Sunday 10 April 2011

حنروح شرم الشييييخ... انبسطوا يا عيال حنتفسح

نروح بقى ونتفسح وننبسط.. كل واحد يجيب العوامة، انتوا شفتوا القصر اللي عايش فيه مبارك.. حنعوم في البيسين ونتنطط على الكنب
خلاااااااااص
الفول السوداني مش حيتبهدل تاني

28 comments:

Unknown said...

ايه ده بجد يا نواره .. ياريتنى كنتفى مصر كنت جبت العيال يعومو ويبلبطو ههههههههه ..يا ترى فيه اتفاق من الكل .. فرحينى وطمنى قلبى .. يا رب كله يكون رايح علشان تبقى لمه كده .. اصل الجيش بيحب اللمه ..اوعو تروحو لوحدكم علشان ما حدش يستفرد بيكم لازم يكون فيه شبه اجتماع وكله يروح علشان ما تبقوش قله مندسه وانتى فاهمه بقى

Unknown said...

ايه ده بجد يا نواره .. ياريتنى كنت فى مصر كنت جبت العيال يعومو ويبلبطو ههههههههه ..يا ترى فيه اتفاق من الكل .. فرحينى وطمنى قلبى .. يا رب كله يكون رايح علشان تبقى لمه كده .. اصل الجيش بيحب اللمه ..اوعو تروحو لوحدكم علشان ما حدش يستفرد بيكم لازم يكون فيه شبه اجتماع وكله يروح علشان ما تبقوش قله مندسه وانتى فاهمه بقى

elzahraamegahed said...

لو الفلوس مش هتيجى خلاص بأه يتحاكم عسكرى ، مش محتاجين ندينه
بس موضوع شرم ده برضو خطر

ارض الله الواسعة said...

انت سكر يانوارة خليتنى اضحك وانا قرفانة

صمت الحملان said...

طول مااحنا مستنيين المجلس العسكري في الاخر هنلاقي ان احنا اللي محبسوين وسارقين فلوس البلد ياناس ياهوووووووووه احنا اللي عملنا الثورة وطالبنا بحقنا وماحدش عمل حاجة ولا ليه منه عليناوالمجلس العسكريخاين زيه زي مبارك وما ينفعش نجيب واحدقذر يحاسب واحد قذر زيهوكمان كانوا شركاء طب تيجي ازاي عمرها ماحصلت هما ممكن يقعوا في بعض ويقتلوا بعض لكن عمر ما واحد يعمل شريف علي التاني علي رأي المثل دول دافنينوه سوي وربنا اعز واجل واكبر منهم

Unknown said...

يا نوارة يا حبيبتى, الفول السودانى هايتجمع فين بالظبط؟ و بعدين هوه مش المفروض إن السيد حسنى مبارك هايجى القاهرة للتحقيق معه؟ إحنا عايزيين اجتماع و اجماع على مكان تجميع الفول السودانى. و الأوقع نكون فى ميادين مصر كلها مش فى شرم الشيخ و إلا إنتى شايفة إيه يا نوارة, يا منورة, يا منارة؟ على فكرة كل الصفات الجميلة دى أنا شايفاها فيكى. ربنا يحفظك و يحميكى يا جميلة

eng_kika said...

انا حاجز جنب الشباك من دلوقتى بقولكم اهو
:D

magda said...

ربنا يكفي مصر الفتن

Ragel mesh man said...

اييييييييييييييوه بقه يا وديع

Unknown said...

ههههههههههههههه
هيه من زمان متفسحناش

Unknown said...

بحبك ممموت يا نوارة انت ومامتك ... اختك عبير

Anonymous said...

من صاحب المصلحة,فى أن ينشغل الشعب بالحديث عن المجلس العسكرى,وأن يترك أهداف جمعة المحاكمة..؟ وقع الناس فى فخ الثورة المضادة.فلا حديث إلا عن مصادمات المعتصمين والجيش..,وضباط الجيش المتظاهرين كذا,والمجلس العسكرى كذا.ثورتنا مدنية,ثورتنا مدنية.لننظر للنتيجة المباشرة,جمال مبارك,لم يأت لاستجوابه,والأسبوع الماضى,مبارك,رفض التوقيع على إخطار محكمة جنوب سيناء. د. شريف عبد الحكم

مصدق الهواري said...

العزيزة الفاضلة نوارة في هذا البوست يبدو ان دماغك و مثل دماغي و دماغ كثير من المصريين شيعت من مسلسل الكوميديا السوداء يا مثنت العقل و الدين يا رب

Anonymous said...

إسرائيل حاكمت وسجنت رئيسها..,فهل فى بيتنا مصر,من هم فوق العدالة ؟ د. شريف عبد الحكم

Om Kiki said...

الله ينور عليكي يا نوارة ..

Anonymous said...

جاء إعلان الرئيس المخلوع,على قناة العربية,سعودية التمويل,والنظام السعودى,يضغط على مصر,لألا نحاكم مبارك,خوفا من نفس المصير..,فملوك وأمراء الخليج,هم من أكبر قوى الثورة المضادة,ويجب الحذر الشديد منهم د. شريف عبد الحكم

romancy said...

هههههههههههههه مش لو كان ف شرم الشيخ اصلا هههههههههههههه ناس طيبين اوى يا خال

أرنوب said...

بدل المسخرة وأحلام العاصفير الهبلة دي إنصحيهم يتلموا على بعض ويشكلوا حزب سياسي ويبدأوا يتصلوا بالناس والشارع عشان مافاضلش على الإنتخابات غير خمسة شهور فقط عشان مايرجعوش يعيطوا زي ماعملوا بعد الإستفتاء لما يلاقوا المجلس الجاي كله إخوان وسلفيين وهما ياخدوا صابونة .. وبعدين أيه أهمية مبارك بعد ما راحت الفلوس .. الفلوس اللي كنتي سيادتك فاكرة - بمنتهى السذاجة - إنها ممكن ترجع وقعدتي تقولي (زي عبيط القرية) : مكتوبالك يا مصر .. مكتوبالك يا مصر

RamyShaaban said...

نوارة.... ماتدعيش لحاجة و بعدين تقعدي تصوتي اما يتم استخدامها غلط
الجيش حايرد بكل قوة
و حايدخل عناصر ملهمش دعوة بالثورة
و حايبقى فيها عرب سينا المسلحين
يعني ضرب بالزخيرة في الجيش
اعقلوا بقى

Anonymous said...

لا تصالحُ..
إلى أن يعود الوجود لدورته الدائرة:
النجوم.. لميقاتها
والطيور.. لأصواتها
والرمال.. لذراتها
والقتيل لطفلته الناظرة
كل شيء تحطم في لحظة عابرة:
الصبا - بهجةُ الأهل - صوتُ الحصان - التعرفُ بالضيف - همهمةُ القلب حين يرى برعماً في الحديقة يذوي - الصلاةُ لكي ينزل المطر الموسميُّ - مراوغة القلب حين يرى طائر الموتِ
وهو يرفرف فوق المبارزة الكاسرة
كلُّ شيءٍ تحطَّم في نزوةٍ فاجرة
والذي اغتالني: ليس ربًا..
ليقتلني بمشيئته
ليس أنبل مني.. ليقتلني بسكينته
ليس أمهر مني.. ليقتلني باستدارتِهِ الماكرة
لا تصالحْ
فما الصلح إلا معاهدةٌ بين ندَّينْ..
(في شرف القلب)
لا تُنتقَصْ
والذي اغتالني مَحضُ لصْ
سرق الأرض من بين عينيَّ
والصمت يطلقُ ضحكته الساخرة!

ساعي الخير said...

يا جناب النوارة
بقولك الفلول بيجهزوا لرحلة شرم من ييجي أسبوع و هم هناك من فترة غير الرحلات اللي هتبتدي من بكرة بالعربي كده بيحضروا لكم هناك مفاجأة جايز مذبحة القلعة و جايز حاجة تانية ممكن تكون وحشة ليكم لكن حلوة لناس تانية
و ساعتها هيقولوا هم جايين للرجل ليه مش اتخلي عن السلطة و الناس يقولوا اه صحيح هم عايزين ينفذوا القانون بأيديهم... و طبعاً هيقولوا انكم تستاهلوا اللي يجرالكم .. و تيجوا مشي من شرم بعد ما يكسرولكم الأتوبيسات و يقفلوا الفنادق في وشكم بحجة انها مليانة طبعاً بالفلول و ساعتها انتو اللي هتبقوا فلول تقعدوا في خيام و يقولوا عليكم بتعملوا قلة أدب و انتي عارفة أن الأدب فضلوه علي العلم و هم ناس ربنا رازقهم بجهل غانيهم عن كل العلم و ساعتها يتبقوا أجهل منهم يا بلاش حكاية شرم دي اللي ممكن اذا عيشتوا بعدها تضطروا ترجعوا مشي و جماعات فالة _ مفرد فلول يعني _ و جايز اذا رجعتوا تبقوا جماعة الثورة المنحلة و حلة يا حلة فاكرين أهل المحلة و الحد الأدني للأجور و لا كفاية أنه أتخلي يعني ثم ان صحيح يا نوارة افرض بعد ما روحتوا هو جاب بعضه و جه القاهرة بالطيارة قال ايه جاي يقابل النايب العام
يا ختييييييييييييي .. و تطلعوا له ناس في التحرير و انتوا في شرم بتبلبطوا ع البحر و تحيا الثورة و التفكير عورة و يطلع التخلي مجرد مناورة عموما النصيحة يعني من الاخر بلاش موضوع شرم ده لتكون مذبحة المماليك في الصحرا و محدش داري بيكم و لا كاميرا تصوركم و لا حد يحس بيكم لتكون نظرية المغماطيس اللي كنت عتحكي عنها بصراحة بقي فكروا شوية و اعملوا اعلان مبادئ تتفق الناس عليها لأنها هتدي الناس حقها و سيبكم منه لأنه هييجي هييجي هو هيروح فين يعني اما الفلوس فحتي لو جه ربعها مش هتعمل حاجة الناس هي اللي لازم تعمل بعد ما تنصلح بيئة العمل بالمبادئ الصالحة المتفق عليها و موفقين للخير

Ahmed said...

هتطفشي السياح :)

rifaa said...

ركزي يا نواره
جمال و حسني مطلوبين للتحقيق و لو مراحوش يبقى نضغط انه يتقبض عليهم
كام الف يروحوا شرم كويس علشان الضغط بس ناخد بالنا كويس قوي انها متقلبش ضباط بتوع التحرير و الا تلاقي اسرائيل تقول تهديد حريه الملاحه و تلاقينا في وش القوات الدوليه و تلاقي الجيش يتعصب اكثر و يضرب اكثر
العقل زينه و منعملش زي جمال عبد الناصر

Unknown said...

هههههههه هههههههه والله أول بنت أخلفها هسميها نوارة ربنا يحفظك لينا د انتي عاملة شغل زي ميت راجل

hassn hamdi said...

والله انتوا كلكم تفكيركم ساذج فعلا!!!
شرم الشيخ ايه اللي هتجيبوه منها؟
ومين أصلا هيسمح ليكم بدخول شرم الشيخ؟
فاكرين لما الناس هجمت على القصر الرئاسي يوم 11 فبراير؟ ايه اللي حصل والمجلس العسكري عمل ايه؟
مش حط أسلاك شائكة ومدرعات وفرق خاصة قدام القصور؟
وساعة ما الأمر استحكم والناس ضغطت المجلس هرّب مبارك بالطيارة على شرم علشان عارف ان محدش يقدر يروح شرم..
يا عالم أبوس رجليكم فوقوا واعقلوا وبلاش الأوهام دي
إذا كان جمال رفض ييجي
يبقى انتوا هتروحوا لحسني؟

Unknown said...

هو فرحان بنفسه اوى انه هرب الفلوس وظبط نفسه
بس دا مايمنعش انه غبى غبى يعنى لانه كده استفز الناس اكتر واخرته سوده باذن الله

mohandsmasry said...

هو ده اللى عاوزه بالزبط تعملوه عاوز يولع البلد الفلول والمرتزقة رايحيين وانتوا عاوزين تروحوا وكلو يضرب فى كلو والجيش مش هايخلى حد يقرب منه وتبقى حرب بين الناس والجيش فالوسط يضرب ويضرب هو هايلاقى احسن من كدا ايه تانى شوية عقل يا عالم

مصراويه said...

انا كان نفسى من زمان ابلبط فى ميه شرم الشيخ النضيفه بدل الميه الوسخه بتاعه راس البر وبلطيم بشكرك يا بابا مبارك انك هتورينى اللى عمرى ماشفته
الحق انا بقى اعمل الشندوتشات