Thursday 27 May 2010

انا نجاد صعبان عليا

تحديث:
اولا: الله اكبر ولله الحمد على رأي الاخوان
منظمة العفش الدولية عملت نفس المقارنة اللي عملتها ما بين ايران والنظم الغربية وخصوصا امريكا
ثانيا: الله اكبر ولله الحمد
عشان فيه خبر بيأكد الكلام اللي قلته بخصوص ان الحملة اللي معمولة على نجاد بالتحديد وعلى ايران بشكل عام هي حملة استعمارية لتأهيل الرأي العام العالمي لضرب ايران وتأهيل الرأي العام العربي بالتحديد لعدم التعاطف مع ايران لما تنضرب
الخبر بيقول ان علي اكبر ولاياتي، قال بيقولك، ان الخوميني قال في مرة من المرات ان الشعب الايراني احسن مش شعب الرسول
وبمراجعة الكلام ده لقيته بيقول احنا دلوقت نبقى افضل من ايام الرسول
هممممم
طب ما السنة بيقولوا كده لما بيفسروا الحديث الرسول: اشتقت لأخواني. وبيقولوا ان اللي آمن بالرسول بعد وفاته من غير ما يشوفه احسن من الصحابة، وده حديث صحيح وصريح عندنا في كتب السنة ده اولا
ثانيا: اشمعنى دلوقت يعني؟ ايه اللي جاب سيرة الخوميني دلوقت، ما لو قال كده الخوميني ده ميت من عشرميت سنة
عموما احنا نعمل حسابنا ان الهلولة بتاعة الشيعة كفار، والخوميني مجنون، وايران عايزة تحتل العرب حتشتد عشان ايران قربت تنضرب وشكل الحرب كده بالكتير على اخر السنة، ده اذا ما لقوش تلكيكة قبلها ونمنا صحينا لقيناهم بيضربوها، بس هم غالبا حيعملوا زي ما عملوا قبل العراق، حملة كبيرة وفيديوهات ويطلعوا من القديم والجديد صحيح وتأليف والجدع يدور، ويطلع اوباما يحذر نجاد تلات اربع مرات، وبعدين اديله، وحملة الحرب الاعلامية اشتدت بالفعل، والكل حيشارك في الهلولة دي
العلمانيين حيقولوا حكم الملالي، وديكتاتور، والليبرالي حيقول دول دينيين، الشيوعي حيقول دول رأسماليين، والقوميين حيقولوا دول فرس بيكرهوا العرب
والاسلاميين حيقولوا الشيعة الكفار، وياخدوا الكلام زي الجملة دي، اللي احنا اصلا بنقولها ومؤمنين بيها وعندنا حديث نبوي بيها وظيطوا عليها، زي ما قالوا قبل كده الخوميني بيقول القرآن محرف، ولما تقرا الكلام تلاقيه بيقول: التحريف على ثلاثة اوجه حجب ايات الله، او اضافة كلام البشر على ايات الله، او اساءة تفسير ايات الله، وقال ان الكتابيين عملوا التلات حاجات دول، لكن فيه بعض المسلمين عملوا الاخيرة فقط وهي اساءة تفسير ايات الله وبكده ياخدوا ذنب التحريف، ماشي ماشي، الشيعة كفار والايرانيين فرس، والملالي شموليين
برضه ما يستاهلوش يتقصفوا وما يستاهلوش يتعمل فيهم اللي اتعمل في العراق وافغانستان وغزة
ولو بيعبدوا العجل ما يستاهلوش.... اديني باقول اهو من قبل الحرب عشان ابرأ نفسي امام الله
وزي ما قلت في التعليق كل مرة امريكا قبل ما تضرب بلد تدي اوامر لشباشبها يعملوا حملات مضادة ويشيطنوا الهدف لحد ما خلاص الكل يقتنع ان الهدف شيطان يروحوا ضاربين
عملوا كده مع كل الدول اللي ضربوها واحد واحد مع اختلافهم، جمال عبد الناصر كان اشتراكي، وطالبان سلفية، وحماس اخوانية، وصدام.. صدام.. صدام مجنون، ودلوقت ايران شيعية
وكلهم سبحان الله شياطين وبديل وقرون قبل ما ينضربوا بخمس دقايق
وانا ما اقدرش اعمل حملة لمضادة لحملة الحرب الامريكية على هدفها التالي، لاني فرد واخري مدونة ومقال
بس انا الحمد لله لا شاركت في حملة الحرب على طالبان ولا على حماس ولا حتى على صدام ومش ناوية اشارك في الحملة الاعلامية العسكرية على ايران وكل اللي املكه اني اعمل زي ما باعمل كل مرة، اخالف الظيطة والهيصة والمولد والناس تشتمني وتتهمني وانا احسبن عليهم واحملهم مسئولية المشاركة في قتل الناس بالكلمة زي ما حملتهم مسئولية دم الناس وهم بيشتموا فيهم اثناء دبحهم قبل كده واختصمهم عند الله واستحمل الشتيمة واحتسبها عند ربنا ... ده اخري وماليش حاجة تانية باعرف اعملها، عارفة ان جهدي قليل ومحدود، بس لو في ايدي حاجة تانية اعملها كنت عملتها
وعشان نبقى واضحين لو ايران بقت زي العراق البلد اللي ساندينها بعود كبريت دي حتتكل على الله، زيادة ماهي متكلة اساسا، ولا يخفى الخراب اللي حصل لنا بعد ضرب العراق بالتحديد، واللي حيحصل لنا بعد ضرب ايران لا يقارن باللي حصل لنا بعد ضرب العراق
وانا برضه بريئة بلساني وايدي وحادافع عن الناس الموحودة المهددة ضد حملات الاستعمار واللي عايز يلغوص فيها حسبي الله عليه
-----------

تحديث:
نجاد برج العقرب وعمال يخانق في دبان وشه ومستمتع بالحكاية دي، بينبسطوا لما بيتخانقوا مع الناس، دي حاجة بتريحهم، وهو غلبان وطيب والله العظيم، هو بس عنده طاقة زيادة... حد برج عذراء او حوت او ميزان او سرطان او تور يصالحه على الناس ويهديه شوية، ممنوع منعا باتا حد من مستشاريه يبقى برج الجدي او الاسد او القوس او الحمل او الجوزاء.. حيسخنوه زيادة وهو ما حيصدق... طب والله انتوا ما فاهمينه، والله كمان مرة غلبان وطيب
------------
بيتعامل معاملة البطة السودا في العالم كله، حتى روسيا اتخانقت معاه
:((
لا حرام... حرام كده، كده اوفر قوي يعني
انا عايزة افهم نجاد عمل ايه اكتر من امريكا والاتحاد الاوروبي ومش حاقارنه بالدول العربية اللي بتاخد دعم من امريكا والاتحاد الاوروبي لانه احسن منهم
نجاد عمل ايه اكتر من انجلترا اللي قبضت على واحد عشان الاكاونت بتاعها على الهاي فايف اسمه: شاعرة الارهاب؟
عمل ايه اكتر من اللي عمله بوش وبيعمله اوباما وبتعمله كل دول الاتحاد الاوروبي مع "المشتبه" في انهم "على صلات" بالقاعدة
زي ما هم قبضوا عليهم وعذبوهم في كل دولة اوروبية وفي الولايات المتحدة الامريكية
هو كمان قبض على "المشتبه" في انهم "على صلات" بالسي اي ايه والمخابرات البريطانية، وبعدين الراجل طلع معاه حق، مش مجنون ولا مهووس ولا حاجة، واوباما قال انه مد لهم شبكة آمنة للاتصال، يعني مخابرات اهو عيني عينك
ماهو يا اما اوباما بيشوه سمعتهم عشان يعمل فتنة جوة ايران، وفي الحالة دي المعارضة الايرانية ملزومة تبرأ نفسها، يا اما نجاد معاه حق وهم جواسيس فعلا، وفي كل الاحوال، اهو بيتصرف زي زعيمة الديمقراطية في العالم امريكا اللي صادرت اموال المسلمين وقفلت لهم الجمعيات الخيرية بتاعتهم، وشمعت لهم مساجدهم، وعذبتهم في السجون، وقتلتهم، وقررتهم لما اعترفوا انهم هم اللي قتلوا هابيل وان قبيل بريء، مش امريكا دي بتاعة الديمقراطية، اهو الراجل جاي بانتخابات زي اوباما وبوش، وبيحمي الناشونال سيكيورتي زي اوباما وبوش، وبيراقب النت زي انجلترا وزي اوباما وبوش، انا عايزة اعرف هو زايد عنهم في ايه؟ اذا كان مبارك اللي ما جاش بانتخابات بيساندوه
هو قتل كام في مظاهرة واتقتل له كام في الحرس الثوري بتاعه، وامريكا ودول الاتحاد الاوروبي قتلوا كام وشردوا كام في العراق وافغانستان
اليونان عاملت المتظاهرين احسن من نجاد في ايه؟ تركيا نفسها عاملت الاكراد احسن من معاملة نجاد لمعارضيه في ايه؟
ايه كل الاضطهاد ده؟ ده بيتعامل كأنه مسيحي في مصر او مسلم في امريكا او شيعي في الخليج او واحدة ست في السعودية
وهو اساسا حيمشي كمان اربع سنين، ماشي كمان اربع سنييييييييين، امال اللي قاعد للنفخ في الصور ده يبقى ايه؟
لا انا صعبان عليا.. صعبان عليا قوي وصعبان عليا كمان انه مش عارف يسايس اموره وبيتخانق مع الدولة الوحيدة اللي راضية تكلمه
هم صحيح غدروا عليه ووافقوا على العقوبات، بس يا سيدي يوافقوا وللا ما يوافقوش حتفرق ايه؟ بتمسك في خناقهم ليه؟ انت ناقص؟
لا حرام.. حرام حرام حرام
والشباشب اللي هنا اللي بيقولوا عليه قال ايه ديكتاتور وهم جورج بوش بذات نفسه فاتح لهم دكاكين وبياخدوا مرتبات من امريكا من ايامه ولحد دلوقت
طب ما قالوش لبوش انت ديكتاتور ليه؟ ماهو ناجح بالتزوير هو كمان، ما قالوش لاوباما انت ديكتاتور ومنافق وبتدعم مبارك ليه؟
ما فتحوش بقهم على انتخابات السودان اللي تم التزوير فيها تحت سمع وبصر المراقبة الدولية ليه؟
اشمعنى نجاد يعني اللي كل الناس بتشتم فيه؟
لا دي قذارة وظلم بقى... وبما انه مالوش حد دلوقت فانا متعاطفة مع نجاد وباحبه وحاقف جنبه، ماهو انا ما اقدرش الاقي انسان موحود كده وكل الناس متكالبة عليه بالظلم والبهتان والنفاق واسكت، انا متخصصة في الموحودين اللي مالهمش حد، حتى الزمالك
مافيش حد في العالم كله بيتعامل المعاملة اللي بيتعاملها نجاد، ولا شافيز، ولا كاسترو، ولا حتى صدام في عز الحصار، ونجاد ما عملش ولا حاجة من اللي عملها كل دول، لا غير الدستور عشان يقعد على قلب الناس زي شافيز وكاسترو، ومن قلة الادب والسفالة انه يتقارن بصدام اساسا، بيسمموه الاربع سنين اللي هو قاعدهم ليه؟ ده لو كان كاسترو وللا شافيز وللا صدام كان واحد زي موسوي ورفسنجاني اخدوا اعدام ولو خامنئي اعترض كان اعدمه هو راخر... انما ده راجل غلبان قوي
ههههههههههههههههه
طبعا انتوا عارفين انا جامدة يعني، اجمد من روسيا وامريكا والصين ووقفتي جنبه حتنفعه اخر حاجة... ح.. ح... حادعي له
اه والله حادعي له، ربنا يجبر خاطره وينصفه على كل العالم اللي بيضطهده، قادر ربنا ينصفه عليهم كلهم ويظهر كدبهم ونفاقهم وتظيطهم وتهليلهم في الهيصة، يارب، وينور له بصيرته ويهدي له نفسه كده ويعرفه مصلحته ويلهمه التصرف الصح
يارب والنبي ما تعدي الاربع سنين دول من غير ما تنصفه وتجبر خاطره وترفع راسه وتكسف اللي عمالين يضطهدوه، وغلاوة حبيبك النبي يارب، يارب، يارب
آمين

74 comments:

Kalimalhus said...

إيه الهيصة اللى إنت عاملاها دى؟

نجاد صعبان عليكى ليه؟ .. هو اللى هيجوع مش هيلاقى ياكل و ألا هيمرض ما يلاقيش الدوا من تحت راس العقوبات الإجرامية اللى الغرب مصر يفرضها على الشعب الإيرانى؟

الشعب الإيرانى واخدة بالك؟ .. مش نجاد .. نجاد مجرد رئيس جمهورية و فى هرم السلطة الإيرانى يعتبر نمرة 3 أو 2 بالكتير .. و هو فى الحقيقة واجهة مؤقتة للنظام يترمى بالبيض و الطماطم فدا الولى الفقيه..

النظام الإيرانى نظام شمولى .. لو قارنتيه بمليون نظام تانى و أثبتى إنه مش أسوأ منها فده مش هيغير من الحقيقة شيئ .. هو نظام شمولى مستبد بيضطهد معارضيه و بيسحلهم و يعدمهم بعد محاكمات صورية غير عادلة..

بخلاف ده النظام الإيرانى بيتدخل فى العراق و أفغانستان بطرق ليست فوق مستوى الشبهات و بيدعم حركات المقاومة بشكل إنتقائى و بالتالى دعمه ليها ليس لوجه الله تعالى و إن كنا مش هنقول لأ أهو أى مساهمة لحماية إستمرار المقاومة تستحق التقدير فى النهاية..

لو عايزة تساندى حد و تدعميه يبقى الشعب الإيرانى هو اللى يستحق الدعم و المساندة .. لكن حكامه يستاهلوا الحرق

Anonymous said...

نجاد عنده كرامه, لايقبل الذل لا من امريكا ولا روسيا ولا كل العالم ,هو اول رئيس صرح ان الهولوكوست خدعه واول رئيس قال ان اسرائيل الى زوال في وقت كان كل قادة العالم يرتعدون خوفا من بوش الخوف على نجاد ليس من امريكا او اسرائيل لكن الخوف عليه من اللذين يطلق عليهم صفة الاصلاحيين , الخوف هو من ضرب جبهة ايران الداخليه والهائهم ببعض حتى تضعف ايران. انا مسرور ان نجاد رد على روسيا التي في البدء وافقته على مقترح التبادل وعند اتمامه هاجمته وكانه يعمل عندها !!

Unknown said...

مين الى يتبنى مين دا الراجل غسل ميدفيدف وخلاه زى العيل الصغير...زى الى بيقول دفعولك كام عشان تتطاطيلهم ........رغم انى مش حابب اسلوبه فى التعامل الدموى مع المعارضه.........بس بجد الى عاجبنى فيه انه فايق ....عايزين رئيس مفتح يا جدعان

Unknown said...

وهو مش اكتر شمولية من النظام الامريكاني نفسه والديمقراطيات الاوروبية المزيفة
هم عندهم نفس النموذج اللي موجود في اوروبا وامريكا بالمللي
اشمعتى هم اللي بيتعمل ضدهم دعاية؟
اشمعنى هو؟

هو الوحيد اللي بيواجه عداء عالمي

الحصار مش حيعمل مشكلة زي ما انت فاهم

الحرب اللي بتعد لايران هي اللي حتعمل مشكلة

له ولغيره

ده غير بقى ان مرتبه اقل بكتير من مرتب رئيس الولايات المتحدة وعايش في بيت معفن واللي حيسري على الشعب حيسري عليه

ماهواش رجل اعمال ده منتخب من العمال والفلاحين

وانت بنفسك شفت كتابات المعارضين اللي بتقول اللي انتخب نجاد كم مش كيف لان اللي انتخبوه الفلاحين والعمال الجهلة مش المثقفين واساتذة الجامعة

ام الطبقة المتوسطة الوسخة

وما تغلطش فيه تاني

انا اتبنيته خلاص

وانت ما قلتش حاجة ازيد من البروباجندا اللي بترددها السي ان ان

ايه الجديد بقى؟ الجديد انه مضطهد ومحاصر وبيتعامل معاملة الكلاب بلا مبرر حقيقي غير انه رافض يبقى تابع

Unknown said...
This comment has been removed by the author.
Rasim Marwani said...

الباشمهندس حر

عندما تابعتكم على مدار سنة او يزيد، لم اشعر بالحاجة للتعليق على اي من المواضيع الخلافية،

لكون الاستاذة نوارة وسيادتك وكثيرون كنتم تشبعون المواضيع المطروحة وتردون على

اصحاب الطروحات الشاذة بما يكفى ويزيد.

فتخيل شعوري وانا ارى ماارجو ان يكون مجرد منتحل لشخصية مهندس حر صاحب مدونة

بهدوء، يرمى بشكل عشوائي اتهامات لا تتفق مع اي منهجية علمية او بحثية او حتى صحافية

منصفة.

سيادتك تقرر ان من سيجوع هو الشعب الايراني وليس احمدي نجاد من جراء العقوبات التي

تكرمت بتسميتها اجرامية والتي ينوى الغرب فرضها على ايران
وهذا لا يتفق مع واقع ان ايران خضعت بالفعل ومنذ زمن طويل لعقوبات قاسية تحولت بفضل

الله وعزيمة الايرانيين الى نعمة ادت الى كتفاءهم الذاتي من شتى احتياجات الحياة.
وجعلت الغرب يعض اصابع الندامة ويتسابق لخرقها سراً وعلناً كما ذكر رئيس الوزراء

التركي منذ فترة بسيطة
مع العلم ان هذه الدولة بهؤلاء الحكام الذين يستحقون الحرق كما تزعم هم من يطعمون الدول

الهانئة بالولاء والتبعية وحتى العمالة للغرب، ولم تنفعهم هذه العلاقات في كفاية شعوبهم رغيف

العيش الحاف
http://arabic.cnn.com/2010/business/

4/19/iran.wheat./index.html

"طهران، إيران (CNN) -- قال مصدر إيراني مسؤول الأحد إن بلاده تستعد لاستئناف تصدير مليوني طن من القمح إلى ثلاث دول عربية مجاورة بعد توقف دام ثلاث سنوات، وفق تقرير.
ونقل موقع "بريس تي في" عن حامد على خاني، نائب وزير التجارة الإيراني قوله إن الحكومة أصدرت تراخيص لتصدير مليوني طن من القمح إلى سلطنة عُمان، ومصر والإمارات العربية المتحدة، خلال الفترة من 21 إبريل/نيسان - 21 مايو/أيار.
وبدأت إيران، التي احتفلت في 2004 بتحقيق الإكتفاء الذاتي من إنتاج القمح، في تصدير أولى شحناتها من القمح إلى عُمان، بشحنة بلغت 40 ألف طن عام 2007
"

Rasim Marwani said...

ثم قررت ان نجاد هو نمرة ثانية او ثالثة في النظام الايراني الشمولي، وواجهة مؤقتة للنظام
لتلقى البيض والطماطم
ونسيت ان رفسنجاني وخاتمي توليا منصب رئاسة الجمهورية ونفذا سياستهما الاسترضائية
للغرب وللطبقات الغنية في ايران في زمن الخميني نفسه ثم في عهد الخامنئي ولم تنفع ارشادات
الولي الفقيه في جعلهما يتراجعان عن هذه السياسة
ثم افرزت صناديق الاقتراع شخص مؤمن بسياسات الولي الفقيه وشكل معه جبهة ضد مراكز
سلطوية اخرى في النظام الايراني، لتنفيذ ما يعتقدان انها سياسة شرعية تلحظ مصلحة الفقراء
اولاً والمصالح المشروعة للدولة ثانياً والمشروع الثوري الاسلامي ثالثاً
ولو كان النظام الايراني شمولي كما تزعم، لما على صوت فوق صوت المعركة، ولما استطاع
حفنة من البورجوازيين الحمقى وحفنة من المتعاملين مع الاجهزة المخابراتية الاجنبية تقديم
المشهد الذي تستعد قناة العربية الليبرالية الديمقراطية لبث الذكرى السنوية الاولى له
احتفاءاً بظهور وانضمام مخانيث الليو الفارسية الى الحلف العربي الامريكي الاسرائيلي

Rasim Marwani said...

ثم تكرمت بتقرير حاسم ان النظام الايراني ولو قارنته الاستاذة نوارة بمليون نظام آخر، سيبقى
من وجهة نظرك نظاماً مستبداً يضطهد معارضيه ويسحلهم ويعدمهم بعد محاكمات صورية
ومجرد تجميع هذا العبث الفكري في جملة يدل على انك لست المهندس الذي اعرفه، والذي يدرك
ان التشخيص لا يكون الا بالمقارنة والا دخلنا في نظرية جمهورية افلاطون وحاكمنا الواقع
مستندين على غائب
ولتفكيك هذه المنظومة العبثية التي تجمعت في عبارتك الملتبسة اسألك ان تجيب على اسئلتي
التالية :
هل حدثت تفجيرات في ايران وحوادث احراق وتدمير للمتلكات العامة وقتل للانفس البريئة
وقطع للطرق وتعطيل لحياة الناس لمعاقبتهم على خيارهم الانتخابي الذي افرز فقيراً يحبه
الفقراء؟

اذا اعترفت بوقوع هذه الحوادث، ينبغي ان تعترف ان العقوبات التي طالت مرتكبيها عادلة بمقياس الدستور والقوانين الايرانية المعمول بها
واذا انكرت وقوعها، فيمكن في هذه الحالة ان تكمل جميلك وتنكر ماينسب للنظام الايراني، لان المصادر التي اوردتها واحدة

Rasim Marwani said...

بخصوص الدور الملتبس للنظام الايراني في العراق وافغانستان، اعجبني رد للدكتور بيومى في تدوينة سابقة، وهو يصلح للرد على سيادتك مع سؤال بريء :
من مد يده طلباً للمساعدة الايرانية ورفضت ايران مدها له :
الا يقبع احد اهم مساعدي عرفات في السجن لانه تلقى سفينة اسلحة ايرانية لدعم فتح عرفات بعد حصار المقاطعة
الا تهنأ الجبهة الشعبية لتحرير فلسطين بالمساعدة الايرانية المتواصلة منذ عقدين من الزمن؟
الم تتلقى الجهاد الاسلامي في فلسطين كل مايلزمها على مدى نفس المدة الزمنية؟
الم تستقبل حماس التي تمنعت عن الاتصال بالايرانيين خوفاً على مواردها العربية، استقبال الفاتحين في طهران بعد ان اغلقت في وجهها الابواب العربية؟
الا يصرح حزب الله وامينه العام بانهم يدينون لايران بكل طلقة وصاروخ وبندقية ومدفع فتحوا نارها على المحتل؟
الا تذكر التقارير الغربية ان وحدات من الحرس الثوري - فيلق القدس تدرب وتمول المقاومة العراقية والافغانية غير المتورطة بحمامات الدم والمجازر الطائفية؟
الم تسأل نفسك سؤالاً عن الطريقة التي يصل فيها السلاح والمال الى حركات مقاومة محاصرة بالاعداء من كل اتجاه؟
سنعود للقول بان المخدرات الافغانية تمول المقاومة؟! وكأن الاتجار بالمخدارات وتصديرها الى اوربا عمل سهل وميسر لساكنين في الكهوف ومراقبين جوا وبرا وبحرا
وعلى فرض الاصرار على فرضية المخدرات الافغانية، ماذا تقول عن غيرها من المقاومات العاملة في بلدان لا تتمتع بهذه التجارة السهلة والمربحة الى حد تمويل حرب ضد القوى العظمى في الارض

الا تذكر التقارير وجود وحدات من الحرس الثوري في فنزويلا لتدريب الجيش على مواجهة اي اعتداء؟
الم تكون ايران من اوائل الدول التي دعمت البوسنيين بشحنات من الاسلحة التي مكنتهم من الصمود في وجه الهجمات الصربية؟
الا تدين فصائل المقاومة في جامو وكشمير بالفضل لمن رعاها في وجه العتو الهندي في الثمانينات والتسعينات؟

Rasim Marwani said...

وهذا رابط لمداخلة دكتور صلاح بيومي في تدوينة البسسسسسسس :
https://www.blogger.com/comment.g?blogID=2720530513312889612&postID=166003577476215302

وهذا رابط من المداخلة للدور الايراني "الملتبس" في العراق وافغانستان :
http://www.al-akhbar.com/ar/node/27270

اذا كنت دعي ولست من تسمى نفسك باسمه، فحرام عليك ماتفعله باسم الرجل الذي تنتحل اسمه
واذا كنت بالفعل مهندس حر فلا حول ولا قوة الا بالله العلي العظيم

Unknown said...

Personal Message For you Nawwara as i know you like Korean Drama like me:)

مهرجان الأفلام الكورية بصندوق التنمية الثقافية



يستضيف ( مركز الإبداع الفني) بساحة دار الأوبرا - التابع لصندوق التنمية الثقافية برئاسة المهندس محمد أبو سعده في الفترة من 2 يونيو وحتي 5 يونيو عروض " مهرجان الأفلام الكورية " بالتعاون مع سفارة كوريا الجنوبية .

تبدء عروض الأفلام الكورية في الخامسة والنصف مساء الأربعاء 2 يونيو بعرض فيلم " ماراثون" إخراج " جيون يون تشول " .

بينما يعرض في الخامسة مساء الخميس 2 يونيو فيلم" الشريكان " إخراج" لي شونجري أول "

يليه في السابعه والنصف مساءاً عرض فيلم " قصة حب حزينه " إخراج" وون تاويون "

كما يعرض في الخامسة من مساء الجمعة 4 يونيو فيلم "العازف الصغير" إخراج " كوان هيونج جين " ،

يعقبه في السابعه والنصف مساءأ عرض فيلم " سنرفع كينج كونج " إخراج" بارك جيون يونج " .

وأخيرأ يختتم عروض مهرجان الأفلام الكورية في الخامسة والنصف مساء السبت 5 يونيو بعرض فيلم " الإنطلاق" إخراج " كيم يونج هوا " .



المكتب الإعلامي

Dr90 said...

احنا وصلنا للدرجة دي
نجاد شمولي و دكتاكور
كونه اقل في الصفة دي من غيره دة لسبب ان امكانياته كدة
لكن لو معاه امكانيات بوش هيبقا زيه
و العن
احنا زي اللي بنقارن النشال ب حرامي البنوك
و نقول النشال احسن من حرامي البنوك عشان بيسرق قدر اقل من المال
المقارنة دي كدة تبقا مقارنة فاسدة لأن النشال لو اتيحت ليه الفرصة و الوضع اللي فيه حرامي البنك هيبقا زيه لأنه بباطة عنده دافع الحصول على اكبر قدر ممكن من المال دون تعب و بوسيلة غير مشروعة
و دي نف الفكرة نجاد عشان متحزم من المجتمع الدولي و عليه العين مش مبهدل شعبه للدرجة
لكن قايم باقصى ما يمكن ان يقوم به من الشموليةو الديكتاتوريةةفي ظل الظروف اللي هوا فيها
لكن اؤكد لحضرتك انه لو بايده فهوا هيولع في كل معارضيه ان مكنش هيدوبهم في ماية نار زي صدام
فميصعبش عليكي غالي
و خلينا في الدكتاتور بتاعنا اللي شكله هيعمر لما يكمل قرن و يبقا الرئيس ابو قرن

Unknown said...

والنبي الناس اللي بتكرر كلام بروباجندا من غير ما تعرف هي بتقول ايه

طب يا سيد دكتور 90

يعني ايه نظام شمولي

ها؟

قولي كده ايه بقى النظام الشمولي كده

النظام الشمولي له مواصفات في واحد اتنين تلاتة

ياريت تقول لي تعرف ايه عن الشمولية وتعريفها وتحاول تطبقها على النظام الإيراني كده

Unknown said...

اي بلد تانية حصل فيها اللي حصل ده كانوا فرضوا الاحكام العرفية

وزي ما قلت على التويتر

كل واحد بيغني على ليلاه

اللي بيكره نجاد عشان اسلامي
واللي بيكرهه عشان شيعي
واللي بيكرهه عشان مش شيوعي
واللي بيكرهه عشان مش ليبرالي

سبحان الله
الحق احق ان يتبع
الراجل ده اتظلم ولو الانسان ما يقفش مع مظلوم الا يتفق معاه في الدين والمذهب والتوجه السياسي والسياسات الاقتصادية مية في المية يبقى ده اسمه نفاق

Dr90 said...

يا نهار اود مرتين اكتب الرد و يروح مرة اللابتوب اتقلب من على السرير و مرة الجهاز هنج
بركاتك يا نجاد
كلام كارل فريدريش في وصف 5 نقاط
للنظام الشمولي

1-حزب وحيد يراقب جهاز الدولة، يديره رئيس ذو كاريزما خاصة. 2-فكرانية دولة تحتوي على أبعاد خارج حدودية وأممية. 3-جهاز بوليسي يعمد للإرهاب. 4-إدارة مركزية للاقتصاد. 5-احتكار وسائل الاتصال الجماهيرية. يضاف إلى ذلك, كما يرى, الممارسات العملية اليومية المنظمة والدائمة, الحاملة للتسلط والاستبداد مثل: الاستيلاء على العملية التربوية, وإقامتها على قاعدة الفكرانية الرسمية. وضع شبكة من الرقابة على الأفراد حاضرة دائما وشديدة الفاعلية.


نتكلم في ال 5 نقط دول
1-
نجاد من بعد انتخابات 2009 ماشي بيقش
يعني نتكلم عن 3 احزاب و اللي حصلهم بعد انتخابات 2009
منظمة مجاهدين الثورة الاسلامية
بعد اعلان النتائج بساعات تم القاء
القبض على اغلب القيادات في المنظمة
جبهة المشاركة
تم اعتقال القيادات الرئيسية في هذا الحزب بعد الانتخابات بشكل عام ومنذ الايام الأولى للتوترات السياسية على الساحة الايرانية، واليوم هو من الاحزاب التي تمت تحويل رخصها إلى وزارة الداخلية ومن المحتمل ان يصبح هذا الحزب محظوراً في ايران إلى جانب احزاب إصلاحية رئيسية أخرى.
تجمع العلماء المجاهدين
من المحتمل ان يتم ايقاف نشاط الحزب وعتبارة حزباً محظوراً

يا فرحتي و فضل مين كدة
ما هي ماشية ناحية احادية الحزب اهي
فاضل اية
دة غير ولاية الفقيه
اللي هيا قمة الهبل يعني
و من حق الجهات الأمنية استبعاد اي مرشح في الأنتخابات دون ابداء الأسبابدة غير ان ايران لحد الوقتي مصطلح الثورة و ان الثورة لسا قائمة و الثورة الاسلامية والكلام الجميل دة بيوافق بالنص توصيف ريموند ارون للانظمة الشمولية بتها في حالة ثورة دائمة


2-
النقطة التانية الخاصة بالططوحات الخارجية و الفكرة الأممية
مش محتاجة كلام وواضح النفوذ الايراني و التسلطات في كل من العراق و سوريا و لبنان و دول الخليج كمان

3-
الجهاز الامني هناك زي عندنا و العن
و الناس طالع عين اللي جابوها
و الدليل اللي حصل بعد انتخابات 2009 و السلطات الخاصو باستبعاد المرشحين

4و 5
المركزية في ايران في الأقتصاد و الاعلام
و ان كان خامنئي خخف كتير من الموضوع دة و جعله نسبي لكن نجاد بيحاول انه يعود للدائرة دي
خاصة في موضوع الأعلام
الخطاب الأعلامي الأيراني بقا عامل زي الخطاب السوفيتي زمان
الرفيق و الأخ و الحياة اللوز دي

اسف لو كنت ازعجت حضرتك

Unknown said...

اه بصراحة ازعجتني

عشان انت ناقضت نفسك واثبت بالنقاط اللي حطيتها ان ايران فيها احزاب وان اتقبض على بعض العناصر لكن الاحزاب موجودة
وكتر خيره اوباما يعني اداله اسماءهم اسم اسم الله يخرب بيته وهم راخرين ما انكروش صلاتهم بامريكا

عقوبة الخيانة العظمى في اي قانون في الدنيا ايه يا ترى؟

ثم ايه دخل دور ايران في الدولة الشمولية
هي امريكا دولة شمولية عشان محتلة العالم عسكريا واقتصاديا وسياسيا؟

لو موافق ان امريكا دولة شمولية يبقى اوكيه بقى
كل الدول شمولية على كده

الجهاز الامني
اي دولة يحصل فيها محاولة انقلاب بيحصل فيها احكام عرفية وده اللي شافيز عمله بعد محاولة الانقلاب واللي تعاونوا مع امريكا على الانقلاب ضده اتقدموا لمحاكمة واتعدموا

ولو حصل في امريكا محاولة انقلاب برضه حيحصل نفس الحكاية

ايران بقى ما عملتش احكام عرفية لحد دلوقت

بالنسبة للمركزية الاقتصادية

كتر خيره
عايز يرجع الفلوس اللي اتسرقت للفلاحين والغلابة امال رفسنجاني ملا كرشه منين؟ مش من فلوس الناس؟ وكل ما يحس ان فلوسه متهددة يروح منزل عيال صغيرة الشارع فاكرينها فرح؟

Unknown said...

سبحان الله

تقرير منظمة العفش الدولية عمل نفس المقارنة اللي عملتها بين ايران وبين امريكا

Dr90 said...

لوووووووووووووووووووووووول
منظمة العفش الدولية
لوووووووووووووووول
و الله عندك حق العفش هما كبيرهم كدة
انا مقلتش ان النقط تم استيفائها في نجاد و نظامه
لكن بيسير بكل جد نحو تحقيقها
احزاب حاليا في ايران اشباح
اللي ماتقبضش عليهم مباشرة بعد انتخابات 2009
تم تحييدهم و بقوا عاملين زي الحزاب في مص مجرد شو
و الكلام دة قبل ما اوباما يتسحب من لسانه و يفتش الدنيا كدة
و شايف ان اللي حصل ملوش دعوة بالخيانة العظمى نهائي
انا بتكلم على الجهاز الأمني و سلطاته في ايران من قبل نجاد
سلطات مخيفة
و احكام عرفية ليه هما مش في حاجة ليها في حاجة اكتر ان من حقهم
الأعتراض على المرشحين
و نقطتك ان امكريكا عشان بتفرض الهيمنة على العالم
يعتبر توع من الشمولية اتفق معاك تماما و النقطة دي في امركان بينتقدوها في بلدهم اصلا
و اكيد لو عند نجاد نفس الموارد المتاحة لأمريكا كان بقا زيهم و انيل و دة اللي انا وضحته في اول كومنت
بالنسبة لنقطة يرجع الفلوس للفلاحين و الغلابة
اول ما قريت النقطة دي افتكرت
اللي كنا بنحفظه في التاريخ بتاع تالتة اعدادي
اعادة توزيع الثروة على فئات الشعب و القضاء على الأقطاع
من اكتر من نص قرن
و كل اللي حصل اننا خلقنا اقطاعيين جدد
و الفقر بقا العن من الأول
و الفلاحين و الغلابة اتطحنوا اكتر
يا ريت ربنا يخيب ظني فيه و يطلع احسن من كدة
و اسف مرة تانية على ازعاجي
:((

Kalimalhus said...

الأخ راسم مروانى:

لو أنك يا سيدى تتابع فعلا ما أكتبه و فى هذا شرف كبير لى لعلمت أنى من حيث المبدأ انحاز للشعوب و للبشر قبل النظم و القادة..

خلافى الأساسى مع نوارة فى تدوينتها هذه هى حول حصرها للأمر فى شخص نجاد وحده و فى ذلك إختصار للشعب الإيرانى و تجربته فى شخص إنسان واحد قد نختلف كثيرا على تقييمه .. لكننى أعتقد أننا نحترم و نحب الشعب الإيرانى و ينبغى من باب الإحترام لهذا الشعب أن ننسب الفضل له فى دعم المقاومة فى لبنان و فلسطين و إن كان مرور الدعم من خلال النظام يؤدى و أصر على ذلك إلى إنتقائية توزيعه..

و لا أدرى يا سيدى من أين لك معلومة حصول الجهاد و الجبهة على دعم إيرانى حقيقى فى حين شكا قادة الجهاد صراحة من ضعف مواردهم لأنهم لا يتلقون دعما مماثل أو قريب لما يناله الآخرون..

فيما يخص ترتيب الرئيس الإيرانى فى النظام فهو أمر واضح للجميع .. و الجميع يعلم إن مآل الأمر فى النهاية هو للولى الفقيه الذى لا يملك أحد سلطانا عليه إلا مجلس تشخيص مصلحة النظام الذى يحتاج ما يشبه الإجماع لعزله ..

إختلاف السياسات من رئيس لآخر أمر يخضع لتوازنات القوى .. فربما لا يرضى الولى الفقيه عن بعض سياسات الرئيس و لكنه لن يحدث أزمة داخلية للنظام بسبب خلاف فى أمور ثانوية و الواقع أن الخلافات داخل النظام الإيرانى بالفعل كانت دائما ثانوية و حتى فى عهد خاتمى .. أما رافسنجانى فهو محافظ و إنقلابه الأخير أمر حديث و يرجع لتهديد مصالح البازار الذى يمثله فى مواجهة تنامى القدرة الإقتصادية للحرس الثورى الذى يرعاه نجاد و خامينئى..

فى نهاية المطاف .. النزاعات داخل السلطة أمر لا أعيره إهتماما كبيرا إلا عندما يتم تصديره للشارع .. و الواقع أننى منذ البداية و حتى الآن لا أتعاطف مع دعاوى المتظاهرين بعد إنتخابات الرئاسة فى إيران و لكنى أتعاطف معهم كبشر أغلبهم كان ضحية التضليل من خارج البلاد و داخلها و لذلك فالمجرم الحقيقى كان و لا يزال مطلق السراح .. فمن أشعلوا النار و نفخوا فيها و أوهموا الناس أن حقا قد أستلب و تزويرا قد تم لا محالة .. هؤلاء كانوا أولى بالمحاكمة و أحكام الإعدام التى أفنت أرواح ناشطين صغار السن و التجربة غرر بهم و كان ينبغى أن ينظر إليهم ببعض الرأفة..

و إنعدام الرأفة هذا فى التعامل مع المتظاهرين و أثناء و بعد الأحداث هو نقطة الفراق بينى و بين نجاد .. فليس ثمة ما يبرر فى عقيدتى أن تنتهك حقوق الناس بتلك الغلظة و يستهان بأرواحهم فلا يقام لها وزنا..

إننا ندين الإمبريالية الأمريكية و الغربية كل يوم بسبب هدرها لأرواح الملايين من البشر و لأنها ذراع الرأسمالية التى تقتل ملايين آخرون بتجويعهم و تشريدهم و تلويث بيئتهم إلخ .. و لو أن الأمر يقاس بالكم لأصبح قاتل الواحد بريئا مقارنة بمن يقتل الملايين و لكن الله كتب على بنى إسرائيل و على الناس جميعا أنه من قتل نفسا بغير حق فكأنما قتل الناس جميعا .. فيستوى عند الله و عند من آمن به أن يقتل واحد أو يقتل ملايين فما دام القتل كان عن غير حق ففاعله مجرم ظالم ..

Anonymous said...

النظام الايراني 60% او 50 نظام دي مقراطي افضل من الانظمه القمعيه الوراثيه والباقي بكونه ديني وهاذه النسبه هي السبب التغير في ايران في اشياء عده سياسيه وقتصاديه وعسكريه
نجاد امامه حل واحد يا تعمل حاجه لناس ياتمشي وبجي مكانك واحد يعمل لناس .
المعارضه الايرانيه شاهدناه قبل سنه في عده وسائل تدافع عن ايران بستماته
رغم اختلافهم مع الحكومه الايرانيه
ولكن يبدو ان الاحلام العسليه الاسرائيله الامريكيه
وتدخلها في الشان الداخلي الايراني
وهي تواجه عده ضغوط دوليه
في وقت انها غير مستعده
ان الامر يخرج عن السيطره في الداخل.

Unknown said...

انا بس هم كلهم صعبانين عليا من اللي حيجرا لهم

امريكا بتعمل مناورات هي واسرائيل وعمالين يتمشكحوا يمين وشمال وشكلهم بيظبطوا نفسهم

وهم شكلهم كده مش دريانين باللي حيحصل لهم

وصعبان عليا انهم معمول عليهم حملة استعمارية واحنا بنردد ورا اللي بيأهلونا للحرب على ايران

وحاسة انهم مضطهدين اضطهاد السنين

يا سيدي حتى لو نجاد ده ديكتاتور
ما يستاهلش يتعمل فيه ده كله

يعني هو اوحش من مين بالظبط عشان يبقى هو ابليس العالم ويتحدف بالطوب من الشرق والغرب يعني

خلينا نقول نجاد وحش

اوحش من مين؟
يستاهل كل ده؟
لا ما يستاهلش.. لا كتير كده وظلم ما يستاهلش ده كله

ده الناس صعب عليها صدام لما اعدم في العيد

امال ده بقى اللي لا شال ولا حط يتعمل فيه ده كله ليه؟ والعالم كله يتأهل لضرب بلده والاطاحة به ليه؟

الاعلام الامريكي نجح في انه يشيطن ايران والنظام الايراني عشان لما يضربهم ما يبقاش فيه تعاطف معاهم

كل مرة بيعمل كده

كل مرة كل مرة كل مرة واحنا عاملين زي اللي بياخد تلاتين قفا على سهوة

وهي هي نفس المدة
كام سنة تلات اربع سنين يقعدوا يأهلوا الرأي العام العالمي لشيطنة الهدف

ولما العالم كله يوصل ان خلاص امر مسلم بيه ان الهدف ده شيطان

يبتدوا يضربوا

حرام ده وللا حلال

عملوها مع افغانستان وعملوها مع العراق وصدام اللي خدمهم خدمة العبد للسيد وعملوها مع حماس

وقبل كده عملوها مع عبد الناصر

ودلوقت بيعملوها مع دول، طب دول غلابة فعلا بقى وما يستاهلوش الشيطنة دي كلها وطيبين وفعلا بيساعدوا الناس على قد ما يقدروا وهم متحاصرين

واحنا بنكرر الغلطة تاني

لا بقى

المرة دي انا مش حاخد القفا ومش حاكرر الكلام اللي بيتقال زي الكورال

وانا باحب نجاد واتبنيته خلاص

Dr90 said...

في النقطة دي اتفق مع حضرتك
خاصة ان نجاد رغم كل عيوبه هوا الدكر الوحيد في المنطقة الوقتي
او العضمة الناشفة
فامريكا و اسرائيل بيطبخوله على نار هادية
و بمجرد سقوطه و سقوط النظام الأيراني(واضح ان الموضوع دة كبيره 5 سنين)
مش هيفضل غيرنا
و احنا اقل من النظام الأيراني في كل حاجة
و فاضيين من جوا فعلا
و وقعتنا هتبقا سريعة و مؤلمة
لأننا كل منظوماتنا واقعة ما عدا
منظومة الأمن الداخلي لفئة معينة فقط
طبعا النظام الأيراني مش بقدر الشيطنة اللي بيصفه بيها الأعلام الموجه
بس برضه مش ملائكي زي ما البروبجاندا بتاعت حزب الله و المنار و الميديا بتاعتهم معيشانا بالنسبة لنوياهم لمصر و بعض الدول العربية من الخلفية الشيعية بتاعتهم

Anonymous said...

على فكره ايران مش كابل ايران دوله لها وزنها .
ويتوقع كثير من المحللين ان يران اصبحت دوله نوويه .

قد يتفاجا بها اسرائيل وامريكا.

Unknown said...

Dr90

انا عمري ما شفت ناس بتتكلم عن النوايا في السياسة غيرنا

وعمري ما سمعتنا بنتكلم عن النوايا غير فيما يخص ايران

عارف ليه؟ عشان ما عندناش ولا دليل واحد ضدهم فبنتكلم عن نواياهم والحلم الفارسي والخيالات المريضة بتاعتنا، طب جبنا الكلام ده منين؟

يا جدعان ده انتوا لسه بتقولوا المعارضة الايرانية مش عميلة مع ان الكونجرس مرر مشروع زعزعة ايران ودفع فيه مليارات الدولارات ايام بوش والكلام كان على عينك يا تاجر

طب فين المشروع اللي اتمرر في البرلمان الايراني واللي له علاقة بنوايا ايران والشيعة ضد العرب والسنة؟

ماهي دي برضه من ضمن البروباجندا اللي بتعملها الانظمة العربية التابعة لامريكا

عمالة تغسل مخ الناس بقالها سنين على ان ايران لها نوايا لها نوايا

ايه نوايا دي؟ مش عيب الكلام ده؟

عشان لما ايران تنضرب ما يبقاش في عرب يتعاطفوا معاها

ليه؟

عشان اصل كان لهم نوايا

النوايا تسند الزير

وانا ما شفتش حزب الله بيعملوا بروباجندا

انا شفت بروباجندا اتكثفت ضد حزب الله وضد الشيعة بعد نصر 2006 واللي نظمها كان النظام المصري وطلق السلفية برضه يغسلوا مخ الناس عشان حسوا ان انتصار 2006 خطر على النظام المصري وعلى الانظمة العربية

لان الانظمة العربية عمالة تقولنا مافيش حل غير السلام مع اسرائيل واحنا ما نقدرش واحنا ما نعرفش والعين بصيرة والايد قصيرة

وجه حزب في بلد صغيرة ادا اسرائيل علقة

والناس هنا في مصر كانت ابتدت تقول: ما الناس رجعوا ارضهم من غير سلام اهو.. امال ضحكتوا علينا ليه؟

كان الحل الوحيد انهم يطلقوا علينا السلفيين ويقولوا لنا الشيعة كفار وحزب الله بياخد فلوس من ايران وايران لها نوايا

هي ايران لما تساعد عرب عشان يحاربوا اسرائيل دي حاجة تعيبها؟

Anonymous said...

اذا كان يرا كثير من المعلقين ان اسرائيل وامريكا هي شرطه المنطقه
فلماذا التخوف من ايران .

والعدو الحقيقي اللي بقتل كل يوم
في اهل في فلسطين ولبنان وتهديداته
لنا كل يوم ومش خايفين منه .

Unknown said...

وانا باقولك

حتى لو نجاد وحش

انا مش حاشارك في الحملة الامريكية عليه

ولو ما عنديش امكانية اني اعمل حملة مضادة لاني امة فقيرة وفرد واحد

اقدر اعلن اني مش داخلة في الزفة بتاعة امريكا

احنا لو بلد محترمة كان مقال زي ده قدم رئيس الدولة للمحكامة

http://www.haaretz.com/print-edition/opinion/prayer-for-the-health-of-the-rais-1.292269

احمد خليل said...

و أعدّ أضلاعي فيهرب من يدي بردى
و تتركني ضفاف النيل مبتعدا
و أبحث عن حدود أصابعي
... فأرى العواصم كلها زبدا
امريكا واسرائل ومصر فى ناحية والمقاومة(حزب اللة وحماس)وايران ..ونوارة فى الجبهة المضادة..اللى بيقول ايران وحشة وما تلزمناش هدفة يعرى المقاومة,فكرة المقاومةمالهاش فى العالم حاليا الا ايران كدولة داعمة ماليا وعسكريا ونوارة وامثالهامعنويا. نعتب عليها مش نهاجمها,
انتى جدعة بجد.

Anonymous said...

العرب هم من قاتل الاتحاد السفيتي وحرب بنيابه ل مريكا وهاهم اليوم في السجون الامريكيه مجرد ارهابيين
نحن من وقف ضد الناصريه ل صالح اسرائيل وهاهي اسرائيل تعوث فسادا في الارض نحن من وقف ضد صدام او الاغلب ونفس السيناريو يتكرر.

Unknown said...

عمو احمد

:)

تعتب عليا؟ انا اقدر ازعلك؟ لا ده حضرتك تشد وداني كمان

Dr90 said...

مع تحفظي على نقطة لن اللي حصل في 2006 انتصار
بس متفق معاك في نقطة ان الرفض من الانظمة العربيةللوجود الأيراني المتمثل في حزب الله بيعود في المقام الاول للولاء لأمريكا مش عشان هما عايزين استقلالية ليهم
لكن بالنسبة لحوار الليلة اقدر اختم ان انا متفق مع حضرتك ان احنا ضد اي تحرك ضد ايران
و متعاطف مع الشعب الأيراني عشان اللي هيحصله
و اللي هيا مسألة وقت و يحصلنا
لكن اية بايدينا
هنتفرج على التليفزيون كمان 4 او 5 سنين
و نشوف سقوط طهران زي ما شوفنا قوط بغداد و احنا بنشرب شاي و بناكل سوداني
و نرجع نقول لو لينا نظام محترم نقدر نقف بيه مع النظام الأيراني بغض النظر على تحفاظتي عليه
و يشكل سد ضد اطماع الغرب فينا
مكنش دة بقا حالنا

بالنسبة للينك اللي حضرتك جبته
اكتفي بقول
حرام عليك عندي مرارة واحدة
دة لو كلنوال هما اللي منتخبينه مكانوش قالو عليه كدة

Unknown said...

Dr90
هههههههههههههههههههههههههههههههههههههههههههههههههههههههههههه

الظاهر ان هم اللي منتخبينه واحنا ما نعرفش

هو احنا عدنا عارفين حاجة في ام البلد دي

Dr90 said...

رغم اني مش مناصري نظرية المؤامرة
لكن بجد لما يبقا الحب عيني عيني كدة
شكلهم كلهم زي بعض بيجهزوا لنظام عالمي جديد
و منطقة جديدةو شرق اوسط جديد
و الماسونية تبقا طبقت على العالم فعلا
و كلهم بينفذوا امر بوش بالتمهيد لنزول المسيح المنتظر

محمد صبرى said...

أنا عايز اقولك انى حابب أفكارك و روحك فى الكتابة بشكل مش طبيعي

يعنى افتكر انتى وضحتى كتير من اللى ممكن يتقال عن الحالة الايرانية

انا بس صعبان عليا نفسي للاسف مش هنفع ابقى من مستشاريه :D

*طبعا التصرفات الاستبدادية فى اى مكان فى العالم متبررش التصرف بنفس الطريقة و لو بحدة و وضوح اقل فى ايران,, يعنى انا واثق اكيد ان اللى قلتيه دا مش تبرير حابب بس ءاكد على دا .. لكن فى نفس الوقت موافقك بالكامل انه هو مش ابشع من غيره , كفاية انه لا غبار عليه من ناحية تحقيق استقلالية القرار فى بلده و رغبته و سعيه الاكيد عشان بلاده تاخد مكان متميز فى العالم , و بالنسبة لتاثير سياسته الخارجية علينا فهى عليها تحفظات فى العراق و فى افغانستان لكن بكل امانة اقدر اقول و بالفم المليان انه المصيبة فى بلادنا العربية مش عنده , يعنى بالعقل كده الراجل اللى ليه علاقات و صداقات مع قيادات فى العالم يسارية و حتى اصحاب التوجهات الاسلامية السنية زى اردوغان اكيد كان من السهل جدا تكون بلادنا اقرب الناس ليه و كان سهل جدا بلادنا تستفيد جدا من صداقته فى كل المجالات لولا اننا -كدول- واقفين فى صف اعداءه و اعداء الانسانية و بصراحة يبقى احنا اللى نستاهل , و رغم كل دا تفضل القضايا الكبرى لمقاوتنا العربية هى قضاياه و كفاية انه سند المقاومة الشيعية فى جنوب لبنان و اليسارية (الجبهة الشعبية) , و السنية (الجهاد وحماس) .


و بالنسبة لجملتك دى

" حرام الشباشب اللي هنا اللي بيقولوا عليه قال ايه ديكتاتور وهم جورج بوش بذات نفسه فاتح لهم دكاكين وبياخدوا مرتبات من امريكا من ايامه ولحد دلوقتطب ما قالوش لبوش انت ديكتاتور ليه؟ "

فدى بقى جملة كنت عايز اقعد اصقفلك بعدها ساعة :D

ارجو انك تهتمى دايما بفضح الاخوة الشباشب لانهم اصل الداء , و انا اعتراضى على اى حد ليه راى فى مصر استحالة يكون عشان بخالفه فى آراءه لكن دايما بيكون بس للى عملوا دمنا تجارة و اختاروا يبقوا ديل الكلب , لو كانوا اصحاب راى و وجهة نظر و عندهم ادنى قدر من الاخلاق كانوا رفضوا امريكا و هى بتدبحنا حتى و لو كانت افكارهم افكارها

تحياتى

Rasim Marwani said...

باشمهندس حر

اعطى نفسك وقتاً للتفكير واعد قراءة
ماكتبته مجدداً، وانسى ترهات الاعلام الرخيص
من تم تنفيذ حكم العدالة بهم كانوا من القتلة وزارعي القنابل في الاماكن العامة والمساجد والطرقات
وبعضهم ينتمى لمنظمة مجاهدي خلق التي تعمل بادارة الاجهزة الاسرائيلية - الغربية
والاحكام الصادرة بحقهم لا ولاية لنجاد عليها ولا قدرة على التأثير
ومن غير الانصاف والموضوعية الظن بان ايران دولة على غرار دولنا يأمر فيها الحاكم فيطيع القاضي
وقد شاهدنا بالامس قضاة شرفاء في مصر لم يستطيع النظام تطويع احكامهم في قضايا مثل الغاز وايصال المساعدات الى غزة وتصحيح الاجور فما بالك بايران التي يستطيع فيها القاضي ان يحاكم اي شخص على التراب الايراني بمن فيهم الولي الفقيه والرئيس
وانا من جهتي ابرأ الى الله من كل ظالم سفاك للدم الحرام بغض النظر عن الكمية واشهد ان هذا لا ينطبق على نجاد ولا يشبهه
وان الامر يتعلق بشخص يتحدي آلة اعلامية جبارة تحدث عنها عرفات الذي قال:
هؤلاء حولوني من ارهابي الى رجل دولة يستحق جائزة نوبل للسلام في ايام

Rasim Marwani said...

بخصوص الدعم الايراني للجهاد والجبهة الشعبية وكتائب شهداء الاقصى وابو الريش والناصر الفتحوية وغيرهم وغيرهم ...امر متواتر ومعروف
وبامكانك مراجعة التحقيقات مع خلية حزب الله في مصر وسترى هذه المعلومات التي لم ينفيها اي طرف من اطرافها
وحديثك عن كونهم لا يتلقون دعماً مماثلاً لغيرهم يؤكد الفعل ويشكك بالكمية وهذا ليس عليه اختلاف
فقد يرى الايراني ان هذا الفصيل بحجمه وقواته المسلحة لا يحتاج الى اكثر مما يتم دفعه بالفعل نظراً لكونه اميناًُ على اموال الشعب الايراني ولا يرغب في اعادة تجربة الثورات المترفة وسفر ضباطها في الفيرست كلاس
على كل حال انا وانت متفقين على البراءة من الظلم ومختلفين على المعلومات التي تصلنا
وهذا ليس امراً شنيعاً
ومن ابسط حقوق من يناصرنا ان نتحفظ عندما يصلنا عنه مانكره حتى نسمع عذره ونضع انفسنا مكانه

Unknown said...

لا طبعا انا مش باقدم تبرير لاي حاجة

انا اللي باقوله انه اتعمل منه ابليس العالم وبقت رمي الجمرات على صورته

مع انه اولا: احسن من كلللل الحكام العرب لانه كفاية انه جاي بانتخاب

ثانيا: كلللل الانظمة الغربية زيه وهم عاملين نموذج الديمقراطية الغربية على ابوه

ثالثا: اللي حصل بعد الانتخابات مشكوك فيه، وفعلا مالوش لازمة ابدا، مش بابرر طريقة التعامل

بس يا جماعة هو غرق دراه فعلا واحتاس واتفاجئ وكان باين جدا انه محتاس ومتفاجئ وما كانش متوقع لده كله

رد فعله كان مرتبك صحيح والارتباك ده بان في طريقة التعامل مع المتظاهرين

لكن ما يتقالش عليه ديكتاتور ابدا

لو ديكتاتور ما كانوش كل دول نزلوا من اساسه

هأو

بقى احنا نقدر ننزل هنا بربع الاعداد دي؟

لا طبعا

ومش عشان احنا شعب جبان زي ما النخبة اللي قاعدة على مؤخرتها بتتهمنا

بس عشان مع اول خمسميت واحد الليلة حتتلم وبيتك بيتك واللي حيحاول يعمل كده حيتقبض عليه من على باب العمارة

هي دي الانظمة الديكتاتورية اللي على حق

لكن نجاد قعد يومين بعد الانتخابات مبلم ومذهول ومش مصدق اللي بيحصل حواليه

ودول هيييييه وهاتك يا برطعة في الشارع

وبعدين فعلا كسروا وحرقوا

على ما ابتدا يجمع ويركز ويستوعب اللي بيحصل حواليه كان فات يومين على المظاهرات

والمواجهات العنيفة دي ما حصلتش الا بعد يومين

فيه ديكتاتور بيسيب الناس تبرطع يومين في الشارع؟

وايوة طريقة التعامل طريقة غبية

بس هو خياراته ما كانتش كتير

زفت الطين موسوي ده اخده على خوانة وراح قبل فرز الصناديق ما يخلص قال: انا نجحت في الانتخابات ولو ما نجحتش تبقى الانتخابات مزورة

فيه كده يا ناس؟

وراح طالق العيال الصغيرة عليه

وكل ده عشان نجاد مسحوب من لسانه وقال في المناظرة اللي بينه وبين موسوي ان الاصلاحيين لصوص وان رفسنجاني جاب فلوسه من دم الشعب الايراني

واحنا لو عايزين العدل والحق الخمس عيال اللي اعدموا مش مفروض هم اللي كانوا ياخدوا اعدام

المفروض كان موسوي ورفسنجاني هم اللي يتعدموا فعلا

خصوصا ان زهرة رهنافارد مرات موسوي كانت في امريكا قبل الانتخابات في رحلة غامضة

بس طبعا نجاد ما يقدرش يعدم موسوي ورفسنجاني لانهم مراكز قوى

ده كل ما يطلع في خطبة يتكلم ولو بالمتغطي عن القطط السمان والاغنياء اللي مصوا دم الشعب تاني يوم يطلعوا له مظاهرة

ويحتاس فيهم

ليه؟

عشان هو ديكتاتور طبعا

فيه ديكتاتور في الدنيا يبقى حايس كده؟

ياخويا ياريت كل الديكتاتوريات كده

Unknown said...

وتاني باقول لكوا

نجاد غلبان

نجاد بالتحديد دونا عن بقية النظام الايراني

غلبان وصادق ومصدق وعنده بدلتين بيغير فيهم وبياخد مرتبه من التدريس في الجامعة عشان مش عايز ياخد من المال العام وبياكل شندوشتات جبنة بيضة شايلها في الكيس بتاعه

وكل غلطته انه قال انه عايز يرجع ايران لايام الثورة تاني ولمبادئها

وطبعا دي مثالية وتغفيل منه

خلاص ايران ما بقتش ثورة

ايران بقت دولة زي اي دولة وفيها رجال اعمال ومراكز قوى وهو حط ايده في الكبس ولبس نفسه في حيطة

بس مش عشان ديكتاتور
عشان فلاح وبيحب الفقرا وغلبان ومثالي

وانتوا بتتكلموا عن الاعدامات كأن نجاد هو اللي اعدمهم

ما حدش يتعامل مع ايران بوصفها مصر

ايران فيها ستميت مؤسسة وكل مؤسسة عبارة عن غول ولها انياب وضوافر

والا ما تنسوش ان قادة المعارضة من قيادات مؤسسات النظام

والرئيس في ايران زي الرئيس في امريكا كده

مالوش كل السلطات اللي عند الرئيس العربي ولا ربعها حتى

ومالوش سيطرة على القضاء ومالوش سيطرة على البرلمان ومالوش سيطرة على الحرس الثوري

كل دي مؤسسات غيلان ده مجلس صيانة الدستور يقدر يعزل المرشد نفسه

هم لما عملوا الثورة عملوا مؤسسات وهيكلوها بحيث ان كل مؤسسة تقدر تسيطر وتقدر غيرها يسيطر عليها

بمعنى انهم بسبب عقدتهم من الشاه حطوا صباع كل مؤسسة في بق التانية بحيث ان كل مؤسسة تعمل حساب بقية المؤسسات وفي نفس الوقت هي لها ثقل يتعمل له حساب

ورئيس الدولة ده راسه براس اي مؤسسة تانية، مش فوقيهم

مواطن مصري said...

القذافى يتوسط فى «أزمة النيل».. ومبارك يلتقى زعماء «الحوض» فى فرنسا
علمت «المصرى اليوم» أن هناك اتصالات ليبية - مصرية تناولت عرض الرئيس الليبى العقيد معمر القذافى القيام بدور الوسيط، لتقريب وجهات النظر بين مصر والسودان من جانب، ودول أعالى النيل من جانب آخر.

وقالت المصادر إن العرض الليبى هدفه إعادة الأطراف إلى طاولة المفاوضات مرة أخرى لحل البنود الخلافية حول الاتفاقية الإطارية الشاملة للتعاون، تمهيدا للإعلان عن إنشاء مفوضية عليا لدول الحوض، بما يحقق مصالحها دون الإضرار بأى دولة منها.

http://www.almasry-alyoum.com/article2.aspx?ArticleID=256811


السيناريو الثالث و أتمنى أن يحدث هذا السيناريو هو أن تدرك الخارجية

المصرية بخطورة هذا الملف و تستعين بعمرو موسى لشعبيتة و خبرتة

و ايضاً الأستعانة بالرئيس اللبيبي معمر القذافي ل أقناع و الضغط على

دول حوض النيل من أجل أعادة المفاوضات من جديد و أقناع دول المنبع

بثبات حصة مصر و السودان

http://stories-from-my-life.blogspot.com/2010/05/14.html

Friday, May 7, 2010

mUsLiM said...

فى نظرى ان الرئيس ايراني فقد كثيرا بانتقاده العلني لروسيا

وهذا فى حكم السياسة خطأ ولاشك خاصة فى مثل الأوضاع الدولية الحالية

ولكن يبدو ان نجاد لم يملك نفسه حيال تأييد الصين وروسيا للعقوبات

ولكن هى السياسة فالمصلحة اليوم هى الحاكمة على سياسات الدول

حتى الصين التى كانت من أشد المعارضين للعقوبات استطاعت أمريكا انتزاع موافقتها

ولاشك ان هذه الموافقة ليست بدون مقابل وانما بثمن وثمن ليس بالرخيص

........................

استطراداً للحديث السابق عن عنصرية النظام الإيراني وحلمه الشمولي الفارسي

هذا آخر تصريح لأحد قادة النظام الإيراني ((على أكبر ولايتي)) وزير خارجية إيران الأسبق حيث قال

كان الإمام (الخميني) له حبّ خاص لإيران وللوطن.. وكان يقول لا يوجد أفضل من شعبنا ولا حتى شعب رسول الله في صدر الإسلام

فحسبنا الله ونعم الوكيل

السلام عليكم

Unknown said...

ايوة يا مسلم انا شفت الخبر ده

Unknown said...

وبالمناسبة يا مسلم انا حاعمل تحديث بخصوص الخبر ده وتقرير منظمة العفش الدولية

Rasim Marwani said...

يامسلم

كل شعوب الارض افضل من الشعب الذي كان مع رسول الله وآذاه حتى قال : مااوذي نبي مثل مااوذيت.

يامسلم
لم يتقدم ايراني ليجذب عباءة الخميني حتى بان اثر الجذب في عنقه كما فعل الشعب الذي عاصر النبي وقال له في تقسيم ابل حقيرة:
اعدل يامحمد
يامسلم
انظر في القرآن وانظر تقييم الخالق لخلقه آنذاك وقدر من عندك هل يوجد شعب كرمه الله بهبة بعثة خاتم الرسل بين ظهرانيه ويفعل مافعله به؟

يامسلم
هو جر شكل والسلام؟

مواطن مصري said...

انا اول واحد قولت ان مصر هتستعين بمعر القذافي من يوم 7 مايو

Unknown said...

سيد راسم
احنا بينا توارد خواطر
:) انا عملت تحديث بالكلام اللي حضرتك بتقوله

مواطن مصري said...

أشياء توقعتها و حدثت بالفعل في 2010 قد تكون صدفة 2http://stories-from-my-life.blogspot.com/2010/05/2010-2.html

yousef said...

وتأهيل الرأي العام العربي بالتحديد لعدم التعاطف مع ايران لما تنضرب ?????????????

وهو الرأي العام العربي بيقدم او بيأخر لما بيتعاطف

طيب الرأي العام العربي تعاطف مع اللبنانيين عند الحرب عليهم وتعاطف مع غزة لما انضربت !!!!

Rasim Marwani said...

تأصيل لتحديث الاستاذة

في صحيح مسلم من حديث أَبِي هُرَيْرَةَ رضي الله عنه أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَتَى الْمَقْبُرَةَ فَقَالَ : السَّلامُ عَلَيْكُمْ دَارَ قَوْمٍ مُؤْمِنِينَ ، وَإِنَّا إِنْ شَاءَ اللَّهُ بِكُمْ لاحِقُونَ . وَدِدْتُ أَنَّا قَدْ رَأَيْنَا إِخْوَانَنَا . قَالُوا : أَوَ لَسْنَا إِخْوَانَكَ يَا رَسُولَ اللَّهِ ؟ قَالَ : أَنْتُمْ أَصْحَابِي ، وَإِخْوَانُنَا الَّذِينَ لَمْ يَأْتُوا بَعْدُ . فَقَالُوا : كَيْفَ تَعْرِفُ مَنْ لَمْ يَأْتِ بَعْدُ مِنْ أُمَّتِكَ يَا رَسُولَ اللَّهِ ؟ فَقَالَ : أَرَأَيْتَ لَوْ أَنَّ رَجُلا لَهُ خَيْلٌ غُرٌّ مُحَجَّلَةٌ بَيْنَ ظَهْرَيْ خَيْلٍ دُهْمٍ بُهْمٍ ، أَلا يَعْرِفُ خَيْلَهُ ؟ قَالُوا : بَلَى يَا رَسُولَ اللَّهِ . قَالَ : فَإِنَّهُمْ يَأْتُونَ غُرًّا مُحَجَّلِينَ مِنْ الْوُضُوءِ ، وَأَنَا فَرَطُهُمْ عَلَى الْحَوْضِ ، أَلا لَيُذَادَنَّ رِجَالٌ عَنْ حَوْضِي كَمَا يُذَادُ الْبَعِيرُ الضَّالُّ ، أُنَادِيهِمْ : أَلا هَلُمَّ ، فَيُقَالُ : إِنَّهُمْ قَدْ بَدَّلُوا بَعْدَكَ ، فَأَقُولُ : سُحْقًا سُحْقًا .

وفي صحيح مسلم أيضا من حديث أَبِي هُرَيْرَةَ رضي الله عنه أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : مِنْ أَشَدِّ أُمَّتِي لِي حُبًّا نَاسٌ يَكُونُونَ بَعْدِي ، يَوَدُّ أَحَدُهُمْ لَوْ رَآنِي بِأَهْلِهِ وَمَالِهِ .

وفي مسند الإمام أحمد من حديث أنس بن مالك رضي الله عنه قال : قال رسول الله صلى الله عليه وسلم : وددت أني لقيت إخواني . قال : فقال أصحاب النبي صلى الله عليه وسلم : أو ليس نحن إخوانك ؟ قال : أنتم أصحابي ، ولكن إخواني الذين آمنوا بي ولم يروني .

وروى الإمام أحمد من طريق أبي محيريز قال : قلت لأبي جمعة - رجل من الصحابة - : حَدِّثنا حَدِيثًا سَمعته مِن رسول الله صلى الله عليه وسلم . قال : نعم ، أحدثكم حديثا جيدًا : تَغدينا مع رسول الله صلى الله عليه وسلم ومعنا أبو عبيدة بن الجراح ، فقال : يا رسول الله أحَدٌ خير مِنا ، أسلمنا معك ، وجاهدنا معك ؟ قال : نعم ، قوم يكونون من بعدكم يؤمنون بي ولم يروني .

Unknown said...

وده جزء من الدعاية الاستعمارية

الاستهانة بانفسنا

لو احنا مش مهمين ما كانوش سلطوا علينا ديكتاتوريات ودفعوا لهم كل الفلوس دي عشان يحبسونا

امريكا بتدفع خمسين مليار لمبارك عشان يعمل فينا اللي هو عامله

لو احنا ما نسواش ما كانوش صرفوا كل الفلوس دي

هم بيدفعوا زكاة مال؟

Unknown said...

استغفر الله يا استاذ راسم

انا نزلت التعليق عشان ما تزعلش

بس بعد اذنك حامسحه دلوقت

yousef said...

والله يا اخت نوارة انا مش شايف انه كل بلاوينا سببها الدعاية الاستعمارية وبكل الاحوال يسعدني انك متفائلة بالرأي العام العربي ، بس لاحظي على سبيل المثال سفن كسر الحصار اليوم طلعت من تركيا واليونان والمتضامنين الاوروبيين اللي فيها اكثر من العرب

بكل الاحوال اتمنى فعلا انه المستقبل يثبت لي خطأ وجهة نظري ، وانه الرأي العام العربي لسه فيه نفس .

mUsLiM said...

إن أعظم ما يواجه أمتنا فى هذه الأيام هو الحديث بغير علم

وانا آسف أن أجد مثل هذه التبريرات والردود السقيمة حقاً فى تبرير مقولات من أمثال مقولات الخميني التى نقلها عنه ولايتي

ومن الغريب أن نسمع من يقول فعلا أن السنة يقولون أن من آمن بعد النبى صلى الله عليه وسلم أفضل من الصحابة !!!!!!!!

يعنى كل من آمن من آحاد المسلمين أفضل من أبي بكر وأفضل من عمر وأفضل من عثمان وأفضل من على بن أبي طالب وأفضل من حمزة وأفضل من خالد بن الوليد وأفضل من عبد الله بن عباس وأفضل من عبد الله بن عمر

لعمر الله إن هذا هو الخبط والجهل عينه !!!!!

وكل ذلك من أجل التبرير للخميني

لماذا كل هذا ؟!!!!

أولاً: مذهب أهل السنة واضح وضوح الشمس ولاشك ليس فيه هذا الخبط والجهل الذى قالت به الأخت صاحبة الموضوع أو من أيدها

قال صلى الله عليه وسلم (( خير الناس قرني ثم الذين يلونهم ثم الذين يلونهم )) رواه البخاري

وقال تعالى (( والسابقون الأولون من المهاجرين والأنصار والذين اتبعوهم بإحسان رضى الله عنهم ورضوا عنه ...))

وقال تعالى (( محمد رسول الله والذين معه أشداء على الكفار رحماء بينهم ..))

وقال تعالى (( لقد رضى الله عن المؤمنين إذ يبايعونك تحت الشجرة فعلم ما فى قلوبهم ))

والأدلة على ذلك أكثر من أن تحصى فى هذا الموضع وهذا الرد

ولذلك قال عبد الله بن مسعود رضى الله عنه (( إن الله نظر في قلوب العباد ، فوجد قلب محمد صلى الله عليه وسلم خير قلوب العباد ، فاصطفاه لنفسه ، فابتعثه برسالته ، ثم نظر في قلوب العباد بعد قلب محمد ، فوجد قلوب أصحابه خير قلوب العباد ، فجعلهم وزراء نبيه ، يقاتلون على دينه ))

أما حديث ((اشتقت لإخوانى)) كل ما فيه هو حب النبى صلى الله عليه وسلم لأمته ومن يؤمن به من بعده وشوقه لهم

أين هو الدليل على أن من يؤمن بالرسول بعد وفاته خير من الصحابة ...؟!!!

لا أدرى الحقيقة كيف تخيلت صاحبة الموضوع هذا الفهم لهذا الحديث

وفوق ذلك نسبت إلى مذهب أهل السنة أنهم يقولون بهذا الفهم العجيب !!!

الرسول صلى الله عليه وسلم قالها صريحة وواضحة (( خير الناس قرني ثم الذين يلونهم ثم الذين يلونهم ))

كلام واضح وصريح وقاطع

ونعود إلى ما قاله الخميني

أولاً: مقولة الخميني عنصرية لا محالة ويكفي شقها الأول

وهو أنه قال لا يوجد أفضل من شعبنا !!!

هذا وحده كاف لهذه العنصرية الفارسية البغيضة التى تحدثنا عنها سابقاً وأنكر البعض علينا ذلك

ثم إن الشق الثاني من المقولة

وهو أن شعب إيران أفضل حتى من الصحابة ومن تواجد مع النبى فى صدر الإسلام فهذا فى أقل الأحوال فسق وفجور

بأن يدعي إنسان أن شعب مهما كانت جنسيته أفضل من الصحابة الذين رضى الله عنهم فى القران الكريم ونقلوا إلينا الإسلام وكانوا حملة هذا الدين

وحسبنا الله ونعم الوكيل

السلام عليكم

Rasim Marwani said...

خلاص فهمنا يامسلم

عايزة جنازة وتشبع لطم

Unknown said...

ده الدليل يا مسلم

وروى الإمام أحمد من طريق أبي محيريز قال : قلت لأبي جمعة - رجل من الصحابة - : حَدِّثنا حَدِيثًا سَمعته مِن رسول الله صلى الله عليه وسلم . قال : نعم ، أحدثكم حديثا جيدًا : تَغدينا مع رسول الله صلى الله عليه وسلم ومعنا أبو عبيدة بن الجراح ، فقال : يا رسول الله أحَدٌ خير مِنا ، أسلمنا معك ، وجاهدنا معك ؟ قال : نعم ، قوم يكونون من بعدكم يؤمنون بي ولم يروني

وعلى رأيك
حسبنا الله ونعم الوكيل

Unknown said...

وبالمناسبة

الايرانيين بيعبدوا النار
والشيعة طالع لهم ديل

يستاهلوا يتقصفوا ويتعمل فيهم اللي اتعمل في العراق وافغانستان وغزة؟ وللا احنا حنفضل نستحل دم بعض كده كل مرة لحد ما ينوبنا اللي ناب غيرنا؟

mUsLiM said...

هذا ليس أسلوب نقاش

فعندما تردى على رد لي يجب أن تردى على ما ذكرت من أدلة واضحة صريحة من آيات قرآنية وأحاديث نبوية

وهذا غيض من فيض

ثم إنى لم أتهم الشيعة بالكفر ولا بالمجوسية لذا فأي كلام عن هذا الخصوص هو كلام بلا معنى


ولا أدري كيف تزعمين أن الأجيال التى تأتى بعد وفاة النبى خير من الجيل الذى رباه النبى صلى الله عليه وسلم وعلمه وجاهد معه ورأى حياته وغزواته وحمل الدين إلى الأمة وهم يؤجرون على ذلك إلى يوم الدين


ثم وقبل الرد على هذا الحديث فإن مقولة الخميني لا علاقة لتبريرها بهذا
الحديث

فعلى فرض صحة قولك فإن الخميني قال شعب إيران أفضل من كل الشعوب حتى الصحابة

أما قولك فهو أن من يؤمن بعد النبي أفضل من الصحابة

وشتان بين هذا وذاك

فالخميني بعنصريته تحدث عن أفضلية شعب إيران فقط لا غير

أما قولك انتى فهو أيضاً قول باطل شاذ لم يقل به أحد ولا يستطيع

فأنا أستغرب جرأتك أصلا فى هذا القول

بأن من يؤمن بالنبى صلى الله عليه وسلم بعد موته أفضل من الصحابة هكذا بإطلاق

ولكن على كل حال الرد على الحديث المذكور يتطلب بعض التفصيل فى أقوال العلماء ولا أدرى هل من سيقرأ ردي مؤهل ليفهمه ويدرك معناه أم لا لأن فهم كلامي سيتطلب أن يكون القارئ له بعض العلم الشرعي والفقه الأصولي

فالعلماء جميعاً متفقون على أفضلية الصحابة بالمجموع بمعنى أن جيل الصحابة ولاشك هم أفضل جيل ولن يأتي بعدهم من هم أفضل منهم

وهذا واضح وصريح بقوله صلى الله عليه وسلم (خير الناس قرني ثم الذين يلونهم ثم الذين يلونهم ) رواه البخاري ومسلم وهو حديث فى أعلى درجات الصحة

وهذا الذى أذكره باتفاق أهل العلم لا خلاف في ذلك أبداً

ولذا فإن استدلالك بالحديث المذكور باطل لأن الخميني يفضل الشعب الإيراني فى مجموعه

ثانياً: ثم حصل الخلاف بين العلماء فى أفضلية أفراد الصحابة الذين ليس لهم فضل فى الدين ولا رواية عن النبى ولا جهاد معه

وذلك كالصحابة الذين ثبتت لهم مشاهدة النبى دون أن يكون لهم فضل آخر

فهنا قال بعض العلماء أنه قد يأتي من المسلمين بعد وفاة النبى من هم أفضل من بعض أفراد الصحابة الذين ثبتت لهم الصحابة بمشاهدة النبى دون أن يكون لهم فضل آخر أو جهاد مع النبى أو رواية لأحاديث عنه

واحتج هؤلاء العلماء بالحديث الذى ذكرتيه

وخالف جمهور العلماء بأن قالوا بل إن الصحابي حتى ولو لم يكن له سوى مشاهدة النبى فهو أفضل من غيره لأن فضل الصحبة يفوق كل فضل ومزية مشاهدة النبى صلى الله عليه وسلم حال حياته تفوق أي عمل صالح

ولذلك قال البيهقي هنا كلاما وأدلة كثيرة استدل بها على صحة قول جمهور العلماء وختم ذلك بقوله ((أن من صحب النبي صلى الله عليه وآله وسلم، ورآه ولو مرة من عمره، أفضل من كل من يأتي بَعدُ، وأن فضيلة الصحبة لا يعدلها عمل. وهو الحق الذي لا ينبغي أن يُصار لغيره))

ورد الجمهور على الحديث الذى ذكرتيه بردود كمثل قول الامام ابن حجر (( وأما حديث أبي جمعه فلم تتفق الرواة على لفظه فقد رواه بعضهم بلفظ الخيرية ورواه بعضهم بلفظ (قلنا يا رسول الله هل من قوم أعظم منا أجرا) وإسناد هذه الرواية أقوى من إسناد الرواية المتقدمة))

ثم قال ((ومجرد زيادة الأجر لا يستلزم ثبوت الأفضلية المطلقة. وأيضا فالأجر إنما يقع تفاضله بالنسبة إلى ما يماثله في ذلك العمل، فأما ما فاز به من شاهد النبي صلى الله عليه وآله وسلم من زيادة فضيلة المشاهدة فلا يعدله فيها أحد))

ذلك لأن أعمال الصحابة لا يعدلها أعمال غيرهم لقول النبى صلى الله عليه وسلم (( تسبوا أصحابي، فوالذي نفسي بيده لو أنفق أحدكم مثل أحد ذهبا ما بلغ مد أحدهم ولا نصيفه ))


ورد البعض الآخر على هذا الحديث مثل الامام الشوكاني بقوله ((ولا شك أن حديث خير القرون قرني ارجح من هذا الحديث بمسافات لو لم يكن إلا كونه في الصحيحين وكونه ثابتا من طرق وكونه متلقي بالقبول فظهر بهذا وجه الفرق بين المزيتين من غير نظر إلى الأعمال كما ظهر وجه الجمع باعتبار الأعمال على ما تقدم تقريره فلم يبق ههنا إشكال))

وعلى كل حال فأهل السنة متفقون جميعا على أن جيل الصحابة خير من أي جيل يأتي من بعدهم لا يخالف فى ذلك إلا جاهل

ويكفي جدا قوله تعالى ((لقد رضى الله عن المؤمنين إذ يبايعونك تحت الشجرة فعلم ما فى قلوبهم ))

وقوله تعالى ((والسابقون الأولون من المهاجرين والأنصار والذين اتبعوهم بإحسان رضى الله عنهم ورضوا عنه ))

فالصحابة هم خير هذه الأمة وقدوتها وشرفها الأعلى

ورحمة الله علينا فى زمان يزعم البعض أن الأجيال التى تأتى بعد النبى خير من الجيل الذى رباه النبى صلى الله عليه وسلم وعلمه وأدبه وصاحبه وجاهد معه صلى الله عليه وسلم من أجل تبرير قول الخميني

ولا حول ولا قوة الا بالله

السلام عليكم

شمس العصارى said...

بنظرة اكثر تحليلية و شمولية نجد ان شن امريكا و اسرائيل حرب ضد ايران امر غير محتمل لاسباب كثيرة منها :
اولا : اقتصاديا : 1- اذا بدأت حرب ضد ايران تلقائيا يتضاعف سعر برميل البترول و يزداد بشراهة لان امدادت ايران ستتوقف و بترول الخليج العربى سيكون مهدد و صعب نقله
2- دول الخليج – باعتبارها سوق كبير للغرب – ستتأثر الحالة الاقتصادية فيها و ربما تقارب التوقف
3- بغلاء البترول حتما ستنشب خلافات كبيرة بين الامريكان و الروس و الصين تجاريا و تسويقيا
والاقتصاد العالمة يدخل مرحلة تقلبات كبيرة
4- اقتصاد امريكا بوضعه الحال لا يستطيع تمويل حرب تحتاج مليارات اكثر من اى حرب سبقت و حتى اقصاديات و بترول دول الخليج لن يستطيع ان يساهم بالكثير فى هذه الحرب عكس سابقا الذى مول فيه حروب بالكامل .

ثانيا: عسكريا : 1- لا يصح اطلاقا مقارنة الحالة العراقية بالايرانية لان العراق جرى استنزافه لاكثر من 10 سنين و لذلك سهل هزيمته و سقوطه ام الحالة الايرانية فايران تمتلك جيش كبير و قوى و مسلح و مكتمل
2- عليه من المستحيل احتلال ايران او هزيمة جيشها بقليل من الخسائر الامريكية و لا ابالغ اذا قلت ان الخسائر
ستكون متساوية نظرا لطبيعة الخليج العربى
فكل القوات الامريكية فى الخليج ستكون هدفا سهلا للجيش الايرانى .
3- شن امريكا حربا ضد ايران يعتبر بداية النهاية للتواجد – المهم لها – الامريكى فى الخليج نظرا لكثرة الشيعة المنتشرين فى دول الخليج الذين لن يتركوا الامريكان ولا قواعدهم سليمة .
4- حرب امريكا على ايران ينهى سريعا سريعا التواجد الامريكى فى العراق – ولننظر ما كلف امريكا تواجدها فى العراق – فشيعة العراق ساعتها سيكونون مع ايران قولا و قتالا و هو ما يعنى افناء القوات الامريكية فى العراق و سرعة خروجها ان بقيت لها باقية .
5- " اهم الاسباب مطلقا "
فشل اسرائيل فى حرب 2006 يعلن ضمنيا فشل طريقة ضرب ايران فاسرائيل و امريكا شنا على لبنان وحزب الله بروفة لما يمكن تكراره مع ايران سواء باختبار قوة المقاتلين الشيعة او اختبار السلاح الايرانى او شكل الضربة الخاطفة الموجعة المركزة
و فى حالة الحرب على ايران لا يوجد احد فى العالم يضمن امن اسرائيل حينها
لانه ببساطة سلاح حزب الله سيوجه كليا تجاه اسرائيل و هو ما لا يستطيع ايقافه احد .
اختصار شن حرب امريكية اسرائيلية على ايران بمثابة مستنقع اشد فتكا و ضراوة من مستنقع فيتنام او العراق .
بكل ما سبق يصبح احتمال الحرب على ايران احتمال بعيد جدا ان لم يكن غير وارد .
ثالثا : محاولة اختراق ايران من الداخل او تشديد العقوبات او مفاوضات الملف النووى الايرانى الطولية كلها اسباب تعنى ضمنيا عدم اعتماد خيار الحرب لانه ليس بالمعقول يعتمدوا قرار حرب و يتركوا ايران تاخذ حذرها و تأهبها و احتياطاتها و هو ما ظهر جليا فى مناورات الجيش الايرانى من شهور او اقل .

شمس العصارى said...

على الهامش
• اه ايران دولة شمولية بوليسية و الى ينكر كده يبقى بيجمل انظمة قبيحة و كمان مش حيعرف يجمل لانه بيخالف الواقع و عندما نقول ذلك لا نعنى ان الانظمة الغربية او العربية بريئة .
• اه نجاد منصب الرئيس- الترتيب التانى او يمكن التالت كمان ........... امال المرشد و مجلس صيانة الدستور ترتيبهم ايه
• لا يخرج احد من المتابعين للوضع الايرانى عن قول ان النظام الثورى الايرانى الان يعيش مازق كبير سواء داخليا او خارجيا فهو لانعدام الاطروحات لديه و استفذ كل ما يمكن ان يفعل او يقال وده لانه وصوله للسطلة لم يواكبه تطوير ذاتى و خصوصا سياسا .
• نجاد ليس فى ورطة بل النظام الايرانى هو من فى ورطة بدليل ان كل الرؤساء السابقين لم يكونوا يحيدوا عن خط السياسة الخارجية قيد انملة – و الى اعطى اعطى وعود و كلام فقط – و حتى لو مشى نجاد وجه حد تانى لن يتغير وضع ايران كدولة .
• فعلا فى الساسية لا وجود للنوايا و لكن ممكن من افعال الماضى تستشف تصرفات و افعال حالية او مستقبلية
• و بالواقع ما هو تفسير خوض ايران حرب 8 سنيين مع العراق على ارض تاريخيا و جغرافيا تتبع العراق .
• من يحدد من ينزل فى انتخابات الرئاسة الايرانية هو مجلس صيانة الدستور و ليس الرئيس ولا يستطيع مجلس صيانة الدستور الاقتراب من المرشد .
• الرأى العام العربى اضعف من ان يبذل احد مجهود لاقناعه بشئ ........ طالما الانظمة فى جيوبهم ففيما يحتاجوا الرأى العام العربى ؟.
• مستغرب من فترة كبيرة ... الا ليه كل الى بيكتب باسهاب عن حزب الله او الشيعة او ايران ليس له ملف تعريف ظاهر ........... و دول كتير مش واحد ولا 2 ...... يعنى لما يعجبنى كلام حد بدخل اشوف ملف تعريفه و مدونته علشان اعرف الشخص اكتر و اعرف افكاره و توجهاته ولا ده شئ وحش و ابطل اعمله تانى ههههههههههههههه

شمس العصارى said...

و مفيش حد من اهل السنة قال " ان اللي آمن بالرسول بعد وفاته من غير ما يشوفه احسن من الصحابة" اطلاقا و القول ده مردود لقائليه ولا يعتد به عند اهل السنة و الجماعة
• نحن اهل السنة و علماء الحديث الاجلاء لم يفسروا احاديث الرسول عن احبابه بانهم – اى الاحباب – افضل من الصحابة او من عاصر الرسول
و اهل السنة لا يقدمون احد من التابعين او المحدثين او معاصرين او غيرهم على الصحابة رضوان الله عليهم و يكفى الصحابة انهم اختيار من الله لما ورد فى حديث الرسول ما معناه : ان الله اختارنى و اختار لىّ اصحابى " .......... و لكن ناخذ كلام الرسول عن احبابه بدافع التكريم و الحب لنا و ليس بمفهوم اننا افضل من صحبة الرسول .... حاشا لله .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
و حتى لو فى خبر عن على اكبر ولاياتى او غيره
لا اجد مبرر لخلط الحديث عن الوضع الحالى بسياساته تجاه ايران بالحديث عن ما هو شيعى و سنى
ولا اجد مبرر لتبرير معتقدات الشيعة بالافتراء على السنة و مساواة الاثنين ببعض فى معتقداتهم تجاه صحبة الرسول الكريم ...... ما دخل اهل السنة فيما قاله الخومينى ولماذ نفسر تفسيرات لآحاديث بطريقة لم تفسر اطلاقا عند اهل السنة و ندعى و نقول اهل السنة عندهم نفس المبدأ.
البوست سياسى فلماذا نحشر اهل السنة فى الموضوع .
لان بهذا الخلط نحصل على خليط و مزيح بين " سنى و شيعى و ايرانى – نظام و رئيس- و امريكى و اسرائيلى و عربى و اعلام و ابراج و جراشات و ..............
طيب هو كده ينفع ولا انا غلطان ؟

faisal said...

ما تسمعش كلامه يا أمير محمود
كل بلد استسلمت أبادوها..!

شمس العصارى said...

بعيدا عن البوست
اقتباس "
سبحان الله
الحق احق ان يتبع
الراجل ده اتظلم ولو الانسان ما يتفقش الا مع الى يتفق معاه فى الدين و المذهب و التوجه السياسى و السياسات الاقتصادية ميه فى الميه يبقى ده اسمه نفاق " انتهى
طيب الى يشهر و يلفق و يردد اكاذيب و افتراءات على بنى وطنه الشرفاء – الاخوان المسلمين - و يتهمهم بالمتاجرة بالبسطاء رغم انهم طليعة العاملين فى مجال تغيير الوضع الحالى و الوحيدين الذين يملكون رؤية و تنظيم و اهداف يوظفون كل هذا لمصلحة مصر .......... نقول عليه ايه ؟؟؟؟؟؟؟؟؟؟؟؟؟؟؟؟
وحياة الاخوة ده سؤال بس

taima said...

نواره كيفيك يا حبيبتي على البال دايما .. نواره نص الكلام في السياسه والنظام الشمولي وهالكلام ما بفهموا لاني مش مثقفه سياسيا بس بقرا كتير لاحظت معظم المعلقيين مثقفين سياسيا وبيفهموا بتحليل الانظمه الخ طيب انا كانسان بسيط على الفطره سياسيا بفهم انو المقاومه عمود ودرع للامه وانو احمدي نجاد حاليا درع للامه في دعم المقاومه .. ومسلم مسسسسلم .. بيقولوا فيه المثقفين سياسيا كلام ما بقدر الا اتعجب واستغرب منو شو يعني خليج فارسي ونوايا مبيته والخ طيب ما يحتلنا كلنا ليش احنا مناح يعني ولا مسلمين بحق وهو ما عندو هالنيه طبعا والحقيقه ما بعرف احكي بالسياسه كل اللي بفهموا الانسان يا ابيض يا اسود المقاومه وداعمينها على راسنا من فوق لو ما قدرنا نعمل شي بدنا ندعيلهم الله يبارك فيهم وما عدى ذلك هم من اللون التاني مالهاش تالت يا ابيض يا اسود .. بشارك ست الكل نواره النقيه اللي ما غيرت طريقها في يوم لانها ابيض على طول الله يقويكي ويخليكي يا حبيبتي وانا ما بعلق كتير بس بقرا لاتعلم وافهم وبمساعدتك شدي الهمه على طول يا ست البنات وتاج راسنا من فوق

Unknown said...

وروى الإمام أحمد من طريق أبي محيريز قال : قلت لأبي جمعة - رجل من الصحابة - : حَدِّثنا حَدِيثًا سَمعته مِن رسول الله صلى الله عليه وسلم . قال : نعم ، أحدثكم حديثا جيدًا : تَغدينا مع رسول الله صلى الله عليه وسلم ومعنا أبو عبيدة بن الجراح ، فقال : يا رسول الله أحَدٌ خير مِنا ، أسلمنا معك ، وجاهدنا معك ؟ قال : نعم ، قوم يكونون من بعدكم يؤمنون بي ولم يروني

Unknown said...

شمس العصاري

مين شتم الاخوان عندي هنا وانا ما ردتش عليه؟

شمس العصارى said...

http://tahyyes.blogspot.com/2010/04/blog-post_567.html
هههههههههههه
وحياة الاخوة انا بضحك فعلا
اصل حعمل ايه غير الضحك
هههههههههههههههههه
نلتقى بعد الضحك

bang887 said...

قال رب العزة فى سورة الواقعة:
وَالسَّابِقُونَ السَّابِقُونَ{10} ... ثُلَّةٌ مِّنَ الْأَوَّلِينَ{13} وَقَلِيلٌ مِّنَ الْآخِرِينَ{14}

- مرتبة السابقون سيدخلها مؤمنون من الصحابة وأناس ممن هم من المتأخرين وسيكون الاثنان فى مرتبة واحدة اسمها مرتبة "السابقون". وعليه سيكون هناك من هو فى منزلة أبى بكر و عمر.

- إذا نظرنا إلى القليل من مليار وخمسمائة مليون بالتأكيد سيكون أكبر من عدد الصحابة (ثُلَّةٌ مِّنَ الْأَوَّلِينَ).

- والأهم من ذلك "السابقون" ليست مقصورة على الأسبقية فى الدخول فى الدين، بل هم السبّاقون، المبادرون بفعل الخيرات والأعمال العظيمة. فمثلا السابق بصد سلطان جائر أذل المسلمين وفتنهم فى دينهم يعد من السابقين.

أما نغمة أنه لن يكون هناك كأبى بكر وعمر (رضى الله عنهما وأرضاهما)، نغمة تعجيزية لا أدرى ما الهدف من ورائها.

وكلام رب العزة واضح وصريح ولا يحتاج لإفتاء، سيكون هناك أناس من الآخرين فى نفس المرتية مع ثلة الأولين.

( وَالسَّابِقُونَ السَّابِقُونَ{10} أُوْلَئِكَ الْمُقَرَّبُونَ{11} فِي جَنَّاتِ النَّعِيمِ{12} ثُلَّةٌ مِّنَ الْأَوَّلِينَ{13} وَقَلِيلٌ مِّنَ الْآخِرِينَ{14} )

المهم الأفعال الصادقة الخالصة لوجه الله تعالى ، وليس الجعجة و"طق الحنك".

bang887 said...

بالنسبة لما قاله الخمينى، الصحيح أننا نأتى بترجمة أمينة لكلامه من مصدر موثوق.

أما كلام الإعلام -إللى احنا عارفينه- فآدى عينة.

"القرضاوى يشكك فى صحة عدد المسلمين بالعالم". هذا هو العنوان الكبير.

أما نص الخبر، فالقرضاوى قال إن العدد أكبر بكثير من العدد المتداول (مليار ونص).

واضح طبعا الفرق.

لو واحد قرأ العنوان فقط ولم يقرأ نص الخبر، ماذا سيكون اعتقاده؟

Dr90 said...

يا نهار ازرق الموضوع دة ورم كدة لية
دة التوبيك و الكومنتات حصلها تضخم
هيا ايران مضايقة الناس اوي كدة

Unknown said...

Dr90

لا الموضوع ما ورمش

هو ورم بس عشان

الاخ شمس العصاري

عايزني اتعامل مع الاخوان على انهم بعد ربنا على طول، ممنوع حد يعلق على تصرفاتهم خالص حتى لو غلط والا يبقى مفتري ولا يقدر التضحيات

الا انا مش عارفة هي ايه؟ وما تخليناش نفتح بقى

والاخ مسلم

سلفي وجاي يطلع ديني وهي المهمة الاساسية لكل سلفي على وجه البسيطة

عشان كده تلاقي العرايض اللي قدامك دي

شمس العصارى said...

استنى بس
بلاش ضرب المواضيع فى بعضها و تعملى الكوكتيل بتاع كل مرة
انا علقت فى تعليق منفصل و قلت خارج الموضوع و اشتشهدت بكلامك و قارنت بينه و بين كلامك السابق
يبقى ايه دخل ده فى واحد بيسال الموضوع ورم ليه تقومى تقولى علشان شمس العصارى
يعنى سبتى كل الى علقوا و مسكتى فى شمس العصارى الى سبب ورم الموضوع ولا علشان كلام شمس العصارى معجبش
بس لعلمك ده مش كلامى انا بقارن كلامك انتى فى بوستين مختلفين يبقى المفروض تردى على نفسك الاول مش عليا انا
ــــــــــــــــــــ
ثم انا لم اطالبك بان تعاملى الاخوان بعد ربنا
لا يا ستى انتقدى و قولى زى ما انتى عايزة بس الانتقاد لازم يبقى واقعى و منطقى و حقيقى مش مختلق و ملفق
انتقدى بس متقوليش على الاخوان انهم عاوزين يركبوا على اكتاف الغلابة و متقوليش عليهم بيصيعوا و بيهرجوا و بيستعرضوا ..... مش ده كلامك برضه
ولا الانتقاد عندك يشمل كل الالفاظ السابقة بدون وجه حق
طيب ما كتير بينتقدوا الجوقة الايرانية فى مصر بدون شتايم رغم ان انتقادهم واقعى و حقيقى وواضح
ده مثال ....... مش اكتر
و بعدين شوفى شكل التعليقات كانت ازاى فى بوست الهجوم و التشهير بالاخوان
ارجعيلها تانى و شوفيها .... يمكن نسيتى
ـــــــــــــــــــــــــ
و الى بيقول ميعرفش تضحيات الاخوان يبقى مينفعش يقول على نفسه يعرف حاجة عن تاريخ مصر الحقيقى و مينفعش يقول انه متابع احداث مصر و فاهمها و مينفعش يقول على نفسه انه فاهم وضع مصر و ملابساته و تداخلاته
ده لاى حد مش شرط حد معين
لاى حد بيتسائل عن الاخوان
ختاما متبقيش تحملى بوست و موضوع على تعليق بعيد عنه وبلاش خلطة الكوكتيل الى بتدى صورة تشكيلية الكثير لن يستطيع تفسيرها
نلتقى بعد ما نعرف تضحيات الاخوان

Unknown said...

تضحيات ايه يا عم ما تقعد ساكت بقى الواحد ما بيرضاش يشد عليكوا عشان اللي انتوا فيه

عمالين تتلسعوا القفا ورا القفا وقاعدين مبتسمين زي هاني شاكر وتبربشوا وتقولوا لنا حبايب قلبي والله بحبكوا

اتقدمتوا لمحاكمات عسكرية ما تعرفوش تنزلوا نص العدد اللي نزله رفسنجاني؟

ما لما بتعوزوا تنزلوا ناس بتنزلوهم

ده رفسنجاني مجرد حس ان فلوسه متهددة قلب الدنيا وعرض بلده للخطر مع ان نجاد لا خاين ولا عميل ولا حرامي ولا قاعد ابد الابدين زي اللي عندنا

عندكوا فلوس في البنوك والبورصة ومساهمات ما تعرفوش تسحبوها كلها مرة واحدة وتهزوا اقتصاد النظام؟
لازم تقعدوا مبتسمين لحد ما هو اللي يصادرها ويضربها في جيبه؟

بتشتغلوا في حتت فقيرة ما تعرفوش مرة واحدة تقطعوا المساعدات وتسيبوا عليهم الفقرا يقرقشوا عضمهم؟ لازم تقعدوا تصرفوا عليهم وتسدوا لهم العجز بتاعهم في المناطق الفقيرة لحد ما يظبطوا نفسهم وبعدين ينزلوا يلموكوا من العشوائيات وينزلوا السلفيين مكانكوا؟

دي تضحيات؟ انتوا فاهمين التضحيات غلط

عاملين زي اللي بيحب واحدة فيقف في الشارع ويولع في نفسه عشان يثبت لها انه مستعد يموت عشانها

يا اخي ما تتقدم لها هي كانت قالت لا؟ استفادت هي ايه لما انت ولعت في نفسك؟

شمس العصارى said...

هههههههههههههه
هههههههههههه
ما انتى خلوة و خفيفة اهه يانوارة و بتقولى كلام يضحك اهه
ههههههههههههههه
امال ليه بيقولوا مش عارف ايه هههههههههه
اولا بلاش نقارن افعال الاخوان بالافعال الايرانية لرفسنجانى او غيره لان المقارنة هنا لا تصح لان الاخوان مش بيحشدوا نفسهم للدفاع عن مال مسروق او للدفاع عن باطل و كمان علشان ميجيش حد من الاخوة بتوع جوقة ايران و يقول و يزيد على كلامنا الى هو بعيد عنهم تماما ........ متفقين
كلامك يبين بعض يسير من افعال الاخوان حاليا و ده شئ كويس انك عارفة الكلام ده
بس التضحيات مش دى بس و احنا مش فاهمين التضحيات غلط و حنقول اهه للى ميعرفش او بيعرف و بيعمل نفسه مش عارف
المجاهدين العرب فى فلسطين سنة 1984 هما الاخوان وده ثابت ولا شك فيه
الاخوان ساعدوا الثورة فى بدايتها قبل ما ينقلب عبدالناصر عليهم
الاخوان تحملوا اكبر محنتين فى تاريخهم 1954 و بداية الستينيات ولم يفكروا فى الرد على نظام الحكم ساعتها باى شئ غير الصبر رغم انهم تحملوا ضربات موجة جدا جدا الا انهم لم يفكروا فى اعمال انتقامية او تخريبية
عندما اراد السادات مواجهة المد الشيوعى لم يجد امامه الا التيار الاسلامى و فى مقدمته الاخوان المسلمين لتطهير المجتمع من هذا المد
الاخوان و من بداية الثمانينات موجودين بشكل قوى و مؤثر فى مجلس الشعب و النقابات و الجامعات و يثلوا حائط الصد الاول ضد افعال النظام التى تدمر الدولة و فى سبيل ذلك يتحملوا الاعتقالات و مصادرة الاموال و الاقصاء من الوظائف و المناصب و يتحملوا المحاكمات العسكرية الظالمة بثبات و صبر
الاخوان موجودن فى لجان الاغاثة سواء باتحاد الاطباء المصريين او العرب و غيرهما و يسعون دائما الى تقديم العون لاخوانهم المسلمين فى ازمات كثيرة - افغانستان و فلسطين و السودان و البو سنة و غيرهم- .
و بعدين ما هما متقدمين لطلب يدها من زمان بس نعمل ايه فى اقارب العروسة الى بيحاولوا يشوهوا صورتهم و يخوفوا الناس منهم ههههههههههه
كلامك الاخير مدح و ليس زم
اه اخيرا الاخوان احرص الناس على اعضائهم و مش ممكن يحشدوا ملايين فى الشوارع - رغم قدرتهم على ذلك بدون مراء - و يعرضوا اعضائهم لبطش النظام الظالم
لكنهم رغم ذلك يستطيعون تقديم رسائل عبر حشود معينة و منظمة
مثل الوقفات الاحتجاجية فى كل المحافظات فى انتخابات الشعب السابقة سواء للمطالبة بتنفيذ احكام قضاء او الاعتراض على اجراءات الامن الظالمة
او مثل حشود ايام الجمعة فى كل المحافظات خلال السنتين الى فاتوا و الخاصة بالشان الفلسطينة و الغزاوى و يوم المحاكمات العسكرية نظموا وقفة امام مقر المحاكمة ب 5 الاف فرد - لا يستطيع فصيل معارض ان يحشد مثلهم
الخلاصة هما يقدوا يحشدوا ملايين لكن هما بيخافوا و يحافظوا عليهم و مش عاوزين النظام يبطش بيهم و هما عارفين ان باقى المصريين حيقوفوا و يتفرجوا و اخرهم يكتبوا بوست تعاطف مع المعتقلين مثلا .
نوارة مينفعش نقول عليهم بيصيعوا و بيهرجوا و بيستعبطوا و بعدين نقول عليهم بيساعدوا الناس فى المناطق الفقيرة و مش راضيين يسحبوا فلوسهم الى مشغلة ناس كتير سواء منهم او غيرهم
ده قول فى قمة التناقض
نلتقى بدون تناقض

مهندسة كريمة said...

شمس العصارى

أؤيدك فيما ذكرت .و ده فيديو يثبت بعض مما أشرت إليه

http://www.youtube.com/watch?v=4Qy52ES9b0Q&feature=email
و يعلل ليه الحكومة الظالمة حريصة على عدم إذاعة جلسات مجلس الشعب
و بقليل من الموضوعية سوف يدرك أى محايد لماذا يتم تشويه الإخوان تماماً كما تُشوه حماس و حزب الله و من يدعمهم
و بالتالى علينا أن نحرص على ألا ننجر لهذا الظلم , و يكفى إخوانك فخراً أنهم يُعايرون بتضحياتهم
أقولها و عن معايشة يا شمس العصارى : أنتم خير و أفضل من تعاملت معهم فى مصر أو خارج مصر , صدق فى القول و إيثار فى التعامل و صبر على المكاره

محمد صبرى said...

و النبى الموضوع ورم و اتنفخ و اتفرع بغرابة الحقيقة

*اولا انا مش اخوان و لا سلفي-مع كل احترامى للاخوان و للسلفيين- و لا بتاع ,انا حد كده , مفروض انى مسلم , يعنى بحب الاسلام و كتير ببقى مقصر مع نفسي و مع ربنا و شوية صغننة ببقى معقول ,فانا حد زى أغلب الكائنات البشرية فى بلاد المسلمين القرن الواحد و عشرين ,زى مسلم و زى شمس العصارى و زى نواره , كلنا كده يعنى,فبصراحة يا نوراه مش هينفع اقتنع انه انا مثلا و شبهى ملايين المسلمين- و دى مش محتاجة اثبات- افضل من الصحابة المختارين اللى كتير منهم كانت حياتهم اقرب للاساطير من الحقيقة,و كفاية ان لولاهم مكناش بقينا بلاد مسلمة و مش بعيد كان فاتنا دلوقتى بالكامل دلاديل روما فى حربها مع فارس , فمش محتاجة مفسرين يعنى عشان ابقى عارف بيقين انه اولا تفسير الحديث استحالة يحتمل انه آحاد المسلمين فى عصرنا الحالين اللى مشهودلوهم بنص نبوى صريح انهم مفتونين بالدنيا و دا سر انسحاقهم كغثاء السيل افضل من المجاهدين الاول, و معلش يعنى لو مفتى الامة نفسه جه و قالى دا تفسير الحديث هقوله اجرى العب بعيد يالا

انما مع ذلك اعتقد انه المخبتين , رهبان الليل , اسود النهارد اللى ايمانهم ايمان مالى عليهم حياتهم ,اللى فاهمين حقيقة الايمان , لا هما المنزوين فى الزوايا منقطعين للصلاة , هاربين اكتر منهم عابدين , و لا هما المندفعين بغايات مرتبكة مشوشة ما بين السماوى و بين الدنيوى , اللى جواهم روح الصحابة العابدين المجاهدين هما المقصودين بحديث الخيرية دا , و فى حالة هؤلاء استحقوا تكريم استثنائى من هذا النوع لانهم وصلوا للمرحلة الايمانية دى غيبا , بدون وجود النبى بينهم , و افتكر انه امثال هؤلاء موجودين , و ان كانوا قلائل , و لو مكانوش قلة مكناش وصلنا للى وصلناله دلوقتى من زل و مهانة


بالنسبة للمقولة المنسوبة للخمينى , فأولا اغلبنا مش على ثقة اساسا من صحة نسبتها اليه , و على فرض انه المقولة ليه فالخمينى متهم فى منتديات اهل السنة بانه صاحب نزعة قومية فارسية و ان قومية الفرس عنده اغلى من هوية الاسلام, فإن كانت المقولة عن جيل الثورة دافعها نزعة من هذا النوع تبقى جاهلية مقيتة و مقولة مرفوضة , و ان كانت جملته فى حق جيل التمكين المسلم فى ايران مبنية على قناعة و اعتقاد فى جيل التمكين الايرانى المسلم اللى انتصر بقوة ايمانه , فأفتكر انه ممكن تفهمها , و بما اننا لم تتح لينا الفرصة ندخل فى سريرته فمش شايف جدوى الحقيقة فى تمحيص مقولة من النوع دا ,و افتكر دى بقى اللى يحكم فيها ربنا سبحانة و تعالى المطلع على السرائر

*ملحوظة , قد تكون هناك مواقف للخمينى مثبتة و موثقة نرفضها كلنا ذات طبيعة عنصرية أو مذهبية, دا وارد و محتمل يعنى


انما السؤال هنا بقى , هو ايه علاقة كل دا بتحديدنا لطبيعة موقفنا من شخص نجاد , و من ايران .لو كنا بندور على حد بينا و بينه توافق تام عشان نتحالف معاه نبقى اغبيا لانه مفيش اتنين اساسا بينهم توافق تام .. كتير مننا المسلميين السنة متسامحين جدا مع القوميين العرب , لدرجة انه الناشطين الاسلاميين السنة كونوا تفاهمات مع كتير من القوميين و ليهم اجتماعات دورية بينظمها كيان واحد بيجمع القوميين بالاسلاميين, طب هى القومية الفارسية كخة و عصبية بغيضة ,و القومية العربية اشطا و فلة شمعة منورة ؟؟؟

فيه فرق جوهرى بين انك تكون صاحب هوية مستقلة ليها سماتها المميزة اللى تحطلك الاطر اللى من خلالها تنظم تعاملاتك مع غيرك , و بين انك تكون مهووس بتميزك اللى عايز تبرزه و تأكد عليه كل لحظة فتتعمى عن نقاط التقاءك بالآخرين و بالتالى تنشل تعاملاتك مع الكل

محمد صبرى said...

ايران دولة فارسية عندها رغبة فى احياء مجد القومية الفارسية , طب و على فرض ما احنا برضو عندنا نزعات عربية و كلنا عارفين انه القومية العربية عزة و مناعة قوية , ايران دولة شيعية المذهب عندها رغبة فى نشر المذهب , طب و ايه المشكلة ما انا عندى نفس الرغبة و التطلع فى نشر التسنن فى ايران, السلطة الإيرانية بتحافظ ع النظام و بتاخد مواقف من محاولات العبث بالطريقة المثلى للحياة زى ما النظام متصورها , و مفيش دولة فى العالم مبتتصرفش كده

ها لسه فيه سلبيات تانية؟

طيب هنقول بقى انه ايران ذات الأفكار المذهبية , عندها ثوابت اسلامية زى كون فلسطين من ارض الاسلام و من حق اهلها العرب , و لا هننسى دا , هنقول انه نظام ايران اللى فيه بعض من مظاهر الحكم الشمولى بيتمتع بشعبية حقيقة في الشارع فعلا و انه نظام مؤسسات و لا هنجادل فى دا


خلينا نقول اننا كعرب طبيعى موحدين ضد الاطماع الفارسية و فاكرين الاهواز و مش ناسيينها , خلينا نقول اننا كسنة عندنا ثقة فى منهجنا الفكرى و هنواجه الفكر بالفكر و هنسعى انه يبقى عندنا جهات علمية مستنيرة لها منابر اعلامية قوية و مسموعة الصوت و قادرة انها تحمى مناطق السنة من الغزو الشيعى و لو ساعدت الظروف هنقنع احنا الشيعة بالتسنن ,و هنواجه كل اهانة او اعتداء على رموز السنة بتصرفات حاسمة و محسوبة و هنسعى ورا حقوق السنة اللى اتظلموا على خلفية كونهم سنة بتحريض او دعم من ايران و هنحقق فى كل شكوى من النوع دا , خلينا نقول كمؤمنين بحقوق الانسان اننا موحدين ضد انتهاك حقوق البشر فى التعبير عن وجهات نظرهم و كلنا فى مواجهة التعامل بلا انسانية مع اللى بيمارسوا حقهم الطبيعى فى التعبير عن آراءهم فى ايران أو فى غيرها


ها خلاص اتفقنا اننا موحدين ضد كل شرور ايران؟

طيب ينفع بعد اذنكم نتفق كمان اننا موحدين فى مساندة إيران جيراننا التاريخيين ضد عدونا و عدوها المشترك الدخلاء المحتلين اسرائيل و حلفاء اسرائيل
,ممكن نتفق اننا موحدين فى دعم حقوق ايران الدولية فى مجالات الطاقة و غيره ,ممكن بعد اذنكم نتفق اننا موحدين لرد مظالم الشيعة اللى اتظلموا بس على خلفية كونهم شيعة, و هندور على حقوقهم عندنا بنفس حماستنا فى البحث عن حقوقنا عندهم