Monday 31 May 2010

عاجل: 3 شهداء وجرحى اثر هجوم الصهاينة على اسطول الحرية

تحديث:
اظن مش محتاجين تحديث، عشرين قتيل منهم خمستاشر تركي وماحدش بيعمل حاجة غير التنديد والشجب واسرائيل بتقول ضربني بوشه على ايدي يا سعادة البيه دول ضربوا جنودنا، فيه استدعاء للسفراء
بس طبعا مش هنا في مصر.. احنا مالنا؟
حسبي الله ونعم الوكيل فيك يا مبارك... حسبي الله ونعم الوكيل فيك يا مبارك
تحديث: 7:59
هاآرتس بتقول القتلى بين النشطاء عشرة
انا مش صعبان عليا غير الفلسطينيين، عمالين يقولوا كلام يقطع القلب: المرة دي بقى ما قتلوش فلسطينيين دول قتلوا جنسيات تانية، واكيد بقى الجنسيات التانية مش حتسكت
لا حول ولا قوة الا بالله
تحديث 7:34
التلفزيون الاسرائيلي بيقول انهم قتلوا عشرة، هم اصدق 
تحديث: 7:31
الخبر جبته من التويتر، احد الشهداء اسمه  نواف الكهوجي من البحرين ودي صورته


تحديث: 6:56
خبر الاتنين اللي اتقتلوا غالبا صحيح، مافيش حد جايب سيرة غيرة القناة التركية وقناة الجزيرة بتنقل عن التركية وقناة السي ان ان حاطاه على شريط الاخبار وهاآرتس بتقول عليها "اشتباكات" وبتقول ان الجيش حذرهم وهم ما سمعوش الكلام
وبالمرة بقى شوفوا مبارك بيعمل ايه في الناس عشان تعرفوا هم صحابه وبيدعوا له بالصحة وطولة العمر ليه؟
تحديث:6:20
القناة التركية العربي بتقول اتنين قتلى وخمسين جريح
عباس ناصر كان بيتكلم وفجأة اختفى
ما كنتش متوقعة كده ابدا، انا فعلا اتصدمت
------------
الساعة 5:52 دقيقة صباحا ولسه جاي لي الخبر على رسالة من ايمان بدوي
اديني قاعدة قدام الجزيرة وحاشوف الاخبار 

32 comments:

Dr90 said...

http://www.livestream.com/insaniyardim
الخبر اتأكد من هنا

محمد صبرى said...

نعم .. شهدا

تركيا اتأخرت اوى .. اتأخرت اوى فى التدخل ,, تركيا لو مضربتش اسرائيل حالا يبقى الواحد يقوم يولع فى نفسه

هتخلونا نفقد الثقة فى كل حاجة .. دا انا كنت بموت فى اردوغان ..فين الكرامة التركية؟؟؟

الناس دى كلها ,, و انا و غيرى كنا واثقين ثقة كاملة انه تركيا مش هتسمح بده

اللى بيحصل دا مهزلة و لعب عيال و غباء

لو تركيا متدخلش تبقى مصداقية محور دول المقاومة شبه ساقطة

الله يلعن ابو الدنيا اللى هتنقلنا من يأس ليأس

محمد صبرى said...

حماس بتقول ندين و نشجب

حماس بتقول هيجى يوم الحساب و يتقدم مجرى اسرائيل لمحكمة الجنايات الدولية !!

اردوغان و جول فى اجتماع للتشاور!!

اللى بيتقال انه تركيا بتستدعى السفير الاسرائيلى على وجه السرعة .. سفير .. تحرك دبلومانسي .. حد يفهمنى يا عالم ايه القذاااااااااااااااااااااارة اللى بتحصل دى


طب تركيا و مبتضربش اسرائيل

و حماس فين رد فعلها فى حموتها .. فين الصواريخ؟؟


الدول العربية و فتح هتتمسخر بحماس و تركيا لو متحركوش


الوضع قذر جدا

و فيش عندى حاجة اقولها بمنتهى المرارة غير


تسقط حماس .. تسقط تركيا

تسقط كل الظواهر الصوتية

محمد صبرى said...

الملا عمر الراجل المتطرف بتاع كسر تماثيل بوذا

لما اتقاله سلم بن لادن و الا ابدناك .. قال انا مبسلمش رجل ضيف على بلدى و ساندها فى جهادها ضد اعدائها , استحالة اسلمه و لو قتلت ,, عندكوا شيء ضده قدموه و احنا نكاحمه فى افغانستان اما تسليمه فلا

و الله رااااااااجل فى زمن عزت فيه الرجولة ,, و الله عزت الرجولة

Anonymous said...

Flotilla live stream to Gaza
http://www.livestation.com/channels/43-al_jazeera_arabic

محمد صبرى said...

فين امان تركيا لضيوفها

فين وعودها بالحماية .. فيييييييين


ازاى تُسلمهم و تسيبهم يواجهوا مصيرهم ازاى

ازاااااااااااااااااى

محمد صبرى said...

انا مش مصدق نفسي انه انا بتكلم عن اردوغان .. دا و لا كاننا سنة 67 و عبد الناصر بيبعت الجيش ع الحدود و ميبدأش الحرب بناء على تعدهات من لا عهد لهم , امريكا.. نفس الاخطاء هنعملها مليون مرة .. مليون مرة .. كل مرة مفيش حساب للاحتمالات المختلفة ,, و كلها تصرفات عشوائية غير محسوبة

و الناس ع الجزيرة لاول مرة مجمعين على الكلام بطريقة فى منتهى الاستفزاز, كلهم من المقاومة بيتكلموا عن ان المجتمع الدولى عليه انه يحدد الى اى جانب هو


كل دا و كنا لسه معرفناش ,لسه معرفناش الى اى جانب؟؟


لســــــــــــه؟
لســـــــــــــــــــــــــــه؟

Anonymous said...

مافيش حاجة غريبة على اسرائيل همجية صهيونية حرب غزة العام 2009
تشهد لوقاحتهم مدرسة الانيروا
والفسفور الابيض

هاذي هي مدنين وناس عزل بيهددها حسن نصر الله بتروح تضرب غزة
قبل ثلاث ايام والسبب بسيط حماس مشغولة في اعاشه وحماية سكان غزة
فان وقفت حماس قالوا اين حماس من العدوا وان اطلقت حماس الصورايخ على الصهاينه والمستعمارت هي وباقي المقاومه .قالوا هاذا تصرف همجي وغير محسوب وتغامر بسكان غزة.

كما ان غزة محاصره جوا وبحرا وبرا لا دعم عسكري ولا انساني.

محمد صبرى said...

وصلت لمقتل 10 ع الاقل

الاجتماع فى تركيا لسه شغال؟

هأو هأو هأو

محمد صبرى said...

يا سلام ع الحلاوة

المعسكر التانى بقى دمه حامى .. و بدا السيناريو يتضح و التنسيق بينه و بين الاسرائيلى يبان, فقد جاء ايها الاخوة الاكارم على لسان مسئولين فى السلطة انه على حماس التوقيع الفورى على الورقة المصرية و انهاء الانقسام , لان الفلسطينى يتحمل جزء من المسئولية فى مثل هذه الظروف اذا لم يتحمل مسئولياته

و النبى التجارة بالدم بقت شيء جمييل جدااا

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

محمد صبرى said...

على قناة تركيا العربية دلوقتى

برنامج الكاميرا الخفية

و المصحف دا فعلا انسب برنامج يعرضوه دلوقتى .. حقيقى جدااااا

بيتهيالى دا الاعادة .. عشان البث المباشر للكاميرا الخفية كان على سفن الحرية

محمد صبرى said...

بذمتك انتى مقتنعة انه الجنسيات التانية مش هتسكت؟؟

اسرائل تتحكم بالعالم .. مش عايز اقول اسرائيل تحكم العالم

و لو كنتى تابعتى الحلقة على الجزيرة امبارح عن السجين اللبنانى جورج ابراهيم عبد الله المستمر سجنه بدون وجه حق 11 سنة

لو كنتى سمعتى العجب العجاب فى تصريحات وزير الخارجية الفرنسى ابان الحكم على جورج , كنتى عرفتى انه الجنسيات التانية هتسكت


بقولك ايه يا نوراه , هو كان حصل ايه لما اتدهست راشيل كورى؟؟؟؟؟؟؟؟؟؟؟؟

أحمد عتمان - Ahmed Etman said...

هو ايه اللي اسرائيل بتعمله ده؟
اتجننوا دول و لا ايه؟
الأسطول فيه دبلوماسيين كتير و انا هنا باقتبس من مقال أ. فهمي هويدي
"من الركاب أيضا 44 شخصية رسمية وبرلمانية وسياسية أوروبية وعربية، ومن الأخيرين عشرة نواب جزائريين. ومن الشخصيات البارزة التي انضمت إلى الحملة عضوا البرلمان الإيرلندي كريس أندرو وإينجوس أوسنديغ، وعضو البرلمان الأوروبي كرياكوس تريانتافيدليز، والزعيم السياسي البلغاري كيراك تسونوف، والنائب السابق في مجلس الشيوخ الإيطالي فيرناردو روسي، ورئيسة حزب المصلحة العامة في إيطاليا مونا ببيي، والسياسي النرويجي المعروف إيرلج فولكفورد، والكولونيل الأمريكية السابقة آن رايت المعروفة بمعارضتها للحرب على العراق، وعدد من النواب الأوروبيين والأتراك"

مش معقول الدول دي حتتهاون مع إسرائيل لو اتعاملت بالشكل ده مع دبلوماسييها
دول فضحوا نفسهم فضيحة المطهر يوم طلوعه على المعاش
يعني كان حيحصل ايه لو خلت الأسطول يدخل؟ كانوا حيوزعوا المساعدات و يلقوا كام كلمة و يعملوا احتفالية و بيتك بيتك و لا يزال الحصار مستمراً و خلاص، إنما كده إسرائيل عملت لنفسها دعاية مضادة أكبر بكتير من اللي كانت حتحعملها دعاية الناشطين دول
هم أخدوا القرار ده إزاي؟ هم ربنا سلط عليهم غبائهم؟؟ طب أحسن، ربنا يزيدهم غباء على غباء

و بالنسبة للأخ محمد صبري، شوية شوية يا أخ محمد، الموضوع كله بقاله ساعات معدودة و أي تحرك محتاجله شوية وقت، خلينا نشوف خلال اليوم ايه اللي حيحصل، انت يعني عايز تركيا تبقى موجهة صواريخها ناحية إسرائيل و أول ما الأسطول ينضرب تركيا هوووب تضرب؟ و لا يعني كتائب القسام واقفين على الحدود و خلاص مستنين الاشارة و هجووووم؟؟
خلى الأمور تختمر و معتقدش إن رد فعل تركيا حيكون بسيط، ببساطة لأن أردوغان ده رئيس منتخب من شعبه و بالتالي أولويته الأولى هي شعبه
أما حماس فمن الظلم في الظروف اللي هم فيها دي اننا نستني منهم رد فعل فوري و عنيف، الرحمة حلوة و خلي عندنا نظر، و مش حنيجي دلوقتي و نحكم على حماس اذا كانوا مقاومين شرفاء و مجاهدين و لا لأ، و هم بقالهم عقود بيجاهدوا و مش مستنيين مننا احنا نشهدلهم بده

عموماً حنشوف ايه اللي حيحصل، بس الأكيد ان صورة إسرائيل العالمية حتزداد سوء بكتير قوي و ده شيء مهم جداً

محمد صبرى said...

التليفزيون الاسرائيلي يعلن انه العدد اصبح 16

يعنى افهم من كده ايه ,انه اسرائيل بتقتل كل شوية مجموعة و بتبلغنا مشكورة؟؟

الخارجية التركية تطلب توضيحا , و النعمة بتطلب توضيحا من اسرائيل

اخر تصريح للخارجية التركية .. الهجوم على السفن غير مقبول


مسئوليين جزائرين بقى بيقولوا انه الناس الجزائريين خرجوا و هما عارفين انهم دا محتمل و وارد و كانوا بيتمنوا انهم يقدموا انفسهم شهداء

المصيبة بقى , المصيبة بقى .. انه المسئول الجزائرى رد فعله هادى جدا و بيقولك احنا نفخر اننا نقدم شهداء الجزائر من اجل غزة

مش لما نكون بنحارب نبقى نفخر يا عااااااااااااالم ... دوووووووووووووول بيندبحواااااااا ,,, ليهم كل الكرامة و الشرف الشهداء , انما كل المسئولين ليهم فقط العار و الذل و المهانة


اجتماع فى تركيا .. اجتماع فى غزة .. اجتماع داخل الخط الاخضر .. اجتماع فى الجزائر , و بعد كده نحدد معاد قمة مثلا و لا ايه؟؟؟؟؟؟

محمد صبرى said...

اصابة البطل البطل البطل رائد صلاح باصابات خطيرة .. دى آخر الانباء

حسبي الله و نعم الوكيل.. حسبي الله .. حسبي الله .. قتله تخاذل المتخاذلين .. قتله تخاذل المتخاذلين .. قتله تخاذل المتخاذلين

Unknown said...

نركيا تطرد السفير الاسرائيلي
وكل من السويد و اليونان يستدعون السفير الاسرائيلي
انا عايز اهاجر صراحة /:@

مطلق said...

وصلوا 16 يا نواره و 50 مصاب

و طبعا احنا حنشجب و نستنكر و ندد

Dreams said...

20 شهيد ومنهم 15 تركى

الميكروباص said...

ده شيء متوقع
أنت ذاهب بأسطول لكي تدخل المياه الاقليميه لدولة احتلال- ماذا تنتظر ان تفعل بك؟
هل تقول لك اهلا وسهلا؟
إذا كانوا هم يعيشون في أرض ليست أرضهم- فكيف ننتظر منهم شيء غير هذا؟

خلاصة الكلام

لن يحدث أي شيء
واسرائيل إن لم تكن متأكده ان امريكا تقف معها ولن تجعلها تتعرض لأي سوء لما فعلت ما فعلت
وتركيا لن تفعل لها شيء لأن تركيا تريد ان تدخل الاتحاد الاوربي الذي هو هدفها الاول والاخير في الحياه واليهود في اوربا لن يتركوها بسهوله إن فعلت لهم أي شيء
تركيا لن تضحي بعلاقتها مع اليهود من اجل العرب
ولن يفعل أي احد أي شيء
واليهود سيبقون فوق القانون إلى الأبد
والعرب لن يفعلوا أي شيء سوى الهجوم على مصر ولن يقدموا شيئا لصالح القضيه الفلسطينيه
وسيبقى الوضع على ما هو عليه إلى ما شاء الله
ولن تتحرر القدس إلا عن طريق المصريين في النهايه

مواطن مصري said...

بيقولك اعتقلو الدكتور البلتاجي


على شواطء غزة

يا ريت نعمل لشهداء اسطول الحرية لوحة شرف زي ما عملنا في مدونة غزة نعمل مدونة اسمها اسطول الحرية

lastcrazyboys said...

:"اهـــداء إلى " محـــمد صــبري

قلت لكم مرارا

إن الطوابير التي تمر
...
في استعراض عيد الفطر و الجلاء
فتهتف النساء في النوافذ انبهارا(لا تصنع انتصارا.
إن المدافع التي تصطف على الحدود، في الصحارى

لا تطلق النيران .. الا حين تستدير للوراء
إن الرصاصة التي ندفع فيها .. ثمن الكسرة و الدواء
لا تقتل الأعداء
لكنها تقتلنا .. إذا رفعنا صوتنا جهارا
تقتلنا ، وتقتل الصغارا

مواطن مصري said...

رغم قصف أسطول الحرية ..قطر تستقبل وزير صناعة إسرائيل
http://www.youm7.com/News.asp?NewsID=234448

lastcrazyboys said...

لا لا لا

رئيس الاركــان بيقولك الناس دي كان معاهم اسلحة ..واحنا ردينا الرد الأمثـــل

وبالرجوع إلى ارشيفــه تبين انه كان طفــلا مميزا كما يتضح من الفيديو

الطفولة الأليمــة لرئيس الاركـان الاسرائيلي

طنطـــا واى said...

عشرين قتيل منهم خمستاشر تركي وماحدش بيعمل حاجة

حسبي الله ونعم الوكيل فيك يا مبارك

???????

لا مؤاخذة أحة

قولى حسبى الله ونعم الوكيل فيك يا مبارك اوغلو افندم

طنطـــا واى said...

طيب فى الجزيرة الساعة 11 الصبح هنية استنجد بزعيم العرب امير قطر

يبقى حسبى الله ونعم الوكيل فيك يا أمير مبارك
والزمالك خرج من الكاس يبقى حسبى الله ونعم الوكيل فيك يا مبارك البدرى
ونوارة مهيسة ومش مركزة
يبقى حسبى الله ونعم الوكيل فيك يا مبارك نجم

طنطـــا واى said...

يا عم مواطن مصرى سيبك من الكلام دة ... اصل نوارة بتاعت طبل وزمر زى الجزيرة

312asdf said...

آآآآآآآآآآآآآآآآآآآآآآآآآآآآآآآآآآههههههههههههههههههههههههههههههههههههههههههههههههههههههههههههههههههههههههه

آآآه من عجز كألف خنجر يغرز في قلبي
آآآه من خزي و عار سود وجهي
آآآه من ذلي و ضياع شرفي
أأشعل نارا في جسدي علها تطفأ نارا كنار ابراهيم في قلبي
جعلها الباري بردا و سلاما فأين أجد بردي
أأسئل الله السلامة و هل يستجيب العظيم لمثلي
سأظل في ناري و عاري حتى أغير نفسي
و لا أبقي على شيء من دنياكم و أخرج حاملا سيفي
وقتها فقط سأهدأ و ينتهي همي
بنصر أو شهادة أحتج بها عند ربي

نعيب زماننا

محمد صبرى said...

DomDam أستاذ

من فضلك متسفهش من غضب الغاضبين بالشكل دا ..مفروض يبقى غنى عن التوضيح إنى أقول انه ما أرفضه فى الموقف اللى بيواجهنا النهارده هو التصرفات غير المحسوبة , و أبدا مش بدعو أنا لانفعالات عنترية غير متزنة ,,اللى بتفترضه فيم وراء انفعالى من رغبة فى التصرف بعشوائية دا ظلم و قلب للحقائق

*مبدئيا اللى بيحصل دا مبدأش النهارده , اللى بيحصل دا بدأ من وقت ما أعلن الناشطين من كل العالم انهم قرروا انهاء حصار غزة بالقوة , و بأكد عليها تانى بالقوة ,لأنهم قرروا كسر الحصار اللى اسرائيل بتعتبره سياسة استراتيجية تجاه القطاع , من خلال التواصل المباشر مع القطاع من غير الخضوع لأى طرف من أطراف الحصار, قرروا انه دا يتم تحت الرعاية التركية ,و تركيا رحبت و الاكتر من كده انه تركيا وعدت لما اسرائيل توعدت , و فى المرحلة دى و من قبل ما السفن حتى تتحرك , الموضوع بقى مصداقية دول , و اختبار إرادات , و معروف و متعارف عليه انه السياسي يموت فى اليوم اللى تسقط فيه مصداقيته


السفن اللى فيها شخصيات عالمية تحت العلم التركى برعاية الدولة التركية اللى فى لحظة تجلى أعلنت من أيام انها هتحمى الأسطول من اى اعتداء باستخدام كل الوسائل كان مفروض يتأمنلها قوة تركية تتابع تحركاتها و لو من على بعد , يعنى يبقى وجودها محسوس رادع قادر على التدخل السريع فى عمليات محدودة ع الأقل لتأمين عودةالسفن فى حالة تنفيذ اسرائيل لتوعداتها اللى عمرها ما أخلفتها, جنب التأمين العسكرى كان لازم تستخدم تركيا وزنها السياسي و تحشده من قبل الهنا بسنة , و تروج لنفسها كضحية زى ما اسرائيل دايما بتعمل, و دا درس علمتهولنا اسرائيل مليون مرة قبل كده و مفيش فايدة

لو سألتنى أنا عن وجهة نظرى الشخصية , أقولك أنا لو مكان تركيا كنت أقدم الدعم للاسطول و ادعمه دبلوماسيا , لكن اقول للناس بصراحة انه الظروف الراهنة متساعدنيش انى اضمن حماية للضيوف من كل العالم , و عليهم انهم يتحركوا على مسئولياتهم الشخصية , و انها تركيا هتوفرلهم بس دعم دبلوماسي كامل , دا اللى المفروض كان يتعمل مادام تركيا غير مستعدة انها تخوض حرب مدمرة مع اسرائيل , و اردوغان مش مستعد يضحى بالأهداف النزيهة الغير مختلف عليها لمستقبل المنطقة , عشان لحظة آنية غير محسوبة المخاطر, التصرف بالشكل دا كان ممكن تفهمه , و الدفاع عنه حتى


اللى بيحصل النهارده هو اللى حصاد سلسلة من التصريحات و التحركات غير المحسوبة , اللى رصدتها اسرائيل بمنتهى الدقة و ادركت خواءها , و عرفت من خلال التحركات على أرض الواقع أنها مجرد جعجعة من غير اى أساس واقعى , و ده اللى جرأها انها تعمل اللى عملته بناء على دراسة محسوبة لموازين القوى على الأرض و فى البحر


كان قدام تركيا ألف اختيار فى كل مراحل الحركة ,غير انها تراهن على ان التهديدات غير المدعومة بالأفعال ممكن تكون ضمن حسابات اسرائيل , النهارده و بعد تحرك اسرائيل و تنفيذها لوعيدها انتهت مرحلة الاختيارت بالنسبة لتركيا و اللى كانت تحتمل اكتر من اختيار فى كل مرحلة من مراحل الحركة , النهارده و خلال العملية العسكرية الاسرائيلية لذبح النشطاء الأتراك كان مفروض فرض على اى دولة ذات سياده و بالخصوص اذا كانت دولة اختارت انها تتحمل أعباء منظومة فكرية كاملة للصمود و المقاومة انها تتحرك عسكريا و آنيا و لو بشكل محدود و خاطف و مركز و مفاجىء , دا مش اختيار .. دا مش اختيار . .دى حتمية و ضرورة


عبد الناصر مكنش مفروض يبعت الجيش على حدود اسرائيل مادام مش هيحارب .. و لما انضرب كان لازم يتصرف بشكل محسوب ..دا درس التاريخ .. و محدش اتعلمه و اللى بشوفه لغاية دلوقتى سواء بالصمت او بالتحرك من خلال منظومة العمل الدولة الداعم لاسرائيل أو من خلال العمل الدبلوماسي فى غير وقته و محله .. هو مجرد انسحاب عشوائى آخر

محمد صبرى said...

بالنسبة لحماس انا مش بشكك فيهم , لكن انا كان تصورى انه الناس اللى اختارت تدعمهم بالدم لازم تبقى مناصرتهم كمان بالدم .. و بعدين انا كنت اتصور بصراحة كده انه حماس كانت مفروض تبادر قبل ما تبرد القضية و ساعتها كان ممكن دا يورط تركيا فى المعركة .. و بقولها تانى اتصور انه حماس كان لازم تفرض على تركيا اللى بدأت تحسبها بعد انتهاء وقت الحسابات التدخل لنصرة كرامتها و مصداقيتها و مواطنيها قبل حتى نصرة حماس

مدرك انه حماس محاصرة و السلاح شحيح و كنت اتمنى استخدام المتوفر مهما كان قليل فى محاولة لتحريك الاوضاع فى المنطقة .. انما على فرض انه حماس ارتأت انه التحرك العسكرى غير مناسب , و هى غير قادرة عليه , كان عليها ع الاقل انها تترفع عن استخدام مصطلحات النظام العرب من شجب و ادانة و استجداء للنظام الدولى


*بالنسبة للضرر اللى لحق بصورة اسرائيل . أحب اسأل حضرتك عن صورة اسرائيل فى دير ياسين و فى بحر البقر , و فى سحق عظام الاسرى المصريين , و فى مذبحة قانا الاولى و الثانية , فى مذبحة غزة 2008 , 2009

كانت فين صورة اسرائيل فى عمليات اغتيال علماء مصر , فين صورة اسرائيل فى عملية اغتيال المبحوح الدولية

يا سيدى الفاضل انا هقول بقى على السر اللى محدش عارفه .. اسرائيل ملهااااااااااش صورة .. ملهاااااااااااش صورة ... الشيطان ملوش صورة يا عزيزى

محمد صبرى said...

lastcrazyboys

للأسف عندك حق ..معلش انا اللى غلطان و كان لازم اعرف من زمان انه دى الحقيقة المرة

شمس العصارى said...

انا مش فاهم المعلقين بيتكلموا ازاى
ايه الكلام ده
ثم
هو فى كلام يتقال

محمد صبرى said...

جاء فى البيان الرئاسي لمجلس الامن

ان المجلس يدين الأعمال التى أدت لوقوع قتلى فى صفوف الناشطين على اسطول الحرية

و يمتنع عن الدعوة لتحقيق دولى فيما حدث ,و يجعل مهمة التحقيق النزيه الذى يتحدد على اساسه المسئولين عن الفاجئة مهمة منوطة بدولة اسرائيل

.........


هههههههههههههههه

يعنى مجلس الأمن قام بإدانة الضحايا انفسهم , و وكل مهمة التحقيق لاسرائيل ..و النبى و النبى اى حد بيتكلم عن امكانية تحقيق عدالة و لو نسبية من خلال المؤسسات الدولية يرحمنا بقى .. عشان الكيل طفح

و الناس اللى بتتكلم عن صورة اسرائيل ترحمنا , لانه صناع القرار فى العالم و المسيطيرين على صناعة الميديا و السلاح و بناه الاستراتيجيات الدولية هم صهاينة بلا جدال