Friday 7 May 2010

البصل الدرامي

قال لك البطل الدرامي لازم له نقطة ضعف تبقى كعب اخيلوس اللي فيها مقتله، ودايما يدوا امثلة بالزعماء بوصفهم خير ممثل للابطال الدراميين
عبد الناصر نقطة ضعفه حب الزعامة
السادات نقطة ضعفه حب الظهور
كنيدي نقطة ضعفة حب الحريم
جيفارا نقطة ضعفه العند
مبارك...
نقطة ضعفه ايه؟ نقطة ضعفه ايه؟ نقطة ضعفه ايه؟
تصدقوا مالوش نقطة ضعف؟  الواد محمود صابر النهاردة بعد ما شاف الخطاب كان في حالة لا يرسم لها، وقعد يقول: البحة راحت.. البحة راحت.. البحة راحت، فكرني بعبود على الحدود لما كان بيقول: ادا كل واحد فيكوا مربع واداني تلات مربعات.. ادا كل واحد فيكوا مربع واداني تلات مربعات اداني تلات مربعات اداني تلات مربعات
مبارك لو مالوش نقطة يبقى مش بطل درامي... فعلا زومبي، ربنا وفقني جدا في اختيار الاسم ده
هازوها الفاصل بمناسبة خطاب عيد العمال
للي ما شافوش: لاااازم يتعذب معانا

13 comments:

أنا - الريس said...

أصله معداش علي مصر
أصله معداش علي مصر
أصله معداش علي مصر

مشربتش من نيلها
مشربتش من نيلها
مشربتش من نيلها

افروديت said...

اه يانواره ياقمر مالوش ولانقطه واحنا اللي اتنقطنايا ختي ..اموووووت واعرف الناس اللي كانوا بيسقفوادول مين دول انا شايفاهم بعيني معتصمين ع رصيف المجلس بالذمه هما دول برضوا العمال الا مش لاقين العيش الحاف ببدل وكرافتات كمان حسبي الله

dr.lecter said...

هوالاله ابن الاله

Anonymous said...

بيضحك








اخر مره شفت صورتك ضربت لها تحية ياريس.









ولا حول ولا قوة الا بالله

Unknown said...

الله يسامحك
و انا اللى بحب اتفرج على اللى بتحطيه؟ كده برضن؟
الفيديون بتاع العتبة جزاز احلى بكتير
ده من فيديوهاتى المفضلة . هو و ام منى عيانة و الجيران زعلانة

Unknown said...

this is the peek of recycling old speeches. I recognize so many words from previous speeches we belzat mawdoo3 el ta2ahob wel entelaka dah, emta el entelak 3ashan nasta3ed.

hawk19800 said...

no,nawara he is cyborg.
sorry, i don't have arabic keyboard.
when he was in germany he was charging!!!!!!!

evolution ahm sab said...

مبارك لصقت به صفة الا موت مثل اغلب الحكام العرب لا يسقطهم الا الأنقلابات او ملك الموت

Phobos said...

@ SpoiledG Even cyborg batteries start loosing charge ! :S

عبد الله said...

هو ايه حب الأذية اللي انتشر بين المصريين ده !!!

انا بقالي يومين كل ما اروح اي حتة الاقي الفيديو ده و كل شوية أهرب منه ليه المصريين بيحبو ياذو اخواتهم !!
في تويتر الاقيه عالفيس الاقيه في كل المدونات الاقيه
فعلا زومبي زومبي يعني

حسن على said...

الخطاب يتجراء على التاريخ وعلى الواقع بفجاجة كاذبة ووقحة

حـنــّا السكران said...

هههه والله يا نوارة أنا قبل أيام قليلة فكّرت بنفس الموضوع , كنت أقرأ كتاب عن السادات , وسرحت كثيراً في شخصية الرجل و قلت لنفسي ما قلتيه أنت هنا , أن السادات مثلاً يمكن تأليف عشرات الكتب فقط عن شخصيته , ممكن تأليف مسرحيات و أفلام , و من كل الأنواع : كوميدي , تراجيدي , ميلودراما , أي شيء , كذلك الأمر عن عبد الناصر .ولا زلت أتحدث عن الشخصية بحد ذاتها .
إلا عوكل , لا نعرف أي شيء يميّز شخصيته , عامل متل اللي سارق بيت أصحابه مسافرين وساكن فيه وما حدا بيشوفه و لا بيولّع النور بالليل حتى ما حدا يعرف انه هنا , لكن كل سكان العمارة بيصحوا الصبح و بيلاقوا الزبالة عالسلّم معبيّة الدنيا , دون أن تتاح لهم معرفة طباع هذا الرجل و طريقة تفكيره التي تجعله يرمي الزبالة هنا . ولا بيخاف من إيه و بيحب إيه و كيف يمكن إرضاؤه , وما إذا كان هو أحد قرايب صحاب البيت أو شبح ساكن هنا .
ــ ههه ما عنده أي نقطة , لسه في نقطة الصفر على المستوى الشخصي ,و عامل متل اللمبي , متزوّج مصر عشان يلمّ النقطة بس ...جايب الكرّاسة الصفرا .. نقّطوه بقى .

test said...

مربى يا معلمى مربى - هى الناس اللى بتهلل دى بتهلل ليه ولا ال ................