غدا موعدنا في المركز المصري

ان شاء الله بكرة ضروري الكل ييجي المركز المصري عشان نستعد لاتنين مايو

المركز المصري برضه في واحد شارع التوفيقية بس الدور الرابع
الحضور الساعة خمسة

النظام المصري النازي وأنفاق الغاز

بنفتح على عمال الانفاق غاز عشان نموتهم كأنهم صراصير ماشيين في البلاعة واحنا بنرشهم

طب يا اخي حرام عليك.. انت كده بتموت فلسطينيين ومصريين، طب افرض صحفي اسرائيلي حب يعمل مغامرة ومات، نعمل ايه بقى ساعتها؟ ما انت عارف الاشقاء الاسرائيليين متهورين

جريمة كترمايا كما وردت في صحيفة الاخبار اللبنانية

اللنك اهو، ايه جو الطوق والاسورة ده؟

لا مؤاغزة

مش متعودة أعمل كده عشان باتكسف بس ده ظرف استوسنائي

في الدستور النهاردة وبكرة وبعده ان شاء الله كاتبة عن اتنين مايو عشان باعمل عرض للدراسة اللي مقدمها الخبير الاقتصادي احمد النجار

لانها دراسة مهمة جدا

عموما لو مش عايزين تقروا اللي كتبته في الدستور يستحسن برضه تقروا الدراسة نفسها اهي

2 مايو

معادنا يوم 2 مايو الساعة تلاتة العصر امام مجلس الوزراء

برادعي تايه يا ولاد الحلال

خير اللهم اجعله خير؟

هو ناوي يرشح نفسه رئيس مصريين المهجر في امريكا؟ وللا التانيين مستحميين وواكلين واحنا عفشين مثلا؟ 

هو بيعمل ايه في امريكا بالظبط؟ بيدي محاضرة ويقابل المصريين اللي في امريكا عشان يغنوا اغاني ام كلثوم القديمة ويعيطوا ويعملوا طعمية معفنة ما تتاكلش؟ 

ده حتى مش عايز يستغلنا ويبرشط علينا.. يستغلنا احنا راضيين، مستعفنا ما كان يقول، معلش احنا معفنين نعمل ايه طاه؟ جعانين واقصى احلامنا 1200 جنيه حد ادنى ومتربين من التلوث ووشنا محبب ومجدر من المية الوسخة اللي بنشربها

نعمل ايه طيب؟ ماهو لما ربنا يكرمنا ان شاء الله حنحلو وعينينا تخضر وشعرنا يصفر ثم احنا لقينا مية نضيفة وما استحميناش؟ 

عاجل: القبض على عصام شعبان وحمادة الكاشف, اثناء تعليقهم ملصقات للدعوة لإعتصام 2 مايو

تحديث الساعة 1:11 27 ابريل 2010
العيال خرجوا الحمد لله
وده نص تويتة مالك:
أسف للتوترات اخلاء سبيلهم من قسم عابدين خلاص وهم ع الاسفلت واضح ان الزفه جابت نتيجه وقالوا لم الدور ياجدع

تحديث الساعة 00:57 27 ابريل 2010
اعلان الطوارئ بمركزي هشام مبارك و المصري للحقوق الاقتصادية, وعلى المحامين الراغبين في التطوع الحضور باكرا غدا, الدعوة بعد قليل على الموقعين
تحديث الساعة 00:53 27 ابريل 2010
وصول المحامين لقسم عابدين, والقسم يخبرهم بعدم وجودهم لديه, وذلك يعني انهم تم ترحيلهم لأمن الدولة
من مالك برضه
---------------
الخبر لسه جاي على التويتر من مالك

الا انا ما سمعتش من الضكاطرة حاجة يعني

منظمة الصحة العالمية اديلها شهر اهو اعتذرت عن البوليكة اللي عملتها على انفلوانزا الخنازير وتطعيماتها وقالت انها اساءت التقدير وان الموضوع مش اكتر من انفلوانزا عادية بعد ما اصابت الناس بالفزع وفيه ناس اخدت التطعيمات والدول اتكلفت اموال طائلة

ما سمعناش حس بقى للضكاطرة لا مؤاخذة من غير زعل كده الدلاديل اللي كل ما ضاكطور خواجة يطبل لهم وهم يتحزموا ويرقصوا على طبلته ويتعاملوا معانا على اساس انهم اللي راحوا اتعلموا في البندر واحنا اللي خريجين الكتاب

مش الامانة تستدعي يا حضرات انكوا تعتذروا عن الاستهزاء بينا والتطبيل ورا منظمة الصحة اللي بعد ما الناس اتطعمت واتدبست في الفلوس قالوا: اخخخخخ.... الطبلة طلعت مهوية؟ مافيش حد خالص من بتوعنا اعتذروا، ومن ضمنهم خالد منتصر واحمد خالد توفيق بدون ذكر اسماء.. ولما سألت على التويتر ايه يا ضكاطرة ماحدش نطق يعني بعد ما منظمة الصحة العالمية كسفتكوا

ميدو قال لي: هو انت شفتي حد اتطعم يعني.. في مصر نسبة التطعيمات كانت قليلة قوي

ومينا قال لي: خلاص بقى ما تحرجيناش

خلاص مش حاحرجكوا.. بس تاني مرة بلاش والنبي دور شكري سرحان في فيلم قنديل ام هاشم ده عشان احنا مش سميرة احمد

الحمد لله جات سليمة عندنا ونسبة التطعيم كانت حاجة بسيطة

كويس اننا لسه بنخاف... 

هو الموضوع قديم.. بس طلبت معايا اغلس على المسا على الناس اللي عاملة بورمجية ونازلة تنظير وبتقرفنا  

قائمة العار والشنار افضحوا تلاتين اللي خلفوهم

اساسا هاذوها المجموعة  المتسولة رايحة تجتمع بالسفاح قتال القتلا يوسف شعبان في فيلم زقاق المدق القذر الوسخ اللي اسمه اوباما اللي حتى جورج بوش كان احسن منه على الاقل مش نصاب وما غررش بينا بعد ما سلبنا اعز ما نملك

انا قريت الخبر على المصري اليوم

وميدو سأل سؤال وجيه.. ليه المصري اليوم ما قالتش ان اوباما دعا اسرائيل للمؤتمر ده؟ 

والخبر اهو في الدستور

المهم يعني

هم خمستاشر شخصية وان شاء الله نخلي اللي ما يشتري يتفرج عليهم

متسولين ومتصهينين كمان؟ اختصر وقول شامبانزي

عارفين بقى بعد ما نعمل لهم الفضيحة ييجوا يتمسكنوا ويعملوا غلابة ويقولوا والله ما كنا نعرف اصل اصل اصل فصل فصل فصل وشغل السهوكة ده زي اللي كل اللي بيروحوا يتسولوا ويرجعوا يعملوا غلابة حاطلع تلاتة

اختار

يا متسول يا محترم

عايز تبقى متسول وقذر ما تطلبش تبقى محترم الدنيا ما بتديش الانسان كل حاجة 

مؤتمر زي ده اليهود المعادين للصهيونية يرفضوا يحضروه، الامريكان اللي ضد الغزو يرفضوا يحضروه اي حد محترم يرفض يحضره ايا كانت جنسيته

ده اسمه تسول.. وتسول بقذارة كمان
رايحين يعملوا ايه؟ رايحين لاوباما يدخلهم في عبه عشان يحمي مبارك؟ 
الاسماء اهي.. تصييح بقى:

1- حلمى أبوالعيش،

2- وإيمان بيبرس،

3- ومحمد الصاوى،

4- وعبدالمنعم الرفاعى،

5- وعبير سليم،

6- وأيمن عصفور،

7- وعمر جوهر،

8- وهالة بركات،

9- وهالة السيد،

10- وحسن الخطيب،

11- وكريم فانوس،

12- ومحمد حنو،

13- وماجدة إسكندر،

14- وشريف بطاطا،

15- وفيفيان نوير

نحو حركة شعبية ديمقراطية من اجل التغيير

رجاء قراءة البيان هنا ونشره على اوسع نطاق

يلعن ابو اشكالكوا على ابو اشكال اللي بتهنوها بعيد الطين على دماغكوا

اولا انضم للجروب ده لاسقاط عضوية نقابة المحامين من موريس صادق

ثانيا.. مبارك وموريس صادق منقيين التوقيت ده بالتحديد يهنوا فيه زفتة بعيدها

طب اقول ايه؟ فيه حاجة تتقال؟ مافيش حاجة تتقال صح؟ مبارك كل سنة بيهنيها الحقيقة، باع لها البلد يعني مش حيهنيها؟.. بس السنة دي بالذات؟

طب هو ناوي يمشي وللا ايه؟ مش كفاية كده؟ 

اعطني حريتي اطلق يدياااااااااااااااااااااااااااااااااااااااااااااااااا

انني اعطيت ضرائب ما استبقيت الحد الادنى للاجور

اه من قيدك فضحتني

فضحتني

هو ما زهقش؟ طب نعمل ايه؟ نسيب البلد ونمشي احنا يعني وهو يعمل تعديل دستور وينتخب الشعب اللي هو عايزه ويبقى يقابلني لو لقى غيرنا يعرف يستحمله

اه ملحوظة: 

هو ليه موريس صادق بيتقال عليه المسيحي اللي هنا اسرائيل؟ 

هو حد قال على علي سالم المسلم اللي راح اسرائيل؟ 

ليه فيه ناس بتحب الكاميرات اكتر من البني ادمين؟

يوم 2 مايو هو يوم مطالبتنا كلنا كمواطنين عاملين بحقنا في تنفيذ حكم قضائي لصالحنا بوضع حد ادنى للاجور

وحيبقى قدام مجلس الوزرا

اعتصام

مش مسيرة

اعتصام

مش مسيرة

اعتصام

مش مسيرة

والمطلب: تنفيذ الحكم القضائي بوضع حد ادنى للاجور او المطالبة باستقالة حكومة نظيف

وعايزين كلنا نروح الوقفة دي لان ده اكل عيشنا واللي عايز ينزل يتضامن معانا من الناس اللي ما عندهاش معاناة في اكل العيش يتشال على العين والراس، في المطلب ده

عشان احنا ناس غلابة، والناس الغلابة فاتحة بيوت ونازلة عشان اكل عيشها

ليه ناس عايزة تركب على كتاف الغلابة وتضرب لهم اليوم اللي بيحضروا له بقالهم شهر ويعرضوهم للخطر؟ 

ليه؟

ليه؟ 

ليه؟ 

ليه فيه ناس ما يهمهاش غير انها تطلع تتصور في التلفزيون وفي الجرايد وتسجل مواقف على قفا غيرها؟

ليه فيه ناس عشان مش عارفين يحشدوا الناس ويكسبوهم لصفهم بيركبوا على كتاف شغل ناس تانية في قضية تانية؟

تعديل دستوري ايه؟ الوقفة دي مش عشان التعديل الدستوري دي عشان الحد الادنى للاجور، دي عشان اكل العيال وكسوة الصيف والشتا ومصاريف المدارس والمواصلات

احنا مطلبنا مشروع، وواخدين بيه حكم قضائي، ومش عايزين اي حاجة وحشة تحصل، وماحدش يقدر يمسك علينا حاجة، لان دي وقفة سلمية وفي ايدنا ورقة مختومة بختم النسر

ليه الناس يدوا فرصة للامن انه يدبح الناس في الشارع عشان يطلعوا هم في الجزيرة يمسحوا دموعهم يا امال؟

وليه يشتتوا الناس؟ الوقفة قدام مجلس الوزرا

مكرم عبيد ايه اللي حيعملوا منه مسيرة لحد مجلس الشعب؟ هم بيصيعوا وللا بيهرجوا وللا بيستعرضوا وللا متعمدين يضربوا اليوم؟ 

وعلى راي ابراهيم الابيض: بعتني بكام يا عشري؟

دول مجانين دول وللا عاقلين؟

بقى الواحد عمال يدافع عنهم ويشتم في هتلر وهم بهبلهم يطلعوا هتلر صح ومعاه حق؟

الحمد لله.. مش احنا بس اللي محتاجين حد ادنى من الاي كيو

الراجل ضحك عليهم بكلمة الاي كيو العالي عشان عارف ان عندهم عقدة نفسية من ايام النازي ولهاهم فيها وهو بيتكلم عن امراض اليهود وبيقول انها مش ممكن ابدا تتعالج ولا يتم محاربتها جينيا "اصلها ساعات بترفع الاي كيو"!!! ايه الاوبسشن بتاع الاي كيو ده؟ انتوا عارفين قائمة امراض اليهود دي ايه؟ مناخوليا وشيزوفرينيا واعاقات ذهنية مختلفة وذهان... الراجل طالع يقول للعالم اليهود كلهم مجانين والتانين بهبلهم فرحانين بحتة الاي كيو اللي اداها لهم يلعبوا بيها
!!!!!
من ستين سنة لو كنت قلت ان فيه حاجة اسمها الدم اليهودي كانت الناس اعتبرتك نازي
دلوقت طلعوا جين يهودي.. الناس دي هبل وللا بيستهبلوا؟ حد في الدنيا يقول انا منتمي لاسرة بشرية عندها جين الجنان؟ ده معناه ايه ده؟ لما يقول الجين ده موجود في اليهود وبس ويا اما يطلع الواحد عبقري يا اما يصيبه بامراض اليهود؟ هم ما بيفهموش الكلام اللي بيسمعوه؟ ده معناه ان اليهودي اللي مش عبقري اكيد يا اما مجنون يا اما بيعاني من اعاقات ذهنية
الولية ام شعر منكوش اللي قالت اسرائيل دي مشروع نازي الظاهر معاها حق.. مع انها بتبرق
الخلاصة.. الراجل اللي في الفيديو ده واسرائيل مستضيفاه بيحاول يثبت اللي هتلر قضى عمره كله عشان يثبته.. ربنا لما بيغضب على انسان بيسلط عليه مخه فعلا
وايه هوس الاي كيو ده؟ ها؟ 
اولا: نظرية الاي كيو مش هي الحقيقة المطلقة فيما يخص القدرات الذهنية للانسان وفيه نظريات تانية بتفندها وبتفند فكرة تحديد ذكاء الانسان بكام مسألة حسابية على كام جملة لغوية على كام شكل هندسي على كام مسألة منطقية 
ثانيا: نظرية الاي كيو مرتبطة بنسق التعليم مش بالذكاء الفطري، يعني لازم تكون متعلم على النسق الغربي عشان تعرف تحل اختبار الاي كيو، لو مش خريج مدارس ارسالية او انترناشونال هنا في مصر مش حتعرف تحلها، وما اظنش ابدا ان حد يقدر يقول ان خريج المدارس الحكومة اغبى من خريج المدارس الانترناشونال والا يبقى انضرب في عقله
ايام ما كانا بناخد في علم النفس نظرية الاي كيو ووقفت قلت للمدرسة ده كلام ما يدخلش عقلي لانه بيقول ان المتعلمين بس هم اللي اذكيا واللي مش متعلمين اغبيا ثم اصلا مافيش بني ادمين اغبيا فالمدرسة طردتني طبعا
لو واحد ما دخلش مدارس خالص، وطول حياته تدرب على لعبة الشطرنج اللي كل الناس بتعتبرها لعبة ذكاء لحد ما تفوق فيها، لكنه ما اتعلمش يقرا ولا يكتب ولا اتعلم مسائل حسابية ولا اخد فيزياء ولا كيمياء ولا هندسة في المدرسة، حياخد المركز الاول في مسابقة الشطرنج، بس لو عملت له اختبار اي كيو حيطلع انه معوق ذهنيا

ثم انا مصممة ان الغباوة غباوة قلب.. بدليل ان عالم اهو وبيثبت نظريات النازية عشان عنده غباوة قلب

ثالثا: هو الاي كيو هو اللي بيحدد الانسان كويس وللا وحش وعلى اساسه يبقى من شعب الله المختار وللا لا؟ 

افرض الاي كيو بتاعة مية وتسعين وبتحرق العيال الصغيرة، وبتموت الناس، وبتسرق وبتفتري

رابعا: ايه حكاية الدي ان ايه دي؟ هم اتجننوا وللا ايه؟ البني ادمين كلهم لهم اصل جيني واحد، ومشتركين جينيا كمان مع القرود والخنازير، انا سمعت كتير وقليل عمري ما شفت ناس بيحددوا هويتهم بالدي ان ايه غيرهم

خامسا: يبعدوا عننا..احنا مالناش دعوة بالكلام النازي ده، دي ان ايه ايه وافارقة ايه وعرب ايه وهبل امهم ايه ده؟ وزاهي لحواس عايز يدخلنا احنا كمان في الموال ده ويعمل دي ان ايه للموميات اللي هو عمال ينبش قبورها لما حيموت مبربش ان شاء الله من عمايله في جتت الخلق ويعمل لنا احنا تحليل دي ان ايه.. احنا مالنا احنا بالكلام ده؟ لو ما سكتش حاطلع عليه اوشاعة انه صهيوني وجاسوس وعنده حبر سري وراديو من بتوع رافت الهجان

--------

الكلام ده مش هايف ومش مش مهم، لان على اساس الهجص ده بيتخذوا قرارات سياسية.. نصحى شوية، نصحى شوية، نصحى شوية، نصحى شوية

فين علماءنا بقى جتنا القرف

العلم مش موضوعي يعني عشان نقعد فاتحين بقنا ومستنيين غيرنا يشتغل لنا، العلم زي اي مجال تاني بيعكس ثقافة واخلاقيات وقيم الشخص اللي بيقوم بالبحث العلمي

المفروض نعمل ابحاث تعكس اخلاقياتنا، والمفروض يبقى عندنا اخلاق

اعتصام الحد الأدنى من الاجور يوم 2 مايو

اعتصام اتنين مايو للاستجابة للامر القضائي او الحكومة دي تقدم استقالتها

دي المجموعة على الفيس بوك

العمال واخدين حكم قضائي لالزام الحكومة بوضع حد ادنى للاجور... والحكومة كسرت كلام القضاء، والعمال ناويين يعتصموا اعتصام مفتوح بداية من اتنين مايو عشان حكومة نظيف تنفذ الحكم او تستقيل

وانا مع العمال ان شاء الله

وانتوا كمان لازم تبقوا مع العمال... شاركوا معانا عشان نبقى احنا السلطة التنفيذية للقضاء

العمال اجدع ناس.. ولازلت مصممة انهم مبروكين ومكشوف عنهم الحجاب

عشان العمال هي الفئة الوحيدة اللي بتحافظ لنا على بلدنا على ارض الواقع ما نصحاش نلاقي نفسنا بنلم بؤجتنا ورايحين لاجئين عند الجيران لان البلد اتباعت والشاري عايز يقلب البلد مول

ماحدش ماسك في البلد غيرهم، واحنا لازم نمسك معاهم... دلوقت اللي العمال بيعملوه هنا في مصر زي اللي حزب الله بيعمله على حدود لبنان بالظبط.. مافيش اي فرق

احذروا من رسائل الخارجية الاسرائيلية

في شهر يوليو 2009 حاول ليبرمان انه يستخدم صورة امين الحسيني مع هتلر عشان يحطنا في موقف دفاع وكان بيوزعها على السفارات

طبعا انتوا عارفين دي محاولة للغلوشة على اللي حصل في حرب غزة واستياء العالم من اسرائيل 

المحاولة لانها كانت فجة قوي فشلت ومسلمين وعرب كتير عملوا هيصة وبوليكة فحبط كيده

وطبعا ليبرمان مش حيسكت واذا كان هو غبي مش وراه اجهزة غبية

بعدها على طول مباشرة، وبعد حوالي شهر من فشل محاولة ليبرمان انتشر على النت رسائل مكتوبة بالعربي تبدو وكأن اللي باعتها مسلم بتشكر في هتلر وبتقول عليه انه مسلم ومركبين كمان صور ان الجيش الالماني كان بيصلي ههههههههههههههههه

بس دي جامدة كيك على فكرة

وفيه فيديوهات كمان على اليوتيوب بتقول كده

!!!!!!!!!!!!

اللي حيقول لي ان دي مصادفة اديله عنوان بيتنا ييجي عشان انا مكسلة انزل، لان ليا مزاج ارميه من الشباك

الرسائل دي من الخارجية الاسرائيلية واللي عملها صهاينة، لكن اللي وزعها واللي علق عليها واللي فرح بيها واللي وقع في فخها مسلمين وعرب لان احنا بنطالب بحد ادنى للاجور وما طالبناش لسه بحد ادنى للاي كيو 

في حال ما اذا وصلتك الرسائل دي رد عليها بريبلاي اول لكل المرسل اليهم واكشف حقيقة الرسالة دي وخد اللنك ده وفهم الناس ان دي رسائل من الخارجية الاسرائيلية

وحسبي الله في اللي يسيب الناس على غماهم وما يردش على الرسائل دي ويعرف الناس الحقيقة
اه.. ونسيت اقول لكوا.. كمان خدوا اللنك ده وانشروه على اوسع نطاق وده بقى ان شاء الله اللي انا ناوية فعلا اترجمه
كتيب اسمه التعاون النازي الصهيوني بيثبت بالوثائق تعاون الصهاينة مع النازي عشان يفزعوا اليهود ويحسسوهم انهم في خطر حقيقي فيضطروهم للهجرة لفلسطين وكتير منهم ما كانوش صهاينة وكتير من اللي هاجروا اساسا ما كانوش يهود اصلا بس كانوا مضطهدين
وكمان اقروا كتاب فضائح بن جوريون وانشروا اللنك بتاعه بيكشف علاقة بن جوريون بايخمان وأيخمان يا عيني بعد ما اتبهدل بقى مذهول لانه كان صاحب بن جوريون وكان بينهم مراسلات
كمان النصب بتاع ربط النازية باضطهاد اليهود ده مش صحيح، الغجر اتحرقوا في محارق النازي والغجر معظمهم مسلمين
مدام هم لجأوا لرسائل الميل يبقى اكيد رسائل الميل مهمة، ومش اقل من انك ترد وتكشف الحقائق للناس، ده اقل واجب، كفاية ان كل دي مجهودات اليهود المعادين للصهيونية واحنا بننقل منهم ومش بنبذل مجهود غير في اننا يا نحب هتلر يا ننكر المحرقة ايه القرف ده؟

غدا جلسة الجدار بمجلس الدولة الساعة التاسعة صباحا ان شاء الله

والسفير ابراهيم يسري حيقول مرافعته ردا على الحكومة اللي بتقول انها من اعمال السيادة

ولما اقول اننا دولة نازية ماحدش يتني كلمة

الحزب الوثني النازيقراطي

لا... مش حتنزل المرة دي

مصر خلاص بقت دولة نازية وانتهينا

لما عرصات مجلس الشعب يطالبوا بضرب المواطنين بالرصاص الحي في الشارع يبقى احنا وصلنا لقمة النازية

وعشان تبقوا عارفين ان هوجة ماتش الجزائر توصل لوزير التعليم اللي بيهين الناس والتصقيف لوزير التعليم اللي بيهين الناس يوصل للدعوة لضرب المتظاهرين في الشوارع بالنار

وعشان تبقوا عارفين.. الدولة النازية لو ما صلحتش نفسها من خلال شعبها حييجي اللي يربيها من برة

كل الدول الفاشيست حصل لها كده، يا تصلح نفسك يا تترن علقة

ثم احنا يعني عالم متسولين يعني.. جايبين الالاطة والجبروت دول كلهم منين؟ 

عد معايا دلوقت لو سمحت:

1- العمال وبيتهم اتخرب

2- الزراعة وفيصت وبقينا نزرع لب ونستورد قمح من ايران اللي بنشتمها

3- الناس واخلاقها باظت من اللي هي شايفاه في حياتهم ومن فشلهم

4- العيال مش عارفين يمشوا على الكباري من غير ما يقعوا في الحفر ويموتوا

زي العيل اللي كان ماشي على كوبري راح واقع في النيل عشان الكوبري فيه خرم

5- راح اتخانق لنا مع كل محيطنا بدعوى "مصر اولا" و"مصر فوق الجميع" وانا مش لاقياها مصر اصلا هي فين؟ 

واستعدى علينا افريقيا والعالم العربي وكره فينا الحصى في الارض وثقلنا الاقليمي بقى خف الريشة لحد ما اثيوبيا اللي كانت في جيبنا اتهجت علينا وبتهدد انها تعطشنا وبتقول لنا حنبني السدود ولو مش عاجبكوا تعالوا احتلونا وورونا بقى حتعملوا ايه؟ عشان ايه؟ عشان اثيوبيا حليف استراتيجي لاسرائيل، يعني حتى لو فكرنا نحاربهم حناخد علقة ما اخدهاش حرامي في مولد ومش بعيد اثيوبيا هي اللي تحتلنا

6- حتة ماتش كورة عمل لنا منه كارثة قومية

واخرتها

واخرتها

واخرتها

عايزين يضربونا بالرصاص في الشارع.. قال ايه عشان حدفوا البوليس بالطوب

وحياة امهم؟ ومتظاهرين الجزائر اللي عوروا 35 فرد شرطة؟ كانوا حلوين دول وما يستاهلوش الضرب بالرصاص

انا مش حاشتمهم.. خلاص.. اصل حاشتمهم بايه اكتر من اللي ربنا عامله فيهم

انا حاشتمنا احنا... اتفو علينا لو خلينا الناس دي على راسنا بعد كده

هي الاشكال دي لسه عايشة؟

ده واحد... انا مش عارفة اصنفه، بس انا متأكدة ان ده حداهم في البلد يحتبر زي العسكري اللي معاه دبلون في سرس الليان عندنا كده

هاذوها الانسان قاعد لنا على التويتر يفتي فتي خرافي، وكل شوية يروح فاقع لنا تويتة ذات صوت ورائحة وفتافيت كمان

ماشي.. هو حر القعدة حرية يعني

انما يوصل الامر انه يدخل حمام الجارديان ويخلي ماسورة المجاري تطفح بفتيه في الشأن المصري وهو معلوماته عن الشأن المصري تشبه بالظبط معلوماتي عن الشأن الكوري من خلال متابعتي لمسلسل اغراء زوجة اللي فيه البت انتقمت من حماتها بانها ما طبختش وطلبت اكل ديلفري؟

انا ما عنديش مشكلة في الفتي والله... عادي ما يفتي هو حر، زيه زي اللي تسأله على شارع فيجاوبك: هو قالك فين؟

انا بس اللي مضايقني عدة اشياء:

1- انه فعلا حداهم في البلد مفهمهم انه هو اللي جايب لهم التايهة عشان يفهموا العقل العربي الغريب اللي مكون من بنطلون سندباد وقصة علاء الدين

2- هي لسه العقلية دي مسيطرة على الانجليز؟ تاني؟

a passage to india

تاني؟

طب ده كان ادب الاستحمار في القرن التسعتاشر واوائل القرن العشرين هم مش حيفوقوا بقى من اللي هم فيه ده ويصدقوا اننا بني ادمين زينا زيهم وان فصوص مخنا مافيهاش ضمور ولا حاجة واننا مش عايشين في الاحراش ولا قاعدين على فرع الشجرة بناكل موزة؟ وان مافيش اختراع اسمه العقل الغربي والعقل الشرقي والعقل العربي؟

twisted arab mind

كما كان يشاع في فترة الاستحمار لحد ما احنا نفسنا يا عيني اقتنعنا اننا كائنات فضائية

المفاهيم دي فيها خطورة لان اتبنى عليها تبريرات

the white man's burden

حمل الرجل الابيض في النهوض بالعقول العنكبوتية اللي زي عقولنا اسم الله عليهم، مش ممكن الاستعمار خلص ولسه فيهم ناس بيفكروا كده وكمان بيتنشر لهم في الجارديان مش جرنال تحت السلم ولا حاجة

انا رافضة المفاهيم العنصرية دي... مش عشان النوعية اللي بتفكر كده صعبانين عليا وعايزة اوعيهم، دي ناس بتسترزق اصلا، واللي بيصدقهم بيصدقهم بكيفه، كل واحد عقله في راسه يعرف خلاصه وكل واحد ربنا اداله عقل يفهم بيه الناس كلهم زي بعض وبني ادمين، عايزين يستحمروا نفسهم بارداتهم هم احرار، احنا كمان بنستحمر نفسنا في حاجات كتير بارادتنا، زي وهم ان الطفل المصري اذكى طفل في العالم، ده لسه فيه ناس كتير مصدقة الاوشاعة دي ويقولوا لك: بحث اثبت ان الطفل المصري اذكى طفل في العالم.. طب فين يا عم البحث ده؟ مين اللي نشره؟ مين المؤسسة اللي عملته؟

موجود موجود

ماشي

بس انا كمان من حقي ارفض الاهانة

الافندي باني افتراضات وهمية قراها في ادب القرن التسعتاشر بتاعهم وعلى اساسها بيدينا اوامر بوصفه البيج براذر والمعاتيه في الجارديان بينشروا له البراز ده

3- الراجل بياكل عيش... ممكن ياكل عيش بعيد عننا؟ احنا مش ناقصينه هو كمان، مش ناقصين واحد يقب لنا في الجارديان ويدينا اوامر ويشوه سمعتنا هنا ويخلي واحد زي غضب الله كمان يستغل مقاله ده عشان يتهمنا بالعمالة لمجرد ان افندي حمار مش فاهم طظ من سبحان الله عنده غازات فكرية على اثر قراءة بيض ممشش في الادب الانجليزي

وعليه

طبعا احنا مش حنوصل للجارديان، ولا حنطالب بمنعه بسبب غباءه زي ما وائل خليل اقترح، لاننا لو حنمنع الاغبيا كان زمان نص العالم اخدوا اعدام

بس احنا لازم نتنبه للناس اللي بتاكل عيش في بلدها على قفانا ونديهم على قفاهم اول باول

وبناء عليه قولوا ورايا:

خيط بقك يا مايتون انت الابعد ما بتفهمش حاجة في حياتك

ومن هنا ورايح اي فتاي يفتح بقه يطلع تلاتة.. احنا مش ناقصين، الناس تتعجن في الشارع وكمان نلاقي اللي فاتح دكاكين واكشاك على قفانا

انا منهارة من يسري نصر الله

ازاي يسري نصر الله يعمل كده؟ ازاي؟ دي جريمة شنعاء جرداء لا زرع فيها ولا فتاء

بقى يوم ما يرد على علا السعدني ويورد مقتطفات من كلامها يقوم ما ينقلش المقتطف بامانة ادبية ويروح بمنتهى القسوة والقلب الجاحد يصحح في المقتطف الاخطاء النحوية والاملائية؟ ليه كده؟ ليه؟ ليه؟ ليه؟ ليه يقل مزاجنا ويضيع علينا الاستمتاع ويفسد علينا جملة زي:

"ولقد بحثوا في اصلا ووجدوا لها جد يهودي"

ليه تصلحها يا يسري؟ ليه كده يا يسري الغلاسة دي؟ منك لله.. انت مالك يا اخي انت مالك

ايوة يا علا.. هي كده صح يا حبيبتي، هي بحثوا في اصلا فعلا

وهو ما واتتهوش الشجاعة انه ياخد مقتطفات تانية طبعا، لان فيه حاجات ما تتصلحش اساسا لانها ابداع غير مسبوق ولا ملحوق ولا يمكن ان تشوهه الايدي الاثمة زي:

قصة أحداثه تدور في أمريكا أيضا ولكن امريكا في هذا المسلسل تختلف عن امريكا في مسلسلاتها السابقة حيث انها هنا مجرد مكان ضمن أماكن ولكن ليست في القلب وإنما في تصوير المسلسل


وفيه جملة تانية:
فلطالما كانوا ومعظم الغرب يرددون الكلام عن الحرية ويبدو أنهم لا يفهمون من معناها إلا حريتهم هم وحدهم بدليل أنهم يؤمنوا بها إذا جاءت منهم أما إذا رفضنا نحن ما يفرضوه علينا أعمالا لحقنا في الحرية أصبحنا في نظرهم متطرفين ومعادين للحرية وللسامية وكل هذه المصطلحات الكبيرة التي يراد بها الحق بينما هي لا تنطق الا بكل ما هو باطل‏..‏ باطل‏..‏ باطل‏.‏

جامدة جامدة، بالذات المصطلحات التي يراد بها الحق دي


لالالا وللا دي:
لكن هذه المكالمة التي جاءتني بعد آخر مقال كتبته لم تكن ابدا عادية مثل سابقاتها خاصة وانها لاستاذنا مفيد فوزي الذي لم تمنعه أستاذيته وأهميته الكبيرة كصحفي كبير ومحاور شهير وما استوقفني أمام مكالمة الأستاذ مفيد هو الدرس الذي تعلمته ويجب ان نتعلمه جميعا‏,‏ نعم مكالمة أستاذ لتلميذ أو تلميذة اللي هو أنا تعتبر درس في حد ذاته‏,‏ درس لعدم التكبر‏,‏ درس في الاهتمام بكل شئ ودعم وتشجيع الكبير لأي صغير يري انه موهوبا‏,‏ درس لصلة الرحم بين الأجيال‏


وفيه حتة الموزة دي..افتح بقك ها..هااامممم:
عادة ما أتلقي مكالمات أو خطابات أو إيميلات تعلق علي ما كتبته ليست كلها مدحا فأغلبها يكون ذما واحيان ما شتيمة وهذا كما قلت عادي وطبيعي لي مثلما هو عادي وطبيعي لغيري ايضا.


---------
ولهذا ولكل هاتيك المجالي اطالب يسري نصر الله اللي صلح لها مقتطف واحد انه يصلح الباقي لو يقدر
هأو.. ابقى قابلني.. طب لو جدع يقول لي حيعمل "احيان ما" دي ايه؟ "درس لصلة الرحم بين الاجيال"؟ "درس لعدم التكبر"؟ حيعمل ايه في الجمل اللي هي بتبتديها وبتسرح ومش بتكملها؟ حيحط لها جمل من عنده؟ وبعدين مين اللي فهمها ان الميلات اللي توصلها وتبقى اغلبها شتيمة ده عادي وطبيعي وبيحصل مع كل الناس؟ لا مش طبيعي.. عادة الميلات اللي توصل بتبقى المفروض غالبا ناس بتحبك يا علا، في القليل ناس تبعت تشتمك كل فين وفين، ده المفروض.. وللا ايه؟ طب كل الميلات الشتيمة دي ما اوحتلكيش بحاجة خالص؟ ثم جملة زي دي يسري نصر الله ممكن يعمل فيها ايه؟
انا متأكدة ان مفيد فوزي لما قراها قرر يتصل ويسمع بنفسه الانسانة دي ممكن تكون بتتكلم ازاي؟ ومش بعيد يكون طلب تبعت له صورة على ايميل حنان عشان يحاول يستوعب
مبسوطة قوي اني لقيتها، واشكر الفنانة بسمة، والمناضل يوسف درويش اللي لولاهم ما كنتش عترت في الضرة المسونااااا والقوهراااا المقنونة دي ابدا، البني ادم النافع بيبقى نافع في كل وقت والله وفي كل مناسبة
ومتغاظة قوي من يسري نصر الله انه شوه المقتطف اللي اخده منها بالطريقة دي
ماهو بقى يا اما كان يصحح المقال كله يا اما ما يقلش مزاجنا ويضايقنا ويعمل لنا اصطدان في النفسية على اساس العاطفة
انا ما كنتش باقراها، بس حاتابعها بقى من هنا ورايح
دي لقطة

والله عال

تحديث:
الكاتبة العمصاء دي مش بنت حد، يعني اسمها علا السعدني كده بس خريجة نحن الامنية
مين اللي بتقول لحفيدة يوسف درويش استري نفسك؟ ادي اللي كان ناقص

ما بقاش الا النظام اللي نايم مع اسرائيل ومخلف منها دستة عيال في الحرام يسلط دلاديله يلسنوا على يوسف درويش اللي اتبهدل عشان معارضته لكامب ديفيد

اسفخص على اشكالكوا

اقروا الكتاب ده ضروري

اتصرف.. الكتاب ده تحمله وتقراه، هو بالانجليزي، ما بتعرفش انجليزي شوف اي طريقة تترجم بيها الكتاب وتقراه

لازم لازم لازم، لما اخلصه ولو ربنا قدرني اترجمهولكوا

ده كتاب اسمه اختراع الامة اليهودية، اللي كاتبه عالم تاريخ اسرائيلي، يعني حلال تحمل كتابه ببلاش هع هع هع 

لا والله، راجل لطيف يعني، هو مش صهيوني، هو اتولد في اسرائيل ولقى نفسه اتدبس التدبيسة دي، شيوعي هو، وصاحب محمود درويش وكان قعد برة اسرائيل فترة لانه لما كان لسه شاب ورور شارك في حرب سبعة وستين وحصل له تأنيب ضمير من قتل الناس وفضل يسكر ويعيط وبعدين طفش من اسرائيل ورجع تاني عشان الدور اللي هو بيعمله ده

محمود درويش كان قاله قبل ما يسافر كده، قاله خليك وقاوم الصهيونية اللي زيك يساعدنا اكتر، المهم رجع

هو بس فيه نقطة، الكتاب ده ضد العنصرية، فاي حد عنصري يا عيني حيتضايق منه اخر حاجة وبتوع القومية المصرية دماغهم حتولع وكده يعني، بس هو بيبين ان القوميات دي اكذوبة واوهام، وان مافيش حاجة اسمها امة يهودية، وان الفلسطينيين هم اللي جدودهم يهود واليهود اللي دلوقت مالهمش اي صلة بفلسطين، وبيثبت ده بالبحث العلمي، وطبعا بيتطرق لكل القوميات بشكل عابر

بس احسن.. العنصريين وبتوع القومية المصرية بقى يقروا الكتاب ده عشان يشوفوا قد ايه هم بيساعدوا الصهيونية

المهم، الكتاب تقروه، ما تستنوش لاني ممكن اكسل وما اترجموش، انشالله تترجموا الترجمة المعفنة دي بتاعة جوجل، زي بعضه احسن من مافيش

امين ام الاهلي

بس هه

تعذيب بهاء صابر بوحشية

شفت الصور امبارح وحتى ما اقدرتش اعمل بوست اتقلبت نمت

ومش قادرة انزل الصور دلوقت، الصور عند اميرة الطحاوي، بس اهدا وانزلهم عندي

رجاء التضامن وارسال ايميلات

رجاء التوقيع هنا

الفيديو ده جالي من مها

دول طلبة عبروا عن نفسهم قدام مايكل اورين، وكانت النتيجة انهم مهددين بالفصل ومتوجه لهم تهم

غريبة، مع ان العيال الاوساخ اللي وقفوا يصوتوا لنجاد في مؤتمر الامم المتحدة ما جرالهمش حاجة خالص

رجاء ارسال ايميل للتعبير عن الغضب من تصرف الجامعة وللتضامن مع الحداشر طالب دول على الميل ده

chancellor@uci.edu

امال بس فالحين يقتلونا كده عشان يعلمونا الديمقراطية؟

واتعلموا تتضامنوا عشان لما يحصل لنا حاجة نلاقي اللي يتضامن معانا ما نترميش في الزبالة من قدم السبت لقى الحد قدامه

اخلاء سبيل بهاء صابر بكفالة خمستلاف جنيه

 تحديث 17:08
بهاء خرج بالسلامة.. ومتبهدل خالص.. احنا حنسكت على اللي حصل له ده؟ 
حنسكت؟
ليه؟ كفالة ليه؟ ده اتشحور.. التفاصيل هنا
هههههههههههههه
صابر صابر مش طاهر.. معلش بقى

رسالة من الفنانة محسنة توفيق

صحيت من النوم لقيت طنط محسنة باعتة لي 13 رسالة بتقول لي اكتبي على لساني للبرادعي انه ما يسافرش دلوقت وان الحكاية ابتدت تزهزه ومش وقته تسافر دلوقت خالص وبالنص كتبت كده "مش من حقك" ما على الرسول الا البلاغ

حد يقول للبرادعي ما يسافرش

يسافر يعني ايه؟ احنا ما صدقنا سخنا والعجلة دارت

مسافر يعمل ايه؟ قال ايه مسافر عشان الجالية المصرية في امريكا

ومالها الجالية المصرية في مصر؟ احنا محتاجينه هنااااااا، ما ينفعش يمشي ويسيبنا وكل ما نسخن يختفي من الصورة ونرجع نتبط تاني

انا كل املي ان مدام العجلة دارت يبقى ما حدش يستناه موجود او مش موجود

بس انا عارفة ان ده احتمال وارد لكن مش اكيد... ده عامل زي اللي سايب مراته بتولد ورايح يقدم لابنه في المدرسة، مش يستنى يشوفها حتولد وللا حتموت في الولادة؟ مش يشوف حتولد واد وللا بت وللا قرد؟ مش يبقى جنبها؟ 

خلاص

عموما.. احنا نركز وما نهمدش ولا نتبط

ولو حد عرف يقنعه انه مش كل شوية يخلع مننا ويروح يريح اعصابه بعيد عننا يبقى كتر خيره والله

ده لحد دلوقت ما نزلش ولا اعتصام عمال واحد يا ناس

صور بهاء صابر بعد التعذيب

الصور من مدونة سامية بكري

بهاء في قسم الازبكية في حالة سيئة جدا

كلمة واحدة حارد بيها على اللي حصل النهاردة

 
تحديث: ابحث مع الشعب: موسوعة الجلادين
تحديث: بهاء صابر في قسم الازبكية والمأمور بينكر

لحظة اعتقال بهاء صابر الذي لا نعلم حتى الآن اين هو

سلامتك ياما يا مهرة

يا حبالة يا ولادة

يا ست الكل يا طاهرة

------------

ما زلنا لا نعلم مكان بهاء صابر حتى الان

بس مش حنخاف يا نظام فاشل

مصر منورة بأهلها

ان شاء الله يوم 2 مايو قدام مجلس الوزرا التفاصيل هنا

مظاهرة كفاية عند النائب العام

تحديث 16:22
اول فيديو للمظاهرة وان شاء الله الباقي جاي
ان شاء الله يوم 2 مايو فيه وقفة بس مش عارفة الساعة كام ولا فين حاعرف واقول لكوا

تحديث 16:10

المركز المصري للحقوق الاقتصادية والاجتماعية,يطالب المحامين بالتوجه الى نيابة شمال القاهرة في العباسية,لحضور التحقيق في الاعتداء ع المتظاهرين

تحديث 15:56
العربية اللي اخدت بهاء صابر تاكسي م ط ر 379
تحديث الساعة 15:19
بهاء صابر اتقبض عليه وانا سامعة صوت سرينة من عندي هنا في لطفي السيد
تحديث الساعة 15:10
الناس العادية اشتركت في المظاهرة خلاص
تحديث: الساعة 15:08
ياااااا رب
قولوا يااااااااا رب
تحديث الساعة 15:01
الامن اغلق محطة مترو جمال عبد الناصر
ادعوا معايا: على رأي جدتي، ربنا لما يغضب على انسان يسلط عليه مخه
تحديث الساعة 14:56
الناس العادية اللي في الشارع ابتدت تضرب الامن


تحديث الساعة 14:42
قوات الكراتيه تضرب المتظاهرين الان
-----------
للاسف ما نزلتش لاني المفروض كان عندي شغل الصبح وبعدين نازلة دلوقت

لكن الاخبار لحد دلوقت قبل ما انزل: المظاهر تخطت الالف والحمد لله

الامن ضرب المظاهرة وقبض على اربعة وحطهم في تاكسي رقمه 

379 القاهرة

والاعتداء على د.محمد البلتاجي نائب مجلس الشعب اخوان

وضرب جانيت عبد العليم

وتحيا الوحدة الوطنية

الاخبار من مالك مصطفى اللي ما بيحبش حد يجيب اسمه ههههههههههههه

على التويتر

وتفاصيل الضرب هنا

معلش.. الطلق حمي نستحمل شوية، وان شاء الله بعد كده مش حافوت اي حاجة، شغل ما شغل يولع الشغل

مصر بتولد

الحكومة سرقت تبرعات السيول ههههههههههههههه

بسم الله الرحمن الرحيم

السيد الأستاذ الدكتور / رئيس المجلس ...... السلام عليكم

أرغب في توجيه بيان عاجل للسيد رئيس مجلس الوزراء والسيد وزير التنمية المحلية

استيلاء الحكومة علي التبرعات لمنكوبي السيول

في الوقت الذي هب فيه المجتمع المصري وبعض الأشقاء العرب لمساعدة ونجدة منكوبي السيول وفي الوقت الذي عجزت فيه الحكومة عن علاج الكارثة والوفاء بالتزاماتها والقيام بمسئوليتها المفترضة نجد أن محافظ أسوان يستولي علي أموال التبرعات المخصصة لبناء مساكن للمتضررين بدعوي حمايتها ومخالفة الاستشاري في تنفيذ عمليات البناء

وأحب أن أقرر أن المواطنين المتبرعين لم يتبرعوا للحكومة ولا لأي مسؤل فيها ولا لإي جهة تابعة لها إنما تبرعوا لمن يثقون فيهم وفي قيامهم بالواجب الوطني وبأمانة مجردة

يبدوا أن بعض المسئولين عز عليهم أن تمر هذه الأموال من بين أيديهم دون أن ينالوا نصيبهم منها

المهندس الإستشاري ممدوح حمزة له سمعة عالمية - لم ولن يخاطر بها - وتعهد بالتصميم ووبالاشراف علي التنفيذ تحت مسئوليته الشخصية والمهنية فلماذا إعاقة التنفيذ ؟

لم نسمع أن الحكومة نفذت إلتزاماتها ولا تعهداتها تجاه المواطنين فلماذا عرقلة بناء المتطوعين ؟

إن ما يحث سيأتي بلا شك بنتيجة سلبية حيث ستقضي الحكومة علي أي مساهمات شعبية لآي كارثة قادمة نتيجة سوء تصرفاتها وفساد نياتها تجاه أموال المتبرعين

وفي ظل ما ينشر عن رشاوي وعمولات شركة مرسيدس العالمية التي تم الاعلان عنها مؤخرا ضد مسئولين مصريين كبار يبدو أنه مطلوب من المتبرعين { تفتيح مخهم } و تقديم نسبة محددة من التبرعات لزوم تمريرها بين يدي الحكومة ومسئوليها !!

نريد أن نعرف ماذا قدمت الحكومة فعليا لأهالينا المتضررين من السيول حتي الآن علي أرض الواقع؟

ولماذا تعيق الحكومة أعمال البناء من أموال المتبرعين للمتضررين بدعاوي مبتذلة غير مقنعة لآحد ؟

ما يحدث عيب فعلا , عيب ياحكومة !!

د حمدي حسن

نائب الشعب

10 -4- 2010

قائمة الشرف: مدونات كويتية متضامنة مع انصار البرادعي في الكويت

مدونة بالكويتي الفصيح

مدونة بنج موضعي
مدونة صندوق حمد
مدونة لماذا؟
مدونة الجابرية زحمة
بيان من الجمعية الكويتية لحقوق الانسان
مدونة اكس زومبي
مدونة منع في الكويت

وانا طلبت من اصحاب المدونات دي يدوني لنكات اكتر للمدونين الكويتيين المتضامنين عشان ننشرها

حد يسكت الانبا بشوووووووييييييييييييي

ايه يا ابونا ده يا ابونا؟

منين البرادعي كويس عشان الدول "المسيحية" وثقت فيه هههههههههههه ومنين ما ينفعش تقولوا على مصر دولة اسلامية عشان الدولة مش فرد بيعتنق دين؟

منين مبارك حامي حمى الاقباط ونقل الاقباط نقلة نوعية بعد الاجرام اللي عمله السادات ومنين رضيتوا بالهم والهم مش راضي بيكوا

ده اللي هو احنا الهم؟ هههههههههههههههههههه

ثم الكتاب المقدس قال لكوا تطيعوا مبارك؟ وقال لكوا ما تتدخلوش في السياسة؟ الكتاب المقدس قال كده؟ هو قال كده؟

طاااااااااااااااااب يا ابونا... ماشي، ياريت بقى ما تشاركوش في الانتخابات وتوجعوا دماغنا بمطالب سياسية مدام هو ربنا اللي قال لكوا تسمعوا كلام مبارك.. كلام مبارك كلام مش مبارك انت فسرت اعط ما لقيصر لقيصر بطريقتك ان المسيحي حرام يحاول يغير النظام او يعدل فيه

خلاص بقى، يبقى ليه بتاخدوا مواقف مساندة لمبارك وجمال مبارك؟ ماهو السياسة حرام بقى، لا تاخدوا صفه ولا تقفوا ضده، ولا اي حاجة، ومالكوش دعوة، اللي المسلمين يجيبوه ما لكوش دعوة بيه، الاكل اللي يتحط قدامكوا تاكلوه ما عندناش حاجة اسمها ما باحبوش

كده... جنب الحيطة كده يابونا

مش ده معنى كلامك وللا انا ما بافهمش الكلام؟ وترجع تقول مواطنة ومساواة؟

منين بتقول مالناش في السياسة ومنين بتقول مساواة ومواطنة؟

ومنين بتقول ياريت الدولة هي اللي تعامل المواطنين بمبدأ المساواة بدل ما احنا اللي بناخد بالنا من المسيحيين عشان احنا عايزين نتفرغ للعبادة ومنين بتقول عايزين نعمل مجلس من الحكماء مسلمين ومسيحيين عشان يعينوا شيخ الازهر والبابا

ثم ازاي مجلس حكما مسلمين ومسيحيين يعينوا شيخ الازهر والبابا وانت قبلها قايل ما ينفعش رئيس الدولة يتدخل في تعيين البابا عشان هو مسلم؟ 

ابوس ايدك.. انا عايزة جملة مفيدة

ثم ايه يوسف زيدان كافر ده؟ ههههههههههههههههههههههههههه وش كده يا ابونا

وش كده؟ تكفر الراجل على طول كده وتقول: بيشتم في المسيحية عشان يخدر المسلمين وبعدين هو اصلا كافر؟

ههههههههههههههههههههههه

قلبي حيقف من الضحك.. هو الراجل شتم في المسيحية؟ وكمان طلعته كافر؟ 

بص يا ابونا.. انت قلتها كلمة حكمة.. الكنيسة مالهاش دعوة بالسياسة.. ايييييييوةةةةةة خليك على كده بقى

ايه رأيك في مبارك؟ ماليش دعوة بالسياسة

ايه رأيك في جمال مبارك؟ ماليش دعوة بالسياسة

ايه رايك في البرادعي؟ ماليش دعوة بالسياسة

الاقباط حينتخبوا مين؟ وانا مالي؟ انا ماليش دعوة بالسياسة

اكتر من كده ما تقولش الله يسعدك

بلاغ إلى السيد اللواء/ المدّعى العام العسكرى من المقدم متقاعد/ يحيى حسين عبد الهادى

بلاغ إلى السيد اللواء/ المدّعى العام العسكرى

من المقدم متقاعد/ يحيى حسين عبد الهادى

السيد اللواء/ المدّعى العام العسكرى

تحية طيبة وبعد ،،

مقدم هذا البلاغ لسيادتكم

مقدم متقاعد/ يحيى حسين عبد الهادى تحقيق شخصية عسكرية 52385

ضد

السيد المهندس/ أحمد عبد العزيز عز (المشهور بأحمد عز) عضو مجلس الشعب

متشرفاً بعرض الآتى:

خلال اجتماعٍ مشترك للجنتى العلاقات الخارجية والشئون العربية بمجلس الشعب بتاريخ 21/3/2010 ردد السيد المهندس/ أحمد عبد العزيز عز أقوالاً، من بينها:

"لو قامت حربٌ بعد ستة أشهر هل ستوافق قطر على دعم مصر؟ وهل ستفعل السعودية أو الجزائر ذلك؟"

و "إذا أراد العرب الحرب فعلى كلٍ منهم أن يقدم جزءاً مما لديه ومصر ستكون رقم واحد"

وذلك وفقاً للثابت فى مضبطة مجلس الشعب بذلك التاريخ، ولما تم نشره على أوسع نطاقٍ فى العديد من الصحف الحكومية والحزبية والمستقلة والإلكترونية.

السيد اللواء/ المدّعى العام العسكرى:

لقد نشأتُ فى مجتمعٍ يُقدس قواته المسلحة ويضعها فى موقع الصدارة من رموزه .. ولم يأت هذا التقديس والإجلال من فراغٍ، وإنما عبر تاريخٍ طويلٍ ومشّرفٍ لجيش مصر الوطنى العظيم، كان فيه دائماً عند حُسن ظن شعبه به .. نموذجاً خالصاً ونقياً .. للعطاء بلا مقابل .. والتضحية بلا حسابات .. والبذل بلا تردد.

واتساقاً مع هذه القيم وعندما جاء وقت الاختيار بينما مصر مكلومةٌ قبل نصر أكتوبر، اخترتُ (مثل الكثيرين) التشرف بالانضمام للقوات المسلحة المصرية دون أى حساباتٍ مادية رخيصةٍ مثل تلك التى وصمنا بها السيد/ أحمد عز (بالنسبة لى، كان مجموع درجاتى المرتفع يسمح لى بالالتحاق بأى كليةٍ فى جمهورية مصر العربية بما فيها الكليات ذات المستقبل المادى الواعد .. ولكننى اخترت التشرف بالانتساب لجيش مصر العظيم من بوابة الكلية الفنية العسكرية).

وبعد انضمامى للقوات المسلحة المصرية، ومعايشتى لأبطالها، وتعرفى على موروثها القيمى .. ازددت إجلالاً وإكباراً لها .. وازددت افتخاراً بالانتساب لهذه المؤسسة الوطنية العريقة .. التى يتعلم أبناؤها من اللحظة الأولى لالتحاقهم بها أن حفنةً من تراب الوطن تساوى روح الجندى .. وهى عقيدةٌ يسخر منها ومنّا الآن من لا يعرفون الفارق بين الوطن والشركة .. ويُخضعون كل تصرفٍ لحسابات المكسب والخسارة والجنيه والدولار، ويجهلون أن ما هم فيه الآن من عزٍ هو ثمرةٌ لتضحيات رجالٍ آخرين لم يعرفوا تلك الحسابات وهم يلقون بأنفسهم فى فوهات مدافع العدو .. غير عابئين بترمُل زوجاتهم وتيتُم أبنائهم.

ولا زلتُ أفتخر بالانتساب لجيش مصر الوطنى رغم خروجى إلى المعاش لعدم اللياقة الطبية منذ عدة سنوات .. شأنى فى ذلك شأن كل من خدم فى هذه المؤسسة المحترمة .. فما بين العسكرى المصرى وجيشه ليس علاقةً تعاقدية مع شركةٍ تنتهى بالانتقال للعمل فى شركةٍ أخرى .. وإنما هى علاقةٌ أبديةٌ كعلاقة الروح بالجسد.

لذلك، فإن العبارات المهينة لمصر وجيشها، التى رددها السيد/ أحمد عز وكأنه سمسارٌ يتحدث عن جيشٍ من المرتزقة، لا عن جيشٍ وطنى .. قد سببت لى ما هو أكبر من الإهانة .. إذ طعنتنى فى شرفى العسكرى .. وهو أشد من القتل .. وقد ضاعف من أثر الطعنة صدورها عن السيد/ أحمد عز بالذات، فهو ليس نكرةً من النكرات وإنما هو ممن يحتلون مراكز متقدمة سواءً فى مجلس الشعب أو فى الحزب الذى يُشكل الحكومة المصرية الحالية، مما يُعطى لكلامه ثقلاً يستوجب المحاسبة.

السيد اللواء/ المدّعى العام العسكرى:

جرت العادة فى مثل هذه المواقف أن يطلب المُبلّغ (إضافةً إلى بلاغه) تعويضاً من المشكو فى حقه، ولكننى وجدت أن مجرد طلب تعويضٍ عن هذه الإهانة هو إهانةٌ أخرى .. لذلك فإننى لا أطلب التعويض بل المحاسبة .. فلا تعويض مهما بلغت قيمته يساوى ما تضمنه كلام السيد/ أحمد عز من إهانة .. فهى أشياء لا تُشترى.

وبناءً على ما تقدم

فإننى ألتمس من سيادتكم التكرم بالتوجيه بالتحقيق فيما هو منسوبٌ للمشكو فى حقه من أقوالٍ .. واتخاذ اللازم لمحاسبته قانوناً.

وتفضلوا بقبول وافر التحية والاحترام،،،

مقدمه لسيادتكم

التوقيع: ( )

مقدم متقاعد/ يحيى حسين عبد الهادى

تحقيق شخصية عسكرية رقم 52385

رقم قومى 25402050100516

وقع على بيان التعديلات الدستورية

بيقولوا لو عرفنا نجمع مليون توقيع حيبقى المطلب دستوري

لو سمحت وقع، انا وقعت خلاص الحمد لله، اللي اخرني في التوقيع ان البيان ما كانش مكتوب فيه اسم البرادعي

بس لما اتكتب اسم البرادعي والبرادعي وبس وقعت

بيان عاجل من د.حمدي حسين

بسم الله الرحمن الرحيم

السيد الأستاذ الدكتور / رئيس المجلس

السلام عليكم

أرغب في توجيه بيان عاجل للسيد رئيس مجلس الوزراء والسيد وزير الخارجية

إعتقال الشرطة الكويتية لعدد من المصريين المؤيدين للدكتور البرادعي والمنضمين للجمعية الوطنية للتغير هو تصرف لا يليق بل ويمس السيادة المصرية بشكل مباشر

إن تأييد المصريين للرئيس مبارك أو للبرادعي أو لأي شخص آخر هو شأن مصري داخلي اصيل لايجب أن تتدخل فيه دول أخري بإعتقال مؤيدين أو معارضين في هذا الخصوص

ويجب علي الدولة المصرية ممثلة في الخارجية اتخاذ الخطوات الحاسمة واللازمة في مثل هذه المواقف حيث أنها ممثلة ومدافعة عن كل المصريين وليس لمصالح المؤيدين فقط

إننا نسجل إحتجاجا مباشرا علي عدم تدخل الخارجية المصرية بالاجراءات الدبلوماسية والقانونية اللازمة للدفاع عن حق المصريين

يجب استدعاء السفير الكويتي بالقاهرة ويجب إطلاق سراح المصريين المؤيدين للبرادعي

السيادة المصرية لا تتجزأ وليست علي مقاس أحد وليست لها سوي تفسير واحد وأنها لكل المصريين

أرجو عرض الأمر في لجنة الشئون العربية لبحثه في أقرب وقت

د حمدي حسن

نائب الشعب

10 – 4 -2010

bonjour Paris

وزارة الخارجية متبنية مشروع "علاء الدين" لتوعية العرب بالهولوكوست!!! وبصرف النظر عن عنصرية اسم المشروع متهيالي يا انسة يا فرنسا عندنا حاجات تانية اقرب في الزمن نعيط عليها

بيان مرشحة الرئاسة سلمى الدالي

:))

سلمى نزلت بيان

أشد على أيديهم
Share
Tue at 5:38pm
لم استطع النوم يومها. استلقيت على ظهري أحملق في سماء غرفتي، هكذا أحب أن أفكر بها، فكلمة سقف تذكرني باني حبيس هذه الغرفة وهذا الوطن. لا استطيع تخيل ما قد يحدث غدا، فهي أول سابقة لي. يقولون انها وقفة احتجاجية، ومظاهرة سلمية للمطالبة بحقوقي. لا أكف عن محاولة اقناع نفسي بانها ستكون سلمية من الطرفين. تقذف إلى ذهني صور من كتب التاريخ الذي درسته في الأعدادية عن ما كانوا يطلقون عليه مظاهرات صامتة. أبتسم واطمئن. ولكن شيطاني لا يطمئن ويبعث لي بصور الأحتلال النجليزي وهو يضرب المتظاهرين بالرصاص.
أسب الأحتلال بصوت عالي، وانتبه أني قد أيقظ والدتي، فاخرس نفسي.اه ه ه يا أمي واللهي اني أخشى عليك أكثر من نفسي. كانت هى مانعي الوحيد في الأشتراك في كل وقفات الجامعة. لم أقف يوما ضد ذبابة عملا برجائها، واليوم ساقف أمام العالم فقط من أجلها. لم أعصي لها يوم أمرا، واليوم ساعصي وصيتها الدائمة.
أتذكر كلماتها ألان
- روح يابني ربنا يبعد عنك ولاد الحرام ويحبب فيك خلقه
كان هذا الدعاء ينير ظلام الأيام. والله يا أمي لولاكي ما كنت حركت أنملة. أكرة أن اراكي في طابور المعاشات بالساعات. تقتلني وقفتك ويقتلني الحزن على وجهك حين تقولين
- قالوا تعالوا بكرة، مفيش فلوس النهاردة، بعد ما وقفت ٣ ساعات، راجلي مكنتش شيلني والله يا ابني..


كم ساعة مضت لا أعلم، ولكني أسمع احتفالية العصافير، أنه اشراقة يوم جديد. لم أغمض عيني دقيقة واحدة. لا يهم سوف أنام ملء عيني حين أعود. أسمع أمي تتوضأ لتصلي الفجر. كنت قد قررت أن اتجنبها هذا الصباح، فأنا لا استطيع أن أنظر في عينها وأنا أعلم أني أعصي أمرا لها.
- صباح الخير يا ابني، دة أنا قلت راحت عليك نومة ومش هتصلي الفجر النهاردة.
كم أعشق وجهها الحنون. أحسدها على قدرتها على الابتسام كل صباح. أتعجب!
فانا أؤمن أنه لا يستطيع الأبتسام إلا من يحظى في حياته بنعمة الأمل. وقد نخر اليأس عظامي منذ سنون طويلة.
- صباح الخير يا أمي.
- هاصلي وأحضرلك فطار
توضأت وصليت، ودعوت الله كثيرا، دعوت الله كما لم ادعوه من قبل. أرتعش جسدي، شعرت اني إلى الله أقرب وهو حسبي.
- الشاي برد، طولت في الصلاه مش العادة يعني
- ما انتي عارفة، أنا مابحبش الشاي سخن
- ربنا يحلي عشتك يا ابني
- ربنا يخليكي ليا يا أمي
لماذا يرتعش الشاي، لماذا أرتعش أنا. أكاد أن أسكبه على نفسي. أهو الخوف أم قلة النوم ! لا يهم، أنها اسئلة من الشيطان.
ماذا سارتدي، لن ارتدي قميصي الجديد، ماذا لو حدث ما لايحمد عقباه! كيف ساذهب إلى مقابلة العمل غدا. سرتدي قميصي الذي ارتديته من خمس سنين يوم تخرجي. أمي تؤمن أنه
- وش السعد علينا.
استعديت للرحيل، كم هي كلمة حزينة، تذكرني بان من يرحل قد لا يعود أبدا.
- رايح فين بدري كدة يا ابني.
كيف يكذب الناس! أنا أكذب أحياناً على من لا أحب حين أكون لا استطيع مواجهتهم بالحقيقة، أو هكذا يهيء لي شيطاني.
- هاقابل ناس صحابي، بيقولو جيبنلي شغل.
-روح يابني ربنا يبعد عنك ولاد الحرام ويحبب فيك خلقه.
انحنيت أقبل يدها كعادتي، وسحبت يدها بسرعة كعادتها.
خطوت السلمة الأولى وبدأت في التسبيح بكل أدعية الخروج من البيت. لا يوجد غيري بالشارع، لا أريد أن أكون وحيدا اليوم ولكني لن أعود. فقد عقدت عزمي.
لم أرى في حياتي الميدان بهذا الجمال. لم يفقده رونقه غير عربات الأمن المركزي. من الواضح أن الجميع صلى الفجر حاضر اليوم. فالنهار مازال يحاول الاستيقاظ من نومه ولم يمحي أثار الليل عنه بعد.
سوف يتذكر الناس هذا اليوم لمئات السنين، هكذا أمني نفسي. ولما لا فالتاريخ لا ينسى حتى الظالمين. فكيف ينسانا نحن!
هذا لا يهم، يتذكرنا التاريخ أو ينسانا إلى الأبد، لا يهم.
بدأت ألاحظ عشرات القادمين، أنا لست وحيدا كما كنت بغرفتي، أنا هنا معهم. اقتربت منهم حييتهم وحيوني وبدأت في السير معهم ، شعرت اني أعرفهم، أعرفهم جميعا. وكيف لا أعرفهم ونحن شركاء في هذا الوطن، فهم اخوتي واخواتي. كنت اتمنى لو أشد على يد كل منهم وأقول له اني معه وإنه ليس وحيد. ولكن الأبتسامة التي تعلو وجوههم كانت تقول لي نحن نعلم ، لا داعي للكلام، فأي كلام قد يفسد هذه اللحظة. اللحظة الذي انتظرها كل منا لسنين، لحظة اليقين بانك لست الوحيد.
فجأة اقترب منا عساكر الأمن، لا أتذكر إننا من اقترب منه. كدت احييهم أيضا حين اقترب مني اثنين منهم، بل هم أربعة. بدأوا في جذبي بشدة، لماذا يجذبني بشدة هذا القوي، من قال له اني ساقاوم، هل يتخيل أنه يستطيع اخذي رغما عني! والله لا يستطيع، كيف كان سيصل إلى غرفتي!
لتخفف قبضتك على جسدي، فانا لن أجري منك إلا إليك.
ركبت العربة، ولم أكن الوحيد أيضا. لن أكون الوحيد بعد اليوم. هذه المرة سبقوني هم بالتحية. امتلأت العربة حتى كادت أن تبصقنا وبدأت في التحرك. وقفت العربة وبدأو في انزلنا.
وجدنا أنفسنا بين العشرات، كلها وجوه تشبه وجوهنا.
أنهم يصفقون لنا، نعم الجميع يصفق، نحن أيضا نصفق. بدأت أصفق معهم. فانا لست هنا في قضية رشوه، ولا فساد، ولا مخدرات. أنا لا أعلم لماذا أنا هنا، ولكني أعلم اني لست وحيدا. أشد على يدهم واحدا واحدا.
بحثت عن بقعة خالية ألقي بجسدي المتعب بها. حين رأيت السماء، سبقها النوم إلى عيني، قبل أن أنام حمدت الله أنه أتم علي اليوم وطنيتي.


سلمى بنت الناس الطيبين

كيمو وانتيمو اللئيمو

جديد من يتضامن مع وصفي ضد تعنت عبد الله كمال

http://kashfun.blogspot.com/2010/04/blog-post.html

من الهام لإحداث تغيير "مثمر" في بلادنا ليس فقط إقصاء النخبة المهيمنة عن مناصبها، بل أيضاً إحلال مباديء وثقافة العمل والمساواة وروح العدالة بين العامة، بعد أن أصبح الفساد والمحسوبية والشللية مسيطرين على كثير من القطاعات، وبعد أن وصل الفساد لمستويات عدة في المجتمع (من الوزير إلى الغفير) فليس سقوط النظام بضمان كافٍ بمفرده لتحسين أوضاع البلاد وإن كان ضرورياً وواجباً. والطبيعي أن تترافق دعوتنا للتغيير مع تقديم مساندة حقيقية لكل من يتصدى لأخطاء ومخالفات في مكان عمله أو يتعرض جراء ذلك للتنكيل. مثلما علينا تدعيم وتقوية وتمكين الفئات المهمشة والمستضعفين بمواجهة قوى التسلط وأتباعها.

ومؤسسة روزاليوسف الصحفية قدر لها منذ سنوات أن تصبح أحد مراتع الفساد، وأن تلعب بالتزامن مع ذلك دور الظهير لنظام متخبط فاسد وأحياناً ما تضطلع بهذا الدور باستخدام أساليب مخزية.

وقد كشف احد الصحافيين بالجريدة واقعة استغلال الصحيفة لنشر إعلان لإحدى الفضائيات الخاصة – الحياة- على صيغة مادة خبرية /حوار فلما رفض ذلك عوقب ولم يزل، ونشرت المادة رغما عنه، ورغم أن المادة الإعلانية نفسها نشرت في جريدة أخرى خاصة هي "المصري اليوم" فإن أحدا هناك - على علمنا- لم يعترض على هذه الواقعة المؤسفة فيما كان نصيب الزميل الذي كشف الأمر في روزاليوسف الحكومية هو نقله من منصبه كرئيس لقسم الفن إلى الإسكندرية وتهديده بتأجيل نقله لجدول المشتغلين بالنقابة ومنع حوافز ومكافآت راتبه عنه ثم تهديده بالفصل. وهو معتصم بمقر النقابة منذ بداية مارس الماضي.

وبعد أن أقر اجتماع مجلس نقابة الصحافيين المصريين الأخير الثلاثاء 29 مارس آذار 2009 التحقيق مع الأستاذ عبد الله كمال رئيس تحرير صحيفة روزاليوسف بشأن البلاغ المقدم ضده من هذا الصحفي (سراج وصفي) حول مخالفات مهنية جسيمة (وبأصوات كل من الأساتذة: محمد عبد القدوس، جمال فهمي، عبير سعدي، صلاح عبد المقصود- أي أكثر من 3 أصوات من مجلس النقابة) خرج قرار المجلس مكتوبا بصيغة مغايرة لما اتفق عليه، ليصبح "البحث في الشكاوى المقدمة" ضد كمال، واستمرار التفاوض لتسوية مقبولة لأزمة الزميل وصفي ، في حين كانت مطالب وصفي هي:

1- التحقيق في المخالفات المهنية لرئيس تحرير روزا ليوسف.

2- تسوية "مكتوبة" لعودة الزميل لعمله.

والآن بعد عدة إجازات هذا الأسبوع عاد النقيب الأستاذ/ مكرم محمد أحمد أمس الأربعاء 7 ابريل نيسان ليقول أنه سيكتب رسالة لعبد الله كمال،ويرسلها له دون إعلان محتواها(!) ثم يقوم وصفي بالاتصال بكمال للاعتذار وتحديد موعد للقائه مباشرةً الأسبوع المقبل!

لقد اقترح البعض بمجلس النقابة كحل: أن يقوم الصحفي مهمة عمل في الإسكندرية لأيام محددة مع صرف بدل تأكيداً على كون انتقاله هو لمهمة مؤقتة، ثم يعود لعمله الأصلي، وهو ما لم يوافق عليه كمال.

كما قدم آخرون اقتراحا بعودة وصفي للمؤسسة عبر مطبوعة أخرى هي مجلة صباح الخير، لكن الأستاذ كرم جبر رئيس مجلس إدارة المؤسسة نفى أن يكون قد وافق على هذا المطلب مكذّبا الأستاذ محمد عد القدوس الذي توسط للتوصل لهذه التسوية!

حسنا، إذا كان الأمر كذلك، وبدون تفاصيل كثيرة، ومع رفض رؤساء صحف معروفة النشر عن الموضوع بما فيها صحف مستقلة أو خاصة، وقد أرسل النقيب بالفعل رسالته السرية اليوم للأستاذ كمال، ومع صعوبة طرح الأمر في الجمعية العمومية للنقابة- والتي تنعقد بالعافية، فمن يمكنه اقتراح لمساندة وصفي به؟

-هل يمكن نشر الأمر في وسائل الإعلام المتاحة- بأي شكل- أمامكم هنا وبالخارج؟

-هل يمكن أن نتذكر أن الأمر متعلق بشاب في أعماركم تقريباً بالكاد تم تعيينه ووجد نفسه مهددا بالفصل وتجويع صغاره وعائلته؟

-هل يمكن أن تقوم المنظمات الحقوقية المعنية بحقوق الإنسان بشيء؟ حتى لو كان المتضرر فردا وليست قضية فصل أو تسريح جماعي؟ وحتى لو لم تدرج على بنود مشاريعها الممولة؟

- ليس هناك خصومة شخصية مع أحد هنا، فهل يمكن أن يقول لنا الأستاذ/ عبد الله كمال لماذا يرفض التحقيق معه طالما لم يكن هناك مخالفة لميثاق الشرف الصحفي؟ ولماذا هذا التنكيل ومحاصرة المستقبل المهني لصحفي شاب؟

لقد تركت باب التعليق مفتوحا على هذا النص ربما جدّ جديد ، فليس لدى انترنت لفترة، لكن يمكنكم التواصل مباشرة مع الزميل سراج – 0190407469

seragwasfy@yahoo.com

أو بمقر اعتصامه بالطابق الأول بنقابة الصحافيين 1 ش عبد الخالق ثروت وسط القاهرة.

اقرأ ايضا:

تضامنا مع الزميل سراج محمود ضد عبد الله كمال

http://kashfun.blogspot.com/2010/03/blog-post_81.html