Thursday, 14 April 2011

مأمور سجن طرة وكل الطقم لازم يتغير.. ولا نعمل لكم مليونية لطرة بقى؟

ايه ده بقى ان شاء الله؟

احنا مش عايزين وجع دماغ بقى، احنا زهقنا مش كل شوية حننزل بقى مليونية
مأمور سجن طرة والطقم كله يتنقل يروح القناطر ويجيبوا طقم جديد رخم، ويتعمل تفتيش على الوزرا دول
ولا نعمل مليونية بقى لطرة ونظبطهم احنا بنفسنا ولا ايه؟

63 comments:

hayat ank said...

بصى يا نونو انابس كنت عايزه اقولك ان هم لازم يتوزعوا علشان كده امنيا غلط ممكن السجن يقتحموه اتباعهم ويهربوهم وطره نفسها مكان مفتوح ممكن يخطفوهم بالطيارات او يحصل اى قصف هاتقوليلى الجيش مامن ممكن اى طياره خاصه تطلع من مصر وتنزل لهم اى وسيله يطلعوا بيها او يتعمل قصف علشان يخلصوا منهم ويكتموا على البلاوى الى وراهم هم نفسهم بيجتمعوا فطار وغداء وعشاء يعملوا مليون ثوره مضاده مش واحده وكمان المساجين هايعملوا مشاكل معاهم بسبب المعامله الخمس نجوم الى بيتعاملوها لما يبقوا كتير كده المساجين ممكن يعملوا ثوره داخل السجن

Argenda said...

لو شفتي برنامج 360 درجة على الحياة النهارة هتشوفي كمية مكالمات من بتوع اسف و عيب و رمز اللي لفت نظري اسم واحدة متصله اسمها سامية
نفس الاسم في كل موضوعات اليوم السابع على النت عن النخلوع بتعلق باسفة و بحبه و غالبا بتكون ضمن أول 3 ردود نفس المضمون من بتوع اسفة
يبقى كده باين شغل اللجنة الالكترونية ما هو مفيش حد 24 ساعة علي النت و اول ما خبر عن المخلوع ينزل يعلق ضمن اول 3
موضوع اللجنة ده لازم يخلص بسرعة
بالنسبة لكلام السجين بسيطه وفد من شباب الثورة - انتي توزيهم - يروحو للدكتور عصام و وزير الداخلية و شوية كاميرات و جرايد و الدنيا هتتشد

mohammed said...

طب خدى دى عندك بئه. حد شغال فى جامعة الدول بلغنى إن الشخصيات الى تم القبض عليها و جمعها فى بورتو طرة دول كانت حياتهم مهددة بالقتل و جت معلومات عن محاولات لإغتيالهم و عشان كده لموهم فى سجن طرة و السؤال بئه يا ترى لما الخطر يخف عن الجماعة دول هيخرجوهم من السجن و يلطعوا الشعب على قفاه و لا أيه النظااااااااااااام؟؟؟

Zeina said...

معاك حق كل ما الواحد يفرح يطلغ واحد من الكلاب دوول يطلع لينا لسانه و بعدين ايه الكلام ده يعني مسجون وعنده كل حاجة وكمان حد يخدموا و يقولوا يا باشا دوول عايزين يروحوا ابو غريب ويسفوا الترابز عايزين نعرف الحقيقة فين الشفافية الي بالنا ميت سنة بنادي عليها يا بت يا شفافية اطلعي باي كفاية لعب كده

Haya said...

دا ما يقدر على القدرة الا ربنا ...خلاص !!!
خلاااص..بئا خلااااص أقول إيه يا خواتي ..غااااااي منكو واللي بتعملوا في بعض

LogicMind said...

سؤال من واحد مش قانونى... مش هما برضه محبوسين على ذمة التحقيق... اعتقد لا يعاملوا معاملة السجناء حتى يصدر ضدهم حكم قضائى... ولكن متوصلش لحد سيراميك وميه سخنه وخدامين...واظن لازم يتسجنوا فى سجون متباعده علشان ميبقاش السجن مركز للتأمر على الثورة... وطبعا مأمور السجن لازم يتغير وكل الطقم... بس لا تنسوا ان العساكر البسطاء هما كمان عايزين يحسوا يعنى ايه ثورة وايه الفايده منها ليهم علشان يغيروا سلوكيتهم ويطبقوا نظام السجن على الجميع بالعدل

dina said...

يا جماعه لازم يتفصلوا عن بعض فى حد يحط كل كميه الفساد دى فى حته واحده - المشكله الكبيره انهم ممكن يخططوا و يدبروا مع رجلتهم الى بره و يعملوا بلاوى زرقه - و كمان ممكن يتفقوا على الاقوال عشان محدش يغلط و يعترف على التانى و ينقذوا بعض وساعتها هما الى حيشمتوا فينا
الله يخليكى يا نواره وصلى الرساله دى لوزير العدل او اى مسؤول

Ahmed . M . Abdulrahman said...

انا سمعت ان عندهم شاشات LCD وداتا بروجكتور و لابتوبات وتلاجات وانهم اعدين مع بعض ولا الرحله المدرسيه و حاجه اخر مسخره خالص
ايه مهم جيين يتفسحم

دول مساججججججججججييييييييييييينننننننننن

لازم نضوف علاج للاستهبال ده
______________________________

الى عايزنى يجينى
http://misr25jan2011.blogspot.com

Mervat said...

ريا و سكينة و عبد العال و حسب الله وعرابي و عبد الرازق كلهم دلوقت في حجز واحد و لما كانوا في حجز واحد في العشرينات ما عرفوش يطلعوا منهم حاجة علشان طبخوها مع بعض لما بقى فصلوهم عرفوا يجيبوا قرارهم و يقرروهم يا ترى بقى نعمل ايه دلوقت علشان نفصل العصابة دي بقى؟

sema said...

دا إيه الاستعباط دا , ماعندهوكش ملاكى بالمرة يهربوا بيها , والا هما بيخدوهم رحلات لوندرلاند

archTEEFA said...

ومستغربة ليه ؟؟؟
ماقاللك حبيب العادلي أول ما دخل ادولوا التحية العسكرية !!!
الداخلية عاوزة تتنسف أصلا !!!
التعريص فيها مش هايخلص !!!

Smartacuss said...

يعني ..
على آخر الزمن بنستشهد بالمساجين في اعلام فضائي على الهواء .. ونتحزق زنتزرزر .. وندعو ائتلاف شباب البدنجان للملونية .. حتسموها ايه دي.. مليونية المهلبية

أحمد عبد الرحمن said...

مش مهم... ما تدقيش في الحاجات دي... المهم إنهم جوا... أهم حاجه بس إنهم ما يتلموش على بعض علشان ما يتفقوش على كلام واحد... ﻷن بعض القضايا خاصة قتل المتظاهرين تعتمد بشكل أساسي على تخبيطهم في بعض.... لااااااازم يبعدوا عن بعض

m.elaimy said...

Also, no one has yet seen a picture of Habib ElAdly in his white "designer" training suit. It is not to gloat, but just to make sure that we shall all be treated--not quite equally--but almost!

And Suzanne!
كتب أحمد حسن بكر (المصريون): | 14-04-2011 01:26

نفى المستشار محمد عبد العزيز الجندي وزير العدل مثول سوزان ثابت، حرم الرئيس السابق حسني مبارك للتحقيق معها أمام النيابة العامة في شق جنائي وفق ما أعلنته بعض وسائل الإعلام

I think something needs to be done urgently.

سميه said...

اظن صاحب القناة بيكمل ثوره مضاده وعايز يغلي دمنا

hassn hamdi said...

على فكرة انتي طيبة زيادة عن اللزوم
وهوه المأمور هيعمل كده برضه من دماغه ولا الأوامر جايه "من فوق"؟

سميه said...

عندي احساس انهم بيذيعوا حجات زي دي عشان يحرقوا دمنا والله وهما الي مسربين الخبرده لكن السجن سجن ياباشا

mohamed said...

المفروض ده يتقالو ده عند امه يا ادهم مذنب ولا مش مذنب

samah said...

يعنى ما فيش فايدة... هانفضل طول عمرنا مفروسين؟ قبل زى بعد؟ جوة زى برة؟ هو السجن إصلاح و تهذيب و إلا نُزهة و ترفيه؟ ثم إن وجودهم كلهم فى مكان واحد خطر علينا. مطلوب قطع الاتصالات عنهم و مراقبتهم بكاميرات و سماعات أحسن يكونوا بيدبرولنا مصيبة. حسبنا الله و نعم الوكيل فيهم فى كل فيمتو ثانية ليوم الدين

احلام جوليا said...

للاسف انا اليوتيوب مش بيفتح عندي ياريت تكتبي السبب يا نواره الله يخليك تقصدي ايه وايه الي بيحص في التسجيل

احلام جوليا said...

للاسف انا اليوتيوب مش بيفتح عندي ياريت تكتبي السبب يا نواره الله يخليك تقصدي ايه وايه الي بيحص في التسجيل

Abdelrahman Mostafa said...

الكويس هيفضل طول عمره كويس
والوسخ هيفضل طول عمره وسخ
لو الرجل ده من بره السحن يبقى مش مشكلة
اما بقى لو من داخل السجن دي تبقى مصيبة
ظابط الشرطه الفاسد سيبقى كما هو فاسد ولن يتغير لانه لا يفكر الا في نفسه

Bienveillant أوفياء مصر d'Égypte said...

لا لبيع غاز مصر للعدو الصهيونى

يا مجلس مصر العسكرى المحترم والمحبوب ويا دكتور عصام يا شرف يا رئيس وزراء مصر المحترم والمحبوب - نقول لكما أن الشعب المصرى لا يريد بيع الغاز المصرى لإسرائيل ولو بكل أموال الدنيا - فمن فضلكما لا تقعا أبداً فى المحظور بإعادة انتاج جريمة مبارك ونظامه فى ببيع الغاز المصرى لإسرائيل تحت أى دافع وتحت أى مسمى وتحت أى مبرر فى الدنيا - فكل مبررات الدنيا لا تسمح لكما ولا لأحد فى مصر كلها ببيع غاز مصر للعدو الصهيونى

rania said...

الضرب في الميت حرام . كفايه انهم مسجونين دي عقوبه كبيرة في حد ذاتها ومهما كانت غرفهم حلوة مش هتيجي حاجه في القصوري اللي كانوا فيها
بلاش دوشه ربنا يخليكم البلد مش ناقصه
هدوا اللعب شويه وخصوصا في الحاجات الهايفه نفسي اعرف بس الاعتصامات اللي ماشيه في ميدان التحرير ليه وسببها ايه متفكوش عقد الامن خالص لمنعرفش نلمه

مش فاهمه said...

يانوارة دخول مرتضى السجن بتلفيقه كده و حايطلع منها و الفيديو اللى طالع فيه بيصوت ده بتاع المرة الأولى لما اتسجن من 3 سنين .....لكن دخوله هو و سرور زى ماسليم العوا اشار ان اتصالهم بالعصابه جوه ممكن علشان يستفوا الردود على التهامات انتى ناسيه النائب العام يعنى مش فوق مستوى الشبهات الموضوع فيه تشاؤم زياده بس لازم برضه نبقى واعيين للى بيحصل الخوف نلاقى فريد الديب داخل طره بحجة انه كسر اشارة مثلا

أرنوب said...

أيه البراءة اللي إنتي فيها دي ؟ فوجئتي ؟(على رأي محمد صبحي : فوجئت يا وله ؟) أمال كنتي فاكره أيه ؟ بيحلقولهم شعرهم ويضربوهم على قفاهم ؟ ده إذا كان تجار المخدرات بيتعاملوا نفس المعامله دي مش عايزه دول يتعاملوا ده ؟ صحيح لم يعد لهم نفوذ - وهو تاجر المخدرات نفوذه أيه؟ - لكن معهم ما هو أقوى من النفوذ وهو المال الوفير الذي يجعل الكل خدامهم بداية من المأمور وحتى أصغر شاويش وأقل مسجون .. وفي دي بأه بالذات ريحي نفسك .. مافيش فايدة حتى لو عملتي ستين مليونيه وغيرتي ستين طقم .. يالكم من عيدان خضراء ساذجة حقاً .. فوقوا شوية من أم النقاء الثوري اللي إنتوا فيه ده وأنزلوا إلى أرض الواقع

حاجات جوايا said...

لا يروح القناطر ايه ؟؟
انتى ناسية ان سيئة مصر الغولة هتشرف هناك قريب
يروح ابو زعبل بقى ولا اى مكان
بس فعلا لازم الطقم كله يتغير
ايه الاستفزاز ده
يعنى يسيبونا ويروحوا يستفزوا فى السجناء
يبقوا مسجونين ومستَفزين كمان

محمد said...

ايه الهبل ده؟ ازاى ده محامى ومش عارف الفرق بين السجين المحكوم عليه وبين الحبس الاحتياطى؟ وايه الهل اللى فيه ريم ماجد ده..هى كل اللى يهمها تقليد منى الشاذلى وخلاص؟
ميت يضمن ان ده صح؟ ومين ياخد كلام ثقة من متهم بالتزوير ؟ وفيه مجرم محكوم عليه 4 سنين ومعاه موبايل؟ هى دى الجريمة بجد
ويقول لك معاهم دى فى دى...ههههه اللمبى عامل شغل
ياجماعة ده حبس احتياطى مش من حق حد يحلق شعرهم ولا يأكلهم فى قروانة ولا يقعدهم مع محكوم عليهم
ومليونية ايه يانوارة..انتى خلاص بقيتى حاسة انك ممشية البلد؟
ايه الفجر فى الخصومة ده؟ دى من أيات المنافقين

جبهة التوعية بأهداف الثورة said...

أول قصيدة لمبارك (نهاركوا أسود)

نهاركوا أسود مهبب *** يا إللي مش حاسين
شايفين حصلي إيه *** والا مش شايفين
أنا كنت بأسرق زمان *** والكل كانوا ساكتين
وعصابتي كانت كمان *** وزرا وحزبيين
حتى مراتي سوزان *** سرقتلها قرشين
وولادي هما كمان *** إشتغلوا حراميين
فهمتوا والا إيه *** عاملين مستهبلين

أنا كنت ريّس وباشا *** وشعبي كان مسكين
وكنت باكل بغاشه *** وهما ياكلوا طين
وكانوا بيأيدوني *** ويقولوا بالملايين
من كتر ما كانوا ياما *** ما أعرفش هما مين
ولما قبضوا عليه *** ومسكوا النصابين
دلوقتي مش لاقي حته *** أهرب أروح على فين
حبسوني في المستشفى *** وبقيت لوحدي حزين
وبكره هيرحلوني *** وإيديه مكلبشين
وأدي أخرة إللي يسرق *** فلوس المصريين

يقول أنى امرأة said...

انا بردو اتحرق مى امبارح يعنى صحينا ع اخبار زى الفل و نيمونا متنكدين بالمكالمه دى ... الطبقيه و التعالى و الفلوس حتى فى الحبس دول لازم اولا يتفرقو عشان ميخططوش علينا خطط مش نظيفه و بعدين يعدو فى عنابر زى الشعب و يعملو حمام فى الجردل ... بيقولك ركبولهم سخنات ... حاجه تفقع المرارة

طبيب بيطري said...

مبروك الجزيرة استضافتك
هههههههههه

--------

كنت اتمني انكم تركزوا في هدف زيادة الانتاج او تتبنوه بس بدل ما قاعدين تحسبوا لكل واحد وتعقبوا علي المجلس العسكري بالخير او بالشر
يعني الاولايات المفروض تتعدل:
1- الانتاج
2- محاسبة المفسدين والفاسدين

بالله الاخ بتاع سيدنا ابو بكر قوليله لما ميعرفش بفية القصة ميحكهاش عشان ميضحكش التويتر عليه

المهم

------------
موضوع المعاملة دي شئ لا يمكن السكوت عليه بس مش نجري نعيط للمجلس العسكري
احنا نشد ع الداخلية ونقدم بلاغات في مصلحة السجون ووكلاء النيابة الخاصين بمتابعة السجون

HOKSHEA SAYS said...

معرفتكش انا كده ...........امال هما مسجونين ازاى ايه قلة الادب دى
والله الموضوع ده ميتردش عليه الا بكلمة واحدة وكلكم عرفينها =اعترض وبشدة

nehad_mhlba05 said...

معلش اسمحيلى أعارضك يا أستاذتنا، نهمد بقى شوية، لان لو نزلنا مظاهرة علشان الكلام ده يبقى احنا بنتدلع كدة، و بعدين عادى، لو شفتى فيلم Goodfellas بتاع المافيا حتعرفى ان ده عادى، و بعدين حنروح بعيد ليه، ماهو هشام طلعت بيتعامل كدة من زمان!!

الازهرى said...

اهدى يا عم المتعصب

الحمد لله اخر قشاي ةاتقضمت
والباقى سهل ومن غير مليونيات باذن الله
كله بيخاف على نفسه وعلى راسهم بتوع طرة


وعقبال الراسين الباقيين

Devman said...

ياريت يا جماعة نركز ونجعل أهدافنا أكبر
إحنا يهمنا في إيه ان عيشتهم تبقي في السجن جحيم ، عادي يقعدوا في السجن مرتاحين مافيش مشكلة المهم الىن نضمن ان احنا نحاكمهم صح (محاكمة عادلة وبأكبر قدر من الادالة) علشان نخلص منهم للأبد وبصورة قانونية
لازم ما نتكلمش ونقول مظاهرة مليونية والكلام ده علشان حاجات تافهة زي دي.
أنا شايف الكلام بتاع الراجل عادي جداا مافيهوش حاجة تزعل إلا موضوع مساجين الخدمة دي حاجة غلك .، بس كمان لو تعرفي ده نظام معمول بيه في كل السجون مش مع دول بس ، يعني السجين الغني أو الواصل بيظبط حواليه مجموعة تخدمه وبيبقي برضا منهم مقابل خدماته المالية المحسوبية ليهم.

محمد صالح said...

هي الأستاذة نوارة اشتغلت وزير داخلية ولا إيه؟
انقل و جيب و حط و شيل
وبعدين فكرة كل ما عايزين نعمل حاجة هبه مليونية دا مش مقبول احنا المفروض دولة مؤسسات مش فوضى

Ahmed said...

هو انا متاكد انهم بيتعاملوا معاملة خاصة في السجن بس فيه كذا نقطة :
1- انا مش مصدق الراجل ده لانه مفروض محامي زي مبيقول يعني عارف انه المسجون احتياطي مبيتحلقلوش شعره
2- ماينفعش نعمل مليونية دلوقتي لانه الناس كش معانا فعلا
3- لازم يتعمل فصل مابينهم عشان ميضبطوش اقوالهم مع بعض
4- يا ريت نهدا شوسة و زي مانتي قولتي امبارح نركز علي كلام احمد شومان عشان يتاع الخضار و العسكري الصغير و حتي المسجون يحس انه فيه ثورة و انه هيستفيد منها
5- يا ريت نعمل بلاغات للنيابة عشان المعاملة ليهم في الجن من باب الاحتياط برده او مجموعة من الائتلاف يقابلوا وزير الداخلية

محمد طنطاوي said...

هام جدا وضرورى
بالنسبة للأخ اللى قلتلك إن أعرفه اللى بيشتغل فى الأنفاق فى غزة ، أنا كلمته ، وهو عنده استعداد إن يجيى ويدلى بشهاته ، ووعدنى إن يجيب معاه مستندات كمان ، بس هو مش عارف يجيى ازاى ، عايز امكانية للإتصال بيكى يعنى إميلك تليفونك ، لتنسيق ذلك ، وبعدين ممكن اخليكى تتواصلى معاه وتنسقى وكدا يعنى

استراحة مصرية said...

ياريت حد يوضحللى سؤال محيرنى
مش المفروض يفصلوا بينهم علشان مصلحة التحقيق ؟؟؟على الأقل ما يستفيدوش من التنسيق مع بعض فى أقوالهم؟؟؟؟
ياريت نبتدى بقى نحس ان الدنيا اتغيرت ولو شوية صغنونة
مش كده وللا ايه ؟؟؟؟؟؟؟؟؟؟؟؟؟؟؟؟؟؟

استراحة مصرية said...

ياريت حد يوضحللى سؤال محيرنى
مش المفروض يفصلوا بينهم علشان مصلحة التحقيق ؟؟؟على الأقل ما يستفيدوش من التنسيق مع بعض فى أقوالهم؟؟؟؟
ياريت نبتدى بقى نحس ان الدنيا اتغيرت ولو شوية صغنونة
مش كده وللا ايه ؟؟؟؟؟؟؟؟؟؟؟؟؟؟؟؟؟؟

احلام جوليا said...

نواره انبوبة البوتاجاز في المحافظات وصلت ل 40 جنية والناس بتحمل الثورة ذنبها ممكن تقولي لي حتعملوا ايه علشان ترجعوا ثقة الناس فيكم اتحركوا في اتجاه الناس علشان تلاقوهم معكم خلاص انتخابات مجلس الشعب قربت ووراها رئيس الجمهورية خليكم مع الناس علشان الناس تبقى معكم

الشبكة المستقلة said...

شيلي الصور اللي على اليمين
و حطي مجموعة جديدة و يكون فيها يوسف والي و عمرو سليمان

Dr. Mohamed said...

أرجوكم ركزوا في كلام الأستاذ محمود ... النزيل في سجن طرة
* نصدقه لأنه بيقول إن مأمور السجن السابك صديك شخصي لسيادته؟
* أم أنها محاولة مفضوحة لتهييج الرأي العام الذي هدأ بعد قرارات الحبس الأخيرة؟ ... لاحظوا أنه يتحدث عن "غرف" ولم يذكر كلمة "زنازين" ... والغرف أمامها جناين وكراسي ... وسيراميك وسخانات ..... أترك الحكم لكم

Dr. Mohamed said...

أرجوكم ركزوا في كلام الأستاذ محمود ... النزيل في سجن طرة
* نصدقه لأنه بيقول إن مأمور السجن السابك صديك شخصي لسيادته؟
* أم أنها محاولة مفضوحة لتهييج الرأي العام الذي هدأ بعد قرارات الحبس الأخيرة؟ ... لاحظوا أنه يتحدث عن "غرف" ولم يذكر كلمة "زنازين" ... والغرف أمامها جناين وكراسي ... وسيراميك وسخانات ..... أترك الحكم لكم

hussein014 said...

الحبس الاحتياطي غير السجن
ادارة السجن من حقها تخاف منهم وتعمل لهم ا
احترام علشان الناس اللي تبعهم برة والفلوس
المساجين اللي جوة ادام الفلوس ممكن الواحد
يشتغل رقاصة
سجن طرة اشبه بمدينة ومش من حق المسجون ‏


انه يدخل كل المباني وبعدها العنابر واخيرا الزنار
ين
ممكن العادلي واللي دخلوا معاه في الأول يبقوا
عندهم بعض المميزات لأنهم دخلوا في عهد مبارك
وشفيق لكن الباقيين لاأظن
مسألة دخولهم السجن علشان الحماية ده فيلم هندي وهابط كمان
فيه حد يصدق مجرم متهم بالتزوير

hayat ank said...

والنبى حكايه الفحوصات الطبيه والحاله الصحيه والعنايه المركزه دى بقيت فاكسه قوى اروح بقى انا يغمن عليه هايحطونى بقى فى العنايه المركزه بتاعت شرم الشيخ الى لسه محدش دخلها ولا لسه افتتحوها والنبى دول هايسحلونى ومش هلاقى غير مستشفى منشيه البكرى ولا القصر العينى على ترولى فى الطرقه يعف عليا الدبان ويلطش فيا الرايح والجاى

بــــ الخطاب ــن said...

الكلام ده عايز ثورة جديدة مش مليونية
واحنا لازم نحذر المجلس العسكرى بسرعه اتخاذ قرار حاسم فى الموضوع ده علشان وضع البلد مش مستحمل انفجار جديد
يعنى لما الناس تسمع الكلام ده دول يتحسروا على عيشتهم بره
ربنا يستر

hayat ank said...

تانى هاقول وهافضل اقول ويمكن اعمل اضراب عن الطعام عبد المجيد محمود النايم العام والملط هم الى فى الاول كانوا لاززززززززززززم يتشالوا وزى ما ناصر امين قال الشرطه القضاء الاعلام هما الى لازم يتطهروا والمحاكمات تبقى بلجنه مستقله شعبيهوالى يحقق مع الناس دى يبقوا قضاه بعد تطهير القضاء كلالىبيحصل بياكد ان الحل عند ناصر امين وحياه ميتينكوا او احيائكوا شوفوا مين الاغلى عندكوا لتسمعوا كلامه

كيوبيد said...

اقول ايه مافيش عندى غير حسبى الله ونعم الوكيل انا ضد ها القانون وعايزو يلغى قال ايه قال سجن وفيه تلفزيون ودش وسخان الله يرحم احمد عرابى مع الفرق مابين عرابى ورفاقه وبين حسنى ورفاقه نام احمد بك عرابى على الاسفلت وتحكم واحنا عاملين لهم السجن فنداق حد يواصل صوتى للمجلس العسكرى وصوت الف من المصرين ياريت السجن يبقى سجن مش فندق 5 مليون نجمه ياسيادة المشير الشعب يريد الغاء قانون التميز المالى فى السجون والله ها القانون كان اغرب قانون طالع فى عصر السادات يظهر انو كان عارف ان هايجى يوم على مصر ويدخل الرائيس السجن فاعمل حسابو على الله صوتنا يوصل للمشير والمجلس ويالغو هذا القانون الغير اخلاقى والغير انسانى والغير عدل

hayat ank said...

هو دا ال يخوف فعلا وطبعا هيكون للخارج فورا ---للمجلس الاعلى الحراسة غير كافية ويجب نقلهم وتوزيعهم على السجون واماكن غير معلومة -- داخل مصر طبعا

مخاوف من عملية ارهابية لتحرير علاء وجمال مبارك - منتديات ام النور
www.saint-maria.com
مخاوف من عملية ارهابية لتحرير علاء وجمال مبارك مـــنـــتـــدى اخــــبـــــار

torero said...

يا نوارة انتى عارفة انا بحبك قد ايه؟
بس حاسس انك عارفة حاجة فى موضوع المجلس العسكرى و ساكتة؟ السكوت يعنى تنازل و اللى يتنازل مرة هيتنازل اكثر من مرة
طمنينى على مصر لو سمحت

torero said...

يا نوارة انتى عارفة انا بحبك قد ايه؟
بس حاسس انك عارفة حاجة فى موضوع المجلس العسكرى و ساكتة؟ السكوت يعنى تنازل و اللى يتنازل مرة هيتنازل اكثر من مرة
طمنينى على مصر لو سمحت

torero said...

ايه حكاية طلعت السادات و الحزب الوطنى ؟ هو حد ماسك عليه ذلة ولا ايه الموضوع؟ ارجو التحقق

mohamad said...

مظاهرة عند المزرعة هيدخل فيها نفس الكباتن اللي دخلو في مظاهرة التحرير الأخيرة وهيهربوهم يا هيقتلوهم

hardway said...

الي أرق نوارة ...وزيرة داخلية مصر من منازلهم
ايه يا أمــــــوووووووووووورة.....
مليونية ايه..وطره ايه.....ومأمور ايه
هو من أول الثورة وانت شغالة في دماغنا
حسني..علاء..جمال..صفوت..زكريا..سرور..
هي دي كل ثورتك المباركة..وبـــــعـدين
طب دول دخلوا السجن خلاص..هتعملي ..ايـه؟؟
البوتاجاز..الخضار..الفقر..البطالة.....
الجهل..المرض..التدهور الاقتصادي الثقافي
العلمي الاخلاقي الزراعي الصناعي ....
حتي التدهور المــائي...!!!!!
روحي طره يمكن المليونية بتاعتك ..تطعم 85 مليون نسمة.....
ياخويا فين كلام الاخ شومان اللي وجعتي دماغنا معاه و انك مبهورة و منبهرة بهذه الشخصية وترتيب الافكار...وكلام كتير..ولازم يكون في لجان فلاحين ولجان عمال وان أهداف الثورة
خـبز..حـرية..عدالة اجتماعية
وأصبحت
حسني..جمال..علاء
أين أنـت يا سيادة الرائد/أحمد شومان
أما الفيلم الهابط أخر حاجةبتاع السنيورة/ريم ماجدو السجين بتاع الاربع سنين ......الجالس وراء الديكور بتاع البرنامج وبيتكلم من الاستديو ممكن يمشي في بوركينا فاسو....................
ياعم أرنوب.......
وبعدين في البراءة دي..أخر حاجة....

cherif.hakam said...

تجمعهم يسهل التآمر,وتسحب منهم وسائل الاتصال,فهذا لا يوجد فى سجون الدول المتقدمة يعنى أوروبا وأمريكا. د. شريف عبد الحكم-باريس

كمونة said...

مش ممكن يكون الراجل ده كذاب ؟

كمونة said...

هو ينفع حد يتصل من السجن ؟
وليه مش بيقول اسمه كامل ؟؟

معليش انا مش مصدقة الفيديو ده
وتلاقي واحد من الثورة المضادة هو اللي عمله
هم عايزين يوقعوا بين الشعب والجيش بأي طريقة

samah said...

نوارة حبيبتى, أرجوكى حاولى توصلى الخبر ده لأى حد ممكن يوصله لوزير الداخلية أو للمجلس الأعلى للقوات المسلحة لأنى حاولت أنشره على كل الصفحات الرسمية المتاحة و لكن لا يوجد مكان أكتب فيه إلا الصفحة الرسمية لمحبى وزير الداخــلـية الـــلـــواء / مـنـــصـــور عيسوى و كتبته مرة و اختفى و كتبته تانى و قبل ما يختفى عملت كوبى و الخبر هوة:
Remove PostSamah Mamdouh Hussein
برجاء اتخاذ اللازم تجاه ما جاء فى الفقرة الأخيرة من الخبر : "وكشف شهود عيان أنهم شاهدوا فتيات أجانب تدخلن عنابر كل من حبيب العادلى، وزير الداخلية الأسبق، ورجل الأعمال أحمد عز، ومعهن لاب توب، وهو ما يعد مخالفة صريحة لقوانين ولوائح السجون". فهل يُعقل هذا؟
http://www.shorouknews.com/contentdata.aspx?id=432286

تفاصيل الليلة الأولى لنجلى (الرئيس المحبوس) فى سجن طره - بوابة الشروق
http://www.facebook.com/l.php?u=http%3A%2F%2Fwww.shorouknews.com%2F&h=dbd41
شهد سجن مزرعة طره صباح أمس حالة من الهدوء خاصة بعد ترحيل نحو 95 مسجونا احتياطيا على ذمة التحقيقات فى قضايا مختلفة إلى سجن ملحق بسجن طره الرئيسى، كما كشف شهود عيان وجود عدد من المساجين «الخدم» وإعداد تجهيز فندقى لعنبر جمال وعلاء اللذين استقرا فى زنزانتهما، كما استقر الدكتور فتحى سرور رئيس مجلس الشعب
11 minutes ago ·LikeUnlike · · Share
و مش عارفة إيه ريموف اللى فى أول الخبر دى؟

أبو يوسف said...

الحمد لله البلاد اللي في العالم فيها رئيس سابق واحنا بقى عندنا رئيس سوابق.

Egyptian said...

Omar Afifi artist and Prof. and God saw recently in this regard on this
Link
http://www.youtube.com/watch?v=8tJkjUsHHv4

Watched the video of this man very frank
I hope that does not challenge the sincerity of one second and explicitly
This guy s honor Norah O

al gokar said...

اللهم ارفع سخطك وغضبك عنا ومن شرور خلقك سلمنا والى غيرك لا تكلنا وانصرنا على من عادانا وكل اعوانهم آمـــــــين يارب العالمين

al gokar said...

حسبى الله ونعم الوكيل