Tuesday, 26 April 2011

ما تقسوش على الناس اللي متعاطفة بشار

في موضوع سوريا ده، الموضوع مش ابيض واسود لاسباب كتير
يعني مثلا انا عرفت ان غسان بن جدو استقال من الجزيرة، وغسان بن جدو راجل شريف مائة بالمائة، بس هو مصدق الرواية السورية الرسمية للاحداث
مش لازم في الموضوع ده اللي ما يساندش الثوار يبقى شخص مش نضيف، بس ممكن يبقى شخص طيب زيادة، غسان مثلا ضحى بأكل عيشه، واحتمال كبير ما يلاقيش في التوقيت ده مكان يشتغل فيه، لأن كل القنوات الفضائية اللي ينفع غسان يشتغل فيها بتغطي سوريا ومش بتغطي البحرين.. وش كده، وهو استقال عشان عدم تغطية البحرين، وعشان هو بيقول ان التغطية لما يحدث في سوريا اثارية ومش جايبة وجهتين النظر
الكلام ده ممكن يبقى مزعج لحد زيي مثلا، بس انا مش حاتهم غسان في ذمته ابدا، لأسباب كتير، أولا لإن ذمته نضيفة فعلا، ووطني فعلا، ثانيا لأن اساسا معسكر الممانعة دول مش معاهم فلوس يشتروا بيها ذمم، دول هم دولتين تحت الحصار، وحركة تحت الحصار، وحزب بيعمل ماجات ودبابيس عشان يلاقي يصرف على نفسه لو اي حد من حلفائه خلي بيه، ولو معاهم فلوس كانوا اشتروا ذمم وخلصوا من زمان، واللي حيقول لي لا معاهم فلوس وبيشتروا ناس حاقول له حضرتك كحيان وما شفتش يعني ايه فلوس يا جعان، جرب كده تشتغل مع السعودية ولا مع امريكا وهم ينغنغوك، امال يعني الفرقة اللي بتشتغل مع السعودية كبيرة والفرقة اللي بتشتغل معاهم هم عددها قليل ليه؟ 
وانا مش فاهمة ليه فيه ناس كتير من المتعاطفين مع معسكر الممانعة مصدقين رواية الاعلام السوري مع انها مش معقولة ابدا
وناس انا باثق فيهم عمالين يبعتوا لي ميلات يقولوا لي ما تنسيش ان بشار عمل اكتفاء ذاتي من القمح، وعمل تطوير للصناعة، وساند المقاومة، وعمل وعمل
طب يا جماعة استنوا خمسين سنة عشان تقولوا الكلام ده لو سمحتوا، ما ينفعش الكلام ده تقولوه وفيه ناس بتموت، وما يصحش تقولوا لي عدد القتلى 400 بس! استنوا خمسين سنة، التاريخ لسبب ما لا يعبأ بالدم، ولا يعبأ بالقهر، ولا يعبأ بالظلم، ولا يعبأ بواحدة زي طل الملوحي، بعد خمسين سنة حيقولوا على بشار اللي بيقال على محمد علي وعبد الناصر، عشان هو فعلا عمل كل اللي قلتوه ده واكتر، بس دلوقت ما تضغطوش على اعصاب الناس، واعصابي انا بالتحديد وتقولوا لنا الكلام ده، وما ينفعش كمان تطلبوا من ناس خرجت تطلب حرية ارجعوا بيوتكم عشان ده عمل اكتفاء ذاتي من القمح والمحاصيل الاستراتيجية وطور الصناعة السورية، طيب دول بني ادمين اللي خرجوا دول، مش مشنة قمح، ولا مكنة في مصنع، دول بني ادمين، ومقهورين، وزهقانين، ومظلومين، واتقتلوا، و400 في خمس اسابيع مش شوية، و4 يتقتلوا مش شوية، ودم البني ادمين غالي، اغلى من ستميت مصنع، والف غيط قمح، وعشر حروب ينتصر فيها على اسرائيل، وانا ماليش دعوة بإن فيه ناس من مأجورين السعودية وامريكا سخنانين على الثورة في سوريا، انا مالي؟ انا ضميري ما يسمحليش اشوف ناس بتتقتل واسكت، وما ينفعش تربط الولاء الوطني بشخص، وكأن الشعب السوري في اساسه خاين وبشار هو اللي حايشه عنا، وبعدين، طب ما يسيب للناس نفس يتنفسوه يعني، كابس على انفاسهم لما انفجروا فيه ليه؟ ما يخليهم يتكلموا زي ما الناس بتتكلم، ويفرج عن المعتقلين ويسيبهم يعيشوا، ويعمل اصلاحات سياسية، هو بيربي مواشي في زريبة عشان يقولهم مالكوش عندي غير الاكل والشرب والحماية؟ بيخوفهم ليه؟ انت لو قابلت سوري في الدنمارك وقلت له: ايه حكاية المظاهرات في سوريا، حيسيبك ويمشي من كتر الرعب... طب ليه بيعمل كده يعني؟ ايه المبرر لده؟ وحزب البعث ده الحزب النازي العربي، والناس بتقعد تدافع عشان خايفة لبعدين اللي مراقبها يروح يقول ان الزعيم اتشتم وهي سكتت، وكل واحد مراقب التاني، واخرتها يموتهم ويدخل لهم الدبابات؟ وانتوا مصدقين ان الثوار مسلحين؟ وبعدين الاعلام السوري بيقول الثوار مسلحين وبيطخوا على الجيش والشرطة
طيب ماشي
مسلحين وبيطخوا على الجيش والشرطة، ويروحوا جايبين لك فيديو بتاع نضال ده، مسكوه بيقولك سحلوه وبعد ما ضربوه دبحوه بالسكينة.. الله! وليه المجهود ده كله في شخص واحد؟ هم مش برضه مسلحين ومعاهم قناصة وسلاح جايبينه من - قال ايه -  سعد الحريري.. سعد الحريري التافه ده بيعرف يسلح حد؟ طيب يا سيدي، سعد الحريري التافه بيعرف يسلح حد، بس حتى الفيديو ده اللي جايبه التلفزيون السوري نفسه ما شفتش فيه سلاح، وبعدين هو باين فيه حاجة؟ واحد مضروب لما معدوم العافية، وكل دول ملمومين حواليه، كل الشعب ده ملموم عشان يقتل واحد؟ ومسلحين؟ دول لو كان معاهم طوبة كبيرة شوية كانوا خلصوا بدل الهلولة دي
افففففففففففففف
الموقف تراجيدي فعلا
تراجيدي لإن اللي واخدين موقف متعاطف مع بشار مش ناس مأجورة، بس زي ما يكونوا كده سلموا مخهم لنظرية المؤامرة لابعد الحدود، وزي ما يكونوا مش عارفين ما يصدقوش الاعلام السوري اللي كدبه مفضوح لإن لسان حالهم: طب يعني هو معقولة واحد بيطور الصناعة والزراعة ويساند المقاومة يكدب؟ 
اه معقولة على فكرة يكدب... واساسا القمع والقهر اللي هو فارضه على الناس ده مالوش اي مبرر، وحبس عيلة عندها 19 سنة خمس سنين حبس عسكري بتهمة الخيانة العظمى مالوش مبرر، والطخ على الناس مالوش مبرر، و400 قتيل مالوش مبرر، ومافيش حاجة تشفع لده كله، حياة الانسان اغلى من اي حاجة
وفيه من اللي واخدين موقف مساند للثورة مغرضين ويا اما طائفيين ومرضى بالفاشية ضد الشيعة، يا اما هم اصلا من القبيضة فعلا بقى، لإن السعودية وامريكا بيعكموا كويس، وعندهم امل ان بشار يتشال وييجي مكانه حد زي السادات كده يبيع لهم سوريا، او عندهم امل ان سوريا تبقى زي ليبيا وتقلب حرب اهلية
ومش شرط ابدا املهم يتحقق، لإن اولا ربنا موجود، ثانيا القياد في ايد الثوار ويقدروا يسيطروا على الموقف، ثالثا، السوريين وطنيين فعلا، عشان تلاقي واحد عميل امريكاني وسطهم، حياكلوه اكل وهو واقف كده
والخلاصة بالنسبة لي، انا ماليش دعوة مين واخد موقف مع مين ومين مع ايه؟ انا ليا دعوة بالحق
الانسان من حقه يعيش حر، ومن حقه انه لا يقمع، ولا يقهر، ومش يتجبر انه يعلق صورة الزعيم، ويبقى عايش حياته خايف يتكلم، واخوه بيكتب فيه تقارير وهو بيكتب تقارير في اخوه، ولما الناس تخرج وتقول زهقنا، من حقهم يخرجوا ويقولوا زهقنا، وماحدش يطخ عليهم، وماحدش يخوفهم، ولا يموتهم، وماحدش فوق ده كله يتهمهم بالعمالة، والطرف الاقوى هو اللي يلام
وممكن تبقى مشكلة تلخبط الناس لما يبقى المختلف عليه واحد زي بشار مش زي مبارك، حيث ان مبارك لا بنى دولة، ولا احترم انسان، لكن بشار بنى دولة، لكنه ما احترمش الانسان
وانا ما اعرفش ليه فيه ناس حاسة ان الاولوية مش للانسان؟ ليه يعني؟ طظ في الدولة على فكرة، انشالله يبقوا عايشين في خيم يا اخي بس في امان وكرامة وما يخافوش من حد، حتعمل ايه بانسان مرعوب ومش قادر ينطق ولا يتنفس؟ مالوش قيمة الانسان ده، مالوش اي قيمة خالص.. واللي يكسر حاجز الخوف تحت حكم قمعي بالشكل ده مالوش عندي غير الاحترام والمساندة، واللي يقف يقابل الرصاص بالطريقة دي يبقى شهيد... ايا كانت تبعات تحركاته، وايا كانت الجهات اللي حتشمت واسبابها.. الانسان له الاولولية
قضي الامر الذي فيه تستفتيان

30 comments:

Mondassa said...

لا تصدقي كل هالحكي
كنا نحب رئيسنا وملتفين حوله رغم القمع اللي تعودنا عليه ورغم الفساد اللي غلغل بكل سوريا وما كان يخطر ببالي ولا لحظة إنه ممكن يستخدم العنف ضد شعبه
حتى توقعت بكل براءة يتنحى حتى ما تنسفح دماءنا على الطرقات
بس طلع متل أبوه
قاتل ومجرم ومستعد يفني درعا وحمص وكل مين بيفتح تمه بكلمة
هو يمكن بالبداية كان له شوية إصلاحات ما مننكرها بس لولا الفساد اللي زاد على عهده ولولا القمع والذل والخوف كنتي لقيتينا غير هلأ تماماً
لأن سوريا مكتفية ذاتياً وفيها مؤهلات وشعبها واعي ومثقف
بس شو الفائدة إذا كانت كل خيرات البلد بتروح لجيب ناس معينة

الناس اللي طلعت صدقيني طلعت بصدورها العارية
والشعارات اللي ارتفعت كانت كلها مع الوحدة الوطنية وضد الطائفية
واللي طلع بالمظاهرات ناس من كل الطوائف
وكل شي عم يبثه التلفزيون السوري كذب وتلفيق
ومتل ما قلتي الشعب السوري وطني
ساند فلسطين ولبنان واستضفناهم ببيوتنا وعايشين معنا وطبعاً منيتنا على حالنا لأنو هاد واجبنا
الله يحمي هالبلد من كل سوء

بساطه said...

الله يكرمك يانواره وينور طريقك .. فعلا الانظمه بتاعتنا هي الي ربت عندنا الاستهزاء بروح البني ادم مع ان رسولنا الكريم قالنا من قتل نفسا بغير حق فكأنما قتل الناس جميعا .. وتميم البرغوتي كمان قالها بشكل جميل ده مش قتل انسان ده قتل نسل انسان.. وبحكم نصي الحمصي قلتلك ان في ناس كتير بتحب بشار بجد مع انهم مهربين عيالهم من سوريا .. ناس كويسين انما بيتفرجو على الاعلام السوري ومش عاقلين الامور .. انما ما ينفعش ناس تكون لحد النهارده ممنوعه من دخول سوريا عشان عندها دين مثلا .. ده فساد .. وبعدين هما ليه محسسني ان سوريا قطعه من باريس .. في تأخر واضح في سوريا .. في ايجابيات انما الدوله متأخره جدا.. هو ده الي هما عايزينه لعياهم .. يا عالم ليش بشار متبت بالسلطه .. يروح الله معه ويترك المجال لغيره يعمل شي .. شو الي خلقه ما خلق غيره .. لا تخافوا طلعوه من الحكم وشوفوا الف غيره راح يكون امين على سوريا

m said...

سؤال لكل عاقل لمذا استقال غسان بن جدو الان عندما بدأت الجزيرة بتغطية احداث سوريا ؟؟لماذا اصبحت الجزيرة غير مهنية لانها انحازت للحق في سوريا!!!!!لماذا لم يقدم استقالته اثناء ثورة تونس ومصر وليبيا واليمن عندما انحازت للشعب ايضا ومارست نفس الدور الذي تمارسه الان
ام لان الامر يمس ايران والشيعة !!!!مجرد سؤال

حازم الهواري said...

لا حول ولا قوة الا بالله العلي العظيم بقينا فى زمن عجيب يعنى الشعب السوري بقى هو الجاني والنصيري ابن النصيري سليل عائلة الجحش طلع راجل كويس ........بصى يا ست نوارة زي ما قتلك قبل سابق انا مش بحب الطائفية بس انتى اللى بتقولى مش انا بصي بات عمى قادة الشيعو انجس من الكلاب ومنهم بيت الكلب حافظ الجحش ده ومن ازبل طوائف الشيعة عموما ومش بيتورعوا عن قتل طفل صغير ودبحه وتقطيعه زي ما عملت جماعة امل فى الاخوة الفلسطنيين زمان يعنى هتتكلمى اتكلمى عن البلد ككل اللى 85% منهم سنا ومعتدلين جدا وناس زي العسل بس المصيبة كلها جايه من ولد الفرطوس بشار وابوه قبله واخوه ماهر الكلب النصيري الصغير وطبعا عمه رفعت الجحش الملياردير ....ثم يا نوراة هى فين دول المناعة دي ؟؟؟؟ مش برضه حافظ الجحش اعلن عن سقوط القنيطرة ابان حرب النكسة قبيل سقوطها بتسع ساعات ؟؟؟ يبقى ممانعة ايه بقى ؟؟؟ ده ضحك على الدقون ده مافيش طلقة طلعت من عنده ناحية الجولان ولا حتى طلقة رش منذ عام 1973 ............ثم ازاى وزير دفاع مهزوم يترقى يبقى رئيس ورئيس مدى الحاية ؟؟ وابنه يجيي رئيس وبرضه عايز يبقى مدي الحياة بقى سوريا بلد الشيخ ابو حامد الغزالى وصارم الدين ايبك وشمس الدين اقوش وكل الابطال اللى سيرتهم عطرة وما فيش غير بيت الجحش هما اللى يحكموهم ؟؟؟؟؟ انا مالش دخل بشعية وسنة وبس يا نوراة لو سمحتى لو سمحتى لو سمحتى لو سمحتى بقولك كذا مرة اهو اقرى عن اللى بيعملوه الشعية فى العراق وفى الاحواز فى ايران اللى علمه حزب الشيطان فى قرى السنة اثناء حرب تموز 2006 وانتى تعرفى ان الموضوع خطييييييييييييييييييييير جدا جدا ده بالنسبة للقادة الشيعة مش عموم الشعية يبقى ما تقوليش لا شيعة ولا سنة كلهم سوريين .....النصر لتونس ومصر واليمن وليبيا وسرويا وكل قطر عربي حر

alimalhaq said...

بسمه تعالى
أجد لزاما علي أن أنبه أن هذا القول فيه تسرع في الحكم على الوضع في سوريا وعلى بشار الأسد بالتحديد رغم المنطق الظاهر في طريفة تفكيرك في الأمور. لا أحد ينكر ديكتاتورية النظام السوري وأن الكثير من الناس قد ظلموا في سوريا وأن الإصلاحات حاجة ملحة هناك وأن الكثير من السوريين يحتجون انتفاضا لكرامتهم التي داس عليها بعض الفاسدين. ولكن هذا كله في كفة وطريقة التعامل مع الأحداث وفهمنا لها في كفة أخرى. ما تثيره وسائل الإعلام فيه الغث وفيه السمين ولذا علينا الركون إلى الصادقين في نقلهم الأمناء على المعلومة. هناك مثلا تحفظ كبير وكبير جدا على قناتي الجزيرة والعربية اللتان أظهرتا المصداق الأبرز للمعايير المزدوجة فما إن وصلت موجة الثورات إلى البحرين حوصر البحرينيون إعلاميا (بالإضافة إلى الحصار العسكري والطائفي) وهذا يطرح علامات تساؤل كبيرة حول دور قناة الجزيرة بالتحديد وهو ما دعا أيضا بعض المحللين الإستراتيجيين كأنيس النقاش إلى ضرب كلب بافلوف(pavlov's dog) كمثال على طريقة عمل قناة الجزيرة منذ أن أنشأت والتي بدأت الان تتكشف. فقد كانت الجزيرة فعلا في معظم الأحيان مثالا للمهنية وكانت تعكس صورة وواقع الشارع العربي فتعود الفرد العربي على ذلك وأصبحت على نطاق واسع المصدر الرئيسي للمعلومات. ولكن حينما دقت ساعة الحقيقة فجعنا بهذه القناة التي أصبحت تضخم الأحداث في أمكنة معينة وتقلل من أهميتها في أمكنة أخرى والأخطر من ذلك أنه تم إعادة إنتاج أحداث قديمة (recycling) كما في الفيديو المتعلق بالعراق والذي عرض على أساس أنه عن أحداث سوريا وهذا هو الكذب الصراح ولا أستبعد أن تكون هذه سياسة وليست زلة. وبما أن الفرد العربي اصبح يثق بالجزيرة لم يعد هناك حاجة للصدق بل يمكن دس السم في العسل فكان الكذب و كانت المبالغة بين الفينة والأخرى وأصبحوا فقط بحاجة إلى دق الجرس دون أن يأتوا باللحمة إذا عدنا إلى التجربة البافلوفية فأخذنا نسمع عما يسمى بالشهود العيان الذين في أغلب الأحيان لا نعرف إسمهم ولا فصلهم ولا مكان تواجدهم هذا إذا كانوا موجودين على عكس ثورة مصر حيث كان كل شيء ينقل بشكل حي وواضح يستطيع أي إنسان التحقق منه وكشف ملابساته بلا طول عناء. وأنا أعتقد أن هذا التحول الدراماتيكي في طريقة عمل الجزيرة التي عزلت نجومها كغسان بن جدو وفيصل القاسم وأحمد منصور بعد ثورة مصر بقليل, هو ما دعا غسان بن جدو إلى الإستقالة من هذه القناة التي كنا نحترمها جميعا ولا يجوز التشكيك بموضوعية غسان بن جدو وذكائه والقول أنه يعتمد فقط على ما تنقله الرواية الرسمية. ثم إن أخطاء الجزيرة بل استراتيجيتها الجديدة لم تكن في سوريا فقط بل أيضا في ليبيا وفي البحرين وواعجباه أن تنقل الجزيرة الإنجليزية الأوضاع في البحرين في شيء من الموضوعية بينما تمتنع عن ذلك في النسخة العربية. أريد أن أعرف ما هي ميزة أمير قطر على بشار الأسد ففي البحرين تهدم المساجد بحجة أنها مساجد ضرار ويحرق القران وقطر تشارك في درع الجزيرة إما فعلا أو سكوتا وأوباما يمتدح أمير قطر لدورة في نشر الديمقراطية في العالم العربي ويمكن رؤية هذا اللقاء دون عناء على اليوتيوب. بالطبع أنا لا أريد أن أقلل من معاناة الشعب السوري ولكن ما يحصل هناك من ركوب على الموجة وتسعير كبير للمواجهات عن طريق الأجراس الكاذبة التي تدقها وسائل الإعلام التي اعتدنا على موضوعيتها لفترة معينة لا يجوز تسطيحه وجعله مواجهة بين نظام وشعب بل هناك في حالة سوريا مشروعية كبيرة للأخذ بحقيقة أن هناك أطراف أخرى أيضا تهدف إلى كسر الظهر الإستراتيجي للمقاومة فليس النظام السوري هو المستهدف الأساسي بل المنظومة الممانعة بأكلمها وعلى رأسها المقاومة الإسلامية في لبنان. ويجب أخذ هذا الأمر في الحسبان ومحاولة غربلة المعلومة قبل الأخذ بها فلا يجوز أن تعطى الفرصة لمعسكر الإعتدال أو الإعتلال أن يعيد رأب الصدع الكبير الذي ألم بمنظموته بخروج مصر منها عن طريق إضعاف معسكر المقاومة في ربع الساعة الأخير قبل سقوط الصهيونية. ليس هناك من تخوين للشعب السوري بل هو شعب شقيق مقاوم وأمين وهم الأنصار الذين نصروا المقاومين في حرب تموز بإيوائهم العائلات المهجرة وكلنا نتمنى لهذا الشعب الحرية والكرامة والأمن والإستقرار ولكن لا يجب أن نجعل هذه الشعارات تلهينا عن المصير الذي يراد للشعب السوري ومعه الشعب اللبناني والمنطقة أن يساقوا إليه. نعم للضغط نحو الإصلاح ولكن لا لإسقاط النظام لأن النظام والدولة في سوريا على عكس مصر شيء واحد وبلا دولة نذهب إلى مشهد ليبي أخر أشد مأساوية لأنه ما من بديل جاهز وواضح وهذا قد يصيب الكثير من الخطط والإستراتيجيات الموضوعة لمواجهة الصهيونية في مقتل. يجب أن نقول لا للفوضى الخلاقة الجديدة ولا لشرق أوسط على شاكلة أوباما ومن لف لفه!

elzahraamegahed said...

بصى يا نواره أنا فى فرنسا وأعرف أسر سورية كتير من العلويين والسنه، وأقدر أقولك إنهم بيخافووا يتكلموا عارفه زى أيام عبد الناصر واللى بنسمعه عنها وبعضهم نزلوا فى اعتصام فى ليون واتكتب تقارير فيهم وهما طلبه فى بعثات ومرعوبين جدا هيرجعوا سوريا ازاى، لدرجة بيوطوا صوتهم وهما بيكلمونى وساعة ما حد سورى يقرب يسكتوا لحسن يكون بيراقبهم وينقل اللى بيقولوه، بس الأكيد إن بعد كمية القتل الرهيبه دى الناس اتغيرت من ناحيته والمفاجأه فى واحده علويه قالبه عليه خالص بس طبعا باقى العلويين بيحلفوا بحياته معتقدين ان الموضوع طائفى

أبو هاجر said...

ست الكل يسعد صباحك
شوفي يا النوارة من الأشياء الجميلة فيك أنك صادقة وطيبة وبسيطة، لكن هذه الصفات الجميلة التي تعكس سريرة نقية وصافية، لما تترحل على السياسية تتحول إلى نقطة ضعف. سمعتك تقولين الزاي ؟ أقلك الزاي يا ست الكل ؟ لكن اعتذر مسبقا على المفردة لأنك عزيزة ، لكن للضرورة أحكام ، في تعليق سابق قلت لك أن السياسية في الوطن العربي لا تختلف عن الدعارة بل هي الوجه الآخر للدعارة لأن من يمارسها يجب أن يتخلى عن كل القيم الأخلاقية و الفضائل الإنسانية .أما أنت فأنك تمارسين السياسة وفي نفس الوقت تحافظين على نقائك وصفائك من هنا يأتي تشويش أفكارك .
من البداية لقد حدثت عن غسان بن جدو وأطلقت أحكاما مصدرها الوحيد هو صدقك وطيبتك التي فيها الكثير من السذاجة السياسية ،لأن غسان استقال لأسباب أخرى شخصية جدا وذاتية جدا. حتى لا أقول تلبية لرغبة الهانم التي هي شيعية عز عليها قمع أبناء الطائفة ولازم غسان السني، وهو نصف تونسي ونصف لبناني أن يتخذ موقفا وبخاصة هو مدلل من الطائفة ومن سيد المقاومة . نوارة حتى لا تتهمينني، أنا من أشد المدافعين عن المقاومة وسيد المقاومة ،وعن حركة حماس كما أنني من أشد المدافعين عن إيران وحقها في امتلاك السلاح النووي ومن المدافعين عن ثقافة المقاومة .
أما بخصوص سوريا هذا موضوع شائك ومعقد ومتداخل وتفكيكه يحتاج إلى خلفية تاريخية ولقد نصحتك بكتاب عن سوريا.
وبدون هذه الخليفة التاريخية لن تتمكني من فهم طبيعة الصراع في سوريا وكما قلت في تعليق سابق لقد نشرت مقال سنة 2001 عن سوريا وكان إسهاما مني بعد بيان الألف مثقف سوري الذين طالبوا بإصلاحات حاولت أن أبين فيه أنه يتعذر كثيرا تحقيق إصلاحات، مهما كانت نوايا الشاب بشار لأن ذلك يتجاوزه شخصيا وبكثير، لأن بنية النظام الطائفية تعيق أي إصلاح . من هنا صعوبة الوضع في سوريا لأن الطائفة العلوية ترى نفسها مستهدفة بوصفها طائفة لهذا من المتعذر التنبؤ بالقادم . قد تطرح جملة من الفرضيات ، هل يأتي التغيير من المؤسسة العسكرية لكن المؤسسة العسكرية يسيطر عليها الضباط العلويين أما الضباط السنة فهو يشرفون على مطاعم الثكنات أو موظفين داخل الإدارة . هل تتفق أمريكا مع ضابط علوي مثلما فعلت مع غازي كنعان الذي تم تصفيته مع قبل نجاح الخطة. أم هل يتغاضى الغرب ويترك سوريا تدخل في حرب طائفية لإضعافها وتاليا تدخل للتسوية وهي منخورة القوى . ستكون فرصة للآل سعود لتصفية الحساب مع النظام السوري المتحالف مع إيران .
سوريا مفتوحة على جميع الاحتمالات.

احلام جوليا said...

اولا اسمحي لي احيك يا نواره في المقال ده لسبب مهم جدا اول مرة اشوفك تختلفي مع حد ومتشتميهوش وتقولي عليه غبي وحمار وده اعجاز اهم من الثورة نفسها اسمحي لي انا اوقات كتير ببقى لي نفس رايك لكن ببقى متأذية من الشتيمة لانها معناها الاكبر انك مش ديمقراطية وبتطالبي بالديمقراطية
ثانيا : عندك حق في موضوع بشار بالذات لانه فعلا موضوعه محير هو طبعا دكتاتور لكن على طريقة عبد الناصر دكتاتور عادل يعني بيقتل في الناس بس عنده مبدأ في حرب اسرائيل والتنمية والزراعة والصناعة ولكن اختلف معك في موضوع السادات فالسادات دكتاتور صح مفيش منازع لكنه كان اذكى حاكم لمصر وبصراحة الوحيد الي كان عامل لمصر كرامة امام العالم لكن المصريين بينهم وبينه كانوا بالجزمة بياخدوا يعني نظام انا واخويا على ابن عمي لكن اظن امريكا والسعودية عاوزة واحد زي مبارك لسوريا يبقى من ايدهم دي لايدهم دي ومتنسيش ابدا مين الي قتل السادات يبقى ازاي عاوزين زيه
رابعا بشار دكتاتور فعلا والسوريين بيترعبوا يتكلموا عنه وانا شفت ده بنفسي

محمد نبيل said...

دولة ايه اللى بناها ؟! اقتصاد سوريا فى ذيل اقتصادات العالم.

نصيب الفرد من الناتج القومى فى سوريا لعام 2010 هو 2,877 دولار وذلك يضعها فى المرتبة 116 بين دول العالم

المصدر :

http://en.wikipedia.org/wiki/List_of_countries_by_GDP_%28nominal%29_per_capita

monna said...

I agree Bashar is criminal,but I'm against this revolution. Just stop whishful thinking and u will find out the truth.There's no chance for success.The longer the time, the more the harm and the death.No-one will benefit but Israeel

monna said...

Their revolution will succeed only when the majority of people r against Bashar.This isn't the case now.Activist should act on this before taking few thousands of people for death without gain

السلام عليكم said...

الراجل غسان بن جدو ده محترم قوى انا باحب كده رغم انى متعاطفه جدا مع
ثوار سورياوكلام مندسه وضحى لى الصوره اكثر والرؤيا ضبابيه بالنسبه لثوره البحريين بس المفروض الاعلامى لا يقدم شئ ضد قناعاته

السلام عليكم said...
This comment has been removed by the author.
salma dodin said...

dear elzahraamegahed
im in lyon too
if its possible i would like to get to know you, i don't know any egyptians in lyon!! heheheh
anyway if its ok this is my email:
salma_dodin@yahoo.com

thank you!!! :)

nehad_mhlba05 said...

كلامك صحيح 100 فى ال100 يا أستاذتنا
و الله لن نحرر أراضينا حتى يتحرر الانسان فى وطنه، و قد رأيت العجب فى خطاب بشار أمام البرلمان السورى، فعلاً حاجة تكسف انه ما زال هناك بشر يألهون روؤسائهم بهذا الشكل.
لو تتذكرى السيد راشد رئيس اتحاد العمال لما قال لمبارك "لقد رضى الله عن المؤمنين اذ يبايعونك تحت الشجرة" و ذلك بعد التجديد لمبارك، لو تتذكرى ذلك، فكل مجلس النواب السورى من تلك النوعية الا قليل جداً، و لنا أن نتخيل كيف تدار دولة بهذا الشكل و كم الفساد و القهر و الظلم الواقع على الشعب السورى.

Ammar said...

يا نوارة كلامك تمام بس اسمحيلي اقول كسورية ان الكلام عن بناء الدولة هذا ليس له اساس من الصحة فالدولة في سورية فاشلة الا في حفظ امن النظام و فاسدة ومرتشية و ظالمة و والمواطن فقير ومسحوق ومقموع ومضطهد على كل الصعد فلا يحدثني احد عن ان بشاراً بنى دولة هو لم يبن الا ثروته و ثروات المنتفعين معه ده إحنا في سوريا عندنا نفط هل تعلمين ذلك ولكن كله مسروق ولا يعلم احد عنه شيئا
كما ارجو ان تذكري ان القتل ليس جديدا على هذا النظام فهو قد قتل اكثر من ثلاثين الف انسان في مدينتي حماة قبل اقل من ثلاثين عاما ولم يسمع احد عنهم شيئا وكم يحز ذلك في نفسي عندما اخبرهم عن ما علميتان في حماة وينظرون الي وكأني اكذب او اقول ما لا يصدقه العقل

Sumaya said...

يا نوارة كلامك تمام بس اسمحيلي اقول كسورية ان الكلام عن بناء الدولة هذا ليس له اساس من الصحة فالدولة في سورية فاشلة الا في حفظ امن النظام و فاسدة ومرتشية و ظالمة و والمواطن فقير ومسحوق ومقموع ومضطهد على كل الصعد فلا يحدثني احد عن ان بشاراً بنى دولة هو لم يبن الا ثروته و ثروات المنتفعين معه ده إحنا في سوريا عندنا نفط هل تعلمين ذلك ولكن كله مسروق ولا يعلم احد عنه شيئا
كما ارجو ان تذكري ان القتل ليس جديدا على هذا النظام فهو قد قتل اكثر من ثلاثين الف انسان في مدينتي حماة قبل اقل من ثلاثين عاما ولم يسمع احد عنهم شيئا وكم يحز ذلك في نفسي عندما اخبرهم عن ما علميتان في حماة وينظرون الي وكأني اكذب او اقول ما لا يصدقه العقل

Sumaya said...

يا نوارة كلامك تمام بس اسمحيلي اقول كسورية ان الكلام عن بناء الدولة هذا ليس له اساس من الصحة فالدولة في سورية فاشلة الا في حفظ امن النظام و فاسدة ومرتشية و ظالمة و والمواطن فقير ومسحوق ومقموع ومضطهد على كل الصعد فلا يحدثني احد عن ان بشاراً بنى دولة هو لم يبن الا ثروته و ثروات المنتفعين معه ده إحنا في سوريا عندنا نفط هل تعلمين ذلك ولكن كله مسروق ولا يعلم احد عنه شيئا
كما ارجو ان تذكري ان القتل ليس جديدا على هذا النظام فهو قد قتل اكثر من ثلاثين الف انسان في مدينتي حماة قبل اقل من ثلاثين عاما ولم يسمع احد عنهم شيئا وكم يحز ذلك في نفسي عندما اخبرهم عن ما علميتان في حماة وينظرون الي وكأني اكذب او اقول ما لا يصدقه العقل

bang887 said...

اكتبى بوستات عن البحرين بنفس العدد والطول التى بتكبى به عن سوريا، علشان نصدقك لما تقولى :
"انا ضميري ما يسمحليش اشوف ناس بتتقتل واسكت".
و "انا ليا دعوة بالحق الانسان من حقه يعيش حر، ومن حقه انه لا يقمع،"

ولا إيه؟

Mohammed said...

1- مفيش دولة بناها بشار في سوريا
كل اللي بيعمله ان يفضل السوري محتاج لانعام الحاكم او يخرج من البلد
2-الحسنة الوحيدة لبشار انه كان يدعم المقاومة الفلسطينية واللبنانية
ولو انه ما رفعش شماعة على اسرائيل
وعلى فكرة لما هيتزنق عنده استعداد يسلم المقاومة والمقاومين واسرارهم مقابل ان يبقى في الحكم
وانا اصلا شاكك في موضوع اغتيال عماد مغنية عنده في بلد المفروض انها محكومة امنيا كويس

3-الشعب السوري يقدر يكمل ثورته ومش محتاج لاحد
والسعودية المرعوشة احسنلها تخرس لانهم عايزين بشار يفضل لان البديل سيكون دولة قوية ديمقراطية مقاومة وممانعة عن جد

4-غسان بن جدو المحترم استقال بسبب عدم مهنية الجزيرة في تغطية احداث البحرين وهذه حقيقة طبعا واضحة بس على فكرة الجزيرة لم تغطي البحرين ليس لانهم شيعة ولكن لأنهم جاتلهم اوامر مشددة من السعودية ودول خليجية اخرى وتعرضوا لضغط شديد
فهي استجابة لضغط وليس تحيزا لفكر
خللوا بالكم

Boss said...

الناس بتنسي انة رغم شوية
الانجازات اللي عملها الا انة هايجي بعد كدة واحد يخربها نتيجة للنظام السياسي السيئ
مثلا لو عبد الناصر الله يرحمةسابلنا بلد خربانة بس نظام سياسي كويس مكناش شوفنا شوية الحوش اللي حكموناوخربوا البلد
وادي بعد كاااااااااام سنة رجعنا لنقطة الصفر من الاول

ABO YOUSUF said...

صباح الخير يا نوارة

للأهمية .. هام جداً .. وعـااااااااااجل

أرجوا مشاهدة هذا الرابط

http://www.youtube.com/watch?v=rvMUEsawA7Y&feature=player_embedded

أرجوكى يا نوارة

بدى رأيك ضروووورى

بإنظار ردك بسرررررررررعة

q.lawyer@hotmail.com

ABO YOUSUF said...

السلام عليكم ورحمة الله

صبــاح الخير يا نوارة

أنا من المتابعين لكلامك وتعجبنى جداً آراءئك وأثق بنزاهتك ورجاحة عقلك

للأهمية .. ضرورى أرجوا متابعة هذا الموضوع على اليويتيوب

وأرجوا إفادتى برأيك


http://www.youtube.com/watch?v=rvMUEsawA7Y&feature=player_embedded

كلام بالعربى said...

بشار لم يبن دولة ولايحزنون كيف تقولى ذلك ؟

حمكشه said...

الناس اللى متعاطفه مع بشار لايمكن تتخيلوا مايفعلونه بهم وبأعزائهم لدعم هذا المجرم الطائفى الفاسد ...الاعلام الرسمى عباره عن قىء متواصل الان يتحدثون عن خلايا نائمه لعمر سليمان
ليس هتاك طائفى فى سوريه الاالنظام فقط
اذناب ايران وهبوا انفسهم للدفاع عن النظام السورى المجرم

حمكشه said...

غسان بن جدو تونسى شيعى
جميع الاعلاميين السوريين بالجزيره والعربيه شيعه ..فوقو بقى

Nouran said...

يا سلام ،يعنى هى الثورة حلال على المصريين ،وحرام على السوريين وبعدين الأخ بن جدو كان سعيد قوى بثورة تونس ومصر كمان ايشمعنى سوريا لأ ؟ان دموية وبشاعة واستبداد الأسد لا تقارن باى نظام (الا القذافى وصدام طبعا ) ولا انتم زعلانين على حليفكم وحليف قطر ولاحتقولوا عليه ديموقراطى ؟لا اللى يتعاطف معاه يبقى مغرض وخصوصا لو عامل نفسه ثورجى زى حضراتكم وقناة الجزيرة.قليل من الحياء ماتكشفوش نفسكم قوى كده

Adb El-Hameed Riad said...

انا الكلام بتاع خلايا برينان وان هى الى كانت ورا العنف الى حصل فى الاول اتقالى كتير وبعديين الصراحه بعد الى انا عاصرته بيحصل فى مصر بعد الثوره من القناصه الى عايزيين يعملوا فتنه بين اى حد واى حد يخلينى اصدق (راجعى الفيديو بتاع الليله الى الجيش دخل يقبض فيها على الظباط وهتلاقى الليزر بتاع بنادق القناصه كان متصوب على الناس وراجعى شهادات الحته الى حصل ضرب فيها مابيين المسلميين والمسحيين برده اتكلموا عن ضوء ليزر كان بيتصوب عليهم وفى فيديو مجمع الكلام ده كله موجود على يوتيوب)

Adb El-Hameed Riad said...

انا الكلام بتاع خلايا برينان وان هى الى كانت ورا العنف الى حصل فى الاول اتقالى كتير وبعديين الصراحه بعد الى انا عاصرته بيحصل فى مصر بعد الثوره من القناصه الى عايزيين يعملوا فتنه بين اى حد واى حد يخلينى اصدق (راجعى الفيديو بتاع الليله الى الجيش دخل يقبض فيها على الظباط وهتلاقى الليزر بتاع بنادق القناصه كان متصوب على الناس وراجعى شهادات الحته الى حصل ضرب فيها مابيين المسلميين والمسحيين برده اتكلموا عن ضوء ليزر كان بيتصوب عليهم وفى فيديو مجمع الكلام ده كله موجود على يوتيوب)

Dev Nasser said...

والله انا عن نفسي ما عدت استطيع افرق بين الصح والغلط في الموضوع ذا
عشات كدة راح احتفظ برايي