Friday, 29 April 2011

لقد نزل علينا الخبر كالصاعقة

تحديث:
يعني ايه الكلام ده؟ هي اليوم السائع الكدابة صحيح، لكن برضه نحب نفهم
ايه ايه ايه؟
في ايه؟
مش حنعرف نشوف اشغالنا بقى؟ انتوا بتعطلونا ليه؟
لسبب غير مفهوم مرتضى منصور خرج من السجن... ليه يعني؟ عشان ايه؟ يا ريت توضيح
وايه موضوع موقعة الجمل؟ انا مش فاهمة حصل فيه ايه بالظبط؟ 
وبثينة كامل تقعد مع اللواء اسماعيل عتمان يقوم يقولها الثوار كانوا بيقبضوا بالدولار؟ والبنات اللي اتكشف على عذريتهم كانوا بيناموا مع الشباب في الميدان؟ طب حتى مافيش جهاز مخابرات عدل يجيب له معلومات صح؟ مافيش كومن سنس؟ مين دول اللي كانوا بيقبضوا بالدولار ومن مين؟ ولما بيقبضوا ما اتقبضش عليهم ليه؟ ولا العشرين مليون دول كلهم كانوا بيقبضوا بالدولار؟ يالهوي... امال بيقولوا الاقتصاد واقع ليه لما الدولارات مالية البلد؟ وبعدين اللواء اسماعيل عتمان مش لما يتكلم يقول معلومات بناء على تحريات اجهزة؟ ولا بيتفرج على المحور؟ 
وبعد شوية بقى صفوت الشريف حيطلع ولا ايه؟ ولا مبارك هو اللي حيطلع؟ 
وايه السباعي واللي قاله امبارح ده؟ يسري فودة بيقول له الرئيس حالته مستقرة يقوم يقول له: نفسيته تعبانة؟ 
اففففففففففففففففف
ده وجع دماغ ده.. كل ما نهدا كده ونتفاءل ونبتدي نفوق لنفسنا تحصل حاجات تضايقنا؟ ماحدش يضايقنا بقى تاني
احنا حناخد دولارتنا، وبناتنا اللي بيناموا مع الشوباب، وننزل بقى يوم واحد مايو.. اما نشوف الحكاية دي
وخلينا بقى نحسن الظن.. هم ما بيحبوش الكسل.. عايزينا دايما ناشطين كده عشان ما نتخنش

78 comments:

FIFA said...

هع هع هع هع .. مش هانتخن .. هو يتخن

Manar said...

النهاردة أ.نجاد البرعي قال ان في ثغرات في قانون الكسب غير المشروع يتيح لمباك وعزمي الخروج زي الشعرة من العجين. نهار اسود

Egypt First said...

مش العسكر بس اللى بيخون على فكره مجرد نظرية عن .. مبارك .. الثورة .. الخدعة الكبرى بقلم محمد السلامونى http://www.facebook.com/note.php?note_id=205801112785959

Ahmed . M . Abdulrahman said...

فعلا انا حاسس ان فى حاجه غلط صحتى مش مظبوطه بقالها كام يوم

اتارى مرتضى منصور خرج وكمن ابن صفوت

وقال ايه مرتضى خرج بسبب خطأ فى الاجرائات

و ابن صفوت خرج ليه .....سوال

اما موضوع الحاجه بثينه كامل فانا حاسس انه اشتغاله لان دا بيحط الجيش فى موقف غبى مش صعب ولا وحش .....غبى غبى

ارجوا ان تخيب ظنونى ويطلع الكلام ده فشنك

نسيت

ضيفى فوق دول السباعى دا عباره عن بقال شرعى مش اكثر
ومصر ان يظل خالد سعيد " شهيد البانجو"

دا غير جثث العساكر الى كانت بتموت على الحدود و مبيطلعلهاش تقارير وفاه
او بيضربلها تقرير

+

تهديد اللجان الشعبيه فى الاسكندريه

بجد عاوز اسمع سقفه عليا للثوره المضاده

ولسه

مرتضى حيتولى القياده المباشره للثوره المضاده

وسلميلى على الحبايب

ونسى العمال و الفلاحين و الناس الغلابه امثالى

مرتضى حيولعها تانى

عاوز يترشح رئيس جمهوريه

بس و حيات " امه " محيشوف غير الدم هو الشله " الوسخه " بتاعته الى فى طره

حلف البلاليص

سلام مؤقتاً يا نواره

_________________________

اقرا مقال حتى لا تنحرف الثوره المصريه

على مدونه مصر............الروح والنصر ادعمها تدعم مصر والثوره ادعمها ولا تبخل

http://misr25jan2011.blogspot.com/2011/04/blog-post_27.html

_______________________________
الى عاوزنى يجينى
http://misr25jan2011.blogspot.com

الجبرتى حسام الدين said...

مش بعيد المخلوع يعمل بن لادن تانى ويبعت تسجيل جديد يطلعلنا فيه لسانه ويقولنا ابنائى و اخواتى تعالوا زورونى

خالد البلشي said...

يا نهار اسود ومنيل...يا نهار اسود ومنيل

nosseir73 said...

اسماعيل عتمان ده اللى تبع الجيش
امال لو كان البنات بتقبض بالدولار
ليه بقى وقف الجيش جنب الثورة اية الهبل ده بقى دى مصيبة بكرة بالطريقة دى نلاقى اللا مبارك والطرة كلها طالعة علينا تانى والمصيبة لو امن الدولة رجع تبقى اتطينت اففففففففففف

حسن محمد على said...

يسرى فودة كشف تخبط وخواءوكذب الطبيب السباعى الذى فشل فى اقناعنا بكذباتة المتتالية وفهلوتة التى تطعن فى نزاهة اى تقارير تصدر عنة

Leonardo said...

يانوارة إنتى خايفه تفهمى !

Rasha Ahmed said...

في حاجه غلط!البلد ماشيه في الطريق الغلط!ليه مجموعه المحافظين؟ليه رؤساء الجامعات؟ليه كل شويه تأجيل المحاكمات؟ليه بدء خروج المتهمين واحد واحد؟احنا كا€ننا ماعاملناش ثوره!الحل ايه بقي؟

p_toluidine said...

موعدنا يو الاحد محدش يتاخر كلنا نازلين لما نشوف اخررتها يا سباعي

الحايس said...

لا دشكلهم عايزينا نقعدلهم بقى فى التحرير الى التحرير يا شباب قاعدين نقول عجلة الانتاج والتنمية ودفع كل العجل شكلهم فسوا كل العجل وخلاص رقدين بقى واحنا فاضيين

karem said...

انا حاسس ان كل ده فيلم

ام العيال said...

الراجل المظلوم اللى قال كلمة حق لايصح ان يحبس لازم يبات مع ولاده ويكرم لانه قال كلمة حق

karem said...

انا حسس ان ده فيلم معمول علينا

حسن محمد على said...

عار على نقابة الاطباء ان يكون كبير الاطباء الشرعيين بهذا المستوى المزرى من الجهل . مش عيب انك تكون مكوجى ولكن العيب ان تحاول اقناعنا بانك كبير اطباءاو حتى فى امتياز.

Ahmad Helmy said...

هى المفروض مليونيه و تبقى حالا بس مش للسباعى لوحده لا للقاء اللى بقاله كام يوم بيفرج عن الفاسدين وكمان بقايا النظام اللى لسه موجوده فى المحليات وللشرطه اللى نايمين فى بيوتهم وحاجات كتير دا كفايه ان راس الشيطان بيتصرف عليه 6000 دولار فى اليوم فى المستشفى فى شرم حرااااااااااااااااااااام وكفايه بقى نقعد نقول الجيش الجيش الجيش هو كل لما نقول هنعمل حاجه نقول الجيش هو اللى هنعمله دا ايه علاقته بالجيش هو عشان نخرج للتحرير جيش مصر كله هيقف على رجل

Desert dweller said...

الشباب موجودين في الشارع من دلوقتي أساسا و في ناس كتير نزلت و في ناس هتنزل أول ما الشمس تطلع..

هو باين مفيش ذوق و هنوريهم الدولارات على حق..

أرنوب said...

الله الله إنتي بقيتي بتشككي في الجيش كمان ؟ أنا مش فاهم أيه أخرة المدونة المسخرة دي ؟ لمصلحة مين تقعدي تشككي في الجيش بالشكل ده ؟خصوصاً بعد رجوعك من قطر

amal said...

حسبى الله ونعم الوكيل حرام قذف المحصنات دى اعراض ناس انا مانزلتش التحرير بس ساكنه هناك وكنت بشفق عليهم كل يوم من اللى كانوا بيشوفوه , هيحصل كده ازاى بس يعنى ماكنش حواليهم ولو واحد بس محترم ومتدين علشان يرفض اللى بيحصل , اصلا المكان يصعب انه يحصل فيه كده والله حرام ام بالنسبه لمرتضى منصور وباقى الشله فحيخرجوا حيخرجوا لو كان فى نيه العقاب كان تم من زمان لكن البطئ ده له معنى تانى خالص ربنا معاكم يا نواره انتى واللى معاكى احنا ماتعبناش زيكم ورغم كده دمى اتحرق الله يكون فى عونكم وربنا معاكم ..

amal said...

حرام قذف المحصنات ياناس دى اعراض ناس وربنا مايرضهوش كده , انا مانزلتش التحرير بس ساكنه هناك وانا كنت بشوف كل حاجه وعلى فكره انا سنى مش صغيره يعنى مش شابه , وكنت بشفق عليهم كل يوم من اللى كان بيحصل لهم يبقى ازاى ده هيحصل ووسط الناس دى كلها حرام واللهى , اما عن مرتضى وباقى الشله فشكلهم كده هيطلعوا لان اذا كان النيه انهم يتحاسبوا كان ليه التباطؤ ده , الله يكون فى عونك يا نواره انتى واللى معاكى اذا كنت انا ماتعبتش زيك ولا عملت اللى عملتوه ولا ليا حد استشهد ودمى اتحرق وحتشل لما سمعت الاخبار دى الله يكون فى عونكم, وحسبى الله ونعم الوكيل

أدهم سيف said...

الأخت نواره العرب وجميع أعضاء وزوار الموقع المحترمين .
أنا أدهم سيف صاحب موقع " النصر لله " أود أن أشارك معكم مشاركة صغيرة من باب حبي لكم ولكل مصري حر وشريف ووفاءا لأرض مصر الحبيبة الطاهرة من قلب مسلم عربي فلسطيني مقيم بالأردن.
أنا عمري 46 عاما ولدت في الكويت ونشأت في خضم الأحداث والحروب منذ 1965 والتي تواصلت حتى يومنا هذا ، وقد عاصرت وتابعت تفاصيل كل ما حدث طوال هذه الفترة بكل اهتمام ، وكنت ممن شارك في بعض التظاهرات وحملات دعم حروب المواجهة مع عدونا الأول " كيان اليهود الغاصب لفلسطين " ومنذ الطفولة التي عشتها غي الكويت وحتى بلوغي سن السادسة والأربعين لم أجد عاما إلا وفيه نكبة أو مصيبة أو كارثة أو مجزرة تصيب دولنا العربية بأشكال مختلفة ومتفاوتة نوعا ما .
فعندكم دولا مثل فلسطين ولبنان وسوريا ومصر والأردن كانت مسرحا لحروب متواصلة بسبب مواجهتهم المباشرة للعدو اليهودي الغاصب للأراضي العربية ، وتلا ذلك حروب وانقلابات دموية مثل حروب الخليج الأولى والثانية والثالثة وحروب المغرب والبوليساريو وانقلابات ومذابح الجزائروحروب ليبيا في تشاد ومأساة الصومال ومذابح أرتيريا وكثير من المآسي والنكبات والمذابح والموت في السجون والمعتقلات والإعتداء على الحرمات وأكل أموال الشعوب والفقراء بالباطل ونشر الرذيلة واستباب الفساد وظهور حركات ومعتقدات الكفر والإلحاد وكل ما ترونه من مايعد أسوأ حال يمكن ان يصيب أمة من الأمم عبر تاريخنا المعاصر وصولا إلى الإنتفاضات العربية السلمية المعاصرة على أنظمة الظلم والإستبداد العميلة لليهود والغرب والأساليب القمعية والإجرامية التي اتبعتها هذه الأنظمة على أيدي سفاحيها ومرتزقتها السفلة .
من أجل وضع الحلول المناسبة لأوضاع أمتنا وأحوالها السيئة من المحيط إلى الخليج علينا بداية معرفة موطن الخلل ووضع اليد على المسببات ومواضع الداء والتي لخصها الخليقة الراشد عمر بن الخطاب في قوله المأثور " نحن قوم اعزنا الله بالاسلام فاذا ابتغينا العزة بغيره اذلنا الله " ، فضلا عما ورد في آيات القرآن الكريم وأحاديث الرسول الصادق الأمين علي أفضل الصلاة والتسليم في قوله " تركت فيكم ما ان تمسكتم به لن تضلوا بعدي ابدا كتاب الله و سنتي " ، فأين نحن من كتاب الله عو وجل ومن سنة نبيه الكريم ؟ وأين تطبيقنا لشرع الله واتباع سنة الرسول والخلفاء الراشدين من بعده ؟ .
أنا هنا وضعت أمامكم موضعي الداء والدواء ، وأود منكم كل بينه وبين نفسه مراجعة النصوص المقدسة ومطابقتها مع واقعنا وحالنا اليوم للوصول إلى رؤى واضحة للأمور ووضع الخطط المناسبة للتغيير الجذري الحقيقي المؤدي إلى رفعة الأمة والنهوض بحاضرها ومستقبلها لنعود خير أمة أخرجت للناس .
وللحديث بقية

little_princess said...

انا اتفاجئت لما سمعت موضوع اللواء عتمان.. انا حاسة ان الجيش ليه الوش اللطيف اللى بنشوفوه بيه فى التليفزيون و البرامج ووش تانى حاد و مخيف بيبان بمجرد استفزازهم.. ربنا يستر

little_princess said...

وبعدين بئه اخر اللى بيحصل ده ايه!!!

naglaa said...

ايه النيلة السودة دي هما هيرجعو يستهبلو تاني هما كل ما يشوفونا هدينا شوية يقومو يعفرتونا تاني ليه هما مبيتعلموش ان الاستفزاز اخرته وحشة على العموم مبدهاش بقا احنا ننزلهم بقا واهي على رايك يا نوارةالرياضه بردو حلوة علشان الرشاقة .. أدينا نازلينلكو ورانا ايه ورانا ايييه

naglaa said...

ايه النيلة السودة دي هما هيرجعو يستهبلو تاني هما كل ما يشوفونا هدينا شوية يقومو يعفرتونا تاني ليه هما مبيتعلموش ان الاستفزاز اخرته وحشة على العموم مبدهاش بقا احنا ننزلهم بقا واهي على رايك يا نوارةالرياضه بردو حلوة علشان الرشاقة .. أدينا نازلينلكو ورانا ايه ورانا ايييه

gogo said...

نوارة فوكك من بثينة كامل علشان هى لسعت بقالها فترة .. مرتضى السخيف بقى دايما يفلت ويخرج ذي القرد بعد ماقلت هاخلص من وشة للأبد .. هو وابو السبابيع لكن افتكر بعد حلقة النهاردة هنرتاح منة خلاص مينفعش يكمل بعد كل الكلام دة .. والطود الراسخ اللى مش عايز يتزحزح بس ان شاء الله هايقوم زلزال ويهدة خالص .. حاجة تزهق بجد كلهم لازقين حسنى معلمهمش غير كدة خسارة فيهم الناس تنزل يوم علشانهم بس الظاهر مفيش حل تانى خنقة

مريم البكر said...

انا قلقانه أوي في حالة في البلد مش مريحاني .ز في حاجه مش طبيعية

مدونة الرئيس المصري said...

يا خوفي لا يكون اللي بيحصل دة
فيلم الخديعة الكبرى

واحنا الحقيقة متعودين نشرب
قهوة سادة على روح المرحوم

الخوجة said...

سبق وقلنا بنات وحريم خط احمر استلموا بقى ماهو اظاهر انتم عاوزينها هبا طخ ومال الجيش والكلام ده كله من اساسه
#JAN25 #EGYPT #TAHRIR #BYEMUBARAK مشوار للميدان - #NAWARANEGM- نواره نجم

torero said...

كل اللى بيحصل ده كام ممكن يحصل لو عندك نظام قضائى فعال و مكانش فيه داعى للثورة و ناس تموت و ناس تصاب بعاهات عشان تغير الاوضاع الفاسدة
الثورة للاسف لم تنجح فى تحقيق اول مطالبها و هى اسقاط النظام بل بالعكس النظام نجح فى اخماد الثورة و انا قرفان من الناس اللى فاكرة انها ذكية و هتقدر تتعامل مع فلول النظام السابق بالحكمة عشان الفلول معنداش مبادئ اصلا ممكن تمسكيها منها فياريت تراجعوا الاحداث من بداية فبراير و حتى الان و تحكموا بنفسكم هل تم تنظيف البيت ام ان التعابين و العقارب عضت و نهشت صاحب البيت

btkhekhaweaykalamtoz said...

انا بصراحة بقيت اخاف منك يا عزيزتي نوارة طالما الناس بريئة تطلع فيها اية دي سيادة القانون اهم من رغباتك وحقدك حتي لو مبارك طلع برئ برضة المفروض متزعليش مش دة الا احنا عوزينة ان يكون القانون هو السيد لازم نتعلم حاجة مهمة وهي ان كل ماسمعناة يحتمل ان يكون صحيحا ويحتمل ان يكون غير صحيح والقضاء هو من سيقول الكلمة الفصل والا ستكون العواقب وخيمة

btkhekhaweaykalamtoz said...

نوارة ياريت تقري شوية عن الفوضي الخلاقة واكيد هتفهمي كل حاجة واتمني من الله سبحانة وتعالي ان ينير بصيرتك انه نعم المولي ونعم النصير

nader_karam said...

غيرى اسم تهيييييييييييس الى تجييييييييييشششششششش

أبو هاجر said...

ست الكل يسعد صباحك
إذا نسيت نفكرك
لما الدكتور حسن نافعة اختلف مع هذا الضابط عثمان تحديدا في ندوة ، رحت نزلت مقال طويل وعريض كله سب وشتم في النخبة المصرية، كل النخبة ، وذكرت الدكتور حسن بالاسم .ولم تورعي في توظيف عبارات مثل نخبة واطية ومنحطة وما عندهاش أخلاق ومتخلفة وريفية وبلدي أوي، والدليل كما قلت أنها تعلق ملابسها الداخلية على تمثال ...نسيت اسمه .
ملحوظة
لم يعجبني أسلوب تعاملك مع تميم . تمنيت لو لم أرى تلك الصورة

مش فاهمه said...

نوارة هو مش فيه استاذ قانون قال ان ممكنم مبارك و عصابته يتحاكموا بتهم الفساد السياسى هم مش قالوا كده يعنى ممكن ....
بخصوص كلام عتمان ايه الأحتمالية انه ينكر اللى قاله و يقول ما قولتش و فين مقالات فى الجرايد بقه زى بلال فضل او حسن نافعه و عايزين يسرى كمان -هم بيحبوه قوى و بيحبوا عينيه - يثير المواضيع دى
ماهو الشكل العام مش مطمئن خالص محافظين اى كلام و قاضى عبد السلام جمعه بيقبض من الداخليه و يحاكم العادلى و ابن خالة مبارك عبد العزيز عمر هو اللى يتولى الحكم فى موقعة الجمل هو ايه فيه ايه و الجمل لسه قاعد على قلبنا يذل فى ابداننا و عمرو موسى ماشى و حوالية بتوع الوطنى ......ماينفعش كده لازم حد من شباب الئتلاف يبقى فى الحكومه و لازم مجلس استشارى للجيش لو سبنا الوضع بالشكل ده الثورة حاتضيع ولا على رأى مرتضى هى فين الثورة دى ماكل حاجه زى ماهى

مش فاهمه said...

عارفه الحل فى ايه اولا و ثانيا و ثالثا .....تطهير القضاء يخرب بيت كده كان لازم اول مليونيه يكون ده مطلبها بدون قضاء طاهر يبقى كله حايطلع ان شاء الله

سبايدرمان said...

ربنا يستر !!!!!!!!

omar said...

مين بثينه كامل دى الى تصدقوها يا جماعه
دى اشكال حد يصدقها؟؟؟؟؟؟؟؟

واحد مش فاهم حاجة said...

بجد يانوارة احنا بنحترمك عشان بنحس انك واحدة مننا بتتكلمي بلسان شباب كتير لكن للاسف في الفترة الاخيرة توقفتي عن فعل اي شيء سوى الدفاع عن المجلس العسكري واحنا مكناش بنهاجم المجلس لكن عايزين نفهم ليه 1--لم يتم نقل مبارك لسجن طرة ولم يتم معاملته كمحبوس احتياطيا 2-لماذا لم يتم التحقيق مع سوزان مبارك رغم ان التهم الموجهة اليها واضحة 3-لماذا لم يتم تصوير علاء وجمال داخل السجن 4-لماذا لم يتم تصوير العادلي اثناء محاكمته 5-لماذا يخرج علينا البعض مثل السباعي واسماعيل عتمان بهذة التصريحات المستفزة من عينة خالد سعيد مات عشان لفافة البانجو والتاني يقولك الناس كانت بتقبض كل دع عشان احنا تراجعنا ده عشان اختلافات القوة السياسية عن بعضها يجماعة لو استمر الوضع هكذا لن افاجا اذا خرج مبارك ومعاونيه من القضايا المنسوبة اليهم زي الشعرة من العجين او يتولى رئاسة مصر عمر سليمان او احمد شفيق من فضلك يانوارة راجعي موقفك وافترضي سوء النية حتى يثبت العكس حتى لا يحدث ما لا يحمد عقباه

الخوجة said...

#JAN25 #EGYPT #TAHRIR #BYEMUBARAK لييه كده داحنا بنحبك أوى وكل الجيش - اللواء اسماعيل عتمان لسه فيديو نوارة السابق عالق بذهنى تقوم تزعلنا بكلام زى ده عن البنات مش مسامحينك

AMOON said...

اهو يا نوارة جالك كلامي طعبا ما جالكيش عشان ماقرتيش الكومنت بتاعي اللي فات .اهو واكن ماكانشي فية ثورة وتطهير اهو اهو حمادة بيلعب اهوت انا قلت اننا نركز في مشاكلنا الداخلية ونخلينا صاحيين ما نامشي ولا ناخد تعسيلة حتي. ونسيبنا من اللي بيحصل في سوريا وليبيا واليمن والبحرين لهم رب اسمة الكريم .المعز المزل ونسن السكين والمقص علي الديول الباقية من نظام الفساد البائدواي حد هيطلع لنا فيها ويعمل نفسة الجن ابو عين قزاز نخزق لة عينة ونركز علي عصابة الحرامية ونجرسهم اكتر مش نداريهم بملاية .اة صحيح فتحي سرور كانوا بيخبوة بملاية لية متلخبطوناش بقى ليه يخفوه بملايه اللي اعرفو بيتلف في ملايه لو قضيه اداب لكن ديه كسب غير مشروع ولا برده علشان كان وزير تعليم والتنسيق دخله اداب بدل الكسب غير المشروع ؟!!

حمكشه said...

تمام سيادتك ..تلك هى لغه الجيش والقضاء ملطوط والبوليس فالت
عمومايبقى شباب الثوره هما دول اللى حينقذوها الى التحرير وليسقط النائم العام

Mohamed hany said...

العزيزة نوارة ... كلام اللواء اسماعيل عتمان غريب جداً ومش مفهوم ، ولا يصح ان يصدر من رجل مسئول .... يارب الصبر ....

mohammed said...

مش انت نصبتى المشنقة لأى حد ينتقد المجلس النيلة العسكرى !!!!! أشربى بئه أهو مبارك شكله مش هيتحاكم و ممكن هما الى يقتلوه و ادى العادلى جايبين واحد من صبيانه يحاكمه و حتى حركة المحافظين شكلها و لا كأننا أيام مبارك أشربى يا فالحة

AhmeD 3llaM said...

هي ايه مصلحة الجيش في انه يقول الكلام ده
؟
وليه مقلوش الا في مؤتمر صحفي وكان رد علي سؤال وبيدافع عن رد فعل الجيش وطريقته والي شافه؟
او في مقابلة مع صحفيه ومذيعه؟

دا بيستر مش بيفضح
انا معرفش الحقيقه فين

بس منطقي ان يكون لكل ادعاء هدف
ايه هدف الجيش ,وايه النتائج المترتبه علي الادعاء ده ؟
الجواب ؟؟؟؟
*
*
انا ساعت بحس انكم بتفضحو نفسكم بأديكم لان الكلام ده لو انتشر في الشارع والحمد لله مش بسمع حد بيتكلم عنه ولا بيقولك شوفت يا عم اهم طلعو زواني ومقينها رامي الاعتصامي
لو انتشر واتنشر هتبقي سمعتنا اخر
حلاوه

وهيبقي طلعت ذكريا رئيس الجمهورية وش


مفيش مفيش مسمتعتش الا هنا وع البي بي سي

اذا كان الجيش بيستر انتو ليه بتفضحو

ما هوه لو عايز يفضح كان خلاها بجلاجل

؟!؟

hardway said...

يا عم أرنــــــــــــــوب
أنت مش قلت انك لن تشترك او حتي تقرأ تلك المدونة الهايجة دي و كان يوم25 أبريل
رجعت تاني لـــــــيه..؟؟؟؟
هوأنت مش ملاحظ من التعليقات ان اول ناس عايزة تنزل التحريرهي البـنات!!!!
وأول ماتيجي سيرة المليونية بالتحرير
تلاقي كل تعليقات البنات نازلين..نازلين بدل ماتكون حكه..تبقي مليون حكه يلالالالالالالالالالالالالالالالالالالالالالالالالالالالا
وعلي سبيل المثال لا الحصر
naglaa said...
naglaa said...
ايه النيلة السودة دي هما هيرجعو يستهبلو تاني هما كل ما يشوفونا هدينا شوية يقومو يعفرتونا تاني ليه هما مبيتعلموش ان الاستفزاز اخرته وحشة على العموم مبدهاش بقا احنا ننزلهم بقا واهي على رايك يا نوارةالرياضه بردو حلوة علشان الرشاقة .. أدينا نازلينلكو ورانا ايه ورانا ايييه

29 April

hardway said...

يا عم أرنــــــــــــــوب
أنت مش قلت انك لن تشترك او حتي تقرأ تلك المدونة الهايجة دي و كان يوم25 أبريل
رجعت تاني لـــــــيه..؟؟؟؟
هوأنت مش ملاحظ من التعليقات ان اول ناس عايزة تنزل التحريرهي البـنات!!!!
وأول ماتيجي سيرة المليونية بالتحرير
تلاقي كل تعليقات البنات نازلين..نازلين بدل ماتكون حكه..تبقي مليون حكه يلالالالالالالالالالالالالالالالالالالالالالالالالالالالا
وعلي سبيل المثال لا الحصر
naglaa said...
naglaa said...
ايه النيلة السودة دي هما هيرجعو يستهبلو تاني هما كل ما يشوفونا هدينا شوية يقومو يعفرتونا تاني ليه هما مبيتعلموش ان الاستفزاز اخرته وحشة على العموم مبدهاش بقا احنا ننزلهم بقا واهي على رايك يا نوارةالرياضه بردو حلوة علشان الرشاقة .. أدينا نازلينلكو ورانا ايه ورانا ايييه

29 April

hardway said...

يا عم أرنــــــــــــــوب
أنت مش قلت انك لن تشترك او حتي تقرأ تلك المدونة الهايجة دي و كان يوم25 أبريل
رجعت تاني لـــــــيه..؟؟؟؟
هوأنت مش ملاحظ من التعليقات ان اول ناس عايزة تنزل التحريرهي البـنات!!!!
وأول ماتيجي سيرة المليونية بالتحرير
تلاقي كل تعليقات البنات نازلين..نازلين بدل ماتكون حكه..تبقي مليون حكه يلالالالالالالالالالالالالالالالالالالالالالالالالالالالا
وعلي سبيل المثال لا الحصر
naglaa said...
naglaa said...
ايه النيلة السودة دي هما هيرجعو يستهبلو تاني هما كل ما يشوفونا هدينا شوية يقومو يعفرتونا تاني ليه هما مبيتعلموش ان الاستفزاز اخرته وحشة على العموم مبدهاش بقا احنا ننزلهم بقا واهي على رايك يا نوارةالرياضه بردو حلوة علشان الرشاقة .. أدينا نازلينلكو ورانا ايه ورانا ايييه

29 April

marwa_911 said...

بقولك ايه يا نوارة انا قرفت هو احنا هنقعد كل شوية نقول للناس الثورة حلوة يا حبيبى على راى محمد صبحى ف المسرحية "انت حلوة لا انا وحسة لا انت حلوة ياختى حلوة"ملعون ابوهم الموضوع بقى يقرف اللى هينزل ينزل عشان هو مقتنع بحقوق العمال الغلابة مش عشان يورى حد نفسه و لا يفهم حد غلطة و احنا وحشين و قلالات الادب و من البيت للكبارية و من الكبارية للبيت و اعلى ما خيلهم يركبو و اللى عندنا حاجة يجى ياخدها ,دى حاجه تقرف اففففففففففففف

محمد نبيل said...

لماذا لا يحاكم مبارك لعدم تنفيذ حكم المحكمة بوقف الاحتفال بمولد أبو حصيرة ؟ يجب تقديم بلاغ بهذا، كما أن زرع مسمار جحا صهيونى كهذا المولد فى قلب مصر يعتبر خيانة عظمى.

أدهم سيف said...

الأخت نواره وجميع قراء الموقع - بعد التحية -
أود أن أكمل حديثي بعد أن كتبت لكم عدة مرات ولكن بدون سبب يتم مسح كلامي قبل نشره ! ويبدو لي أن كل مواقع النت مراقبة ويقرؤون "؟؟؟؟" كل مانكتب وقبل نشره حتى ! ، ولكني سأواصل بالرغم من ذلك وأقول أن نظامكم الذي لم يتم خلعه بعد بالرغم من تغير بعض الوجوه القذرة ، فلا زالت أيديه الخبيثة تعمل في الخفاء وبكل تأكيد أن قيادات الجيش وأمن الدولة والحرس الرئاسي الذين تربوا سمنوا على أيدي هذا النظام ودرس معظمهم في أمريكا عوضا عن الدورات والمناورات ، فإن ولاء هؤلاء لولي نعمتهم أكبر وأعظم من أن يتغير بين عشية وضحاها ، لذلك يجب تغيير جميع هذه الرتب العالية أو تقييدها ووضع ضباط من الصف الثاني والثالث من الموثوق ولاؤهم لمبادىء ثورتكم المباركة ،،، وأنا أرجو منك يا أخت نوارة ومن جميع شباب 25 يناير عدم ترك ميدان التحرير والإبقاء على جذوة الثورة وحعل كل جمعة جمعة إصرار وقرار ، لا يمكن الإلتفاف عليه وخاصة أن الأحزاب جميعها بقصر نظرها وسعيها لتحقيق مكاسب حزبية سعيا منها للإمساك بزمام السلطة ستتسبب بإجهاض ثورتكم الفتية ودفنها في مهدها ، فلا تتركوا لهم ميدان العمل واسترجعوا من أيديهم مبادرة التغيير ، وجددوا المطالب التي كنتم عليها أول أيام الثورة بضرورة رمي الدستور القديم في سلة المهملات وكتابة دستور عصري جديد يرسم خطا جديدا لمصر الحاضر والمستقبل .
وللحديث بقية .

Nahla Hussein said...

بثينة كامل دى عندها ربع ضارب ومحدش ياخذ على كلامها اساسا

emmy said...

السباعي كان طالع بيتكلم بفارق التوقيت ومرتضي معتمد علي حزب ( بابا مبارك حلو-انا مش حمار) المتضامن مع حزب (مصلحتي مصلحتي اياكش تولع) اما بالنسبة لاي كلام بيقوله البعض عن الثوار يا رييييييييت حد يرد علي السؤال الغبي جدا ده: ممكن تدي لواحد كام عشان يتضرب رصاصة ويتكل؟ والسؤال ده كمان: اعزائي طبعا زمن بابا مبارك الله لا يعيده كان زمن جميل خالص وعشان كده لا يثور عليه الا الخونة؟؟؟؟

بساطه said...

اول ما ابتديت اقرا كلام بثينه لما قالت يافندم انتوا كنتوا قاعدين في مكاتبكم واحنا بنتبهدل باين .. قلت: تؤ تؤ تؤ مالكيش حق يابسبس انما بعد كده يقول كانو نايمين مع بعض ودولارات وانا ماخدتش ده مش ممكن ابدا .. طب ياابن التييييت على فرض ان في حد حاول يعمل كده الملايين الي كانوا موجودين كلهم كانو رافعين الارايل.. ده بجد جرح عميق وكريه وادانا احساس اننا اخدنا على افانا .. يعني الشهداء دول ماتوا وهما بيدافعوا عن شرفنا .. فشرف اشرف رجالنا وبناتنا يتوحل كده .. يعني دمهم راح هدر.. ده غيييير مقبووووول ابدا .. وانا مصدق بثينه .. معندهاش مصلحه تقول اي قصص ملفقه بالعكس ده يضرها
يعني كل شويه يعملولنا مصيبه ونعمل هبل ونصهين .. كان لازم نعرف ان دي اخرة السكوت علي الكذب بتاعهم.. لم تطلق رصاصه واحده في التحرير ومفيش تعذيب واخرها بيناموا مع بعض
مش هينفع نسكت لان ده حق الشهدا وحق كل واحد كان موجود في التحرير .. انا مش عايزها تولع بس هما الي ولعوها

بهيج الشرير said...

والنبي ياأبلتي أنا عندي سؤال! ياترى الواحد يدخل كلية إيه أو يدرس إيه علشان يبقى أخصائي في الكشف عن عذرية البنات في المتحف

بهيج الشرير said...

والنبي ياأبلتي أنا عندي سؤال تاني! هما ليه حطوا الواد علئ أبو العلوء سفاح الأمازيغ هو وأخوه الواد إبن عرس والمعروف أيضا بإسم الثعبان الأقرع في زنزانة اللي يقدر عالتاني ينيكه

كيوبيد said...

ههههههههههههههههههههههههههههههههه شر البلاء ما يضحك وحلق شنبى كمان ان العادلى طلع ومش بعيد كمان يرجع وزير المجلس العسكرىبيلعب بينا لعبة الفوضى بتاعت المخلوع والسلفين مش جيبنه للبر وربنا يستر والامن الوطنى =امن الدوله كل الى عملنا ان احنا غيرنا اليفطه وكما ظابط صغير وخلاص على الله الناس تفوق بقا وكل واحد يعرف ان فيه خطر جاى

nour1971 said...

سؤال بسيط هو مين اللي معين قيادات الجيش من اول طنطاوي و اللي يليه مش برضه المخلوع ؟هو مين اللي كان بيقبضهم مرتباتهم مش برضه المخلوع؟ هو بقي ولائهم حا يبقي لمين مش برضه المخلوع؟ مش هو الجيش مستولي علي ترتبع البلد من منشأت في مصر الجديده و اجزاء علي النيل و اجزاء كبيره علي البحر في اسكندريه من نوادي و دار الدفاع و دار الي مش عارفه ايه و دار افراح و الخ الخ الخ و لا انتي رأيك ايه من الاخر الجيش عامل بالظبط زي اي مؤسسه في مصرفيها فسسسسسسسسسساد و فيها الكويس و فيها الوحشششششش و اللي بيهبوبونا دلوقتي الناس اللي خايفه علي نفسيه المخلوع

dalia said...

لن أخدع ولن أستكين إلا بعد أن أشوف مبارك في السجن وحبيب العدلي من وراء أسوار السجن مهما ضحكوا علينا مش حيقدروا يوقفونا المهم من يضحك أخيرا
مع تحياتي

ساعي الخير said...

الحمد لله رب العالمين
يا نوارة و الله العظيم النظام ما سقطش
و الله العظيم النظام ما أتغيرش

و الله العظيم النظام مش هو حسني مبارك و لا الأشخاص اللي معاه

و الله العظيم النظام ما هيسقط و لا يتغير بحبس مبارك أو أعدامه هو و اللي معاه

ماالملك فاروق مشي و اتاخدت كل فلوسه و ما فيش حاجة اتغيرت و عبد الناصر مات و ما فيش حاجة أتغيرت و السادات قال عبد الناصر لم يمت و السادات أتقتل و مافيش حاجة اتغيرت و حسني اتخلع و مافيش حاجة أتغيرت

ليييـــــــــــــه
لأن القوانين اللي حاكمة البلد قوانين فاسدة و متضاربة و قديمة من أيام محمد علي و المماليك كمان

شئ طبيعي انهم يخرجوا براءة لأن محدش طهر القضاء من القضاة اللي هو عينهم و اللي بتحوم حواليهم الشبهات

قاعدين بس نقول اناشيد عن القضاء النزيه مع ان فيه واحدة قبل كده واحدة ست و الله هي اللي قالت ان فيه قضاء منبطح فاكرها الست دي

و فيه أصلاً قوانين فاسدة تدعم الفساد و تخرج المفسدين براءة و العينة من ده

يبقي المحاكمات كلام فارغ لأن القوانين و القضاء فاسد بفساد من أنشأءه

يا نواااااااااااااااااارة

ما ينفعش نتوضي بمياه وسخة

و الله العظيم ما ينفع انتي ما بتفهميش

انما يطهر الطاهر

مش ابوكي اللي قال يا اللي فتحت البتاع فتحك علي مقفول
لأن أصل البتاع واصل علي موصول

يعني و لا ألف مليونية هتغير حاجة

طالما ما فيش مبادئ واضحة أولها ان كل قانون دولي او محلي او قاعدة قانونية تخالف العدل فهو باطل و لا يعتد بيه

يا نوارة فيه مبادئ واضحة لتحقيق العدل لو عايزة تعرفيها نقول و نتكلم نتناقش حواليها و نتفق و كل الناس

يقوم الحال يتغير و العدل يسود و يبقي سهل محاكمة اي ظالم مبارك كان او غيره

انما كده هيتلعب بيكم الكورة و هيتجري وراكم زنقة زنقة دار دار و يقولوا امسك حلق قال ثوار

لييه لأن معندكمش مبدأ واضح و لأنكم وافقتم علي المحاكمات بقوانين غلط فاسدة و بأشخاص محققين أو قضاة أو أطباء أو نائب عام ليسوا فوق مستوي الشبهات

يا نوارة يا نوارة

لابد قبل تطهير القوانين من تطهير الأشخاص كذمة مالية علي الأقل المجلس العسكري و طنطاوي و شرف و الوزراء و المسئولين و انا و انتي و كل من عايز يتكلم عن الثورة لازم يعرف عن نفسه و أملاكه لازم يطهر نفسه و ان كان حد له عنده حق يديهولة و الناس الكذابة المتلونة اللي ما أعلنتش تبرؤها من الفاسد مبارك و سياسته الفاسدة مينفعش نتكلم معاهم اصلا و لا نقعد معاهم و نسمع منهم كلام عن الثورة و تحقيق العدل لأنهم كذابين و مؤيدين لأشخاص الفساد لم يتبرأوا منهم

يا نوارة تعبتيني أفهمي بقي

يا ناس أفهموا و حد يفهمها

يارب يفهموني يارب يفقهوا قولي

يارب موفقين للخير

بس علي فكرة بعد كدة هتغاظ و ممكن اشتم و استغفر الله العظيم يارب

Hesham Elshipli said...

السيدة نوارة نجم

أحزننى جدا ما كتبتيه

من كلام بثينه كامل

أى عبث هذا

اما انك بتهزرى

أو بثينة كامل بتكذب

لكن لا يمكن أن يقول الجيش هذا الكلام

أبدا أبدا أبدا

فان لم يكن للاسباب المنطقية والعقلية

فللأسباب الدبلوماسية والسياسية على الاقل

لان الاساءة للثوار يعتبر اساء للثورة المصرية وهى أصبحت أحد معالم التاريخ المصرى الان

لذلك حتى وان كان هذا الكلام صحيح وهو غير صحيح بالطبع

فلن يقول الجيش هذا الكلام

لأنه سيعتبر اساءة للثورة المصرية وبالتالى اساءة لمصر

ألاحظ ان الجيش يلتقى بنوعيات كثيرة من الناس من أمثال بثينة كامل

وهم لا يمثلون الشعب

وقد كانوا نجوما فى عصر مبارك

أتمنى ألا يكون هذا الكلام صحيحا

وأرجو أن تتثبتى من الكلام وتتأكدى منه قبل كتابته

والسلام على من اتبع الهدى

الفوريجي said...

ولا صاعقة ولا حاجة يا نواره دول شوية هاموش

مالك ياأرنوب الحقنه راح مفعولها خلاص تكنش فكرني فوريجي مسلسلات يا مخضوض؟هو أنته غاوى تتمسخر مش عجباك المدونه غور في دهية وروح على المخروبة بتاعتك يابتاع المهاترات ياشقي، وبطل نطاعة بلا جيش بلا أبو رجل مسلوخة الجيش حارس للشعب المصري وده شرف ليه سفسطك باخت سيبك من لبانة قطر دي وشفلك لبانه دكر

الفوريجي said...

بمناسبة الفوضي الخلاقة
ما غاب على من خططوا ووضعوا هذه النظرية للمنطقه أنه كان عليهم العمل على ايجاد نظم اولا عشان يعمولوا فيها فوضي بالنسبة لنا هى اساسا كانت فوضى خناقه
فشويه كده عشان النفس

زينبو said...

نوارتنا، القصة بتاعة بثينة دي غريييييييييبة جدا لعدة اسباب :
اولا- ايه اللي يخلي اللواء عتمان يجيبها لوحدها (من غير صحفيين مثلا تانيين)، و آل ايه علشان يوضحلها مابصر ايه!!!
ثانيا - لو هي اول ما خرجت من عند اللواء عتمان كلمت ابراهيم عيسى وحكتله زي ما هو مكتوب، كان الاولى ابراهيم عيسى يكتب عن الموضوع دة في الدستور الاصلي(سبق صحفي) مش ميجبش سيرة الموضوع خالص!!!
انا متهيألي الموضوع دة كله كذب وبكرة تطلع بثينة تكذبه( لو تعرفيها كلميها واساليها).

زينبو said...

نوارتنا، القصة بتاعة بثينة دي غريييييييييبة جدا لعدة اسباب :
اولا- ايه اللي يخلي اللواء عتمان يجيبها لوحدها (من غير صحفيين مثلا تانيين)، و آل ايه علشان يوضحلها مابصر ايه!!!
ثانيا - لو هي اول ما خرجت من عند اللواء عتمان كلمت ابراهيم عيسى وحكتله زي ما هو مكتوب، كان الاولى ابراهيم عيسى يكتب عن الموضوع دة في الدستور الاصلي(سبق صحفي) مش ميجبش سيرة الموضوع خالص!!!
انا متهيألي الموضوع دة كله كذب وبكرة تطلع بثينة تكذبه( لو تعرفيها كلميها واساليها).

أرنوب said...

إلى الأخ هاردواي
أنا فعلاً قلت كده ونفذت كده .. لكن أحد أصدقائي ممن يتابعون المدونة أخبرني بهذا البوست الأخير المستفز فأضطررت للتعقيب عليه نظراً لما به من تناقض شديد من واحدة عماله ليل ونهار تشتم في الكل عشان خاطر الجيش وفجأه تروح قالبه عليه وتنسب لواحد من لوائات المجلس الأعلى هذا القول الفظيع دون حتى تقصي الخبر اليقين .. هي مع مين بالظبط ؟ أنا مش فاهم .. عموماً .. توبه من دي النوبة والمره دي قاطعه مانعه فمهما أستفزني الأمر مش جاي هنا تاني عشان الواحد مش ناقص حرقة دم

أرنوب said...

إلى الأخ هاردواي
أنا فعلاً قلت كده ونفذت كده .. لكن أحد أصدقائي ممن يتابعون المدونة أخبرني بهذا البوست الأخير المستفز فأضطررت للتعقيب عليه نظراً لما به من تناقض شديد من واحدة عماله ليل ونهار تشتم في الكل عشان خاطر الجيش وفجأه تروح قالبه عليه وتنسب لواحد من لوائات المجلس الأعلى هذا القول الفظيع دون حتى تقصي الخبر اليقين .. هي مع مين بالظبط ؟ أنا مش فاهم .. عموماً .. توبه من دي النوبة والمره دي قاطعه مانعه فمهما أستفزني الأمر مش جاي هنا تاني عشان الواحد مش ناقص حرقة دم

أرنوب said...

وإلى الفوريجي الشهير بالغبي .. بصراحة أنا زهقت من الشتيمة في واحد غبي زي سعادتك لأنك مش بس واطي ومنحط وقليل الأدب .. إنت كمان غبي غباء نادر ما تنفعش فيه الشتيمة .. وفعلاً تغور كل المدونات من وشك العكر

safaa_shehata_89 said...

اللهم انصرنا على كل ظالم يا رب

Mohammed said...

الرجاء الهدوء

بلاش تسخين

في اخبار كذب كتير

بلاش كل كلمة تودينا وتجيبنا

السلفيين وبتوع اختي كاميليا بيسخنوا
المسيحيين المذعورين والمتطرفين بيسخنوا
العلمانيين بيسخنوا
الصحافة الصفرا بيسخنوا
عمر عفيفي و مريديه بيسخنوا


مش لازم نسخن على اي شيء


المجلس العسكري بيعمل اللي عليه وفق تكتيكات معينة

احنا برضه لازم نعمل اللي علينا

اللي علينا

اننا نبص لقدام ونشتغل

العمل
والتوعية السياسية

امامنا انتخابات قادمة
اذا ما ششتغلناش كويس ممكن تجيبلنا اللي احنا مش عايزينهم

لازم نركز في موضوع الانتخابات علشان نخلص من المجلس العسكري اللي مش عاجبنا

ونعمل اللي احنا عايزينه

بلاش ندخل في معارك جانبية ومواضيع يمكن تأجيلها


الشيء اللي واضح ويقلق جدا
ان الوضع الاقتصادي منيل بستين نيلة
منه لله اللي كان السبب

شكرا

aly said...

عفوا اللواء عتمان ماقالش كدة في وسائل اعلام لما اتسال في نفس الكلام ليه مفروض نصدق بثينة كامل دلوقتي في مقابلة خاصة مابينهم؟

مش هاشكك في بثينة كامل لكن اليومين دول ناس كتير عاملة مشكلة في موضوع الجيش وبيجرونا لصدام معاه بغرض الضغط لتكوين مجلس رئاسي وبعدها لما مسخت اتكلموا عن مجلس انتقالي وطني؟

ايه مصلحة الناس دي في القفز على ارادة الشعب في انتخابات واستفتاء وفرض مجلس له ايدلوجيات بعينها الناس رافضاها على الارض؟

عذرا أستاذة بثينة كامل دي روايتك للموضوع والراجل قال روايته قبل كدة قدام الناس مع يسري فودة وانا مضطر اصدقه وأعمل نفسي ماسمعتش حضرتك
السؤال مشاكلنا الحقيقية زي القاضي بتاع محكمة العادلي والسباعي بتوع نفسية مبارك وقريب مبارك اللي كان ماسك لجنة الانتخابات المزورة في 2010 هننزل ليها مليونية فعلا ولا اصحاب المصالح الشخصية هيقلبوها لخناقة مع الجيش تاني زي ماحصل اخر مرة؟

احلام جوليا said...

والله يا نواره الخليجين هنا بيستفزونا واتخانقت كالعادة بسبب مبارك خناقة يمكن توديني ورا الشمس مع ست خليجية بتدحداني وتقول لي فلس واحد ما تقدروا تاخدوه من مبارك وحيطلع ومش حيتحاسب وحنضحك عليكم كلكم انت تستاهلون الطج ( تقصد الضرب على الدماغ ) ايه رايك يا نواره اني قربت اصدق مش شايفة خطوة واحده في قضايا مبارك وولاده وحسه اني في طبخة ريحتها وحشه قوي بتطبخ من ورانا

احلام جوليا said...

والله يا نواره الخليجين هنا بيستفزونا واتخانقت كالعادة بسبب مبارك خناقة يمكن توديني ورا الشمس مع ست خليجية بتدحداني وتقول لي فلس واحد ما تقدروا تاخدوه من مبارك وحيطلع ومش حيتحاسب وحنضحك عليكم كلكم انت تستاهلون الطج ( تقصد الضرب على الدماغ ) ايه رايك يا نواره اني قربت اصدق مش شايفة خطوة واحده في قضايا مبارك وولاده وحسه اني في طبخة ريحتها وحشه قوي بتطبخ من ورانا نواره ليه لحد دلوقت زفت متنقلش لمستشفى السجن هو ايه حكاية نفسيته ما يتحرق ومبياكلش ان شاء الله عنه ما طفح ما بقاله 30 سنة بياكل من لحمنا وبعدين يا نواره ايه الحكاية بالضبط واخدينه ليه على الراحة وجولة شرف الايام الي فاتت في الخليج مش عجباني اصلا توقيتها غلط خالص وانا ادرى باهل الخليج حكومة وشعب بيموتوا في المخلوع ومبسوطين من شرف ليه اتفق معهم على ايه ايه الثمن الي حندفعه احنا علشان كم ريال فارغين حيضحي بمليارات مبارك علشان كم مليون تافهين شحاته ولا ايه

احلام جوليا said...

نعرف منين اصلا ان جمال وعلاء في طره وان مبارك في حجز في المستشفى واحنا لا شفنا ولا عرفنا

agad69 said...

ماهو باين من الاول انه مش هيحصل حاجة يا جماعة، مش واخدين بالكوا ان المخلوع ده قاعد اربعة وعشرين قراط فى مصر ويقولك آل ممنوع من السفر! ما ياما ممنوعين وعرفوا يهربوا عادى! بس الراجل وعيلته والشله كلها مطمنين على نفسهم اوى، اصلهم 15 يوم او شهر ويثبتوا برائتهم ومش بعيد نتطلع احنا اللى سارقينهم كمان

Passant said...

حالة عامة من الإستهبال و الإستعباط:
و محدش بيقولنا ايه حيثيات الافراج عن طقم المخابيل دول و كله كوم و الراجل سبعاوى تمنياوى ده ايه يعنى هو النائب العام بيعاندنا نقول الراجل بيزور فى التقارير يقوم يوديه يكتب تقرير عن مبارك لا و اللى يغيظ انهم يسيبوا عم سباعى ده و يقبضوا على المحقق فريد حشيش اللى كشفه مرة مع وائل الابراشى و مرة مع بسرى فودة جرى ايه يا سيد عبد المجيد هو احنا نقول تور تقوله احلبوه و بصراحة اللواء اسماعيل عتمان بيقول كلام مينفعش يطلع من واحد فى مركزه ابدا

LogicMind said...

الثورة ما ينفغش تكون فاصل ونواصل.. واهى دى النتيجه.. هذه ثورة ساذجه.. مش عايزه تصدق ان فيه حد بيضحك وحيضحك عليها.. استنوا شويه كده وح يطلعوا ادله تقول ان الثوار كانوا خونه واصحى
يا شعب .. دول بيقبضوا بالدولار
كل حاجه واضحه وعمالين نسأل ليه بيعملوا كده وليه البطئ الشديد ده.. ولكن مش عايزين نصدق الاجابه وهى ان الثورة سلمت امالها واحلامها واخدت فاصل ومش عارفين ح تواصل ولا مش ح تواصل.. ربنا معاكى يا مصر