Sunday 17 April 2011

حد عايز حاجة من عزمي بشارة؟

ان شاء الله انا مسافرة بكرة وحاقعد اربع ايام وبعدين لو ربنا كتب لي عمر ارجع يوم 22 باذن الله
هو انا مش فاهمة فيه ايه؟ بس هم كلموني وقالوا لي عزمي بشارة وثوار توانسة قلت لهم انا راشقة، وانا والله ما فهمة انا رايحة اعمل ايه؟ هههههههه انا رايحة اشوف عزمي بشارة والثوار التوانسة، حتى بعتوا لي ميل قالوا لي اكتبي تعريف بنفسك قلت لهم انا ما اعرفش نفسي، اتصرفوا انتوا
المهم اللي عايزينه من عزمي بشارة والثوار التوانسة قولوه هنا عشان اوصله ان شاء الله

148 comments:

واحد من الناس said...

على رأى صباح
سلام امانة والنبى سلام امانة

Anonymous said...

أيوه كده. . . رايحة قطر إن شاء الله . . مش كده؟

قوليله يكتب آراؤه وتحليلاته في مقالات كل يوم أو اثنين ويا ريت يكون على الجزيرة نت أو يبلغك بالمكان. مش أقعد أسبوع والدنيا مقلوبة في ليبيا وهو مبيطلعش على الجزيرة. وإيه توقعاته لمستقبل ليبيا؟ وإيه المطلوب مننا نعمله عشان نخلص على إسرائيل. . . نخلص عليها بجد مش الخرف بتاع حدود 67؟ يعني من حيث الاستعداد العسكري والإعلامي وغيره.

ومتنسيش تحكي اللي هيحصل ويتقال إن شاء الله بالتفصيل.
شكراً مقدماً

Unknown said...

تروحى وترجعى بالسلامه يا نواره
وخدى بالك من نفسك

nashwa said...

احنا محتاجين جهوده هنا عالارض وان محتاجين كل المخلصين ان كتير مننابيطمن لما بيتكلم عن الثورة وعنية بتلمع من البهجة والامل وقولى له ان الطريق ممتدمن ميدان التحرير للقدس قولى على كيفك وترجعى بالسلامة

gogo said...

تروحى وتيجى بالسلامة ان شاء الله
انا عايزاكى تسلمى على عزمى بشارة انا بحبة وبحترم ارآءة اوى .. لو ممكن اسألية عن رأية ف البرادعى .. وشايف الوضع ازاى عندنا دلوقتى .. كمان سلمى ع التوانسة واشكريهم علشان هما اللى شجعونا وغيظيهم علشان احنا بنحاكم حسنى لكن بن على طااار

hayat ank said...

والنبى يا شخه السيده فى ضهرك تسلمى لينا على عزمى بشاره وتدعيه لزياره مصر والغداء عندى اناو تستشيرى عزمى بشاره عن الوضع فى مصر وليبيا امانه تشوفوا حل فى ليبيا وتتصلوا بالناس من هناك اما التوانسه فهم عفاريت مايتخافشى عليهمبس برضه السلام امانه للراجل بتاع بن على هرب والراجل بتاع هرمنا وقوليله انت بقيت اغنيه اشهر من الاعلانات بتاعت مسحوق الغسيل عندنا

Unknown said...

ترجعي بالسلامة إن شاء الله و مش تنسي تسلميلناعليهم

Unknown said...

السلام عليكم
أختي كلمي الدكتور أن هناك شعب في البحرين مضطهد واقعا و إعلاما
و هم إخوان لنا في الدين و في الإنسانية
أنا يا نوارة أحبك في الله
أختك من المغرب

Zenobia said...

أيوه والنبي تسلميلنا عليه خااااااااااالص
ويا ريت توجهي له دعوة ييجي مصر يعمل عندنا محاضرة أو سلسلة محاضرات
وتقولي له البنات عندنا في مصر بيحبوك .. يعنى له معجبات كتير هنا ولو جه هنغرقه محبة

Omar said...

يظبط لنا بلاغات الفلسطنيين فى عمر سليمان

أبوشنب said...

انتي مسافرة فيين؟؟؟
ردي عليا

مهندس مصري بيحب مصر said...

السلام أمانة لهم كلهم
و إسألي الراجل المحترم عزمي بشارة عن تحليله لموقف الثورة المصرية دلوقت
لإن تحليلاته في الثورة كانت دايماً صح

Unknown said...

سلمي لنا على دكتور عزمي جدا وبلغيه تحياتنا وقولي له إن احنا في انتظار زيارته لمصر ولن نتنازل عن هذا الطلب وإلا هنعمل ثورة...الشعب يريد عزمي بشارة

وبالنسبة لاخواتنا التوانسة قولي لهم إن احنا اتحوشناهم برشا ونبّوا نتلاقوا عن قريب

محمد محرز

utopia said...

تروحى وترجعى بالسلامة يا نوارة ان شاء الله
اشكرى عزمى بشارة جدا جدا
وقوليله ياريت ما يغيبش عننا بتحليلاته السياسية فى الشأن المصرى خصوصا والعربى عموما
الراجل ده انا باحبه لله فى لله

Unknown said...

قولى لعزمى بشارة انت بميت راجل
ضروووووووووووووري

iman said...

فى حفظ الله ..نستودعكى الله الذى لا تضيع عنده الودائع

Unknown said...

الله يحفظك فى حلك وترحالك

انا من المعجبين بك وبشخصيتك يا نوارة

احمد من العراق

mohamed youssef said...

سلمي عليهم شمشمي عن حد بيفكر في كونفدراليه عربيه او مصريه تونسيه ولا لسه بدري وتاخدي بالك من نفسك ياقمرايه :)"

Unknown said...

ياريت توصلى اعجابى الشديد بيه

الشروق فيبر كوم said...

إسئليه عن موضوع 15-5 الإنتفاضه الفلسطينيه الثالثه ,, إيه نظامها
متنظمه و لا محدش عارف عنها حاجه ؟ ,, و ترجعيلنا بالسلامه إن شاء الله

Anonymous said...

اسأليه اذا كان راضي عن أداء مصر بخصوص فلسطين,و المفروض نعمل ايه اكتر من كده,

Unknown said...

سلم لى لنا على الاخوة التوانسة

Unknown said...

سلم لى لنا على الاخوة التوانسة و قولى لهم..يعايشكم

أرِيـج said...

عايزين والله
بس مش من عزمي بشاره
عايزين من نواره نجم
اولا ربنا يوفقك لخدمة وطنك وامتك
ثانيا بما اني مصريه مش بشوف مصر الا في اجازة الصيف وبضيع وقت مذاكرتي عشان اقرا واسمع واشوف كل ماله علاقه بالسياسه من يوم دخلت الجامعه اتمنى من حضرتك يكون لكي فعاليات منظمه (لها مواعيد واماكن)على مدار الاجازه كلها

the architect said...

تسلميلنا على الاخوة التوانسة نفر نفر..شارع شارع ..زنجة زنجة...
وتلعبي في دماغ عزمي بشارة شوية وتقنعيه انه يرشح نفسه لأمين عام للجامعة العربية..ممكن ينصلح حالها......

Unknown said...

نواره معلش خارج الموضوع
شوفلنا حل مع ابن المؤزيه توفيق عكاشه دى اللى مبهدل الدنيا وعمال يجيب اشكال ضاله تشتم فى الثوره وعمال يشوهها وعايز يطلعها تمويل امريكى
اعملنا حمله كده خلينا نعرفه مقامه

و عجبي said...

عايزك توصيليلهم امانه من هاني عصمت محمد امين الى الشعب التونسي اشكريهم بالنيابة عني وقوليلهم انكم فوقتوا الشعوب العربية وخاصة الشعب المصري وانتوا السبب في اللي احنا فيه من ثورة قوليلهم انتوا اللي طلعتوا كل حاجه حلوة فينا و بانت الحاجه الحلوة دي في ثورتنا العظيمة دي
ياريت توصلي الرساله دي بجد يانوارة و من على لساني وتروحي وتيجي بالسلامة

tefa said...

انا كنت متابع تعليقات عزمى بشارة بدقة واتفقت معاه كتير !
المهم انا ليا سؤال بس يايت توصليه يا نوارة
احنا عارفين ان اللعبة الدولية غامضة لدرجة الوضوح الشديد
والحصول على اى من عناصر القوة زي الاقتصاد او التكنولجيا او حتى المواقف الحازمة مش هيكون مسموح بيها
سؤالى بما اننا مصرين على الحصول على هذه العناصر جميعا وبالتبعية هيستدعى الامر مواجهات كتيرة فى المقابل
فما طبيعة هذه المواجهات
وخاصة المواجهات فى المتعلقة بعنصر التكنولجيا وتقيد الحصول عليها ووسائل المقاومة ؟؟؟؟؟؟

معلهش انا مش بفهم سياسة كويس بس انا قلقان لان الفترة الجاية حاسمة جدا باللنسبة لى على الاقل بخصوص الموضوع ده شكراى

moo said...

بعد السلام والاشواق اشكرى لينا الاستاذ عزمى على توجيهاته اثناء الثورة وياريت وانتى قاعدة مع ثوار تونس ابقى افتحى موضوع لجان شعبية تكون مهمتها التقريب بيننا ويا سلام لو تعرفى الوضع عندهم عامل ازاى وتبقى تشرحيه لينا لما ترجعى يعنى تحقيق صحفى عن الثورة من افواه صانعيهاو خدى بالك من نفسك الله يخليكى

صالح إسماعيل said...

يا ريت تبلغيه سلام واحد مصرى ....مواطن بسيط بس مش عبيط,,,,بيحب تحليلاته وبيعشق فكره العميق....ورؤيته البعيدة المتحررة من أغلال الايديولوجيات
ونتمنى ان يزور التحرير وينضم لصالون علاء الأسوانى...ولو يستقر فى مصر يبقى خير....مصر ترحب بالمفكرين

صالح إسماعيل said...

يا ريت تبلغيه سلام واحد مصرى ....مواطن بسيط بس مش عبيط,,,,بيحب تحليلاته وبيعشق فكره العميق....ورؤيته البعيدة المتحررة من أغلال الايديولوجيات
ونتمنى ان يزور التحرير وينضم لصالون علاء الأسوانى...ولو يستقر فى مصر يبقى خير....مصر ترحب بالمفكرين

Mohamed kharoub said...

نحبو انك تجولي للتوانسة ان احنا نحبهم برشا كيما هما يحبونا .... و طبعا لازم يعرفوا قد ايه احنا نفسنا نعمل معاهم شغل علي كبير بقي ..... و ياريت لو عندهم مرشح للجامعة العربية أحسن من الفقي بتاعنا يرشحوا واحد لان شكلها رسييت علي الفقي عندنا

Mohamed kharoub said...

نسيييت ان الاهم من ده كله انك ترجعي بالسلامة

i_am_2andeel said...

تيجي بالسلامة يا نوارة و اسأليهم احسن طريقة للتعامل مع بواقي النظام القذر المتوغلة في البلد في كل حتة

شيماء عمر said...

وصلي سلامي الخاص ليهم دا هما الملهمين لينا ف ثورتنا وترجعي يا نواره بالف سلامه

احمد التلباني said...

السلام امانه علي رأي واحد من الناس .. وياريت تشتغلي صحفيه لينا وتنقلي الاحداث اول بأول ....
واسأليه عن رأيه في النقد الذاتي للثوار ... في مصر وتونس ....نوصلي بالسلامه وسلميلي علي كل حد عربي يقابلك

fatima said...

كنت عندما أستمع لكل تحليل حضرتك بعد خطابات المخلوع ...كنت ارتشف رشفة أمل ...تجعلني اتيقن انها هاااانت اوووي
فصرختي تعلو وتزداد قوة
شكرررا ليك

أرنوب said...

يعني ماعلقتيش على أحداث قنا ودلالاتها ؟ أم ترينها (غير مهمة) ؟ ولا يمكن كنتي في النرويج وماسمعتيش عنها ؟ ياريت عن قريب نقرأ رأي جلالتك فيها

arabian_faithful said...

السلام عليكم

قوليلهم كنتم بمثابة شعلة أمل لمصر

مش فاهمه said...

ماقولتيش فين تحديدا فى دبى يعنى ولا الدوحه ولا فين ....المهم امانه تقولى له فى لابارمج يركز مع ليبيا و اليمن اكثر شويه فاضلهم زقه و كمان مع البحرين و المجازر السعوديه اللى حصلت ليه فيه تعتيم اعلامى و يروجوا بقه لفكرة الكونفدراليه العربيه عايزين نبقى اتحاد عربى زى الأتحاد الأوروبى كده لازم نعمل حاجه كبيره بيننا و بين بعض

amal said...

قولى لهم احنا بندعى لهم وهما كمان يدعوا لنا وربنا مع العرب كلهم

Thoraya said...

ياريت توصلي له حبنا و تقديرنا له جدا جدا جدا جدا ... وخدي منه شوية نصائح ... وكمان اسئلي على ناس متضررة من عمر سليمان ... اكيد هوا يعرف ناس كتير اذاها الراجل ده .. وممكن يساعدنا في الحملة بتعتنا

مواطن مصري said...

نوارة قبل ما تسافري شوفي الكلام دة

اسم عمرو سليمان واقع و حسن عبد الرحمن


أبو يحيى في تحقيقات قضية كاميليا شحاتة: العوا تلقى أوامر من أمن الدولة للصمت عن القضية مقابل الكلام عن سلاح الكنائس

http://elbadil.net/%D8%A3%D8%A8%D9%88-%D9%8A%D8%AD%D9%8A%D9%89-%D9%81%D9%8A-%D8%AA%D8%AD%D9%82%D9%8A%D9%82%D8%A7%D8%AA-%D9%82%D8%B6%D9%8A%D8%A9-%D9%83%D8%A7%D9%85%D9%8A%D9%84%D9%8A%D8%A7-%D8%B4%D8%AD%D8%A7%D8%AA%D8%A9/

Unknown said...

بعد التحية و الإعزاز و الإجاب الشديدين
عاوزين برؤية حضرتك الحكيمة تقولنا إنا ماشيين صح والا غلط؟
المفروض مننا كأشخاص نعمل إيه علشان مانفقدش ثورتنا؟ بل نجني ثمارها إن شاء الله

Ahla said...

عاوزين نتكلم ف اننا نعمل مشروع عربي كبير وتتناقشو فيه وعاوزك تعرضي اننا كشعب نختار مجموعه من النخبه اللي تعمل برنامج للدوله لمدة طويلة المدي والمرشح للرئاسه يقوم بتنفيذ مرحله من البرنامج ولو افترضنا ان البرنامج ده لمدة 20 سنه
وهو مدته 4 سنوات نقارن اللي هوا بيعمله بالبرنامج الموضوع
ولو تحبي انا عامل الموضوع بتفصيص وتوسع اكبر

Unknown said...

تسافرى و ترجعى بألف سلامة و ربنا يكتب لكى النجاح و التوفيق فى كل خطوة تخطيها و ربنا يحفظك و يسلمك يا نوارة يا جميلة. بقولك إيه.... لا تنسى الدعاء و انتى مسافرة لأن دعوة المسافر حتى يرجع مستجابة بإذن الله و طبعاً مش محتاجة أقولك تدعى بإيه لأنك مش محتاجة وصاية. لا إله إلا الله. ردى و كملى...... و أستودعك الله الذى لا تضيع ودائعه. و السلام عليكم و رحمة الله و بركاته

mahmoued abdulsattar bayomi said...

طبعا اللقاء في قطر وما ادراك ماقطر ومع مين عزمي بشارة وطبعا هناك مين القرضاوي عموما انا عايزك تسلميلي علي جولدامائير وتزوري لية القاعدة الامريكية وبالمرة تسلميلنا علي نتنياهو او تشوفي اخبارة من امير قطر الامريكية او حد من بتوع قناة الجزيرة الصهاينة وياسلام لو تقدري تسلميلي علي وزيرة الخارجية كلينتون وتقوليلها متشكريين علي الفوضي الخلاقة وتبشريها ان الخطة ناجحة و100 مية

Unknown said...

قوليله انى زعلت منه من حلقته مع مذيع الجزيرة على اللى مش فاكر اسم عيلته و تأييده لبشار.. لان نظام بشار معروف انه نظام قائم على جزارة البشر.. قتل و تعذيب لم ينج منه الاطفال.. و ترجعى بالسلامة

Obayd_ullah said...

كان يجب أن تكتبي لنا نبذه عن عزمي بشارة أو ما يمكنه تقديمه أو فعله حتى نستطيع طلب شئ منه

و موضوع ثوار توانسه مبهم حبتين , معملوش زينا ائتلاف أو جبهة أو ما شابه , و الغريب إنك رشقتي من غير أي استفسار عن برنامج أو موضوع أو أي حاجة

أكيد انتي عارفة اللي كلموكي , أقولك بصراحة أنا مش مرتاح للموضوع ده , عموما دي حياتك و انتي بتختاري اسلوبها

عموما تروحي و تيجي بالسلامة في حفظ الله و أمانه

Unknown said...

نحبكو برشا يا توانسة من مصري حر !!

Hisham Hanbal said...

أخت نواره,
الوحده العربيه الوحده العربيه الوحده العربيه

Med JaLaL said...

بالله عليك يانوارة اسأليه عن الفيديو إياه المسرب للجزيرة مباشر وعن تبييض وجه المؤسسة مع السعودية وعن كلامه فيه بلاش الأردن وخففلي شوي عن البحرين واعطوني وقت كااافي للهجوم على سوريا و بشار!ا
هو تابع أي حلف الآن ؟وهل بدوره أيضا كان يكذب على عقولنا المستحمرة كل هذه السنوات؟
تشجعي واسألبه عنا يانوارة العرب

امل النجولي said...

عاوزه منك انت تستضيفي عزمي بشاره في برنامجك عالتحرير وياريت تقوليه بقي يفكر معانا في حل لعمر سليمان الختفي ده وفلول اللي مش مريحه نفسها دي يمكن تكن شويه وتروحي وتيجي بالسلامه واوعي تروحي وتنسينا كل يوم تسيبيلنا رساله عاوزين نبقي معاكي عالخط اوعي الشبكه تقع

.:: خالد ::. said...

لو ممكن تسأليه ، هل من الممكن أن تصل رياح الثورات لدول أفريقية لها حدود مع الدول العربية مثل تشاد مثلا ؟ وهل يجلب ذلك القوة للثورة العربية ، أم سيجر ذلك انتقام الغرب عسكرياً لنا و للي يتشددوا لنا ؟
هل هي الحرب العالمية الثالة بين رأسمالية تصر أن تجعلنا عالماً ثالثاً ؟ أم أنه عهد جديد سوف تغير فيه الرأسمالية من أسلوبها ؟
وطبعا السلام أمانة

mlk84 said...

ياريت يا نواره عزمى بشاره يقولك تحليله للتطورات ف مصر بعد الثوره وهل احنا كده ماشيين صح ولا لأ زى الامن الوطنى كده وكل الانجازات التانيه واكتبلنا هيقولك ايه هنا ف المدونه

Abd Elhamed said...

وحده عربيه بين الشعبين يا نواره وحده عربيه محدش هيعرف يفتح حنكه معانا ولايقولونا تلت التلاته كام احنا اصل الدنيا العرب وحده بين الشععوب العلابيه مش بين الحكومات اللسه محصلتش نضيف الطلب ده هناك و هنا عندنا على مطالب الثوره ثورانا يوروحوا و ثواهم يجواعندنا تشلهم فوق دماغنا و القضيه الفلسطينيه يا نواره نحيها تاني مش حرب بس نرجعها للنور تاني و نساند الانتفاضه الجايه و لوحتى جزئ مننا هناك و هنا يعملوا ائتلاف لمسانده القضيه مش لازم الكل ده القدس يا نواره و طبعا اشكريهم هم شراره البدايه و افدونا بخبرتهم و المعلومات الزودنا بيهم والله نفسي ابوس كل راس ثورجي تونسي

JoeEgyptian said...

Greetings to you and to Dr Beshara.
Please, ask him what he thinks about the "Superior Military Council" behaviour. Please, ask him if he thinks there's a type of "coordination" between them and US management regarding a "road map" for the next state shape... Please, don't take it the hard way; you can keep the answer for yourself if it's not "favourable"..
Thanks

المهندس said...

ربنا يقويكي

المهندس said...

ربنا يقويكي

أدهم سيف said...

تروحي وترجعي بألف سلامة ، الله يوفقك ويعلي مقامك في جنات الفردوس في مقعد صدق عند مليك مقتدر .
لا تنسي دعاء (( رب اشرح لي صدري ويسر لي أمري واحلل عقده من لساني يفقهُ قولي )).
أوصلي سلامنا واعتزازنا للسيد عزمي بشارة ،،، ولكل الحاضرين ، ولك من القلب كل السلام والمحبة .

Unknown said...

الأستاذ عزمي بشارة كان رأيه في سوريا في الأول ان النظام السوري مش لازم يمشي إنما لازم يعمل إصلاحات جذرية جزئية وكلية وأن يضحي بشار بأقطاب النظام وأذرعة الفساد في سبيل نجاة سوريا
وقعد يوضح في الجزيرة مشكورا حجم الفساد الهائل في سوريا الذي تغلل في كل أوصال البلاد حتى وصل إلى القضاء وتجاوزه
وأن المواطن السوري يصحو من النوم على أمل أن ينام ولم يلحقه أذى من هنا أو هناك أو هنالك
ووجه الأستاذ عزمي نداءه إلى بشار أن يتخذ إجراءات شجاعة وكبيرة وفورية
ولكن لقد أسمعت إذ ناديت حيا ولكن لا حياة لمن تنادي
بدل أن يتبع بشار الإصلاح نجده يتبع سيرة الرؤساء المخلوعين من قبله
قتل واعتقالات ومصايب
ولا إصلاح بل وعيد بالمزيد من القمع ووعود مجرد وعود بأشياء أشيه بالسراب لا ترقى لمستوى أبسط آمال الناس وتطلعاتهم
أرجو يكون رأي الأستاذ عزمي دلوقت ان النظام السوري لازم يمشي

abdela said...

انتي جايه الدوحه
عموما سلام امانه
ولو جايه الدوحة قولي ع شان نعمل معاكي احلي واجب

محظور مصري محظور said...

كيف نحافظ علي مصر التي ظهرت بالميدان هذا هو لأمل الباقي للنهضه ؟
من فضلك إسأليه هذا السؤال

abdma2000 said...

الرجاء الرجاء قولي لعزمي يتكلم عن البحرين و القمع السعودي فيها
على قناة الجزيرة الساكتة

Anonymous said...

السلام أمانه أولا

عزمي بشاره و ثوار تونس ليهم كل تقدير علي الدور اللي لعبوه في رفع معنوياتنا و ضرب الامثله في فن الممكن

و كان عندي سؤال اذا كان في كتاب يتحدث عن الثورات العربيه و المصريه تحديدا

حسابي علي تويتر @ChangeCampaign

zeinabmagid said...

أنا بصراحه صدمنى موقف الدكتور عزمى من الثوره السوريه وأتمنى أن يكون موقفه واضح إلى جانب السوريين الذين يعاملون حاليا كما ليبيا

mymind said...

السلام امانه

سمية صلاح مقلد said...

تاخديبالكمننفسك عشان في ناس عايزين رقبتك انت وعزمي بشاره (اليهود طعا واللي بيساعدواليهود) وتسالي عن شوية اسرار يعرفهم عن حسني وسليمان

كيوبيد said...

فيه حد يسيب البلد ويسافر فى ها الايام الصعبه بس ماشى تروحى وترجعى لينا بسلامه واحلى تحيه وسلام لتونس الخضرا صاحبة اول زهرة فى حديقة الثورة العربيه سلام لكل حبة رامال لكل شارع وكل حاره لكل ام شهيد سلام من القلب الى القلب من عربى الى اخوه العربى سلام فيه حرارة الصعيد وحب العراق وجمال بلاد الشام ووفاء اهل المغرب وكرم الخليج وسلام تانى لا يقل عنو فى الحراره الاستاذ عزمى بشاره وتروحى وترجعى بسلامه

حسام الدين مصطفى said...

سلامنا للكبير عزمى بشارة وقوليلوا بحلم باليوم اللى اشوفه بيحلل احداث الثورة الفلسطيتية

حسام الدين مصطفى said...

السلام امانة يانوارة لاهل تونس احبابنا,,اما الكبير عزمى بشارة فقوليله اننا مستنيين يوم مايحلل احداث الثورة الفلسطينية ع الجزيرةعن قريب ان شاء الله

Anonymous said...

يا ريت يا نوارة لو يقدر يرشح نفسه لجامعة الدول العربية لكن انا مبيتهيأليش لإني اعتقد انه مسحوب منه الجنسية الإسرائيلية ومعرفش إذا كان معاه جنسية تانية ولا لأ ده غير اعتقد إنه هو ميقدرش يرشح نفسه لكن بلده هي اللي ترشحه .. على الأقل سجلي معاه لقاء او اطلبي منه يزور مصر نفسنا نستفاد من آرائه الراجل ده بحسه بجد بيحب مصر وكان متحمس لها اووي انا فاكرة لغاية دلوقتي يوم الجمعة 11/2 بعد خطاب المخلوع كان عزمي بشارة في استوديو الجزيرة وبعد البيان الأول للجيش هو اللي رفع من معنويتنا وقال إن الجيش عاوز يقولكم انا هضمن حقوقكم وده اعتراف منه بان حقوق المصريين مشروعة وإن الصورة اللي طلعت اللي مفيهاش مبارك ده بيدل على انه انقلاب عليه ده غير مواقفه مع كل الثورات العربية ويا ريت ربنا يخليكي تسأليه عن ايه رأيه في الانتفاضة الفلسطينية التالتة

Unknown said...

نواره هو أنت مسافره على قطر ولا فين إزا جايه قطر انا عايشه هناك واحب جدا اني اشوفك

mohmaherfamily said...

خلي عندك ثقة بربنا و بنفسك ديه أهم حاجة
انسبي الفضل لأهله دايما ..ما تتكلميش كتير عن شخصك .ز
اعرفي ان مصر كبيرة قوي ..فكوني على قدر المسئولية
لا تبالغي في انفعالاتك وردود أفعالك
دافعي عن البلد و لا تستحي أن تقولي الحق مهما كان متناقض مع أراء المحاورين

mohmaherfamily said...

خلي عندك ثقة بربنا و بنفسك ديه أهم حاجة
انسبي الفضل لأهله دايما ..ما تتكلميش كتير عن شخصك ..
اعرفي ان مصر كبيرة قوي ..فكوني على قدر المسئولية
لا تبالغي في انفعالاتك وردود أفعالك
دافعي عن البلد و لا تستحي أن تقولي الحق مهما كان متناقض مع أراء المحاورين

Unknown said...

اهم حاجة نوضح للتوانسه ان مفيش حد من المصريين يرضيه اللى كان حصل فى الماتش و اننا نتطلع لعلاقات ثنائية مميزة مع تونس سياسيا و اقتصاديا و سياحيا كمان

بالنسبة لعزمى بشارة .. كنت اتمنى يمضيلى فى الاوتوجراف الصراحة .. لو تعرفى تجيبيلى امضته تبقى جدعة جدا

ميرسى يا نونو

zata said...

رجاء مناقشة الأتحادالتونسي المصري

خالد شواهده said...

لك كل التحية ، من فلسطين المحتله ، نحبك ونقدرك ، ارسل لك تحيات الدكتور عزمي بشارة ، فهو يقدرك ايضا ، ويتمنى مشاركتك بالندوه التي ينظمها المركز

Mahmoud Ahmed said...

سلميلنا على تونس بقي

mohamed said...

تروحي و ترجعي بالسلامه و قوليلوه يجي مصر يعمل ندوات عشان نتعلم منه

Unknown said...

أنا من سوريا
بعرف يا نوارة إنو التواصي صارت كتيرة عليكي
بس بترجاكي
مشان سوريا ومحبتك إلها

نحنا بخضم الثورة بس خايفين من بعدين
خايفين يصير فينا متل ما صار بالعراق وليبيا لأنو متل ما بتعرفي ما عنا معارضة ولا الجيش رح يوقف معنا
بترجاكي تسأليه شو بينصحنا نعمل بهالفترة المرحلية

Unknown said...

بعرف إنو التواصي كترت عليكي

بس أنا من سوريا
ونحنا متل ما بتعرفي بخضم الثورة

بس نحنا خايفين من بعدين
يصير فينا متل ما صار بالعراق أو ليبيا
بترجاكي تسأليه شو بينصحنا بهالفترة المرحلية

Anonymous said...

قوليله يا استاذ عزمي.. الوطن الذي تحبه وتقول انك تضحي من اجله بحاجة اليوم لك، وقد غادرته الى غير رجعة في المواجهة الأولى... قوليله يا استاذ عزمي شعبنا بده نماذج في النضال والصبر والتحمل والتضحية، وليس الهروب من المواجهة والفرار من الازمة حين تشتد.. قوليله يا استاذ عزمي، لو أنك سُجنت لخرجت بطلا شعبيا وقوميا وأمميا.. لكنك لم ترض التضحية في سبيل الوطن الذي تُحبه.. نريدك هنا بيننا تقود شعبنا مع سائر قياداتنا السياسية، لا نريد تويجهاتك عبر الفضائيات، فأهل مكة أدرى ممن تفصلهم عنها دولٌ وقارات ومحيطات

hankyhanky said...

اساليه ممكن نغير جامعه الدول جامعه الشعوب العربيه بعيدا عن الحكام وتمثل فيها كافه النقابات ويكون العلاقه مباشره بين المواطنين العرب
تسهيل العمل والاتقال بعيدا عن الحكومات

Khaled said...

أول حاجة عايزين تحليل للي بيحصل في لبيا هو ده صراع بين الناتو و أمريكا زي كوسوفو و لا فيه حاجة تانية ولا الناتو مش عارفين يخلصو الموضوع

خليه يطرح حل الدولة الواحدة و يقول رأيه و بلاش حكاية الدولتين ده حل فاشل

hala habib said...

Can you ask Azmi Bshara about his off/air comments on al jazeera tv? now i have doubts about his political affiliations... i used to like him but now i have doubts... be safe

Unknown said...

قولي للدكتور عزمي بشارة إنه يجب أن يكون قاسيا مع النظام السوري أكثر من ذلك وأن لا يسمح لإنتمائه القومي إن يمنعه عن قول الحق في هذا النظام الفاسد

Unknown said...

تروحى و ترجعى بالسلامة يا أستاذتنا، سلامنا للأخوة التوانسة و يا ريت تبلغيهم اعتذارنا عن ما حدث فى ماتش الزمالك

Unknown said...

نريد أن نعرف لماذا لا يتحدث عن الثورة البحرينية مثلما تحدث عن جميع الثورات العربية؟
وماذا عن فكرة ترشحه لأمانة الجحامعة العربية؟

Hana said...

تروحي وترجعي بالسلامة يارب.. سلمي لي عليه والنبي، وعلى حبايبنا التوانسة.. واسأليه عن توقعاته بالنسبة للي ما جاش عدلهم لسة؟ امتى يفرحوا من وجهة نظره؟ واسأليه كمان عن سوريا، وازاي يتفادوا تدخل "ولاد الوسخة" في شغلهم الهايل، ويتفادو اي سلبيات ...ممكن تحصل؟ وقولي له، ما ينساش البحرينيين من نصايحه "وعلى فكرة، رأيي ان اللي بيحصل في البحرين مش ثورة، ده حاجة تانية خالص" بس الناس بتخاف تقول "ياغولة عينك حمرا"، واليمنيين كمان - خصوصاً انهم في مرحلة دقيقة. وقولي لحبايبنا التوانسة الله يقويهم واحنا كلنا معاهم، وانا ناوية ان شاء الله اجمع صحابي ونروح كلنا بربطة المعلم على تونس (سياح يعني) ونقعد فيها كام يوم،وبعدين نروح منها على مصر (ام الدنيا) ونقعد فيه كام يوم كمان.. بس ادعو لنا، وقولوا يااارب

chikinia said...

السلام عليكم هناك طلب ملح
أكيد لديك معلومات عن الانتفاضة الثالثة والمقرر أن يشارك فيها كل أحرار العالم
الطلب هو أن تدعمي هذه الانتفاضة في صفحتك وتلفتي النظر إليها في كل فرصة بل في كل مقالة
وأن تسألي د عزمي عن هذه الانتفاضة وعن مدى نجاحها والتحديات التي تواجهها
وقولي له أن لا يغيب عنا لقد أدمنا ظهوره
وسلامات بقا

Unknown said...

السلام عليكم نفسنا نعرف هو مابيجيش يعمل محاضرات في السعودية ليه !!

Unknown said...

تسلمى عليهم كتير وخلى راجل يبوسهملنا وتقوليلهم اننا اثنا ء الثورة كنا بنقول تونس قعدت 29 يوم حتى اسقاط النظام واجنا مستعدين نقعد اكتر وكنا بستشعر منهم القوة وياريت تشوفى الراجل اللى قال بن على هرب وياريت تسجلى كل وقتك مع اخوتنا الثوار الاحرار

Unknown said...

تسلمى عليهم كتير وخلى راجل يبوسهملنا وتقوليلهم اننا كنااثناء الثورة كنا بنقول تونس قعدت 29 يوم حتى اسقاط النظام واجنا مستعدين نقعد اكتر وكنا بستشعر منهم القوة وياريت تشوفى الراجل اللى قال بن على هرب وياريت تسجلى كل وقتك مع اخوتنا الثوار الاحرار

Drmalyha said...

اتحاد دويلات غزه و مصر و ليبيا و تونس في دولة واحدة لتسهيل الدفاع عن ليبيا و غزة.

Unknown said...

ممكن تبني حملة موسعة موحدة من الائتلافات والمتطوعين لدعم الاقتصاد المصري , ولو مليونية يبقى معروف هدفها الوحيد لدعم الاقتصاد والناس تتصور وهي بتدفع الفلوس , جايز ده يحسن الصورة اللي افسدها حاجات كتيير

Unknown said...

ممكن تبني حملة موسعة موحدة من الائتلافات والمتطوعين لدعم الاقتصاد المصري , ولو مليونية يبقى معروف هدفها الوحيد لدعم الاقتصاد والناس تتصور وهي بتدفع الفلوس , جايز ده يحسن الصورة اللي افسدها حاجات كتيير

negmat lail said...

بالسلامة على كل حال يعني نقول ايه واحدة مش عارفة رايحة فين وليه..طيب نقول ايه عموما الانترنت في كل ممكان ما متقطعيش الجوابات.. ولما تعرفي ليه قولي لنا

Nadjette said...

Salam Nouwara,
It has been a long time I didn't participate here, but we're busy these days in Algeria wi th our own dictatorship (about 100 of omar Suliman in here sadlly).

About Dr. Azmi Bashara, who I respect and love so much, tell him just that his last interview at Aljazeera about Algeria was not so right. The corruption in Algeria has never been so high since Bouteflika is on command, and about terrorism, he is not the one who fighted terrorism, he found the situation stablized by Zeroual before.

Tell him that the Algerian regime is responsible, directly and indirectly of the death of more than 200 000 algerian, and the people who're responsible of that massacre are still in charge.

Hope you're fine my dearest sister and please, would you appear more frequently on media, we miss you.

O7iboukoum fi Allah

HOKSHEA SAYS said...

بالنسبة لعزمى بشارة سلمى عليه .....واقولى لتوانسة
بن على هرب .....مبارك اتخلع
المجد لشهداء ....المجد للشعب التونسى العظيم

Anonymous said...

http://www.youtube.com/watch?v=lC_dwT2LAZU

قولي له : لماذا؟ ليه ؟ ليش ؟ حقويه ؟

الشبكة المستقلة said...

بالسلامة يا نوارة و لو عايزة اي حاجة في قطر احنا في الخدمة

Unknown said...

عايزين تقوليلو ما ينساناش ف فلسطين قضيته الأاولى ويا رب ترجعي لمصر ألف نوارة مفتحة

AramSteps Labeba said...

يا ريت يوجه الانتفاضة الفلسطينية الثالثة الموعد قرب 15/5 وما في تعليمات واضحة والناس بتاخد الموضوع باستهتار و بدون امل لكن لو يوجه الموضوع شخص مثل عزمي بشارة الناس تتفائل و تطلع بعين قوية ... قبل كام ييوم كان في دعوة من الموقع في الاردن للتظاهر امام السفارة الاسرائلية و تعارضت الدعوة مع حركة 15 نيسان لمحاربة الفساد و اعتصام السلفيين لنفس المطلب النتيجة ما حد قرب من الرابيه حيث تقع السفارة ... ولا مخلوق واكيد انا كنت من ضمن المتخاذلين !!

Unknown said...

تسافرى وترجعى لمصر حبيبتك بألف سلامة

Anonymous said...

قنا يا نوارة الانتصار... ما يحدث فيها الآن خطير جداً.

hooosooo said...

السلام عليكم ورحمة الله وبركاته أنا أسامه مصري مقيم في الدوحه منذ عشرة أعوام أولا تيجي بسلامة الله ثانيا أنا عايز أتكلم معاكي في موضوع مهم لو تسمحي لما توصلي الدوحه ممكن تقابليني ضروري ورقمي 55397498

hooosooo said...

ياريت أقدر أقابل حضرتك في الدوحه عندي موضوع مهم جدا رقم جوالي 0097455397498

متغربه said...

سلمي عليهم نفر نفر و قوللهم ربنا يجازيكوا عنا خير و ان في ناس في مصر بتقرا الفاتحة علي ارواح شهداءهم و اعزمي الراجل المحترم عزمي بشارة ييجي مصر وسلمي لي علي قطر اصلي عشت فيها اجمل سنين عمري

taha said...

...........

taha said...

اهلا بيكى فى احلى بلد فى الخليج
مهندس مصرى فى قطر

Didi said...

السلام امانة يا نوارة

hardway said...

والله ما فهمة انا رايحة اعمل ايه؟.....
ده الطبيعي لا أنت فاهمه..ولا أحنا فاهمين
ولا أحد في البلد دي فاهم حاجة خــــالص
الموضوع أصبح ســـــــــــــلـطة......
أئتلاف25 يناير
ثوار 25 يناير
حكماء 25 يناير
أمناء 25 يناير
حركة 25 يناير
خالد سعيد..واحمد سعيد..وعلي سعيد
ونوارة ..مع عزمي بشارة الي تونس عن طريق قطر
ســــــــــــــــــــلاطــــــــة
مش قلت لكم
ســـــــــــــــــــلاطـــــــة

Unknown said...

سلامى للتونسه سؤالى لعزمى بشاره متى تتحرك الأنتفاضه الفلسطينيه الثالثه خاصه ان الوقت مناسب الن والشعب المصرى فك القيد ويقدر يقف بجانب الشعب الفلسطينى
سؤالى الثانى بخصوص تركيا زعلت منه لهجومه على تركيا وخاصه رجب طيب ارجو تفسيرايه اللى تقدر تعمله تركيا لليبيا والوطن العربى عموما

hardway said...

والله ما فهمة انا رايحة اعمل ايه؟ههههه
ده الطبيعي لا أنت فاهمه..ولا أحنا فاهمين
ولا أحد في البلد دي فاهم حاجة خــــالص
الموضوع أصبح ســـــــــــــلـطة......
أئتلاف25 يناير
ثوار 25 يناير
حكماء 25 يناير
أمناء 25 يناير
حركة 25 يناير
خالد سعيد..واحمد سعيد..وعلي سعيد
ونوارة ..مع عزمي بشارة الي تونس عن طريق قطر
ســــــــــــــــــــلاطــــــــة
مش قلت لكم
ســـــــــــــــــــلاطـــــــة

Aalaa Elshamy said...

الله يكرمك سلميلى على عزمى بشارة كتييييييييييييييييييييييير اوى انا بحب الراجل ده اوى ..ترجعلنا بالسلامة يارب

أبو أمك said...

أنا ماعرفش مين عزمي بشارة بس بصفة عامة
ربع لانشون فراخ وعلبة زبادي وانتي راجعة

mutamarrida said...

Please ask him if he doesn't feel responsable for having pushed the Lybian to revolt knowing fully well that their social fabric is NOT the one that Egypt(a national concept for millenia) or Tunis have?A whole country is now beeing murdered between a madman on one side and Nato on the other( from where did suddenly and out of the blues come out all these royal lybian flags? .We are back to colonialism.
Please ask him how does it feel working as neighbor of the Brooking Institute's Saban center presided by zionist Martin Indyk,the same Indyk that promised Netanyahu a five point plan that included the dismanteling of the Arab Nation in small and conflicting entities(religious or ethnic)like we have now in Sudan,Lybia and very soon possibly in Syria?
Please ask him how he can promote democracy and shut up about Saudi Arabia?This Saudi Arabia that is destroying Islam with a hateful ideology?
Please ask him how he can sleep at night with Bahrein on his conscience?
Please ask him about our Palestine once he has with the help of Qatar destroyed all the resistance movements?
God Bless you Nawara for all your relentless work on the side of justice

Anonymous said...

تروحي و ترجعي بالسلامة...ماتنسيش تنسبي الفضل لاصحابه..التوانسة عملو معانا أحلى واجب.....و كمان لازم تعرفي رأي عزمي بشارة في طريقة النتقال الديمقراطي في مصر و تونس كمان و تحفظاته على اللي بيحصل...و توقعاته للانتفاضة التالتة دا ضروري....و شكرا

محمد said...

احسن حاجة فيكي دماغيك العالية سلملي علي الدكتور عزمي واساليه علي وضع ازاري اسرئيل هتتكيف مع اللي بيحصل في الوطن العربي

سكوت هنصوت said...

اولا سلمي لنا عليه بحرارة...ثانيا بقى..عايزين نعرف رؤيته لمصر وازاي توصل لدولة مدنية برغم التواجد اليمين القوي في الشارع ؟؟

وكمان رؤيته لاولويات المرحلة ؟؟

أوبرا وينفرى"بالعربى" said...

السلام امانة يا نوارة للدكتور بشارة
ووالنبى سبحة وطاقية وسجادة صلاة ماشى؟

نور الدين said...

اولا ت روحي وتشرفينا زي عادتك وترجعي بالسلامه ...وامانه توصلي ليه الرساله دي ....القدس عاصمة دولة فلسطين قريبا باْذن الله....الغمه انزاحة خلاص...

BORG HMAM said...

عايز اعرف رأيه في حلم عبد الناصر هل الظروف الحاليه تسمح ب الولايات العربيه المتحده وايه الدول العربيه الي ممكن تبقا عقبه في تحقيق الحلم ده الغير عربيه معروفه ومفضوحه طبعا
وايه الاستراتيجيه الي المفروض تتبع علشان تحقيق الحلم ده وقوليله المصريين نفسهم يصلوا في المسجد الاقصي
وتروحي وترجعي بالسلامه ومتنسيش المروحه والكاسيت وانتي جايه

Ahmed Fawzi said...

أول حاجة السلام أمانة
ثانى حاجة قولى لهم متشكرين على النصائح العظيمة و بالذات الكوكاكولا :)))
ثالث حاجة لازم يبقى فى تنسيق مميز بين مصر و تونس ى كل حاجة :)

بساطه said...

تروحي وترجعي بالف سلامه يانواره .. وخليكي بردو على اتصال على البلوج والتويتر عشان العمليه ماتضلمش يانواره .. الله معك ويوفقك .. السلام امانه لاخوانا عايزين نتحد مع بعض يانواره .. مش عارف ازاي؟ بس يبقى لينا مجلس لجنه ائتلاف اي مسمى يخلينا نستغل روح الثوره والمحبه بين العرب ونعمل حاجه فيها وحده بيننا.. مهم دلوقتي العلاقات دي اوي .. انا مش عارف اصيغ الي جوايا بس متاكد انك هتفهميني يانواره لانك ماشاءالله ذكيه وخلاقه .. بالتوفيق

أنا المصري said...

ياريت متنسيش تكتبي لنا كل ملاحظاتك وتروحي وترجعي بالسلامه

علان العلانى said...

له ولشباب تونس التحية
لا نعرف شيء يجهله
ندري كما قال في احد المقابلات معه أنه مع فريق بحث يقوم برصد وتحليل ما يجري في الوطن العربي من حراك ثوري وهو بلا شك عمل جوهري وكبير في ظل تطور أدوات الرصد والتوثيق لحظه بلحظه والسؤال هو عن المناهج المتبعة في هذا الرصد والعدسات التي يتم بها التعامل مع المواد المرصودة ما هي مرجعيتها؟وإذا كانت المرجعيات مترجمه فهل نطمح إلي أن يكون التحويل هو الغالب عليها

والسؤال الثاني
ما يحدث في الوطن العربي من ثورات يبدو فيه تعانق بين التاريخ والجغرافيا هل يسمح ذلك بتصور درجه من الإرادة والفعل لشعوب الأمة لصياغة هوية جامعة على المحك الوجودي تطيح بكل مؤامرات الخلخلة و التفكيك التي توالت قبل وبعد سيكس بيكو والتي نشطت فيها النظم التي أسقطتها وسوف تسقطها الشعوب
ولك وله ولشباب تونس ولمضيفيكم
التحية والتقدير
وقبل ذلك وبعده الاحترام

Unknown said...

sallemely 3alehom we 2e3tezrelhom 3an elly 7asal fe match elzamalek 3ashan meza33alhom gamed

mohra said...

يا ريت تعرفى رأيه فى وضع مصر دلوقتى و الخطوات اللى تمت و الخطوات اللى مفروض نقوم بيها بعد كده و خصوصا الوضع الاقتصادى و كلام الناس عن ديكتاتوريه الثوره ؟؟؟أنا بزعل قوى لما أشوف الرأى العام كده..ده طبيعى و لا لأ؟؟و الحل ايه فى المشكله دى؟

محمد صبرى said...

انا جيت متاخر باين

تيجى بالسلامة

بس انا بعد ما سمعت تحليل من اوائل تحليلات بشارة على احداث سوريا -و لاوى مرة فى حياتى اسمع له حاجة متعجبنيش-كان نفسي اساله هل المبادىء تتجزأ ؟ , و هل عنده شك فى انه الشعوب الحرة الديموقراطية أقدر من غيرها على التقدم و الابداع و بالتالى اقدر على المقاومة و تحقيق السيادة و التحرير و استرداد الحقوق المغتصبة؟؟؟

Passant said...

و انتى اللى يكلمك و يقولك سافرى تقومى لما الهدمتين و طايرة على العموم تروحى و ترجعى بالف سلامة خدى بالك من نفسك احنا لسة قدامنا فيلم عمر سليمان عايزين نخلصه سلميلي على اهل تونس و اشكريهم بالنيابة عننا و انا كمان بضم صوتى للى عايز عزمى بشارة يرشح نفسه لجامعة الدول العربية - لا اله الا الله

Passant said...

هو انتى متابعة الدستور فيه خبر عن التحقيق مع عمر سليمان حول مقتل المتظاهرين عندك اى تعليق

nosseir73 said...

يا ريت تبلغى عزمى بشارة انى كنت بستنى تحليله فى الجزيرة عشان يطمنى على الثورة و كلامه كان بيدينى الدافع للنزول فى المظاهرات وياريت برضه
تساليه الثورة ماشية كويس لغاية دلوقتى
وبلغية تحياتى انا وكل اللى اعرفهم بيحبوه جدا وهو صحيح منارة الثورات العربية ويا ريت يزود تحليلاته لانها قليلة جدا فى الفترة دى لاننا نثق فيه

ali said...

ألله يخرب عقلك يا نواره
شكرا للجزيره شكرا لتونس، مفيش ظلم تاني مفيش ضرب تاني
كل ما بسمعها في الجزيره زوري بيحشرج وبعيط حرام عليكي
والله العظيم كأنك صوتنا واحد واحد
ربنا يحفظك يارب

mlk84 said...

لوسمحت اساليه عن الوضع ف ليبيا لان الكلام بقى على انها هتتقسم وتحتل عايزين نطمئن

Abdalla Fahmy said...

تقديرى العظيم للاستاذ الكبير عزمى بشارة نحن المصريين نقدرك ونحبك ونعتز بك فأنت نموذج للمثقف العربى المحترم

Amirat Hor Aldonya said...

بصي يا نوارة طبعا لازم تسلمنا عليهم زي مكل اللي ردوا قالوا سلاااام حار جداا مش أي كلاام طبعا
ثاني حاجة بقى عايزين نعرف رأيك إنتي و ؤأيه لما تقابليه في موضوع الانتفاضة الفلسطينية الثالثة دي
و رؤيته للثورة المصرية

و طبعا تروحي و ترجعي بالسلاااامة يا جميل

Ayman said...

lolash innec wa7da sett, kont oltelic bosihooly

Unknown said...

تروحي و ترجعلنا بألف سلامة ... و ما تنسيش تسلميلنا أكبر سلام من أهل الصعيد بالخصوص و أهل مصر كلها عموما للاستاذ عزمي بشارة و قوليله انه راجل بجد في وقت أقل فيه الرجالةو اشكريه لانه كان ايام الثورة زي الشمعة اللي بتنورلنا في عز الضلمة ... و اسأليه عن رأيه في اللي بيحصل في مصر دلوقتي هو احنا بناخد حقوقنا صح ولا احنا بنتأرطس و التحقيقات دي حقيقة ولا احنا عايزين نصدق حلم جميل و الجيش معانا ولا لأ ..؟؟؟ و اسأليه عن رأيه في النار اللي كل ما نطفيها يولعوها بين المسلميين و المسحيين و دي مقصودة ولا أيه ؟؟ و بعض "رجال الدين" مشتركين في الموضوع ده و لا أيه ؟؟؟ و ما تنسيش تعزميه يجي مصر عشان ندوقه المولوخية اللي بالارانب و ورق العنب و كباية الشاي الصح

Unknown said...

http://www.youm7.com/News.asp?NewsID=394760&SecID=12

حد يبلغ اي مسؤول , الناسس بدأت تحن لعهد المخلوع

salma abuzaid said...

ياااااااااريت تسلميلنا عليه وياريت يجى يلقى محاضرات هنا فى مصر احنا كلنا بنحترم رءايه وبنستناه على طول على الجزيره

أحمد said...

سلام عليكم الاول , والله يا نوارة عزمي بشارة راجل فقر ههههه كان كل ما يطلع في الجزيرة قبل خطاب مبارك يتكلم عن التحليلات والتوقعات بعد التنحي يطلع حسني يبيض علينا ويقول انا قاعد فالراجل ده قفلني بس راجل مثقف ودماغه حلوة عايز أعرف منه أيه رأيه في مظاهرة السفارة الإسرائلية الي اتشرفت وكنت فيها وهل أثرت في القادة الإسرائليين وايه فكر قادة إسرائيل بعد الثورات العربية , أسئلة كتير معلش بس أنا عارفك أدها وأدود

advisor500 said...

بارك الله فيكى

advisor500 said...

تسلمى انت و بشارة و ثوار تونس

RORI said...

نوارة ممكن تسأليه عن تحليله للوضع فى السودان؟

RORI said...

نوارة اساليه لو سمحتى عن تحليله للوضع فى السودان

Unknown said...

قول له أننا نعتبره أفضل معلق عربى - بل وعالمى - على الأحداث حالياً وإلى أجل غير مسمى