Wednesday 6 April 2011

الاحتلال وصل لميدان هليوبليس

تحديث:

اللعب بقى ع المكشوف وكل شيجين انكشفن وبان
الفيديوهات دي معمولة لصالح الثلاثي المرح عشان تضرب مظاهرة الجمعة، أولا: دول مش ظباط جيش. معلومة مؤكدة. ثانيا: مش عايشين في مصر. ثالثا: مش مسموح لظابط الجيش انه يتظاهر، ويحق للشرطة العسكرية في حالة ما اذا تظاهر انها تضربه بالرصاص.. واي حد دخل الجيش عارف الكلام ده، والناس اغلبها داخل الجيش، الناس مش سيس ولا عندها واسطة تخليها ما تروحش الجيش وتتهرب من التجنيد، يعني الكلام ده يخض الناس ويخليهم ما يروحوش مظاهرة الجمعة
ومظاهرة الجمعة فعالة، وفيه ضوء اخضر من المجلس العسكري وحكومة شرف اننا نتظاهر الجمعة عشان نشكل ضغط يقوموا يحققوا لنا مطالبنا، وده وزير العدل بنفسه بيقول الكلام ده، ووزير العدل ما يقدرش يصرح تصريح زي ده من غير ما ينسق مع رئيس الوزراء والمجلس العسكري
ولما ناس تدعي ان ظباط جيش حينزلوا مظاهرتنا يوم الجمعة يبقى عايز يبوظ لنا اليوم ده ويخوف الناس عشان ما تجيش، ثم ان الناس فعلا مش عايزة مواجهة مع الجيش...
واي حد حينتحل لبس ظابط جيش وينزل مظاهرتنا عشان يضربها لنا حنسلمه للشرطة العسكرية.. احنا مطالبنا مدنية وسلمية وما نعرفش الناس دي ومالناش دعوة بيهم، وهم بيقتحموا علينا مظاهرتنا ليه؟ لو هم ظباط جيش فعلا ما يروحوا في حتة تانية او يوم تاني، جايين لنا يقرفونا احنا ويدخلونا معركة مش بتاعتنا ليه؟
وعموما احنا مش معانا الاخوان؟ خلاص يبقى امان.. مدام المظاهرة فيها الاخوان المسلمين يبقى المندس ليلته مطينة بطين


ايه بقى حالة الهبل دي؟ 
بقى دول ظباط جيش يا اخواتي؟ امال المزز الكتاكيت اللي بنشوفهم في الشارع دول ايه؟ استبدلوا الجيش الحقيقي وجابوا لنا نجوم من هوليوود وقفوهم في الشارع وخبوا الاصليين؟
اصل لو دول ظباط الجيش الاصليين يبقى عملوا فينا جميلة انهم خفوهم 

طب اوجد سبع اختلافات بين الفيديو الاول والثاني






اظرف الولاء؟ اظرف ايه يا سنكوح انت؟ هو فيه قيادة في الجيش حياخد ظرف؟ ويكرمشوا له ميت جنيه ويحطوها في ايده؟
لا وطبعا بيقول للشعب المصري ان جيشكم الحقيقي هو اللي انت شيلته العيل وعمل بيبي على رجله وهو اللي اتصورت على دبابته.. انما المجلس العسكري لا.. المجلس العسكري ده من الجيل اللي حارب في تلاتة وسبعين، الجيل اللي هو "اوسخ من انجمت القوات المسلحة" خصوصا المجموعة دي اللي كانوا شباب مش قادة في الحرب، يعني كان المفروض يموتوا في حرب 73 لإنهم حاربوا بنفسهم ما كانوش قاعدين في اودة يتابعوا.. بس ربنا كاتب لهم عمر، وعلى وشه حسني مبارك وعلى ودنه حسني مبارك وعلى صدرها تنور على كتفها تنور 




عرفت تلاقي سبع اختلافات بين الفيديو الاول والتاني؟


طيب.. اوجد تلات اختلافات بين الفيديو الاول والتاني








ههههههههه ايه الواد ده؟ جبتي البسيمه؟ وقالك: ظابط جيش يفضح طنطاوي.. ايه الفضايح اللي قالها؟ "احنا رجالة وحنقف وقفة رجالة" لا فضيحة كبيرة فعلا، وفيه معلومة خطيرة وسرية: يا دكتور شرف.. انت اتشالت في ميدان التحرير.. ده سر حربي، ربنا ينجيه بقى ممكن يروح في داهية بسبب المعلومة دي، هو قال ايه بقى؟


حلوين قوي السنكري ومراقب دودة القطن دول.. دول اتاخدوا لائق ازاي؟ ده كل ظباط الجيش واقفين لنا في الشارع عاملين زي الباب ابو ضرفتين.. من امتى الجيش بياخد سبارس؟ 


اي شخص مصدق ان فيه حاجة اسمها ظابط جيش ينزل مظاهرة في ميدان التحرير يبقى يحط البافيتة عشان الالتهاب الرئوي من الريالة حيبهدله


وبالمناسبة انا لما سمعت القلق اللي حصل على احمد شومان كلمت دعاء سلطان وهي صاحبة مراته وكلمتها وبعد شوية هو بنفسه كلمني عشان يطمني عليه، وكان متضايق قوي من الاشاعات دي وبيقول لي انا باكلمك عشان اعرف منك مين اللي بيعمل كده؟ انا من اسبوع الناس بقت تكلمني تقول لي: انت اتقتلت؟
قلت له الكلام ده بينزله عمر عفيفي
قال لي: مين عمر عفيفي؟
قلت له له صفحة على الفيس بوك
قال لي: احنا مش بنخش على الفيس بوك، احنا ظباط جيش، والكلام اللي بيحصل ده ممكن يضرنا كلنا


وطبعا زي ماهو واضح الفيديوهات دي مش متسجلة في مصر اساسا
المهم يعني اني حاسة ان الشبورة دي معمولة عشان ما نركزش على مطالبنا ونفضل نلف حوالين نفسنا ونعيش في افلام الساسبنس دي ونشتغل روحنا


احنا مطالبنا:
1- محاكمة مبارك واسرته واسترداد اموالنا منه
2- محاكمة الثلاثي المرح
3- حل الحزب الوطني وتجميد نشاط اعضائه
4- اشراف قضائي وحقوقي على جهاز الامن الوطني


بس مين اللي بيعمل كده؟ اقصد غير عمر عفيفي.. مين اللي بيعمل كده وليه؟
عموما انا مبسوطة ان الاخوان نازلين، عشان اي حد يخرف نداء خاص مني الى الاخوان: اي حد يهبل ادوا له واحدة سلمية سلمية لما تفعصوه

114 comments:

Anonymous said...

فضيحة,مباراة الزمالك,والأفريقى التونسى,وعلى الهواء مباشرة,كان هدفها,إرسال برقية,إلى شعب مصر,ولكل الشعوب العربية,بأن ثورة مصر,فاشلة,فلا تثوروا مثلها,وإلا,فمصيركم الفوضى والغوغائية.لقد نجحوا,نجاحا باهرا,فى تشويه صورة الثورة,ياحسرتاه..,أما عن المسؤلين..,فتسأل الشرطة,والحزب الوطنى,وباقى عناصر الثورة المضادة..,إلى متى الإنتظار..,موعدنا الجمعة ٨ من أبريل

Early bird said...

ده غير بقى الصفح اللى على الفيس بوك اللى بتأيد الجيش بتشتم فى الثوار وبتمجد فى حسنى شئ لا يصدكه عكل يعنى عامليينا ساندويتش ناس بيقولوا شرفاء وبيشتموا فى الجيش لا ومطلعيين فديوهات بوشوشهم كده وبعلنوا عن الانكلاب وناس بيقولوا احنا مع الجيش ولا نشكك فيه وحسنى حبيبنا وحيناسبنا
ارجوكى ايتها الاخت الثوره المضاده ريحى بقى يوميين فى الاسبوع

Anonymous said...

إذا لم يتم التغيير,وبسرعة,ستجرى الإنتخابات النيابية,وفى بيتنا مصر,كثير من الفاسدين,فى أغلب مواقع المسؤلية.المحافظون,رؤساء المدن,العمد,التليفزيون,الصحافة,الجامعات..,الحزب الوطنى,لم يحل,والعدالة بطيئة,ولم تمس رؤوس الفساد..,كل هذا نذير سوء..,موعدنا الجمعة ٨ من أبريل

Early bird said...
This comment has been removed by the author.
Egyptian said...

انا مش عارف ليه كل التريقة دى الراجل قال كلام يحمد عليه عايز يطهر البلد من الفساد المزنخ فى جهاز القوات المسلحة ودة من حقه وحق كل مصرى عنده ضمير المفروض تكونى متعاطفة معاه مش ضدده واوعى تنكرى ان الجيش مش فيه فساد ومليان عملاء ولو مش عارفة اسالى اى حد تعرفيه او من اهلك دخل جيش وهو يقولك ولو قولتى مش وقته اقولك لاء وقته اللى مش هيتعدل دلوقتى مش هيتعدل بعدين وخصوصا اننا دلوقتى كلنا تحت رحمة المشير طنطاوى دراع مبارك اليمين اللى خدمه 15 سنة خدمة العبد للسيد زى ما عودتينا بالصدق وخلتينا نحبك من قبل ما نشوفك ولا نعرفك ياريت تراجعى حساباتك تانى عشان نحس معاكى زى ما حسينا دايما

الشبكة المستقلة said...

مبارك ساب لنا بلاوي وراة
اية الهطل دة
العيال دية جبوها منين
كويس ان فية ناس عاقلة ذيك و بتخلي الناس تركز في المفيد بد ما يقعدوا يدوروا ورا فيفي و توتوا

Egyptian said...

انا مش عارف ليه كل التريقة دى الراجل قال كلام يحمد عليه عايز يطهر البلد من الفساد المزنخ فى جهاز القوات المسلحة ودة من حقه وحق كل مصرى عنده ضمير المفروض تكونى متعاطفة معاه مش ضدده واوعى تنكرى ان الجيش مش فيه فساد ومليان عملاء ولو مش عارفة اسالى اى حد تعرفيه او من اهلك دخل جيش وهو يقولك ولو قولتى مش وقته اقولك لاء وقته اللى مش هيتعدل دلوقتى مش هيتعدل بعدين وخصوصا اننا دلوقتى كلنا تحت رحمة المشير طنطاوى دراع مبارك اليمين اللى خدمه 15 سنة خدمة العبد للسيد زى ما عودتينا بالصدق وخلتينا نحبك من قبل ما نشوفك ولا نعرفك ياريت تراجعى حساباتك تانى عشان نحس معاكى زى ما حسينا دايما

Tears said...

صراحة مش فاهمه سخريتك منهم لان حتى لو رايهم مش عاجبك فممكن نناقشة بموضوعيه و بعدين مافيش حاجة قالوها غلط و كلنا شايفيين البهدلة اللى حاصلة من مجلس معدوم الرؤية السياسية و الدراية التاريخية و طلبنا مجلس رئاسى مدنى من الاول زى تونس و اليمن و ليبيا حتى و اسمعى البسطويسى و صباحى و عبد المنعم ابو الفتوح و نافعه و جورج اسحاق و الاسوانى و بلال فضل بيقولوا ايه...ايوه اللى حاصل اجهاض للثورة

ايوه فسده و واضح اوى و تسببوا فى حرق ادله و تهريب فلوس و ادوا وقت للحرامية يرتبوا ورقهم

و لو كل ده غلط انا موافقة و سيبك منهم بس ردى على الاسئلة اللى هنا بس بموضوعيه مش بمين يقدر يشتم اكتر

http://tears-demo3.blogspot.com/2011/04/blog-post_03.html

Unknown said...

هو ده رأي؟
ناس قاعدة برة مصر تضرب فيديوهات وتنتحل شخصيات وده يبقى اسمه راي؟

انا ما احبش حد يستهبلني

شمعة تحترق said...

على فكرة يا نوراة المجلس مش هو الجيش...الجيش هو اهلنا و حبايبنا..المجلس مجموعة من الكبار اوى فى الرتب و فى العمر و كلنا لنا قرايب فى الجيش وفاهمين اللى فوق اوى اللى سكتوا على فساد مبارك كتير سكتوا ليه و همه ايه و عارفين الفساد ضارب فى كل المؤسسات قد ايه

انا اخوالى و والدى ضباط جيش و تعالى اسمعك ما لا تتخيليه منهم

البوست بتاعك فكرنى بالقذافى لما طلع يقول على الليبيين بياخدوا حبوب هلوسة

انتى بدافعى عن المجلس حتى فى الباطل و خالطة بينه و بين الجيش و بينه كمؤسسة عسكرية مالناش دعوه بيها و كونه دلوقتى بيلعب دور سياسي قابل للنقد مع انك بتلمى توقيعات لعمل شىء المفروض كان اوتوماتيك لو الثوار نجحوا مش لو اللى ابنه مشارك علاء مبارك مسك و اتحكم

بساطه said...

الكلام ده كلنا مش عايزين نصدقه يانواره .. وانشاء الله مش حقيقي ..
والاهم انه مش وقته خااالص .. وياريت عم المرعب يتهت ويعد على جمب لانه اوفر اوي ..
لكن ده مايمنعش ان احنا لازم نخاف وناخد احتياطتنا ومنأمنش لحد .. ونسلمله نفسنا .. لحسن الي بينكسر مبيتصلحش:)

من أجل حقوق المصري said...

فضايح فضايح، يانهار أبيض

واخدة بالك من "يا حضرات" دي مقصودة يكررها ، ولا كأنه في وحدة عسكرية

طيب أيام مبارك لما حد كان بيفضح، كانت بتطلع فضايح متلتلة،

والفيديوهين دول مش لاقي فيهم فضيحة ولا نص

وواحد لسة مكلم النقيب ماجد بولس وماجد قاله كل الكلام اللي بيطلع دا هجص وتشتيت ، ومايهمكمش

هما معتمدين علينا مش على نزولهم التحرير

هما مبسوطين إن إحنا بننزل،لو القيادة وحشة زي ما بيشاع، مش هينزلوا التحرير وأمورهم بيعرفوا يحلوها بطرقهم، مش بالتحرير

أنا قابلت صديق نقيب وقافش من الهبل دا
وملازم أول إحتياط بيقولي ناس غربية مكبرة الموضوع ويتمنوا حاجة تحصل

وعقيد قابلته الخميس برضه فهمني إنهما واخدين بالهم من الحركة دي بس مالهاش وقع على الأرض فعلا وهما مستعدين والدنيا مش هتتهرجل زي ما ناس معينة عايزة

بيعملوا حسابهم على طول وبيقيسوا وقع كل حاجة عندهم

والضباط اصحابنا إشطة شغالين على الفيس بوك، ومش خايفيين مع إني كنت متوقع إنهم هيقاطعوه لحد ما تخلص الهوجة، و دا يدي إنطباع إنهم عارفين إن مش هيحصل حاجة ، مجرد زوبعة في فنجان

هبة said...

مش ممكن حد عاقل يصدفق السفالة دى
جيشنا حبيبنا والله العظيم دة مؤامرة آخر محاولات الهطل من الحزب الواطى والثلاثى قبل استعداء زكريا عزمى وجمال مبارك للتحقيق
ربنا ينتقم منهم ويرد كيدهم فى نحورهم وسامحنا يا طنطاوى
وجيشنا العظيم رغم انف اى حمار

Ahmed Mohamed said...

الحاجات دي خطيره جدا
ممكن يحصل حاجه لا قدر الله والناس تفتكر ان الجيش بيضرب في بعضه
شوية ولاد الكلاب المفصلوين دول لحالتهم النفسيه السيئه والجنان الرسمي فهمي نظمي المفصلوين من الجيش عايشين بره فعلا
والاتنين متصورين بكاميرا واحده

ممكن يكون المقصود بالهطل دا شباب ثوره المتواجدين ع الشبكات الاجتماعيه عشان يوقعو ما بين الجيش وبينهم وبالتالي يطلع في الاخر ان الشباب خونه اصحاب اجندات فعلا زي ما اتقال والناس هتصدق

وممكن بردو المقصود المشتركون الجدد في شبكات التواصل ودول مش بيشغلو دمغهم شويه وبالتالي الحماسه تجيلهم وتلاقيهم نازلين وشايلين يا فطات ضد المشير

وممكن يكون المقصود توقيع الجيش في بعضه ودا مقصود اكيد لانهم دول بقي الي عملاء ولاد وسخه فعلا وعايشين في امريكا او اسرائيل

ونحط في اعتبارنا كمية الغل الي في كلامهم دا دليل علي حاجتين
انهم حاسين انهم اتفصلو ظلم وعايزين ينتقمو
وانهم مشحونين جامد من جهات معينه

المطلوب مش مجرد مظاهرات فئويه لاء مظاهرات تدميريه
وكلامه عن فلوس مبارك الي تغنينا كلنا


من الاخر المقصود من الفيدوهات دي
كل الي قلته

Argenda said...

حاسس إن عمر عفيفي أمريكا بتستخدمه زي الدلاي لاما كده
نفرض إن المجلس خاين عشان نريح الناس إياهم ، طول ما الشعب إيد واحده محدش هيقدر يلف عليه يبقى الموضوع في ايدنا نقعد نشغل نفسنا بالكلام و لا نركز في المطالب

Ahmed . M . Abdulrahman said...

هم طبعا مش مقنعين بس لازم نلتفت لشئ ان دول مفصولين من الخدمه غير كده احنا جشنا قوى ولله الحمد ودبشهاده الشهود بس احنا عايزين اعداد مش اكثر ماينفعش يبقى الجيش 400 الف بس والشرطه مليون و300 الف
لازم نقف صح علشان نخلعهم صح

باذن الله يتخلعواويتحاكمهم 8 ابريل الجاى

والله الموفق و المستعان

Magdy El-Serafy said...

يا شيخة حرام عليكى تضيعى وقتى فى الفرجة على المحرضين المهرجين دول اللى مش عارفين يمثلوا حتى. موضوع بجد بقى: ممكن حضرتك تتبني التعاطف الشعبى مع الشهداء من القوات المسلحة أثناء كفاحهم للبلطجية بعد الثورة. المجلس الأعلى قال ان فيه وفيات و لا بد الشعب يكرمهم كما يليق. و كذلك العميد البطراوى

tarekabokareem said...

الناس ده بتقول كلام كبير اوى لدرجة ان الكلام بيتبخر قبل ما يوصلى ههههههههه كفايه هبل بقى عشان كل ما مستوى الهبل بيزيد كل ما الدنيا بتبقى برد وعم خليل بيسقى الورد مهو كله بيهبل يعنى هى جت عليا

Nermeen said...

التعليق دا كتبه صديق ع الفيس بووك:
مش غريبة شوية لما الجيش يبتدي ياخد خطوات في محاكمة جمال لدرجة استدعائه للتحقيق الإسبوع القادم وابو جمال وعمل لجنة مخصوص عشان تحقق في ثروته ويتحفظ على أموال سرور وزكريا وعزمي انه يظهر وبكثافة على الإنترنت شخصيات بتدعي انها ظباط جيش وبتتكلم عن فساد المجلس الأعلى وطنطاوي؟؟؟ كانوا فين من أول الثورة ومخدتهمش الجرأة والشجاعة ليه إلا دلوقتي بعد ما المجلس الأعلى ابتدى يثبت حسن نيته

Imanh said...

المشير راجل وطني و مخلص للثوره و بكره الايام هتثبت ده, ارجوكم احذروا من الناس اللي بتحاول تشوه فيه و تنمه الشك بينا و بينه زي المخلوق المشوه عقليا اللي اسمه عمر عفيفي و حتي لو حصل بعض التجاوزات فدي كانت من الطرفين, ربنا يحفظ مصر بشعبها و جيشها

abdelrahman said...

على فكرة العمى وحش

محمود المصري said...

بصراحة بقى سخريتك منهم دليل على ضعف موقفك ممكن تعارضيهم بموضوعية انما الاسلوب ده بيفكرني باسلوب ال 100 يورو والكنتاكي اللي تهمونا بيها وبعدين الناس دي مغلطتش وكلامهم سليم 100% وكلنا شايفين ان المجلس العسكري فعلا متواطئ وعبد الحليم قنديل قال من زمااان ان ده تباطؤ يشي بالتواطؤ وبعدين هنروح بعيد ليه؟ ماهو احمد شومان نفسه قال كدة وكلم المشير لما انضملنا وقاله يا سيادة المشير انت جزء من النظام مبارك بقاله 30 سنة وانت بقالك 20 سنة المؤسسة العسكرية خسرت ما خسرت في عهدك انت كمان امشي والفيديو ده كلنا شوفنااه واللي يحب يتاكد اهو مالي اليوتيوب يبقى احمد شومان قابض وثورة مضااادة وبيفبرك فيديوهات من امريكا ووووو؟
وعبد الحليم قنديل برضو قابض وتبع الثورة المضادة وووو؟
طيب ولمعلومك بقى ان اللي منع الابادة اللي مبارك كان ناوي عليها مش المجلس العسكري ولكن مئات الالاف من الجنود والظباط الشرفاء اللي في الجيش اللى زي احمد شومان والظباط الشرفاء اللي انتي بتتريقي عليهم دول لانهم لو جاتلهم اوامر بابادة ملاييين الناس مكانوش نفذوها وكان زمان المجلس العسكري في السجن الحربي دلوقت ومبارك اتحاكم وهو وعيلته والثلاثي المرح وغيييييرهم اللي لسة محدش هوب ناحيتهم واحنا بنتذل عشان حد فيهم يشم ريحة السجن حتى ومش عارفين عشان دول محمييين من المجلس الاعلى والسلام

kbahey said...

انا مصري عايش برة، و لما الثورة قامت و مبارك مشي، انبسطت طبعا.

لغاية ما واحد صاحبي مكسيكي حكا لي حكاية بلادهم و ازاي كان عندهم ثورة

كلامه اهو:

I think you are putting too much faith in the Military institutions. It may be my background but I am highly suspicious.

Mexico had a revolution in 1910. I can tell you that when the dictator left, the revolution actually started, political assassinations, fight for power, etc. One million people death later, there was some stability through something known as "political party dictatorship". Where the "revolutionary" party won all the elections for the next 70 years.

I hope it will be different in Egypt. My best wishes.

لا زلت متفائل لان الوقت غير الوقت، في عين العالم علينا و في ضغط من برة اذا الجيش استأثر بالحكم

مش غلط اننا نحاسب الجيش و المجلس العسكري بصفته رئيس البلاد، لان دة منصب سياسي و الرقابة من الشعب مطلوبة لكل منصب مهما كان

دة مش تخوين جيشـ دي محاسبة حاكم

بالنسبة للفيديوهات دي
ليه الافتراض اننها معمولة برة مصر اصلا؟
هي مش الثورة نفسها قالوا عليها نفس الكلام؟
و طلعوا وثائق من ويكيليكس بتقول واخد من 6 ابريل راح امريكا؟
و الصحفية اللي طلعت قالت كلام كدب اسرائيل و قطر؟

هو مصر مافيهاش ضباط اتظلموا من رؤسائهم؟ سواء ظلم حقيقي او ظلم في امخاخهم بس؟
هو مافيش مخابيل في مصر اللي فيها 85 مليون؟
حد عنده بارانويا او شيزوفرينيا

دة مجرد ناس بتقول اراءها سواء غلط او صح او عقلاء او مجانين

المهم كام واحد حيسمع لهم؟
حيكونوا اكثر من بتوع حقك حيرجع يا مبارك يوم 25 ابريل؟

هو مافيش عندنا غير المؤامرات اللي معششة في دماغنا

كل حاجة يا اما ثورة مضادة يا اما مؤامرة خارجية؟

حتى شغب ماتش الزمالك خليناه ثورة مضادة
قالوا في سلاح دخل، و هل حد شاف سلاح في الصور؟

ليه ما يكونش شغب مشجعين عادي زي ما حصل في بلاد اوروبا كلها اللي فيها التحضر و النظام؟
http://en.wikipedia.org/wiki/Football_hooliganism

احنا بكدة حنفقد المصطلحات معناها بالكامل، و تبقى خاوية
و لما نعوز نستعملها في الصح الناس حتقول ما دة اثقال على كل حاجة قبل كدة

زي الولة اللي قال الحقوني الديب حياكل الغنم، و بعدين قال كنت باضحك عليكوا

يا رب اشفي عقولنا و طهرها من التآمر عمال على بطال

Anonymous said...

إحذروا وقيعة بين الشعب و الجيش
ظهرت العديد من المقاطع اليوم لبعض الأشخاص يدعون انهم ضباط جيش و يحرضون على التمرد على الجيش
طبعا كلنا عارفين هما مين

Unknown said...

مش فاهمه ليه مش من ضمن مطالبكم ان ممثلين الشعب فى مجلس الشعب يكونوا ناس مخلصين للشعب!!!!!!!وليه مش من ضمن مطالبكم حسن اختيار رئيس مصر ...يعنى لو اسأنا اختيار الرئيس يبقى كان لزومها ايه الثورة؟ يا ترى حانفضل فى فيلم الاطلال كثير...مينفعش نشوف حاجه تانيه؟

ام مصرية said...

العقيد عمرو عفيفى من أول الناس اللى حرضت الناس على ضباط الشرطة من قبل الثورة ، و حرض الضباط أنفسهم على التمرد و عدم العمل ، و اللى بيعمله دلوقتى بعد ما تهيأله ان ربنا كرمه و قضى على جهاز الشرطة فى مصر انه عايز يعمل نفس الموضوع فى الجيش و تبقى مصر لا جيش و لا شرطة.. ربنا يحمى البلد و يدى للناس شوية عقل

ام مصرية said...

لماذا لا تقومى بالدعاية لعمل (report )لصفحة عمرو عفيفى لاغلاقها

Unknown said...

الفيديوهات دي مالهاش اي هدف الا ان الناس ما تنزلش يوم الجمعة

وفيه واحد بقاله اسبوع مجانص كده وماشي يدعي انه ظابط جيش وبيحاول يعرف من الناس اخبار

والفيديوهات دي ما بتخدمش اي حد غير صفوت الشريف وفتحي سرور وزكريا عزمي وعمر سليمان عشان نسيبهم ونتدور نتخانق على الضهر اللي ساندنا

والناس كده حتخاف ومش حتنزل لو الكلام ده زاد بالطريقة دي

ابسط حاجة، لو الادعاءات دي كانت حقيقة ونزل الناس منتحلين صفة الجيش من حق الشرطة العسكرية تضربهم بالنار، والناس مش عايزة تحضر مقتلة وماحدش ضامن وهم بيضربوهم ممكن مين كمان يموت معاهم

الفيديوهات دي معمولة عشان تضرب الجمعة الجاية، نجاح الجمعة الجاية معناها انتهاء الثلاثي تماما.. هم عايزين يحرقوا مظاهرتنا لإن وزير العدل قال اتظاهروا وما توقفوش المظاهرات لإن ده بيحمي الثورة، ووزير العدل مش حيقول الكلام ده من غير موافقة رئيس الوزراء والمجلس العسكري

يعني اللعب بقى ع المكشوف، والثلاثي عايزين بيأي طريقة يفشلوا لنا المظاهرة دي

ده كلام وزير العدل

http://www.youtube.com/watch?v=JQdIdzKy_3Y

Unknown said...

يا جماعه الحل اسهل من كده بكثير ....اسرعوا بإختيار رئيس جمهوريه قوى وكويس وهو حيقوم بكل اللازم...كل مطالبكم اللى بتعيطوا عليها رئيس الجمهوريه لو كويس حينفذها من نفسه من غير مظاهرات ولا حاجه...لكن لو جه رئيس له اجنده خاصه او ضعيف او متواطئ او... او... يبقى كأنك يا ابو زيد ما غزيت.

Unknown said...

الفيديو الاول لنقيب سابق بالطيران! لكن ليه سابق؟

Radwa ElShami said...

الله عليكي! بجد تسلم ايدك. كنت عايزه أبعتلك الفيديو رقم اتنين أبو 11 دقيقة ده. سمعت منه أول دقيقة وبعدين خفت على نفسي من التلوث وقفلت وخفت أبعتهولك أكون بساهم في ترويج اشاعات. هو قال لد. عصام شرف أحسنلك تستقيل من هنا وأنا قفلت من هنا.
يارب تفضلي مركزة كدا زي ما أنت.

Sheri said...

قيادات الجيش حبايب مبارك واعوانه فاسدين حتي النخاع. بيملوا في كروشهم وسايبين باقي الجيش جعان زي كل الشعب. ضباط الجيش غلابة زيناو في طبعا شرفا حتي من الكبار. بس معلش يا نوارة طنطاوي مش شريف وهو الاس في الثورة المضادة, لييه المجلس رافض مجلس رئاسي بالرغم من فشلهم في كل خطوة سياسية بياخدوها؟ علشان مش عايزين حد ينخرب وراهم ولا يطالب بمحاكمة ابو لهب وعيلته. ان شاء الله ربنا هيقدر عليهم و ان شاء الله ضباط الجيش الشرفاء يضغطوا عليهم وينضفوا الجيش الاصيل من وساخات الفاسدين

Mahmoud said...

معلش يعني أول مرة اشتم حد عالنت
بس دول اتنين شراميط ولاد جزمة

mido said...

نفس كلام احمد شومان، مع الفرق فى اللهجة، الجنود قرفانين من القيادة
عندى حبة أسئلة:
عرفتى ازاى ان الفيديوهات متصورة بره مصر ؟
يعنى ايه القيادات حاربت فى اكتوبر؟ حنرجع تانى نقول اكتوبر؟ !!؟
اللى اعرفه ان التاريخ لا يساوى شىء فى تقييم الاداء لما اتولى مسئولية
ادائى هو الفيصل

الشبكة المستقلة said...

الناس مش هابلة و شايفة المجلس العسكري و كلهم عواجيز و من الواضح ان افقهم ضيق....بس حنعمل اية دة الموجود عندنا و عشان كدة راضيين بية
و كمان ضباط الجيش ناس حلوة و ظريفة و هادية و بتاعة يمين و شمال و ضبط و ربط
مش مؤهلة تتعامل مع بني آدمين و عاديين و كمان على طلبات ذي طلباتنا كل تدريبها على القتل و الحروب
اللي عندة حل تاني غير الناس دية ياولة بطريقة مقنعة و نقدر ننفذها
و اللي معندهوش يحاول يساعد المجلس العسكري و يضغط علية عشان ينفذ طلباتنا
و اللي عايز يعمل انقلاب عسكري و حرب و دم
فدة مش حيحصل لانة ما حصلش ابل كدة في مصر

Unknown said...

Nawarah,

I can tell you for sure that both of those SYYYYYS, are not in Egypt and you can tell from the background. also please note the time of both clips, BOTH ARE ALMOST THE SAME TIME ( AROUND 11:14) THAT GIVES YOU INDICATION THAT THE CAPACITY OF THE MEMORY CARD IS THE SAME AND THE CAMERA USED IS THE SAME.
BUTTOM LINE IS: PEOPLE NEED TO WATCH OUT VERY MUCH AND GO HEAVELY TO THE SQUARE NEXT FRIDAY INSHALLAH, AND NOT TO CARE ABOUT THOSE GAYS.
SALAM

Unknown said...

بصى يا نوارة المسلمانى قال من كام يوم ان مبارك واسرته لازم يتحاكموا محاكمة مدنية مش عسكرية لان دى الطريقة الوحيدة اللى هترجعلنا فلوسنالان القانون بره ينص على كده
وحكاية الفيديوهات دىمش مقنعة نهائى حتى الناس اللى شايفة ان الجيش بطئ وده حقها مينفعش تقول انه متواطئ لان اللى احنا شوفناه منهم ولحد دلوقتى مش تواطئ هما بس مشكلتهم انهم مش بيحوا يقولوا على خطواتهم اللى بينفذوها طيعيتهم كده وهما دول العسكرحياتهم كلها اسرار واحنا مش متعودين على كده المهم نخلى النا كويس الجمعة الجاية ان شاء الله مش عايزين حد يغلط فى الجيش ولا المشير ولا حد يحاول يسخن الناس

خالدة سعيدة said...

http://www.facebook.com/elta7rer.Youth
فيه ناس فعلا فى سيناء هتروح عند مبارك وطالعين يوم الخميس الساعه 12 الضهر
ومجمعين عدد كبير جدا
الحاجه التانيه ان كل اللى بكلمهم فى الجيش بياكدوا ان طنطاوى بيعمل مخططات لاجهاض الثورة وفيه تضارب فظيع فى الجيش دلوئتى بين الشرفاء والغير
اقرائى تيرز وردى على الاسئله بتاعتها يمكن تريحينا لان العدد اللى مصدق فعلا بفساد المجلس العسكرى مش قليل

monna said...

ايوه يا نواره ده رأى و أنتى مش عارفه تردى غير بالشتيمه بالظبط زى مرتضى منصور و هو بيتكلم عن الثوار

marwa said...

مصداقيتك على المحك يا نوارة انا طبعا ما اتمناش اشوف بينا يوم الجمعة ظباط جيش باللبس الميرى بس ماذا لو حدث؟؟؟؟؟؟؟؟؟؟؟؟؟

Unknown said...

هو الرائد احمد شومان ميقدرش يطلع فى فيديو 3 ثوانى زى بتاع توك توك القذافى يقول انا مش ففنزويلا و لافى السجن الحربى و موجود فى مصر ؟؟؟
و دا هيبقى ضربة للفيديوهغات دى و عمر عفيفى و كل حاجة تبعم عشان موضوع احمد رشومان دا لبانة فى لسانهم فنتف على اللبانة و بعدها نقطع لسانهم بالتفة
مدام انت تقدرى توصليله
و لا الجيش فى حاجة تمنع من ان دا يحصل ؟
و لو حتى يحصل بالتنسيق مع المجلس العسكرى عشان كدا انا بفكر فى درع واقى انزل بيه الجمعة الجاية

Ahmed Mohamed said...

وبعدين ظباط الجيش معرفوين عند الجيش
والجيش يقدر يوصلهم حتي لو مفصلوين او مش
مفصلوين
صاحيين او مييتين
يعني الي بيعملو دا خطر عليهم قبل اي حد لانها
ممكن توصل للاعدام
ومين عاقل يعمل كدا وهوه عارف ان فيها اعدام

اذن هما مش في مصر

Shoukry said...

There is a campaign to urge revolutionists or have the possibility to accept insiders among them in the demonstration to get engaged with the army! I was about to post these videos for you and I am also seeing a huge number of posts and tweets about a guy - suppose to be an activist - called Michael Nabil Sanad who wrote an article about the army and got arrested. My friends know him in person and told me that he used to be a big liar at school but what he wrote had the appeal of a lot of people and it is spreading dangerously.

Although any sane person will easily discover the ton of lies in this article like "Capturing 4 tanks by the revolutionists" and "being blindfolded and knowing his place!!!!" but many many people believe in it! I hope you write an article about his claims

خالدة سعيدة said...

انتى عارفه يا نوارة محسسانى بشعور لما كنا بنتفرج على مبارك او جيمى لما كان بيشكك فى اى حد يقول عكس اللى هو مؤمن بيه

نوارة انا واثقه فى عقلك بس انتى بجد مش عايزة المواجهه تحصل بين المجلس واللى معاة وبين باقى اليش ولما يقع ناس تحسى انك كنتى السبب فبتحاولى تجنحى للسلم على قد ما تقدرى بس دىه ميمنعش انك تعترفى ان فيه فعلا بهدله فى الجيش زى اى مؤسسه كانت تحت حكم مبارك ومش اى مؤسسه دى اللى قتلت السادات وعملت انقلاب على الملك يستحيل انه ميكنش اضعفها بالتعاون مع المشير افندى
http://www.facebook.com/elta7rer.Youth
فيه ناس بتحشد عربيات واتوبيسات الى شرم وكمان فيه ظباط امن دوله فى شرم بتقبض عليهم واختفى اتنين منهم وفيه عزاء للشهيد اللى مش عرفنله اهل يوم الخميس بليل

الاستاذ said...

انا ارسلت بلاغ للمجلس الاعلى و ياريت كلنا نبعت بلاغات لسرعة القبض على امثال هؤلاء المعاتيه اللى فكرنا هنود هنصدق اصلا ان الجيش يقبل ارجوزات زيهم فى خدمة الوطن طب استنضفوا

Anonymous said...

لو في ظباط بالجيش بيقولو ان في فساد وانهم نازليين يتظاهرو ضده يعني هما عايزين نعملهم ايه الشعب المدني بينزل يتظاهر عشان المجلس العسكري ينفذ مطالب الشعب اما هما هينزلو يتظاهرو عشان الشعب ينفذ مطالبهم بلاش كلام خايب وبعدين لو هما موجودين اصلا وناويين يعملو حاجه ماكنوش فضحو نفسهم ده موضوع يخص الجيش منه فيه ماحدش من براه يعرف يغير فيه المهم احنا نركز على المواضيع اللي تهمنا اللي هيه تحقيق مطالب يوم 8 ابريل ان شاءالله وسلميه كالعاده وياريت تضيفو تغيروا النائب العام عشان مش عارف يلاقي حاجه ضد المخلوع عجيبه!!!!!!!

كيوبيد said...

نواره سلم لسانك انا فعلا ضحكت من كل قلبى لما قريت البوست بتاعك وعرفة ان فيه قال ايه ضباط جيش نازلين مظاهرة فيه سوال بسيط جدا الاخوه الى بيقولو انه ضباط جيش لما انت ضباط وواضح انكم اكتر من واحد ولما هو المشير مش عاجبك ولا حسنى ولا القيادة مش عملت ليه عليهم انقلاب مثلا وكانت هاتدخل التاريخ من اوسع ابوابه والشعب هاينزل لك الشارع بالملاين زى ما نزل قبل كده يويد عبد الناصر والاحرار .عيب قوى ها الكلام احنا فاهمين مش قطيع ياحضرة الضباط منك له والله لو الجيش كان عايز تطهير فا هو فعلا عايز يتطهر من امثالك لو كان فيه امثالك احترمو عقول المصرين مش كده بلاش الىاستخفاف للدرجة دى بالشعب ده.اى نعم انا عندى ملاحظة على المشير والمجلس بس ليهم كل الاحترام كفاية انهم شيلين هم البلد دى وبيعملو بكل ما لديهم من قوة كفاية قوى انهم واقفين جنب الثوره الملاحظة على الاخطاء ان كنت مقصوده او غير مقصوده مع الجيش وافرده لازم يكون فيه احترام .

zenzehar said...

بللاسف يا نوارة انا معاكي في كل ارائك الا فيما يخص المجلس الاعلى ... تقدري تقوليلي مين بيمثل النظام اللي بيحمي مبارك دلوقتي و الثورة المضادة ؟؟؟ ... و كونك ما تعرفيش اظرف الولاء ده عيب منكمش لأنها مش موجودة ... اسألي اي ظابط في الجيش عن اظرف الولاء و انتي تعرفي انها موجودة و بمبالغ خرافية كمان ... اسألي احمد شومان .. ولا ده كمان حتتريقي عليه ؟؟؟ .. مش قاله و انت كمان ايها المشير ؟؟؟ ... فوقي لو سمحتي انتي وراكي جيش من الناس بتاخد برأيك ... ارجو التواصل على الفيسبوك
http://www.facebook.com/profile.php?id=880810079

zenzehar said...

افرضي ان الناس دي كانت بجد ضباط سابقة في الجيش ... انا والد واحد صاحبي كان معانا يوم بيوم ... و مشفتش حد ضرب عليه النار ... ارجوكي اسألي عن اظرف الولاء ... اتأكدي قبل ما تكتبي .. اسألي احمد شومان .. اسألي اصاغر الضباط ...
كلنا شايفين ان المجلس العسكري فعلا متواطئ وعبد الحليم قنديل قال من زمااان ان ده تباطؤ يشي بالتواطؤ وبعدين هنروح بعيد ليه؟ ماهو احمد شومان نفسه قال كدة وكلم المشير لما انضملنا وقاله يا سيادة المشير انت جزء من النظام مبارك بقاله 30 سنة وانت بقالك 20 سنة المؤسسة العسكرية خسرت ما خسرت في عهدك انت كمان امشي والفيديو ده كلنا شوفنااه واللي يحب يتاكد اهو مالي اليوتيوب يبقى احمد شومان قابض وثورة مضااادة وبيفبرك فيديوهات من امريكا ووووو؟
وعبد الحليم قنديل برضو قابض وتبع الثورة المضادة وووو؟
طيب ولمعلومك بقى ان اللي منع الابادة اللي مبارك كان ناوي عليها مش المجلس العسكري ولكن مئات الالاف من الجنود والظباط الشرفاء اللي في الجيش اللى زي احمد شومان والظباط الشرفاء اللي انتي بتتريقي عليهم دول لانهم لو جاتلهم اوامر بابادة ملاييين الناس مكانوش نفذوها وكان زمان المجلس العسكري في السجن الحربي دلوقت ومبارك اتحاكم وهو وعيلته والثلاثي المرح وغيييييرهم اللي لسة محدش هوب ناحيتهم واحنا بنتذل عشان حد فيهم يشم ريحة السجن حتى ومش عارفين عشان دول محمييين من المجلس الاعلى والسلام

بللاسف يا نوارة انا معاكي في كل ارائك الا فيما يخص المجلس الاعلى ... تقدري تقوليلي مين بيمثل النظام اللي بيحمي مبارك دلوقتي و الثورة المضادة ؟؟؟ ... و كونك ما تعرفيش اظرف الولاء ده عيب منكمش لأنها مش موجودة ... اسألي اي ظابط في الجيش عن اظرف الولاء و انتي تعرفي انها موجودة و بمبالغ خرافية كمان ... اسألي احمد شومان .. ولا ده كمان حتتريقي عليه ؟؟؟ .. مش قاله و انت كمان ايها المشير ؟؟؟ ... فوقي لو سمحتي انتي وراكي جيش من الناس بتاخد برأيك ... ارجو التواصل على الفيسبوك
http://www.facebook.com/profile.php?id=880810079

Unknown said...

يا حاجة نوارة المجلس العسكرى هو اللى مش ناوى يجيبها لبر
الناس بدأت تزهق منهم
و نا قصدى بالناس دى الناس الغلابة اللى مش فاضية لا تشوف تلافزيون و لاتعرف يعتى ايه فيك بوص
اللى بيحصل على ارض الواقع بيتكلم عن نفسه
سرور طلع مفجر ثورة يناير
و عمو زيكا شغال باوامر من المجلس السكرى
و عم صفوت بيمرح فى الغيط و بيهدد اعتماد خورشيد و الصحفى اللى سجل معاها و ألانكت من كده انه مراقبهم
و النايب العام بيقولك مبارك ليس عليه غبار حتى الأن
احنا هنستعبط
و مقعدينه فى قصر و يقولك اقامة جبرية
و يقولك هنجمد الارصدة بعد شهرين ليه أصل القانون لازم ياخد مجراه
طيب ما ايمن نور اتقبض عليه و اترفع عنه الحصانة فى يوم جمعه وبالقانون برضو
و محولين امين شرطة بتهمة قتل30 متظاهر
امين شرطة ليه هو كان وزير داخلية و
وعمو العادلى محولينه لعمو عبد السلام الراجل اللذيد الحنين اللى طبعا محدش يقدر يشكك فى نزاهته
و يطلع كلب يقولك فى التلفزيون فى برنامج كروى و لا يوم من ايام مبارك
مش هيه دى ثورةالكلاب و الحراميه و السيد المحترم بتاع المجلس أياه يقولك أصل ده مالوش علاقة بالثورة المضادة ده شغب عادى
و الحكومة نفسها هتشد فى شعرها من الثورة المضادة
و عمو الجمل عمال يحط فى قوانين مكبلة للحريات ليس غؤيبا على من صنع دستور 71 ان يفعل هذا و كله من الثورة المضادة
و تمت [ان السيد حمدى الطحان معمولة اعلان فى تلات جرايد منهم أتنين قومية و واحدة محلية الصنع
و تمت كمان و المجتاس بيحلف اليمين ده مش بعيد نلاقى مبارك نفسه بيحلف اليمين
و كمان السيد البدوى يجرع تلميعه كما قال بلال فضل
المخطط يجرى تنفيذه بوضوح
نرجع بقى للرائد شومان مش المفروض ده يتكرم برضو هو مش من الثوار و لا ايه
طيب و مقعدينه فى البيت ليه
طيب مش نفتكر الكلام اللى قاله على الجزيرة على سيادة............ و لا ايه هو ده كمان اجندة و مندس
طيب و عفيفى ده لما هو عميل كل كلامه بيطلع صح ليه
طيبو اللى دخل كلية الاعلام مين
دا مبارك بجبروته معملهاش
و مين اللى كشف على عذرية البنات ناس من اسرائيل و لا اثورة المضادة برضو و ليه الخبر ما اتنشرش فى مصر و أتنشر فى ميت جريدة عالمية محترمة
هى دى الحرية اللى بيوقلوا عليها
طيب لو الشعب حاب الخومينى هما مالهم مش هما عاوزين الديموقراطيو لا صينى دى كمان
طيب مين اللى فتح الطريق للجمال يوم الجمال و مين اللى مسئول عن موقعة الجمل التانية
و أتباع البغل النجس غيروا اليافطة و شغالين الله ينور و التليفونات مش متراقبة و لا النت و برامج التوك شو مالهاش دعوا بالاجهزة الأمنية و كله تمام
دى بقت حاجة تقرف من تلات اسابيع اللى كان بيتكلم عن الجيش كان بيضرب بالجذمة و من اسبوعين كانت النا س تبص له و تسكت
دلوقتى الناس نتصدق أى حد حتى السبارسية اللى انتى بتقولى عليهم
طيب و حياتك العيب على مين العيب على الشعبو لا السبارسية و لا اللى مدى الناس دى فرصه بافعاله
لو عندك رد يريح ياريت

nosseir said...

طبعا دول عايشين برة...ولا جيش ولا بتاع.. هى فكرة جديدة من الثورة المضادة ...بس حمرا ...عشان جيشنا متماسك والحمد لله...المؤسسة الوحيدة المحترمة الباقية...وسيبك انت..قلبك دليلك..اعضاء المجلس اللى بيطلعوا فى التلفزيون وعملوا حوار مع منى الشاذلى ..باين فيهم الصدق...هو الجيش بطئ شوية فى اتخاذ القرار..بس دة طبيعى ..عشان هم عارفين حجم المسؤلية اللى شايلنها

محمود المصري said...

خدي بالك يا نوارة انتي قالبة الدنيا على فلول مبارك الحقي راجعي نفسك في حتة المجلس العسكري ده لان يوم الجمعة 8 ابريل اذا فضل موقفك كدة الناس هتقلب الدنيا عليكي باعتبارك من فلول المشير ورموز المجلس العسكري :)

Leonardo said...

مش هاعلق ع الفيديوهات لكن هاعلق على حكاية إن عصام شرف والمجلس العسكرى عايزينا نتظاهر علشان نعمل ضغط فيقدروا ينفذوا مطالبنا ؟؟؟
طيب عصام شرف ووزير العدل ومجلس الوزراء كله .. ماشى , أهو لما نعمل مظاهرة هنسند ضهرهم قصاد المجلس العسكرى اللى بياخدوا أوامرهم منه .. يعنى لو عصام شرف عايز يعمل حاجه ومش عارف علشان المجلس العسكرى معارض فاحنا نتظاهر ونضغط فالمجلس العسكرى ينفذ طلبه ..
دى ممكن أبلعها , لكن المجلس العسكرى عايزنا نتظاهر ونسند ضهره قصاد مين يانواره ؟
قصاد الثلاثى المرح وللا قصاد حسنى ؟
وللا يمكن قصاد أمريكا واسرائيل ؟
أو السعوديه ماهى هددت برضه إن حسنى لو اتحاكم يبعتولنا إخواتنا اللى شغالين هناك ؟
...
...
مش ملاحظه إن المجلس العسكرى زودها شوية يانواره ؟
كل قراراته اللى بتنفذ طلباتنا بتيجى -بلا استثناء- بعد الضغط والمظاهرات مابيوصلوا الحد الحرج ؟
فى حين إن قانون سخيف زى منع الإضراب ده خد نور أخضر على طول ؟
ماحدش قال إننا نقف قصاد الجيش , وماحدش قال إننا نسمع أى كلام ونمشى وراه
لكن برضه مش معقول نغمى عينينا ومانشوفش اللى بيحصل فى البلد
والله لو كان فيه مسئول أكبر من المجلس العسكرى لسه موجود وهم مش قادرين عليه يقولوا لنا واحنا اللى نقف له ..
لكن الواقع دلوقتى إن المجلس العسكرى هو صاحب أعلى سلطه فى مصر دلوقتى ومافيش أى حد يقدر يعارضه واللى عايزه بيعمله
طب إيه بقى ؟
ليه لسه فاكر دلوقتى يعمل لجنه لسه هتحصر أموال حسنى وتشوف ؟
وآل إيه منع الثلاثى -دلوقتى وبعد شهرين- من التصرف فى أموالهم ؟
هأو .. ده حتى التهريج ده ماكانوش هيعملوه لولا المظاهره الجمعه اللى فاتت كانت ناجحه
....
...
اللى مايشوفشى من الغربال يبقى أعمى يانواره
وإنتى ماكنتيش نازله الميدان إنتى وكل اللى كانوا معاكى علشان دلوقتى نشحت من المجلس العسكرى ونتحايل عليه
يارب أكون غلطان وتكونى إنتى صح ..
يارب أكون عبيط وأهبل ومش قادر أشوف إزاى المجلس العسكرى حمى الثورة ولسه بيحميها ويحافظ عليها
لكن لحد دلوقتى .. أنا شايف إن أداء المجلس العسكرى عليه ألف علامة استفهام

Leonardo said...

معلش يانواره ؟؟؟
استفسار مالوش دعوه بالكلام ده دلوقتى
من كام سنه كتبتى عن ظابط فى حرب أكتوبر عمل كتاب جميل قوى بيحكى فيه عن بطولات الجندى المصرى فى الحرب وعن اللى شافه بنفسه
أنا حاولت أوصل للتدوينات اللى إنتى كتبتيها عن الكاتب والكتاب لكن ماعرفتش للأسف فياريت لو بس تقوليلى اسم الكتاب وأقدر أشتريه منين
لأنى هاموت وأجيب الكتاب ده وعلى استعداد أنزل القاهره مخصوص علشان أجيبه

hatem said said...

اسمحي لي أنا نقلت رابط مقالك علي الفيس بوك عندي ..... أشكرك

ayman radwan said...

هو السؤال هم ليه ظباط سابقين ؟؟؟ ويا نوارة انتى خايفة على البلد علشان كده بتقولى ان الكلام ده مش مظبوط وخايفة يحصل صدام مع الجيش هو ده مش مخليكى عارفة تنامى انا حاسس بيكى كويس بس الجيش حاجة والمجلس العسكرى حاجة تانية دى دولة العواجيز قدامهم حلين يا اما تخلوا عن مبارك ومساندته او التظاهر ضدهم شخصيا وخلعهم وربنا يستر من اللى جاى . لكن ما ينفعش نسكت هو احنا كنا بنهزر

ayman radwan said...

على فكرة مش يمكن يكون وزير العدل بيقول كده علشان نخلينا نضغط على المجلس العسكرى اللى نايم مش زى ما انت قلتى ؟؟؟ يعنى الجيش محتاج مظاهرتنا علشان يحاكم حسنى وجيمى والثلاثى ؟؟؟؟؟ ما هو لو عايز كده ماكانش غلب بس هو اللى مش عايز وذنبه على جنبه بقى

احلام جوليا said...

لو كنت فعلا بتسالي ومش عارفة يبقى اسمحي لي اقول لك يا نوارة يا غاليه انا بجد لي يومين بفكر في ان في حد من مصلحته يوقع بينا وبين الجيش وبعدين قريت خبرين امبارح عرفت مين هو الحد ده ؟؟؟؟
الخبر الاول:قلق سعودي من تقارب مصر وايران .
الخبر الثاني :الحكومة المصرية تطالب السعودية بوقف دعمها المادي للسلفيين ( وفي وسط الكلام في تنوية عن تحريض على موضوع الاضرحة )
اضربي الكلام ده في دماغك وركزي شوية حتعرفي ان الجيش بيعمل لنا كرامةلاول مرة من 30 سنة وبيرفض ضغط السعودية عليه بانه ميحاكمش مبارك وعائلته وبيلعب بورقة سياسية تانية في وش السعودية نظام اذا كنت حتناصري عدوي وتهديديني فان صديق عدوي هو ..................وعلى نفس المنهج عدو عدوي هو صديقي مش كده ولا ايه يا نواره
خدي بالك الي بيحصل في دول تانية وقمع المتظاهرين ومحاولة اجهاض ثورة مصر مش بسبب حبهم لمبارك لا الموضوع اكبر من كده لو احنا نجحنا في ثورتهم شعوبهم حتتشجع عليهم ولو حاكمنا مبارك الكل حيطلب بمحاكمة الحكام وده اكيد مش عاوزينه هم بيدافعوا عن ملكهم لازم يجهضوا ثورتنا علشان يضمنوا محدش يفتح بقوا معهم اللعبة اكبر بكتير من كل الي بيحصل في مصر الحكاية مش صورة مضاده من جوا مصر وبس يا نواره مخابرات الدول الي بره والي من صالحها الثورة تقع وشحنها الناس ضد الثورة اكتر واكبر خدي بالك هي نفس المخابرات الي قالت بالنص خبر اتسرب ان لو مبارك مسك الحكم بدل السادات حيكون افضل للعلاقات الدولية وهي نفسها الي بيقولوا والله اعلم في دي بالذات مش متاكده انها خبت خالد الاسلنبولي بعد ما اوهموا الناس باعدامه اظن الجيش الي عامل كرامة لينا والي زعل الامريكان والي رفض واسطة الخليج والي تحفظ على مبارك وبيعمل معاه تحقيقات سرية حاليا خوفا من الراي العام الي ممكن يتعرض له بالاذى ..الجيش الي يعمل كل ده على الرغم ان رجال الجيش مش رجال سياسة وميعرفوش غير الشغل الدوغري لكن بيحاربوا ناس فطاحل في السياسة ده غير ان جبهتهم الداخلية متعرية بصراحة فالمخابرات ولاءها للنظام القديم والشرطة ولاءها للنظام القديم ده كله غير مطالب فئوية وشعب بيطالب الجيش بباقي المطالب الجيش ده هو الهدف الاساسي قدام الناس دي والي بتحاول انها تشوه صورته وتشغل الراي العام والثورين في مصر بمحاربته علشان تخلص منه ومن مقاومته ده راي الشخصي ولو ان تباطئ الجيش في المطالب مفهوم نظرا للضغط ولان عصام شرف نفسه لما دخل الحكومة شاف الي مكنش شايفه وده راجل كان مع الثورة من اول يوم لكن الضغط عليه اضطره للتباطء ومتنسيش يا نواره مينفعش الجيش يشرح لنا كل حاجة ويعرف اعداءه خططه السياسية ولا انا غلطانة

negmat lail said...

عايزاكي كده ربنا يكرمك وتنشري كلامك ده في كل مكان مش بس هنا والفيس بوك يالا شدي حيلك

Molokheyah Khadra said...

كلنا اتجرجرنا للمصيده ! واضح ان السذاجه التي تتسم بها الفيديوهات تدل علي ان الهدف منها هو استثارة رد فعل دفاعي وتلقائي (بالعند) لدي المشاهدين لمهاجمة كل مايقال في الفيديو (باعتباره واضحا في افتقاده للمصداقيه) لننبري للدفاع عن المجلس العسكري مع ان اشياء كثيره مما قيلت في هذه الفيدبوهات تحمل قدراً من الصحه وبالذات فيما يخص ولاء القيادات العليا في الجيش لمبارك وهذا هو المطلوب عملاً بنظرية "اذا اردت تثبيت كذبه لدي العامه فلتدع الحقيقه تأتي من افواه الحمقي " . . بيجرجرونا للدفاع عنهم في الوقت الذي يجب مساءلتهم فيه

Anonymous said...

خلونا في المهم يا نوارة هو التوقيعات وصلت كام ألف ... أنا سمعت انهم 35000 بس..لو الرقم دا صحيح يبقى نستاهل اللي بيجرالنا .. ايه الاعداد اللي تكسف دي...دا لو جروب من خمسة نزلوا كلية حقوق ولا اداب هيلموا أدهم و اكتر ..ولا يمكن في صفر ناقص انا ما قريتهوش؟؟

أبو أحمد said...

كل شخص مصرى خدم بالجيش يعلم الحقيقه

أبو أحمد said...

لله الأمر من قبل ومن بعد وسيعلم الذين ظلمواأى منقلب ينقلبون

أبو أحمد said...

أرى كما يرى الكثيرون غيرى أن ممن قاله هذا الشخص معلومات حقيقه فعلا والترقى بالجيش فعلا يعتمد على تقارير الولاء للنظام وإن كان ليس بالصوره التى تمارس فى الحياه العامه ولكن هناك قواعد وشروط معينه خصوصا للترقى بعد رتبة مقدم أهمها أن لا يكون الشخص ممن لا يشاهد عليهم الإهتمام بالدين ولا يتحدث فى أمور السياسه ولا يمس المؤسسه العليا وأن يطبق لاأرى لا أسمع لا أتكلم تطبيقا حرفيا وتقارير المخابرات العسكريه هى دائما الفيصل فى كل ترقيه

مش فاهمه said...

مش عارفه انا شخصيا بقيت مش فاهمه رسمى لكن بالعقل و المنطق ليه الجيش عايزنا ننزل مظاهرات علشان نبقى وسيلة ضغط انه يعمل الصح ....حد فاهم حاجه يعنى لما هو صح ما يعمله من نفسه ايه لزوم المظاهرات المليونيه ولا هو عايز يشوفنا كلنا مع الثورة ولا لأ ايه الهبل ده اسمحى لى -مش منك لأ منهم - لأنى متاكده زيك انهم بيحبوا المليونيات طب ده معناه ايه ان هم اللى مش عايزين استقرار و الناس تشوف شغلها بقى و عايزنا كل جمعه ننزل و قبلها نرتب لليوم ده و هم يتفرجوا و ياخدوا قرارات و ينزلوا لنا بالهدايا يوم الخميس بالليل يعنى معناه ايه المجلس العسكرى عايزنا نفضل فى الثورة دى لأمتى ما يحقق مطالبنا و بسرعه و دى مش مطالب شويه لأ دى هى دى الثورة اللى بيقولوا عليها فى الكتب اسقاط نظام و محاكامات ثورة و تطهير و اعلام يحمس الناس و يفكرهم بالشهدا دايما و على طول و يجيب لهم مشاهد من التحرير و يضغط عليهم ليل و نهار علشان يعرفوا هم كانوا فى ايه و بقوا فى ايه مش كل شويه عدد الناس اللى بتدعى على الثورة بيتزايد و عدد اللى بيتمنوا رجوع مبارك بيزيد و اهو الدورى راجع و عمرو اديب امبارح بيتكلم على الزباله و مراته المسحلله بتتكلم على الفوضى و مقتل مين و خطف مين الموضوع مش مستحمل مسخره بقه ايوه فيه تباطؤ يصل لحد التواطؤ لازم نواجه نفسنا و موضوع كل جمعه مليوينه دى مستفزة جدا جدا و مش بسبب اللى عايزين ينزلوا بالملايين لأ بسبب اللى مستنى لحد دلوقتى ملايين كل اسبوع علشان ينقط علينا نقطه نقطه و قرار قرار .....يعنى المره دى لمحاكمة الثلاثى و الجمعه اللى بعدها لحل الوطنى و اللى بعدها للمجالس المحليه و اللى بعدها علشان قانون الأحزاب الجديد المحبط و التعديلات اللى مش قد كده ده احنا مش حانخلص بقه

hosseiny shatat said...

بصوا ياجماعه للشاشه
تعالوا مانختلفش وخلينا نشوف الواقع
أولا:الجيش أصبح له شعبيه جارفه عند الشعب المصري والشعوب العربيه كمان
ثانيا:الغالبيه العظمى من أفراد الجيش فخورين جدا بموقف قيادتهم من الثوره.....وأعتقد القياده حطه ده في الحسبان بحيث انها مش ممكن ترجع عنه

ريحوا نفسكم وقولوا أن الجيش كان فيه بعض الفساد...جميل؟
وقف معاكم في الثوره ولا لأه؟
فيها أيه لو كان عمل زي ليبياأو اليمن أو البحرين
كان زمان وضعنا أيه دلوقتي؟
عيب تقولوا دا وقف معانا غصب عنه لأنه لو ضدكم كان عمل المستحيل عشان ينهي عليكم
أهم شيئ ياشباب إننالازم نفرق بين قبل الثوره وبعدها عشان نرتاح بمعنى إن الثوره زي التوبه النصوحه
تخيلوا لو كل واحد كان بيحارب الرسول وحب يخش الاسلام هل ينفع إن الرسول يقول له مش هتخش الاسلام عشان انته كنت كافر وقتلت مسلمين قبل كده؟ ينفع؟ ينفع؟
ولو كان نفع كنا هنشوف خالد ابن الوليد مثلا؟
واحد في دماغه صراصير وبيسألني ويقول بس ليه التباطؤ؟
كلنا متفقين إن فيه تباطؤ
بس ليه حق أسألك
فيه حاجه ضغطنا من أجلها والجيش ماإستجبش
واضح إن الجيش عامل حساب للناس دي
وواضح أيضا أنهم قوه لايستهان بها
والجيش مش عايز يخش في مواجهه معاهم لأنه عارف إنهم تعابين وعقارب ولهم ناس جوه وبره معاهم فلوس وخبره عاليه وفاهمين الشعب أكتر من الجيش


عشان كده لو عايزين ثورتنا تنجح لازم نتحد خلف الجيش ونكون ايد واحده ونسيبنا من قصة التشكيك في الجيش والسلفيين والإسلاميين والدوله الدينيه والفرصه مش كافيه
لان اتضح إن الوقت مش لمصلحة الثوار بالعكس الوقت لمصلحة الثوره المضاده والدلايل واضحه
عمالين نشكك في بعض ونشكك في الجيش وهمه عمالين يحرقوا أماكن ويقتحموا أماكن يحرضوا ناس
والشعب مش هيصبر علينا والجيش كمان له حدود كم أن للصبر حدود
وسلامي لنواره وحرس الحدود

الازهرى said...

دا لا أول ولا آخر هبل هيعملوه
كان عندى واحد يقول لى أسوأ حاجة فى النظام بتاعنا إنهم غبى
ما بيعرفش حتى يكدب
يعنى فى أمريكا بيخدعوا شعبهم وبيكدبوا عليه بس كدب معقول ومكن يقنع
إنما عندنا غبااااااااااااء

أتمنى تنشرى البيان الموحد لمطالب يوم الجمعة
موجود عندى فى المدونة مع الدعوة

تحياتى دوما

MarwaGoogle said...

roooooooooooooooooo7 2alby NAWARA :))) :***

usama said...

السلام عليكم
أستاذة نوارة (مع خالص الاحترام و التقدير) اسمحيلي أرد عليكي و أرجوكي إن كان كلامي موضوعي و أقنعك أن تزيلي هذا المقال أو تعدليه

أولا : ما الدليل على موضوع ان اللي ينزل ببدلة جيش الشرطة العسكرية تضربه بالنار...أنا آسف لكن الموضوع ده غير صحيح و الدليل إن أحمد شومان حي يرزق و ما اتضربش بالنار مع إننا شوفناه كلنا وسط ميدان التحرير بالبدلة العسكرية...و لعلمك أنا والدي لواء جيش متقاعد و ما قالش الكلام اللي انتي بتقولي عليه و ما أظنش إن هو تبع الثورة المضادة ولا الثلاثي المرح لأنه ببساطة كان بينزل معانا أنا و أفراد أسرتنا كلهم من يوم 25

عموما نرجع لموضوعنا (ثانيا) : لو فرضنا صحة كلامي في النقطة اللي فاتت يبقى إزاي بقى الناس دي بتخوفنا و بتمنعنا اننا نروح المظاهرة مع إنهم بيقولوا بصريح العبارة (احنا حننزل و شعب مصر حينزل و نناشد كل طوائف الشعب انها تنزل)
ثالثا ( ودي أهم نقطة) : ايه دليلك ان دول مش ضباط جيش سابقين.. و ايه دليلك إن الفيديوهات دي من بره مصر.....مفيش دليل...بس عشان نكون منصفين : برده كلام الراجلين دول و اتهاماتهم ما عليهاش دليل إلا بس حاجات بسيطة شوفناها بعنبنا و حضرتك ما تقدريش تنكريها مثل :الوقوف على الحياد في موقعة الجمل و الناس العزل بيضربوا و يتبهدلوا (إلا ما رحم ربي مثل ماجد بولس الذي ارتجل ما فعله لعدم صدور أوامر بحماية المدنيين من القيادة) ، المماطلة الشديدة في إقالة شفيق لغاية ما ريقنا نشف و ما يتشلش إلا لما نتجمع و نقول نازلين مليونية ، السكوت على الفاسدين و عدم المساس بهم ( وعلى رأسهم مبارك و سرور و صفوت الشريف) و ذلك منذ تنحي مبارك "داخلين في شهرين" ، زكريا عزمي الفاسد المفسد ماذا كان يفعل في ديوان الرئاسة بتفويض من المجلس العسكري حتي منذ أيام قليلة ، ضرب و كهربة المعتصمين الأبطال في ميدان التحرير و فض اعتصامهم بالقوة بعد خلع مبارك ثم ضرب و كهربة طلبة كلية الإعلام بالقاهرة (ذوي الأخلاق ربنا يقويهم) ، و غيره وغيره من مواقف التواطؤ و التباطؤ

أنا مش فاهم ايه سر انك تغمي عينك في الموضوع ده بالذات.....مع إنك شايفه بعينك اللي بيحصل و شايفه كلام الناس المحترمة اللي كلنا بنثق فيهم (هشام البسطويسى و عبد الحليم قنديل ودكتورعبد المنعم ابو الفتوح و دكتور حسن نافعه و جورج اسحاق )
طب بلاش شوفي كلام الشباب اللي زينا ، حضرتك قرأتي مقال محمد دياب "الجيش و الشعب و لعبة المستهبلة" و اللي كتبه قبل ما تطورات التواطؤ الكبيرة و الوش التاني يظهر من المجلس العسكري

و بعدين حضرتك افصلي بين عصام شرف و بين المجلس العسكري لأن عصام شرف طالع من رحم الثورة و هما عينوه لما أسقط في أيديهم و اتأكدوا إن الناس نازلة مليونية لإقالة شفيق، قاموا شالوا شفيق و حطوا واحد مجمع عليه من شباب الثورة....و ملاحظ جدا ما يقوم به عصام شرف كل يوم من محاولات لتحقيق مطالب على عكس المجلس العسكري اللي بيذلنا يذلنا عشان يعملنا حاجة ، و ما يعملناش حاجة إلا بالضغط و الثورة و إذا زال الضغط ظهرت التجاوزات و الأفعال السيئة من ضرب معتصمين إلى تصريحات سياسية غير مسئولة (ليست من تخصصهم أساسا ) و مشروعات قوانين تودي في داهية عمالة تتسرب

ثم من امتا و احنا بنستنى الضوء الأخضر من المجلس العسكري عشان ننزل مظاهرة.....أما عن أحمد شومان اللي بتستدلي بيه هو نفسه قال و الفيديو موجود في كل حتة : " مبارك بقاله 30 سنة وانت يا سيادة المشير بقالك 20 سنة المؤسسة العسكرية خسرت ما خسرت في عهدك انت كمان امشي" بتدافعي عن ايه بقى !!

أرجوك مش الناس دي هي اللي بتستهبلنا......الناس التانية (طنطاوي واللي شبهه ) دي هي اللي بتستهبلنا.....أو احنا اللي بنقنع نفسنا ساعات بالرغم من وضوح الحقيقة للغاية......لأن بديهي جدا و

usama said...

sorry.....ana ma 2arestsh "Comment moderation has been enabled. All comments must be approved by the blog author"

3ashan keda ba3at el comment kaza marra

GigiWorld said...

تمام

bang887 said...

يا نوارة، الأهم هوّ التطهير التام للإعلام، الإعلام، الإعلام. بدأً من معدين البرامج إللى بيحطولنا السم فى الكفتة.

hesham said...

بصراحة انا يقيت اشك فيكي يا نوارة وانت عندك اجندة حفية وبتحمي الجيش عمال على بطال . ازاي ممكن يقفي معاة وابمبارح هدد انه ممكن ينزل ثاني بعد تسليم الحكم المدني لو معجبوش الحال. انت مسمعتيش عن الحكم الرشيد و الفصل بين السلطات؟ هو دة كلام ممكن يحصل في البلاد الى برة. انا عارف انك لن نشري هذة الرسالة . بس دة رسالة لك شخصية.

hesham said...

بصراحة يا نوارة انا بقيت اشك فيكي وحاسس انك عندك اجندة خفية وبتحمي الجيش عمال على بطال وخلاص. يعني يزاي ممكن يقفي معاهم وامبارح هددوا انهم ممكن ينزلوا ثاني بعد تسليم الحكم للمدنيين (عند هنص) لو الحال ما عجبهمش.انت عمرك ما سمعتي عن الحكم الرشيد وفصل السلطات عن الدولة وان الجيش عندة مهمتين فقط هو حماية الحدود وحماية الدستور و المفروض لا يتدخل في حكم الدولة . هو كلام امبارح ممكن يقال في أي دولة غربية . لكان يوم القيامة قامت هناك. انا ظني خاب جداً فيكي يا نوارة النصر. وانا عارف ان الكلام دة لن يعجبك ولن تنشيره على البلوج دة . بس على الاقل ياريت الرسالة توصلك وتفوقي شوية . احنا محتلجين كل الدعم الممكن علشان ثورتنا نتنجح . ولو مش عايزة تقفي مع الشعب .... تنحي يا نوارة

واحد عادى said...

ههههههههههههههههه بجد بجد حاجه تضحك - انا اول مره اشوف واسمع عن ظابط فى الجيش - اى جيش - بيكشف عن اسمه وبيكشف عن مؤامره انقلاب عسكريه قبل تنفيذها ويحدد ميعادها - هههههههههههه بجد منتهى السذاجه اللى فى الدنيا - وبعدين من الحاجات اللى لفتت نظرى فى اول التسجيل - لانى ما اقدرتش اكمله للآخر بصراحه - ان الراجل متلجلج فى ذكر اسمه وذكر موقعه من الاعراب فى الجيش ويديكى احساس فورى انه بيرتجل معلومات - حاجه تقرف بصراحه

Anonymous said...

على فكره يانواره انتى اصلا مابتفهميش حاجه ،،، واحد مباااااارك معينه من 20 سنه عاوزه يكون ايه اكيد وسخ زيه
انتى شااااطر بس انك تردحى ده اللى بتعرفى تعمليه انما تحللى بموضوعيه مالكيش فيه

قارئ مهتم said...

"دابت سابك في الكوات المسلحة ويتححدث عن الفساد في أععلى مستوى لازم تكون رتبته كبيرة وبالتالي يكون سنه كبير
وبالتالي يكون عقله كبير ويفهم إن إثارة هذه الأمور الآن في غاية الخطورة على الثورة

Rasha said...

نواره انتى جبتى الكلام اللى قولتيه الخاص بالرائد احمد شومان منين؟ انا كمان عندى معلومات مؤكده انه اختفى من بعدما افرج عنهواخر شىء عرفته انه فىمستشفى الجلاء... ياريت لو مراته فعلا قالت الكلام ده تطلع فى التليفزيون هو وهى لو فعلا ديه اشاعات و عايزين يكدبوها

Ahmed said...

أعتقد ان معظم طلبات الثورة تم تحقيقها، انا خايف الأمور تخرج عن السيطرة! فيه ناس كتير منفسنة من الجيش ولو اتيح لهم المجال هيولعوا حريقة في البلد زي ليبيا - خلو بالكو منهم

زينبو said...

نوارة الحبيبة ربنا يكملك بعقلك ،انا شايفة ان ده كلام لزعزعة البلد ولعمل فتن ، تعالوا نفكر همة عايزين ايه: عايزينا نضرب في الجيش وندخل في دوامة ملهاش آخر .احنا عارفين ان في ضغوط داخلية وخارجية رهيبة على الجيش، ومدينا اشارات وتصريحات اننا نستمر في التظاهر يوم الجمعة علشان نبقى ظهرهم .المظاهرات بعدد كبير هي بديل عن مجلس الشعب اللي مش موجود علشان المجلس والحكومة يتحججوا بينا في مواجهة اي ضغوط. مجلس رئاسي ايه وزفت ايه واليمن وليبيا اللي هو بيقارنا بيهم موحولين في انقسامات الجيش اللي عندهم ،لكن واضح ان دة اللي همة عايزينه.من كلامي مع ناس راجحة العقل توصلت للمفهوم التالي: مصر بقالها سنين تدار بناس ماسكين السلطة والمال في نفس الوقته، هؤلاء الناس عملوا شبكة عنكبوتية وماسكين مصر من اماكن حساسة جدا،دة غير اتصالتهم ومصالحهم المتشابكة مع الغرب.علشان تتخلص من هذه الشبكة لازم تدرس كل خطوة وتوابعها بدقة وبعدين تفك حتة حتةوتبني بدالها حاجة نظيفة لو عملناغير كدة البلد هتنهار.
اخويا لما كان في المظاهرة اللي كانت امام ماسبيرو يوم الجمعة، لواء جيش من اللي كانو واقفين هناك قالهم "يا جماعة لو عندكو عمارة اساسها بايظ ينفع تضربوه مرة واحدة ولا لازم تمسك عامود عامود تحله وتظبطه"

Unknown said...

و هو من امتي الثوار مستنين ضوء من المجلس أو غيره هما خدوا ضؤ أخضر من مبارك و عصابته لما نزلوا قبل كدة، و بعدين بظرف النظر عن ولأ المجلس العسكري للثورة من عدمه فان المجلس العسكري في واقع الأمر لم يحقق مطالب الثورة. الأصح هو تنحي المجلس العسكري و تسليم السلطة لمجلس رئاسي قادر على نقل مصر من مرحلة الفوضى و الثورة المضادة و قادر على إرساء قواعد الديمقراطية الحقيقية و شكرا للجيش لحد كده

من اجل مصر حره بجمهوريه برلمانيه said...

هما الثلاثي دول عاملين ذي اكس مالوش نهايه ايه ده شياطين بس معلش وراهم ان شاء الله مش ينتجوا افلام هابطه من دي ان شاء الله يفتحوا شركه انتاج سينمائي زي افلام المقاولات اياها

Unknown said...

يا جماعه عمر عفيفي يتحدث من ماما امريكا اظن كده مفهوم اما الاخوه اللي جم على الفيديوهات فاعتقد عدم صدقهم ان كانوا في الجيش او في مصر اصلا صحيح ان في تباطؤ لكن ده لا يعني الفتنه بينا وبين الجيش والمطلوب هما بينضغط عليهم من جهات كتير خارجيا وداخليا لذلك مطلوب مننا نكون صاحيين ودايما متواجدين في ميدان التحرير وبقوة عشان القوى الخارجية تعرف ان الشعب المصري لسه صاحي وواعي اخيرا عجبني موضوع الاخوان ورغم عدم انتمائك ليهم لكن عارفه اهميتهم وكذلك انا رغم عدم انتمائي ليهم لكن برده عارف اهميتهم نفسي كلنا نبقى ايد واحده على الظلم والفساد لحد مانخلص البلد ونطهرها الجرح لسه موجود والجراثيم عماله تخرب فيه وتلوثه عشان كده لازم التطهير الاول علشان نقفل الجرح ده ونبدا نبني الجسم من اول وجديد بلدنا محتجانا كلنا

Unknown said...

و هو من امتي الثوار مستنين ضوء من المجلس أو غيره هما خدوا ضؤ أخضر من مبارك و عصابته لما نزلوا قبل كدة، و بعدين بظرف النظر عن ولأ المجلس العسكري للثورة من عدمه فان المجلس العسكري في واقع الأمر لم يحقق مطالب الثورة. الأصح هو تنحي المجلس العسكري و تسليم السلطة لمجلس رئاسي قادر على نقل مصر من مرحلة الفوضى و الثورة المضادة و قادر على إرساء قواعد الديمقراطية الحقيقية و شكرا للجيش لحد كده

hassn hamdi said...

عيبك يا نوارة إنك وقعتي في حالة عشق مرضية مع البدل اللي في المجلس العسكري..
أنا كنت ضابط جيش وعارف كويس الضابط اللي في الفيديو بيتكلم عن إيه..
مشكلتك مش في عقلك
مشكتك في قلبك
ويا ريت كلنا نطلع غلطانين وتطلعي انتي الصح

Unknown said...

كنت باعتقد ان مافيش غير القذافى فى جنونة وهبلة ودلوقتى لقيت فصيلة كاملة من نفس العينة من المصريين اللى لو دول فعلا ظباط ومسكوا الجيش دى تبق كارثة على مصر ويبقى الجيش المصرى اضحوكة العالم واسوء من كتائب القذافى .. انا متأكد ان دول هربنين من العباسية ولازم يرجعولها تانى

كرنفال الكورة said...

ها اسأل كام سؤال
هل الجيش هو المجلس العسكرى
ليه طنطاوى 20 سنه وزير دفاع
احمد شومان اللى بتتكلمى على لسانه . قال ياطنطاوى انت جزء من النظام الفاسد ولازم تتنحى معاه .؟ ياترى قال كده ليه
تعرفى حد جوه الجيش فى مكان فى النص يعنى رائد مثلا او مقدم ؟ اساليه عن الجيش
انا اعرف ناس من الجيش من زمان والكلام اللى قالوه دا اتقالى بالنص عن اسلوب الجيش جوه .
الهجوم الزايد ضعف.
سؤال مهم جدا باه . هل مصر كل مؤسساتها فيها فاسد مستشرى الا الجيش هو اللى كله ملايكه من السما وخصوصا القيادات .
ليه كل قيادات البلد كانت بتعينها امن الدوله فى كل المؤسسات
فكرى كده وقولى لى وجهه نظرك فى الاجابات مع بعض

Um Moa's said...

الجماعة دول فكرونى بتامر بتاع غمرة حتى مش عارفين يكونو مقنعين
وكمان ما هوسبب تركهم للجيش
دول لسة شباب ومحدش من الشباب بيسيب الجيش الا اذا كان الجيش هو الى فصله
الحمد لله الشعب المصرى الى حسنى كان ملبسه السلطانية كل السنين الى فاتت فاق وبقى يقدر يكشف الاشكال دى من مقطع فيديو واحد
وفى الاول والاخر الله هو حسيبنا ونعم الوكيل الشعب انظلم وربنا مع المظلوم وربنا هو الحكم العدل

jolia said...

اتقي الله .. اتقي الله المجلس مش هينفذ مطالب الثورة واحب ابشرك ان الثورة المضادة نازلة 25 ابريل تطالب برجوع الرئيس دوري عالفيس وهتلاقي الايفنت والصفحة بتاعتهم
ووقتها لما يتجمعوا ويحتلوا ميدان التحري هيقولوا بناء علي طلب الجماهير
فوقي باة من اللي انتي فيه ده
الضباط فعلا نازلين ومن مصادر موثوقة بطلي باه احنا عايزين مصلحة بلدنا لو الجن الازرق هيجيبهالنا احنا معاه تباطؤ المجلس يوحي بتواطؤ .. ربنا ينور بصيرتك للحق

jolia said...

اتقي الله يا نوارة وبطلي تألهي المجلس العسكري اي منصب في البلد دي اكيد كان هيكون مش نضيف وواضح اوي من تباطؤهم اللي قلب الشارع علي الثورة والناس دلوقت بتشتم في الثورة
ممكن تقوليلي حققوا ايه؟؟؟
عموما في ظباط نازلين ومن مصادر موثوقة ويا ريت متسخنيش الناس عليهم وتخلي الشرطة العسكرية تضربهم بالرصاص لو سمحتي بعد اذنك علشان دول اللي حموا الثورة بجد بعد ربنا مش مجلس مبارك

qqq said...

واو.... (إديله ما ترحمهوش)، بس حقيفي منك لله، سيبتي أعصابي يا شيخة، بقى يوم كامل لا تحديث و لا تغيير في المدونة؟ خضيتيني يا شيخة و افتكرت إن السلفي أبو رجل مسلوخة اللي عمال يهدم الأضرحة و يقطع الودان و يرمي مية نار قابلك و هزر معاك شوية (إبتسامة)، على فكرة لأن الشئ بالشئ يذكر عملت بحث بسيط على جوجل عشان أعرف مين أول الصحف اللي نشرت خبر هدم الأضرحة المزعوم و يا للهول!!! كانت اليوم السابع و المصري اليوم و كان عبارة عن تخوف لبعض الصوفية من إن شركة السلفيين الأشرار لخدمات الرعب المحدودة ممكن تنقل خدماتها لمجال الأضرحة، حصل ده أثناء إجتماع للصوفية خلال حفل غداء بنادى الشرطة وبحضور 45 شيخا و طبعا أول من عرف الخبر كانت اليوم السابع اللهلوبة اللي لا يفوتها شاردة ولا واردة و أختها المصري اليوم الخبيرة بأجوال السلفية الأشرار بحكم إنها أول صحيفة تصدر ملحق للإسكندرية المفعمة بالسلفيين و رابط الخبر على اليوم السابع أهة (http://www.youm7.com/News.asp?NewsID=373212&SecID=65&IssueID=0) المهم بعدها بدأ سيل الإتهامات بهدم الأضرحة ينهال و كأن الأمر بالهجوم قد بدأ، و طبعا لإني من هواة فكر المؤامرة حبيت أشركك معايا يا نوارة في التساؤلات الآتية: هل الحاج سرور صاحب العلاقات المتينة مع الصوفية بحكم إشرافة على مسجد السيدة زينب له علاقة بالموضوع؟ و هل المعلم صفوت إمبراطور الإعلام صاحب العلاقات الوثيقة و المشبوهة مع المصري اليوم (اللي حاولت تلمع سرور) و اليوم السابع اللي ابن صفوت الشريف يمتلك 20% منها ليه علاقة هو كمان بالموضوع؟ المهم إنه مع الأيام خطورة الثلاثي المرح بتظهر و تبان أكثر و أكثر و الحاجة أمريكا أستاذة في تشويه الإسلاميين و خبرات مؤسسة راند ما شاء الله في ازدياد‘ وهنا يلتقي الأحبة عند عداء الحركات الإسلامية، المهم إن اللي عايز أأكد عليه هو إنه لا بد من تطهير الإعلام من هذه الصحف و الفضائيات المشبوهة، عايزين إعلام حر و صادق هدفه كشف الحقيقة مش تزييفها، و على فكرة لسة هنسمع و نشوف إشاعات ياما لإن الهدف الإستراتيجي لبقايا النظام هو المحافظة على حالة عدم الإستقرار و ضرب العلاقة بين الجيش و الشعب عشان يفضلوا هما في أمان لحد ما يوفقوا أوضاعهم، ملحوظة مع كامل إحترامي للجميع، الثورة كانت ثورة شعب و شارك فيها الجميع و لا يصح إن أي حد شارك فيها يحتكرها لنفسه مهما كان درجة عطاءة و أخص بالذكر هنا شباب إئتلاف الثورة و الليبراليين والإخوان و السلفيين، علي الجميع ألا يحتكر الثورة، يالا كفاية كده تعبت و معادنا في التحرير إن شاء الله.

محمد نبيل said...

طيب مش احتمال وزير العدل شايف مراوغة من المجلس العسكرى فى تحقيق المطالب وعشان كدة قال الكلام دة ؟!

Hady said...

اختنا العزيزة نوارة الموقرة... شئ جميل و مجهود رائع... على قد ما اتبسط لما شوفت فيديو وزير العدل الا اني و كتير من الناس قلقانين من قانون تجريم الاعتصام و الاضراب وان ده بيخلي التمن اللي دفعناه مش على قد مكاسبنا و مش على قد المردود... دفعنا دمنا و أروحنا و ناس اتصابت و ناس اتيتمت و ناس اترملت و أمهات و اباهات فقدوا اولادهم و بناتهم مش عشان حرية مشروطة واو جزئية او تستجدى فده مش حرية و انما عبودية مقنعة و هتخلينا تاني دايما نستجدي ممارسة الحرية من اللي بيمنحها لينا و ده عبودية كما نها بتغلظ و بتضيق على الغلابة و المقهورين و اللي اوضعهم وحشة و مغلوبين على امرهم او بسطاء و ما يرفوش يمشوا في السسك القانونية و طبعا مش محتاج اشرح اكتر و اوضح و اقول ان حتى في بلاد الاعالم الراقي و المتحضر يوجد اضراب اسمة اضراب التعاطف و اللي بيعملوه من اجل التعاطف مع فئة تانية او ناس تانية يعملون في مؤسسات اخرى و العالم دي يعني لا اقتصادها انهار و لا غيره بالعكس مش محتاج اوضح ان الحلول للمشاكل الاقتصادية و الاجتماعية ما بيكنش بالامن و الترهيب و العقوبة و انما بالاقتصاد برضة و ان الاقتصاد اخره او اوله هو العامل البسيط الغلبان ده و هو و زمايله هما احجار الزاوية او هما الفسيفساء اللي بيشكلوا الاقتصاد ككل و تماسكهم و حبهم للمؤسسات بيؤدي الاى انتماء للبلد و غيره على المؤسسة و بما يعود على الاقتصاد ككل انما لو حسوا بأنهم عبيد لقمة العيش زي زمان ايام المخلوع و ان صوتهم مش مسموع شوفنا كلنا النتيحة كانت ايه بالذمة سمعنا كام مرة موظف او عامل او شوفناهم مهملين بشكل متعمد او مخلربين بسبب روح النتقام اللي عندهم ضد مؤسساتهم و كام واحد كان بيقول ان صوتهم مالوش فايدة ... بلاش نكرر اخطائنا يا حكومة بلاش لو الحلول القمعية كانت بتنفع ماكنش مبارك اتخلع... لو فيه معلومات جديدة موثوق فيها عن انهم تراجعوا عن القرار ياريت تردي عليا او حد يرد عليا... على حد علمي اهم عمالين يغيروا في اسم القانون و بيستعبطوا الناس ارجوا التشديد على المطلب ده دايما و في كل مظاهرة لان فيه ناس كتيرة ماتعرفش توصل صوتها و الظلم اللي واققع عليها... القانون ده هل صدر بيه مرسوم فعلا و فعل ولا لسه؟؟؟؟ ارجو الرد و عدم نسيان ذلك في زحمة المشاكل او خلينا نقول المطالب اللي بنادي بيها و انا و الله بأعمل اللي ربنا بيقدرني عليه بكل الطرق الممكنة لدفع الظلم ده و غيره معاكم و مع الناس من اخواتي و اخواني و الي لحد ما نعدي لبر الامان و تحقيق كل المطالب...

spawn think said...

يمكن يكون عندك حق في موضوع إن في خطورة من الفيديوهات دي بس في حاجتين مش فهمهم
1- موضوع معلومة مؤكدة ده، طب فين المصدر مثلا ؟
2- موضوع واضح انها بره مصر؟ واضح ازاي يعني؟

Amani said...

ماشى يا نوارة ..انا ما فهمتش الفيديوهات كده خالص ... انا فهمت بافتراض انه حقيقي- عاوز الشعب يسند ثوار الجيش وبيحرض الناس على الوقوف ورائهم ... الفيدوهات دى بتدفع الناس انها تنزل يوم الجمعة مش العكس...و البينة على من ادعى ... القيادات العسكرية مش بريئة و(متباطئة) بلاش يا ستى متواطئة ... وانا عارفة بلاوى عل الافساد المتعمد للبنية التحتية للجيش من واحد قريبى لو كان لسه عايش كان زمانه تانى صف تحت لمجلس العسكرى ده.. الراجل مات كمداً من محاولاته المستميتة لتحديث سلاح الجيش اللى قرب يتباع خردة ... وكل اللى كان مبارك وطنطاوى بيعملوه انه بيسكوا الدرج على مشاريعه واتفاقيات دولية محتملة ويطلعوله لسانهم ويعملوا عبط!!!
انا مش مع الدخول فى صدام مع المجلس العسكرى ... بس لو كنا بنتختم على قفانا ...تفتكرى حيسيبوا مطالبنا تتحقق؟؟؟ وسؤال نفسى حد يجاوبنى عليه ... لما المجلس الحلو ده وطنى أوى و بيساند مطالب الشعب المشروعة... ولما القائد الأعلى بتاعة يقوله اضرب ال 2 مليون اللى فى التحرير دول بال ف 16 يكون الرد هو عصيان الأوامر؟؟؟ ولما كلابشات فورية فى ايديه ... وانقلاب عسكرى وشش ... ويقبضوا عليه بتهمة الخيانة العظمى... وما تقوليليش أصلهم خلعوه واجبروه على التنحى ...علشان الكلام ده كان قبل التنحى ب 10 ايام (يومى 10 و 11 ابريل)...مين ساعتها كان حيمنعهم؟؟؟
واسئلة كتيييرة ...ليس أولها تمثيلية الاستفتاء اللى كان هدفه الأوحد انهم يشقوا صف الثوار و يقسموا الشعب نصين ... مع ان كلا الخيارين يؤدى الى اعلان دستورى!!!! وخدى عندك بقى عبود الزمر باشا... والمناوى اللى بدل ما يتحبس بقى مستشار... وحواس الحرامى اللى رجع وزير للآثار... مسخرة ماتش الزمالك... عزمى اللى فضل موظف فى الرئاسة (اللى من غير رئيس) لحد من اسبوع فات... و صفوت وسرور اللى كل واحد فيهم مرحرحين فى بيتهم شهرين ... دا لو عيال فى تانية حضانة كان زمانهم فرموا وحرقوا الورق وهربواالفلوس من تسعميت سنة!! ولسه حيحاكموهم ... طيب ابقى قابلينى يا نوارة...
انا عارفة ان احنا مش من مصلحتنا ندخل فى صدام مع الجيش ... ومش حندخل فى صدام مع الجيش...مش علشان المجلس العسكرى ملاك...ولكن علشان احنا حننزل نطالب بمطالبنا...مش مطالب عمر عفيفي...وللا الضباط دول...ولو فعلاً طلع الموضوع بجد احنا مش حنسلم حد للجيش... والجيش مش حيضرب نار عشوائى على ناس علشان فى وسطهم ناس لابسه ميرى...
واسألى نفسك سؤال واحد بس... هو احنا كنا زعلانين أوى لما مبارك كان حيفوض عمر سليمان وبنقول انه حيفوضه ليظل في السلطة .. ليه بقي اعتبرنا (تخليه) لطنطاوي نصراً مبيناً؟؟؟

و علي العموم إحنا مش فارقه معانا قوي اذا كان ده تمثيل وللا لَا لأننا مش في الجيش . إحنا كده كده لازم ننزل الجمعة علشان نحقق مطالبنا - واديكوا شفتوا بنفسكم وزير العدل نفسه بيقول ان التحرير بيساعد الحكومة و بيسندها و الله اعلم قصده إيه من ورا الكلام ده!!!!- الفيديو ده لو صحيح فهو بيديلنا سبب زياده ننزل علشانه... يعني حننزل نحمي ثورتنا.. وكمان نحمي إخواننا الضباط الشرفاء اللي لو نزلوا يبقوا بيضحوا بأرواحهم ... و لو ما حميناهمش يبقي حيروحوا هدر...
الفيديو ده -لو افترضنا انه صحيح يعني- الغرض منه مش حشد الضباط لانهم يقدروا يحشدوا بعض من غير فيس بوك.. الهدف منه هو استنفار الشعب لمساندتهم و الوقوف ورائهم.. فلو صح الكلام إحنا مش حنخسر و كده كده حندافع عن ثورتنا... انما لو كذبنا الكلام ده وطلع حقيقي فهم حيخسروا حياتهم و إحنا حنخسر ثورتنا...
و ربنا يرشدنا جميعاً للصواب.

Amani said...
This comment has been removed by the author.
Ahmed Mohamed said...

وهكذا اخواني واخواتي نجحت الثورة المضادةفي تقليب الشعب علي الجيش

السؤال المهم

لماذا وقف الجيش بجانب الشعب في ثورته
كان ممكن يقف جمب مبارك زي اليمن ويقولك انا هحترم الدستور وكان هيعديه العيب علي فكره


بالنسبه لاحمد شومان
فلازم فعلا يتحاكم لان دي الحياه العسكريه
ولو اتسجن هي دي الحياه العسكريه
ودا يعتبر انقلاب علي الجيش
والجيش لازم يتسمع كلامه حتي لو غلط
ما هوه لو كل واحد مشي بدماغه
هنخسر الحرب
ولو كل واحد تولي عند الزحف ومحدش ضربه بالنار
الكل هيرجع

ولو كل واحد رفض يحارب لاسبابه الخاصه يبقي غطوني وصوتوووووو


بالنسبه للفساد الي بتقولو عليه
زي ما احنا مش عايزين نقدس السياسه بالدين

مينفعش الجيش يكون ليه علاقه بالسياسه لانه دا مش دوره وكل خمس سنين هنلاقي انقلاب
فهمتووووووووووو


محدش غبي سأل نفسه ليه مينفعش تربي لحيتك في الجيش



**************************
احنا حدودنا عند رئيس بتحميه الشرطه نقدر نقوم عليهم ثوره

انما عند الجيش استوب عشان البلد كلها متتجزئش


عمركم شفتم شعب بيطهر جيش
الجيش بيطهر نفسه بنفسه
وفي حلات بتقلب بغم وفي حلات ربنا بيسترها
وفي بلاد بتظهر حركات انفصاليه
وسودان جديد وصومال جديد


عقيدة الجيش نفذ الامر حتي لو كان غلط

usama said...

السلام عليكم
أستاذة نوارة (مع خالص الاحترام و التقدير) اسمحيلي أرد عليكي و أرجوكي إن كان كلامي موضوعي و أقنعك أن تزيلي هذا المقال أو تعدليه

أولا : ما الدليل على موضوع ان اللي ينزل ببدلة جيش الشرطة العسكرية تضربه بالنار...أنا آسف لكن الموضوع ده غير صحيح و الدليل إن أحمد شومان حي يرزق و ما اتضربش بالنار مع إننا شوفناه كلنا وسط ميدان التحرير بالبدلة العسكرية...و لعلمك أنا والدي لواء جيش متقاعد و ما قالش الكلام اللي انتي بتقولي عليه و ما أظنش إن هو تبع الثورة المضادة ولا الثلاثي المرح لأنه ببساطة كان بينزل معانا أنا و أفراد أسرتنا كلهم من يوم 25

عموما نرجع لموضوعنا (ثانيا) : لو فرضنا صحة كلامي في النقطة اللي فاتت يبقى إزاي بقى الناس دي بتخوفنا و بتمنعنا اننا نروح المظاهرة مع إنهم بيقولوا بصريح العبارة (احنا حننزل و شعب مصر حينزل و نناشد كل طوائف الشعب انها تنزل)
ثالثا ( ودي أهم نقطة) : ايه دليلك ان دول مش ضباط جيش سابقين.. و ايه دليلك إن الفيديوهات دي من بره مصر.....مفيش دليل...بس عشان نكون منصفين : برده كلام الراجلين دول و اتهاماتهم ما عليهاش دليل إلا بس حاجات بسيطة شوفناها بعنبنا و حضرتك ما تقدريش تنكريها مثل :الوقوف على الحياد في موقعة الجمل و الناس العزل بيضربوا و يتبهدلوا (إلا ما رحم ربي مثل ماجد بولس الذي ارتجل ما فعله لعدم صدور أوامر بحماية المدنيين من القيادة) ، المماطلة الشديدة في إقالة شفيق لغاية ما ريقنا نشف و ما يتشلش إلا لما نتجمع و نقول نازلين مليونية ، السكوت على الفاسدين و عدم المساس بهم ( وعلى رأسهم مبارك و سرور و صفوت الشريف) و ذلك منذ تنحي مبارك "داخلين في شهرين" ، زكريا عزمي الفاسد المفسد ماذا كان يفعل في ديوان الرئاسة بتفويض من المجلس العسكري حتي منذ أيام قليلة ، ضرب و كهربة المعتصمين الأبطال في ميدان التحرير و فض اعتصامهم بالقوة بعد خلع مبارك ثم ضرب و كهربة طلبة كلية الإعلام بالقاهرة (ذوي الأخلاق ربنا يقويهم) ، و غيره وغيره من مواقف التواطؤ و التباطؤ

أنا مش فاهم ايه سر انك تغمي عينك في الموضوع ده بالذات.....مع إنك شايفه بعينك اللي بيحصل و شايفه كلام الناس المحترمة اللي كلنا بنثق فيهم (هشام البسطويسى و عبد الحليم قنديل ودكتورعبد المنعم ابو الفتوح و دكتور حسن نافعه و جورج اسحاق )
طب بلاش شوفي كلام الشباب اللي زينا ، حضرتك قرأتي مقال محمد دياب "الجيش و الشعب و لعبة المستهبلة" و اللي كتبه قبل ما تطورات التواطؤ الكبيرة و الوش التاني يظهر من المجلس العسكري

و بعدين حضرتك افصلي بين عصام شرف و بين المجلس العسكري لأن عصام شرف طالع من رحم الثورة و هما عينوه لما أسقط في أيديهم و اتأكدوا إن الناس نازلة مليونية لإقالة شفيق، قاموا شالوا شفيق و حطوا واحد مجمع عليه من شباب الثورة....و ملاحظ جدا ما يقوم به عصام شرف كل يوم من محاولات لتحقيق مطالب على عكس المجلس العسكري اللي بيذلنا يذلنا عشان يعملنا حاجة ، و ما يعملناش حاجة إلا بالضغط و الثورة و إذا زال الضغط ظهرت التجاوزات و الأفعال السيئة من ضرب معتصمين إلى تصريحات سياسية غير مسئولة (ليست من تخصصهم أساسا ) و مشروعات قوانين تودي في داهية عمالة تتسرب

ثم من امتا و احنا بنستنى الضوء الأخضر من المجلس العسكري عشان ننزل مظاهرة.....أما عن أحمد شومان اللي بتستدلي بيه هو نفسه قال و الفيديو موجود في كل حتة : " مبارك بقاله 30 سنة وانت يا سيادة المشير بقالك 20 سنة المؤسسة العسكرية خسرت ما خسرت في عهدك انت كمان امشي" بتدافعي عن ايه بقى !!

أرجوك مش الناس دي هي اللي بتستهبلنا......الناس التانية (طنطاوي واللي شبهه ) دي هي اللي بتستهبلنا.....أو احنا اللي بنقنع نفسنا ساعات بالرغم من وضوح الحقيقة للغاية......لأن بديهي جدا و يجيبها عيل صغير (إن واحد مبارك مخليه جنبه 18 سنة و راضي عنه كل ده أكيد حيبقى فاسد زيه تماما)....ليه بقى نتعمى عن كل ده.....عشان خايفين و مفكرين ان احنا حنلوص من غير المجلس العسكري.....و الله أبدا......بل على العكس احنا حنلوص بيهم......و الحل لينا في مجلس رئاسي مدني يدير شئون البلاد خلال الفترة الانتقالية.....و هما يروحوا لثكناتهم مشكورين....و مش بنقول نواجهم دلوقتي و لا بتاع (حييجي وقت محاسبتهم)

أخيرا.....بقول لحضرتك زي ما اتعودنا منك دايما على الموضوعية و العدل و العقلانية و الشجاعة كمان يا ريت تراجعي نفسك في الموضوع ده وتطلعيلنا بحاجة تفرحنا و تدينا أمل لأنك قدوة لناس كتير
وجزاك الله خيرا

دعاء العطار said...

ههههههههههههههه

اما انا ضحكت ضحك وانا بسمع الفيديوهات

يانهار ابيض .. ايه الاستخفاف بعقولنا ده ؟

عايزين يعملوا فتنه يحبكوها شويه ماتبقاش بالهطل الازلى ده

ربنا يزيدهم هطل كمان وكمان

بالذمه ده اسلوب ظابط جيش ؟

هم يضحك

Unknown said...

يعنى انت يانوارة مقتنعة اللى عاش فى ظل فساد لمدة عشرين سنة ولم ينطق ولم يتمرد بالعكس كان مبارك بيجدد له فى كل تغيير وزارى.. ممكن يكون ضميره صحى فجأة ؟ طب ليه ماحاكموش مبارك وسرور وعزمى والشريف لغاية دلوقتى والا مستنين اما يظبطوا اوراقهم وبعدين تطلع المحاكمات دى على فاشوش؟

gogo said...

برافو يانوارة ظبطيهم علشان خنقونا هما والحاجه فيفى ناقصاهم الحكايه

nouran hatem said...

www.tobetteregypt.blogspotcom

أرنوب said...

أضم صوتي إلى صوت محمود المصري فكل كلامه منطقي وصحيح .. أما سيادتك فبقيتي عامله زي القذافي فعلاً وصارت مدونتك أشبه بالفقرات التي تذيعها موجه كوميدي وكل اللي بتعمليه إنك بتفرشي الملايه للجميع بلا تمييز .. ومدام المسألة (فرش ملايات) فكلمة (سنكوح) ربما لا تكفي .. أقترح عليكي ألفاظ مثل .. يا أبرة مصديه ع الكوم مرميه .. يا كاورك .. يا عره .. يا مشموم .. يا راجل يا تسعه .. يا ملطوط .. شوفتي بأه إنك مش إنتي بس اللي بتعرفي تشتمي ؟ .. إكتبيهم يمكن ينفعوكي في بوستاتك القادمة يا صاحبة اللسان العفيف والتحليل السياسي الناضج

Unknown said...

لماذا لم تتم محاكمة مبارك وجمال وسرورو الشريف وعزمي حتي الان برغم وضوح فسادهم؟
اللواء ممدوح شاهين قال ان عزمي لا يمارس مهامة برئاسة الجمهورية واتضح لاحقا غير ذلك؟
لماذا لم يتم التحفظ علي كل رموز النظام القديم لحماية شعب مصر منهم؟
لماذا لم يتم حل الحزب الوطني رغم فسادة الواضح؟.
لماذا كان المجلس العسكري متمسك بشفيق علي غير رغبة الشعب؟
لماذا لم ينفذ المجلس مطالب الشعب المصري؟
لماذا يتم محاكمة البلطجية محاكمات عسكرية سريعة صارمة والعادلي وعز وجرانة والمغربي وغيرهم لم تتم محاكمتهم عسكريا وبسرعة؟

Unknown said...

يا حاجة نوارة المجلس العسكرى هو اللى مش ناوى يجيبها لبر
الناس بدأت تزهق منهم
و نا قصدى بالناس دى الناس الغلابة اللى مش فاضية لا تشوف تلافزيون و لاتعرف يعتى ايه فيك بوص
اللى بيحصل على ارض الواقع بيتكلم عن نفسه
سرور طلع مفجر ثورة يناير
و عمو زيكا شغال باوامر من المجلس السكرى
و عم صفوت بيمرح فى الغيط و بيهدد اعتماد خورشيد و الصحفى اللى سجل معاها و ألانكت من كده انه مراقبهم
و النايب العام بيقولك مبارك ليس عليه غبار حتى الأن
احنا هنستعبط
و مقعدينه فى قصر و يقولك اقامة جبرية
و يقولك هنجمد الارصدة بعد شهرين ليه أصل القانون لازم ياخد مجراه
طيب ما ايمن نور اتقبض عليه و اترفع عنه الحصانة فى يوم جمعه وبالقانون برضو
و محولين امين شرطة بتهمة قتل30 متظاهر
امين شرطة ليه هو كان وزير داخلية و
وعمو العادلى محولينه لعمو عبد السلام الراجل اللذيد الحنين اللى طبعا محدش يقدر يشكك فى نزاهته
و يطلع كلب يقولك فى التلفزيون فى برنامج كروى و لا يوم من ايام مبارك
مش هيه دى ثورةالكلاب و الحراميه و السيد المحترم بتاع المجلس يقولك أصل ده مالوش علاقة بالثورة المضادة ده شغب عادى
و الحكومة نفسها هتشد فى شعرها من الثورة المضادة
و عمو الجمل عمال يحط فى قوانين مكبلة للحريات ليس غريبا على من صنع دستور 71 ان يفعل هذا و كله من الثورة المضادة
و تمت [ان السيد حمدى الطحان معمولة اعلان فى تلات جرايد منهم أتنين قومية و واحدة محلية الصنع
و تمت كمان و المجتاس بيحلف اليمين ده مش بعيد نلاقى مبارك نفسه بيحلف اليمين
و كمان السيد البدوى يجرع تلميعه كما قال بلال فضل
المخطط يجرى تنفيذه بوضوح
نرجع بقى للرائد شومان مش المفروض ده يتكرم برضو هو مش من الثوار و لا ايه
طيب و مقعدينه فى البيت ليه
طيب مش نفتكر الكلام اللى قاله على الجزيرة على سيادة............ و لا ايه هو ده كمان اجندة و مندس
طيب و عفيفى ده لما هو عميل كل كلامه بيطلع صح ليه
طيبو اللى دخل كلية الاعلام مين
دا مبارك بجبروته معملهاش
و مين اللى كشف على عذرية البنات ناس من اسرائيل و لا اثورة المضادة برضو و ليه الخبر ما اتنشرش فى مصر و أتنشر فى ميت جريدة عالمية محترمة
هى دى الحرية اللى بيوقلوا عليها
طيب لو الشعب حاب الخومينى هما مالهم مش هما عاوزين الديموقراطيو لا صينى دى كمان
طيب مين اللى فتح الطريق للجمال يوم الجمال و مين اللى مسئول عن موقعة الجمل التانية
طيب و مين اللى كان هيموت على شفيق
و مين اللى جايب لنا اللحمة الجملى عشان تكتم على نفسنا و تعطل الدكتور المحترم شرف
و أتباع البغل النجس غيروا اليافطة و شغالين الله ينور و التليفونات مش متراقبة و لا النت
و ماليين الجامعات و كله تمام
و برامج التوك شو مالهاش دعوا بالاجهزة الأمنية و كله تمام
دى بقت حاجة تقرف من تلات اسابيع اللى كان بيتكلم عن الجيش كان بيضرب بالجذمة و من اسبوعين كانت النا س تبص له و تسكت
دلوقتى الناس نتصدق أى حد حتى السبارسية اللى انتى بتقولى عليهم
طيب و حياتك العيب على مين العيب على الشعب و لا السبارسية و لا اللى مدى الناس دى فرصه بافعاله
المطالب كتير
و لو كل مطلب عشان يتنفذ نعمل مظاهرة مليونبة يبقى مش هنخلص و الناس هتزهق
لو عندك رد يريح ياريت
انا بقول الكلام ده لأنى شايف الثورة كل مدى بيبان ان يتم الالتفاف عليها و لو عدنا الى المربع رقم واحد هيبقى الوضع أسوأ
انصاف الثورات اكفان للشعوب
انا ما بكرهش القوات المسلحة بس اللى انا شفبه فى الجيش مش يخلينى اثق اوى فيهم
انا اثق فى الشعب
و بعدين ليه كل يوم اربعا يدونا حنة المخدر
تحديث
الهطل رجع تانى
رصد | بى بى سى : انفجار الاهرامات بسبب لغم قديم عثر عليه بعض الباعة الجائلين وانفجر عندما قاموا بالطرق عليه لإستكشافه
لغم ايه اللى عند الهرم احنا هنستعبط رجعنا للماس الكهربئى و المختلين عقليا

لا يهمنى اذا تم النشر ام لا لكن هذه الرسالة موجهه الى شخصك الكريم لأننى اثق بك تمام الثقة و من القلائل الذين كنت استنير بارائهم فى الثورة لكن الثقة المفرطة بالمجلس العسكرى عندما يتولى مهمة سياسية لا محل لها من الاعراب

زينبو said...

نوارة امن الدولة رجع للجامعات تاني شوفيلنا ايه الحكاية دي. ناس قالولي انهم رجعوا جامعة القاهرة والوفد كاتبين انهم رجعوا جامعة الاسكندرية!!!! هم بيلاعبونا ولا ايه

Unknown said...

AhmeD 3llaM said

ردا على الأخ عن احمد شومان
نفس القانون اللى يخلى احمد شومان تحاكم يخلى الثورة دى قلب لبظام الحكم و اعدام لكل الثوار فاما انت من اتباع مبارك او مش عارف يعنى ايه ثورة

Mahmoud said...

المدونة بقت ملقف للراغبين في تفزيع الناس

marwa said...

ايه النظام؟؟؟؟
http://ahmedsaed.blogspot.com/2011/03/blog-post_12.html

المهدى said...

أنت اللى صح وأنت نوارة الثورة أتوقع بعد جمعة التطهير أن يأتى أسبوع الفرح وأتمنى أن تمضى الثورة بعدها على طريقها الصحيح نهد وبعدين نبنى وبعدين نختار
المشكلة مش حنفضى نعمل مليونية لتطهير مدونتك الغالية

Unknown said...

http://www.youtube.com/watch?v=McdAIeHSQhg

El Kemek said...

نوارة .. يا ترى الجيش هيضربنا بالنار يوم الجمعة ولا لأ ..؟؟
ويا ترى هم موافقين على نزولنا وللا لأ ؟؟
ويا ترى برضه هم عارفين انك أو إنكوا محميين بالإخوان المسلمين

أنا مستعجب من الكلام اللي بتكتبيه

أيـمَـن said...

مـش ممكـن يكـون اللـى فـى الفيديوهـات دول عايشيـن فـى مصـر , و إيـه اللـى يضمـن إنهـم كانـو ظبـاط فعـلاً ؟؟ و بعديـن دول سنهـم صغيـر ليـه سابـو الخدمـة ولاّ اترفـدو منهـا ؟؟ و مقالـوش حاجـة توحـد ربنـا عـن طـرق تدميـر طنطـاوى للقـوات المسلحـة تسليحيـاً و معنويـاً زى مـا بيقولـو !!! حاجـة تشـل

Ahmed Mohamed said...

AhmeD 3llaM said

ردا على الأخ عن احمد شومان
نفس القانون اللى يخلى احمد شومان تحاكم يخلى الثورة دى قلب لبظام الحكم و اعدام لكل الثوار فاما انت من اتباع مبارك او مش عارف يعنى ايه ثورة

6 April 2011 23:39

*
اولا انا من اتباع مبارك
لدرجة اني اضربت لما شبعت علي ايد الشرطه بس عاد يا ياراجل دول زي اخواتي

*
لا يا حاج احمد الي عايز يتظاهر ولا يحق له التظاهر
مثل الجيش
فعليه بخلع بدلته الميري وتسليم سلاحه وتقديم استقالته
وينزل يولع في ام النظام محدش هيعاقبه
يعني اصبح مدني حر له حق التظاهر

*
ودورنا اننا ننادي الجيش بعدم محاسبته
لانه تابع لمؤسسه المفترض فيها الحزم وعدم الانفلات
*
وبعدين انت فاهم كلمة قلب نظام الحكم دي اصلا
؟
ولا انت كنت في التحرير بتقول غير الي كل الناس بتقوله

الشعب يريد قلب نظام الحكم
؟