بسم الله الرحمن الرحيم الاجابة تونس
- بالنسبة لمصر.. هو حد خايف من بتوع اسفين يا ريس غيري؟ يمكن انا بقيت برانويد
اصل يعني بتوع اسفين يا ريس دول بيهلوسوا، يعني مش لما يخرجوه من السجن الاول يبقى يتكلموا عن اسفين يا ريس؟ هو ريس؟ وبعدين دي لابساه لابساه، لو تهرب من الفساد المالي، حيتهرب ازاي من القتل، لو اتهرب من القتل، حيتهرب ازاي من الاهمال، لو اتهرب من الاهمال حيتهرب ازاي من الخيانة العظمى
لابس لابس يعني
طب امال انا بقيت قلقانة على طول ليه؟ وحاسة ان المصريين كلهم بقوا من النوع القلقان عمال على بطال
طيب.. عموما احنا معانا الله
واحب اقول ملحوسة.. الصعايدة محتاجين يورونا نفسهم بقى شوية، من غير زعل كده، لقد ثبت ان القمر افيد من الشمس، لان القمر بينور بالليل والدنيا ضلمة والشمس بتنور بالنهار والدنيا نور، من الآخر كده، ولاد البحر ورونا نفسهم وكانوا اجدع ناس، والصعايدة محتاجين يورونا نفسهم، من زمان المفروض ان الصعايدة دول مخزون مصر الاستراتيجي.... مش يعملوا لنا فتنة طائفية ويحبوا عمرو موسى وشفيق، هو فيه ايه؟ ماحدش يقول لي الصعيد كان مهمل، على اساس ان السويس هي اللي كانت باريس يعني؟
احنا قلنا في آخر يومين في الثورة للعمال: اتأخرتوا علينا، وبصراحة ما تنوش لنا كلمة وعملوا اضراب وبعدها بيومين المخلوع اتخلع
دلوقت بقى بنقول للصعيد لسه متأخرين علينا... وعندنا لسه مشاكل، منها اسفين يا ريس دول.. فين بقى جدعنة الصعايدة؟ الثورة المضادة مسئولية الصعيد يتصدى لها بقى، دوره جه.. لا بس باقولكم ايه؟ سلمية سلمية.. احسن تاخدوا الفرفر وتطخوهم ولا حاجة ههههههههههه
-----------
بالنسبة لسوريا
خطة التصدي: بالنسبة للبلطجية (الشبيحة) وقوات الامن، تتصدوا لهم بالطوب
بالنسبة للجيش تناموا لهم في الشارع وسلمية آخر حاجة قصاد الجيش، الجيوش لا تهزم الا بالدم، واي رد على الجيش حيكبدنا ارواح عشر اضعاف اللي حنتكبدها في المواجهة السلمية
القوة في العدد، والخطة تبقى زي خطة غاندي، سلمية بغباوة، والسلمية يعني تقابل الرصاص بصدر عاري، افواج افواج
لو الجيش انقسم يبقى العناصر المنضمة للثوار من الجيش تلقي سلاحها قبل ما تنضم
------
اليمن
خطة التصدي: خطة مصر.. اتحركوا بقى.. ناحية القصر، ناحية اي حاجة حيوية. واضراب كامل في البلد، مافيش عجلة على عجلة تشتغل
وانا شخصيا مش عاجباني المبادرة الخليجية، دول بيحاولوا ينقذوه
لا.. وقفوا له البلد خالص بقى، واتحركوا انتوا بنفس سلميتكم دي
----
البحرين
خطة التصدي: خطة اليمن.. تفضلوا في الشارع كده وسلمية سلمية بغباء
-------
ليبيا... ربنا معاكم بقى
ايه حكاية البدو المصريين اللي بيشتغلوا مع القذافي دول؟
عمر سليمان لازم يتحبس، هو اللي كان بيشتغل مع احمد قذاف الدم من زمان، الفلسطينيين لازم يساعدونا، لازم اي فلسطيني عنده قضية تعذيب يتصل بينا عشان عمر سليمان لازم يتحبس والا حتحصل كارثة في ليبيا
وممكن مصريين كتير يتئذوا في الظرف الحرج ده وهم يبقوا ابرياء، بس ما تلومش على حد انه في ظرف الناس فيه بتموت ممكن ياخد عاطل في باطل
وفين الدماء الصعايدة الحارة بقى؟ اهو ده دور الصعايدة اللي قاعدين في ليبيا، لازم ينضموا للثوار، او على الاقل يقفشوا المصريين المتعاونين مع القذافي، يعملوا عليهم لجان شعبية استخباراتية
وبدو سيناء برضه ملزومين يتصلوا بينا عشان القضايا اللي ضد عمر سليمان
اتصلوا بمالك عدلي
0101044264
والله الموفق
42 comments:
حلو والله الموفق دي هههههه بيانات عسكرية؟ اوكي ابتدي بأيها المواطنين الشرفاء عشان يبقي بيان رسمي متميزة قوي خطة معاكو ربنا بتاعة ليبيا أصل فعلا دول محتاجين معجزة والظاهر اوروبا قسمت نفسها نص يلعب ضد القذافي ونص يلعب معاه عشان ليبيا تبقي خرابة رسمي الله يحرقه فضل جاثم عالبلد لحد ما هيحل عنها وهيه كوم تراب عالعموم ربنا يدافع عن ليبيا وينصرهم وينصر كل الاحرار والله المستعان
اسمحيلي يانوارة، انا بختلف معاكي في المرة دي،وتحديداً بالنسبة لليمن والبحرين، اظن الأنسب لليمن هو الاضراب وتصعيد العصيان المدني بس التحرك للمواقع الحيوية ممكن يسبب نزيف دم، وساعتها ما حدش يعرف القبائل المسلحة ممكن يفلت عيارها. وخصوصاً اذا عملت ايادي خفية على التشويش وده مؤكد. اما بالنسبة للبحرين فربنا معاهم، حكايتهم حكاية ومحتاجة عتاولة في التحليل والتخطيط. وسلمية سلمية لوحدها مش كفاية ليهم، ومش حتؤدي إلا إلى الدم في حالتهم. انا ما بقولش انهم يحتذوا نموذج غير سلمي، لأ أبداً، بس برضه هم حاجة مختلفة عن الكل. وموضوعهم بصراحة محتاج قعدة لوحده. وسوريا كمان، الموضوع محتاج تفكير ومش بسيط ابداً.. واظن نموذج اليمن هو الافضل ليهم.
ههههههههههه حلوه يا نواره نظام البيانات العسكريه دى ... ربنا يقويكى
النهارده الجزيره عملت حاجه عجيبه يانواره .. كان في مشهد على اليوتيوب في اطلاق نار بعد تشييع جنازه وواحد متصاب او مات وطالع من راسه نفورة دم منظر متعب .. تيجي الجزيره تشيل منه مقطع الراجل خالص ومتجبش غير الدم على الارض ده من امتى انشاءالله؟؟؟ ما انتو بتجيبوا اسوأ من كده بكتير .. مش عايزين الناس تشوف الضحايا ليه؟؟ علشان مايستفزوش ؟؟ شكلهم وحش اوي .. طب مش مؤيدين لثورة سوريا ليه؟ .. الله الموفق والمستعان .. ربنا معاكوا يا اقاربي واهلي ربنا معاكم ياكل اهل سوريا .. كلو اتخلى عنكم
mesh hayenfa3 el kalam daa fee el bahrain, la2en elly beyedrab feehom geesh men balad tanya, mesh hayefra2 ma3ah yemawethom kolohom!
الليبيين تم فرض الحل العسكرى عليهم..مش بمزاجهم...القذافى وعصابتة دة بيتعاملوا مع ولاد بلدهم ولا اليهود...واديكى شفتى كلام القذافى عن حبوب الهلوسة ...راجل بتنجان اساسا
والله مشكلتنا دلوقتي الخوابير الخليجية اللي بتطلع تحمي الحكام الاوساخ اللي هما زيهم بس دول معاهم فلوس كتير اوي لدرجة انهم بيقطروا على شعبهم ومن كتر الفلوس القطره كبيره والشعب الخليجي فرحان واول بلد القطره قلت فيها (البحرين) حسوا انهم بيتسرقوا وبيتحكمو بشوية حراميه ودول مش عارف هنعمل معاهم ايه ياريت الاخوه الهنود والآسيويين يعملو ثورة ويريحونا منهم
يا نوارة مع احترامي الكامل .. الأستاذ مالك عدلي و الأستاذ خالد علي مش معبرين حد!!!
وصلنا لملفات بخصوص عمر سليمان مع أهلنا في غزة ومش عارفين نوصل ليك يا ست الكل وعيب أوي لما نتصل بالأستاذ مالك و الأستاذ خالد ولا بيردوا علينا ولو ردوا بيوعدوا وما بيصدقوش .. راسي بقت زي السمسمة مع أهلنا بغزة.
انا بعت ليك ميل على الياهو .. فيا ريت تقرأي الإيميل و جربي وشوفي احنا هنجيب نتايج ولا لأ!!
مجموعة جمع الأدلة ضد عمر سليمان أهي
حملة جمع الأدلة ضد عمر سليمان
احنا نحمد ربنا ان نمتعملش استفتاء على مبارك بعد خطاب اول فبراير اللعين لان الصعايدة كانوا بيايدوة بغباوة مش عارف على خيبة اية احنا برضة مقصرين فى حق الصعيد لازم نرجع نوعيخهم ونعرف هم شايفين مصر ازاى ونعرفهم شفيق اية وعمرو موسى اية لان اغلبية مصر متعرفش ان شفيق كان من العصابة وكان بيدى تطوير المطارات اسناد مباشر بالمخالفة للقانون وعمرو موسى وجة العملة الاخر لمبارك مع ان لو الاغلبية جابت حد منهم هنرضى والجذمة فى بقنا
ربنا حيحاسبك علىالتعليقات من نوعيه احنا عايشيين فى البحريين وعارفيين ان الشيعه بيستحلوا دم السنى وعرضه وبيخطفو البنات السنه ويغتصبوهم لأنك بتساعديهم ينشروا الفتنه وفيه سزج ممكن يصدقوا ارجوكى لو معندكيش وقت تقرى تعليق ما تنشريهوش
ست الكل مساء الخير
الشبيحة ليس البلطجية ، الشبيحة من شبح أي القناصة الذين لا يراهم أحد
أما بخصوص اقتراحك أو ما أطلقت عليه خطة غاندي
يا النوارة أنت تتجاهلين الخصوصيات الثقافية ، كما تتجاهلين رموزها ودلالاتها. والثقافة تعكس أسلوب كل شعب في إبداع شروط حياته. لهذا فإن الثقافة الهندية شيء والثقافة العربية شيئا آخرا. يا النوارة الثقافة العربية تقوم على فكرة الشهادة و الاستشهاد. وهذه لها معاني ودلالات أخرى مغايرة للثقافة الهندية و الأسيوية عموما التي تتأسس على فكرة الطاعة و الامتثال
أما الثقافة العربية من سماتها الرفض ، من سماتها المقاومة، ولهذا نجد الكثير من المثقفين العرب وعلى رأسهم حسن حنفي ،الذي لم نسمع له صوتا أثناء الثورة، يسعون لتأسيس ما يطلقون عليه ثقافة المقاومة
تحياتي الصادقة
ملحوظة
هل اشتريت الكتب التي نصحتك بها وإذا ما عندكش فلوس أنا مستعد أسلفك وبدون فوائد والدفع بالتقسيط
أجمل التحيات
لالالالالا ياحاجة....بالطريقة دي الميكروباس
لن يتحمل..ولن يصمد..ساعة جوه..
وساعه بره..لالالالا حرام يا حاجة..فين العربية هتتحمل الجري ده حتي الكارته ماعرفين نكملها..سلام عليكم ..سلام عليكم
شوفيلك سواق تاني ومنادي تاني.....
يخرب بيت اللي يزعلك......
أتصلي أنت بمالك عدلي..أنا دهست الموبايل بتاعي.....وبيعي الميكروباس ده
وشه شؤم
كلام جميل لازم تتعمل حركات سياسيه مصغره ونلم كل العناصر الرافضه لمبارك ونكتلها علشان تبقى هى ظهرنا
+
توضيح نوايا الحركات الدينيه المستتره ( اخوان , متصوفه , الجماعه الاسلاميه )
+
الكشف عن الخلايه السريه لامن الدوله عن طريق شيوخ القبائل
+
الكشف عن الخلايه الخامله سياسيه امثال ( الشيخ يعقوب وابو اسحاق ) و العالم دى
+ محاصره متظاهرى الصعيد بمظاهره مليونيه كبرى رافضه لقطع السكك الحديديه و لاى وجود لمؤيدى مبارك
+
استخدام منشورات و عربات مزوده يمكبرات للصوت لزياده و عى الناس و كشف الحقائق نظام مبارك
كده يبقى كل حاجه فى السليم و اى تشكيل لامن الدوله حينهار امام تلك الخطه المحكمه
دا بالنسبه لمصر
_____________________________
اما بالنسبه للبحرين فا علاجها انك تضغطى على السعوديه لغايه ميفرفروا
لان الخليخ باكمله مفهوش جيش نظامى و هم بيتواكلوا على السعوديه
دا غير ان العائله المالكه فى المملكه
مبطقش ايران و كل حاجه بتعملها تعد تطلع فيها تفاتيك العبر
و خدى الكلام دا منى ثقه دول بيغسلوا دماغ شعبهم غسل و بيدخلوا اوهام المد الشيعى و مجاهدى خلق والكلام الفاضى الى مبيوديش غير للحمام
مع العلم ان ايران ملهاش دعوا بموضوع البحرين المسئله مسئله تصفيه حسابات سعوديه - امريكيه ضد ايران
لازم ندعمهم انشله بالكلام بس اهم حاجه لازم ناخد موقف ضد السعوديه لان الى بيحصل ده مسخره ممكن نتكل على تركيا فى موضوع المعونات للثوار او اى قوافل هم اقرب وافضل
لازم حد من الحركات المدنيه فى تركيا يعمل حاجه
و مفيش حل غير الغباء السلمى
حاولى تشوفيلك منفذ معاهم
دا بالنسبه للبحرين
___________________
اما بالنسبه لليبيا فا دول مشكلتهم صعبه تكاد تكون مستحيله
واحنا عندنا مشكله ان معظم المصرين الى هناك معدمييين ومعاهم اطفال و نساء يعنى فكره انضمامهم للثوار صعبه لاكن احنا ممكن نعمل كماشه على معمر
تونس تضغط و تحاول تستفزه علشان يقوم هو يحاول يضربهم فينفضح
مصر تدخل سلاح خفيف و معونات وتستمر القوافل فى الدخول
تصعيد اعلامى مصر الى اقصى درجه و كذلك فى تونس
دعم معنوى و مادى للثوار
الاعتراف بالمجلس الانتقالى الليبى انا مش عارف هم فى مصر مستنين ايه
وربنا معاهم
دا بالنسبه لليبيا
_______________________
اما اليمن فهم ضاربين مثال فى ضبط النفس و خصوصا ان الشعب كله مسلح وكلهم معاهم خناجر
لازم العصيان المدنى يتصعد لازم لازم
+ الدعم المعنوى فى الاعلام
و ناخد موقف من حكومه على عبدلله صالح
وربنا معاهم و مع الجميع
سلام مؤقتاً يا نواره
____________________________
اى استفسار او اى حاجه حد عاوزها انا موجود
http://misr25jan2011.blogspot.com
يا خالة نوارة الصعيد مشارك من اول يوم سواء فى التحرير معاكم أوهنا فى الصعيد رغم ان أقوى قبضة امنية فى عهد المحخلوع كانت عندنا فى الصعيد وخاصة فى أسيوط عارفة يا مؤمنة كانت أسيوط مركز تدريب وزراء الداخلية فى مصر المتعوسة على سبيل المثال زكى بدر والألفى وعبد الحليم موسى ورغم القبضة الامنية كنا شغالين وعلى فكرة بتوع اسفين يا ريس دول شوية معوقين ميتخافش منهم
قدم أبو عمر المصري بلاغا للنائب العام طالب فيه بالتحقيق مع عمر سليمان اتهمه فيه بأنه كان المسئول عن إدارة برنامج (التسليم الاستثنائي) بتفويض من وكالة الاستخبارات الأمريكية منذ بداية عام 1995 وان لهذا البرنامج دورا فى خطفه من مدينة ميلانو الإيطالية
عاااااااااااااجل يا نواره النقابات الطبقه الثالثه من الفسادكلها بلاوى تمتد لجمال مبارك والحاشيه مفيش معانا مستندات بس هم ماسكين فى رقبينا وبيتحكموا فى ارزاق البلاد والعباد ونازلين فينا ارهاب وتهديد بدعاوى تشهير لان ما فيش فى ادينا مستندات مافيا يا نواره وبيهددوا بخراب بيوتنا وفصلنا والاشتغالات الى انتى عارفاها انا واحده من نقابه المرشدين السياحيين حالنا واقف من بدايه الثوره وده عندى مش مهم انا عايزهالثوره دى تنجح بس البلد كمان تطهر واولها نقابتنا الفاسده بس هددونى برفع قضيه ضدى بدعوى التشهير والقزف والاشتغالات اياها وباقى الناس يا اما مقسمه التورته يا اما خايفه يا اما سلبيه فى مافيا اسمها النقابات لازم تتحل وتيجى من فوق احنا نقابه صغيره ولا ينطبق علينا قانون 100 للكن هم مضبطين امورهم على الاخر تواطئ من وزاره السياحه والنقابه والشركات الى بيزلونا وبنشتغل بكلام فارغ محدش بيحاسبهم ومتحكمين فى ارزاقنا مافيا بتوع الوزير الى اتشال جرانه الطبقه الى تحته لسه قاعده ووراها بلاوى هيه والنقابه وبتوع الشركات الى بيفتح بيقه بيلفقوله تهمزى ما فى تطهير فى المحليات وحركه المحافظين لازم النقابات كلها تتحل الصغيره قبل الكبيرهلازم تيجى من فوق فساد وارهاب النقابات بقايا مباركستان لازم يمشوا هم دول بتوع الثوره المضاده الى لسه فى اماكنهم والمفروض انهم يحطوا الدستور ويبقوا لهم تمثيل فى مجلس الشعب
شوفي يا ستي الهم اللي اسمه : يحيى الجمل
فراج إسماعيل | 24-04-2011 00:39
نريد أن نفهم كيف تتسرب مستندات تؤكد أن الدكتور يحيى الجمل نائب رئيس حكومة الثورة يعمل مستشارا قانونياً للمتهم الرئيسي في موقعة الجمل ابراهيم كامل المحبوس حالياً في مزرعة طرة، ويظل في منصبه؟!
نشرت خبر تلك المستندات عدة صحف في أوائل أبريل الحالي، ومع ذلك ما يزال الرجل رابطاً كالوتد. لم يسأله أحد، ولم يهتم رئيس الوزراء عصام شرف، مع أن هذا العمل يعني تضارباً في المصالح، لأن المسئول الثاني في الحكومة يقبض راتباً من متهم محبوس احتياطياً وقيادي بارز في الحزب الوطني المنحل ومفكر التوريث.
أوضحت المستندات أن الجمل مستشار قانوني للشركة المصرية للمنتجعات السياسية التي يرأسها، وثبت في محضر اجتماع الجمعية العمومية غير العادية لتلك الشركة، المنعقد في 26 أغسطس 2010 تفويضه للدكتور أحمد الصباحي لحضور الاجتماع.
حركة "مواطنون ضد الغلاء" تقدمت ببلاغ للنائب العام للتحقيق مع الجمل حول هذه المستندات الخطيرة. واتهمته أيضا بمساندة رجال الأعمال من خلال الدفاع عن مرسوم قانون يتيح لهم التصالح في القضايا المنظورة بعد دفع مبالغ زهيدة لا تتفق مع حجم الأموال التي استولوا عليها من جيوب المصريين. أي أن أحمد عز على سبيل المثال يمكن أن يخرج بريئا مقابل أن يدفع مبلغا معينا!
ده جزء من المقال ده
http://www.almesryoon.com/default.aspx
مش بحب اتشائم بس الراجل ده وشه مش بيجيب الا الشر
طيب ممكن تشوفيلنا مبارك ماله مش قادرين يحبسوه لغاية دلوقتي و بيتلكك لهم بصحته رغم اني متأكدة انه زى الحصان
مخطئ و متواطئ من يظن أن ما يجري في سوريا هو ثورة, الامور باختصار مخطط تكلف ثلاثة مليار دولار, حيك لسوريا و كما رصدت له ميزانية ضخمة, تم تجنيد عدد من المأجورين, و وضع فيه عدة سيناريوهات و خطط. و هناك ثوار في درعا..لا ليس ثوار, في درعا محافظ و موظف امني فاسدين تورطا بمعالجة خاطئة لوضع كان يتطلب حكمة, لكن عالجوه بقسوة و غير مسؤولية, فثارت الاهالي عليهم, و خرجوا مطالبيت بالثأر من المحافظ و المسؤول الامني, وهما الآن بعد مقابلة وفد من درعا للرئيس في السجن ريثما يتم التحقيق معهمو يأخذوا عقابهم.
و في اللاذقية خرجت ناس تطالب بمطالب محقة, و إندس معهم جماعات مسلحة أعمارهم مأجورة لا تصل للعشرينمن العمر, أودت بقتلى من المدنيين و الامن.
و كانت جملة اصلاحات حصلت في سوريا أهمها :
تغيير الحكومة
إقرار قانون الحريات
إقرار قانون الإعلام
إلغاء العمل بقانون الطوارئ
تفعيل قانون الاحزاب
سن قانون التظاهر السلمي
رفع الأجور
محاربة الفساد
أما عن منجزات الفورة السلمية فكانت:
1-حرق العلم السوري اثناء المظاهرات السلمية
2 حرق المقرات الحكومية التي هي ملك للشعب وليس حكرا ً لأحد .
3-اثارة النعرات الطائفية التي لم نسمع بها الا عندما بدأت المظاهرات .
4-قتل أفراد الجيش وقوات الأمن و التمثيل بجثثهم... و مالووو
5-اشاعة الفوضى ومحاولة النيل من هيبة الدولة
6-بث وتلفيق مقاطع كاذبه للتحريض واللعب على وتر الدين
هم يروجون لفكرة اسقاط النظام لان بديلهم جاهز, أغبياء.... عبد الحليم خدام الخائن؟؟!!!!! أو فريد الغادري الذي تبرأ منه والده من اكثر من عشرة أعوام؟؟!!فشروا
ثم كم سوري خرج متظاهر و ضد النظام بكل سوريا ؟؟؟ عشرة الاف؟؟عشرين الف؟؟ طيب لو فرضنا كانوا خمسيييييييين الف, ماذا تفعل نسبة خمسين الف من اصل تلاتة و عشرين مليون؟
أنا لست مضطرة لأن أكمل شرح و أوضح صورة الكل يحرص على عدم رؤيتها, فليظل كل طرف على الجنب الذي يريحه, و الأيام ستوضح كل ما هو مخفي.
فلتبقى وسائل الإعلام ...وسائل تعتيم
و ليبقى القرضاوي ينعق كالبوم منادياً بالجهاد و هو قابع في بيته قرب القاعدة الامريكية في السيلية بقطر و يهتز زجاج منزله كلما حلقت او حطت طائرة حربية امريكية, و السي في الخاص به عامر بلقاء مع الصهاينة و مصافحة لزوجة امير قطر,و رقبته مثقلة بدم كل من سقط في سوريا, و كتير من الفتاوى اللي سيواجه ربه بها, و أثبت أنه مصاب بالإنفصام شخصية... فبشار هذا الذي هاجمه و استعدى المسلمين عليه, هو هو بشار الذي التقاه منذ ثلاثة سنوات و مدحه و تغزل به و بسياسته الحكيمة و بحب الشعب له!!!!
و ليبقى العرب صمٌ بكمُ عميٌ رغم ما يبدو من ملكيتهم لهدهد سليمان بحيث كلهم يعرف كل تفصيل بكل بلد.
و لتبقى الجزيرة منور من لا منبر له, على فكرة هناك اعتصام من خمسة أيام أمام مكتب الجزيرة بدمشق و طبعاً لا يجرؤون على الاشارة إليه, و هذا ما يبرر اغلاق الستائر خلف الضيوف السوريين كي لا يظهر الرأي الاخر.
و ليبقى الصديق عدو مخفي
و ليبقى عزمي بشارة برسيل للمؤسسات
و لتبقى سوريا .... سوريا
و ليبقى الوضع على ما هو عليه
و الأيام جايي
في دعوة عن المدعوق سليمان اهي ... ابو عمر المصري هيقدم فيه بلاغ ...ينفع دا ؟
http://www.almesryoon.com/news.aspx?id=56811
في دعوة عن المدعوق سليمان اهي ... ابو عمر المصري هيقدم فيه بلاغ ...ينفع دا ؟
http://www.almesryoon.com/news.aspx?id=56811
انا مفيش حاجة واجعة قلبي اكتر من سوريا واللي بيحصل فيها اهل سوريا جدعان جدعان وهيقفوا للاخر بس يعينى الحيوان المتوحش ده بيضرب فيهم بكل بشاعة وحاسة ان محدش واقف مع سوريا زى ما العالم وقف مع تونس ومصر ياريت يانوارة تفهيمينا لية سوريا بيحصل معاها كدة ولية محدش بيكلم عليهم هما مستنين اما الحيوان ده يضربهم بالجيش زي ليبيا ولا اية مش فاهمة
حال يشعر بألأحباط، ليبيا لها شهرين والقذافي نازل قتل في شعبه، ومش عارفين متى حايتوقف، وسوريا نشار الخشب، بدء على تقيل كمان، والله يستر من اللي جاي، واليمن لهم 3 شهور في الشارع وهم يقولو سلميه سلميه، والأخ يقلهم فاتكم القطار، ومصر نفسي أقوم الصبح أسمع خبر حلو من غير مايكون فيه نكد، وفتنه، وقلق، على رأي القذافي إلا الأمام يا مصر إلا الأمام .
الصعايدة يوروكى نفسهم ازاى يعنى وبعدين ايه علاقة عمرو موسى و احمد شفيق بقنا و بعدين الوضع فى قنا ان الناس معتصمين فى الشارع وليهم مطلب مشروع و الحكومة بتعتبرهم خارجين عن القانون ومتحدين لسيادة الدولة يعنى الوضع هناك لا يحتمل (احسن تاخدوا الفرفر وتطخوهم ولا حاجة ههههههههههه )
بقالي كتييييير ما علقتش عندك و ضححكت ضوحك السنين و أنا بقرا البوست
بس حابة أسألك سؤال بما أنك ما بقتيش متبعاني على تويتر و لا بتردي عليه :(
أنت إزاي بجد طلعوكي عميلة لآل حريري ؟؟؟؟ أصل ربنا عرفوه بالعقل يعني
ليه مبارك مابيتحاكمش بتهمة عدم تنفيذ حكم المحكمة بوقف الاحتفال بمولد أبو حصيرة ؟ حد يقدم فيه بلاغ بكدة
بينقلوا المخلوع بالتقسيط http://www.dostor.org/politics/egypt/11/april/24/40705 يا ريت بيقى يستسمحوه كمان لورضي يتنقل و مش عارف كمان شوية ممكن يقولوا ان حالته الصحية لا تسمح بالمحاكمة او الحبس و عارف ان فيه كلام اتردد من مده و نفوه بس برضه ترديده يقلق و مش متأكد ان ده فعلا موجود في القانون و لا لأ بس لو موجود يبقى خطر اكبر... بينقلوه بالتقسيط المريح و زي ما كنت متوقع في الاخر اذا اتحبس اذا اتحبس هيتحبس في مستشفى بعد ما اكد كبير الاطباء الشرعيين ان الارتجاف البطيني اللي عنده ممكن يموته في اي لحظة يبقى كده بانت و كل شئ انكشف انه بان انه مش هيتسجن و بقول أكد طبقا للخبر المنشور في الدستور و اللي حطيت الرابط بتاعه فوق يعني هيعد في مستشفى و مش بعيد بسمحوا لبتوع انا اسف يا ريس يزروه و يبعتولوا ورد و كروت تتمنى له الشفاء العاجل... اللي ورد في الخبر مقلق جدا و اساسا ما حدش متأكد ان عياله و ...مراته في السجن... نصيحتي لكل قاتل او لص انه يبقى عنده ارتجاج بطيني عشان مايخدش اعدام و لا يتسجن حتى لو سارق سبعين مليار من دم شعبه و لحمهم و يمكن كمان ياخد تسريح عشان حالته الصحية لا تسمح بالحبس و نصحتي لأي سفاح برضه انه يشوفله كده كام مرض تانيين يمكن يجيبوله براءه و يحولوا المحاكم اذا ده حصل فعلا الى مصالح للتأمين الصحي و السجون لمستشفيات... و اللي مات مات و اللي اتيتم اتيتم و اللي اترملت اترملت و اللي راحت عينه راحت المهم الرحمة بالمرضى اهم شئ يا جماعة و مش مهم هما عملوا ايه... مش هنسكت مش هنسكت و مش هنسكت ... طب بجد فين عياله و مراته بقى؟؟؟ عاوزين نطمن و لا كمان شوية هنلاقي عندهم ارتجاف بطيني... و يمكن انا كتبت قبل كده و عندك هنا كمان و قولت ان لازم يظهروهم للشعب و اللي يصور ممكن يكون من التوجيه المعنوي او المصورين الاخباريين الموثوق فيهم... و ان المحاكمات للناس دي تكون علنية و فيها شفافية تامة لأن مش هقول الاف هقول ملايين بينهم و بين الخلوع و عيلته الف تار و حق مغتصب و دم و اهانة للبلد و تقزيم و تصغير و تحقير... بقول اذا ما اتحاكمش بجد و بجدية و اتأكد الشعب انه هو و عياله و مراته اتحاكموا بجد ممكن الامور في مصر تطور للأسوء و هتبقى دي اخر وقعة بين الشعب و المجلس العسكري و هتبقى بجد نهاية الثقة بين الشعب و المجلس و بلا عودة في ظل الحوادث اللي اتكررت اساسا من المجلس و انه مابيتحركش الا بالمليونات... يارب يكون المجلس واعي لده و مايسمحش ان ثقة الشعب فيه تهتز... و برضه قولت قبل كده حتى لو المجلس دايما و ابدا حسن النية فهو برضة المسؤول لأنه هو اللي بينفذ و بيحكم و البطء و الغموض بيدخلوا شياطين الانس و الجن و بيلاقوا فرص و بيئة صالحة للإثارة و عمل الفتن و ده برضه بسبب الغموض او البطء... يا مجلسنا و يا اي عاقل مبارك و محاكمته هو و اسرته على قد ما بينا و بينك حبال متينة من الود هي هو الامر اللي ممكن الموضوع ده يحول الحبال دي لشعرة ثقة بينك و بين الشعب و ممكن بسهولة تتقطع و هتكون دي النهاية بجد و مافيهاش اعذار المرادي بجد... الثقة اساسا قبل كل خطوة بتتهز و بترجع بس بجروح و علامات ارجوك داوي الموقف بجد قبل ما يحصل اللي يحصل و نرجع نقول اصل و كان و مش عارف مين اللي دبر و مين اللي قتل و مين اللي خطط و يجب ان نعترف ان حتى اللي كانوا بيهدوا النفوس دايما كان جواهم برضه شكوك و لو ضعيفة بس موجودة لأن البطء و الغموض شيئين مريبين و احنا ماحناش الهة و بنعرف الخبايا و النوايا.... اللهم قد بلغت اللهم فاشهد و ياريت يدوم الود و الثقة اللي بين الشعب و المجلس على الرغم من كل اللي حصل بس اللي اخطر ما سيكون محاولة و لو محاولة ايجاد مخرج لمبارك او التعاطف معاه و بجد و انا واثق ان ذكاء المجلس العسكري و حكمته اكبر من ان يسيبونا نقع في مصر في المأزق الخطير ده
نوارة، العبارتين دول جم فى المقال فى اللنك التالى (الكلام عن لسان ناصر قنديل) بخصوص الأحداث فى سوريا.
أنا سألت (رئيس فرع المعلومات المحسوب على حزب المستقبل) وسام الحسن: لماذا لم تقدم تقريراً عن محضر اجتماعك مع نائب مدير المخابرات المصرية في تاريخ 8 آذار 2011؟
فإسقاط هذه السوريا، حلقة الوصل بين قوى المقاومة وإيران، هذه السوريا الحاضنة لهزيمة إسرائيل الكبرى عام 2006 وفشلها وعجزها عام 2008 في غزة يمكن أن يغيّر وجه المنطقة، لأن هذا الإسقاط وحده يمكن أن يضمن أمناً إستراتيجياً لإسرائيل، وأن يحول دون تقدّم الثورة المصرية نحو فتح ملف العلاقة مع إسرائيل واستعادة مصر لدورها في الصراع مع إسرائيل ، ويمكن لهذا الإسقاط أيضاً أن يرد إيران لتكون مجرّد دولة منكفئة خلف حدودها، عاجزة عن التعامل مع القضايا الكبرى على مساحة المنطقة، ويكسر ظهر المقاومات في كل من لبنان وفلسطين بإفقادها شريان ورئة التنفس
http://www.almanar.com.lb/adetails.php?eid=38483&cid=83&fromval=1&frid=83&seccatid=23&s1=0
أنا مستغرب من خوفك من مخابيل الريس دول. عدد قليل و مافيش مخ. هم بس دبانة لخمانة كدة كل شوية بتزن و تلزق . الصعايدة-بجد-دورهم مع السلفيين. رئوس القبائل ممكن يروضوهم تمام. و يدوا شرعية للمؤسسات بشرط استشارتهم.
عجبتنى أوى الفمر أحسن من الشمس علشان هى طالعة فى النور. لو قلتيها لبتوع الريس حتلاقى أحلى تعليقات
قلنا حننضف يعد الثورة والاعلام المنحاذ حيتعدل لكن مفيش فايدة ديل اللي لمواغذة عمره ما يتعدل وقلنا برده مش حنتكلم في طائفية لاننا خلاص علي الطريق الصح ونبص لتركيا وماليزيا واندونسيا عاوزين نبقي بنادمين بقي لكن الاعلام الوسخ رجع تاني سؤال واحد فقط في القضية اللي في الرابط وانا معنديش اعتراض علي الحادث نفسه جريمة وبتحصل وحتحصل لكن سؤالي هو ليه كله معتم وليه كله مطنش وليه محدش متعاطف ولو الاسلاميين طلعوا يحتجوا ويعلوا الصوت حنلاقي الاعلام الحقير قادر يلبسهم الغلط ويطلعوا هما الارهابين وتنقلب الطاولة للاسف صوتهم عالي والتيار الاسلامي لا يملك اعلام موجه بتاتاhttp://www.almesryoon.com/news.aspx?id=56857
تعرفي فعلا ان محدش في منطقتي ولا في الشغل ولا الاقارب يعرفوا القصة لكن سبحان الله كلهم يعرفوا الودن اللي اتقطعت واللي سلقهه واللي حمره واللي ... انا بعلق علي الاعلام وليس علي الحادث نفسه
الله ينور يا عم جوزيه خطه لليمن وخطه لسوريا وخطه ربنا معاكوا للبيا ده انتي غلبتي حسن شحاته ....يا نواره المهم انا شايف اننا نركذ شويه مع الاخوه في سوريا بشار فضله كام يوم ويخلص علي الشعب كله ومش هامه حاجه لازم نعمله ضجه اعلاميه كبيره عشان يهدي اللعب شويه الناس متبهدله ربنا يستر عليه....
حينما بدأت متابعة مدونتك والمساهمة فيها بملاحظاتي كنت متحمساً لها ومتفائلاً بها .. فقد كانت أفكارك منظمة ومنطقك متماسك قوي ولغتك راقية .. لكنك رويداً رويداً - وبفضل حفنة من المصفقين عديمي الخبرة من متابعي مدونتك - أصابك الغرور فجنح إسلوبك إلى التعالي وألفاظك إلى السوقية والإبتذال وصار منطقك مفككاً هزيلاً إلا فيما ندر من البوستات .. فلما حاولت أن أنبهك لهذا - وأعترف أن لهجتي كانت حادة بعض الشيء - فوجئت بأحد المعلقين (يفرش لي الملايه) كأي عاهرة كباريهات فأضطررت إلى الرد عليه بالمثل مما لا يتفق مع ثقافتي .. وحيث أني لا أنوي أن أكرر ذلك مرة أخرى .. وحيث أني لم أشارك كمعلق من أجل أن أشتم أو أتشتم سيكون تعليقي هذا أخر مشاركة لي في هذه المدونة .. بل سأكف عن متابعتها قارئاً حتى .. فلم تعد تستحق المتابعة
مرحبا عجبتني خططك عندك رؤية شاملة واقعية .........اجدع من مورينيو
نواره تعليق بسيط جابوا في التليفزيون مصريين عائدين من ليبيا قالوا ان الثوار الليبين بيحتفظوا بالمصريين تحديدا في المينا وبيمنعوهم من السفر لان وجودهم بيوفر لهم حماية للمينا من قوات القذافي وده طبعا مزعل المصرين هناك وعملوا شغب في المينا علشان يخلوهم يسافروا وخصوصا ان ناس كتير ماتت بسبب انتظارها في المينا انا عارفة انت شايلة هم العرب كلهم بس انا عاوزة اقول لك حاجة الحرب مناورة يا نواره ومينفعش نفتح على مصر كل الابواب ونقف ونقول حننتصر لازم نناور لحد ما مصر تستعيد قوتها وطالما ان الدول العربية كلها بشكل عام وفي الموقف العام بتصرح تصريحات غير الي بتعمله من تحت الترابيزة خلينا مع الكذاب لحد باب الدار زي المثل ما بيقول وخلينا نتعامل معاهم على انهم صادقين وبلاش ننكشهم وخاصة ان امس جابوا في التليفزيون ان مصر مصدر لعدد كبير من سلع الحديد والاثاث والفواكة للدول دي وهم كمان بيوردولنا بس احنا بنصدراكثر فمش عاوزين نختلف معاهم حاليا لان اصلا عجلة الانتاج واقفة ومش عاوزينها تموت خالص وعاوزين نفكر بطرق لتنمية مصر مش لمناكفة العرب حاليا وطالما اجراءات محاكمة المخلوع ماشية خلاص سيبيهم يقولوا الي يعجبهم ونعمل احنا الي يعجبنا بس لازم ننمي مصر لان من لا يملك قوته لا يملك حريته
الى الشعب السوري الحبيب- نصائح
1-حافظوا على سلمية الثورة لأن بشار الان لم يعد امامه الا الحرب الاهلية وبذلك ايضا تضمنوا انضمام الجيش لكم او على الاقل انشقاقه
2-لا تقبلوا اي تاييد من السعودية او من سعد الحريري حتى لو بالكلام حتى لا تعطوا الفرصة لاحد يطعن فيكم
3-ارفعوا اعلام فلسطين وطلعوا بيانات تؤيد المقاومة والمقاومين حتى تخجلوا المقاومين الشرفاء ليكونوا معكم فأنتم لستم ضد فلسطين ولا المقاومة
4- لابد من القضاء على اي فرصة لبشار لجعلها طائفية وذلك بأن تبرزوا العلويين منكم وأكثرهم تأذى وظلم أيضا في هذا العهد البائس
ربنا ينصركم
العدل
جوهر الااسلام العدل ونحن ننادى بالحرية للبحرينيين لاننادى بها لانهم شيعة ولانعارض معهم نظام ال خليفة لانه سنه ولكن لان الله قال 7) يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ
ان الحرية ليست حكرا على احد وانما هى رسالتنا ننشرها بين الناس وانظروا لقول ربعى بن عامر لرستم قائد الفرس لما سأله رستم عن سبب مجيء المسلمين إلى الفرس فقال لهم ان الله ابتعثنا لنخرج من شاء من عبادة العباد إلى عبادة الله ومن ضيق الدنيا إلى سعتها ومن جور الأديان إلى عدل الإسلام و
هؤلاء الحكام قد فرقوا بين الناس وجعلوا اهلها شيعا فصار لزاما علينا نصرهم كما كنا ندعم الفلسطينيين من قبل
اه الى يدافع عن محمد الظواهرى يدافع عن كامليا شحاته ويترحم على سلوى عادل وبرضه يهنىء اخواننا باعيادهم وده لان ربنا قد امرنا ان نبرهم ونقسط اليهم والهم ارنا طريق الحق حقا وارزقنا اتباعا
ايام الثمانينات التي ظننا في سورياانها لن تعاد بعدما اصبح من الصعب اخفاءالمجازر تعاد الآن وبنفس الوحشية تقريبا
المجازر تحدث مداورة بين المدن في درعا وما حولها وفي ريف دمشق وحمص وبانياس واللاذقية والقادم اعظم
للأسف لا اشاهد اي خطة من الممكن ان تنقد الشعب السوري من القتل الممنهج الذي يتعرض له
ما اراه حقيقة هو ان الشعب لن يقبل بعد اليوم بالظلم والقهر وبالعودة لما قبل 15 آذار
والنظام جاهز ليخرب البلد بالكامل ولن يسلم بهزيمته امام شعبه
وعدد القتلى بارتفاع مستمر مترافق مع سفالة اعلامية حكومية غير مسبوقة
يا ست نوارة مالهم بس الصعايدة ؟؟؟؟؟؟؟؟؟ ما كفاية علينا الطود الراسخ والفكيه الدستورى دكتور يحي الجمل اللى مش شايفنا بنى ادمين اصلا وان كان صبرنا طويل حبتين بس ياخوفى لو ابتدينا شر هنضيع البلد معانا وانا بما انى صعيدي قناوى هوارى والله حمدت ربنا ان اللى كانوا فى التحرير من الصعيد شباب متعلم ونعومة ورقة جه بحري كانت طاغية عليه لان لو كان اللى فى التحرير الناس اللى انتى ما تعرفهاش من الصعيد كانت هتبقى مصيبة كبيرة وماكنتش هتبقى سلمية ابدا ابدا وبحمد ربنا لحد دوقتى انها سلمية فى الصعيد وان السلاح لسه ما طلعش...............بالمناسبة يا بت عمى ياريت تقولى للدكتور عصام شرف ان اللى باديهم الحل والربط فى قنا رجال القبائل اصلا ما يعرفوش التويتر ده ولا الانترنت من اصله ولا يعرفوا ان كان شىء بيقرأ ولا شىء بيتاكل يعنى لو عايز يخاطبهم يروحلهم هناك وهنشيله فوق روسنا من فوق واللى هيقول عليه هنمشيه ولا احنا اقل من بتوع سيناء ؟؟؟
الى حازم الهوارى
ماشى يا بو هوارى والراجل وعد اول ما يرجع من الحجاز لتكونوا اول زياراته ورونا الهمة بقى
دكتور عصام شرف له فى قلوبنا محبة كبيرة وندعوا له بالتوفيق ولكن نرجوا من الشعب المصري قبل المسئولين ان ينظروا لاهل الصعيد على انهم مواطنين مصريين مثلهم واننا نموت عشقا فى تراب مصر واننا لم نكن نريد بما يحدث الفتنة او تعطيل مصالح البلد ولكن تجاهل الحكومات لمشاكل ابناء الصعيد وبالتحديد قنا والتعامل معهم على انهم مواطنين درجة تانية هذا ما يحبطنا ويشعرنا بالمرارة
Post a Comment