Monday, 17 May 2010

الاغريق شعب همجي بطبعه

احنا عايزين نحاكم الاغريق هذا الشعب الهمجي بطبعه ومن هنا ورايح مش حنلعب ماتشات مع اليونان ابدا  انتقاما لكرامة المصري
ههههههههههههههههه
هو فيه ايه؟ هو كل اللي يشوف مصري يقتله في اي حتة ليه؟ مش ممكن كل الناس دي غلط واحنا اللي صح... اكيد بنعمل حاجات تستفز الناس
احنا طبعا مش حنسمع شتيمة في اليونان.. وللا ايه؟ وللا حنشتم اليونان برضه
عموما ينفع نشتهم اصلهم مش خواجات قوي، هم خواجات كارفين علينا

10 comments:

بهيج الشرير said...

للأسف ياأبلتي أبو التعالب ملك الفياجرا وقاهر الهكسوس خلف إتنين بس، واحد فيهم إبن عرس وأقرع، والتاني علئ أبو العلوء سفاح أمازيغ وبس؛ بس مين عارف يمكن بعد الفياجرا دي كلها هو وسوزي بردعة يجيبولنا سفاح إسبرطة

محمد صبرى said...

طبيعى مش دول بتوع اسبرطه .. همج طبعا , معروفة دى :D

بمناسبة الهمجية, فالهمجية على حق بقى موجودة فى جماعة مسلحة متمردة فى مناطق قريبة من منابع النيل اسمهم جيش الرب بيغتصبوا الأسير و بيشرموا شفايفوا و بيقطعوا ودانوا و بيجدعوا انفه دا ع القليلة يعنى , فلو المسئولين ناويين يسيبوها لغاية ما توصل لحرب ,فبما انه مكانش عندى فرصة اشارك و امارس حقى فى تشكيل سياسة الدولة فياريت محدش فى المستقبل يطالبنى باى التزامات او واجبات , م الاخر حد يقولهم ميعملوش حسابى معاهم فى الحرب دى :D

MR.PRESIDENT said...

ما هو اصلا لو فيه حكومة محترمة كانت الشعوب احترمتنا .

لو الحكومة بتعمل لينا حساب كان الدول التانية احترمتنا

مسير الكلام ده كله هينتهي قريب باذن الله

عم محمد said...

"ههههههههههههههههه"
أيوة يانوارة جات لك فرصة جديدة للضحك على جثث المصريين - هوايتك المفضلة الايام دى - إضحكى كمان على الآخر

ياترى سألتى نفسك لو أم ذلك الشاب المصرى الذى وجدوه مقطع فى صندوق القمامة قرأت تعليقك وقهقهاتك حيكون دعونها عليكى أيه؟؟؟

عيب كدة ياآنسة إختشى

مي ..سماء الحرية said...

مش مناسب أبداً يبقى الموضوع عن قتل و زهق أرواح و تقطيع و ناخد الموضوع بضحك و تهريج
!!!!!!!!!!!!!!!
بغض النظر عن جنسية الضحية , مصرى أو غير مصرى
و لنا أن نتخيل لو المقتول أب و لا أخ و لا زوج ..حد مننا ..إيه حيبقى شعورنا من سخرية الآخرين من الموضوع
؟؟؟؟

جبهة التهييس الشعبية said...

لا بقى.. كحك يعني

انا عايزة اعرف ايه الحكاية

ماهو يا اما هي حوادث عادية واحنا اللي بنتناول الاخبار بوصف المصري ينتمي للدم الازرق

يا اما المصريين بيتقتلوا في كل حتة وده برضه مش طبيعي يعني

يا اما فعلا بيتقتلوا في كل حتة ويبقى مش ممكن كل حتة غلطانين

يا اما النظام المصري متعمد يحسسنا اننا بنتقتل في كل حتة

يا اما فيه حاجة تالتة

والموضوع يضحك في التلات حالات يعني

وردود افعالكوا تضحك اكتر

ما كل الناس عندها امهات.. امال الناس جات الدنيا ازاي؟

مي ..سماء الحرية said...

هى بالنسبة لأى حد محايد .. حوادث قتل و عنف بتقع فى حتة و فى أى مكان.. شعورنا الطبيعى و التلقائى تجاهها هو التعاطف و الحزن على الضحية و مع أهله .... و الإستنكار و طلب القصاص من المجرم أو المجرمين

ففيه فرق بين إنى أستنكر التناول الإعلامى و أهدافه المعلنة و الخفية, و بين إن فيه ضحية و فيه ميت مينفعش أدخله بالسوارية و المكياج

Ahmed said...

يا حجة الحقي روحي مالطا قبل العشاء, و أدني هناك يمكن حد يفهمك,,, إنما هنا خلاص مفيش فايدة.
و أنا حشغل فلم تروي على الكمبيوتر و أتشفى في اليونانيين الكلاب و هم بيقتلوا في بعض.
و أيتها الآلهة,, تغني بغضب أخيل ابن بيليوس

نعيب زماننا

طيف بدر said...

نوارة ... أنا فاهم قصدك و فاهم المغزى من كلامك و أنا أتفق معاكي فيهم لكن للأسف أسلوب عرضك لفكرتك - اللي هي فكرتي - لم يكن موفقا

محمد صبرى said...

الأستاذ أحمد بيقولك

"
يا حجة الحقي روحي مالطا قبل العشاء, و أدني هناك يمكن حد يفهمك,,, إنما هنا خلاص مفيش فايدة"

و الله كنت هقولها :D

عندك حق و الله يا ابو حميد, هو فعلا مفيش فايدة , و قديما قالوا أسمعت لو ناديت حيا