Wednesday, 12 May 2010

القاب العام

لحد دلوقت لم يتفوق على بهيج الشرير ومواطن مصري حد في اطلاق الالقاب
اطلق بهيج الشرير على عوكل: ابو التعالب ملك الفياجرا وقاهر الهكسوس
اطلق مواطن مصري على ابو الغيط: برنس الليالي
ههههههههههه بصراحة برنس الليالي دي جامدة جدا ولايقة موت على ابو الغيط انا متخيلاه بالبدلة اللميع والساعة اللي قد ساعة الحيطة والانسيال الدهب التخين
بوركت يا مواطن
انا شايفة ان دول احسن لقبين لـ2009/2010
ونحن في انتظار ابداعات اخرى وما تقولوهاش عند حد غيري عشان اغلب الناس مش بتراعي حقوق الملكية الفكرية المعنوية
انا ماليش في المادية
بس باقول اسم صاحب الابداع عشان نرد الفضل لاصحابه، اتفضل معك المجال زي ما بيقول فيصل القاسم وما تخافش.. عندي انا ما حدش حيبرشط على ابداعك

6 comments:

MR.PRESIDENT said...

وانا من المنبر ده احب اقول شوية اسماء بدون اصحاب :
ضبعايه
تهته
منفوش
بعلص
برحميش
جلاوي

بس احب افكر بدون زعل مني :

قال تعالي
(( وَلا تَنَابَزُوا بِالألْقَابِ بِئْسَ الاسْمُ الْفُسُوقُ بَعْدَ الإيمَانِ ))

MR.PRESIDENT said...

وانا من المنبر ده احب اقول شوية اسماء بدون اصحاب :
ضبعايه
تهته
منفوش
بعلص
برحميش
جلاوي

بس احب افكر بدون زعل مني :

قال تعالي
(( وَلا تَنَابَزُوا بِالألْقَابِ بِئْسَ الاسْمُ الْفُسُوقُ بَعْدَ الإيمَانِ ))

Blue said...

MR.PRESIDENT
هو دلوقت اللى يقول كلام ربنا ...
يخاف يقولة عشان محدش يزعل منه !!!
كلام ربنا دلوقت بقا بيزعل الناس
و خايفين نقوله !!!

و الله عجايب

فى اخ اسمة احمد بيعلق و بيوقع ب
نعيب زماننا ........ أول مرة احس فى حياتى بقيمة الكلمة دى انهارده
فعلا العيب فينا
حقا نحن فى زمن المسخ

اتق الله يااخ مستر
اتق الله يا نوارة

اللهم اجعلنا من المتقين
اللهم لا تؤاخذنا بما فعل السفهاء منا

hesham.laboudy said...

بعد إذنك يا نوارة
الأستاذ هويدي ذكر هذا المقطع في مقالته الأسبوعية
فهل يا ترى ممكن نلاقي الكلام ده فيديو؟

"في هذا الصدد لا أحد ينسى تلك الواقعة المشينة التي ذكرها أمير أورن المعلق العسكري لصحيفة «هاآرتس» في تقرير أرسله من بروكسل ونشرته الطبعة العبرية للجريدة في 2008/12/2، وذكر فيها ان وزير خارجية لوكسمبرج طلب من وزيرة الخارجية الاسرائيلية (وقتذاك) تسيبي ليفني بعد كلمة ألقتها أمام وزارة خارجية حلف الناتو برفع حصار غزة، وفتح المعابر الحدودية لأن الأوضاع الإنسانية في القطاع بالغة الصعوبة، فما كان من السيدة ليفني إلا أن طلبت من وزير الخارجية المصري أحمد أبوالغيط ان يشرح للوزراء لماذا ينبغي ان يستمر معبر رفح مغلقا،
وكانت المفاجأة ان الرجل أيد موقفها، وقال ان المعبر يجب أن يغلق «لدواع قانونية»، مشيرا الى ان ذلك ما تفرضه اتفاقية المعابر الموقعة في عام 2005 بين السلطة الفلسطينية واسرائيل والاتحاد الأوروبى. المخجل (لاحظ أننا غارقون في الخجل طوال الوقت) ان مراسل الصحيفة أمير أورن ذكر أنه بينما قال أبوالغيط هذا الكلام، فإن ممثل الخضر في الاتحاد الأوروبي داني كوين بنديت (يهودي) هو الذي ندد في الاجتماع بسياسة القمع الإسرائيلية ضد الأطفال الفلسطينيين"

aatkco said...

الكومنت دا ملوش علاقة بالبوست لكن انتى فهمتينى غلط فى تويتر , انا قلت ان فولو لجبهة انقاذ مصر لما قلتى ان كلامهم اى كلام

ehabafndy said...

طبعا بالنسبة ليا أحمد عز له معزه خاصة جدا و دايما لما بشوفه بفتكر إستيفن روستى فى زكى بشكها

http://www.youtube.com/watch?v=4cF2F399mXA