Tuesday, 26 April 2011

احب على رجلين السوريين.. بلاش تدخل دولي

عقوبات ايه بقى؟
انا مش عايزة عقوبات على بشار
ده خازوق مغري للثوار السوريين.. يوه.. نسيت، تميم قال لي كلميهم بالفصحى احسن بيفتكروكي بتتخانقي
طيب
هذا خازوقٌ سيثبت بالغراء ولن يخرج أبدا يا أهل الشام. أي نعم. آخر ما تحتاجه الثورة السورية هو التدخل الدولي ولو بكلمة دعم، وأكثر ما يحتاجه النظام السوري هو ذات التدخل الدولي بنفس كلمة الدعم. 
إذا كنا نسخر من تصريحات الديكتاتوريات العربية "مصر ليست تونس"، "ليبيا ليست تونس ومصر"، "اليمن ليست تونس ومصر وليبيا"، "البحرين ليست تونس ومصر وليبيا واليمن".. فنحن نواجه حقيقة واقعة قد لا تجد صدى عند البعض بسبب ابتذالها: سوريا ليست تونس ومصر والبحرين وليبيا واليمن. تختلف سوريا عن بقية الدول العربية في أنها تنتمي إلى معسكر الممانعة، وأن فزعا يتملك الأغلبية الصامتة، التي لام عليها الثوار، من الشقاق الطائفي. 
انا زهقت
ايه اللي انا باكتبه ده؟ طب انا حاكمل عادي ويبقى حد يترجم لكم بقى
بصريح العبارة كده، اهالي دمشق وحلب اللي انتوا نازلين فيهم شتيمة دول عندهم اسباب تخليهم يحجموا عن المشاركة
اولا: لأن المقاومة والاستقلال من ثوابت المجتمع السوري
ثانيا: لإنهم خايفين من شبح الطائفية
وبصراحة ناس عداها العيب وقزح.. حتفهموها دي؟ اقصد: لهم كل الحق في التمسك بثوابتهم والخشية على بلادهم من التمزق الطائفي.
جه بقى امريكا عايزة تحط صباعها في الليلة عشان تجيب ضرفها
اللي هو: التدخل الامريكي لا يصب في مصلحة الثوار بالمرة، بل على العكس... هو يخدم النظام السوري، ويزيد من شعبيته، ويحزم أمر المتردد ويجعله ينحاز لمعسكر النظام إلى غير رجعة. 
هارش؟ اللي هو: فهمت علي؟
انا عايزة افهم، الثوار السوريين ما بيمسكوش علم فلسطين ليه؟ مكلف العلم يعني؟ بكام ليرة يعني العلم الفلسطيني عشان مكسلين تشيلوه؟ 
الرجل يطرح نفسه بوصفه: الداعم للمقاومة، وحامي حمى بر الشام من التمزق والاحتلال، وهو خطاب يلقى صدى في نفس أي سوري وطني. 
ليه بقى انت يا كابتن ما تطرحش نفسك كالآتي:
ولو.. وأنا كمان مع الاستقلال وضد التدخل الأجنبي، وأنا كمان مع المقاومة، وأنا كمان ضد الطائفية... بس أنا سلمي وهو مسلح، أنا طالب حرية وهو قمعي.
خلاص.. خلصت الليلة كده.. اللي هو: قضي الأمر الذي فيه تستفتيان، ورجحت كفة الثوار. 
ماذا وإلا حيطربقها والله ويهرب فلوسه ويسافر قوامان
اللي هو: إذا لم يتمسك الثوار بالمبالغة في سلمية الثورة، والتأكيد على الثوابت الوطنية للمجتمع السوري والتي تحظى فيها المقاومة بالأولولية، ورفض اي تدخل أجنبي، ولو بكلمة دعم، ولو بفرض عقوبات، فإن الخيار الوحيد المطروح أمام الثوار هو العودة للمنازلهم فورا إن كانوا لا يرغبون في إشعال حرب أهلية في بلادهم.
والله الموفق. 
حد فهم من امي حاجة في الليلة دي؟

78 comments:

ameen said...

تقريبا .. بس بالتاريخ لورا حبه .اهل دمشق مكانوش ممتازين قوى يعنى... عموما هو طرح سليم ميه الميه .. بس لازم اخواننا السوريين يستوعبوه

أبو هاجر said...

ست الكل مساء الخير
التدخل الخارجي قد يكون بردا وسلامة على السوريين من النظام القائم .يا النوارة هناك احتقان طائفي تراكم عبر عقود . وفوق كل ذلك هذه إرادة دولية لا مرد لها
ملحوظة
هناك من نصحك قبل تميم

istratigi said...

يبدو انك يا نوارة مش فاهمة الشعب السوري كويس السوريون بقى أكثر من أربعين سنة مع بشار و أبوه و هم عارفينهم انهم مش بتاع إسرائيل و مقاومة وحاجات من دي هما بيلعبوا على انهم ما لهومش بديل و بديلهم هو الاخوان فتلاقي إسرائيل و أمريكا و إيران بيحبوهم جامد و مهما عملوا بلاوي حيسكتوا

koko wawa said...

ولا فاهم اى حاجه
انتى بتقولى ان الثوار المفروض يقولوا انهم مع الاستقلال وضد اسرائيل بس كل مشكلتهم مع بشار
يا نهار اسود
امال هما ايه موقفهم اصلا؟؟؟!!!
وبعدين يقولوا لمين ان ده موقفهم هما لاقيين كاميرا واحده توحد ربنا
وبعدين ايه ام حكايه الطائفيه اللى بتطلع كل شويه دى
احنا اصلا مش عارفين هما ايه موقفهم
هما ايه موقفهم؟؟؟؟

ayman said...

عموما يا نوارة كلامك جميل بس ما كنش في داعي لمسلسل اللغات دا عشان الكلام خرج عن سياقة وقلب بنيرة سخريه وفي الغالب اللي هيبدا يقراه مش هيكمله للاخر...خصوصا السوريين ....بس لو لخصنا كلامك هنلاقيه بيقول نقطه واحده بس هي مهمه وانا اتفق معاكي إن طبيعة الشعب السوري انه بيكرة امريكا اكتر من اي شعب تاني من كتر تعنت امريكا نحو سوريا ولان سوريا دولة ممانعه ومواجهه مع العدو... فا بالتالي أي شكل من اشكال التدخل الخارجي في دعم الثورا هيعمل تاثير عكسي وهتخلي الاغلبيه الصامته من الشعب تتعاطف مع بشار الاسد نتيجه كرههم الطبيعي لامريكا وبالتالي هياثر على نجاح الثورة...بس فا نتمنى كلنا ربنا يوفق الاشقاء السوريين ويبعد عنهم شر امريكا واليهود

ayman said...

عموما يا نوارة كلامك جميل بس ما كنش في داعي لمسلسل اللغات دا عشان الكلام خرج عن سياقة وقلب بنيرة مش لطيفه وفي الغالب اللي هيبدا يقراه مش هيكمله للاخر...بس لو لخصنا كلامك هنلاقيه بيقول نقطه واحده بس هي مهمه وانا اتفق معاكي ان طبيعة الشعب السوري انه بيكرة امريكا اكتر من اي شعب تاني من كتر تعنت امريكا نحو سوريا ولان سوريا دولة ممانعه ومواجهه مع العدو... فا بالتالي أي شكل من اشكال التدخل الخارجي في دعم الثورا هيعمل تاثير عكسي وهتخلي الاغلبيه الصامته من الشعب تتعاطف مع بشار الاسد نتيجه كرههم الطبيعي لامريكا وبالتالي هياثر على نجاح الثورة...بس فا نتمنى كلنا ربنا يوفق الاشقاء السوريين ويبعد عنهم شر امريكا واليهود

ayman said...

للاسف فيلم المقاومه البيضاء ضد اليهود بيدرسوه للسوريين من صغرهم في المدارس....وفي ناس مقتنعه بيه..دا مش كلامي دا كلام صديق سوري ياما قالي انهم درسو من صغرهم ان السادات اكبر خاين عشان عمل سلام مع اسرائيل ولما كنت اقوله طب وانتو عملتوا ايه عشان ترجعو ارضكم كان يقولي احنا شعارنا "القدس قبل الجولان" يعني مش هنحارب اسرائيل الا لما القدس يتحرر بعدها نحرر الجولان...وللاسف ان في ناس كتير في سوريا هتتعاطف مع بشار من منطلق التفكير دا انه هو حامي حما المقاومه السلميه ضد اليهود

Mohammed said...

الوضع معقد والناس بتموت وممعاهمش سلاح حتى لو عايزين

عايزين نجدة
يعملوا ايه

عموما الحشد الدولي اعلاميا وحتى لو بعقوبات او حصار لن يضر بنا

وعندمايسقط النظام
هنعض الايد الوسخة اللي اتمدت لنا وهتنتنكر لهم ومش هنديهم اللي هما عايزينه لان الشعب السوري مقاوم وهيفضل مقاوم

مى محمد said...

على فكره كلامك صح جدا امريكاما هتصدق تدخل عشان اصلا سوريا كانت تعباهم اؤى عشان كانو بيساعدو المقاومه اللبنانيه بس الموضوع عندهم مختلف الواحد مش عارف ممكن يختمعلى ايه

Tamer said...

ردا علي موضوع اعلام فلسطين, ديه مصيبه لو عملوا كده, انت نسيه ان عندهم فلسطينين كتير, يعني بشار هيقول تاهت و لقيناها, هما الفلسطينين السلفيين!

بيسان said...

يا نوارة مشكلة اهل حلب ودمشق مش زي ما عم تحكي ، المشكلة انه كل 20 متر في دورية (كمين امني)باللهجة المصرية

يعني بتقدري تحكي انه الناس مش عارفة تمشي مجرد مشي طبيعي في الشارع

chips & dips said...

نفسي حضرتك تتكلمي مع واحد سوري صادق و فاهم الوضع الداخلي
الي بيحصل دلوقتي ملوش اي نتائجح الا واحد من اتنين
تقسيم او حرب أهليه
و الي يقولك اي حاجه تانيه واحد من اتنين واهم عليا و علي اعدائي
اما التاني متأمر عايزها تولع
و دول كتير
و لو تحبي تسمعي انا تحت امرك
بس مش عارف أزاي
اترك لك الخيار
و عاشت جبهة التهييس الشعبيه
سوريمصري

د/ أحمد السعدنى said...

ده جيوش تحمى العروووش .. لا بسيين من العار خيووووش .. القرف ليهم شرف ما يستهلووووش .. .. فراخ للعدا منتوفة الريووووش .. سلبوتة مايختشوووووش.. تكاكى وتنقر أهلها وتلوووش .. تقول هش مابيتهشووووش .. للعش خشوا مايخشوووش .. يمكن هيبيضوا ما بيبيضووووش .. فرة تجلهم ومايبؤووووش!!!!


ده نظام حولان .. يتهيألك بيبص للجولان .. تلأقييه ضرب فى شعبه الغلبااان .. عيلة هبلة وسايقة الجنان .. تقولك احنا الممانعة والصد ..وكفاية مدكنيين حق الرد ...واما تقول أمتى الرد .. يتقالك الرد ..الرد..الرد آآآآآآآآه : لما اسدنا يعض كوعه عض !!!!!

Haya said...

احب اقول للرفيق بشار ..اسد عليا وفي الحروب نعامة

ٍShakty said...

للاسف يا نوارة كلامك غريب اوووي لسبب بسيط ان نظام بشار الاسد بيلفق اي قص وحكايات ميصدقهاش عيل وبيسردها كانها حقائق دامغه يعني مش محتاج عقوبات تتفرض عليه علشان ياخدها في صفه لكن الثوار محتاجين دعم دولي محتاجين يحطو نظام الاسد في حاله عزله دولية وكده كده نظام بشار الاسد مش محتاج تلاكيك ولعلمك لو فضلنا نفكر بالاسلوب ده يبقي مكنش ليه داعي القنوات الفضائيه تنشر الفيديوهات علشان يتهمو الجزيرة والعربيه انهم ورا مخطط قطري سعودي

رابطة الكتاب said...

السلام عليكم
يا أخت نوارة طلبت منك سابقا التواصل واكرره الان لحاجتنا لبعض الامور منك بحكم الخبرة كي نتحرك تحركاً مفيدا وناجعا
ارجوكي اتصلي او ابعثي رقم هاتف نتواصل عليه

الأمين العام لرابطة الكتاب والأدباء العرب
موجود لثلاثة ايام في مصر على رقم
0106669912

amr565 said...

شكرا لبلال فضل ... يا ساتر او علي راي بعض السلفيين يا ستير اخيرا حد نطق وتكلم عدل ..ده اللي كنت بتمناه من زمن مجرد تسليط الضوء فقط فقط فقط علي بعض التصرفات الطائفية من بعض المسيحيين فده يعزل او يحجم كتير من الافكار الطائفية ولو لقينا برامج التوك شو تتنفض عن بكره بابها زي ما بتعمل ما اي حادث يكون فيه ريحة مسلم فده يجعل بعض المسلمين الذين يشعروا بالغبن والقهر يهدوء شوية طالما الجميع سواسية والمتطرف مدان من ا لجميع اما لما الاقي طرف بيشرشحلوه في الهيفة والمليانة والتاني مهما عمل واستفز الطرف الاخر بيطلع منها زي الشعرة من الضفيرة لان صوته عالي وله ميديا تعرف تطلعه مظلوم مضطهد علي طول الخط زي ما الميديا العالمية بتعمل مع الصهاينة بالضبط و ربنا يكفيكي ويكفينا شر غضب الاغلبية لو شعرت بالعجز والضعف والهوان والظلم..
اما بخصوص سوريا .. هل تكفي اصلاحات وتكون حقيقية ولا لازم ثورة ثورة الي الامام؟. اعتقد في حالة سوريا يكفي اصلاحات حقيقية وبجد لان عيني علي الشيخ الشهال بتاع طرابلس لبنان ومتطرفي ومتشنجي بعض التيارات السلفية المدعومة من ال حريري وده شبه مؤكد هو اينعم عبيط عبيط لكن الحريري ما هو الا اداه في ايد امثال مروان حماده وعقاب صقر الشيعي العلماني والجميع العوبة في ايد نايف وفيصل وبندر فانا كل خوفي علي خط الامدادت اللوجستي للمقاومة اللبنانية وفي حالة تصعيد واحد مكان بشار ويكون قريب من بعض التيارات المذهبية اعتقد حنكون خسرنا جبهة مهمة جدا واحنا ما صدقنا جبهة مصر تنصلح او في الطريق وقلنا حتكون كماشة رهيبة علي الصهاينة وحتبقي ليلة

moo said...

واضح ان الكلام اتفهم يا ريسة ومش حنشد على العاطفيين والوطنيين الى مايعرفوش غير ال الاسد بس كمان حكاية ان يشار وابوه من الانظمة الممانعه دى اشك ان السوريين نفسهم مصدقيين يعنى كل القتل ده فى اهل البلد واصحاب الدم الواحد وعمرنا ما سمعنا عن طلقة واحدة عدت الجولان وعلى راى الدكتور/ السعدنى
تقولك احنا الممانعة والصد ..وكفاية مدكنيين حق الرد ...واما تقول أمتى الرد .. يتقالك الرد ..الرد..الرد آآآآآآآآه : لما اسدنا يعض كوعه عض !!!!!
حلوة يا دكتور

رابطة الكتاب said...

؟

bang887 said...

يا نوارة، عايزة تأتمنى ممثلين على مصير المقاومات الفلسطينية واللبنانية؟

إنتى بتقوللى لهم مثلوا إنكم مقاومين، كده وكده؟!!!!

نواره، وهوّ ده عملتوه فى ثورتنا برضه؟!!! رفعتوا علم فلسطين، كده وكده، تمثيل يعنى؟

الشبكة المستقلة said...

الوضع صعب و انا تمنيت ان السوريين بالذات ما يطلعوش......مش عشان دولة ممانعة ولا بطيخ من الكلام الكذب دة......لان النظام السوري اكثر نظام قمعي و دموي في المنطقة و انا شايف ان النموذج الليبي هو ما يسعى الية نظام بشار و بضراوة
و بصراحة انا شايف ان معمر بالنسبة لبشار حمامة سلام و ان لو لم يقدر الثوار على الصمود في وجة القتل و التعذيب و انتهاك الحرمات فسوف يضطرون الى عسكرة الثورة
ربنا يستر و يخيب توقعاتي
بالنسبة لليبيا فلا خلاف على كفر معمر القزافي البين فلماذا لا يدعوا الشيوخ الى الجهاد ضدة؟؟؟؟!!!!ام ان تعليمات امن الدولة لم تأتي بعد؟؟

salma dodin said...

ah wel nabee ya nawara ana fe 3ardek!!!!!!!!
kolo 7elwe we kolo tamam laken balash a3lam falasteen dee!
asl e7na lena tareekh taweel fel daba7 3ala eed el ekhwan el 3arab ele 3ayzyeen shama3a ye3ala2oo 3aleeha akhta2hom.....wela homa sha3bohom zay el fol ma3ahom homa shwayet el falesteneen dool 3amleen mashakel!!......yallah malhomsh 3aza ba2a.......allah yer7amhom!!
e7na edaba7na fe lebnan......men lebnanyeen we be7ameet geesh el asad abo el shabel dah!!!
we edaba7na tanee fel kuwait 3ala fekra we ma7desh betkalem 3anha abdan......3ashan el esmo 3arafat dah kan faker nafso ragel we 2am ayed el e7telal el 3eraqee;
we omna ba3d keda ba2a eeh!...edab7na fel 3eraa2....asl sadam kan bemayez el falasteenee 3andoo we mesh mebset el 3eraqee away!!..........we able keda kan eeeh.....kan eeh!!.....ah!!......kan aylool el eswed el mnayel fe el ordon el 7abeeba!......aslohom eftakaroona 3awzeen ne2ashat menhom 7okom el mamlaka!!
neseet 7aga tanee.........ya rab ma koon neseet!!.......asl ma3lesh ba2a kotr el dab7 beynasee!!....yallah!!
3ala kolen ana bardo 7afdal feda gazmet masr!...o2moree ya bent el neel!!
salaaaaaaaaaaam 7ar we mtabel gedan, kan allah fee 3oonek ya sham!

مصر 30 said...

أحسدك على شجاعتك فى قول ما يخاف الكثيرين قوله .. لسه كنت حاسأل سؤال و إنت رديتى عليه .. إيه الفضل غن سوريا توصل لحرب اهلية زى ليبيا ولا الثوار يرجعوا بيوتهم ؟؟
المشكلة إن لا يوجد إجماع كافى فى سوريا بعكس مصر و تونس
المشكلة التانية إن الثورة لو وقفت يبقى كل اللى طلع حايتعلق من أظافره
مشكلة مكعبلة و مش عارف لها حل غير يا إما باقى السوريين ينضموا للثورة يا إما حانشهد مذابح مرعبة

aisha_gml said...

انا فاهمة كل اللى انتى قولتيه انا حاليا بعمل ماجستير وقدرا معايا طلبة من سوريا موفدين لجامعة القاهرة وهما فعلا قالولى الكلام دا كله ووصفولى الحالة عندهم ذى ما انتى قلتى عليها كدا واصعب كمان فعلا الامر معقد ربنا يحمى الشعب ويحقن دمائه

FreedomVet said...

السلام عليكم
معلش وسامحوني بس فيه حاجة انتو مش فاهمينها
لو إحنا رفعا علم فلسطين بشار ح يبيد الفلسطينين يالي بسوريا كلهم داه أولا
وسانيا حماس مع بشار يعني الشعب الفلسطيني أكلها زينا زيوه
وانتو لازم يكون عندكم اعتقاد ويقن وقناعة تامة انو
سقوط بشار يعني سقوط أمريكا يعني سقوط اسرائيل ده هي الحقيقة وانتو لازم تعرفوها تمام التمام
والأيام سوف تثبت هذا الكلام

mohamed said...

ههههههههههه عمالة تفصلى كل شوية وتتكلمى بالنحوى وترجعى تانى لبلدى شكلك مهييسة اخر حاجة احسن انك منشرتيش شوية الردح اللى بعتهملك امبارح عن السلفيين كنت متغاظع الاخر

alimalhaq said...

@مصر 30:
لا لن تشهد مذابح إذا توقفت الإحتجاجات أو نظمت ضمن إطار سلمي وواضح تحت سقف النظام وتحت شعار الله سوريا فلسطين وبس فعندهاتسقط المؤامرة. المجازر سوف تحدث فقط عندما يتدخل الغرب كما حدث في ليبيا. كل من يدعو للتدخل الغربي هو عميل للأميركان من حيث يدري أو لا يدري.

Hala Al Haddad said...

نوارة أنا حوصل كلامك بس حابة أوضحلك الموقف الأمريكي مالوش دعوة لا بالثوار السوريين ولا بالحكومة ليه دعوة بس بالانتخابات الأمريكية لأنو الأمريكين السوريين مؤثرين جدا في موضوع الانتخابات في منهم من أصحاب رؤوس الأموال الضخمة في أمريكا وطبعا هما منفيين من سوريا لأسباب سياسية ولو أمريكا أخدت موقف يبقى علشان تكسب الرأي العام لدول مع أن مصلحة اسرائيل في بقاء النظام السوري دي جاحة،والحاجة التاني هي ان أهالي حلب والشام في نسبة كبيرة نسبيا منهم محجمين عن المشاركة في التظاهرات مش علشان الأسباب يلي انتي متوقعاها، طبعا في أغلبية صامته خايفة من بكرة ودي شوية شوية حتبقى مع الثوار بس في نسبة مش قليلة وخصوصا في حلب هي من رجال الأعمال والتجار ودول مستفيدين بشكل رئيسي ومباشر من فساد النظام ومصالحهم كلها معتمدة على منظومة الفساد وأحب أذكرك انه المصالح الاقتصادية هي كانت المحرك لأغلبية الشارع في حلب على مر التاريخ وممكن انك ترجعي لتاريخ انفاصل مصر عن سوريا وحتعرفي انه بعد ما سوريا كلها انفصلت عن مصر فضلت حلب أكثر من يوم كامل مع مصر لحد ما الناس بقت تقول انو سوريا حتبقى ن غير حلب وطبعا ده كان سببه المصالح التجارية ، أما فيما يتعلق بالعلم الفلسطيني فدي حاجة ضرورية جدا الشارع السوري لازم يشيل أعلام فلسطين ولازم يهتف ضد اسرائيل ولازم يكون واضح من دعمه للمقاومة بكل أطيافها سواء في لبنان أو فلسطين ، انتي عارفة زي ما الكل عارف انو السوريين انتمائهم العربي أكبر من انتمائهم السوري والدليل لما تسألي أي واحد في الشارع مهما كانت ثقافتة انت منين يقلك أنا عربي سوري ما يقلش انا سوري وبس، وتسلم ايديك على كل كلمة بتكتبيها

مش فاهمه said...

هو مش احنا برضه عاملين ثورة و الحكومة دى يخرب بيت كده حكومة ثورة مش بنساند الثورات ليه بقه فى العالم العربى ايه الشلل اللى احنا فيه ده احنا بصراحه عايزين مليونيه لدعم الثورات فى العالم العربى و علشان نشيل الراجل بتاع المالية اللى حايداينا بملايين و نشيل عبد السلام جمعه اللى بيحاكم العادلى و هو بيقبض من الداخليه و نشيل اللى عين المحافظين الجداد و نشيل اللى عايز يولعها نار فى قنا و نشيل بتاع الطب الشرعى اللى مش عايز يخلينا نحاكم مبارك فيه حاجات كتير عايز لها مليونيه كده على الماشى علشان نضبط اللى قاعدين فى الحكم و فاكرين ان كده خلاص

كيوبيد said...

اولا صباح الخير ثانيا انا معكى فى حاجات وحاجات تانى لا الموضوع فى سوريا عايز دعم دولى اكيد وفيه فرق كبير بين الدعم والتدخل لازم بشار يلقى فيه صوت عالى ده هايخالى يترجع عن كتير من افعلو لكن لو لقى صمت هايقتل الناس بدم بارد ثالثا وده اهم حاجه شوفتى الى حصل فى محاكمة العدالى واعونه القتله والى لا؟؟ كان فية مهزلة فى المحاكمة وناس تدخل وناس لا وفية لواء شرطة كان عمل يزعق انا عايز مليونية فى التحرير نطلب فيه المجلس العسكرى ان المحاكمة دى تبقى علنى وتعرض فىوسائل الاعلام مباشر والى هما احسن منا احنا نموت مباشر على الهواء فى الميدين وهما يقدمو للمحكمه فى الخفاء .انا حاسس زى ما يكون مبارك لسه قاعد وحبيب العدالى لسه وزير دخلية ياريت الموضوع ده خالى فى حسابتك احسن فى النهاية القاى النظام واخد بره ونازل انتخبات كمان

احلام جوليا said...

نواره انا في منتهى الغضب واحب انقل لك كلام سمعته من امراة خليجية الان كانت تتكلم عن جولة عصام شرف وقالت لي بالنص عصام شرف بيلف دول الخليج وان شاء الله بيساعدوك وبيدوك مبلغ علشان اقتصادكم رديت عليها وقلت ما هو فلوسنا كلها في الخليج يعني يا ربي يعطوها لنا حسنة قالت لا ما تقولي شديه فلوسكم ما تيجي ولا شي بالنسبة لفلوسنا بس انتم تبون تحاكمون الريال ( مقصود الرجال بالخليجي )تقصد مبارك وهو ريال كبير واحنا ما نرضى واراهنك ان الان مبارك بالمستشفى بشرم مرتاح لان دي تعليمات ما تقدر الحكومة تخالف السعودية اكبر دولة تحتضن العرب وان شاء الله بيسافر قريب وما بتحاكموه والله ما تقدروا وخصوصا الان بعد محاولات عصام شرف كسب رضا اهل الخليج ما تقدرون تمشون الي براسكم بكرة بتشوفين انه ما بيتحاكم وبيطلعوه من مصر والسعودية بتساعدكم بما يوازي اموالكم قلت لها تاني عاوزانا ناخدها حسنه قالت لي اوه هادا حقنا وحق السعودية هادي( المقصود هذه ) الاموال لنا وبنساعدكم شو تبون غير هادا خلاص بنعطيكم فلوس وخلاص
ما رايك يا نواره ده مثال صغير عن قيمةمصر في عيون اهل الخليج ده مثال صغير عن كرامتنا طوال الاعوام السابقة دي مش اول مرة يلمحون ولا يصرحون بان البعثات المصرية تاتي لتشحت منهم نفس الكلام كان يقال ايام مبارك نواره اريد ان اعرف انت تثقي بعصام شرف وكذلك نحن ولكن لا تعجبني جولته في هذا التوقيت والاولى ان يوضح اسبابها ونوع الاستثمارات الي حيجيبها احنا مش شحاتين يا نواره ولو مبارك متحاكمش احنا حقنا برقبة عصام شرف والمجلس العسكري والتباطؤ في محاكمة مبارك يؤكد ما نسمعه بالخليج انه سيخرج من مصر بحجة وفاته بينما هو حي يرزق يعيش بالخليج ونخبط دماغنا في الحيطة

hassn hamdi said...

نعلن عن تشكيل جبهة وطنية لادارة المرحلة الانتقالية بمجلس رئاسي مدني وتضم كافة أطياف المجتمع المصري وتياراته ونطالب الأستاذة نوارة نجم بالانضمام للجبهة ودعمها والدعوة لها

hassn hamdi said...

نعلن عن تشكيل جبهة وطنية لادارة المرحلة الانتقالية بمجلس رئاسي مدني وتضم كافة أطياف المجتمع المصري وتياراته ونطالب الأستاذة نوارة نجم بالانضمام للجبهة ودعمها والدعوة لها

negmat lail said...

عموما التدخل الأجنبي زي ليبيا كالمستجير من الرمضاء بالنار.. بس فعلا زي تعليق سابق (ayman)بلاش مسلسل اللغات ده لأنه فعلاً ممكن يزعل كأنه سخرية

عابر سبيل said...

في كل الأحوال سيدفع جزء من الشعب الفلسطيني الثمن ولكن علينا أن نتذكر أن الدم الفلسطيني ليس أغلى من الدم السوري أو الليبي أو المصري. الدم واحد والثمن واحد. نظام الأسد لا يقف مع الحقوق الفلسطينية إلا كجزء من لعبة محاور ولو تبدلت المحاور سيكون هو أول من يستبيح دم الفلسطيني ودم المقاومة. الشعوب خير وأبقى على قيادة المقاومة إن كانت تريد أن تحتفظ بدعم الشعوب أن تقف موقف واضح في دعم حرية وحقوق الشعب السوري لأن الشعب هو الباقي والأسد سيزول أجلا أم عادلاً

أحمد العربي

salman_maarof said...

صص

السلام عليكم said...

مش عارفه منين قمعى ومنين من دول الممانعه مش راكبه منين قومى عربى ومنين مخلى شعبه يلف حوالليين نفسه وبرضه فيه شبهات تربح لكل الشله اللى حواليه

ربنا يخلصنا من كل الاشكال دى بقى

السلام عليكم said...

مش عارفه منين قمعى ومنين من دول الممانعه مش راكبه منين قومى عربى ومنين مخلى شعبه يلف حوالليين نفسه وبرضه فيه شبهات تربح لكل الشله اللى حواليه

ربنا يخلصنا من كل الاشكال دى بقى

عيــــ ا ل ن د ى ــــون said...

يد الله مع الجماعه
لما الشعب السوري كله ينضم للثوار.. يبقى هنا الكلام.. انما شوية كدا وشوية كدا دا لعب عيال.
ربنا يسترها يارب ويحفظ اخوانا في سوريا.. بجد حاجه تفقع انه لما الواحد يحب ياخد كرامته لازم يتنيل على عينه بالمنظر دا
ربنا يهد بشار على القدافي على اسرائيل.. كلهم نفس الطينه

palindromier said...

ماهو يأما نكون مثاليين يأما نكون واقعيين شغل النص نص ده ماينفعش
قولنا قيادات الجيش جزء لايتجزأ من النظام السابق ومن عاشر القوم اربعين يوم يا صار منهم يا صاروا منه ودول عاشروا مبارك اكتر من عشرين سنة يعني سرقوا معاه وطرمخوا معاه ده لو عندهم ذرة من الوطنية كانوا ياعملوا انقلاب عليه من زمان يارمولوا استقالاتهم في وشه لكن يفضلوا ساكتين علي الفساد اكتر من عشرين سنة؟ ده حتي كليلة ودمنة علمنا واحنا صغيرين انه لا صبر للاخيار علي صحبة الأشرار. وحتي لما الثورة قامت خدوا موقف منحاز لمبارك و مابتداش موقفهم يتعدل الا مع تزايد الضغط الشعبي اللي أجبرهم انهم يرضخوا ويستجيبوا لمطالب الشعب بالتيلة كأنهم بيقطعوا من لحمهم ويدوا الناس. فلما نيجي نعترض علي القبول بالمجلس العسكري كأمين علي المرحلة الانتقالية للاعتبارات الموضحة أعلاه تتهمينا باننا عيال مخنا ضرب من الكتب اللي بنقراها وتطلعيلنا مقالة الواشنطن بوست اللي مضمونها ان الثورات اللي بتنجح هي اللي الثوار فيها بيتصفوا بالبراجماتية و يوافقوا ان العناصر الأقل فسادا في النظام السابق أو اللي ايديها مش ملوثة بشكل مباشر بالدم أو بالسرقة (المجلس العسكري زائد بعض العناصر الأقل تلوثا من الشرطة والحزب الوطني) يسمح لها باللعب تبعا لأصول اللعب الجديدة (الانتخابات) لانه بدون المصالحة الوطنية دي البلد حتدخل في حمام دم. أو كيه حطينا جزمة في بقنا وعمينا عينينا عن الحقائق اللي زي الشمس قدامنا وضحينا باحلامنا في القضاء علي النظام الفاشستي واكتفينا بالاصلاح التدريجي تحت اسم الواقعية.
لكن تيجي نفس البني آدمة اللي بتنهانا عن المثالية تناصر الثورة في سوريا تحت مبررات مثالية بحتة فده قمة التناقض. لو حنقيم الأمور بنفس حساب المكسب والخسارة حنلاقي انه الي جانب القوي الوطنية الراغبة في التغيير والثائرة علي القهر (الثوريين المثاليين السوريين) فيه قوي تانية معروفة كويس قوي من مصلحتها اسقاط النظام لاهداف تتعارض تماما مع المصلحة القومية. و في نهاية المطاف لما فيه جانب بينتصر (الثورة) اللي بيحصد الثمار بيكون العنصر الأقوي في هذا الجانب اللي هوه حاليا مع الاسف الشديد مش المثاليين ولكن الانتهازيين اللي بيخدموا مصالح القوي الخارجية. ياأما نسمح للثوريين في مصر باستكمال ثورتهم ضد بقايا النظام السابق ولاخوانهم في سوريا بنفس الشيئ وتبقي ياطابت يااتنين عور ياما نتنيل نتبط ونلعب لعبة شد الحبل هنا وهناك ونرضي بالاصلاح الجزئي في الحالتين

ayman said...

الأخت العزيزه احلام اللي زعلانه من كلام السيده الخليجيه....رجاءا بقولك ماتزعليش نفسك خالص ولا تدي اي اهتمام لكلام واحده زي دي....انا عايش في الخليج من سنين طويله واحب اقولك ان دي طبيعتهم ....هما معظمهم بلاش نقول كلهم ناس متعجرفين جدا وفاكرين انهم اصحاب دم مختلف متلون بلون البترول....بس احب اقولك كمان ان الناس الخليجيين المحترمين الي بيفهمو هما اللي عارفين فضل مصر عليهم وعلى العالم العربي كله..ودا شي طبيعي تسمعيه من انسانه فاكره ان الفلوس الكتير اهم حاجه وحاسه بالنقص وخصوصا بعد ما الشعب المصري علم الدنيا كلها درس وبعد ماكانو اصلا طول عمرهم بيحقدو على المصريين عشان حاسين انهم احسن منهم بس بيقولو لنفسهم ان احنا مقهورين ومش هنرجع نبقا زي زمان في الرياده...لكن فجاه لقو المصريين بيعملوا حاجه هما ما يحلموش يعملوها ابدا عشان كده الغيظ زاد عندهم....هما كلهم نفسهم يتخلصو من قهر حكامهم بس مش قادرين ...فا اصحاب اللقوب النضيفة منهم بقو يحترمو مصر اكتر...واصحاب القلوب المريضه بقو يكرهوها اكتر...هو دا باختصار اللي حاصل...انا في البلد اللي انا فيها من اول يوم في الثورة واصدقائي من اهل البلد بيقولولي احنا نفسنا نبقى زي المصريين......ربنا يحفظلنا د. شرف المحترم وانشاء الله المجلس العسكري مش هيخيب ظننا فيه وربنا مش هيخذلنا ومبارك هيتحاكم وهياخد جزاءة...وبعدين عصام شرف راح الخليج عشان هما كلهم بيتمسحو في مصر انها تبقى جنبهم بعد ما ايران قلبت عليهم ومرعوبين من ايران كالعاده وهي دي عادة دول الخيج دايما وكلنا فاكرين لما صدام قهرهم اول بلد جريو يتحامو فيها كانت مصر ..هما صحيح كانو جاحدين بعد كده كالعاده بس معلش ....وبرضو مش كلم عشان مابقاش ظالم......مصر هي الكبيرة رغم حقد الحاقدين

bang887 said...

*******************
البرادعى والجيش المصرى
*******************
جاء فى حوار معه نشرته جريدة الأهرام - الاثنين 18 ابريل 2011 السنة 135 العدد 45423

قال البرادعى أنه يريد "جيش قوي قادر علي مواجهة التحديات المعاصرة مثل الإرهاب والجريمة المنظمة والحروب الأهلية."

والسؤال الآن، ماذا عن تحدى تقليدى قديم مثل "إسرائيل"؟!!!

ممكن يا أستاذة تركزى معانا فى مصر. الكلام الخطير ده اتنشر من أكتر من أسبوع ولم أسمع تعليق واحد من اى حد عليه.

a2hemeda said...

Barcelona vs Real Madrid live stream

Real Madrid vs Barcelona

Barcelona vs Real Madrid live

Real Madrid vs Barcelona live

Barcelona vs Real Madrid en direct

Real Madrid vs Barcelona en direct

AMOON said...

بصي بقي يا نوارة يا ضنايا هو لية الشتتان والتشتيت اللي انتي دخلتي جواة كدة يعني من فترة.مش نركز بقي شوية وندور علي امنا حبيبتنا كلنا مصر ومنفتحشي علب علشان مش هنعرف نقفل علب بصريح العوبارة كدة ما نفجرشي قضايا خارجية وقضيانا الداخلية متلتلة حتي قضية الغاز مع اسرائيل ما نفجرشي الانابيب ونحرق الغاز في الهوا..نطبخ بية محشي كرنب عشان الشعب ياكل ويملي بطنة ويشبع عشان يحمد ربنا عالنعيم اللي هو فية وكان فية بس كان محروم منة. انا حبيت بس ابقي شمهة منورة في طريقك يانوارة جايز تشوفي الحجر اللي تحتية الشمعة وما تخبطيش فية.......هههههههههههههههههههه .

omima said...

المدونة بتاعتك ومن حقك تلغى اللى مايعجبكيش لكن للمرة المليون احنا فى حاجة الى وقفة كرامة مع بعض البلاد العربية زمان كنت باشوف تعالى السوريين علينا وبستغرب يعنى ارضهم محتلة وكمان عندهم توريث ازاى قبلوا بكدة وبيتاءلطوا علينا واهو التاريخ اثبت ان بشار ما يفرقش عن المخلوع كتيير بدل ما يولى جيشة لتطهير الجولان من الاحتلال يولية لضرب درعا ثانيا الاخوة فى الخليج مزودنها معانا وبصراحة انا رافضة زيارة عصام شرف للخليج يلعن ابو الفلوس والاقتصاد اللى هايحوجنا للى يسوى واللى ...... زى ماقلتلك يار يتة كان طلع على ايران او تركيا الان تغيير تصريحاتة لارضاءالخلخيين ماهو المخلوع قاطع الدنيا مجاملة لهم وكانت النتيجة انهم حاولوا ياخدوا مكان مصر

حمكشه said...

الشاعر تميم ... لست معك ... الشعب السورى تحرر خلاص والاجرام فى سوريا باين وواضح وحافظ باع وقبض وشيلتوها للسادات ...قلى ليه مافيش طلقه واحده طلعت تجاه اسرائيل طوال 40 عام ومن صمود وتصدى لممانعه!!! ياترى الكلمه الجديده ايه؟؟؟عار وعيب دعم الديكتاتوريه اللصوص

omima said...

مش قادرة استنى لما تكتبى فى الموضوع انا فرحانة ان مصر اصلحت بين الفلسطنيين ودة نجاح كبيير لمصر الجديدة ادينا ننوس كبيير للمتغاظيين من عودة مصر لمكانها اللى تستحقة

hassn hamdi said...

أرجو من الأستاذة الفاضلة نوارة نجم تحديد موقفها من الانضمام للجبهة الوطنية لإدارة المرحلة الانتقالية لأن الجبهة يجري تشكيلها بالفعل من كافة القوى الوطنية الموجودة على الساحة ونؤكد أن الجبهة لن تعادي المجلس الأعلى للقوات المسلحة بل سيكون أعضاء المجلس نفسه جزءًُ من الجبهة وسيقومون بتنفيذ دورهم المنوط بهم وفقا لاهداف ثورة 25 يناير

sarujah said...

شكراً شكراً نوارة... التدخل الأجنبي ليس أرحم من النظام القائم... ولا عندنا أي استعداد لطرح من هذا النوع.. واللي عم يفضل التدخل الخارجي .. عفواً .. هذا سيجر البلد لوبال ليس له آخر.. لا نريد عراق آخر ولا ليبية أخرى..
شكراً أنه انتبهتوا لخطورة الوضع اللي نحنا فيه..
شكراً .. شكراً .. نوارة نجم.. أنت شخص محترم جداً جداً جداً
مع عميق حبنا وارتباطنا الكبير بمصر .. ولكن وضع سورية يختلف عن مصر كتيييييييير.. إذا دخل أي تدخل خارجي.. اقرأوا على سورية السلام..
الرجاء.. الرجاء التأني .. ما حدا فرحان بالوضع الحالي.. الظلم .. الظلم.. الظلم.. ولا استعمار جديد.. ولا انقسام وتفتيت للبلد.. رجاءاً.. هدوا اللعب ويللي قاعد برات الشام لا يتشاطر بالحكي.. يتفضل يجي لهون وبعدين يورجينا شطارته..

Mode Masry said...

لو سمحتي يا نوارة اكتبي باللغه العربيه الفصحى ومن غير تهكم لان في ناس فهمت انانت عايزه تدخل اجنبي

ثانيا لو سمحت اتكلمي على اللي بيحصل في مصر دلوقتي وخصوصا الصعيد لسه عندهم الثورة لسه بدأه تقريبا والمقال بتاع الاستاذ فهمي هويدي بتاع القاضي اللي بيحكم في قضية العادلي وامن الدوله اللي استلم كل المقرات والمؤيديين بتوع مبارك وعلى راسهم بتوع الحزب الواطي وشكرا ومعلش اصلي بطمن لما بلاقيكي مطمنه وانا حاسس انك تايها في وسط الثورات الكتير

بهيج الشرير said...

والنبي ياأبلتي أنا عندي مشكلة؛ من ساعة الثورة ماقامت وأنا بقيت مدمن أفلام بورنو، وكل يوم لازم أتفرج على أفلام الثورة وأتمزج قوي وأنا باشوف المصريين وهما بينيكوا خولات الشرطة ومنايك أمن الدولة

Adb El-Hameed Riad said...

استحاله فى المشاعر الثوريه الى هناك حد يسيطر على نفسه. ياعنى بالعربى الثوره دى مش هتنجح باى شكل حته لو وقعت النظام هتقع فى ايد امريكا . انا بقول نلم الدور احسن سوريا لو وقعت فى ايد امريكا احنا مش هيبقى لينا قومه تانى بصى للخريطه كده هتلاقى ان سوريا وايران وتركيا محاوطيين العراق وهما الى يقدروا يمنعوا قيام نظام صهوينى فيها . لو الضلع ده فك امريكا هتركب المنطقه كلها وفعلا بقى المره دى هيبقى الدور على مصر

Adb El-Hameed Riad said...

وبعديين انا شايف الشعوب بقى تهدى اليوميين دول لان لو التحول حصل فى مصر هيحصل فى سوريا وفاى دوله عربيه تانييه كده كده وهيبقى بس الموضوع مساله وقت

Hala Al Haddad said...

كلنا نتفق أنه لا وألف لا للتدخل الأجنبي ولكن من يحاولون دس السم بالدسم وقول أن النظام الحالي أرحم من التدخل الأجنبي وأن الظلم مقبول في سبيل أن لا نصبح كالعراق هؤلاء الناس خونة ومع النظام ومستفيدين منه بشكل أو بأخر أو أنهم جبناء ومتخاذلون، لا للظلم ولا للنظام الحالي وسنسقط النظام ولا وألف لا للتدخل الأجنبي، السوريون لا يحتاجون تدخل أجنبي لنيل حريتهم ولكنهم يحتاجون حريتهم وبشدة وسينالونها وكل من يعتقد أن الحرية ثمن يجب دفعه للمحافظة على البلد من التدخل الاجنبي يا اما بيكون أحد كلاب النظام يا اما غبي ، الحرية حق والحق لا مساومة فيه والأسد ونظامه باطل والاستعمار برده باطل

Mondassa said...

السلام عليكم

نرجو منكم دعمنا في جمعة دعم إخواننا السوريين للحد من الدماء في سوريا .. ميدان التحرير

https://www.facebook.com/event.php?eid=220574867958656

يا أخوتي بالله
درعا محاصرة منذ ثلاثة أيام لا ماء ولا كهرباء ولا اتصالات وقد بدأت عبوات حليب الأطفال وأكياس الدم في المستشفيات بالنفاذ. درعا تقصف بالدبابات ولم يرفعو ولا حتى حجر في وجه كل هذه القوات المدججة
يا أخوتي إن كنا مندسين وإرهابيين كما يقولون فهل خزانات الماء التي يخرقونها كي ينقطع الأهالي من الماء هل هي أيضاً مندسة وهل أكياس الطحين التي تدخل إلى درعا لتزويد الناس بالخبز هل هي مندسة أيضاً لتمنع من الدخول وهل الصيدليات التي دخلت قوات الأمن ونهبتها هل هي مندسة أيضاً
يا أخوتي يقوم الأطباء بإزالة الرصاص من أجساد المصابين بدون تخدير نظراً لعدم وجود الأدوية المخدرة

هذا أقل ما يمكنكم لدعمهم
نرجو منكم المشاركة والحضور إلى ميدان التحرير
كما يمكنكم متابعة آخر أخبار الثورة والفيديوهات المتعلقة بها عن طريق شبكة شام
https://www.facebook.com/ShaamNews
وعن طريق صفحة الثورة السورية
https://www.facebook.com/Syrian.Revolution

mhamd said...

نوارة كلامك جميل وحقا اغلب الطيف السوري يعرف هذا الكلام وتم اخذه بكل الاعتبارات نحن لانريد اي تدخل اجنبى ونعرف شبح الطائفية لكن صدقني انا من قلب درعا الموضوع خانق جدا ولاتوجد اي وسيلة اتصال عد ذلك الماء والكهرباء والقناص لايميز بين احد طفل او شيخ او امرة الموضوع باكمله احيل منذ البداية الى العناصر الامنية التي حتى تملك صلاحية اعلى من القانون والرئيسى نفسه وصدقني هذا الكلام غير مبالغ فيه ابدا خرج اهلينا بمطالب بدائية ومحقه لا بعد الحدود ولاتحتاج حتى موافقة الريئس نريد كف ايدي الاجهزة التي اصبحت تحصي علينا الانفاس نريد قليلا من الكرامة التي سلبت على مدى 50 عاما زرع اللفساد واصبح هو منهج الاصلاح قهر الانسان واستبيحة كل المحرمات ! احاول ان اجمع افكاري واعيد ترتيبها لاني حقا مشتت نعيش على الجمر والاعلام ليلا نهار ولا نعرف النوم لما يجري لاهلينا الموضوع صعب جدا وكبير جدا نريد تكاتف الشعب كما ردد في شعارته الشعب السوري واحد واحد واحد واحد هذا ما نريده واقول لاقليات الطائفي اوالله ان النظام بث فيكم الرعب وسلب حقكم انتم شعب سوريا ونحن كذلك ليس هناك من داعي للتخوف من الامارات السلفية التي يدعي النظام ولا الطائفتي التي اصبحت حديث في كل محفل يذكر فيها اسم سوريا نعم نسيج سوريا معقد لكن كنا نعيش في وائم ومحبة اكبر قبل حافظ الاسد كنا نعيش حرية وكرامة هو من يلعب على هذا الحبل ايضا النظام استغل وطنية السورين وحبهم للعروبة والوحدة العربية اجمالا واخذ يعزف على وتر الممانعة ياختي اقسم لكي ان شعب سوري سكت كل السنين على قتلها واغتصابه بما معنه حقوق وكرامة وانسانية من اجل هذا البند نظامنا سياسي حقير يمسك كل الاوراق وجميع الاوتار وهو يعزف عليها الان واحد تلوا الاخر قتل الكثير واعتقل اكثر منهم والاكثر بعداد المفقدوين ياختي نحن محكومين من قبل اجهزة الامن الوزير لا يملك كلمة والريئس كذلك اقسم ان المؤسسات عبارة عن مسرحية والانتخابات كذلك وكل سوري يكذب ذلك فهو ام غبي او انه من النظام !! نحن لسنا مع التدخل ولكننا لا نملك سوى الصدور العارية والدعاء والاغلبية السورية خائفة التي لم تتكلم حتى الان خوفا من بطش الاجهزة الامنية حماة تدمر صيدنايا والكثير الكثير من الجرائم التي لم يعرف عنها بعد اذا انت على علم مايحدث بدرعا ونرى الاعلام السوري والحكومة السوري التي تمارس ويمارس التضليل منهم على الشعب في وقت لم يسمح لصحفى احد ان يدخل ومن تجراء اعتقل او اختفى السياسين السورين ام قتلوا او هجروا او اعتقلوا ولا احد يعرف عنهم شي المعارضو بالخارج لا يمثل الشعب السوري حقا سوى القلة منهم ولا اود ان اذكرهم هنا لاني لا اعرف الجميع حسب اطلعي الشحيح على هذه الناحية 22 سوري مهجرون بالخارج والدخل ليس باحسن الالف في السجون لمجرد الاشتباه او النطق بكلمة لا تروق للنظام الكلام كثير لكن حقا لم اعد استطع ان اكمل الموضوع حرج ايران لبنان تركيا ولبنان تدخل في دوامة اخرى والعراق والاهم العدو الاسرائيل والجولان التي تبعد بضع كيلو مترات من حوران الجريحة !! الامور يمكن ان تتطور لحرب عالمية اذا النظام لم يفهم ويعقل ويسمع شعبه بعد كل هذه السنين واذا استمر بقتل ابناء الوطن وحماته سوف تكون حتما نهايته وباذن الله بدون اي تدخل دولي لاننا يالاصل لانعول على الدول هذه اي شي نحن نعول عليكم يا نوارة وشكرا لكي ومعليش نحن بنفهم للهجة المصرية كويس بس يعني بلاش مصطلحات صعبة شوي بس الفكرةبتصل .

mhamd said...

نوارة كلامك جميل وحقا اغلب الطيف السوري يعرف هذا الكلام وتم اخذه بكل الاعتبارات نحن لانريد اي تدخل اجنبى ونعرف شبح الطائفية لكن صدقني انا من قلب درعا الموضوع خانق جدا ولاتوجد اي وسيلة اتصال عد ذلك الماء والكهرباء والقناص لايميز بين احد طفل او شيخ او امرة الموضوع باكمله احيل منذ البداية الى العناصر الامنية التي حتى تملك صلاحية اعلى من القانون والرئيسى نفسه وصدقني هذا الكلام غير مبالغ فيه ابدا خرج اهلينا بمطالب بدائية ومحقه لا بعد الحدود ولاتحتاج حتى موافقة الريئس نريد كف ايدي الاجهزة التي اصبحت تحصي علينا الانفاس نريد قليلا من الكرامة التي سلبت على مدى 50 عاما زرع اللفساد واصبح هو منهج الاصلاح قهر الانسان واستبيحة كل المحرمات ! احاول ان اجمع افكاري واعيد ترتيبها لاني حقا مشتت نعيش على الجمر والاعلام ليلا نهار ولا نعرف النوم لما يجري لاهلينا الموضوع صعب جدا وكبير جدا نريد تكاتف الشعب كما ردد في شعارته الشعب السوري واحد واحد واحد واحد هذا ما نريده واقول لاقليات الطائفي اوالله ان النظام بث فيكم الرعب وسلب حقكم انتم شعب سوريا ونحن كذلك ليس هناك من داعي للتخوف من الامارات السلفية التي يدعي النظام ولا الطائفتي التي اصبحت حديث في كل محفل يذكر فيها اسم سوريا نعم نسيج سوريا معقد لكن كنا نعيش في وائم ومحبة اكبر قبل حافظ الاسد كنا نعيش حرية وكرامة هو من يلعب على هذا الحبل ايضا النظام استغل وطنية السورين وحبهم للعروبة والوحدة العربية اجمالا واخذ يعزف على وتر الممانعة ياختي اقسم لكي ان شعب سوري سكت كل السنين على قتلها واغتصابه بما معنه حقوق وكرامة وانسانية من اجل هذا البند نظامنا سياسي حقير يمسك كل الاوراق وجميع الاوتار وهو يعزف عليها الان واحد تلوا الاخر قتل الكثير واعتقل اكثر منهم والاكثر بعداد المفقدوين ياختي نحن محكومين من قبل اجهزة الامن الوزير لا يملك كلمة والريئس كذلك اقسم ان المؤسسات عبارة عن مسرحية والانتخابات كذلك وكل سوري يكذب ذلك فهو ام غبي او انه من النظام !! نحن لسنا مع التدخل ولكننا لا نملك سوى الصدور العارية والدعاء والاغلبية السورية خائفة التي لم تتكلم حتى الان خوفا من بطش الاجهزة الامنية حماة تدمر صيدنايا والكثير الكثير من الجرائم التي لم يعرف عنها بعد اذا انت على علم مايحدث بدرعا ونرى الاعلام السوري والحكومة السوري التي تمارس ويمارس التضليل منهم على الشعب في وقت لم يسمح لصحفى احد ان يدخل ومن تجراء اعتقل او اختفى السياسين السورين ام قتلوا او هجروا او اعتقلوا ولا احد يعرف عنهم شي المعارضو بالخارج لا يمثل الشعب السوري حقا سوى القلة منهم ولا اود ان اذكرهم هنا لاني لا اعرف الجميع حسب اطلعي الشحيح على هذه الناحية 22 سوري مهجرون بالخارج والدخل ليس باحسن الالف في السجون لمجرد الاشتباه او النطق بكلمة لا تروق للنظام الكلام كثير لكن حقا لم اعد استطع ان اكمل الموضوع حرج ايران لبنان تركيا ولبنان تدخل في دوامة اخرى والعراق والاهم العدو الاسرائيل والجولان التي تبعد بضع كيلو مترات من حوران الجريحة !! الامور يمكن ان تتطور لحرب عالمية اذا النظام لم يفهم ويعقل ويسمع شعبه بعد كل هذه السنين واذا استمر بقتل ابناء الوطن وحماته سوف تكون حتما نهايته وباذن الله بدون اي تدخل دولي لاننا يالاصل لانعول على الدول هذه اي شي نحن نعول عليكم يا نوارة وشكرا لكي ومعليش نحن بنفهم للهجة المصرية كويس بس يعني بلاش مصطلحات صعبة شوي بس الفكرةبتصل .

وجهة نظر said...

مساء الخير يا ست
فيه وجهة نظر تانية بتفنتر ض أن أي دعم للإطاحة بطاغية مرحب بيه لكن المحاذير اللى انت بتوجهي ليها سليمة 100% أنا لو مكانهم وانا مش مكانهم حرفض الدعم وأستمر في المقاومة وأبرز وجهة نظر أنها شعبية عفوية سلمية سلمية وأفضح وأجرس النظام قد مأ أقدر

مخيمر said...

gfffgf

السلام عليكم said...

الى احلام جوليا متزعليش وفكرى كده ان الست دى من مجموعه ماسبيرو اللى بيقولوا اسفيين ياريس تبقى طريقه نفكيرها ايه الاستثمارات الخليجيه اللى هنا الا ما رحم ربىكلها مش فى مصلحه المواطن المصرى وفيها فساد واسغلال لثروتنا زى العقد بتاع توشكى كده وغيرهوبعديين حكومات خايفه على عروشها تفتكرى حيتكلموا ازاى والمسيتفديين منهم حيقولوا ايه

السلام عليكم said...

الى احلام جوليا متزعليش وفكرى كده ان الست دى من مجموعه ماسبيرو اللى بيقولوا اسفيين ياريس تبقى طريقه نفكيرها ايه الاستثمارات الخليجيه اللى هنا الا ما رحم ربىكلها مش فى مصلحه المواطن المصرى وفيها فساد واسغلال لثروتنا زى العقد بتاع توشكى كده وغيرهوبعديين حكومات خايفه على عروشها تفتكرى حيتكلموا ازاى والمسيتفديين منهم حيقولوا ايه

محمد said...

الحقى حقيقة حبايبك اللى كنتى مراسلتهم

http://www.youm7.com/News.asp?NewsID=400731&SecID=287

ياخسارة الزغروتة

torero said...

الحقوا اعملوا ثورة تانى احسن الاولانية مفعولها خلص

مفيش فايدة النظام لم يسقط ورجالة مبارك بيحاسبوا بعض
الله يرحمك يا مصر
الفاتحة على روحك

أبو أمك said...

أنا فهمتكم

Hala Al Haddad said...

أنا بس دخلت المدونة دلوقت علشان عندي كلمه عايزة أؤلها لاخواتي في مصر، انتم لو الثورة بتاعتكم ما عملتش ولا حاجة أبدا بس شالت أبو الغيط وجابت بدله العربي تبقوا كسبتوا أوووووي ، سبحان الله كنت لسه بسمع العربي بيتكلم ومع انه انسان طبيعي يعني مش رائع بس لما تقارنه بأبو الغيط تعرف اد ايه ربنا بيحب مصر وأدي ايه الدنيا حتبقأ حلوة

lastcrazyboys said...

دمشق , ليست صورة منقولة من الجنة ..

إنها الجنة

وليست نسخة ثانيـــة للقصيــــدة ..
...
إنها القصيــــدة

وليست سيفاً أمويــــاً على جدار العروبــة ..

إنها العروبــة

emmy said...

انا فهمت عليكي يا نوارة العمي بقلبه عم يتمسخر علي هالناس وشو ممانعة وما ممانعة وحياة الله لو انه الغرب وامريكا ما بدهن اياه ما حكم بسوريا شي يومين لكن عم تخبركن نوارة بانه لو انكن وافقتوا علي هالعقوبات بيصير حكي ضدكن عاساس انه الله يخزيه وطني قال وانكن انتو ياللي بتخدموا الاغراض الغربية .... تمام يا ريس اي خدعة هههه

Hala Al Haddad said...

وارة عايزين رأيك في المصالحة الفلسطينية والتي تلاها تصريح العربي بأن معبر رفح سيفتح خلال عشر ايام، وتلاها تسريبات بأن مكتب المقاومة السياسية لحركة حماس سينتقل من سوريا ليتوزع بين قطر ومصر، كيف أثرت الثورة المصرية والتحرك السوري في قلب منظومة الممانعة وبدأت مصر تستعيد عافيتها كداعم ولاعب رئيسي للمقاومة الفلسطينية، وشكلهم كده الفلسطينين بعد ما مشي مبارك واتكشفت حقيقة بشار السفاح بدأوا يحبوا بعض (الحمد لله) يعني الثورات كده ماشية صح، وفي النهاية عايزة منك طلب باعتبار انك ليكي صحاب كتير وانفلونسر: انكم تحتوا الفلسطينيين (طبعا انتوا مش عايزين توصية) بس بقول دلوقت تدعموهم لحد ما يطلعوا من سوريا ويبطل بشار الزفت يراهن عليهم كورقة رابحة علشان يموت الشعب السوري، بعد كده هو حيخسر ورقة مهمة جدا والمقاومة حتكسب نفسها ومصر حتستعيد دورها العربي يبقى بشار بيلعب لوحدة واحنا حنسيب حزب الله لضميره، (مع اني عندي اخبار مؤكده انهم مش بيشتغلوا صح وبيشتغلوا ضد الشعب السوري بس خلاص ربنا يسامحهم) دلوقت انا يلي عايزه اقوله انه لما الشعب السوري يبدأ يتحرر حيحط ايده بإيد مصر وبقية العرب وحيكون في اول الصف علشان تحرير فلسطين وحتبقأه بجد مش تمثيل زي العقود يلي فاتت

بنت said...

السلام عليكم أخت نواره
والله أهلنا في درعا وبانياس وحمص يعانون من القمع والاعتقالات العشوائية والقتل وأكيد حضرتك على علم بما يحدث في درعا والوحشة التي يقتلون بها أهلنا هناك ... نريد منكم ان تساندونا وتتعونوا معنا وترشدونا ماذا نفعل بدنا نأخذ حريتنا بأيدنا بدون تدخل الغرب
ارجوكم ساعدونا

بنت said...

السلام عليكم أخت نواره
والله أهلنا في درعا وبانياس وحمص يعانون من القمع والاعتقالات العشوائية والقتل وأكيد حضرتك على علم بما يحدث في درعا والوحشة التي يقتلون بها أهلنا هناك ... نريد منكم ان تساندونا وتتعونوا معنا وترشدونا ماذا نفعل بدنا نأخذ حريتنا بأيدنا بدون تدخل الغرب
ارجوكم ساعدونا

بنت said...

السلام عليكم أخت نواره
والله أهلنا في درعا وبانياس وحمص يعانون من القمع والاعتقالات العشوائية والقتل وأكيد حضرتك على علم بما يحدث في درعا والوحشة التي يقتلون بها أهلنا هناك ... نريد منكم ان تساندونا وتتعونوا معنا وترشدونا ماذا نفعل بدنا نأخذ حريتنا بأيدنا بدون تدخل الغرب
ارجوكم ساعدونا

بنت said...

السلام عليكم أخت نواره
والله أهلنا في درعا وبانياس وحمص يعانون من القمع والاعتقالات العشوائية والقتل وأكيد حضرتك على علم بما يحدث في درعا والوحشة التي يقتلون بها أهلنا هناك ... نريد منكم ان تساندونا وتتعونوا معنا وترشدونا ماذا نفعل بدنا نأخذ حريتنا بأيدنا بدون تدخل الغرب
ارجوكم ساعدونا

بنت said...

السلام عليكم أخت نواره
والله أهلنا في درعا وبانياس وحمص يعانون من القمع والاعتقالات العشوائية والقتل وأكيد حضرتك على علم بما يحدث في درعا والوحشة التي يقتلون بها أهلنا هناك ... نريد منكم ان تساندونا وتتعونوا معنا وترشدونا ماذا نفعل بدنا نأخذ حريتنا بأيدنا بدون تدخل الغرب
ارجوكم ساعدونا

بنت said...

السلام عليكم أخت نواره
والله أهلنا في درعا وبانياس وحمص يعانون من القمع والاعتقالات العشوائية والقتل وأكيد حضرتك على علم بما يحدث في درعا والوحشة التي يقتلون بها أهلنا هناك ... نريد منكم ان تساندونا وتتعونوا معنا وترشدونا ماذا نفعل بدنا نأخذ حريتنا بأيدنا بدون تدخل الغرب
ارجوكم ساعدونا

بنت said...

السلام عليكم أخت نواره
والله أهلنا في درعا وبانياس وحمص يعانون من القمع والاعتقالات العشوائية والقتل وأكيد حضرتك على علم بما يحدث في درعا والوحشة التي يقتلون بها أهلنا هناك ... نريد منكم ان تساندونا وتتعونوا معنا وترشدونا ماذا نفعل بدنا نأخذ حريتنا بأيدنا بدون تدخل الغرب
ارجوكم ساعدونا

احلام جوليا said...

استاذ ايمن المحترم اشكرك جدا كلامك وضح الصورة كاملة فعلا للي بيحصل هنا والنظرة للمصريين ما بين حقد وغيرة وقله من اصحاب القلوب النظيفة لاحول ولاقوة الا بالله لك الله يا مصر

احلام جوليا said...

استاذ ايمن المحترم اشكرك جدا كلامك وضح الصورة كاملة فعلا للي بيحصل هنا والنظرة للمصريين ما بين حقد وغيرة وقله من اصحاب القلوب النظيفة لاحول ولاقوة الا بالله لك الله يا مصر

Proud said...

نواره نجم وسهير الاتاسي وتوكل كرمال واسراء عبد الفتاح واسماء محفوظ وغيرهن من البنات والنساء الاحرار واجب علينا ان نقول لهن شكرا لكن ومواقفكن اعز واقوى من مواقف كثيييييير من الرجال والشباب المتخاذلين
هل بعد هؤلاء البنات و النساء يأتي أحد ويقول المرأه بعد الرجل وأقل منه ؟؟؟

نقلاً عن الصفحة الرسمية للفنان السوري يحيى حوى: http://www.facebook.com/Yahya.M.Hawwa