Friday 1 April 2011

بكرة مليونية ان شاء الله :)

من التويتر... دي صورة ميدان التحرير دلوقت

بصوا بقى.. هالله هالله ع الجد والجد هالله هالله عليه
بكرة ان شااااااء الله مليونية
ان شاء الله
بقالنا كام يوم فيه محاولات ان اليوم يبوظ؟ انا شخصيا مش عارفة احدد الجهة، حاسة ان ستميت جهة عايزة تبوظ بكرة وتعمل لنا مصيبة وتبوظ لنا اليوم، من الآخر كده عايزين مواجهة ما بينا وبين الجيش وعايزين يشوشوا على مطالبنا
انا شخصيا مطمئنة لأن العدد بإذن الله حيبقى كبير، وكل ما العدد بيزيد كل ما الدنيا بتبقى أمان أكتر، بنونس بعضينا
العدد كبير يعني
1- ان شاء الله مافيش مواجهات بينا وبين الجيش مهما حد حاول
2- صعب قوي ان حد يشوش على مطالبنا واحنا عددنا كبير كده
3- اللي حيندس حيبقى نهار ابوه اسود، حياكل سلمية سلمية لما يبان له صحاب
عايزين بقى من دلوقت.. من اول الشباب اللي في التحرير وياريت حد يوصلهم دلوقت، لجان شعبية تحمي المداخل والمخارج والداخل والخارج ودانه تتفتش والبطاقات تتشاف 
عايزين تنظيم تمام زي الايام الخوالي... ولا نسينا؟ احنا ثورة سلمية وحتفضل سلمية ان شاء الله
تمام
ودي المطالب الموجودة في الايفينت:


مطالبنا /


1- الأسراع في محاكمة كبار الفاسدين و علي رأسهم مبارك و ثلاثي الشر : زكريا عزمي و صفوت الشريف و فتحي سرور .


2- حل الحزب الوطني اساس الخراب و الفساد في بلادنا , و عمل قائمه باسماء اعضاءه و عدم السماح لأي عضو من اعضاءه بممارسة الحياه السياسيه سوى بعد التأكد من سلامه سيرته الذاتيه أو برائته من أي تهمه الموجهة اليه .


3- تطهير الأعلام الفاسد الذي يدافع عن المجرمين و يؤيد الثورة المضادة لأجهاض ثورة الشعب , و استبدال رؤساء الجامعات و المحليات و الاعلاميين الفاسدين بأعلاميين شرفاء للمساهمة في توعية الناس و عدم تضليلهم .


4- الأفراج عن معتقلين الرأي الذين اعتقلهم الأمن المركزي مسبقا و الشرطة العسكرية حديثا .


5- التأكيد علي حرية الرأي و التظاهر السلمي و عدم العمل بأي قانون يصدر لتقييد رأي الشعب الذي يستمد الجيش منه شرعيته .


6- الأسراع من مصادرة اموال الطغاة و رجال الأعمال الفاسدين و تجميد كل ارصدتهم في كافة بنوك العالم و اولهم ال مبارك .




تنويه هام جدا جدا::


ايمانا بدور القوات المسلحة المصرية و ثقة في جيشنا العظيم
فأننا سنكمل ثورتنا و يقيننا في الله ان جيش مصر العظيم سيقوم بمساندتنا و حماية ثورتنا و لن يقبل بتقييد حرية الشعب و الألتفاف علي مطالبه و لن يتخذ قرارات اخري الا لصالح الشعب الذي هو مصدر السلطات .


و لا نشك ولا نشكك اطلاقا فى وطنية قواتنا المسلحة (خير أجناد ألارض) ونقدر دورها الهام فى حماية الثورة والثوار الذى جنبنا اسالة حمامات من الدماء...فهى ادت دورها و وجابها فى هذا الامر على اكمل وجه


نختلف فى الرأى مع المجلس الاعلى للقوات المسلحة فى ادارة عملية التحول الديمقراطى ونعلم ان المهمة الملقاه على عاتق قواتنا المسلحة ثقيلة جدا...ونزولنا للتظاهر يوم الجمعة 1/4 هو من اجل تصحيح المسار..والمطالبة بتحقيق باقى المطالب التى تضمن للمصريين جميعا نجاح ثورتنا باذن الله


ارجو من كل من ينضم للمظاهرات يوم الجمعة 1/4 الا يرددوا ولا يرفعوا اى شعار يهاجم القوات المسلحة
الحفاظ على شعار "الجيش والشعب يد واحدة"


والله الموفق


29 comments:

Unknown said...

نواره من اول مابدات اقرا لك من اكتر من سنه وانا بعشق صرحتك ووضوحك طبعا ماهى الجينات ليها دور
وخلال وبعد الثوره بحترم ارائك واسلوبك فى الاختلاف دا غير مبادئك
الهم عشان متعتبريش كلامى مجامله انا معاكى قلبا وقالبا
دول لازم الثلاته دول يختفوا من على وجه الارض
وامنيه حياتى يتطبق عليهم اقتراح قانون الضرب بالجزم للكفراوى
والنهاره باذن الله اخرهم وزى ما قلتى الجيش له احترامه ومعزته عندنا ياريت ماحدش ينسى ده
مع حبلا واحترامى
وعمار يامصر بولادكدايما باذن الله

علان العلانى said...

الجيش يحمى الشعب
الشعب يحمى الجيش
والثورة تحمى الجميع

بساطه said...

ياااااارب .. والله دمعت .. ان كنت خااايف اوي بكره العدد يبقى قليل .. وقلقان ومش عارف انام .. ياااارب زيد العدد كمان ووفق ثورتنا لطريق الحق والنور .. وسدد خطانا يااارب .. اللهم اشرح صدورنا .. ويسر امورنا .. واحلل العقده من لساننا .. يفقهوا قولنا.. ربنا يبشرك بالخير ويسعدك ويهدينا جميعا .. يااارب اكرمنا .. واصلح حالنا

salma dodin said...

nawara.........
i have seen some discussions about the new Constitution....and it made me really afraid!!......there might be a problem with the new one coming with the next Parliament....
have you studied that?.......i saw your earlier post but have you reviewed that after?
please tamneena...can you ask the professionals you know and help clarify this?
Allah yewafa2kom fel mozahra bokra we ma7roosa ya masar

nour1971 said...

يا ريت هي دي الروح اللي تفضل علي طول معانا الشعب المصري الطيب اللي بيحب بعضه اللي السياسه مش حا تغيره و تخليه يبيع مبادئه علشان منصب عمره ما كان حا يحلم بيه قبل الثوره يا رب يا رب يا رب نفضل كويسين مع بعض و بنحب مصر اوي اوي و نتمنالها الخير علشان تبقي احسن بلد في الدنيا دي كلها لان مصر هي ام الدنيا دي كلها ولما مصر تبقي كويسه و شعبها يرجع طيب زي زماااااااااااااااان البلاد التانيه كلها حا تحاول تقلدنا انشاء الله العدد يكتر ويكتر ويبقي بالملايين علشان الواحد يحس ان الناس لسه فاكره الثوره و متفتكرش انها خلصت لان الثوره لسه مخلصتشي دي لسه بتتولد و الناس اللي بتعد تقول استقرار و زهئنا تخرس و تتلم

Unknown said...

http://www.facebook.com/video/video.php?v=120485921361939&oid=153568574698995&comments

Unknown said...

http://www.facebook.com/video/video.php?v=120485921361939&oid=153568574698995&comments

mutargim said...

كن عميلا ترى الوجود جميلا
http://al-agenda.blogspot.com/2011/03/blog-post_31.html

انت شاس و الا كاخ

http://al-agenda.blogspot.com/2011/03/blog-post_30.html

Unknown said...

المعتقلييييييييييين
المعتقليييييييييييييييييييين والمظلومييييييين
دول أهم حاجة
عايزينهم يخرجوا معانا يشموا نسيم الحرية
نفسنا أهلهم يحسوا معانا بالفرحة
طول ماهم محبوسين في سجون ضيقة ومضلمة وحاسين باننا ناسينهم هتفضل فرحتنا ناقصة
يااااااارب عايزينهم معانا

مهندس مصري بيحب مصر said...

أنا أعرف ناس نازلة التحرير النهاردة من دمنهور و من جميع مراكز محافظة البحيرة

مش فاهمه said...

كده انتى نوارة بتاعة زمان ....

Tears said...

اعتقد ان اليوم كان ناجح فعلا بالذات كمان فى اسكندرية لان العدد على الكرنيش و قدام المنطقة الشمالية كويسة جدا

بس فيه خبر منتشر و كمان لقيت ناس كتير بتقوله على تويتر و عايزة اعرف لو تقدرى تاكديه

مكتوب ان هدى الشريف اخت صفوت الشريف هى زوجة طنطاوى من سنة 76

Unknown said...

طيب خدى دى
صفوت حجازى فى خطبة الجمعه قال ان مجموعه من ائتلاف الثورة قرروا انهم يدوا مهلة اسبوع وبعد كده ينزلوا يوم 8 ابريل
وقال اللى عاوز يروح الجمعه دى يروح لكن معاد المظاهرة 8 ابريل؟
ممكن تفهمينى ده معناه ايه غير السوء اللى جه فى بالى؟

Tears said...

لو بايدى كنتى انتى مسكتى الفترة المؤقته بدل المجلس اللى ادى الفسدة شهرين يرتبوا ورقهم و يهربوا فلوسهم و يقلبوا لنا البلد و دلوقتى مرجعين مجاهدى افغانستان و احنا اصلا معندناش شرطة

اتفضلى بلطجية صفوت المحمى
http://gate.ahram.org.eg/NewsContent/4/6/56000/حـوادث/تقارير/صحفي-يتعرض-لاعتداء-من-مجهولين-بعد-أن-كتب-موضوعًا-ع.aspx

Anonymous said...

ياريت تساعدونا في حملة جمع التوقيعات لانقاذ مطالب الثورة.

الصفحة على الفيس بوك
http://tinyurl.com/3ugot6g

صفحة جمع التوقيعات
http://tinyurl.com/5s6nt9o

Anonymous said...

انا اطالب بتطهير البلد من كل الا مرحشي الميدان والا بيقول نطهر قيادات التليفزيون فقط لية نطهر التلفزيون ايضا من الفنيين وبتوع الكاميرا لازم نطهر مصر ونقتل كل الا مرحشي التحرير لازم نقتل كل من لم يستفد من النظام السابق لكن مرحشي التحرير لازم نقتل كل من كان يري ان النظام البائد كان نظام الامن والامان لاننا الان لسنا في ديمقراطية وانما نحن في ديمقرتاطية الثورة وخلاصتها ان لم تكن معنا سنقتلك

Anonymous said...

الحمد لله رحنا و محدش قدر يبوظ المليونية. بالعكس التحرير كان على آخره. أكيد عدى المليون. و المطالب كلها إتقالت بوضوح و الكورة فى ملعبهم يا تتنفذ يا مفيش غير الإعتصام. إن شاء الله حننقذ ثورتنا و محدش حيقدر ياخدها مننا و ربنا يوفقنا لما فيه الخير لمصر.
ملاحظة عابرة: كان نفسى أشوفك هناك يا نوراة بس عزائى إن كان فيه هناك مليون نوارة :).
اختك
هبة حسنى - ba7ebMasr.com

Anonymous said...

الحمد لله رحنا و محدش قدر يبوظ المليونية. بالعكس التحرير كان على آخره. أكيد عدى المليون. و المطالب كلها إتقالت بوضوح و الكورة فى ملعبهم يا تتنفذ يا مفيش غير الإعتصام. إن شاء الله حننقذ ثورتنا و محدش حيقدر ياخدها مننا و ربنا يوفقنا لما فيه الخير لمصر.
ملاحظة عابرة: كان نفسى أشوفك هناك يا نوراة بس عزائى إن كان فيه هناك مليون نوارة :).
اختك
هبة حسنى - ba7ebMasr.com

Crazy Nemo said...

اليوم كان جميل و المصريين ثبتو فعلا انهم متيقظين و يقدرو يتجمعو و يحمو ثورتهم ف اى وقت

Anonymous said...

نوراة مش انتى بتقولى انا مع الشعب الشعب كان هناك من غير الاخوان الللى عاملين صفقة ومن غير السلفيين ومن غير اى حد كان هناك الشعب وياللعجب الشعب فقس المجلس العسكرى والمشير اللى انتى بتحبيه وظبطه شعارات ولو انتى كنتى هناك ومشيتى تبقى بتصادرى على رأى مليون واحد من شعبك هتفوا ضد المشير تبقى انتى كده مش مع الشعب بجد ويبقى كل كلامك كلام فى كلام فى كلام

بهيج الشرير said...

والنبي ياأبلتي أنا عندي سؤال! هل صحيح أن خديجة باراكودا خلعت من الواد إبن عرس والمعروف أيضا بإسم الثعبان الأقرع وسافرت على لندن

nosseir said...

مش كان الكلام على الفيسبوك ان اليوم مظاهرة بدون اعتصام؟ الناس اللى فضلت وحاليا معتصمة هناك دة بتعمل اية؟...انا مع الاعتصام...بس لما يكون فى قرار جماعى بالاعتصام...انما الف والفين وتلاتة دة مش اعتصام...وبيضر اكثر ما بينفع..بيضر فى علاقتنا بالجيش...الجيش مش هيقدر يقرب من المعتصمين لو عددهم كبير.. لكن الوضع الحالى زفت

Unknown said...

nourah i read this and it sounds very logical to me. please let me know what you think once you read it. my email is smah4nubia@gmail.com
http://www.watan.com/%D9%87%D8%AF%D9%87%D8%AF-%D9%88%D8%B7%D9%86/%D8%B1%D8%B3%D8%A7%D9%84%D8%A9-%D8%B5%D8%A7%D8%AF%D9%85%D8%A9-%D9%85%D9%86-%D8%B6%D8%A7%D8%A8%D8%B7-%D8%A8%D8%A7%D9%84%D8%AD%D8%B1%D8%B3-%D8%A7%D9%84%D8%AC%D9%85%D9%87%D9%88%D8%B1%D9%8A-%D8%A7%D9%84%D9%85%D8%B5%D8%B1%D9%8A-%D9%84%D8%B4%D8%A8%D8%A7%D8%A8-%D8%A7%D9%84%D8%AB%D9%88%D8%B1%D8%A9-%D9%84%D8%A7-%D8%AA%D8%B5%D8%AF%D9%82%D9%88%D8%A7-%D8%A7%D9%84%D8%AD%D9%83%D9%88%D9%85%D8%A9-%D9%88%D9%84%D8%A7-%D8%A7%D9%84%D9%85%D8%B9%D8%A7%D8%B1%D8%B6%D8%A9-%D9%88%D9%84%D8%A7-%D8%AA%D8%B9%D9%8A%D8%B4%D9%88%D8%A7-%D9%81%D9%8A-%D8%A7%D9%84%D8%A3%D9%83%D8%A7%D8%B0%D9%8A%D8%A8-%D9%88%D8%A7%D9%84%D8%A3%D9%88%D9%87%D8%A7%D9%85.html

Unknown said...

سؤوال يا نواره هو مين إلي طفى النور مين ؟

سؤوال تاني لو فلوس مصر إلي بره مجتش مين المسئول هتحاسبوا مين سعتها ومين أنتي عارفه سبب عدم مجيها إيه شوفي الخبر ده وأنت تعرفي مين المسئول

أموال الـ‏19‏ الكبار لن تعود إلي مصر تلقائيا
كدت بريطانيا أن الاتحاد الأوروبي لا يمكنه مساعدة مصر في استعادة الأموال السائلة والمنقولات المنهوبة التي نقلها أصحابها من الدول الأعضاء في الإتحاد إلي أماكن أخري قبل الثاني والعشرين من الشهر الحالي‏.‏

وصرح متحدث باسم وزارة الخارجية البريطانية لـ الأهرام بأنه لا يمكن لبريطانيا من الناحية القانونية ملاحقة أو إعادة أي أموال ربما يكون أصحابها من قائمة الـ19 الكبار في النظام السابق قد نقلوها من المؤسسات والبنوك البريطانية إلي دول أو مناطق أخري توصف بأنها آمنة من الملاحقة.
وكان مجلس وزراء الاتحاد الأوروبي قد أصدر مذكرة عقوبات مالية في الحادي والعشرين من مارس, بتجميد أي أموال تخص19 شخصية مصرية, من بينها الرئيس السابق حسني مبارك وزوجته ونجلاه وزوجتاهما وعدد من الوزراء وزوجاتهم وأبنائهم.
ولم تنص المذكرة الأوروبية علي إعادة هذه الأموال, في حالة وجودها وتجميدها إلي مصر تلقائيا. وأكد المتحدث البريطاني أنه لا يمكن للسلطات البريطانية ملاحقة أي أموال ربما يكون هؤلاء نقلوها من بريطانيا أو دول الاتحاد الأوروبي.
وأقر المتحدث بأن المذكرة الأوروبية تأخرت, وقال يجب أن تقدم السلطات المصرية أدلة تبرهن علي أن هذه الممتلكات هي ثمرة أموال عامة اسيء استغلالها.

http://www.ahram.org.eg/The-First/News/70429.aspx
الأهرام

هو مين السبب في تأخر تجميد الفلوس مين مين ردي يا ست الكل ردي مين السبب أو المسئول عن كده ؟

ثوار 25 يناير عملوا إلي عليهم كشفوا الفساد كله للناس
دلوأتي الفساد يتغطى وبيدارى..مين المسئول

بس يا ترى هتعرفي تحسبي المسئول مع ان المسئول ده توأم روحك ؟

شغلوا الناس في تكوين الأحزاب وقانون الأحزاب وشغلوا الناس في الإستفتاء إلي الكل أتضحك عليه فيها وشغلو الناس في الإعلان الدستوري إلي هو مكون من 63 ماده منهم مواد لم يستفتى عليهم وشغلوا الناس في حوار وطني عديم الملامح وشغلوا الناس في قانون تجريم الإعتصامات وشغلوا الناس وفي الأخر

مفيش أي مفيده
الفساد هوه هوه وكل حاجه لازم نغيرها بإيدينا أمته هيجي اليوم إلي أشوف في واحد خايف على البلد دي بجد من قلبه من غير ما حد يقله خاف عليها

امته!!

إبقي فكريني هتحسبيهم أزاي لما يقلولك فلوس مصر أتحولت لأماكن غير معلومه ؟

سلام

ماجد العياطي said...

الله ينور يانواره

نتقابل هناك ان شاء الله

تحياتي

مش فاهمه said...

ممكن تنبهى ان مصر بتتباع فى البورصه و ان اللى بيحصل و حايحصل فى البورصه كارثى و بعدين ليه الأخوان ماشاركوش اهو عبد المنعم ابو الفتروح استقال و ربنا فضحهم بدرى بدرى بجد حاسه ان ربنا معانا فى الثورة دى و حاسهلها بس انتى خفى حبك شويه للجيش و كله حايبقى تمام

elzahraamegahed said...

ليه ولادنا بيتحاكموا محاكمات عسكريه والأنجاس بندور على أدله عشان يتحاكموا مدنى ، ليييييييييييييه؟، دول أنجس من النجاسه وحقهم يتقتلوا من غير حتى ما يتحاكموا

Zeyad Al-Qirsh said...

http://masribarra.blogspot.com/
plz check my blog i am a big fan

arabian_faithful said...

ياريت كل واحد يفهم هوا عاوز أيه

أحنا لو أتنيلنا حاكمناهم محاكمات عسكرية كل الفلوس اللى هربوها خلاص بخ
و بعدين يعنى من حسن عملهم أوى فحنحاكمهم محاكمات عسكرية مهم متنيلين بنيلة و معروف أنهم حرامية و فى مليون دليل ضدهم بس إحنا لازم نستف ورقنا صح علشان الفلوس لازم إن شاء الله الفلوس ترجع
ولو كانت الفلوس فى مصر ماكنش حيبقى فيه مشكلة إنما الله يكرم أصلهم هربوا الفلوس برا فلازم نتصرف بحكمة