح كان عاوز يهد البلد وهما قاعدين فيها بعدين كل ما نقول للبيفرقو اللينك بتاع الضابط الغريب ده ما ينفعش يقول ما انتو مرضى ما لو ماخونتوش الشرفا تبقوا مرضى انا عارف لازم تخونوا اي حد ,,,,,والله انا قرفت مش فاهم هو فعلا فى ناس مصدقة ولا هو ايه النظام بالضبط ايه الهبالة بعينها دى ايه هانعمل ايه بقى دلوقت الله ياخدهم مش يفكو البلد لا ينسفوها وان كان على عمر زفت فاهتلاقى من العينة دى يظهر اترش حاجة فى الجو من ايام الزفت المخلوع تجيب للناس جنان

Anonymous said...

ايه يانوارة ما انا اقلتلك شبه الكلام ده الاسبوع اللى فات يوم البت المضروبة است اسماء محفوظ ما كانت بتلف باللينك بتاعها وتقول فساد ومش فساد وبعدين فى ناس كتير ياحلوة مش عمر خمس سنين لا دول محتاجين تربيه فكرية اصلاً ولا خمس سنين الخمس سنين بيفهم ويعرف ان بالطريقة دى زى ما ماما امريكا وازواجها الخمسة ما هما فى الاوضة اللى جنبنا هايبقوا فى الصالة عندنا والحكاية مش محتاجة لاقرأ لبلال ولا لغيره مع احترامى له بس هى واضحة ومكشوفة وكله على عينك ياتاجر الا ما فى بلد مش وسخة الا ما بتلعب علينا دلوقت وشغالة بقى شوية على الخونة وشوية على التنمية الفكرية وشوية المتخلفين وسلميلى على بابا حسنى واونكل زكريا واونكل صفوت واونكل فتحتح وكل الانكلات شغالين مع اى حد يهد البلد دى اذا كانوا عايزين يهدوها وهما كانوا عايشين مستريحين ما بالك وهما عاملين حسابهم ان فى كلابوش ايه بقى الوضع دلوقت يبقى لازم يهدوها يعنى لازم يهدوها بقى ياحلوة وكمان حطى عليهم الحزب الواطى وجهاز كهربة امن الدولة والعملية بقت هيصه هيصه وبعدين ما عندك كمان الاخ طلعت اللى طلع علينا امبارح يضرب من تحت لتحت فى المحور ويدى تلميحات ويضرب ويلاقى ده يطلع ايه ده كمان وبعدين ايه السبب ان الزفتة اللى طلعت علينا فى القناة المشبوهه اللى صاحبها واخد على الصفقات تطلع وتقول الكلام ده دلوقت مرات الزفت اللى شغال يبث سمومه ليل ونها فى كل حتة وبعدين مش عمر عفيفى بس اللى بيعمل كده فى زى الزفت ده كتير شوية الخونة على الافاقين اذا كان ثلاثى اضواء المسرح كان عاوز يهد البلد وهما قاعدين فيها بعدين كل ما نقول للبيفرقو اللينك بتاع الضابط الغريب ده ما ينفعش يقول ما انتو مرضى ما لو ماخونتوش الشرفا تبقوا مرضى انا عارف لازم تخونوا اي حد ,,,,,والله انا قرفت مش فاهم هو فعلا فى ناس مصدقة ولا هو ايه النظام بالضبط ايه الهبالة بعينها دى ايه هانعمل ايه بقى دلوقت الله ياخدهم مش يفكو البلد لا ينسفوها وان كان على عمر زفت فاهتلاقى من العينة دى يظهر اترش حاجة فى الجو من ايام الزفت المخلوع تجيب للناس جنان

Anonymous said...

ايه يانوارة ما انا اقلتلك شبه الكلام ده الاسبوع اللى فات يوم البت المضروبة است اسماء محفوظ ما كانت بتلف باللينك بتاعها وتقول فساد ومش فساد وبعدين فى ناس كتير ياحلوة مش عمر خمس سنين لا دول محتاجين تربيه فكرية اصلاً ولا خمس سنين الخمس سنين بيفهم ويعرف ان بالطريقة دى زى ما ماما امريكا وازواجها الخمسة ما هما فى الاوضة اللى جنبنا هايبقوا فى الصالة عندنا والحكاية مش محتاجة لاقرأ لبلال ولا لغيره مع احترامى له بس هى واضحة ومكشوفة وكله على عينك ياتاجر الا ما فى بلد مش وسخة الا ما بتلعب علينا دلوقت وشغالة بقى شوية على الخونة وشوية على التنمية الفكرية وشوية المتخلفين وسلميلى على بابا حسنى واونكل زكريا واونكل صفوت واونكل فتحتح وكل الانكلات شغالين مع اى حد يهد البلد دى اذا كانوا عايزين يهدوها وهما كانوا عايشين مستريحين ما بالك وهما عاملين حسابهم ان فى كلابوش ايه بقى الوضع دلوقت يبقى لازم يهدوها يعنى لازم يهدوها بقى ياحلوة وكمان حطى عليهم الحزب الواطى وجهاز كهربة امن الدولة والعملية بقت هيصه هيصه وبعدين ما عندك كمان الاخ طلعت اللى طلع علينا امبارح يضرب من تحت لتحت فى المحور ويدى تلميحات ويضرب ويلاقى ده يطلع ايه ده كمان وبعدين ايه السبب ان الزفتة اللى طلعت علينا فى القناة المشبوهه اللى صاحبها واخد على الصفقات تطلع وتقول الكلام ده دلوقت مرات الزفت اللى شغال يبث سمومه ليل ونها فى كل حتة وبعدين مش عمر عفيفى بس اللى بيعمل كده فى زى الزفت ده كتير شوية الخونة على الافاقين اذا كان ثلاثى اضواء المسرح كان عاوز يهد البلد وهما قاعدين فيها بعدين كل ما نقول للبيفرقو اللينك بتاع الضابط الغريب ده ما ينفعش يقول ما انتو مرضى ما لو ماخونتوش الشرفا تبقوا مرضى انا عارف لازم تخونوا اي حد ,,,,,والله انا قرفت مش فاهم هو فعلا فى ناس مصدقة ولا هو ايه النظام بالضبط ايه الهبالة بعينها دى ايه هانعمل ايه بقى دلوقت الله ياخدهم مش يفكو البلد لا ينسفوها وان كان على عمر زفت فاهتلاقى من العينة دى يظهر اترش حاجة فى الجو من ايام الزفت المخلوع تجيب للناس جنان

arabian_faithful said...

أنا بقى نفسى زى ما عملنا حملة توقيعات لطلب محاكمة الثلاثى المرح نعمل حملة توقيعات نطالب فيها محاكمة الحيوان ده و والله العظيم أنا نفسى أشوفه لو هوا راجل من ضهر راجل ينزل مصر
أنا مش عارف ليه صوت الكلاب على أوى كده عموماً إحنا برده نعرف نحمى بلدنا بدمنا و بمالنا و بأهلنا و يبقى كلب فيهم لو راجل ينزل ميدان التحرير و اللى مش عاجبه جيش مصر يا ريت يسيب مصر لأن جيش مصر هوا أهل مصر

arabian_faithful said...

كلمة أخيرة
بالنسبة لأى غبى بيقول كلم حد من الجيش أنا يا سيدى أبويا الله يرحمه كان فى الجيش و خالى كان فى المخابرات الحربية و حضر حرب أكتوبر
و خالى التانى كان فى حرب الإستنزاف حرب أكتوبر و عمى كان فى الجيش
و ليا زمايلى و قرايبى فى الجيش
أنتم متعرفوش قيمة المجلس العسكرى ده و حجم الضغوط اللى واجهها فى عهد مبارك و عملوا إيه علشان يحافظوا على الجيش المصرى بقوته الحالية
فياريت أى كلب يهاجم القوات المسلحة يقولى هوا مين الأول و أنا ياسيدى والله لو صاحبة المدونة توافق أعرض على الصفحة صورتى و بياناتى الشخصية وعلى فكرة أنا بفضل الله عز و جل الأول على تجارة قسم الدراسات المالية لو حد عايز يوصلى مش حيغلب
إنما توصل الحكاية إن حد يهاجم جيشنا
و فى بلدنا
و الله العظيم يبقى بطن الأرض أكرم لنا من ظهرها

Tears said...

ألحقيييييييييى يا نوارة

المستشار اشرف ندا رئيس محكمة الاستئناف الحالى على الجزيرة مباشر دلوقتى بيؤكد ان فيه تواطىء مش تباطىء و النائب بتاعه على المباشر بيقول عبد المجيد محمود ده ولاؤه لجمال و اشتغل قاضى تلت شهور فى حياته بس بعد ما كان فى نيابه امن الدولة طول عمره و أشرف على الدكتوراه بتاعته اللى خدها من سنه واحدة بس مفيد شهاب و عبد الاحمد جمال الدين و بيؤكد ان ده تواطىء

ألحقى ضمى اسمه لعمر عفيفي و ضباط الجيش بتوع الفيديو و عينينا اللى شايفه...بس المجلس ملايكه و اذا كانت مصر مش ميارك فالجيش هو طنطاوى

محمود المصري said...

يا استاذة نوارة
انتي عمالة تدافعي عن المجلس العسكري دفاع مستميت وبتهاجمي اي حد يجيب سيرتهم او ينتقدهم
طيب خديني على قد عقلي وقوليلي هو ايه المجلس العسكري عمله عشان ندافع عنه؟
حاكم مبارك وعيلته محاكمة عادلة واقتص لدماء الشهداء وبرد نار 80 مليون مصري؟!
الجواب لا ومبارك وعيلته ف شرم حاطين رجل على رجل وبيطلعو للشعب لسانهم وبيقولولهم مطرح متحطو راسكو حطو رجليكو
طيب بلاش مبارك وعيلته اكيد بقى حاكم حد من الاضيشه زي صفوت الشريف وزكريا عزمي وفتحي سرور اللي انتي مسمياهم الثلاثي المرح صح كدة اكيد حاكمهم على كل الجرايم اللي عملوها
الجواب برضو لا محدش فيهم اتحاكم ولا حد جه جمبهم حتى
طيب اكيد مليون في المية حل امن الدولة اللي عذب الملايين وكفر سيئات شعب كامل من ساعة ما انشئ لحد دلوقتي وادى حريات للناس وضمن ان كل واحد هيقول رايه بحرية من غير مشاكل
الجواااب برضووو لااا ومصر كلها عارفة ان من امن الدولة للامن الوطني يا قلبي لا تحزن ده حتى الاسم ده امن الدولة اللي اختاره في الوثيقة اللي اتسربت لو تفتكرو اقترحو 3 اسماء كان ده من بينهم الامن الوطني
الادهى والامر مطلعين قانون يجرم الاعتصامات ال ايه فئوية الحق حق ولو حاكمتو الكبار اللي لسة على كراسيهم مفيش لا اعتصام ولا حاجة
الادهى والامر ان الشرطة العسكرية نازلة ضرب واعتقالات وتعذيب للثوار والمعتصمين والمحاكمات العسكرية شغالة على ودنو ولحد هتك الاعراض حصل والكلام ده انتي نفسك كتبتيه في مدونتك
طيب حل الحزب الوطني ؟ لا
حاكم البلطجية والظباط والامناء اللي دبحو الناس وعذبوهم؟ لا
جاب حق الشهداء؟ لا
عمل ايه للمصابين؟ ولا حاجة
والمصريين اللي في ليبيا؟ يا عم كبر دماغك
وووووو؟ لا لا لا لا
وبعد دا كله لما ربنا يكرم بالظباط الشرفاء اللي زي احمد شومان اللي قالها للمشير وكلنا فاكرين اما قاللو يا سيادة المشير انت جزء من النظام مبارك بقالو 30 سنة وانت بقالك 20 سنة المؤسسة العسكرية خسرت ما خسرت في عهدك انت كمان امشي
لما ربنا يكرمنا بدول تتريقي عليهم وتشوهيهم بالشكل ده؟
نفس الاسلوب اللي كانو بتوع مبارك بيتريقوا وبيشوهو بيه صورة الثوار وفشلو بكل امكاناتهم الاعلامية؟
نفس الطريقة اللي كانو بيدافعو بيها عن مبارك وفشلو برضو؟
مش كانو بيقولو اللي ينتقد الرئيس ده بيشوه سمعة مصر وخاين وعميل وعايزها تولع وفوضى ويطلع مبارك يقول انا الاستقرار ومن غيري فوضى وكل الافلام القديمة دي؟
كل ده كوم وانك تحرضي على تسليم الظباط الشرفاء دول كوم تاااني خالص
وعايزة تسلميهم لمين الشرطة العسكرية اللي جروكي في التحرير واعتقلوا مئات الناشطين وعذبوهم وبنات يتعملهم كشف عذرية وفضايح لا تليق باسم وسمعة جيش مصر العظيم واللي مصر كلها عارفة ان المجلس العسكري لا يمثل جيش مصر العظيم الا بنفس القدر اللي كان مبارك بيمثل بيه شعب مصر العظيم
طيب مين اللي عايز يعمل فتنة بين الجيش والشعب؟
اللي بيقول نلتف حول ظباط الجيش ونبقى ايد واحدة واللا اللي بيحرض عليهم عشان يتئذو؟
ناس بتغامر بحياتها تقولي عنهم كدة وانتي عارفة ان ده عمرو ما هيحصل ولا هيكون لان اللي هيمس شعرة واحدة من ظابط ملايين الثوار هياكلوه بسنانهم ويخرطوه للوز واديكي شوفتي احمد شومان لما نزل الميدان كان حد يتجنن ويقول ف حقة نص كلمة مش يقول اسلمه؟!!
عايزة تعرفي ليه 80 مليون ضد المجلس العسكري وضد اللي بيدافع عنهم وانتي طبعا على راس القائمة
لان 80 مليون مصري عايزين حقهم وحق ولادهم من مبارك اللي عايش ملك وحاطط رجل على رجل هو وعياله بحماية المجلس العسكري
لان 80 مليون مصري فاض بيهم من الاضيش مبارك اللي مهمدوش لحظة واحدة وعمالين شغل قذر في البلد
لان 80 مليون مصري عايزين حل حقيقي لامن الدولة ومحاكمات عادلة وعاجلة لكل عناصره
لان 80 مليون مصري عايزين شرطة نضيفة ومحترمة مش الناس اللي قتلت وعذبت واغتصبت وسرقت ونهبت ولسة ف اماكنهم زي ما هما لحد دلوقت
لان 80 مليون مصري رجلهم لسة مخدتش على المجلس العسكري ومعندهمش استعداد يفرطو ف حق الشهدا والمصابين واسرهم
لان 80 مليون مصري ثارو على احمد شفيق لما مبارك عينه وكان محور كلامهم ان مبارك اللي هو زعيم عصابة ساعة مهيعين حد مستحيل يبقى شريف وده عشان شفيق اتعين اسبوع الناس دي معندهمش استعداد انهم يقولو ان المشير اللي مبارك معينه من 20 سنة شريف ونضيف
لان 80 مليون مصري عايزين اسقاط النظام وعارفين ان المشير والمجلس العسكري جزء لا يتجزأ وركن من اركان النظام
لان 80 مليون مصري اتنفسو الحرية ومسكوها وطبطبو عليها وعيطو ف حضنها كمان ومعندناش استعداد نرجع تاني لايام الضنك والذل والرعب والبهدلة
انتي غامرتي بكل تاريخك وشعبيتك ولعبتي على ان المجلس العسكري قاعد بس الكارت اللي انت لعبتي عليه محروووق
يا ريت تراجعي نفسك قبل فوات الاوان والسلام

ماجده said...

لما عمر عفيفي يقول حتحصل حريقه في مكان بتحصل دا معناه ايه معناه ان هو محرك الثوره المضادة وعامل فيها انه بحذر الشعب عمر عفيفي له ايادي قذره داخل مصر ولكن لمصلحة من يا ترى ؟!!!

Early bird said...

يا جماعه هى كلامها سليم
سواء الجيش عاجبنا او مش عاجبنا احنا ثورتنا سلميه وناس كتير شايفه ان الجيش ادائه مش وحش وان حتى لو احنا قلقنا من حاجه مش مصلحتنا ولا مصلحه الثوره انها تصدم بيه وبقياداته ده راى
اما عن من يريدون ان ينقلبوا على الجيش من داخل الجيش اعتقد
بقى ان التحرير مش مكانهم يعنى على اعلى تقدير حيستفيدوا ايه لما يقعدوا يقولوا كلام وحش وهتافات ضد المشير يا اما الناس اللى مش حيعجبها الكلام حيضربوهم وتبقى خناقه ولا يستفيدوا شئ يا اما الاغلبيه حتنقلب على الجيش ويعملوا .......حيعملوا ايه بقى احنا دائما بنقول سلميه وبعديين انتم مشكلتكم مع المشير لوحده ولا المجلس العسكرى كله والا مين بالضبط

على فكره احنا كشعب مصر اعدائنا كتير من الداخل والخارج ومعندناش اى استعداد اننا نستعدى الجيش كمان ولا سيما ان ادائه رغم البطء عاجب قطاعات كبيره من الشعب ده

ماجده said...

خلي بالك على نفسك يا نواره انا عارفه انك ذكيه جداا ومش حيخيل عليكي مدح عمر عففي ليكي فهماني طبعا ربنا يحميكي من كل شر

decentman32 said...

ممكن سؤال اذا سمحتى يا استاذة نوارة؟ انا حاحاول اصدقك انتى و بلال فضل لانكم من الثوريين و دول الوحيدين الى باثق فيهم. بس ممكن حضرتك تقوليلنا او تخلى المجلس العسكرى يقولنا هوه اجبر مبارك على التنحى على رغبة الشعب ام ان مبارك الطيب الحنون قرر التنحى؟؟؟ ارجو الجيش يطلع بيان صغير كده و هتلاقى الناس بدات تصدقه. مش بيانات تقول انه مبارك تحت الاقامة الجبرية و كلام من ده. لا احنا عايزين بيان انه جيشنا و قادتنا اجبروه على التنحى. يا ترى يقدر المجلس الاعلى يعمل كده؟؟؟؟؟ يااااااااااااااااارب يقدر

Early bird said...

يا جماعه هى كلامها سليم
سواء الجيش عاجبنا او مش عاجبنا احنا ثورتنا سلميه وناس كتير شايفه ان الجيش ادائه مش وحش وان حتى لو احنا قلقنا من حاجه مش مصلحتنا ولا مصلحه الثوره انها تصدم بيه وبقياداته ده راى
اما عن من يريدون ان ينقلبوا على الجيش من داخل الجيش اعتقد
بقى ان التحرير مش مكانهم يعنى على اعلى تقدير حيستفيدوا ايه لما يقعدوا يقولوا كلام وحش وهتافات ضد المشير يا اما الناس اللى مش حيعجبها الكلام حيضربوهم وتبقى خناقه ولا يستفيدوا شئ يا اما الاغلبيه حتنقلب على الجيش ويعملوا .......حيعملوا ايه بقى احنا دائما بنقول سلميه وبعديين انتم مشكلتكم مع المشير لوحده ولا المجلس العسكرى كله والا مين بالضبط

على فكره احنا كشعب مصر اعدائنا كتير من الداخل والخارج ومعندناش اى استعداد اننا نستعدى الجيش كمان ولا سيما ان ادائه رغم البطء عاجب قطاعات كبيره من الشعب ده وعلى فكره انا مش عارفه بقى ده عيب اعلام ولا ايه بالضبط ثوره مصر دى فعلا ثوره شعبيه يعنى مش ثوار التحرير لوحدهم اللى عملوهاهم كانوا رمزوالثوره نفسها انطلقت فى مصر كلها وعلى فكره برضه الفيلم بتاع الاغلبيه الصامته ده هابط مافيش اغلبيه صامته لانها مجرد ادوار بس اللى حمى الناس فى التحرير وفى حميع مياديين مصر اللجان الشعبيه اللى خلى الثوارميقلقوش على اهلهم انهم عارفيين ان فى ناس فى ضهرهم عملوا كل ما فى وسعهم من توفير خضار بسعر بسيط الى اعطاء نقود للعمال اليوميه الى الحمايه من البلطجيه ده غير بقى الاستجابه لاى دعوه مليونيه التماسك ده كله هو اللى عمل الثوره وهو برضه اللى تجلى فى الاستفتاء على التعديلات والناس اللى طلعت بنظام مالوش مثل ووقفت طوابير منظمه علشان تقول صوتها وبرضه قبلم النتيجه وماحسبوش كل اللى قال عليهم جهله هم دول الناس بقى اللى عايزينهم يقلبوا على الجيش متتعبوش نفسكم

Unknown said...

الكلام ده من صفحة ضباط من أجلالثورة يا نوارة ياللي مبقتش فاهمك

ضباط من أجل الثورة
نعلن كضباط من اجل الثوره ان النقيب السابق شريف عثمان واجهة لنا جميعا و هو الوحيد الذي كان يستطيع القيام بالتسجيلات لخطورة موقفنا وتواجده بالولايات المتحدة منذ ٢٠٠٤ ومتزوج من امريكية مسيحية منذ ٦ اعوام و ان التعرض لصوره العائلية هو ما يستطيع المجلس العسكري فعله حيث ان ملف خدمته ممتاز ولا غبار على وطنيته و ان هذا العمل تم بواسطة رائد المخابرات الحربية مازن موافي والذي اشترك في قمع المتظاهرين كدعم لامن الدولة في بداية الثورة العظيمة...

https://www.facebook.com/pages/%D8%B6%D8%A8%D8%A7%D8%B7-%D9%85%D9%86-%D8%A3%D8%AC%D9%84-%D8%A7%D9%84%D8%AB%D9%88%D8%B1%D8%A9/168595796526020

lastcrazyboys said...

زكية زكـــريـــا شــرف في المزرعــــة


بشكـــر الثـــوار .. وبشكــــر جبهــة التهييس

مفيش خــووف تاني .. ومفيييش ظلم تاني


الله أكببببببببر .. والدور الدور الدور الدور

موافي جاي عليه الدور

لا نجــونـــا إن نجـــوا

Mohamed Nida said...

ربنا يريح قلبك

علا حسين said...

نونو .. جيمى شاكله اتهت لما حبسوا زيكو ولم القرشينات و كاتت على بره بس بحرا مش جوا حد يعمل حاجه ...الحقووووووووونااااااااا....عايزين فلوووووسنااااااااا ... يا ولاد التييييييييييييييييييت

hayat ank said...

عن اليوم السابع القوات المسلحه يا قطه تليفونها فاصل شحن ومش بتستجيب للتليفونات الى بتستغيث بها علشان مبارك بيهرب ثروته دلوقتى فى شنط عبر البحر يا قطه شهود العيان فى فندق حسين سالم

hayat ank said...

سادت حالة من الذعر داخل قصر الرئيس السابق محمد حسنى مبارك، بعد إعلان قرار حبس الدكتور زكريا عزمى الرئيس السابق لديوان الرئاسة 15 يوماً على ذمة التحقيق، وترحيله إلى سجن مزرعة طره، وذلك فى قضية تضخم ثروته.

أكد شهود عيان داخل فندق رجل الأعمال حسين سالم، والذى يقع بجوار القصر الذى أقامه لمبارك وأسرته بشرم الشيخ، أن جمال مبارك حضر منذ قليل إلى فندق رجل الأعمال، وسبق ظهوره دخول سيارة سياحية تحمل عدداً من الحقائب السوداء.

وقام رجال أمن الفندق بتفتيش إحدى الحقائب قبل ظهور نجل الرئيس السابق، طبقاً لإجراءات الأمن المتبعة، وتبين أنها ممتلئة بالأموال، وعلى الفور ظهر جمال ومنع رجال الأمن من تفتيش الحقائب، بل ورفض أن يقوم عمال الفندق بحمل الحقائب إلى أعلى، وأمر اثنين من الحرس الخاص له بحملها إلى جناح داخل الفندق.

وأضاف الشهود، أن رجال أمن الفندق تلقوا تعليمات بتكثيف الاحتياطات الأمنية داخل فندق حسين سالم، انتظاراً لوصول اليخت الخاص به لحمل الحقائب مرة أخرى وتهريبها خارج البلاد، حسبما أكدوا، لافتين إلى أن جمال مبارك منعهم من الوقوف أثناء خروج الحقائب من السيارة السياحية، التى كانت تؤمن من قبل الحرس الجمهورى الخاص بالرئيس السابق وأفراد أسرته.

وأوضح الشهود، أنهم حاولوا الاتصال بالقوات المسلحة مرات عديدة لإبلاغهم بالواقعة على الفور، إلا أنهم لم يستطيعوا الوصول إليهم حتى الآن.

hayat ank said...

عااسادت حالة من الذعر داخل قصر الرئيس السابق محمد حسنى مبارك، بعد إعلان قرار حبس الدكتور زكريا عزمى الرئيس السابق لديوان الرئاسة 15 يوماً على ذمة التحقيق، وترحيله إلى سجن مزرعة طره، وذلك فى قضية تضخم ثروته.

أكد شهود عيان داخل فندق رجل الأعمال حسين سالم، والذى يقع بجوار القصر الذى أقامه لمبارك وأسرته بشرم الشيخ، أن جمال مبارك حضر منذ قليل إلى فندق رجل الأعمال، وسبق ظهوره دخول سيارة سياحية تحمل عدداً من الحقائب السوداء.

وقام رجال أمن الفندق بتفتيش إحدى الحقائب قبل ظهور نجل الرئيس السابق، طبقاً لإجراءات الأمن المتبعة، وتبين أنها ممتلئة بالأموال، وعلى الفور ظهر جمال ومنع رجال الأمن من تفتيش الحقائب، بل ورفض أن يقوم عمال الفندق بحمل الحقائب إلى أعلى، وأمر اثنين من الحرس الخاص له بحملها إلى جناح داخل الفندق.

وأضاف الشهود، أن رجال أمن الفندق تلقوا تعليمات بتكثيف الاحتياطات الأمنية داخل فندق حسين سالم، انتظاراً لوصول اليخت الخاص به لحمل الحقائب مرة أخرى وتهريبها خارج البلاد، حسبما أكدوا، لافتين إلى أن جمال مبارك منعهم من الوقوف أثناء خروج الحقائب من السيارة السياحية، التى كانت تؤمن من قبل الحرس الجمهورى الخاص بالرئيس السابق وأفراد أسرته.

وأوضح الشهود، أنهم حاولوا الاتصال بالقوات المسلحة مرات عديدة لإبلاغهم بالواقعة على الفور، إلا أنهم لم يستطيعوا الوصول إليهم حتى الآن.
ااااااااااااااااااجل

justbouky said...

والله العظيم انا قلت عليكى هبلة واسلوبك غلط وعقلك فى ودانك وبكره الجمعة مش بعيد يا بتاعة الشرطة العسكرية ياهبلة

ماجد العياطي said...

اجمل ماقولتيه يانواره هو ان اعتراضنا على بعض سياسات المجلس ماشي لكن مش على الجيش

صح

اما ان حد يجي يفؤ الجيش زي مانتي قولتي

يبقى ...نقط

احنا مش ناقصين انفصال وبعدي الجيش مش قاعد مدى الحياه

والفتره اللي جايه احسن بأذن الله

يارب

تحياتي

Mona said...
This comment has been removed by the author.
Unknown said...

نوارة نجم، لو لم تفيقى لنفسك قبل فوات الأوان و تبطلي دفاعك عن مجلس مبارك العسكري الذي يجهض الثورة و يحمي نظام مبارك الفاسد حتكونى إنت بنفسك اللى مسحتي تاريخك النضالي اللي فات .

أرنوب said...

انت غبي قوي حضرتك.. لا بجد غبي قوي يعني
....
كيف تسمحين لنفسك أن تهيني من يتابعون مدونتك بهذا الشكل ؟ أهذا ذنبهم أن قرروا متابعة أفكارك والتعقيب عليها سواء بالإتفاق معها أو الإختلاف ؟ هل هذه هي الحرية والديموقراطية التي قامت الثورة تدعو إليها والتي فلقتي دماغنا ليل نهار بمشاركتك فيها وبأنك وضعت رأسك على كفك بين نيرانها ؟ وبعدين تعالي هنا .. هل إبتعدتي إني نفسك عن هذا (الغباء) ؟ .. مثلاً .. تقولين أن الكلام بالسوء عن المجلس العسكري خيانة عظمى تستوجب الإعدام ونسيتي أن من يفعلون هذا هم مدنيون يعني لا يسري عليهم مثل هذا القانون وحتى لو كانوا عسكريين فنحن لسنا في حالة حرب حتى يسري عليهم .. بتقولي كمان .. إن الجيش حيضرب بالنار أي واحد لابس عسكري ومندس بين الجماهير .. طب ماعملش كده ليه مع أحمد شومان وقد أنضم للثورة رسمي بل وخاطب الجزيرة مهاجماً المشير ذاته ؟ .. أليست أرائك هذه نوعاً من الغباء ؟ أم لعلها إستهبال ؟

hosseiny shatat said...

كلامك 100% يانواره وكويس ان بلال فضل قال كلام كويس
كلنا مع الجيش لانه حمى الثوره والشعب
لازم نكون عارفين ان محاكمة الثلاثي لها ثمن
البهوات ال مصدقين عمر عفيفي والظباط العرر مش كانوا بيطلبوا محاكمة الثلاثي ومبارك
طيب هوه ده التمن ........نقف مع الجيش ونسنده ولا نقف ضده ونشوهه
عايزين يكون شعارن
الثوره تجب ماقبلها
أي حد وقف مع الثوره احنا مسامحينه في كل ال فات
المهم ال جاي
شكرا يانواره

بساطه said...

اييييوه كده يانواره .. رجعت الروح لكتاباتك .. كان بقالك كام يوم بهتانه شويه .. بس نواره ماشاءالله بتبان ساعة الجد .. انا عارف انك مهدوده زينا كلنا .. ربنا يقوينا كلنا .. انا مش قلقان ولا خايف من بكره على عكس الجمعه الي فاتت كنت مرعوب .. لكن بكره انا متفائل .. بكره الخير انشاء الله يانواره والبشاره ابتدت بحبس زكريا عزمي 15 يوم وعقبال الباقي .. بكره انشاءالله ثوره جديده وشمس دافئه .. ونصر قريب .. حاسه ولمسه .... ياااارب عشمان في رحمتك وكرمك ياكرييم

sherif said...

و انتي يا روح خالتك يا نوارة نجم يا عبقرية كان ايه لازمة انك تطلعي علي الجزيرة تقولي"مش مصدقة نفسي ان الجيش يعمل كدة...ياي ياي" و انتي اتعميتي و اتطرشتي عن كل الشهادات من علي صبحي للصحفية للفنان التاني للبنات لافلام الموبايل اللي واضح وضوح الشمس الصعق بالكهربا و كل المحاكمات و التعذيب اللي الكلاب و القطط في الشارع عرفت عنه؟ولا انتي اشتراكي مجلس طنطاوي المتواطيء عشان تدافعي بحرقة كده عنه لغاية ما هتظرتي علي نفسك؟و اذا كنتي مش عارفة عمر عفيفي طلع مصر ليه و لا هو عمل ايه في الثورة هقولك لا يا ام لسان طويل يا روح امك انتي كنتي محدش يعرف شكل اللي جابوكي و لا حد سمع عنك في دور في الثورة في الوقت اللي هو كان سبب كبير في نزول ناس كتير منهم انا شخصيا يوم 25.دفاعك عن مجلس طنطاوي العسكري غريب و مريب و تاني هسالك اشتروكي و لا وعدوكي بحاجة و لا ايه حكاية اهلك يا بجحة يا جاهلة يا قليلة الادب ياللي بتشتمي ظباط عايزين ينزلوا الثورة عشان ينضفوا الجيش؟

labied said...

الراجل ده ( عمر عفيفي) يذكرني بأحمد الجلبي (عراقي خائن لكل شيء عربي، مسلم، عراقي)
هو يشبهه شكلا و قالبا. بالمناسبة أحمد الجلبي مطلوب في الأردن لأنه سرق بنك البترا...حرامي كمان
لبيد العراقي

Unknown said...

Enti Ethabtli wala eah ? tebla3'y 3an meen ? tebal3'ee 3an 7ad gayee yensorna we wo2af m3ana ....
You better consider and thoroughly of what you write and stop being that emotional ...

eng_kika said...

غريبة اوى الناس اللى بتهاجم نوارة كل الهجوم ده

وبصراحة مع احترامى لنوارة الا ان ساعات كتير عصبيتها بتضيع حقها

الناس اللى بتتكلم عن حق ظباط الجيش فى التظاهر : يا جماعة هى مقلتش مش من حقهم بس يتظاهروا لوحدهم مش يعملونا دروع بشرية

والناس اللى بتتسائل اوى ليه البطئ هكلمهم بالعقل : مش كلنا عايزين نرجع فلوسنا المنهوبة ؟؟ اكيد كلنا عايزين ...تعرفوا ده بيتم ازاى ؟؟ الفلوس دى بترجع من بره ازاى ؟؟

لازم تكون فى محاكمة وتحكم بأحقية الشعب فى الفلوس دى وبعدين على ضوء الحكم ده بنطلب من البنوك والحكومات اللى جمدت كل الاموال دى انها ترجعها....طيب ايه رأيكم لو المحاكمات كانت سريعة وعسكربة ياترى فى دولة ولا بنك هيرجع لنا مليم؟؟؟؟؟

يا جماعة اضغطوا على المجلس وانقضوه ووصلوا صوتكم وانزلوا كلكم مليونيات بس بلاش نمشى ورا حد منعرفش اهدافه ايه

بوم 25 يناير لما كلنا نزلنا محدش كان بيحركنا كنا نازلين بنطالب بحقوقنا انزلوا الجمعة وطالبوا بحقوقكم بس متخلوش حد يحرككم

أرنوب said...

اي ظابط جيش خـ** حينزل يتدارى وسط الحريم والعيال بكرة في ميدان التحرير انا حابلغ عنه الشرطة العسكرية
....
ويعني هي جت على الحرفين دول ؟ ماتكتبيهم بالمره .. ماهذا (النوع) من الكتابة السياسية بالضبط ؟ كتابة سياسية أم فرش ملايات قادم من حوش بردق ؟ على حد علمي لم يستخدم أي من والديك مثل هذه الكلمة القذرة سواء في مقالات سياسية أو أشعار نقدية .. تربية مين إنتي ؟

Lemonada said...

يخرب بيت كده... انتي حالتك بتتدهور يوم عن يوم وقلتلك كده امبارح على تويتر عملتيلي بلوك (كنوع من الايمان بحرية التعبير يعني)... انا مبقتش فاهماكي خالص عمالة تلفي وتدوري عشان تثبتي نظرية ان المجلس العسكري زي الفل واللي بيقوله الناس عن المجلس العسكري ده تخريف ودعوة للانقلاب... طيب من باب أولى بدل ما كنتي تتعبي وتناضلي كنتي من اولها قولي برضه ان مبارك زي الفل وان اللي بيدعوا لاسقاط نظامه دول عيال بتخرف وبتدعو لقلب نظام الحكم ودي برضه تودي على حبل المشنقة زي تهمة الخيانة العظمي اللي انتي ماشية توزعيها يمين وشمال زي البونبوني (طبعا مش بونبوني شفيق)
نصيحة من عابرة سبيل تاني (مع انك مقبلتيهاش امبارح) بس بقولهالك عملاً بالحديث انصر أخاك ظالماً او مظلوماً.... انتي بقيتي ديكتاتورية اوي واي حد يعارضك في الرأي يبقى تييييت في رأيك ده غير انك فجأة مسكتي طبلة وبتطبلي للمجلس العسكري من غير ما تفهمينا بتطبلي ليه... ماهو لو بينفذ المطالب قوليلنا واحنا نطبل معاكي, ومتقوليش اصله محتاج ضغط عشان انا اللي جالي الضغط

Alok Ray said...

على فكره فاكره الى احنا كنا مسمينه اللجنه الالكترونيه للحزب الوطنى ايام الثوره
هى موقفتشى ولا حاجه هى لسه شغاله بس فى اتجاهات جديده وعددهم قل فمتقلقيش قوى من الى بيتكتب على الفيسبوك
اما بتوع تويتر فاساسا معظمهم قاعدين بره والى ايده فى الميه مش زى الى ايده فى النار

Alok Ray said...

الحاجه التانيه ان هما حاولوا يشعلوا فتنه طائفيه مدبره لما فشلت حاولو يشعلوا فتنه بين المسلميين وبعضهم وشكلها بتفشل اهو ومش عارف هيعملوا ايه جديد وانا مش خايف من ده كله بس انا خايف من الناس الى لسه بتصدق التلفزيون ونفسى كل واحد يمسك ورقه وقلم ويكتب مواقف المزيعيين الامامير الى بيطلعوا يكلموهم على التلفزين علشان يشوفوا التحولات الى بتحصل كل يوم
وعندك مثلا عمرو اديب من ساعه مرجع ابتدى بالتحريض على الاضرابات الفئويه مرورا بالتهيج المشاعر الدينيه بين المسلميين والمسحيين واخر حاجه بيعملها دلوقتى هى التحريض على السلفيين . ربنا يستر لان انا الصراحه مش عارف خطوتهم الجايه ايه

خالدة سعيدة said...

حزت فى نفسى اوى انك جلوقتى فاهمه انهم مش نصابين وم امن دوله بس انتى بتعرضى على اسلوبهم فى التعبير عن متطلباتهم السلميه اللى زى وزيك لانهم نازلين بدون سلاح ولا عتاد عشان كده نازلين معانا مش هياخدونا كدروع بشريه هما لما يقولوا على فساد كلنا شايفينوا حتى انتى واللى برة يبقى انقلاب عسكرى
الحقيقه بقت واضحه وضوح الشمس ان المجلس متواطىء مع النظام واظرف الولاء كل فرد فى الجيش عارفها
http://www.channel4.com/news/egypt-after-the-revolution-allegations-of-military-abuse

خالدة سعيدة said...

بصى عشان تفكرى صح حطى كل المعلومات المتاحه قدامك وشوفى ايه اللى مايل للحقيقه والواقع الملموس اللى احنا عايشينه من بعد الثورة وسيبك من ويكيليكس
وعمر عفيفى وجمعى كده هتلاقيكى بتقولى نفس الكلام اللى هما طلعين يقولوة وان اختلفت الصيغ
بجد انت صدمانى اوى بطريقه تفكيرك دى

amr anwar said...

المستشار هشام البسطويسي في التحرير 8 ابريل

hassn hamdi said...

بصراحة إنتي محتاجة تتعالجي يا نوارة أو تقعدي مع نفسك وتفكري..
قلنا مليون مرة الجيش حاجة والمجلس العسكري حاجة تانية خالص
ولعلمك: الشرطة العسكرية أسوأ من أمن الدولة مليون مرة وأفسد وأطغى
بس انتي علشان ما شمتيش الجيش ولهانة في حب شوية قيادات مسبسبين ومسبلين
أنا بعذرك الصراحة علشان مراية الحب عامية
ولو قلت ليكي على كل اللي اعرفه وشفته بعيني في الجيش مش هتصدقي وهيتحكم عليا بالاعدام زي الفريق سعد الدين الشاذلي الله يرحمه بتهمه افشاء اسرار عسكرية
يتفضلوا قيادات المجلس يسلموا السلطة لمجلس رئاسي مدني ويخلوا مجلسهم لحماية الثورة والاشراف على المرحلة الانتقالية ومراقبتها بدون فرض قرارات ولا قوانين ويدوا السلطة للشعب
تقدري تقوليلي ليه عمر سليمان مترشح للرئاسة ومجدي حتاته مترشح ليه هو كمان وليه شفشفق باشا مترشح اللي بتوع المجلس بيقولوا عليه انه راجل شريف وهمه عارفين انه حرامي كبير
تصدقي بالله؟
لولا ان الشعب مع عصام شرف كانوا صفوه أو لفقوله تهمة
فوقي الله يكرمك قبل الطوفان

Unknown said...

http://www.telegraph.co.uk/news/worldnews/wikileaks/8309792/WikiLeaks-Israels-secret-hotline-to-the-man-tipped-to-replace-Mubarak.html

انا جايب الخبر ده مخصوص علشانك يا ست نوارة، حتى لو مش هتنشري تبقي قرأتيه و خلصت انا ضميري منك قدام ربنا، الخبر ده اتنشر في التليجراف يوم ٧ فبراير، و كان بيقول ان عمر سليمان رجل اسرائيل المفضل بحسب وثائق ويكيليكس و كان بيقول انه دعى كمان ان الجيش الاسرائيلي يحتل محور فلاديفيا لو شايفين انهم هيعرفوا يسيطروا على الانفاق، و انتي بقى ما صدقتي من ساعتها و كل ما تيجي سيرته تتهميه بالخيانة العظمى علشان الكلمة دي، بس شوفي حكمة ربنا يا مؤمنة .. شوفي حكمة ربنا، الكلمة مقالهاش لوحده (و ارجعي لأم ويكيليكس اللي فلقتينا بيه) هتلاقي مين كمان كان بيقول البوقين الحمضانين اللي مش المفروض يتقالوا اساساً دول؟

ايه؟ بتقولي مين، ايوة سمعيني تاني، ايوة هو بعينه وزير دفاع مبارك و رئيس المجلس العسكري، يعني هما الاتنين قالوا لإسرائيل يا جماعة لو شايفين انكم هتعرفوا تحلوا موضوع الأنفاق معندناش مشكلة تحتلوا محور فلاديفيا، طيب يا ترى ليه عمر سليمان بس يبقى خاين خيانة عظمى للسبب ده في نظرك مع ان طنطاوي قال الكلمتين دول برضه؟، يا ترى ليه؟ انا مش هتهمك بأنك متواطئة مع المجلس و لا اي حاجة، انا نفسي بجد تقول لي ايه اللي يخلي الكلام يمشي على ده و ميمشيش على التاني رغم انهم هما الاتنين قالوها مع بعض.

بالنسبة للناس اللي بتدلق وراكي بدون ما تفكر (و انا بعتذر لهم بس مش لاقي مصطلح يوصف اللي بيحصل ده احسن من كده) الناس دي بقى يا ريت تدخل كده و تشغل مخها برضه و تعرف انهم كلهم كانوا عصابة مع بعض

و ده يا استاذة نوارة وثيقة ويكي ليكس من الموقع بتاعهم:
http://www.wikileaks.ch/cable/2007/12/07CAIRO3503.html

ما دام انتي شايفة ان عمر سليمان خاين خيانة عظمى ابقى قولي لنا بالنسبة لطنطاوي ايه النظام؟
و بالنسبة للناس اللي قاعدة تدافع عن المجلس ياخدوا نظرة برده كده و يقولوا رأيهم يعني.

جبهة وجع الدماغ said...

عمر عفيفي ياخونا راجل اهبل وعقيم وعندي دلالئل ومصايب كتير عليه ومكالمات تليفونية كتير كمان
نواره ده رقمي
00966563582543
ياريت تبعتيلي رساله وانا اكلمك واعرفك علي ناس فمصر تديكي كل شيء وفضايح عمر عفيفي
ضروري يانواره انا منتظر رسالتك

جبهة وجع الدماغ said...

عمر عفيفي ياخونا راجل اهبل وعقيم وعندي دلالئل ومصايب كتير عليه ومكالمات تليفونية كتير كمان
نواره ده رقمي
00966563582543
ياريت تبعتيلي رساله وانا اكلمك واعرفك علي ناس فمصر تديكي كل شيء وفضايح عمر عفيفي
ضروري يانواره انا منتظر رسالتك

جبهة وجع الدماغ said...

عمر عفيفي ياخونا راجل اهبل وعقيم وعندي دلالئل ومصايب كتير عليه ومكالمات تليفونية كتير كمان
نواره ده رقمي
00966563582543
ياريت تبعتيلي رساله وانا اكلمك واعرفك علي ناس فمصر تديكي كل شيء وفضايح عمر عفيفي
ضروري يانواره انا منتظر رسالتك

Unknown said...

يا نهار اسود على الكلام! إيه كمية الجهل و الفتي دي! نيمو ده جابك من الاخر. بقى بتدافعي عن واحد زي طنطاوي أول أحباب الرئيس...يعني زي ما سرايا و القط كده كانوا بيموتوا في الريس، طنطاوي جاله اللي يموت فيه و يشتغله مرشد و يبلغ في اللي يقف قصاده. و أحسن حاجة انك كالعادة فاكرة نفسك فاهمة كل حاجة و باقي البشر اللي تعارضك جهلة و أغبياء. فل.

فافى said...

نواره طبعا مش قصدى انى اعارضك على الفاضيه والمليانه لكن باالنوسبه للاظرف انا عارفاها من زمان اوى ان الموضوع ده موجود وعلى كل حال اعتقد ان دى مش تدخل تحت نطاق الرشوه واكيد مش حاجه غلط لانها متعارف عليها عند الكل مش سر يعنى انما انا طبعا مقتنعه بكلامك حتى لو المشير فاسد المغروض ان الخطوه دى مش وفتها دلوقتى خالص لان الجيش هو سقفنا دلوقتى والست اللى بتبفى عارفه ان جوزها بيخونها وتقول استحمل لحد ماربى عيالى وخصوصا لما جوزها يكون حنين ونحالها الريس وعملها حاجات كتبر حلوه فاهمانى؟

Unknown said...

يا جماعه انا اول مره اخش الجروب بتاعكم ......رسالتي لحسن راتب الشر:::ط اللي مطلعلنا الحقيييييييير سيد علي في برنامج لوحده على المخروبه المحور ....يا جماعه اي واحد عنده كرامه لا يسمح لهذا الحقير انو يطلع على اي قناه وشوفو انتو هاتعملو ايه ....انا عارف انتو ماتتوصوش

Hesham Aziz said...

انا حاسس اني ايام الحزب الوطني بس الالقاب و الالفاظ اللي اتغيرت لكن نفس الكلام و الاحساس يعني عميل و مندس و لجنه اليكترونيه و ناس بتعارض لانها دي شغلتها تقول ده وحش لكنها لا تستطيع التفرقه بين الغث و الثمين باه نواره نجم الوطنيه ابنة المجاهدين حييجي و لد او بنت مستخبيه وراء كومبيوتر علشان تزايد عليها مهو كل شئ باين عدونا الاكبر و الاخطر اسرائيل و عدو اسرائيل الاوحد الجيش المصري بقياداته ذات الخبره العظيمه هو انا لما آجي احارب حجيب العيل ظابط الاحتياط اللي قاعد في ميدان التحرير علشان يشخ علي روحه ويفضحنا ايه الكلام ده و بعدين تعالوا هوه في حد طالب بمكحاكمة مبارك الا من اسبوعين الكل كان عايزه يمشي بره مصر و اللي اتحفظ عليه الجيش لا الموضوع مش كده الموضوع مخطط اسرائيلي ذكي بيتحكم في انصاف متعلمين و عملاء موجودين بيننا

Unknown said...

سقطتي من نظري يانوارة زي ما غيرك سقط كتير بقي الناس اللي جايه تقف معانا نبلغ عنهم مع احترامي ليكي طظ فيكي لا وحلوه البلد دي بلدي وعندي شغل كتير! نفس نغمة بتوع الائتلافات

Unknown said...

البلد حاتضيع....لازم كرسى الرئاسه حد يقعد عليه بسرعه....كفايه بقى مسرحية المحكمه الهزليه دى ...لعبنا كثير وضحكنا كثير...سكوبى اجتمعت مع المخلوع لاختيار مرشح للرئاسه يرضيهم...اشربوا بقى...ليه مايكونش الضغط على المجلس بهدف الاسراع بالانتخابات الرئاسيه ومجلس الشعب....والضغط على الشعب اللى بيلعب ده لاختيار مرشحيه..خلينا نخلص بقى

El Kemek said...

http://www.youtube.com/watch?v=G793yhiMA5k&feature=player_embedded

اتفرجي يا نوارة وفرجي اصحابك بتوع المجلس العسكري وحبيبك طنطاوي
الجيش بيضرب نار على الشعب

sherif said...

رأيك ايه يا نوارة يا شرشوحة ياللي شكل المجلس العسكري و كنكاوي اشتروكي في اللي حصل انهاردة من مهزلة في ميدان التحرير؟ما تردي يا فصيحة جيلك

sherif said...

رأيك ايه يا فصيحة جيلك في الفضيحة اللي حصلت من المجلس حبيبك انهاردة في التحرير؟ما تردي ياللي شكل المجلس و طنطاوي اشتروكي شروة حلوة

amr_mt said...
This comment has been removed by the author.
Ahmad Alabassy said...

بت يا نوارة اكتبي للناس و عرفيهم ايه اللي حصل امبارح ماتتقمصيش و تعيطي عاللبن اللي اتدلأ ده مش وقته نبقى نعيط بعدين صحيح إن في غلط من الطرفين الجيش و المتظاهرين إنما شغلي دماغك شوية ... مش من أول مطب بعد الثورة نقع و نتكفي على وشنا اللي حصل حصل شغلي دماغك و اكتبي في ناس كتير بتحترمك منهم أنا ... إنما فوقيييييييييييي انت فاكرة الأرض هتتفرش ورد تحت رجلين المصريين علشان يشدو حيلهم لاااا ... إذا كنتي هتخسعي و تفطسي في نص السكة يبقى أنا كنت غلطان لما حسيت إنك واحدة من اللي اقتنعو إن الثورة دي خلت نفسنا أطول مش قطعته ... جرى إيه مفيش داعي تقتنعي إن هو ده آخرتها ... ولما استحكمت حلقاتها فرجت و كنت أظنها لا تفرج

Wardaya said...

طب ايه رايك يا نوارة في الفيديو ده يا ريت تشوفيه كويس من الاول للاخير و قوليلي ده كمان خاين و بطيخ و كلام اهبل فوقي يا شيخة منك لله
http://byan.freemix.tv/
و انتي بجد ينطبق عليكي الي قاله احمد سعيد

ياسادة ياشباب يامناضل ياللى نزلتوا يوم 28
مينفعش دلوقتى تبقوا سياسيين
مافيش مناضل تحول الى سياسى وفلح فى السياسه
فى الاخر بيتسك على قفاة
ويلاقى نفسه من غير ما يحس بقى عميل فعلى للنظام
ولما بيفكر يرجع تانى لصفوف المناضلين مبيعرفش
لأنه بيكون منبوذ
منبوذ وفاقد للمصداقيه
وبيبقى زى اللى رقصوا عالسلم
لا اللى فوق شافوهم
ولا اللى تحت سمعوهم
وساعتها
مبيبقاش قدامه الا حاجه واحدة
انه يتحول الى كلب
كلب للنظام .

فياريت السادة ( المتسيسين ) يفكروا شويه , ولو حسوا انهم مش فاهمين يبقى السكوت نعمه , بدل ما يخربوها ويقعدوا على تلّها .

-----
و الله مش عارفة يمكن كنتي من الي صورهم الشرطة العسكرية و كشفو عليكي و هددوكي مثلا و لا ايه بالضبط؟؟؟؟
اما العقيد عفيفي يا ريت لما انتي مش عارفة مين هو و عمل ايه و منين بجيب اخباره اركني على جنب بقى و خليكي في حالك
سلام

noha haggag said...

@Nemo
الله يفتح عليك ... 9 نقط فندت فيهم اللى قالته نوارة صح.... مع احترامى برضه لكلامها

Unknown said...

يا نوارة الانتصار الرقم اللي بعثلك منه عمر عفيفي الرسالة بيبدا بالمفتاح الدولي للاردن
00962

Wardaya said...

@awisaka
اديك قلتها
ازاي هو في امريكا و هيتصل من رقم اردني و ليه ؟!
عشان تعرف ان البوست ده مش تمام

Ibrahim Zaki said...

بقولك إيه يا عسل.....بس من غير شتيمة
أنــــا معـــــجب