مركز هشام مبارك حيتقدم للنائب العام السبت القادم ان شاء الله بالبلاغ اللي كنا بنجمع عليه توقيعات
وحنودي نسخة لرئاسة الوزرا، ونسخة للمجلس العسكري
حنقدم البلاغ السبت الجاي عشان الشهيد المبتسم اللي مش لاقيين له اهل
اللي وقعوا على البلاغ هم اهله، لازم كل إنسان وقع على البلاغ ده يعرف إنه موقع بصفته أب أو أم أو أخ أو أخت للشهيد المبتسم ووقعنا كلنا عشان ناخد تاره وناخد عزاه
للي لسه ما وقعش
للمحافظات أرقام التليفونات
<<<<<<
وللي برة مصر وجمعوا توقيعات كتير يبعتوا على الميل ده
fegypt20@yahoo.com
ودي مجموعة الفيس بوك التوقيع هنا
احنا حنكون عند النائب العام ان شاء الله الساعة 12 ظهرا معانا توقيعات اهل الشهيد المبتسم عشان ياخدوا له حقه
يا بخته
شايف ايه يا ترى؟
انا صحيح مش عارفة هو مين، بس عارفة مين اللي قتله، واللي قتله لازم يتعاقب العقوبة اللي يستحقها
ده نموذج البلاغ للي عايز يطبع ويجمع توقيعات لسه في فرصة خمس ايام للي ما سلمش التوقيعات اللي معاه
20 comments:
والنبى عايزه اقولك ان النائب العام مراته مش عارفه ايه اباظه قريبت الوزير الى حطه مبارك لما هندس له انتخابات 2005 فكافئه بتعيينه نائب عاااااااااااااام اشطه وسليميلى على المحاكمات وعلى الثوره
نواره دماغي هتضرب فيه حاجه علط ولا انا اللي موسوسه سويه
انا بقرأ البوست بتاعك بقلق اكتر ما بطمن وانهرده دخلت صفحه عمر عفيفي من باب الفضول ليس اكثر ويا رتني ما دخلت
كل اللي بيحصل غير مبرر وغير مفهوم انتي واثقه في اللي بتقوليه ولا عندك شكوك زي ناس كتير وبتداريها ورا روح التفاؤل وخفه الظل بتاعتك !!!!!انا كل يوم بقول لنهرده احسن ..بس والله مش شايفه احسن..ولا حسن حتي
انا بشك غي كل الناس
معايا واحد في الشغل طول النهار يقول اضحك علينا ...خربت الحمد لله ...احنا شعب بيحب يتقرطس وكلام من اللي قلبك ميحبوش
نفسي حد يطمني ويأكدلي اننا مش بنتقرطس ولا مؤاخذه
http://www.facebook.com/home.php?sk=group_152670204792762
http://www.facebook.com/profile.php?id=100001883821383&sk=wall الاخت دي كانت بتعلق في اليوم السائع دايما وطبعا كان كان مهمتها نفس الدفاع عن مبارك والهجوم عالاخوان وحماس وايران وقطر شوفي الوال
المهم دلوقتى اخبار التوقيعات وصلت لايه وانتى ليه مش تخلى بلال فضل وامثاله يعلن عنها عشان نجمع توقيعات فى اسرع وقت
كمان عاوز اتواصل مع الائتلاف وياريت تعملوا اجتماعات مع الائتلافات التانية عشان تتناقشوا وتكونوا متفقين ومتحدين لان انا حاسس انه فيه خلافات ما بينكم كتيرة وده مش حلو عشان الثورة وعاوزك تنشرى الرسالة دى ياريت
فى ضوء احداث اليوم اطالب المجلس العسكرى بسرعةالقبض على صفوت الشريف وفتحى سرور وزكريا عزمى ومنعهم من الحركة او الاتصال باى شخص مع اجبارهم على الاعتراف بمن يتعاونوا معهم وذلك حتى نحمى البلد من الثور المضادة والا ستتعرض البلاد للمزيد من الكوارث على ايدى امثال هؤلاء وارجوالسرعة فى التنفيذ ارجو نشرها فى كل مكان وعلى ايميل مجلس الوزراء
بس بصراحة كده هل انتى متفائلة بخصوص الاتهام ده وحاسة انهم ممكن يتمسكوا فعلا
صفوت ده فريق مخابرات اسمه موافى واقرى عنه فى بوابة الشباب عشان تعرفى هو اد ايه مرعب ده ممكن يكون ماسك ادلة على المجلس العسكرى وعليا انا كمان
أرجوكى تشيلى الصورة
الموت له حرمة
هوا الأن فى ذمة الخالق
خلاص ممنوش لازمة نحط صورنه
أرجوكى لازم تشيلى الصورة
لازم نركز على اعتقال او مراقبة او نفي اهم واحد ممكن يفسد علينا كل شيء وهو
عمر سليمان
عمر سليمااااان
البيان رقم 31 للجيش بيقول اتعهد بملاحقة الفساد وان لا احد فوق القانون....طب مبارك سافر المانيا ....اية الوضع دلوقتى بقى؟
ست الكل مساء الخير
شيء من الصراحة
هذا الشهيد الشاب قد يكون من النخبة التي لم تتورعي في توجيه تهم بشعة لها .كما وصفتها بعبارات لا تخطر على بال .
نوارة " لا أريد أن أؤكد لك في كل مرة أشياء تعرفينها ومتأكدة منها ، لكن ذلك كله لا يمنعني من مكاشفتك ومصارحتك .إن إسهاماتك هذه الأيام الأخيرة أرعبتني لأنني وجدها ، لا هدف ،ولا غاية ولا مسعى لها، إلا شيئا واحدا هو تجريد مصر من أسلحتها الاجتماعية و الثقافية . الجبهة الثقافية وحاملها الاجتماعي رأس مال رمزي كبير ليس لمصر وحدها بل للأمة العربية بأكملها .أما التشكيك والاحتقار والاستصغار الذي بلغ حد التريقة ،هذا الكلام يعد ثورة مضادة بامتياز .و الطريق الأسلم لاستبداد .
أتمنى من أعماق قلبي أن تظل المدونة وصاحبة المدونة ، التي أحببناها وأحببنا صاحبتها أكثر من حبها للعسكر ،أن تظل أداة تنوير و تثوير كما عاهدناها .
تحياتي الصادقة
للاسف
:((
خبر سفر المخلوع طلع غلط
كان نفسي يطلع صحيح.. البرادعي هو اللي قال لهم يا تحاكموه يا تسفروه واحنا نحاكمه دولي
بس طلع ما سافرش
قولى بلاغ الى الى اكلونا البالوظه وركبونا الحلزونه يابطه احنا تمام وبنتاخد على قفانا ونقول كلام قولى للى ثبتونا كله تمام قولى للمشير وفيت بقسمك وحميته وهربته تمام يا باشا
انهدولى واحنا مش عايزين ناخد حقوقنا محلى ولا ناخد ثروته دولى سجدونا وقالوا هو رهن الاقامه الجبريه وممنوع من السفر ومافيش حد فوق القانون سلمولى على قانون سكسونيا وعلى المجلس وعلى المشير الى اعدوا يسجدونا ويتغلبنوا لينا
وقطه على النائب العام الراجل الى منتى بتتريقى عليه امبارح العقيد عمر عفيفى كلامه بيتحقق بالملى قشطه يا قمر
والنبي ياأبلتي أنا عندي سؤال! إزاي الواحد ممكن يقدم على وظيفة أمين لجنة السياسات بالحزب
و هو اصلا ليه المفروض اننا نكافح و نحارب عشان ده لو دى حكومة الثورة
شوفى الدبوس ده
http://tears-demo3.blogspot.com/2011/04/blog-post_03.html
أرجوكى لوجه الله عز و جل ليس من اللائق نشر صورة أحد بعد وفاته
هذا إنتهاك لحرمته
طيب أقنعك أزاى بأن ده غير لائق أرجوكى حقه علينا أننا نحترمه أكتر من كده
على فكرةيانوارة الشهيد ده نحسبه كذلك اهله اتعرفوا عليه من فترة والاهرام هى اللى كتبت الخبر
http://www.ahram.org.eg/457/2011/02/28/9/64926.aspx
وادى الخبر
ثانيامش انتى لوحدك اللى بتحبى الجيش يا نوارة انا كمان بحب التراب اللى بيمشوا عليه وعارفة انهم امانا بس لللاسف تصرفاتهم مش مفهومةوهما كمان بيخبوا علينا وكأن الاخباردى اسرارعسكرية وعارفة ان دى طبيعتهم لكن هماكمان لازم يقدروا طبيعتنا اننا لازم نفهم اللى بيدور حوالينا عشان نطمن غير كده هما اللى تاعبين نفسهم وتاعبينا معاهم طوب الارض عارف مين اللى ورا كل اللى بيحصل ده وبردوا متسابين يبرطعوا فى البلد زى ما هما عايزين طيب نطمن ازاى يانوارة ؟؟؟؟؟؟؟؟؟
Please, let's not burry our head in sand. America and Israel will never let the "Grand Pize" (Egypt's neck name in their literature) go away from their hands. They did a lot on all levels and sectors; the most important is to render "people" so ignorant, so extreemist, so unaware and unable.. Sorry I shocked you, but I'd rather hurt your feelings with the truth, than pleasing you with a fake smile. A real revolution that takes our people forwards is the one that depends on illuminated minds, not on a group of generals that have interists and would never get escalated to higher levels without proving complete and absolute loyalty to the dictator who represents the nation's enemy's vital interists.. Had I been-by chance- one of those corrupts, I'd either step down or admit and submit to my people and help them start the life they deserve. General Tantawi (who seems to be innocent, but unable) can do that. He knows way better than you think.... I'm proud to be muslem by the way, although it shouldn't be nobody's business. Thanks for your patience
نانا - معلش اصل انا احيانا بتجينى افكار سوداويه ومن قلقى باحب اعلنها علشان اخلص ذمتى - اخر حاجه خطرت على بالى ان التوقيعات الالكترونيه بالذات ممكن تكون خطره شويه بمعنى ان ممكن اعداء الثوره يدخلوا يوقعوا باسماء وارقام بطاقات وهميه - ولما يتم تسليم البلاغ للنائب العام - يتم الشكوى فى تزوير البلاغات ولم يحقق النائب العام فى جديه البلاغ يلاقى انه فيه بعض الاسماء وارقام البطاقات الوهميه (عشرات الحالات مثلا - فيقوم باهدار مئات الالوف من البلاغات بحجه عدم جديتها - ده اللى خطر على بالى وياريت يطلع انها فكره ساذجه لا محل لها من الاعراب - شكرا
شوفى اتقبض على شادى الغزالى حرب وشويه ناس معاه وكمان بيقبضوا على بتوع 6 ابريل وخالد سعيد وهم دول وقود الثوره بزمتك الجيش هايجيبها لبره لا خلاص هو بيخلص على الى باقى من الثوره علشان يسيبها لمباركستان وقوله بعد كده كله تمام يا ريس وابقى قابلينى قعدتى كتيييييييييييييييير اوى تدافعى عن ناس متورطين وما يستهلوش وقعدوا يتغلبيلولنا ويتمسكينولنا ويقولوا ثقوا فى الجيش ويشتغلوا بمنطق الملائكه وهم شياطين انا قلت ما فيش ملايكه على الارض والى اثق فيه هو الى اعمله انا على ايدى انا عارفه انك من اوائل المشتركين فى الثوره قبل ما تبدا وكنتى فى الشارع اسد فى التحرير اول واحده وعند مجلس الشعب اول واحده وعند مجلس الوزاراء اول واحده وعند القصر اول واحده بس كنتى مصحصحه لكل حاجه مالك واثقه فى الناس دى ليه كده قوى وهم بيشتغلوا علينا زى الحربايه انا برضه بحب الجيش جداااااااااا بس مش دول القابضين والقاعدين والمتورطين اهلى كانوا من الجيش والله لسه بناخد معاش من الجيش بس الجيش لا يعنى المجلس ده الامر الناهى عامل زى الراجل الى حرم الملوخيه بتاع الفاطميين
Post a Comment